| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
2. පපතිතසුත්‌තවණ්‌ණනා
2. Papatitasuttavaṇṇanā
2. දුතියෙ පපතිතොති පතිතො චුතො. අප්‌පපතිතොති අපතිතො පතිට්‌ඨිතො. තත්‌ථ ලොකියමහාජනො පතිතොයෙව නාම, සොතාපන්‌නාදයො කිලෙසුප්‌පත්‌තික්‌ඛණෙ පතිතා නාම, ඛීණාසවො එකන්‌තපතිට්‌ඨිතො නාම.
2. Dutiye papatitoti patito cuto. Appapatitoti apatito patiṭṭhito. Tattha lokiyamahājano patitoyeva nāma, sotāpannādayo kilesuppattikkhaṇe patitā nāma, khīṇāsavo ekantapatiṭṭhito nāma.
චුතා පතන්‌තීති යෙ චුතා, තෙ පතන්‌ති නාම. පතිතාති යෙ පතිතා, තෙ චුතා නාම. චුතත්‌තා පතිතා, පතිතත්‌තා චුතාති අත්‌ථො. ගිද්‌ධාති රාගරත්‌තා. පුනරාගතාති පුන ජාතිං පුන ජරං පුන බ්‍යාධිං පුන මරණං ආගතා නාම හොන්‌ති. කතං කිච්‌චන්‌ති චතූහි මග්‌ගෙහි කත්‌තබ්‌බකිච්‌චං කතං. රතං රම්‌මන්‌ති රමිතබ්‌බයුත්‌තකෙ ගුණජාතෙ රමිතං. සුඛෙනාන්‌වාගතං සුඛන්‌ති සුඛෙන සුඛං අනුආගතං සම්‌පත්‌තං. මානුසකසුඛෙන දිබ්‌බසුඛං, ඣානසුඛෙන විපස්‌සනාසුඛං, විපස්‌සනාසුඛෙන මග්‌ගසුඛං, මග්‌ගසුඛෙන ඵලසුඛං, ඵලසුඛෙන නිබ්‌බානසුඛං සම්‌පත්‌තං අධිගතන්‌ති අත්‌ථො.
Cutāpatantīti ye cutā, te patanti nāma. Patitāti ye patitā, te cutā nāma. Cutattā patitā, patitattā cutāti attho. Giddhāti rāgarattā. Punarāgatāti puna jātiṃ puna jaraṃ puna byādhiṃ puna maraṇaṃ āgatā nāma honti. Kataṃ kiccanti catūhi maggehi kattabbakiccaṃ kataṃ. Rataṃ rammanti ramitabbayuttake guṇajāte ramitaṃ. Sukhenānvāgataṃ sukhanti sukhena sukhaṃ anuāgataṃ sampattaṃ. Mānusakasukhena dibbasukhaṃ, jhānasukhena vipassanāsukhaṃ, vipassanāsukhena maggasukhaṃ, maggasukhena phalasukhaṃ, phalasukhena nibbānasukhaṃ sampattaṃ adhigatanti attho.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 2. පපතිතසුත්‌තං • 2. Papatitasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 1-2. අනුබුද්‌ධසුත්‌තාදිවණ්‌ණනා • 1-2. Anubuddhasuttādivaṇṇanā
