| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
2. பபதிதஸுத்தவண்ணனா
2. Papatitasuttavaṇṇanā
2. து³தியே பபதிதோதி பதிதோ சுதோ. அப்பபதிதோதி அபதிதோ பதிட்டி²தோ. தத்த² லோகியமஹாஜனோ பதிதோயேவ நாம, ஸோதாபன்னாத³யோ கிலேஸுப்பத்திக்க²ணே பதிதா நாம, கீ²ணாஸவோ ஏகந்தபதிட்டி²தோ நாம.
2. Dutiye papatitoti patito cuto. Appapatitoti apatito patiṭṭhito. Tattha lokiyamahājano patitoyeva nāma, sotāpannādayo kilesuppattikkhaṇe patitā nāma, khīṇāsavo ekantapatiṭṭhito nāma.
சுதா பதந்தீதி யே சுதா, தே பதந்தி நாம. பதிதாதி யே பதிதா, தே சுதா நாம. சுதத்தா பதிதா, பதிதத்தா சுதாதி அத்தோ². கி³த்³தா⁴தி ராக³ரத்தா. புனராக³தாதி புன ஜாதிங் புன ஜரங் புன ப்³யாதி⁴ங் புன மரணங் ஆக³தா நாம ஹொந்தி. கதங் கிச்சந்தி சதூஹி மக்³கே³ஹி கத்தப்³ப³கிச்சங் கதங். ரதங் ரம்மந்தி ரமிதப்³ப³யுத்தகே கு³ணஜாதே ரமிதங். ஸுகே²னான்வாக³தங் ஸுக²ந்தி ஸுகே²ன ஸுக²ங் அனுஆக³தங் ஸம்பத்தங். மானுஸகஸுகே²ன தி³ப்³ப³ஸுக²ங், ஜா²னஸுகே²ன விபஸ்ஸனாஸுக²ங், விபஸ்ஸனாஸுகே²ன மக்³க³ஸுக²ங், மக்³க³ஸுகே²ன ப²லஸுக²ங், ப²லஸுகே²ன நிப்³பா³னஸுக²ங் ஸம்பத்தங் அதி⁴க³தந்தி அத்தோ².
Cutāpatantīti ye cutā, te patanti nāma. Patitāti ye patitā, te cutā nāma. Cutattā patitā, patitattā cutāti attho. Giddhāti rāgarattā. Punarāgatāti puna jātiṃ puna jaraṃ puna byādhiṃ puna maraṇaṃ āgatā nāma honti. Kataṃ kiccanti catūhi maggehi kattabbakiccaṃ kataṃ. Rataṃ rammanti ramitabbayuttake guṇajāte ramitaṃ. Sukhenānvāgataṃ sukhanti sukhena sukhaṃ anuāgataṃ sampattaṃ. Mānusakasukhena dibbasukhaṃ, jhānasukhena vipassanāsukhaṃ, vipassanāsukhena maggasukhaṃ, maggasukhena phalasukhaṃ, phalasukhena nibbānasukhaṃ sampattaṃ adhigatanti attho.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 2. பபதிதஸுத்தங் • 2. Papatitasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-2. அனுபு³த்³த⁴ஸுத்தாதி³வண்ணனா • 1-2. Anubuddhasuttādivaṇṇanā
