| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๒. ปปติตสุตฺตวณฺณนา
2. Papatitasuttavaṇṇanā
๒. ทุติเย ปปติโตติ ปติโต จุโตฯ อปฺปปติโตติ อปติโต ปติฎฺฐิโตฯ ตตฺถ โลกิยมหาชโน ปติโตเยว นาม, โสตาปนฺนาทโย กิเลสุปฺปตฺติกฺขเณ ปติตา นาม, ขีณาสโว เอกนฺตปติฎฺฐิโต นามฯ
2. Dutiye papatitoti patito cuto. Appapatitoti apatito patiṭṭhito. Tattha lokiyamahājano patitoyeva nāma, sotāpannādayo kilesuppattikkhaṇe patitā nāma, khīṇāsavo ekantapatiṭṭhito nāma.
จุตา ปตนฺตีติ เย จุตา, เต ปตนฺติ นามฯ ปติตาติ เย ปติตา, เต จุตา นามฯ จุตตฺตา ปติตา, ปติตตฺตา จุตาติ อโตฺถฯ คิทฺธาติ ราครตฺตาฯ ปุนราคตาติ ปุน ชาติํ ปุน ชรํ ปุน พฺยาธิํ ปุน มรณํ อาคตา นาม โหนฺติฯ กตํ กิจฺจนฺติ จตูหิ มเคฺคหิ กตฺตพฺพกิจฺจํ กตํฯ รตํ รมฺมนฺติ รมิตพฺพยุตฺตเก คุณชาเต รมิตํฯ สุเขนานฺวาคตํ สุขนฺติ สุเขน สุขํ อนุอาคตํ สมฺปตฺตํฯ มานุสกสุเขน ทิพฺพสุขํ, ฌานสุเขน วิปสฺสนาสุขํ, วิปสฺสนาสุเขน มคฺคสุขํ, มคฺคสุเขน ผลสุขํ, ผลสุเขน นิพฺพานสุขํ สมฺปตฺตํ อธิคตนฺติ อโตฺถฯ
Cutāpatantīti ye cutā, te patanti nāma. Patitāti ye patitā, te cutā nāma. Cutattā patitā, patitattā cutāti attho. Giddhāti rāgarattā. Punarāgatāti puna jātiṃ puna jaraṃ puna byādhiṃ puna maraṇaṃ āgatā nāma honti. Kataṃ kiccanti catūhi maggehi kattabbakiccaṃ kataṃ. Rataṃ rammanti ramitabbayuttake guṇajāte ramitaṃ. Sukhenānvāgataṃ sukhanti sukhena sukhaṃ anuāgataṃ sampattaṃ. Mānusakasukhena dibbasukhaṃ, jhānasukhena vipassanāsukhaṃ, vipassanāsukhena maggasukhaṃ, maggasukhena phalasukhaṃ, phalasukhena nibbānasukhaṃ sampattaṃ adhigatanti attho.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๒. ปปติตสุตฺตํ • 2. Papatitasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๑-๒. อนุพุทฺธสุตฺตาทิวณฺณนา • 1-2. Anubuddhasuttādivaṇṇanā
