| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੨. ਪਪਤਿਤਸੁਤ੍ਤવਣ੍ਣਨਾ
2. Papatitasuttavaṇṇanā
੨. ਦੁਤਿਯੇ ਪਪਤਿਤੋਤਿ ਪਤਿਤੋ ਚੁਤੋ। ਅਪ੍ਪਪਤਿਤੋਤਿ ਅਪਤਿਤੋ ਪਤਿਟ੍ਠਿਤੋ। ਤਤ੍ਥ ਲੋਕਿਯਮਹਾਜਨੋ ਪਤਿਤੋਯੇવ ਨਾਮ, ਸੋਤਾਪਨ੍ਨਾਦਯੋ ਕਿਲੇਸੁਪ੍ਪਤ੍ਤਿਕ੍ਖਣੇ ਪਤਿਤਾ ਨਾਮ, ਖੀਣਾਸવੋ ਏਕਨ੍ਤਪਤਿਟ੍ਠਿਤੋ ਨਾਮ।
2. Dutiye papatitoti patito cuto. Appapatitoti apatito patiṭṭhito. Tattha lokiyamahājano patitoyeva nāma, sotāpannādayo kilesuppattikkhaṇe patitā nāma, khīṇāsavo ekantapatiṭṭhito nāma.
ਚੁਤਾ ਪਤਨ੍ਤੀਤਿ ਯੇ ਚੁਤਾ, ਤੇ ਪਤਨ੍ਤਿ ਨਾਮ। ਪਤਿਤਾਤਿ ਯੇ ਪਤਿਤਾ, ਤੇ ਚੁਤਾ ਨਾਮ। ਚੁਤਤ੍ਤਾ ਪਤਿਤਾ, ਪਤਿਤਤ੍ਤਾ ਚੁਤਾਤਿ ਅਤ੍ਥੋ। ਗਿਦ੍ਧਾਤਿ ਰਾਗਰਤ੍ਤਾ। ਪੁਨਰਾਗਤਾਤਿ ਪੁਨ ਜਾਤਿਂ ਪੁਨ ਜਰਂ ਪੁਨ ਬ੍ਯਾਧਿਂ ਪੁਨ ਮਰਣਂ ਆਗਤਾ ਨਾਮ ਹੋਨ੍ਤਿ। ਕਤਂ ਕਿਚ੍ਚਨ੍ਤਿ ਚਤੂਹਿ ਮਗ੍ਗੇਹਿ ਕਤ੍ਤਬ੍ਬਕਿਚ੍ਚਂ ਕਤਂ। ਰਤਂ ਰਮ੍ਮਨ੍ਤਿ ਰਮਿਤਬ੍ਬਯੁਤ੍ਤਕੇ ਗੁਣਜਾਤੇ ਰਮਿਤਂ। ਸੁਖੇਨਾਨ੍વਾਗਤਂ ਸੁਖਨ੍ਤਿ ਸੁਖੇਨ ਸੁਖਂ ਅਨੁਆਗਤਂ ਸਮ੍ਪਤ੍ਤਂ। ਮਾਨੁਸਕਸੁਖੇਨ ਦਿਬ੍ਬਸੁਖਂ, ਝਾਨਸੁਖੇਨ વਿਪਸ੍ਸਨਾਸੁਖਂ, વਿਪਸ੍ਸਨਾਸੁਖੇਨ ਮਗ੍ਗਸੁਖਂ, ਮਗ੍ਗਸੁਖੇਨ ਫਲਸੁਖਂ, ਫਲਸੁਖੇਨ ਨਿਬ੍ਬਾਨਸੁਖਂ ਸਮ੍ਪਤ੍ਤਂ ਅਧਿਗਤਨ੍ਤਿ ਅਤ੍ਥੋ।
Cutāpatantīti ye cutā, te patanti nāma. Patitāti ye patitā, te cutā nāma. Cutattā patitā, patitattā cutāti attho. Giddhāti rāgarattā. Punarāgatāti puna jātiṃ puna jaraṃ puna byādhiṃ puna maraṇaṃ āgatā nāma honti. Kataṃ kiccanti catūhi maggehi kattabbakiccaṃ kataṃ. Rataṃ rammanti ramitabbayuttake guṇajāte ramitaṃ. Sukhenānvāgataṃ sukhanti sukhena sukhaṃ anuāgataṃ sampattaṃ. Mānusakasukhena dibbasukhaṃ, jhānasukhena vipassanāsukhaṃ, vipassanāsukhena maggasukhaṃ, maggasukhena phalasukhaṃ, phalasukhena nibbānasukhaṃ sampattaṃ adhigatanti attho.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੨. ਪਪਤਿਤਸੁਤ੍ਤਂ • 2. Papatitasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧-੨. ਅਨੁਬੁਦ੍ਧਸੁਤ੍ਤਾਦਿવਣ੍ਣਨਾ • 1-2. Anubuddhasuttādivaṇṇanā
