| Library / Tipiṭaka / తిపిటక • Tipiṭaka / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) |
౨. పపతితసుత్తవణ్ణనా
2. Papatitasuttavaṇṇanā
౨. దుతియే పపతితోతి పతితో చుతో. అప్పపతితోతి అపతితో పతిట్ఠితో. తత్థ లోకియమహాజనో పతితోయేవ నామ, సోతాపన్నాదయో కిలేసుప్పత్తిక్ఖణే పతితా నామ, ఖీణాసవో ఏకన్తపతిట్ఠితో నామ.
2. Dutiye papatitoti patito cuto. Appapatitoti apatito patiṭṭhito. Tattha lokiyamahājano patitoyeva nāma, sotāpannādayo kilesuppattikkhaṇe patitā nāma, khīṇāsavo ekantapatiṭṭhito nāma.
చుతా పతన్తీతి యే చుతా, తే పతన్తి నామ. పతితాతి యే పతితా, తే చుతా నామ. చుతత్తా పతితా, పతితత్తా చుతాతి అత్థో. గిద్ధాతి రాగరత్తా. పునరాగతాతి పున జాతిం పున జరం పున బ్యాధిం పున మరణం ఆగతా నామ హోన్తి. కతం కిచ్చన్తి చతూహి మగ్గేహి కత్తబ్బకిచ్చం కతం. రతం రమ్మన్తి రమితబ్బయుత్తకే గుణజాతే రమితం. సుఖేనాన్వాగతం సుఖన్తి సుఖేన సుఖం అనుఆగతం సమ్పత్తం. మానుసకసుఖేన దిబ్బసుఖం, ఝానసుఖేన విపస్సనాసుఖం, విపస్సనాసుఖేన మగ్గసుఖం, మగ్గసుఖేన ఫలసుఖం, ఫలసుఖేన నిబ్బానసుఖం సమ్పత్తం అధిగతన్తి అత్థో.
Cutāpatantīti ye cutā, te patanti nāma. Patitāti ye patitā, te cutā nāma. Cutattā patitā, patitattā cutāti attho. Giddhāti rāgarattā. Punarāgatāti puna jātiṃ puna jaraṃ puna byādhiṃ puna maraṇaṃ āgatā nāma honti. Kataṃ kiccanti catūhi maggehi kattabbakiccaṃ kataṃ. Rataṃ rammanti ramitabbayuttake guṇajāte ramitaṃ. Sukhenānvāgataṃ sukhanti sukhena sukhaṃ anuāgataṃ sampattaṃ. Mānusakasukhena dibbasukhaṃ, jhānasukhena vipassanāsukhaṃ, vipassanāsukhena maggasukhaṃ, maggasukhena phalasukhaṃ, phalasukhena nibbānasukhaṃ sampattaṃ adhigatanti attho.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / అఙ్గుత్తరనికాయ • Aṅguttaranikāya / ౨. పపతితసుత్తం • 2. Papatitasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / ౧-౨. అనుబుద్ధసుత్తాదివణ్ణనా • 1-2. Anubuddhasuttādivaṇṇanā
