Library / Tipiṭaka / д̇ибидага • Tipiṭaka / д̇хаммабад̣̇а-адтагат̇аа • Dhammapada-aṭṭhakathā

    намо д̇асса бхаг̇авад̇о арахад̇о саммаасамб̣уд̣̇д̇хасса

    Namo tassa bhagavato arahato sammāsambuddhassa

    куд̣̇д̣̇аганигааяз

    Khuddakanikāye

    д̇хаммабад̣̇а-адтагат̇аа

    Dhammapada-aṭṭhakathā

    (д̣̇уд̇ияо бхааг̇о)

    (Dutiyo bhāgo)

    9. баабаваг̇г̇о

    9. Pāpavaggo

    1. жуул̣згасаадагаб̣раахман̣авад̇т̇у

    1. Cūḷekasāṭakabrāhmaṇavatthu

    абхид̇т̇арзт̇а галяаан̣зд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о жуул̣згасаадагаб̣раахман̣ам̣ аараб̣бха гат̇зси.

    Abhittharethakalyāṇeti imaṃ dhammadesanaṃ satthā jetavane viharanto cūḷekasāṭakabrāhmaṇaṃ ārabbha kathesi.

    вибассид̣̇асаб̣аласса гааласмин̃хи махаазгасаадагаб̣раахман̣о наама ахоси, аяам̣ бана зд̇арахи саавад̇т̇ияам̣ жуул̣згасаадаго наама. д̇асса хи зго ниваасанасаадаго ахоси, б̣раахман̣ияааби зго. убхиннамби згамзва баарубанам̣, б̣ахи г̇аманагаалз б̣раахман̣о ваа б̣раахман̣ий ваа д̇ам̣ баарубад̇и. ат̇згад̣̇ивасам̣ вихаарз д̇хаммассаванз гхосид̇з б̣раахман̣о ааха – ‘‘бход̇и д̇хаммассаванам̣ гхосид̇ам̣, гим̣ д̣̇иваа д̇хаммассаванам̣ г̇амиссаси, уд̣̇ааху рад̇д̇им̣. баарубанасса хи абхаавзна на саггаа амхзхи згад̇о г̇анд̇у’’нд̇и. б̣раахман̣ий, ‘‘саами, ахам̣ д̣̇иваа г̇амиссаамий’’д̇и саадагам̣ баарубид̇ваа аг̇амааси. б̣раахман̣о д̣̇ивасабхааг̇ам̣ г̇зхз вийд̇инаамзд̇ваа рад̇д̇им̣ г̇анд̇ваа сад̇т̇у бурад̇о нисиннова д̇хаммам̣ ассоси. ат̇асса сарийрам̣ парамаанаа бан̃жаван̣н̣аа бийд̇и уббаж̇ж̇и. со сад̇т̇аарам̣ бууж̇ид̇угаамо худ̇ваа ‘‘сажз имам̣ саадагам̣ д̣̇ассаами, нзва б̣раахман̣ияаа, на маяхам̣ баарубанам̣ бхависсад̇ий’’д̇и жинд̇зси. ат̇асса мажчзражид̇д̇аанам̣ сахассам̣ уббаж̇ж̇и, бунзгам̣ сад̣̇д̇хаажид̇д̇ам̣ уббаж̇ж̇и. д̇ам̣ абхибхавид̇ваа буна мажчзрасахассам̣ уббаж̇ж̇и. ид̇исса б̣алавамажчзрам̣ б̣анд̇хид̇ваа г̇ан̣ханд̇ам̣ вияа сад̣̇д̇хаажид̇д̇ам̣ бадиб̣аахад̇иязва. д̇асса ‘‘д̣̇ассаами, на д̣̇ассаамий’’д̇и жинд̇знд̇ассзва батамаяаамо абаг̇ад̇о, маж̇жхимаяаамо самбад̇д̇о. д̇асмимби д̣̇аад̇ум̣ наасагки. бажчимаяаамз самбад̇д̇з со жинд̇зси – ‘‘мама сад̣̇д̇хаажид̇д̇зна мажчзражид̇д̇зна жа сад̣̇д̇хим̣ яуж̇жханд̇ассзва д̣̇вз яаамаа вийд̇ивад̇д̇аа, ид̣̇ам̣ мама зд̇д̇агам̣ мажчзражид̇д̇ам̣ вад̣дхамаанам̣ жад̇уухи абааязхи сийсам̣ угкибид̇ум̣ на д̣̇ассад̇и, д̣̇ассаами на’’нд̇и. со мажчзрасахассам̣ абхибхавид̇ваа сад̣̇д̇хаажид̇д̇ам̣ бурзжааригам̣ гад̇ваа саадагам̣ аад̣̇ааяа сад̇т̇у баад̣̇амуулз табзд̇ваа ‘‘ж̇ид̇ам̣ мз, ж̇ид̇ам̣ мз’’д̇и д̇игкад̇д̇ум̣ махаасад̣̇д̣̇амагааси.

    Vipassidasabalassa kālasmiñhi mahāekasāṭakabrāhmaṇo nāma ahosi, ayaṃ pana etarahi sāvatthiyaṃ cūḷekasāṭako nāma. Tassa hi eko nivāsanasāṭako ahosi, brāhmaṇiyāpi eko. Ubhinnampi ekameva pārupanaṃ, bahi gamanakāle brāhmaṇo vā brāhmaṇī vā taṃ pārupati. Athekadivasaṃ vihāre dhammassavane ghosite brāhmaṇo āha – ‘‘bhoti dhammassavanaṃ ghositaṃ, kiṃ divā dhammassavanaṃ gamissasi, udāhu rattiṃ. Pārupanassa hi abhāvena na sakkā amhehi ekato gantu’’nti. Brāhmaṇī, ‘‘sāmi, ahaṃ divā gamissāmī’’ti sāṭakaṃ pārupitvā agamāsi. Brāhmaṇo divasabhāgaṃ gehe vītināmetvā rattiṃ gantvā satthu purato nisinnova dhammaṃ assosi. Athassa sarīraṃ pharamānā pañcavaṇṇā pīti uppajji. So satthāraṃ pūjitukāmo hutvā ‘‘sace imaṃ sāṭakaṃ dassāmi, neva brāhmaṇiyā, na mayhaṃ pārupanaṃ bhavissatī’’ti cintesi. Athassa maccheracittānaṃ sahassaṃ uppajji, punekaṃ saddhācittaṃ uppajji. Taṃ abhibhavitvā puna maccherasahassaṃ uppajji. Itissa balavamaccheraṃ bandhitvā gaṇhantaṃ viya saddhācittaṃ paṭibāhatiyeva. Tassa ‘‘dassāmi, na dassāmī’’ti cintentasseva paṭhamayāmo apagato, majjhimayāmo sampatto. Tasmimpi dātuṃ nāsakkhi. Pacchimayāme sampatte so cintesi – ‘‘mama saddhācittena maccheracittena ca saddhiṃ yujjhantasseva dve yāmā vītivattā, idaṃ mama ettakaṃ maccheracittaṃ vaḍḍhamānaṃ catūhi apāyehi sīsaṃ ukkhipituṃ na dassati, dassāmi na’’nti. So maccherasahassaṃ abhibhavitvā saddhācittaṃ purecārikaṃ katvā sāṭakaṃ ādāya satthu pādamūle ṭhapetvā ‘‘jitaṃ me, jitaṃ me’’ti tikkhattuṃ mahāsaddamakāsi.

    рааж̇аа басзнад̣̇и госало д̇хаммам̣ сун̣анд̇о д̇ам̣ сад̣̇д̣̇ам̣ суд̇ваа ‘‘бужчат̇а нам̣, гим̣ гира д̇зна ж̇ид̇а’’нд̇и ааха. со рааж̇абурисзхи бужчид̇о д̇амад̇т̇ам̣ аарожзси. д̇ам̣ суд̇ваа рааж̇аа ‘‘д̣̇уггарам̣ гад̇ам̣ б̣раахман̣зна, сан̇г̇ахамасса гариссаамий’’д̇и згам̣ саадагаяуг̇ам̣ д̣̇аабзси. со д̇амби д̇ат̇ааг̇ад̇ассзва ад̣̇ааси. буна рааж̇аа д̣̇вз жад̇д̇аари адта сол̣асаад̇и д̣̇виг̇ун̣ам̣ гад̇ваа д̣̇аабзси. со д̇ааниби д̇ат̇ааг̇ад̇ассзва ад̣̇ааси. ат̇асса рааж̇аа д̣̇вад̇д̇им̣са яуг̇аани д̣̇аабзси. б̣раахман̣о ‘‘ад̇д̇ано аг̇г̇ахзд̇ваа лад̣̇д̇хам̣ лад̣̇д̇хам̣ виссаж̇ж̇зсиязваа’’д̇и ваад̣̇аможанад̇т̇ам̣ д̇ад̇о згам̣ яуг̇ам̣ ад̇д̇ано, згам̣ б̣раахман̣ияаад̇и д̣̇вз яуг̇аани г̇ахзд̇ваа д̇им̣са яуг̇аани д̇ат̇ааг̇ад̇ассзва ад̣̇ааси. рааж̇аа бана д̇асмим̣ сад̇д̇агкад̇д̇умби д̣̇ад̣̇анд̇з буна д̣̇аад̇угаамоязва ахоси. буб̣б̣з махаазгасаадаго жад̇усадтияаа саадагаяуг̇зсу д̣̇вз аг̇г̇ахзси, аяам̣ бана д̣̇вад̇д̇им̣сааяа лад̣̇д̇хагаалз д̣̇вз аг̇г̇ахзси. рааж̇аа бурисз аан̣аабзси – ‘‘д̣̇уггарам̣ бхан̣з б̣раахман̣зна гад̇ам̣, анд̇збурз мама д̣̇вз гамб̣алаани аахараабзяяаат̇аа’’д̇и. д̇з д̇ат̇аа гарим̣су. рааж̇аа сад̇асахассаг̇гханагз д̣̇вз гамб̣алз д̣̇аабзси. б̣раахман̣о ‘‘на имз мама сарийрз убаяог̇ам̣ араханд̇и, б̣уд̣̇д̇хасаасанассзва зд̇з анужчавигаа’’д̇и згам̣ гамб̣алам̣ анд̇ог̇анд̇хагудияам̣ сад̇т̇у саяанасса убари вид̇аанам̣ гад̇ваа б̣анд̇хи, згам̣ ад̇д̇ано гхарз ниб̣ад̣̇д̇хам̣ бхун̃ж̇анд̇асса бхигкуно бхад̇д̇агижжадтаанз вид̇аанам̣ гад̇ваа б̣анд̇хи. рааж̇аа сааяанхасамаяз сад̇т̇у санд̇игам̣ г̇анд̇ваа д̇ам̣ гамб̣алам̣ сан̃ж̇аанид̇ваа, ‘‘бханд̇з, гзна бууж̇аа гад̇аа’’д̇и бужчид̇ваа ‘‘згасаадагзнаа’’д̇и вуд̇д̇з ‘‘б̣раахман̣о мама басаад̣̇адтаанзязва басийд̣̇ад̇ий’’д̇и вад̇ваа ‘‘жад̇д̇ааро хад̇т̇ий жад̇д̇ааро ассз жад̇д̇аари гахаабан̣асахассаани жад̇ассо ид̇т̇ияо жад̇ассо д̣̇аасияо жад̇д̇ааро бурисз жад̇уро г̇аамаварз’’д̇и звам̣ яаава саб̣б̣асад̇аа жад̇д̇аари жад̇д̇аари гад̇ваа саб̣б̣ажад̇уггам̣ наама асса д̣̇аабзси.

    Rājā pasenadi kosalo dhammaṃ suṇanto taṃ saddaṃ sutvā ‘‘pucchatha naṃ, kiṃ kira tena jita’’nti āha. So rājapurisehi pucchito tamatthaṃ ārocesi. Taṃ sutvā rājā ‘‘dukkaraṃ kataṃ brāhmaṇena, saṅgahamassa karissāmī’’ti ekaṃ sāṭakayugaṃ dāpesi. So tampi tathāgatasseva adāsi. Puna rājā dve cattāri aṭṭha soḷasāti dviguṇaṃ katvā dāpesi. So tānipi tathāgatasseva adāsi. Athassa rājā dvattiṃsa yugāni dāpesi. Brāhmaṇo ‘‘attano aggahetvā laddhaṃ laddhaṃ vissajjesiyevā’’ti vādamocanatthaṃ tato ekaṃ yugaṃ attano, ekaṃ brāhmaṇiyāti dve yugāni gahetvā tiṃsa yugāni tathāgatasseva adāsi. Rājā pana tasmiṃ sattakkhattumpi dadante puna dātukāmoyeva ahosi. Pubbe mahāekasāṭako catusaṭṭhiyā sāṭakayugesu dve aggahesi, ayaṃ pana dvattiṃsāya laddhakāle dve aggahesi. Rājā purise āṇāpesi – ‘‘dukkaraṃ bhaṇe brāhmaṇena kataṃ, antepure mama dve kambalāni āharāpeyyāthā’’ti. Te tathā kariṃsu. Rājā satasahassagghanake dve kambale dāpesi. Brāhmaṇo ‘‘na ime mama sarīre upayogaṃ arahanti, buddhasāsanasseva ete anucchavikā’’ti ekaṃ kambalaṃ antogandhakuṭiyaṃ satthu sayanassa upari vitānaṃ katvā bandhi, ekaṃ attano ghare nibaddhaṃ bhuñjantassa bhikkhuno bhattakiccaṭṭhāne vitānaṃ katvā bandhi. Rājā sāyanhasamaye satthu santikaṃ gantvā taṃ kambalaṃ sañjānitvā, ‘‘bhante, kena pūjā katā’’ti pucchitvā ‘‘ekasāṭakenā’’ti vutte ‘‘brāhmaṇo mama pasādaṭṭhāneyeva pasīdatī’’ti vatvā ‘‘cattāro hatthī cattāro asse cattāri kahāpaṇasahassāni catasso itthiyo catasso dāsiyo cattāro purise caturo gāmavare’’ti evaṃ yāva sabbasatā cattāri cattāri katvā sabbacatukkaṃ nāma assa dāpesi.

    бхигкуу д̇хаммасабхааяам̣ гат̇ам̣ самудтаабзсум̣ – ‘‘ахо ажчарияам̣ жуул̣згасаадагасса гаммам̣, д̇ам̣мухуд̇д̇амзва саб̣б̣ажад̇уггам̣ лабхи, ид̣̇аани гад̇зна галяаан̣агаммзна аж̇ж̇амзва вибааго д̣̇инно’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з, ‘‘бхигкавз, сажааяам̣ згасаадаго батамаяаамз маяхам̣ д̣̇аад̇ум̣ асагкисса, саб̣б̣асол̣асагам̣ алабхисса. сажз маж̇жхимаяаамз асагкисса, саб̣б̣адтагам̣ алабхисса . б̣алавабажчимаяаамз д̣̇иннад̇д̇аа банзса саб̣б̣ажад̇уггам̣ лабхи. галяаан̣агаммам̣ гаронд̇зна хи уббаннам̣ жид̇д̇ам̣ ахаабзд̇ваа д̇ан̇кан̣ан̃н̃зва гаад̇аб̣б̣ам̣. д̣̇анд̇хам̣ гад̇ам̣ гусалан̃хи самбад̇д̇им̣ д̣̇ад̣̇амаанам̣ д̣̇анд̇хамзва д̣̇ад̣̇аад̇и, д̇асмаа жид̇д̇уббаад̣̇асамананд̇арамзва галяаан̣агаммам̣ гаад̇аб̣б̣а’’нд̇и вад̇ваа анусанд̇хим̣ гхадзд̇ваа д̇хаммам̣ д̣̇зсзнд̇о имам̣ г̇аат̇амааха –

    Bhikkhū dhammasabhāyaṃ kathaṃ samuṭṭhāpesuṃ – ‘‘aho acchariyaṃ cūḷekasāṭakassa kammaṃ, taṃmuhuttameva sabbacatukkaṃ labhi, idāni katena kalyāṇakammena ajjameva vipāko dinno’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte, ‘‘bhikkhave, sacāyaṃ ekasāṭako paṭhamayāme mayhaṃ dātuṃ asakkhissa, sabbasoḷasakaṃ alabhissa. Sace majjhimayāme asakkhissa, sabbaṭṭhakaṃ alabhissa . Balavapacchimayāme dinnattā panesa sabbacatukkaṃ labhi. Kalyāṇakammaṃ karontena hi uppannaṃ cittaṃ ahāpetvā taṅkhaṇaññeva kātabbaṃ. Dandhaṃ kataṃ kusalañhi sampattiṃ dadamānaṃ dandhameva dadāti, tasmā cittuppādasamanantarameva kalyāṇakammaṃ kātabba’’nti vatvā anusandhiṃ ghaṭetvā dhammaṃ desento imaṃ gāthamāha –

    116.

    116.

    ‘‘абхид̇т̇арзт̇а галяаан̣з, баабаа жид̇д̇ам̣ ниваараяз;

    ‘‘Abhittharetha kalyāṇe, pāpā cittaṃ nivāraye;

    д̣̇анд̇хан̃хи гарод̇о бун̃н̃ам̣, баабасмим̣ рамад̇ий мано’’д̇и.

    Dandhañhi karoto puññaṃ, pāpasmiṃ ramatī mano’’ti.

    д̇ад̇т̇а абхид̇т̇арзт̇аад̇и д̇урид̇ад̇урид̇ам̣ сийгхасийгхам̣ гарзяяаад̇и ад̇т̇о. г̇ихинаа ваа хи ‘‘салаагабхад̇д̇ад̣̇аанаад̣̇ийсу гин̃жид̣̇зва гусалам̣ гариссаамий’’д̇и жид̇д̇з уббаннз яат̇аа ан̃н̃з огаасам̣ на лабханд̇и, звам̣ ‘‘ахам̣ бурз, ахам̣ бурз’’д̇и д̇урид̇ад̇урид̇амзва гаад̇аб̣б̣ам̣. баб̣б̣аж̇ид̇зна ваа убаж̇жхааяавад̇д̇аад̣̇ийни гаронд̇зна ан̃н̃асса огаасам̣ ад̣̇ад̇ваа ‘‘ахам̣ бурз, ахам̣ бурз’’д̇и д̇урид̇ад̇урид̇амзва гаад̇аб̣б̣ам̣. баабаа жид̇д̇анд̇и гааяад̣̇ужжарид̇аад̣̇ибаабагаммад̇о ваа агусалажид̇д̇уббаад̣̇ад̇о ваа саб̣б̣ат̇аамзна жид̇д̇ам̣ ниваараяз. д̣̇анд̇хан̃хи гарод̇од̇и яо бана ‘‘д̣̇ассаами, на д̣̇ассаами самбаж̇ж̇иссад̇и ну ко мз, но’’д̇и звам̣ жигкалламаг̇г̇зна г̇ажчанд̇о вияа д̣̇анд̇хам̣ бун̃н̃ам̣ гарод̇и, д̇асса згасаадагасса вияа мажчзрасахассам̣ баабам̣ огаасам̣ лабхад̇и. ат̇асса баабасмим̣ рамад̇ий мано, гусалагаммагаран̣агаалзязва хи жид̇д̇ам̣ гусалз рамад̇и, д̇ад̇о мужжид̇ваа баабаниннамзва ход̇ийд̇и.

    Tattha abhittharethāti turitaturitaṃ sīghasīghaṃ kareyyāti attho. Gihinā vā hi ‘‘salākabhattadānādīsu kiñcideva kusalaṃ karissāmī’’ti citte uppanne yathā aññe okāsaṃ na labhanti, evaṃ ‘‘ahaṃ pure, ahaṃ pure’’ti turitaturitameva kātabbaṃ. Pabbajitena vā upajjhāyavattādīni karontena aññassa okāsaṃ adatvā ‘‘ahaṃ pure, ahaṃ pure’’ti turitaturitameva kātabbaṃ. Pāpā cittanti kāyaduccaritādipāpakammato vā akusalacittuppādato vā sabbathāmena cittaṃ nivāraye. Dandhañhi karototi yo pana ‘‘dassāmi, na dassāmi sampajjissati nu kho me, no’’ti evaṃ cikkhallamaggena gacchanto viya dandhaṃ puññaṃ karoti, tassa ekasāṭakassa viya maccherasahassaṃ pāpaṃ okāsaṃ labhati. Athassa pāpasmiṃ ramatī mano, kusalakammakaraṇakāleyeva hi cittaṃ kusale ramati, tato muccitvā pāpaninnameva hotīti.

    г̇аат̇аабарияосаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

    Gāthāpariyosāne bahū sotāpattiphalādīni pāpuṇiṃsūti.

    жуул̣згасаадагаб̣раахман̣авад̇т̇у батамам̣.

    Cūḷekasāṭakabrāhmaṇavatthu paṭhamaṃ.

    2. сзяяасагад̇т̇зравад̇т̇у

    2. Seyyasakattheravatthu

    баабан̃жа бурисод̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о сзяяасагад̇т̇зрам̣ аараб̣бха гат̇зси.

    Pāpañcapurisoti imaṃ dhammadesanaṃ satthā jetavane viharanto seyyasakattheraṃ ārabbha kathesi.

    со хи лаал̣уд̣̇ааяид̇т̇зрасса сад̣̇д̇хивихаариго, ад̇д̇ано анабхирад̇им̣ д̇асса аарожзд̇ваа д̇зна батамасан̇гхаад̣̇исзсагаммз самаад̣̇абид̇о уббаннуббаннааяа анабхирад̇ияаа д̇ам̣ гаммамагааси (баараа. 234). сад̇т̇аа д̇асса гирияам̣ суд̇ваа д̇ам̣ баггосаабзд̇ваа ‘‘звам̣ гира д̇вам̣ гаросий’’д̇и бужчид̇ваа ‘‘аама, бханд̇з’’д̇и вуд̇д̇з ‘‘гасмаа бхаарияам̣ гаммам̣ агааси, ананужчавигам̣ могхабурисаа’’д̇и наанаббагаарад̇о г̇арахид̇ваа сигкаабад̣̇ам̣ бан̃н̃аабзд̇ваа ‘‘зваруубан̃хи гаммам̣ д̣̇идтад̇хаммзби самбарааязби д̣̇угкасам̣вад̇д̇анигамзва ход̇ий’’д̇и вад̇ваа анусанд̇хим̣ гхадзд̇ваа д̇хаммам̣ д̣̇зсзнд̇о имам̣ г̇аат̇амааха –

    So hi lāḷudāyittherassa saddhivihāriko, attano anabhiratiṃ tassa ārocetvā tena paṭhamasaṅghādisesakamme samādapito uppannuppannāya anabhiratiyā taṃ kammamakāsi (pārā. 234). Satthā tassa kiriyaṃ sutvā taṃ pakkosāpetvā ‘‘evaṃ kira tvaṃ karosī’’ti pucchitvā ‘‘āma, bhante’’ti vutte ‘‘kasmā bhāriyaṃ kammaṃ akāsi, ananucchavikaṃ moghapurisā’’ti nānappakārato garahitvā sikkhāpadaṃ paññāpetvā ‘‘evarūpañhi kammaṃ diṭṭhadhammepi samparāyepi dukkhasaṃvattanikameva hotī’’ti vatvā anusandhiṃ ghaṭetvā dhammaṃ desento imaṃ gāthamāha –

    117.

    117.

    ‘‘баабан̃жз бурисо гаяираа, на нам̣ гаяираа бунаббунам̣;

    ‘‘Pāpañce puriso kayirā, na naṃ kayirā punappunaṃ;

    на д̇амхи чанд̣̇ам̣ гаяираат̇а, д̣̇угко баабасса ужжаяо’’д̇и.

    Na tamhi chandaṃ kayirātha, dukkho pāpassa uccayo’’ti.

    д̇ассад̇т̇о – сажз бурисо сагим̣ баабагаммам̣ гарзяяа, д̇ан̇кан̣зязва бажжавзгкид̇ваа ‘‘ид̣̇ам̣ аббад̇ируубам̣ ол̣аарига’’нд̇и на нам̣ гаяираа бунаббунам̣. яоби д̇амхи чанд̣̇о ваа ружи ваа уббаж̇ж̇зяяа, д̇амби винод̣̇зд̇ваа на гаяираат̇зва. гим̣ гааран̣аа? д̣̇угко баабасса ужжаяо. баабасса хи ужжаяо вуд̣дхи ид̇халогзби самбарааязби д̣̇угкамзва аавахад̇ийд̇и.

    Tassattho – sace puriso sakiṃ pāpakammaṃ kareyya, taṅkhaṇeyeva paccavekkhitvā ‘‘idaṃ appatirūpaṃ oḷārika’’nti na naṃ kayirā punappunaṃ. Yopi tamhi chando vā ruci vā uppajjeyya, tampi vinodetvā na kayirātheva. Kiṃ kāraṇā? Dukkho pāpassa uccayo. Pāpassa hi uccayo vuḍḍhi idhalokepi samparāyepi dukkhameva āvahatīti.

    д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

    Desanāvasāne bahū sotāpattiphalādīni pāpuṇiṃsūti.

    сзяяасагад̇т̇зравад̇т̇у д̣̇уд̇ияам̣.

    Seyyasakattheravatthu dutiyaṃ.

    3. лааж̇ад̣̇звад̇хийд̇аавад̇т̇у

    3. Lājadevadhītāvatthu

    бун̃н̃ан̃жзд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о лааж̇ад̣̇звад̇хийд̇арам̣ аараб̣бха гат̇зси. вад̇т̇у рааж̇аг̇ахз самудтид̇ам̣.

    Puññañceti imaṃ dhammadesanaṃ satthā jetavane viharanto lājadevadhītaraṃ ārabbha kathesi. Vatthu rājagahe samuṭṭhitaṃ.

    ааяасмаа хи махаагассабо биббалиг̇ухааяам̣ вихаранд̇о жхаанам̣ самаабаж̇ж̇ид̇ваа сад̇д̇амз д̣̇ивасз вудтааяа д̣̇иб̣б̣зна жагкунаа бхигкаажаарадтаанам̣ ологзнд̇о згам̣ сааликзд̇д̇абаалигам̣ ид̇т̇им̣ саалисийсаани г̇ахзд̇ваа лааж̇з гурумаанам̣ д̣̇исваа ‘‘сад̣̇д̇хаа ну ко, ассад̣̇д̇хаа’’д̇и виймам̣сид̇ваа ‘‘сад̣̇д̇хаа’’д̇и н̃ад̇ваа ‘‘сагкиссад̇и ну ко мз сан̇г̇ахам̣ гаад̇ум̣, но’’д̇и убад̇хаарзнд̇о ‘‘висаарад̣̇аа гулад̇хийд̇аа мама сан̇г̇ахам̣ гариссад̇и, гад̇ваа жа бана махаасамбад̇д̇им̣ лабхиссад̇ий’’д̇и н̃ад̇ваа жийварам̣ баарубид̇ваа бад̇д̇амаад̣̇ааяа сааликзд̇д̇асамийбзязва адтааси. гулад̇хийд̇аа т̇зрам̣ д̣̇исваава басаннажид̇д̇аа бан̃жаван̣н̣ааяа бийд̇ияаа пудтасарийраа ‘‘д̇идтат̇а, бханд̇з’’д̇и вад̇ваа лааж̇з аад̣̇ааяа взг̇зна г̇анд̇ваа т̇зрасса бад̇д̇з аагирид̇ваа бан̃жабад̇идтид̇зна ванд̣̇ид̇ваа, ‘‘бханд̇з, д̇умхзхи д̣̇идтад̇хаммасса бхааг̇иний асса’’нд̇и бад̇т̇анам̣ агааси. т̇зро ‘‘звам̣ ход̇уу’’д̇и анумод̣̇анамагааси. сааби т̇зрам̣ ванд̣̇ид̇ваа ад̇д̇анаа д̣̇иннад̣̇аанам̣ ааваж̇ж̇амаанаа нивад̇д̇и. д̇ааяа жа бана гзд̣̇аарамарияаад̣̇ааяа г̇аманамаг̇г̇з згасмим̣ б̣илз гхорависо саббо нибаж̇ж̇и. со т̇зрасса гаасааяабадижчаннам̣ ж̇ан̇гхам̣ д̣ам̣сид̇ум̣ наасагки. ид̇араа д̣̇аанам̣ ааваж̇ж̇амаанаа нивад̇д̇анд̇ий д̇ам̣ бад̣̇зсам̣ баабун̣и. саббо б̣илаа нигкамид̇ваа д̇ам̣ д̣ам̣сид̇ваа д̇ад̇т̇зва баад̇зси. саа басаннажид̇д̇зна гаалам̣ гад̇ваа д̇аавад̇им̣сабхаванз д̇им̣саяож̇анигз ганагавимаанз суд̇д̇аббаб̣уд̣̇д̇хаа вияа саб̣б̣аалан̇гаарабадиман̣д̣ид̇зна д̇иг̇аавуд̇зна ад̇д̇абхаавзна ниб̣б̣ад̇д̇и. саа д̣̇ваад̣̇асаяож̇анигам̣ згам̣ д̣̇иб̣б̣авад̇т̇ам̣ ниваасзд̇ваа згам̣ баарубид̇ваа ажчараасахассабаривуд̇аа буб̣б̣агаммабагаасанад̇т̇ааяа суван̣н̣алааж̇абхарид̇зна оламб̣агзна суван̣н̣асарагзна бадиман̣д̣ид̇з вимаанад̣̇ваарз тид̇аа ад̇д̇ано самбад̇д̇им̣ ологзд̇ваа ‘‘гим̣ ну ко мз гад̇ваа аяам̣ самбад̇д̇и лад̣̇д̇хаа’’д̇и д̣̇иб̣б̣зна жагкунаа убад̇хаарзнд̇ий ‘‘аяяасса мз махаагассабад̇т̇зрасса д̣̇инналааж̇аниссанд̣̇зна саа лад̣̇д̇хаа’’д̇и ан̃н̃ааси.

    Āyasmā hi mahākassapo pippaliguhāyaṃ viharanto jhānaṃ samāpajjitvā sattame divase vuṭṭhāya dibbena cakkhunā bhikkhācāraṭṭhānaṃ olokento ekaṃ sālikhettapālikaṃ itthiṃ sālisīsāni gahetvā lāje kurumānaṃ disvā ‘‘saddhā nu kho, assaddhā’’ti vīmaṃsitvā ‘‘saddhā’’ti ñatvā ‘‘sakkhissati nu kho me saṅgahaṃ kātuṃ, no’’ti upadhārento ‘‘visāradā kuladhītā mama saṅgahaṃ karissati, katvā ca pana mahāsampattiṃ labhissatī’’ti ñatvā cīvaraṃ pārupitvā pattamādāya sālikhettasamīpeyeva aṭṭhāsi. Kuladhītā theraṃ disvāva pasannacittā pañcavaṇṇāya pītiyā phuṭṭhasarīrā ‘‘tiṭṭhatha, bhante’’ti vatvā lāje ādāya vegena gantvā therassa patte ākiritvā pañcapatiṭṭhitena vanditvā, ‘‘bhante, tumhehi diṭṭhadhammassa bhāginī assa’’nti patthanaṃ akāsi. Thero ‘‘evaṃ hotū’’ti anumodanamakāsi. Sāpi theraṃ vanditvā attanā dinnadānaṃ āvajjamānā nivatti. Tāya ca pana kedāramariyādāya gamanamagge ekasmiṃ bile ghoraviso sappo nipajji. So therassa kāsāyapaṭicchannaṃ jaṅghaṃ ḍaṃsituṃ nāsakkhi. Itarā dānaṃ āvajjamānā nivattantī taṃ padesaṃ pāpuṇi. Sappo bilā nikkhamitvā taṃ ḍaṃsitvā tattheva pātesi. Sā pasannacittena kālaṃ katvā tāvatiṃsabhavane tiṃsayojanike kanakavimāne suttappabuddhā viya sabbālaṅkārapaṭimaṇḍitena tigāvutena attabhāvena nibbatti. Sā dvādasayojanikaṃ ekaṃ dibbavatthaṃ nivāsetvā ekaṃ pārupitvā accharāsahassaparivutā pubbakammapakāsanatthāya suvaṇṇalājabharitena olambakena suvaṇṇasarakena paṭimaṇḍite vimānadvāre ṭhitā attano sampattiṃ oloketvā ‘‘kiṃ nu kho me katvā ayaṃ sampatti laddhā’’ti dibbena cakkhunā upadhārentī ‘‘ayyassa me mahākassapattherassa dinnalājanissandena sā laddhā’’ti aññāsi.

    саа звам̣ барид̇д̇агзна гаммзна зваруубам̣ самбад̇д̇им̣ лабхид̇ваа ‘‘на д̣̇аани маяаа бамаж̇ж̇ид̇ум̣ ваддад̇и, аяяасса вад̇д̇абадивад̇д̇ам̣ гад̇ваа имам̣ самбад̇д̇им̣ т̇ааварам̣ гариссаамий’’д̇и жинд̇зд̇ваа баад̇ова ганагамаяам̣ саммаж̇ж̇анин̃жзва гажаварачад̣д̣анаган̃жа бажчим̣ аад̣̇ааяа г̇анд̇ваа т̇зрасса баривзн̣ам̣ саммаж̇ж̇ид̇ваа баанийяабарибхож̇анийяам̣ убадтаабзси. т̇зро д̇ам̣ д̣̇исваа ‘‘гзнажи д̣̇ахарзна ваа сааман̣зрзна ваа вад̇д̇ам̣ гад̇ам̣ бхависсад̇ий’’д̇и саллагкзси. саа д̣̇уд̇ияад̣̇ивасзби д̇ат̇зва агааси, т̇зроби д̇ат̇зва саллагкзси. д̇ад̇ияад̣̇ивасз бана т̇зро д̇ассаа саммаж̇ж̇анисад̣̇д̣̇ам̣ суд̇ваа д̇аалажчид̣̇д̣̇аад̣̇ийхи жа бавидтам̣ сарийробхаасам̣ д̣̇исваа д̣̇ваарам̣ виварид̇ваа ‘‘го зса саммаж̇ж̇ад̇ий’’д̇и бужчи. ‘‘ахам̣, бханд̇з, д̇умхаагам̣ убадтааяигаа лааж̇ад̣̇звад̇хийд̇аа’’д̇и. ‘‘нану маяхам̣ звам̣наамигаа убадтааяигаа наама над̇т̇ий’’д̇и. ‘‘ахам̣, бханд̇з, сааликзд̇д̇ам̣ рагкамаанаа лааж̇з д̣̇ад̇ваа басаннажид̇д̇аа нивад̇д̇анд̇ий саббзна д̣̇адтаа гаалам̣ гад̇ваа д̇аавад̇им̣сад̣̇звалогз уббаннаа, маяаа аяяам̣ ниссааяа аяам̣ самбад̇д̇и лад̣̇д̇хаа, ид̣̇ааниби д̇умхаагам̣ вад̇д̇абадивад̇д̇ам̣ гад̇ваа ‘самбад̇д̇им̣ т̇ааварам̣ гариссаамий’д̇и ааг̇ад̇аамхи, бханд̇з’’д̇и. ‘‘хияяоби барзби д̇аяаавзд̇ам̣ таанам̣ саммаж̇ж̇ид̇ам̣, д̇аяаава баанийяабхож̇анийяам̣ убадтаабид̇а’’нд̇и. ‘‘аама, бханд̇з’’д̇и. ‘‘абзхи д̣̇звад̇хийд̇з, д̇аяаа гад̇ам̣ вад̇д̇ам̣ гад̇ам̣ва ход̇у, ид̇о бадтааяа имам̣ таанам̣ маа ааг̇амий’’д̇и. ‘‘бханд̇з, маа мам̣ наасзт̇а, д̇умхаагам̣ вад̇д̇ам̣ гад̇ваа самбад̇д̇им̣ мз т̇ирам̣ гаад̇ум̣ д̣̇зт̇аа’’д̇и. ‘‘абзхи д̣̇звад̇хийд̇з, маа мам̣ анааг̇ад̇з жид̇д̇аб̣ийж̇аним̣ г̇ахзд̇ваа нисиннзхи д̇хаммагат̇игзхи ‘махаагассабад̇т̇зрасса гира згаа д̣̇звад̇хийд̇аа ааг̇анд̇ваа вад̇д̇абадивад̇д̇ам̣ гад̇ваа баанийяабарибхож̇анийяам̣ убадтаабзсий’д̇и вад̇д̇аб̣б̣ад̇ам̣ гари, ид̇о бадтааяа ид̇ха маа ааг̇ами, бадиггамаа’’д̇и. саа ‘‘маа мам̣, бханд̇з, наасзт̇аа’’д̇и бунаббунам̣ яаажиязва. т̇зро ‘‘нааяам̣ мама важанам̣ сун̣аад̇ий’’д̇и жинд̇зд̇ваа ‘‘д̇увам̣ бамаан̣ам̣ на ж̇аанаасий’’д̇и ажчарам̣ бахари. саа д̇ад̇т̇а сан̣таад̇ум̣ асаггонд̇ий аагаасз уббад̇ид̇ваа ан̃ж̇алим̣ баг̇г̇аяха, ‘‘бханд̇з, маяаа лад̣̇д̇хасамбад̇д̇им̣ маа наасзт̇а, т̇ааварам̣ гаад̇ум̣ д̣̇зт̇аа’’д̇и род̣̇анд̇ий аагаасз адтааси.

    Sā evaṃ parittakena kammena evarūpaṃ sampattiṃ labhitvā ‘‘na dāni mayā pamajjituṃ vaṭṭati, ayyassa vattapaṭivattaṃ katvā imaṃ sampattiṃ thāvaraṃ karissāmī’’ti cintetvā pātova kanakamayaṃ sammajjaniñceva kacavarachaḍḍanakañca pacchiṃ ādāya gantvā therassa pariveṇaṃ sammajjitvā pānīyaparibhojanīyaṃ upaṭṭhāpesi. Thero taṃ disvā ‘‘kenaci daharena vā sāmaṇerena vā vattaṃ kataṃ bhavissatī’’ti sallakkhesi. Sā dutiyadivasepi tatheva akāsi, theropi tatheva sallakkhesi. Tatiyadivase pana thero tassā sammajjanisaddaṃ sutvā tālacchiddādīhi ca paviṭṭhaṃ sarīrobhāsaṃ disvā dvāraṃ vivaritvā ‘‘ko esa sammajjatī’’ti pucchi. ‘‘Ahaṃ, bhante, tumhākaṃ upaṭṭhāyikā lājadevadhītā’’ti. ‘‘Nanu mayhaṃ evaṃnāmikā upaṭṭhāyikā nāma natthī’’ti. ‘‘Ahaṃ, bhante, sālikhettaṃ rakkhamānā lāje datvā pasannacittā nivattantī sappena daṭṭhā kālaṃ katvā tāvatiṃsadevaloke uppannā, mayā ayyaṃ nissāya ayaṃ sampatti laddhā, idānipi tumhākaṃ vattapaṭivattaṃ katvā ‘sampattiṃ thāvaraṃ karissāmī’ti āgatāmhi, bhante’’ti. ‘‘Hiyyopi parepi tayāvetaṃ ṭhānaṃ sammajjitaṃ, tayāva pānīyabhojanīyaṃ upaṭṭhāpita’’nti. ‘‘Āma, bhante’’ti. ‘‘Apehi devadhīte, tayā kataṃ vattaṃ kataṃva hotu, ito paṭṭhāya imaṃ ṭhānaṃ mā āgamī’’ti. ‘‘Bhante, mā maṃ nāsetha, tumhākaṃ vattaṃ katvā sampattiṃ me thiraṃ kātuṃ dethā’’ti. ‘‘Apehi devadhīte, mā maṃ anāgate cittabījaniṃ gahetvā nisinnehi dhammakathikehi ‘mahākassapattherassa kira ekā devadhītā āgantvā vattapaṭivattaṃ katvā pānīyaparibhojanīyaṃ upaṭṭhāpesī’ti vattabbataṃ kari, ito paṭṭhāya idha mā āgami, paṭikkamā’’ti. Sā ‘‘mā maṃ, bhante, nāsethā’’ti punappunaṃ yāciyeva. Thero ‘‘nāyaṃ mama vacanaṃ suṇātī’’ti cintetvā ‘‘tuvaṃ pamāṇaṃ na jānāsī’’ti accharaṃ pahari. Sā tattha saṇṭhātuṃ asakkontī ākāse uppatitvā añjaliṃ paggayha, ‘‘bhante, mayā laddhasampattiṃ mā nāsetha, thāvaraṃ kātuṃ dethā’’ti rodantī ākāse aṭṭhāsi.

    сад̇т̇аа ж̇зд̇аванз г̇анд̇хагудияам̣ нисиннова д̇ассаа род̣̇ид̇асад̣̇д̣̇ам̣ суд̇ваа обхаасам̣ парид̇ваа д̣̇звад̇хийд̇ааяа саммукз нисийд̣̇ид̇ваа гат̇знд̇о вияа ‘‘д̣̇звад̇хийд̇з мама буд̇д̇асса гассабасса сам̣варагаран̣амзва бхааро, бун̃н̃ад̇т̇игаанам̣ бана ‘аяам̣ но ад̇т̇о’д̇и саллагкзд̇ваа бун̃н̃агаран̣амзва бхааро. бун̃н̃агаран̣ан̃хи ид̇ха жзва самбарааяз жа сукамзваа’’д̇и вад̇ваа анусанд̇хим̣ гхадзд̇ваа д̇хаммам̣ д̣̇зсзнд̇о имам̣ г̇аат̇амааха –

    Satthā jetavane gandhakuṭiyaṃ nisinnova tassā roditasaddaṃ sutvā obhāsaṃ pharitvā devadhītāya sammukhe nisīditvā kathento viya ‘‘devadhīte mama puttassa kassapassa saṃvarakaraṇameva bhāro, puññatthikānaṃ pana ‘ayaṃ no attho’ti sallakkhetvā puññakaraṇameva bhāro. Puññakaraṇañhi idha ceva samparāye ca sukhamevā’’ti vatvā anusandhiṃ ghaṭetvā dhammaṃ desento imaṃ gāthamāha –

    118.

    118.

    ‘‘бун̃н̃ан̃жз бурисо гаяираа, гаяираа нам̣ бунаббунам̣;

    ‘‘Puññañce puriso kayirā, kayirā naṃ punappunaṃ;

    д̇амхи чанд̣̇ам̣ гаяираат̇а, суко бун̃н̃асса ужжаяо’’д̇и.

    Tamhi chandaṃ kayirātha, sukho puññassa uccayo’’ti.

    д̇ассад̇т̇о – сажз бурисо бун̃н̃ам̣ гарзяяа, ‘‘згаваарам̣ мз бун̃н̃ам̣ гад̇ам̣, алам̣ зд̇д̇аавад̇аа’’д̇и анорамид̇ваа бунаббунам̣ гарот̇зва. д̇асса агаран̣агкан̣зби д̇амхи бун̃н̃з чанд̣̇ам̣ ружим̣ уссаахам̣ гарот̇зва. гим̣ гааран̣аа? суко бун̃н̃асса ужжаяо. бун̃н̃асса хи ужжаяо вуд̣дхи ид̇халогабаралогасукааваханад̇о сукод̇и.

    Tassattho – sace puriso puññaṃ kareyya, ‘‘ekavāraṃ me puññaṃ kataṃ, alaṃ ettāvatā’’ti anoramitvā punappunaṃ karotheva. Tassa akaraṇakkhaṇepi tamhi puññe chandaṃ ruciṃ ussāhaṃ karotheva. Kiṃ kāraṇā? Sukho puññassa uccayo. Puññassa hi uccayo vuḍḍhi idhalokaparalokasukhāvahanato sukhoti.

    д̣̇зсанаавасаанз д̣̇звад̇хийд̇аа бан̃жажад̇д̇аалийсаяож̇анамад̇т̇агз тид̇аава сод̇аабад̇д̇ипалам̣ баабун̣ийд̇и.

    Desanāvasāne devadhītā pañcacattālīsayojanamatthake ṭhitāva sotāpattiphalaṃ pāpuṇīti.

    лааж̇ад̣̇звад̇хийд̇аавад̇т̇у д̇ад̇ияам̣.

    Lājadevadhītāvatthu tatiyaṃ.

    4. анаат̇абин̣д̣игасздтивад̇т̇у

    4. Anāthapiṇḍikaseṭṭhivatthu

    баабоби бассад̇ий бхад̣̇ранд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о анаат̇абин̣д̣игам̣ аараб̣бха гат̇зси.

    Pāpopipassatī bhadranti imaṃ dhammadesanaṃ satthā jetavane viharanto anāthapiṇḍikaṃ ārabbha kathesi.

    анаат̇абин̣д̣иго хи вихаарамзва уд̣̇д̣̇исса жад̇убан̣н̣аасагодид̇ханам̣ б̣уд̣̇д̇хасаасанз вигирид̇ваа сад̇т̇ари ж̇зд̇аванз вихаранд̇з д̣̇звасигам̣ д̇ийн̣и махааубадтаанаани г̇ажчад̇и, г̇ажчанд̇о жа ‘‘гим̣ ну ко аад̣̇ааяа ааг̇ад̇од̇и сааман̣зраа ваа д̣̇ахараа ваа хад̇т̇амби мз ологзяяу’’нд̇и д̇ужчахад̇т̇о наама на г̇ад̇абуб̣б̣о. баад̇ова г̇ажчанд̇о яааг̇ум̣ г̇аахаабзд̇ваава г̇ажчад̇и, гад̇абаад̇араасо саббинаванийд̇аад̣̇ийни бхзсаж̇ж̇аани. сааяанхасамаяз маалааг̇анд̇хавилзбанавад̇т̇аад̣̇ийни г̇аахаабзд̇ваа г̇ажчад̇и. звам̣ нижжагааламзва д̣̇ивасз д̣̇ивасз д̣̇аанам̣ д̣̇ад̇ваа сийлам̣ рагкад̇и. абарабхааг̇з д̇ханам̣ баригкаяам̣ г̇ажчад̇и. вохааруубаж̇ийвинобисса хад̇т̇ад̇о адтаарасагодид̇ханам̣ ин̣ам̣ г̇ан̣хим̣су, гуласанд̇агаабисса адтаарасахиран̃н̃агодияо, над̣̇ийд̇ийрз нид̣̇ахид̇ваа табид̇аа уд̣̇агзна гуулз бхиннз махаасамуд̣̇д̣̇ам̣ бависим̣су. звамасса анубуб̣б̣зна д̇ханам̣ баригкаяам̣ аг̇амааси. со звам̣бхууд̇оби сан̇гхасса д̣̇аанам̣ д̣̇зд̇иязва, бан̣ийд̇ам̣ бана гад̇ваа д̣̇аад̇ум̣ на саггод̇и.

    Anāthapiṇḍiko hi vihārameva uddissa catupaṇṇāsakoṭidhanaṃ buddhasāsane vikiritvā satthari jetavane viharante devasikaṃ tīṇi mahāupaṭṭhānāni gacchati, gacchanto ca ‘‘kiṃ nu kho ādāya āgatoti sāmaṇerā vā daharā vā hatthampi me olokeyyu’’nti tucchahattho nāma na gatapubbo. Pātova gacchanto yāguṃ gāhāpetvāva gacchati, katapātarāso sappinavanītādīni bhesajjāni. Sāyanhasamaye mālāgandhavilepanavatthādīni gāhāpetvā gacchati. Evaṃ niccakālameva divase divase dānaṃ datvā sīlaṃ rakkhati. Aparabhāge dhanaṃ parikkhayaṃ gacchati. Vohārūpajīvinopissa hatthato aṭṭhārasakoṭidhanaṃ iṇaṃ gaṇhiṃsu, kulasantakāpissa aṭṭhārasahiraññakoṭiyo, nadītīre nidahitvā ṭhapitā udakena kūle bhinne mahāsamuddaṃ pavisiṃsu. Evamassa anupubbena dhanaṃ parikkhayaṃ agamāsi. So evaṃbhūtopi saṅghassa dānaṃ detiyeva, paṇītaṃ pana katvā dātuṃ na sakkoti.

    со згад̣̇ивасам̣ сад̇т̇аараа ‘‘д̣̇ийяад̇и бана д̇з, г̇ахабад̇и, гулз д̣̇аана’’нд̇и вуд̇д̇з ‘‘д̣̇ийяад̇и, бханд̇з, д̇ан̃жа ко ган̣ааж̇агам̣ б̣илан̇г̇ад̣̇уд̇ияа’’нд̇и ааха. ат̇а нам̣ сад̇т̇аа, ‘‘г̇ахабад̇и, ‘луукам̣ д̣̇аанам̣ д̣̇змий’д̇и маа жинд̇аяи. жид̇д̇асмин̃хи бан̣ийд̇з б̣уд̣̇д̇хаад̣̇ийнам̣ д̣̇иннад̣̇аанам̣ луукам̣ наама над̇т̇и, абижа д̇вам̣ адтаннам̣ арияабуг̇г̇алаанам̣ д̣̇аанам̣ д̣̇зси, ахам̣ бана взлаамагаалз сагалаж̇амб̣уд̣̇ийбам̣ уннан̇г̇алам̣ гад̇ваа махаад̣̇аанам̣ бавад̇д̇аяамааноби д̇исаран̣аг̇ад̇амби ган̃жи наалад̇т̇ам̣, д̣̇агкин̣зяяаа наама звам̣ д̣̇уллабхаа. д̇асмаа ‘луукам̣ мз д̣̇аана’нд̇и маа жинд̇аяий’’д̇и вад̇ваа взлаамасуд̇д̇амасса (а. ни. 9.20) гат̇зси. ат̇асса д̣̇ваарагодтагз ад̇хивад̇т̇аа д̣̇звад̇аа сад̇т̇ари жзва сад̇т̇усаавагзсу жа г̇зхам̣ бависанд̇зсу д̇зсам̣ д̇зж̇зна сан̣таад̇ум̣ асаггонд̇ий, ‘‘яат̇аа имз имам̣ г̇зхам̣ на бависанд̇и, д̇ат̇аа г̇ахабад̇им̣ барибхинд̣̇иссаамий’’д̇и д̇ам̣ вад̇д̇угаамааби иссарагаалз гин̃жи вад̇д̇ум̣ наасагки, ид̣̇аани ‘‘банааяам̣ д̣̇уг̇г̇ад̇о г̇ан̣хиссад̇и мз важана’’нд̇и рад̇д̇ибхааг̇з сздтисса сириг̇аб̣бхам̣ бависид̇ваа аагаасз адтааси. ат̇а сздти нам̣ д̣̇исваа ‘‘го зсо’’д̇и ааха. ахам̣ д̇з махаасздти жад̇уд̇т̇ад̣̇ваарагодтагз ад̇хивад̇т̇аа д̣̇звад̇аа, д̇уяхам̣ оваад̣̇ад̣̇аанад̇т̇ааяа ааг̇ад̇аад̇и. д̇зна хи овад̣̇зхийд̇и. махаасздти д̇аяаа бажчимагаалам̣ анологзд̇ваава саман̣асса г̇од̇амасса саасанз б̣ахум̣ д̇ханам̣ виббагин̣н̣ам̣, ид̣̇аани д̣̇уг̇г̇ад̇о худ̇вааби д̇ам̣ на мун̃жасиязва, звам̣ вад̇д̇амаано гад̇ибаахзнзва гхаасажчаад̣̇анамад̇д̇амби на лабхиссаси , гим̣ д̇з саман̣зна г̇од̇амзна, ад̇ибарижжааг̇ад̇о орамид̇ваа гамманд̇з баяож̇знд̇о гудумб̣ам̣ сан̣таабзхийд̇и. аяам̣ мз д̇аяаа д̣̇иннаоваад̣̇од̇и. аама, сздтийд̇и. г̇ажча, наахам̣ д̇аад̣̇исийнам̣ сад̇знаби сахассзнаби сад̇асахассзнаби саггаа гамбзд̇ум̣, аяуд̇д̇ам̣ д̇з вуд̇д̇ам̣, гам̣ д̇аяаа мама г̇зхз васамаанааяа, сийгхам̣ сийгхам̣ мз гхараа нигкамаахийд̇и. саа сод̇аабаннасса арияасаавагасса важанам̣ суд̇ваа таад̇ум̣ асаггонд̇ий д̣̇аарагз аад̣̇ааяа нигками, нигкамид̇ваа жа бана ан̃н̃ад̇т̇а васанадтаанам̣ алабхамаанаа ‘‘сздтим̣ камаабзд̇ваа д̇ад̇т̇зва васиссаамий’’д̇и наг̇арабариг̇г̇аахагам̣ д̣̇звабуд̇д̇ам̣ убасан̇гамид̇ваа ад̇д̇анаа гад̇аабараад̇хам̣ аажигкид̇ваа ‘‘зхи, мам̣ сздтисса санд̇игам̣ нзд̇ваа камаабзд̇ваа васанадтаанам̣ д̣̇аабзхий’’д̇и ааха. со ‘‘аяуд̇д̇ам̣ д̇аяаа вуд̇д̇ам̣, наахам̣ д̇асса санд̇игам̣ г̇анд̇ум̣ уссахаамий’’д̇и д̇ам̣ бадигкиби. саа жад̇уннам̣ махаарааж̇аанам̣ санд̇игам̣ г̇анд̇ваа д̇зхиби бадигкид̇д̇аа саггам̣ д̣̇зварааж̇аанам̣ убасан̇гамид̇ваа д̇ам̣ бавад̇д̇им̣ аажигкид̇ваа, ‘‘ахам̣, д̣̇зва, васанадтаанам̣ алабхамаанаа д̣̇аарагз хад̇т̇зна г̇ахзд̇ваа анаат̇аа вижараами, васанадтаанам̣ мз д̣̇аабзхий’’д̇и судтуд̇арам̣ яаажи.

    So ekadivasaṃ satthārā ‘‘dīyati pana te, gahapati, kule dāna’’nti vutte ‘‘dīyati, bhante, tañca kho kaṇājakaṃ bilaṅgadutiya’’nti āha. Atha naṃ satthā, ‘‘gahapati, ‘lūkhaṃ dānaṃ demī’ti mā cintayi. Cittasmiñhi paṇīte buddhādīnaṃ dinnadānaṃ lūkhaṃ nāma natthi, apica tvaṃ aṭṭhannaṃ ariyapuggalānaṃ dānaṃ desi, ahaṃ pana velāmakāle sakalajambudīpaṃ unnaṅgalaṃ katvā mahādānaṃ pavattayamānopi tisaraṇagatampi kañci nālatthaṃ, dakkhiṇeyyā nāma evaṃ dullabhā. Tasmā ‘lūkhaṃ me dāna’nti mā cintayī’’ti vatvā velāmasuttamassa (a. ni. 9.20) kathesi. Athassa dvārakoṭṭhake adhivatthā devatā satthari ceva satthusāvakesu ca gehaṃ pavisantesu tesaṃ tejena saṇṭhātuṃ asakkontī, ‘‘yathā ime imaṃ gehaṃ na pavisanti, tathā gahapatiṃ paribhindissāmī’’ti taṃ vattukāmāpi issarakāle kiñci vattuṃ nāsakkhi, idāni ‘‘panāyaṃ duggato gaṇhissati me vacana’’nti rattibhāge seṭṭhissa sirigabbhaṃ pavisitvā ākāse aṭṭhāsi. Atha seṭṭhi naṃ disvā ‘‘ko eso’’ti āha. Ahaṃ te mahāseṭṭhi catutthadvārakoṭṭhake adhivatthā devatā, tuyhaṃ ovādadānatthāya āgatāti. Tena hi ovadehīti. Mahāseṭṭhi tayā pacchimakālaṃ anoloketvāva samaṇassa gotamassa sāsane bahuṃ dhanaṃ vippakiṇṇaṃ, idāni duggato hutvāpi taṃ na muñcasiyeva, evaṃ vattamāno katipāheneva ghāsacchādanamattampi na labhissasi , kiṃ te samaṇena gotamena, atipariccāgato oramitvā kammante payojento kuṭumbaṃ saṇṭhāpehīti. Ayaṃ me tayā dinnaovādoti. Āma, seṭṭhīti. Gaccha, nāhaṃ tādisīnaṃ satenapi sahassenapi satasahassenapi sakkā kampetuṃ, ayuttaṃ te vuttaṃ, kaṃ tayā mama gehe vasamānāya, sīghaṃ sīghaṃ me gharā nikkhamāhīti. Sā sotāpannassa ariyasāvakassa vacanaṃ sutvā ṭhātuṃ asakkontī dārake ādāya nikkhami, nikkhamitvā ca pana aññattha vasanaṭṭhānaṃ alabhamānā ‘‘seṭṭhiṃ khamāpetvā tattheva vasissāmī’’ti nagarapariggāhakaṃ devaputtaṃ upasaṅkamitvā attanā katāparādhaṃ ācikkhitvā ‘‘ehi, maṃ seṭṭhissa santikaṃ netvā khamāpetvā vasanaṭṭhānaṃ dāpehī’’ti āha. So ‘‘ayuttaṃ tayā vuttaṃ, nāhaṃ tassa santikaṃ gantuṃ ussahāmī’’ti taṃ paṭikkhipi. Sā catunnaṃ mahārājānaṃ santikaṃ gantvā tehipi paṭikkhittā sakkaṃ devarājānaṃ upasaṅkamitvā taṃ pavattiṃ ācikkhitvā, ‘‘ahaṃ, deva, vasanaṭṭhānaṃ alabhamānā dārake hatthena gahetvā anāthā vicarāmi, vasanaṭṭhānaṃ me dāpehī’’ti suṭṭhutaraṃ yāci.

    ат̇а нам̣ со ‘‘ахамби д̇ава гааран̣аа сздтим̣ вад̇д̇ум̣ на сагкиссаами, згам̣ бана д̇з убааяам̣ гат̇зссаамий’’д̇и ааха. саад̇ху, д̣̇зва, гат̇зхийд̇и. г̇ажча, сздтино ааяуд̇д̇агавзсам̣ г̇ахзд̇ваа сздтисса хад̇т̇ад̇о бан̣н̣ам̣ ааробзд̇ваа вохааруубаж̇ийвийхи г̇ахид̇ам̣ адтаарасагодид̇ханам̣ ад̇д̇ано аанубхаавзна сод̇хзд̇ваа д̇ужчаг̇аб̣бхз буурзд̇ваа махаасамуд̣̇д̣̇ам̣ бавидтам̣ адтаарасагодид̇ханам̣ ад̇т̇и, ан̃н̃амби асугадтаанз наама ассаамигам̣ адтаарасагодид̇ханам̣ ад̇т̇и, д̇ам̣ саб̣б̣ам̣ сам̣харид̇ваа д̇асса д̇ужчаг̇аб̣бхз буурзд̇ваа д̣̇ан̣д̣агаммам̣ гад̇ваа камаабзхийд̇и. саа ‘‘саад̇ху, д̣̇зваа’’д̇и вуд̇д̇анаязнзва д̇ам̣ саб̣б̣ам̣ гад̇ваа буна д̇асса сириг̇аб̣бхам̣ обхаасаяамаанаа аагаасз тад̇ваа ‘‘го зсо’’д̇и вуд̇д̇з ахам̣ д̇з жад̇уд̇т̇ад̣̇ваарагодтагз ад̇хивад̇т̇аа анд̇хаб̣аалад̣̇звад̇аа, маяаа анд̇хаб̣аалад̇ааяа яам̣ д̇умхаагам̣ санд̇игз гат̇ид̇ам̣, д̇ам̣ мз камат̇а. саггасса хи мз важанзна жад̇убан̣н̣аасагодид̇ханам̣ сам̣харид̇ваа д̇ужчаг̇аб̣бхабууран̣ам̣ д̣̇ан̣д̣агаммам̣ гад̇ам̣, васанадтаанам̣ алабхамаанаа гиламаамийд̇и. анаат̇абин̣д̣иго жинд̇зси – ‘‘аяам̣ д̣̇звад̇аа ‘д̣̇ан̣д̣агамман̃жа мз гад̇а’нд̇и вад̣̇ад̇и, ад̇д̇ано жа д̣̇осам̣ бадиж̇аанаад̇и, саммаасамб̣уд̣̇д̇хасса нам̣ д̣̇ассзссаамий’’д̇и. со д̇ам̣ сад̇т̇у санд̇игам̣ нзд̇ваа д̇ааяа гад̇агаммам̣ саб̣б̣ам̣ аарожзси. д̣̇звад̇аа сад̇т̇у баад̣̇зсу сирасаа нибад̇ид̇ваа, ‘‘бханд̇з, яам̣ маяаа анд̇хаб̣аалад̇ааяа д̇умхаагам̣ г̇ун̣з аж̇аанид̇ваа баабагам̣ важанам̣ вуд̇д̇ам̣, д̇ам̣ мз камат̇аа’’д̇и сад̇т̇аарам̣ камаабзд̇ваа махаасздтим̣ камаабзси. сад̇т̇аа галяаан̣абаабагаанам̣ гаммаанам̣ вибаагавасзна сздтин̃жзва д̣̇звад̇ан̃жа овад̣̇анд̇о ‘‘ид̇ха, г̇ахабад̇и, баабабуг̇г̇алоби яаава баабам̣ на бажжад̇и, д̇аава бхад̣̇рамби бассад̇и. яад̣̇аа банасса баабам̣ бажжад̇и, д̇ад̣̇аа баабамзва бассад̇и. бхад̣̇рабуг̇г̇алоби яаава бхад̣̇рам̣ на бажжад̇и, д̇аава баабаани бассад̇и. яад̣̇аа банасса бхад̣̇рам̣ бажжад̇и, д̇ад̣̇аа бхад̣̇рамзва бассад̇ий’’д̇и вад̇ваа анусанд̇хим̣ гхадзд̇ваа д̇хаммам̣ д̣̇зсзнд̇о имаа г̇аат̇аа абхааси –

    Atha naṃ so ‘‘ahampi tava kāraṇā seṭṭhiṃ vattuṃ na sakkhissāmi, ekaṃ pana te upāyaṃ kathessāmī’’ti āha. Sādhu, deva, kathehīti. Gaccha, seṭṭhino āyuttakavesaṃ gahetvā seṭṭhissa hatthato paṇṇaṃ āropetvā vohārūpajīvīhi gahitaṃ aṭṭhārasakoṭidhanaṃ attano ānubhāvena sodhetvā tucchagabbhe pūretvā mahāsamuddaṃ paviṭṭhaṃ aṭṭhārasakoṭidhanaṃ atthi, aññampi asukaṭṭhāne nāma assāmikaṃ aṭṭhārasakoṭidhanaṃ atthi, taṃ sabbaṃ saṃharitvā tassa tucchagabbhe pūretvā daṇḍakammaṃ katvā khamāpehīti. Sā ‘‘sādhu, devā’’ti vuttanayeneva taṃ sabbaṃ katvā puna tassa sirigabbhaṃ obhāsayamānā ākāse ṭhatvā ‘‘ko eso’’ti vutte ahaṃ te catutthadvārakoṭṭhake adhivatthā andhabāladevatā, mayā andhabālatāya yaṃ tumhākaṃ santike kathitaṃ, taṃ me khamatha. Sakkassa hi me vacanena catupaṇṇāsakoṭidhanaṃ saṃharitvā tucchagabbhapūraṇaṃ daṇḍakammaṃ kataṃ, vasanaṭṭhānaṃ alabhamānā kilamāmīti. Anāthapiṇḍiko cintesi – ‘‘ayaṃ devatā ‘daṇḍakammañca me kata’nti vadati, attano ca dosaṃ paṭijānāti, sammāsambuddhassa naṃ dassessāmī’’ti. So taṃ satthu santikaṃ netvā tāya katakammaṃ sabbaṃ ārocesi. Devatā satthu pādesu sirasā nipatitvā, ‘‘bhante, yaṃ mayā andhabālatāya tumhākaṃ guṇe ajānitvā pāpakaṃ vacanaṃ vuttaṃ, taṃ me khamathā’’ti satthāraṃ khamāpetvā mahāseṭṭhiṃ khamāpesi. Satthā kalyāṇapāpakānaṃ kammānaṃ vipākavasena seṭṭhiñceva devatañca ovadanto ‘‘idha, gahapati, pāpapuggalopi yāva pāpaṃ na paccati, tāva bhadrampi passati. Yadā panassa pāpaṃ paccati, tadā pāpameva passati. Bhadrapuggalopi yāva bhadraṃ na paccati, tāva pāpāni passati. Yadā panassa bhadraṃ paccati, tadā bhadrameva passatī’’ti vatvā anusandhiṃ ghaṭetvā dhammaṃ desento imā gāthā abhāsi –

    119.

    119.

    ‘‘баабоби бассад̇ий бхад̣̇рам̣, яаава баабам̣ на бажжад̇и;

    ‘‘Pāpopi passatī bhadraṃ, yāva pāpaṃ na paccati;

    яад̣̇аа жа бажжад̇ий баабам̣, ат̇а баабо баабаани бассад̇и.

    Yadā ca paccatī pāpaṃ, atha pāpo pāpāni passati.

    120.

    120.

    ‘‘бхад̣̇роби бассад̇ий баабам̣, яаава бхад̣̇рам̣ на бажжад̇и;

    ‘‘Bhadropi passatī pāpaṃ, yāva bhadraṃ na paccati;

    яад̣̇аа жа бажжад̇ий бхад̣̇рам̣, ат̇а бхад̣̇ро бхад̣̇раани бассад̇ий’’д̇и.

    Yadā ca paccatī bhadraṃ, atha bhadro bhadrāni passatī’’ti.

    д̇ад̇т̇а баабод̇и гааяад̣̇ужжарид̇аад̣̇инаа баабагаммзна яуд̇д̇абуг̇г̇ало. соби хи буримасужарид̇аанубхаавзна ниб̣б̣ад̇д̇ам̣ сукам̣ анубхавамаано бхад̣̇рамби бассад̇и. яаава баабам̣ на бажжад̇ийд̇и яаавасса д̇ам̣ баабагаммам̣ д̣̇идтад̇хаммз ваа самбарааяз ваа вибаагам̣ на д̣̇зд̇и. яад̣̇аа банасса д̇ам̣ д̣̇идтад̇хаммз ваа самбарааяз ваа вибаагам̣ д̣̇зд̇и, ат̇а д̣̇идтад̇хаммз вивид̇хаа гаммагааран̣аа, самбарааяз жа абааяад̣̇угкам̣ анубхонд̇о со баабо баабааниязва бассад̇и. д̣̇уд̇ияаг̇аат̇ааяаби гааяасужарид̇аад̣̇инаа бхад̣̇рагаммзна яуд̇д̇о бхад̣̇ро. соби хи буримад̣̇ужжарид̇аанубхаавзна ниб̣б̣ад̇д̇ам̣ д̣̇угкам̣ анубхавамаано баабам̣ бассад̇и. яаава бхад̣̇рам̣ на бажжад̇ийд̇и яаавасса д̇ам̣ бхад̣̇рам̣ гаммам̣ д̣̇идтад̇хаммз ваа самбарааяз ваа вибаагам̣ на д̣̇зд̇и. яад̣̇аа бана д̇ам̣ вибаагам̣ д̣̇зд̇и, ат̇а д̣̇идтад̇хаммз лаабхасаггаараад̣̇исукам̣, самбарааяз жа д̣̇иб̣б̣асамбад̇д̇исукам̣ анубхавамаано со бхад̣̇ро бхад̣̇рааниязва бассад̇ийд̇и.

    Tattha pāpoti kāyaduccaritādinā pāpakammena yuttapuggalo. Sopi hi purimasucaritānubhāvena nibbattaṃ sukhaṃ anubhavamāno bhadrampi passati. Yāva pāpaṃ na paccatīti yāvassa taṃ pāpakammaṃ diṭṭhadhamme vā samparāye vā vipākaṃ na deti. Yadā panassa taṃ diṭṭhadhamme vā samparāye vā vipākaṃ deti, atha diṭṭhadhamme vividhā kammakāraṇā, samparāye ca apāyadukkhaṃ anubhonto so pāpo pāpāniyeva passati. Dutiyagāthāyapi kāyasucaritādinā bhadrakammena yutto bhadro. Sopi hi purimaduccaritānubhāvena nibbattaṃ dukkhaṃ anubhavamāno pāpaṃ passati. Yāva bhadraṃ na paccatīti yāvassa taṃ bhadraṃ kammaṃ diṭṭhadhamme vā samparāye vā vipākaṃ na deti. Yadā pana taṃ vipākaṃ deti, atha diṭṭhadhamme lābhasakkārādisukhaṃ, samparāye ca dibbasampattisukhaṃ anubhavamāno so bhadro bhadrāniyeva passatīti.

    д̣̇зсанаавасаанз саа д̣̇звад̇аа сод̇аабад̇д̇ипалз бад̇идтахи, самбад̇д̇абарисааяаби саад̇т̇игаа д̇хаммад̣̇зсанаа ахосийд̇и.

    Desanāvasāne sā devatā sotāpattiphale patiṭṭhahi, sampattaparisāyapi sātthikā dhammadesanā ahosīti.

    анаат̇абин̣д̣игасздтивад̇т̇у жад̇уд̇т̇ам̣.

    Anāthapiṇḍikaseṭṭhivatthu catutthaṃ.

    5. асан̃н̃ад̇абаригкаарабхигкувад̇т̇у

    5. Asaññataparikkhārabhikkhuvatthu

    мааваман̃н̃зт̇а баабассаад̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о згам̣ асан̃н̃ад̇абаригкаарам̣ бхигкум̣ аараб̣бха гат̇зси.

    Māvamaññetha pāpassāti imaṃ dhammadesanaṃ satthā jetavane viharanto ekaṃ asaññataparikkhāraṃ bhikkhuṃ ārabbha kathesi.

    со гира яам̣ гин̃жи ман̃жабийтаад̣̇ибхзд̣̇ам̣ баригкаарам̣ б̣ахи барибхун̃ж̇ид̇ваа д̇ад̇т̇зва чад̣д̣зд̇и. баригкааро вассзнаби аад̇абзнаби убажигаад̣̇ийхиби винассад̇и. со бхигкуухи ‘‘нану, аавусо, баригкааро наама бадисаамид̇аб̣б̣о’’д̇и вуд̇д̇з ‘‘аббагам̣ маяаа гад̇ам̣, аавусо, зд̇ам̣, на зд̇асса жид̇д̇ам̣ ад̇т̇и, на бид̇д̇а’’нд̇и вад̇ваа д̇ат̇зва гарод̇и. бхигкуу д̇асса гирияам̣ сад̇т̇у аарожзсум̣. сад̇т̇аа д̇ам̣ баггосаабзд̇ваа ‘‘сажжам̣ гира д̇вам̣ бхигку звам̣ гаросий’’д̇и бужчи. со сад̇т̇аараа бужчид̇оби ‘‘гим̣ зд̇ам̣ бхаг̇аваа аббагам̣ маяаа гад̇ам̣, на д̇асса жид̇д̇ам̣ ад̇т̇и, наасса бид̇д̇а’’нд̇и д̇ат̇зва аваман̃н̃анд̇о ааха. ат̇а нам̣ сад̇т̇аа ‘‘бхигкуухи звам̣ гаад̇ум̣ на ваддад̇и, баабагаммам̣ наама ‘аббага’нд̇и на аваман̃н̃ид̇аб̣б̣ам̣. аж̇жхогаасз табид̇ан̃хи вивадамукам̣ бхааж̇анам̣ д̣̇звз вассанд̇з гин̃жааби згаб̣инд̣̇унаа на буурад̇и, бунаббунам̣ вассанд̇з бана буурад̇зва, звамзвам̣ баабам̣ гаронд̇о буг̇г̇ало анубуб̣б̣зна маханд̇ам̣ баабараасим̣ гарод̇ий’’д̇и вад̇ваа анусанд̇хим̣ гхадзд̇ваа д̇хаммам̣ д̣̇зсзнд̇о имам̣ г̇аат̇амааха –

    So kira yaṃ kiñci mañcapīṭhādibhedaṃ parikkhāraṃ bahi paribhuñjitvā tattheva chaḍḍeti. Parikkhāro vassenapi ātapenapi upacikādīhipi vinassati. So bhikkhūhi ‘‘nanu, āvuso, parikkhāro nāma paṭisāmitabbo’’ti vutte ‘‘appakaṃ mayā kataṃ, āvuso, etaṃ, na etassa cittaṃ atthi, na pitta’’nti vatvā tatheva karoti. Bhikkhū tassa kiriyaṃ satthu ārocesuṃ. Satthā taṃ pakkosāpetvā ‘‘saccaṃ kira tvaṃ bhikkhu evaṃ karosī’’ti pucchi. So satthārā pucchitopi ‘‘kiṃ etaṃ bhagavā appakaṃ mayā kataṃ, na tassa cittaṃ atthi, nāssa pitta’’nti tatheva avamaññanto āha. Atha naṃ satthā ‘‘bhikkhūhi evaṃ kātuṃ na vaṭṭati, pāpakammaṃ nāma ‘appaka’nti na avamaññitabbaṃ. Ajjhokāse ṭhapitañhi vivaṭamukhaṃ bhājanaṃ deve vassante kiñcāpi ekabindunā na pūrati, punappunaṃ vassante pana pūrateva, evamevaṃ pāpaṃ karonto puggalo anupubbena mahantaṃ pāparāsiṃ karotī’’ti vatvā anusandhiṃ ghaṭetvā dhammaṃ desento imaṃ gāthamāha –

    121.

    121.

    ‘‘мааваман̃н̃зт̇а баабасса, на манд̣̇ам̣ ааг̇амиссад̇и;

    ‘‘Māvamaññetha pāpassa, na mandaṃ āgamissati;

    уд̣̇аб̣инд̣̇унибаад̇зна, уд̣̇агумбхоби буурад̇и;

    Udabindunipātena, udakumbhopi pūrati;

    б̣аало буурад̇и баабасса, т̇огам̣ т̇огамби аажина’’нд̇и.

    Bālo pūrati pāpassa, thokaṃ thokampi ācina’’nti.

    д̇ад̇т̇а мааваман̃н̃зт̇аад̇и на аваж̇аанзяяа. баабассаад̇и баабам̣. на манд̣̇ам̣ ааг̇амиссад̇ийд̇и ‘‘аббамад̇д̇агам̣ мз баабагам̣ гад̇ам̣, гад̣̇аа зд̇ам̣ вибажжиссад̇ий’’д̇и звам̣ баабам̣ нааваж̇аанзяяаад̇и ад̇т̇о. уд̣̇агумбхобийд̇и д̣̇звз вассанд̇з мукам̣ виварид̇ваа табид̇ам̣ яам̣ гин̃жи гулаалабхааж̇анам̣ яат̇аа д̇ам̣ згзгассааби уд̣̇агаб̣инд̣̇уно нибаад̇зна анубуб̣б̣зна буурад̇и, звам̣ б̣аалабуг̇г̇ало т̇огам̣ т̇огамби баабам̣ аажинанд̇о гаронд̇о вад̣дхзнд̇о баабасса буурад̇иязваад̇и ад̇т̇о.

    Tattha māvamaññethāti na avajāneyya. Pāpassāti pāpaṃ. Na mandaṃ āgamissatīti ‘‘appamattakaṃ me pāpakaṃ kataṃ, kadā etaṃ vipaccissatī’’ti evaṃ pāpaṃ nāvajāneyyāti attho. Udakumbhopīti deve vassante mukhaṃ vivaritvā ṭhapitaṃ yaṃ kiñci kulālabhājanaṃ yathā taṃ ekekassāpi udakabinduno nipātena anupubbena pūrati, evaṃ bālapuggalo thokaṃ thokampi pāpaṃ ācinanto karonto vaḍḍhento pāpassa pūratiyevāti attho.

    д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣су. сад̇т̇ааби ‘‘аж̇жхогаасз сзяяам̣ сант̇арид̇ваа бадибаагад̇игам̣ агаронд̇о имам̣ наама аабад̇д̇имаабаж̇ж̇ад̇ий’’д̇и (баажи. 108-110) сигкаабад̣̇ам̣ бан̃н̃аабзсийд̇и.

    Desanāvasāne bahū sotāpattiphalādīni pāpuṇiṃsu. Satthāpi ‘‘ajjhokāse seyyaṃ santharitvā paṭipākatikaṃ akaronto imaṃ nāma āpattimāpajjatī’’ti (pāci. 108-110) sikkhāpadaṃ paññāpesīti.

    асан̃н̃ад̇абаригкаарабхигкувад̇т̇у бан̃жамам̣.

    Asaññataparikkhārabhikkhuvatthu pañcamaṃ.

    6. б̣ил̣аалабаад̣̇агасздтивад̇т̇у

    6. Biḷālapādakaseṭṭhivatthu

    мааваман̃н̃зт̇а бун̃н̃ассаад̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о б̣ил̣аалабаад̣̇агасздтим̣ аараб̣бха гат̇зси.

    Māvamaññethapuññassāti imaṃ dhammadesanaṃ satthā jetavane viharanto biḷālapādakaseṭṭhiṃ ārabbha kathesi.

    згасмин̃хи самаяз саавад̇т̇иваасино ваг̇г̇аб̣анд̇ханзна б̣уд̣̇д̇хаббамукасса бхигкусан̇гхасса д̣̇аанам̣ д̣̇знд̇и. ат̇згад̣̇ивасам̣ сад̇т̇аа анумод̣̇анам̣ гаронд̇о звамааха –

    Ekasmiñhi samaye sāvatthivāsino vaggabandhanena buddhappamukhassa bhikkhusaṅghassa dānaṃ denti. Athekadivasaṃ satthā anumodanaṃ karonto evamāha –

    ‘‘убаасагаа ид̇хзгажжо ад̇д̇анаава д̣̇аанам̣ д̣̇зд̇и, барам̣ на самаад̣̇абзд̇и. со ниб̣б̣ад̇д̇аниб̣б̣ад̇д̇адтаанз бхог̇асамбад̣̇ам̣ лабхад̇и, но бариваарасамбад̣̇ам̣. згажжо ад̇д̇анаа д̣̇аанам̣ на д̣̇зд̇и, барам̣ самаад̣̇абзд̇и. со ниб̣б̣ад̇д̇аниб̣б̣ад̇д̇адтаанз бариваарасамбад̣̇ам̣ лабхад̇и, но бхог̇асамбад̣̇ам̣. згажжо ад̇д̇анаа жа на д̣̇зд̇и, баран̃жа на самаад̣̇абзд̇и. со ниб̣б̣ад̇д̇аниб̣б̣ад̇д̇адтаанз нзва бхог̇асамбад̣̇ам̣ лабхад̇и, на бариваарасамбад̣̇ам̣, вигхаасаад̣̇о худ̇ваа вижарад̇и. згажжо ад̇д̇анаа жа д̣̇зд̇и, баран̃жа самаад̣̇абзд̇и. со ниб̣б̣ад̇д̇аниб̣б̣ад̇д̇адтаанз бхог̇асамбад̣̇ан̃жзва лабхад̇и, бариваарасамбад̣̇ан̃жаа’’д̇и.

    ‘‘Upāsakā idhekacco attanāva dānaṃ deti, paraṃ na samādapeti. So nibbattanibbattaṭṭhāne bhogasampadaṃ labhati, no parivārasampadaṃ. Ekacco attanā dānaṃ na deti, paraṃ samādapeti. So nibbattanibbattaṭṭhāne parivārasampadaṃ labhati, no bhogasampadaṃ. Ekacco attanā ca na deti, parañca na samādapeti. So nibbattanibbattaṭṭhāne neva bhogasampadaṃ labhati, na parivārasampadaṃ, vighāsādo hutvā vicarati. Ekacco attanā ca deti, parañca samādapeti. So nibbattanibbattaṭṭhāne bhogasampadañceva labhati, parivārasampadañcā’’ti.

    ат̇зго бан̣д̣ид̇абурисо д̇ам̣ д̇хаммад̣̇зсанам̣ суд̇ваа ‘‘ахо ажчарияамид̣̇ам̣ гааран̣ам̣, ахам̣ д̣̇аани убхаяасамбад̇д̇исам̣вад̇д̇анигам̣ гаммам̣ гариссаамий’’д̇и жинд̇зд̇ваа сад̇т̇аарам̣ удтааяа г̇аманагаалз ааха – ‘‘бханд̇з, свз амхаагам̣ бхигкам̣ г̇ан̣хат̇аа’’д̇и. гид̇д̇агзхи бана д̇з бхигкуухи ад̇т̇од̇и? саб̣б̣абхигкуухи, бханд̇зд̇и. сад̇т̇аа ад̇хиваасзси . соби г̇аамам̣ бависид̇ваа, ‘‘аммад̇аад̇аа, маяаа сваад̇анааяа б̣уд̣̇д̇хаббамуко бхигкусан̇гхо ниманд̇ид̇о, яо яад̇д̇агаанам̣ бхигкуунам̣ саггод̇и, со д̇ад̇д̇агаанам̣ яааг̇уаад̣̇ийнам̣ ад̇т̇ааяа д̇ан̣д̣улаад̣̇ийни д̣̇зд̇у, згасмим̣ таанз бажаабзд̇ваа д̣̇аанам̣ д̣̇ассаамаа’’д̇и уг̇гхосзнд̇о вижари.

    Atheko paṇḍitapuriso taṃ dhammadesanaṃ sutvā ‘‘aho acchariyamidaṃ kāraṇaṃ, ahaṃ dāni ubhayasampattisaṃvattanikaṃ kammaṃ karissāmī’’ti cintetvā satthāraṃ uṭṭhāya gamanakāle āha – ‘‘bhante, sve amhākaṃ bhikkhaṃ gaṇhathā’’ti. Kittakehi pana te bhikkhūhi atthoti? Sabbabhikkhūhi, bhanteti. Satthā adhivāsesi . Sopi gāmaṃ pavisitvā, ‘‘ammatātā, mayā svātanāya buddhappamukho bhikkhusaṅgho nimantito, yo yattakānaṃ bhikkhūnaṃ sakkoti, so tattakānaṃ yāguādīnaṃ atthāya taṇḍulādīni detu, ekasmiṃ ṭhāne pacāpetvā dānaṃ dassāmā’’ti ugghosento vicari.

    ат̇а нам̣ зго сздти ад̇д̇ано аабан̣ад̣̇ваарам̣ самбад̇д̇ам̣ д̣̇исваа ‘‘аяам̣ ад̇д̇ано бахонагз бхигкуу аниманд̇зд̇ваа бана сагалаг̇аамам̣ самаад̣̇абзнд̇о вижарад̇ий’’д̇и гуж̇жхид̇ваа ‘‘д̇аяаа г̇ахид̇абхааж̇анам̣ аахараа’’д̇и д̇ийхи ан̇г̇улийхи г̇ахзд̇ваа т̇огз д̇ан̣д̣улз ад̣̇ааси, д̇ат̇аа муг̇г̇з, д̇ат̇аа маасзд̇и. со д̇ад̇о бадтааяа б̣ил̣аалабаад̣̇агасздти наама ж̇аад̇о, саббипаан̣ид̇аад̣̇ийни д̣̇знд̇оби гаран̣д̣ам̣ гудз багкибид̇ваа згад̇о гон̣ам̣ гад̇ваа б̣инд̣̇ум̣ б̣инд̣̇ум̣ баг̇гхарааяанд̇о т̇огат̇огамзва ад̣̇ааси. убаасаго авасзсзхи д̣̇иннам̣ згад̇о гад̇ваа иминаа д̣̇иннам̣ висум̣язва аг̇г̇ахзси. со сздти д̇асса гирияам̣ д̣̇исваа ‘‘гим̣ ну ко зса маяаа д̣̇иннам̣ висум̣ г̇ан̣хаад̇ий’’д̇и жинд̇зд̇ваа д̇асса бажчад̇о бажчад̇о згам̣ жуул̣убадтаагам̣ бахин̣и ‘‘г̇ажча, яам̣ зса гарод̇и, д̇ам̣ ж̇аанаахий’’д̇и. со г̇анд̇ваа ‘‘сздтисса махабпалам̣ ход̇уу’’д̇и яааг̇убхад̇д̇абууваанам̣ ад̇т̇ааяа згам̣ д̣̇вз д̇ан̣д̣улз багкибид̇ваа муг̇г̇амаасзби д̇злапаан̣ид̇аад̣̇иб̣инд̣̇ууниби саб̣б̣абхааж̇анзсу багкиби. жуул̣убадтааго г̇анд̇ваа сздтисса аарожзси . д̇ам̣ суд̇ваа сздти жинд̇зси – ‘‘сажз мз со барисамаж̇жхз аван̣н̣ам̣ бхаасиссад̇и, мама наамз г̇ахид̇амад̇д̇зязва нам̣ бахарид̇ваа маарзссаамий’’д̇и ниваасананд̇арз чуригам̣ б̣анд̇хид̇ваа бунад̣̇ивасз г̇анд̇ваа бхад̇д̇аг̇г̇з адтааси. со бурисо б̣уд̣̇д̇хаббамукам̣ бхигкусан̇гхам̣ баривисид̇ваа бхаг̇аванд̇ам̣ ааха – ‘‘бханд̇з, маяаа махааж̇анам̣ самаад̣̇абзд̇ваа имам̣ д̣̇аанам̣ д̣̇иннам̣, д̇ад̇т̇а самаад̣̇абид̇амануссаа ад̇д̇ано ад̇д̇ано б̣алзна б̣ахууниби т̇огааниби д̇ан̣д̣улаад̣̇ийни ад̣̇ам̣су, д̇зсам̣ саб̣б̣зсам̣ махабпалам̣ ход̇уу’’д̇и. д̇ам̣ суд̇ваа со сздти жинд̇зси – ‘‘ахам̣ ‘асугзна наама ажчарааяа г̇ан̣хид̇ваа д̇ан̣д̣улаад̣̇ийни д̣̇иннаанийд̇и мама наамз г̇ахид̇амад̇д̇з имам̣ маарзссаамий’д̇и ааг̇ад̇о, аяам̣ бана саб̣б̣асан̇г̇аахигам̣ гад̇ваа ‘язхиби наал̣иаад̣̇ийхи минид̇ваа д̣̇иннам̣, язхиби ажчарааяа г̇ахзд̇ваа д̣̇иннам̣, саб̣б̣зсам̣ махабпалам̣ ход̇уу’д̇и вад̣̇ад̇и. сажаахам̣ зваруубам̣ на камаабзссаами, д̣̇звад̣̇ан̣д̣о мама мад̇т̇агз бад̇иссад̇ий’’д̇и. со д̇асса баад̣̇амуулз нибаж̇ж̇ид̇ваа ‘‘камаахи мз, саамий’’д̇и ааха. ‘‘гим̣ ид̣̇а’’нд̇и жа д̇зна вуд̇д̇з саб̣б̣ам̣ д̇ам̣ бавад̇д̇им̣ аарожзси. д̇ам̣ гирияам̣ д̣̇исваа сад̇т̇аа ‘‘гим̣ ид̣̇а’’нд̇и д̣̇аанавзяяаавадигам̣ бужчи. со ад̇ийд̇ад̣̇ивасад̇о бадтааяа саб̣б̣ам̣ д̇ам̣ бавад̇д̇им̣ аарожзси. ат̇а нам̣ сад̇т̇аа ‘‘звам̣ гира сздтий’’д̇и бужчид̇ваа, ‘‘аама, бханд̇з’’д̇и вуд̇д̇з, ‘‘убаасага, бун̃н̃ам̣ наама ‘аббага’нд̇и на аваман̃н̃ид̇аб̣б̣ам̣, маад̣̇исасса б̣уд̣̇д̇хаббамукасса бхигкусан̇гхасса д̣̇аанам̣ д̣̇ад̇ваа ‘аббага’нд̇и на аваман̃н̃ид̇аб̣б̣ам̣. бан̣д̣ид̇амануссаа хи бун̃н̃ам̣ гаронд̇аа вивадабхааж̇анам̣ вияа уд̣̇агзна ануггамзна бун̃н̃зна бууранд̇иязваа’’д̇и вад̇ваа анусанд̇хим̣ гхадзд̇ваа д̇хаммам̣ д̣̇зсзнд̇о имам̣ г̇аат̇амааха –

    Atha naṃ eko seṭṭhi attano āpaṇadvāraṃ sampattaṃ disvā ‘‘ayaṃ attano pahonake bhikkhū animantetvā pana sakalagāmaṃ samādapento vicaratī’’ti kujjhitvā ‘‘tayā gahitabhājanaṃ āharā’’ti tīhi aṅgulīhi gahetvā thoke taṇḍule adāsi, tathā mugge, tathā māseti. So tato paṭṭhāya biḷālapādakaseṭṭhi nāma jāto, sappiphāṇitādīni dentopi karaṇḍaṃ kuṭe pakkhipitvā ekato koṇaṃ katvā binduṃ binduṃ paggharāyanto thokathokameva adāsi. Upāsako avasesehi dinnaṃ ekato katvā iminā dinnaṃ visuṃyeva aggahesi. So seṭṭhi tassa kiriyaṃ disvā ‘‘kiṃ nu kho esa mayā dinnaṃ visuṃ gaṇhātī’’ti cintetvā tassa pacchato pacchato ekaṃ cūḷupaṭṭhākaṃ pahiṇi ‘‘gaccha, yaṃ esa karoti, taṃ jānāhī’’ti. So gantvā ‘‘seṭṭhissa mahapphalaṃ hotū’’ti yāgubhattapūvānaṃ atthāya ekaṃ dve taṇḍule pakkhipitvā muggamāsepi telaphāṇitādibindūnipi sabbabhājanesu pakkhipi. Cūḷupaṭṭhāko gantvā seṭṭhissa ārocesi . Taṃ sutvā seṭṭhi cintesi – ‘‘sace me so parisamajjhe avaṇṇaṃ bhāsissati, mama nāme gahitamatteyeva naṃ paharitvā māressāmī’’ti nivāsanantare churikaṃ bandhitvā punadivase gantvā bhattagge aṭṭhāsi. So puriso buddhappamukhaṃ bhikkhusaṅghaṃ parivisitvā bhagavantaṃ āha – ‘‘bhante, mayā mahājanaṃ samādapetvā imaṃ dānaṃ dinnaṃ, tattha samādapitamanussā attano attano balena bahūnipi thokānipi taṇḍulādīni adaṃsu, tesaṃ sabbesaṃ mahapphalaṃ hotū’’ti. Taṃ sutvā so seṭṭhi cintesi – ‘‘ahaṃ ‘asukena nāma accharāya gaṇhitvā taṇḍulādīni dinnānīti mama nāme gahitamatte imaṃ māressāmī’ti āgato, ayaṃ pana sabbasaṅgāhikaṃ katvā ‘yehipi nāḷiādīhi minitvā dinnaṃ, yehipi accharāya gahetvā dinnaṃ, sabbesaṃ mahapphalaṃ hotū’ti vadati. Sacāhaṃ evarūpaṃ na khamāpessāmi, devadaṇḍo mama matthake patissatī’’ti. So tassa pādamūle nipajjitvā ‘‘khamāhi me, sāmī’’ti āha. ‘‘Kiṃ ida’’nti ca tena vutte sabbaṃ taṃ pavattiṃ ārocesi. Taṃ kiriyaṃ disvā satthā ‘‘kiṃ ida’’nti dānaveyyāvaṭikaṃ pucchi. So atītadivasato paṭṭhāya sabbaṃ taṃ pavattiṃ ārocesi. Atha naṃ satthā ‘‘evaṃ kira seṭṭhī’’ti pucchitvā, ‘‘āma, bhante’’ti vutte, ‘‘upāsaka, puññaṃ nāma ‘appaka’nti na avamaññitabbaṃ, mādisassa buddhappamukhassa bhikkhusaṅghassa dānaṃ datvā ‘appaka’nti na avamaññitabbaṃ. Paṇḍitamanussā hi puññaṃ karontā vivaṭabhājanaṃ viya udakena anukkamena puññena pūrantiyevā’’ti vatvā anusandhiṃ ghaṭetvā dhammaṃ desento imaṃ gāthamāha –

    122.

    122.

    ‘‘мааваман̃н̃зт̇а бун̃н̃асса, на манд̣̇ам̣ ааг̇амиссад̇и;

    ‘‘Māvamaññetha puññassa, na mandaṃ āgamissati;

    уд̣̇аб̣инд̣̇унибаад̇зна, уд̣̇агумбхоби буурад̇и;

    Udabindunipātena, udakumbhopi pūrati;

    д̇хийро буурад̇и бун̃н̃асса, т̇огам̣ т̇огамби аажина’’нд̇и.

    Dhīro pūrati puññassa, thokaṃ thokampi ācina’’nti.

    д̇ассад̇т̇о – бан̣д̣ид̇амануссо бун̃н̃ам̣ гад̇ваа ‘‘аббагамад̇д̇ам̣ маяаа гад̇ам̣, на манд̣̇ам̣ вибаагавасзна ааг̇амиссад̇и, звам̣ барид̇д̇агам̣ гаммам̣ гахам̣ мам̣ д̣̇агкиссад̇и, ахам̣ ваа д̇ам̣ гахам̣ д̣̇агкиссаами, гад̣̇аа зд̇ам̣ вибажжиссад̇ий’’д̇и звам̣ бун̃н̃ам̣ мааваман̃н̃зт̇а на аваж̇аанзяяа. яат̇аа хи ниранд̇арам̣ уд̣̇аб̣инд̣̇унибаад̇зна виварид̇ваа табид̇ам̣ гулаалабхааж̇анам̣ буурад̇и, звам̣ д̇хийро бан̣д̣ид̇абурисо т̇огам̣ т̇огамби бун̃н̃ам̣ аажинанд̇о бун̃н̃асса буурад̇ийд̇и.

    Tassattho – paṇḍitamanusso puññaṃ katvā ‘‘appakamattaṃ mayā kataṃ, na mandaṃ vipākavasena āgamissati, evaṃ parittakaṃ kammaṃ kahaṃ maṃ dakkhissati, ahaṃ vā taṃ kahaṃ dakkhissāmi, kadā etaṃ vipaccissatī’’ti evaṃ puññaṃ māvamaññetha na avajāneyya. Yathā hi nirantaraṃ udabindunipātena vivaritvā ṭhapitaṃ kulālabhājanaṃ pūrati, evaṃ dhīro paṇḍitapuriso thokaṃ thokampi puññaṃ ācinanto puññassa pūratīti.

    д̣̇зсанаавасаанз со сздти сод̇аабад̇д̇ипалам̣ баабун̣и, самбад̇д̇абарисааяаби саад̇т̇игаа д̇хаммад̣̇зсанаа ахосийд̇и.

    Desanāvasāne so seṭṭhi sotāpattiphalaṃ pāpuṇi, sampattaparisāyapi sātthikā dhammadesanā ahosīti.

    б̣ил̣аалабаад̣̇агасздтивад̇т̇у чадтам̣.

    Biḷālapādakaseṭṭhivatthu chaṭṭhaṃ.

    7. махаад̇ханаваан̣иж̇авад̇т̇у

    7. Mahādhanavāṇijavatthu

    ваан̣иж̇оваад̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о махаад̇ханаваан̣иж̇ам̣ аараб̣бха гат̇зси.

    Vāṇijovāti imaṃ dhammadesanaṃ satthā jetavane viharanto mahādhanavāṇijaṃ ārabbha kathesi.

    д̇асса гира ваан̣иж̇асса г̇зхз бан̃жасад̇аа жораа од̇аарам̣ г̇авзсамаанаа од̇аарам̣ на лабхим̣су. абарзна самаязна ваан̣иж̇о бан̃жа сагадасад̇аани бхан̣д̣асса буурзд̇ваа бхигкуунам̣ аарожаабзси – ‘‘ахам̣ асугадтаанам̣ наама ваан̣иж̇ж̇ад̇т̇ааяа г̇ажчаами, яз, аяяаа, д̇ам̣ таанам̣ г̇анд̇угаамаа, д̇з нигкаманд̇у, маг̇г̇з бхигкааяа на гиламиссанд̇ий’’д̇и. д̇ам̣ суд̇ваа бан̃жасад̇аа бхигкуу д̇зна сад̣̇д̇хим̣ маг̇г̇ам̣ бадибаж̇ж̇им̣су. д̇зби жораа ‘‘со гира ваан̣иж̇о нигканд̇о’’д̇и г̇анд̇ваа адавияам̣ адтам̣су. ваан̣иж̇оби г̇анд̇ваа адавимукз згасмим̣ г̇аамз ваасам̣ гад̇ваа д̣̇вз д̇аяоби д̣̇ивасз г̇он̣асагадаад̣̇ийни сам̣вид̣̇ахи, д̇зсам̣ бана бхигкуунам̣ ниб̣ад̣̇д̇хам̣ бхигкам̣ д̣̇зд̇иязва. жораа д̇асмим̣ ад̇ижирааяанд̇з ‘‘г̇ажча, д̇асса нигкаманад̣̇ивасам̣ н̃ад̇ваа зхий’’д̇и згам̣ бурисам̣ бахин̣им̣су. со д̇ам̣ г̇аамам̣ г̇анд̇ваа згам̣ сахааяагам̣ бужчи – ‘‘гад̣̇аа ваан̣иж̇о нигкамиссад̇ий’’д̇и. со ‘‘д̣̇вийхад̇ийхажжаязнаа’’д̇и вад̇ваа ‘‘гимад̇т̇ам̣ бана бужчасий’’д̇и ааха. ат̇асса со ‘‘маяам̣ бан̃жасад̇аа жораа зд̇ассад̇т̇ааяа адавияам̣ тид̇аа’’д̇и аажигки. ид̇аро ‘‘д̇зна хи г̇ажча, сийгхам̣ нигкамиссад̇ий’’д̇и д̇ам̣ уяяож̇зд̇ваа, ‘‘гим̣ ну ко жорз ваарзми, уд̣̇ааху ваан̣иж̇а’’нд̇и жинд̇зд̇ваа, ‘‘гим̣ мз жорзхи, ваан̣иж̇ам̣ ниссааяа бан̃жасад̇аа бхигкуу ж̇ийванд̇и, ваан̣иж̇асса сан̃н̃ам̣ д̣̇ассаамий’’д̇и со д̇асса санд̇игам̣ г̇анд̇ваа ‘‘гад̣̇аа г̇амиссат̇аа’’д̇и бужчид̇ваа ‘‘д̇ад̇ияад̣̇ивасз’’д̇и вуд̇д̇з маяхам̣ важанам̣ гарот̇а, адавияам̣ гира д̇умхаагам̣ ад̇т̇ааяа бан̃жасад̇аа жораа тид̇аа, маа д̇аава г̇амид̇т̇аад̇и. д̇вам̣ гат̇ам̣ ж̇аанаасийд̇и? д̇зсам̣ анд̇арз мама сахааяо ад̇т̇и, д̇асса мз гат̇ааяа н̃аад̇анд̇и. ‘‘д̇зна хи ‘гим̣ мз зд̇д̇о г̇ад̇знаа’д̇и нивад̇д̇ид̇ваа г̇зхамзва г̇амиссаамий’’д̇и ааха. д̇асмим̣ жирааяанд̇з буна д̇зхи жорзхи бзсид̇о бурисо ааг̇анд̇ваа д̇ам̣ сахааяагам̣ бужчид̇ваа д̇ам̣ бавад̇д̇им̣ суд̇ваа ‘‘нивад̇д̇ид̇ваа г̇зхамзва гира г̇амиссад̇ий’’д̇и г̇анд̇ваа жораанам̣ аарожзси. д̇ам̣ суд̇ваа жораа д̇ад̇о нигкамид̇ваа ид̇арасмим̣ маг̇г̇з адтам̣су, д̇асмим̣ жираяанд̇з бунаби д̇з жораа д̇асса санд̇игам̣ бурисам̣ бзсзсум̣. со д̇зсам̣ д̇ад̇т̇а тид̇абхаавам̣ н̃ад̇ваа буна ваан̣иж̇асса аарожзси. ваан̣иж̇о ‘‘ид̇хааби мз взгаллам̣ над̇т̇и, звам̣ санд̇з нзва зд̇д̇о г̇амиссаами, на ид̇о, ид̇хзва бхависсаамий’’д̇и бхигкуунам̣ санд̇игам̣ г̇анд̇ваа ааха – ‘‘бханд̇з, жораа гира мам̣ вилумбид̇угаамаа маг̇г̇з тид̇аа, ‘буна нивад̇д̇иссад̇ий’д̇и суд̇ваа ид̇арасмим̣ маг̇г̇з тид̇аа, ахам̣ зд̇д̇о ваа ид̇о ваа аг̇анд̇ваа т̇огам̣ ид̇хзва бхависсаами, бхад̣̇анд̇аа ид̇хзва васид̇угаамаа васанд̇у, г̇анд̇угаамаа ад̇д̇ано ружим̣ гаронд̇уу’’д̇и. бхигкуу ‘‘звам̣ санд̇з маяам̣ нивад̇д̇иссаамаа’’д̇и ваан̣иж̇ам̣ аабужчид̇ваа бунад̣̇зва саавад̇т̇им̣ г̇анд̇ваа сад̇т̇аарам̣ ванд̣̇ид̇ваа нисийд̣̇им̣су. сад̇т̇аа ‘‘гим̣, бхигкавз, махаад̇ханаваан̣иж̇зна сад̣̇д̇хим̣ на г̇амид̇т̇аа’’д̇и бужчид̇ваа ‘‘аама, бханд̇з, махаад̇ханаваан̣иж̇асса вилумбанад̇т̇ааяа д̣̇вийсуби маг̇г̇зсу жораа барияудтим̣су, д̇зна со д̇ад̇т̇зва тид̇о, маяам̣ бана д̇ам̣ аабужчид̇ваа ааг̇ад̇аа’’д̇и вуд̇д̇з, ‘‘бхигкавз, махаад̇ханаваан̣иж̇о жораанам̣ ад̇т̇ид̇ааяа маг̇г̇ам̣ бариваж̇ж̇ад̇и, ж̇ийвид̇угаамо вияа бурисо халаахалам̣ висам̣ бариваж̇ж̇зд̇и, бхигкунааби ‘д̇аяо бхаваа жорзхи барияудтид̇амаг̇г̇асад̣̇исаа’д̇и н̃ад̇ваа баабам̣ бариваж̇ж̇зд̇ум̣ ваддад̇ий’’д̇и вад̇ваа анусанд̇хим̣ гхадзд̇ваа д̇хаммам̣ д̣̇зсзнд̇о имам̣ г̇аат̇амааха –

    Tassa kira vāṇijassa gehe pañcasatā corā otāraṃ gavesamānā otāraṃ na labhiṃsu. Aparena samayena vāṇijo pañca sakaṭasatāni bhaṇḍassa pūretvā bhikkhūnaṃ ārocāpesi – ‘‘ahaṃ asukaṭṭhānaṃ nāma vāṇijjatthāya gacchāmi, ye, ayyā, taṃ ṭhānaṃ gantukāmā, te nikkhamantu, magge bhikkhāya na kilamissantī’’ti. Taṃ sutvā pañcasatā bhikkhū tena saddhiṃ maggaṃ paṭipajjiṃsu. Tepi corā ‘‘so kira vāṇijo nikkhanto’’ti gantvā aṭaviyaṃ aṭṭhaṃsu. Vāṇijopi gantvā aṭavimukhe ekasmiṃ gāme vāsaṃ katvā dve tayopi divase goṇasakaṭādīni saṃvidahi, tesaṃ pana bhikkhūnaṃ nibaddhaṃ bhikkhaṃ detiyeva. Corā tasmiṃ aticirāyante ‘‘gaccha, tassa nikkhamanadivasaṃ ñatvā ehī’’ti ekaṃ purisaṃ pahiṇiṃsu. So taṃ gāmaṃ gantvā ekaṃ sahāyakaṃ pucchi – ‘‘kadā vāṇijo nikkhamissatī’’ti. So ‘‘dvīhatīhaccayenā’’ti vatvā ‘‘kimatthaṃ pana pucchasī’’ti āha. Athassa so ‘‘mayaṃ pañcasatā corā etassatthāya aṭaviyaṃ ṭhitā’’ti ācikkhi. Itaro ‘‘tena hi gaccha, sīghaṃ nikkhamissatī’’ti taṃ uyyojetvā, ‘‘kiṃ nu kho core vāremi, udāhu vāṇija’’nti cintetvā, ‘‘kiṃ me corehi, vāṇijaṃ nissāya pañcasatā bhikkhū jīvanti, vāṇijassa saññaṃ dassāmī’’ti so tassa santikaṃ gantvā ‘‘kadā gamissathā’’ti pucchitvā ‘‘tatiyadivase’’ti vutte mayhaṃ vacanaṃ karotha, aṭaviyaṃ kira tumhākaṃ atthāya pañcasatā corā ṭhitā, mā tāva gamitthāti. Tvaṃ kathaṃ jānāsīti? Tesaṃ antare mama sahāyo atthi, tassa me kathāya ñātanti. ‘‘Tena hi ‘kiṃ me etto gatenā’ti nivattitvā gehameva gamissāmī’’ti āha. Tasmiṃ cirāyante puna tehi corehi pesito puriso āgantvā taṃ sahāyakaṃ pucchitvā taṃ pavattiṃ sutvā ‘‘nivattitvā gehameva kira gamissatī’’ti gantvā corānaṃ ārocesi. Taṃ sutvā corā tato nikkhamitvā itarasmiṃ magge aṭṭhaṃsu, tasmiṃ cirayante punapi te corā tassa santikaṃ purisaṃ pesesuṃ. So tesaṃ tattha ṭhitabhāvaṃ ñatvā puna vāṇijassa ārocesi. Vāṇijo ‘‘idhāpi me vekallaṃ natthi, evaṃ sante neva etto gamissāmi, na ito, idheva bhavissāmī’’ti bhikkhūnaṃ santikaṃ gantvā āha – ‘‘bhante, corā kira maṃ vilumpitukāmā magge ṭhitā, ‘puna nivattissatī’ti sutvā itarasmiṃ magge ṭhitā, ahaṃ etto vā ito vā agantvā thokaṃ idheva bhavissāmi, bhadantā idheva vasitukāmā vasantu, gantukāmā attano ruciṃ karontū’’ti. Bhikkhū ‘‘evaṃ sante mayaṃ nivattissāmā’’ti vāṇijaṃ āpucchitvā punadeva sāvatthiṃ gantvā satthāraṃ vanditvā nisīdiṃsu. Satthā ‘‘kiṃ, bhikkhave, mahādhanavāṇijena saddhiṃ na gamitthā’’ti pucchitvā ‘‘āma, bhante, mahādhanavāṇijassa vilumpanatthāya dvīsupi maggesu corā pariyuṭṭhiṃsu, tena so tattheva ṭhito, mayaṃ pana taṃ āpucchitvā āgatā’’ti vutte, ‘‘bhikkhave, mahādhanavāṇijo corānaṃ atthitāya maggaṃ parivajjati, jīvitukāmo viya puriso halāhalaṃ visaṃ parivajjeti, bhikkhunāpi ‘tayo bhavā corehi pariyuṭṭhitamaggasadisā’ti ñatvā pāpaṃ parivajjetuṃ vaṭṭatī’’ti vatvā anusandhiṃ ghaṭetvā dhammaṃ desento imaṃ gāthamāha –

    123.

    123.

    ‘‘ваан̣иж̇ова бхаяам̣ маг̇г̇ам̣, аббасад̇т̇о махад̣̇д̇хано;

    ‘‘Vāṇijova bhayaṃ maggaṃ, appasattho mahaddhano;

    висам̣ ж̇ийвид̇угаамова, баабаани бариваж̇ж̇аяз’’д̇и.

    Visaṃ jīvitukāmova, pāpāni parivajjaye’’ti.

    д̇ад̇т̇а бхаяанд̇и бхааяид̇аб̣б̣ам̣, жорзхи барияудтид̇ад̇д̇аа саббадибхаяанд̇и ад̇т̇о. ид̣̇ам̣ вуд̇д̇ам̣ ход̇и – яат̇аа махаад̇ханаваан̣иж̇о аббасад̇т̇о саббадибхаяам̣ маг̇г̇ам̣, яат̇аа жа ж̇ийвид̇угаамо халаахалам̣ висам̣ бариваж̇ж̇зд̇и, звам̣ бан̣д̣ид̇о бхигку аббамад̇д̇агааниби баабаани бариваж̇ж̇зяяаад̇и.

    Tattha bhayanti bhāyitabbaṃ, corehi pariyuṭṭhitattā sappaṭibhayanti attho. Idaṃ vuttaṃ hoti – yathā mahādhanavāṇijo appasattho sappaṭibhayaṃ maggaṃ, yathā ca jīvitukāmo halāhalaṃ visaṃ parivajjeti, evaṃ paṇḍito bhikkhu appamattakānipi pāpāni parivajjeyyāti.

    д̣̇зсанаавасаанз д̇з бхигкуу саха бадисамбхид̣̇аахи арахад̇д̇ам̣ баабун̣им̣су, самбад̇д̇амахааж̇анассааби саад̇т̇игаа д̇хаммад̣̇зсанаа ахосийд̇и.

    Desanāvasāne te bhikkhū saha paṭisambhidāhi arahattaṃ pāpuṇiṃsu, sampattamahājanassāpi sātthikā dhammadesanā ahosīti.

    махаад̇ханаваан̣иж̇авад̇т̇у сад̇д̇амам̣.

    Mahādhanavāṇijavatthu sattamaṃ.

    8. гуггудамид̇д̇анзсаад̣̇авад̇т̇у

    8. Kukkuṭamittanesādavatthu

    баан̣имхи жзд̇и имам̣ д̇хаммад̣̇зсанам̣ сад̇т̇аа взл̣уванз вихаранд̇о гуггудамид̇д̇ам̣ наама нзсаад̣̇ам̣ аараб̣бха гат̇зси.

    Pāṇimhi ceti imaṃ dhammadesanaṃ satthā veḷuvane viharanto kukkuṭamittaṃ nāma nesādaṃ ārabbha kathesi.

    рааж̇аг̇ахз гира згаа сздтид̇хийд̇аа ваяаббад̇д̇аа сад̇д̇абхуумигабаасаад̣̇асса убари сириг̇аб̣бхз аарагкан̣ад̇т̇ааяа згам̣ барижааригам̣ д̣̇ад̇ваа маад̇аабид̇уухи ваасияамаанаа згад̣̇ивасам̣ сааяанхасамаяз ваад̇абаанзна анд̇аравийт̇им̣ ологзнд̇ий бан̃жа баасасад̇аани бан̃жа сууласад̇аани аад̣̇ааяа миг̇з вад̇хид̇ваа ж̇ийвамаанам̣ згам̣ гуггудамид̇д̇ам̣ наама нзсаад̣̇ам̣ бан̃жа миг̇асад̇аани вад̇хид̇ваа д̇зсам̣ мам̣сзна махаасагадам̣ буурзд̇ваа сагадад̇хурз нисийд̣̇ид̇ваа мам̣савиггин̣анад̇т̇ааяа наг̇арам̣ бависанд̇ам̣ д̣̇исваа д̇асмим̣ бадиб̣ад̣̇д̇хажид̇д̇аа барижааригааяа хад̇т̇з бан̣н̣аагаарам̣ д̣̇ад̇ваа ‘‘г̇ажча, зд̇асса бан̣н̣аагаарам̣ д̣̇ад̇ваа г̇аманагаалам̣ н̃ад̇ваа зхий’’д̇и бзсзси. саа г̇анд̇ваа д̇асса бан̣н̣аагаарам̣ д̣̇ад̇ваа бужчи – ‘‘гад̣̇аа г̇амиссасий’’д̇и? со ‘‘аж̇ж̇а мам̣сам̣ виггин̣ид̇ваа баад̇ова асугад̣̇ваарзна наама нигкамид̇ваа г̇амиссаамий’’д̇и ааха. саа д̇зна гат̇ид̇агат̇ам̣ суд̇ваа ааг̇анд̇ваа д̇ассаа аарожзси. сздтид̇хийд̇аа ад̇д̇анаа г̇ахзд̇аб̣б̣аяуд̇д̇агам̣ вад̇т̇аабхаран̣аж̇аад̇ам̣ сам̣вид̣̇ахид̇ваа баад̇ова малинавад̇т̇ам̣ ниваасзд̇ваа гудам̣ аад̣̇ааяа д̣̇аасийхи сад̣̇д̇хим̣ уд̣̇агад̇ид̇т̇ам̣ г̇ажчанд̇ий вияа нигкамид̇ваа д̇ам̣ таанам̣ г̇анд̇ваа д̇ассааг̇аманам̣ ологзнд̇ий адтааси. соби баад̇ова сагадам̣ бааж̇знд̇о нигками. саа д̇асса бажчад̇о бажчад̇о бааяааси. со д̇ам̣ д̣̇исваа ‘‘ахам̣ д̇ам̣ ‘асугасса наама д̇хийд̇аа’д̇и на ж̇аанаами, маа мам̣ ануб̣анд̇хи, аммаа’’д̇и ааха. на мам̣ д̇вам̣ баггосаси, ахам̣ ад̇д̇ано д̇хаммад̇ааяа ааг̇ажчаами, д̇вам̣ д̇ун̣хий худ̇ваа ад̇д̇ано сагадам̣ бааж̇зхийд̇и. со бунаббунам̣ д̇ам̣ ниваарзд̇иязва. ат̇а нам̣ саа ааха – ‘‘саами, сирий наама ад̇д̇ано санд̇игам̣ ааг̇ажчанд̇ий ниваарзд̇ум̣ на ваддад̇ий’’д̇и. со д̇ассаа ниссам̣саязна ааг̇аманагааран̣ам̣ н̃ад̇ваа д̇ам̣ сагадам̣ ааробзд̇ваа аг̇амааси. д̇ассаа маад̇аабид̇аро ид̇о жид̇о жа бариязсаабзд̇ваа абассанд̇аа ‘‘мад̇аа бхависсад̇ий’’д̇и мад̇агабхад̇д̇ам̣ гарим̣су. сааби д̇зна сад̣̇д̇хим̣ сам̣ваасаманвааяа бадибаадияаа сад̇д̇а буд̇д̇з виж̇ааяид̇ваа д̇з ваяаббад̇д̇з гхараб̣анд̇ханзна б̣анд̇хи.

    Rājagahe kira ekā seṭṭhidhītā vayappattā sattabhūmikapāsādassa upari sirigabbhe ārakkhaṇatthāya ekaṃ paricārikaṃ datvā mātāpitūhi vāsiyamānā ekadivasaṃ sāyanhasamaye vātapānena antaravīthiṃ olokentī pañca pāsasatāni pañca sūlasatāni ādāya mige vadhitvā jīvamānaṃ ekaṃ kukkuṭamittaṃ nāma nesādaṃ pañca migasatāni vadhitvā tesaṃ maṃsena mahāsakaṭaṃ pūretvā sakaṭadhure nisīditvā maṃsavikkiṇanatthāya nagaraṃ pavisantaṃ disvā tasmiṃ paṭibaddhacittā paricārikāya hatthe paṇṇākāraṃ datvā ‘‘gaccha, etassa paṇṇākāraṃ datvā gamanakālaṃ ñatvā ehī’’ti pesesi. Sā gantvā tassa paṇṇākāraṃ datvā pucchi – ‘‘kadā gamissasī’’ti? So ‘‘ajja maṃsaṃ vikkiṇitvā pātova asukadvārena nāma nikkhamitvā gamissāmī’’ti āha. Sā tena kathitakathaṃ sutvā āgantvā tassā ārocesi. Seṭṭhidhītā attanā gahetabbayuttakaṃ vatthābharaṇajātaṃ saṃvidahitvā pātova malinavatthaṃ nivāsetvā kuṭaṃ ādāya dāsīhi saddhiṃ udakatitthaṃ gacchantī viya nikkhamitvā taṃ ṭhānaṃ gantvā tassāgamanaṃ olokentī aṭṭhāsi. Sopi pātova sakaṭaṃ pājento nikkhami. Sā tassa pacchato pacchato pāyāsi. So taṃ disvā ‘‘ahaṃ taṃ ‘asukassa nāma dhītā’ti na jānāmi, mā maṃ anubandhi, ammā’’ti āha. Na maṃ tvaṃ pakkosasi, ahaṃ attano dhammatāya āgacchāmi, tvaṃ tuṇhī hutvā attano sakaṭaṃ pājehīti. So punappunaṃ taṃ nivāretiyeva. Atha naṃ sā āha – ‘‘sāmi, sirī nāma attano santikaṃ āgacchantī nivāretuṃ na vaṭṭatī’’ti. So tassā nissaṃsayena āgamanakāraṇaṃ ñatvā taṃ sakaṭaṃ āropetvā agamāsi. Tassā mātāpitaro ito cito ca pariyesāpetvā apassantā ‘‘matā bhavissatī’’ti matakabhattaṃ kariṃsu. Sāpi tena saddhiṃ saṃvāsamanvāya paṭipāṭiyā satta putte vijāyitvā te vayappatte gharabandhanena bandhi.

    ат̇згад̣̇ивасам̣ сад̇т̇аа бажжуусасамаяз логам̣ вологзнд̇о гуггудамид̇д̇ам̣ сабуд̇д̇ам̣ сасун̣исам̣ ад̇д̇ано н̃аан̣аж̇ааласса анд̇о бавидтам̣ д̣̇исваа, ‘‘гим̣ ну ко зд̇а’’нд̇и убад̇хаарзнд̇о д̇зсам̣ баннарасаннамби сод̇аабад̇д̇имаг̇г̇асса убаниссаяам̣ д̣̇исваа баад̇ова бад̇д̇ажийварам̣ аад̣̇ааяа д̇асса баасадтаанам̣ аг̇амааси . д̇ам̣ д̣̇ивасам̣ баасз б̣ад̣̇д̇хо згамиг̇оби наахоси. сад̇т̇аа д̇асса баасамуулз бад̣̇авалан̃ж̇ам̣ д̣̇ассзд̇ваа бурад̇о згасса г̇умб̣асса хздтаа чааяааяам̣ нисийд̣̇и. гуггудамид̇д̇о баад̇ова д̇ханум̣ аад̣̇ааяа баасадтаанам̣ г̇анд̇ваа аад̣̇ид̇о бадтааяа баасз ологаяамаано баасз б̣ад̣̇д̇хам̣ згамби миг̇ам̣ ад̣̇исваа сад̇т̇у бад̣̇авалан̃ж̇ам̣ ад̣̇д̣̇аса. ат̇асса зд̇ад̣̇ахоси – ‘‘го маяхам̣ б̣ад̣̇д̇хамиг̇з можзнд̇о вижарад̇ий’’д̇и. со сад̇т̇ари аагхаад̇ам̣ б̣анд̇хид̇ваа г̇ажчанд̇о г̇умб̣амуулз нисиннам̣ сад̇т̇аарам̣ д̣̇исваа, ‘‘иминаа мама миг̇аа можид̇аа бхависсанд̇и, маарзссаами на’’нд̇и д̇ханум̣ аагад̣дхи. сад̇т̇аа д̇ханум̣ аагад̣дхид̇ум̣ д̣̇ад̇ваа виссаж̇ж̇зд̇ум̣ наад̣̇ааси. со сарам̣ виссаж̇ж̇зд̇умби оробзд̇умби асаггонд̇о паасугаахи бхиж̇ж̇анд̇ийхи вияа мукад̇о кзл̣зна баг̇гхаранд̇зна гиланд̇аруубо адтааси. ат̇асса буд̇д̇аа г̇зхам̣ г̇анд̇ваа ‘‘бид̇аа но жирааяад̇и, гим̣ ну ко зд̇а’’нд̇и вад̇ваа ‘‘г̇ажчат̇а, д̇аад̇аа, бид̇у санд̇ига’’нд̇и маад̇араа бзсид̇аа д̇ханууни аад̣̇ааяа г̇анд̇ваа бид̇арам̣ д̇ат̇аатид̇ам̣ д̣̇исваа ‘‘аяам̣ но бид̇у бажжаамид̇д̇о бхависсад̇ий’’д̇и сад̇д̇аби ж̇анаа д̇ханууни аагад̣дхид̇ваа б̣уд̣̇д̇хаанубхаавзна яат̇аа нзсам̣ бид̇аа тид̇о, д̇ат̇зва адтам̣су. ат̇а нзсам̣ маад̇аа ‘‘гим̣ ну ко мз буд̇д̇ааби жирааяанд̇ий’’д̇и вад̇ваа сад̇д̇ахи сун̣исаахи сад̣̇д̇хим̣ г̇анд̇ваа д̇з д̇ат̇аатид̇з д̣̇исваа ‘‘гасса ну ко имз д̇ханууни аагад̣дхид̇ваа тид̇аа’’д̇и ологзнд̇ий сад̇т̇аарам̣ д̣̇исваа б̣аахаа баг̇г̇аяха – ‘‘маа мз бид̇арам̣ наасзт̇а, маа мз бид̇арам̣ наасзт̇аа’’д̇и махаасад̣̇д̣̇амагааси. гуггудамид̇д̇о д̇ам̣ сад̣̇д̣̇ам̣ суд̇ваа жинд̇зси – ‘‘надто вад̇амхи, сасуро гира мз зса, ахо маяаа бхаарияам̣ гаммам̣ гад̇а’’нд̇и. буд̇д̇аависса ‘‘аяяаго гира но зса, ахо бхаарияам̣ гаммам̣ гад̇а’’нд̇и жинд̇аяим̣су. гуггудамид̇д̇о ‘‘аяам̣ сасуро мз’’д̇и мзд̇д̇ажид̇д̇ам̣ убадтабзси, буд̇д̇аабисса ‘‘аяяаго но’’д̇и мзд̇д̇ажид̇д̇ам̣ убадтабзсум̣. ат̇а д̇з нзсам̣ маад̇аа сздтид̇хийд̇аа ‘‘киббам̣ д̇ханууни чад̣д̣зд̇ваа бид̇арам̣ мз камаабзт̇аа’’д̇и ааха.

    Athekadivasaṃ satthā paccūsasamaye lokaṃ volokento kukkuṭamittaṃ saputtaṃ sasuṇisaṃ attano ñāṇajālassa anto paviṭṭhaṃ disvā, ‘‘kiṃ nu kho eta’’nti upadhārento tesaṃ pannarasannampi sotāpattimaggassa upanissayaṃ disvā pātova pattacīvaraṃ ādāya tassa pāsaṭṭhānaṃ agamāsi . Taṃ divasaṃ pāse baddho ekamigopi nāhosi. Satthā tassa pāsamūle padavalañjaṃ dassetvā purato ekassa gumbassa heṭṭhā chāyāyaṃ nisīdi. Kukkuṭamitto pātova dhanuṃ ādāya pāsaṭṭhānaṃ gantvā ādito paṭṭhāya pāse olokayamāno pāse baddhaṃ ekampi migaṃ adisvā satthu padavalañjaṃ addasa. Athassa etadahosi – ‘‘ko mayhaṃ baddhamige mocento vicaratī’’ti. So satthari āghātaṃ bandhitvā gacchanto gumbamūle nisinnaṃ satthāraṃ disvā, ‘‘iminā mama migā mocitā bhavissanti, māressāmi na’’nti dhanuṃ ākaḍḍhi. Satthā dhanuṃ ākaḍḍhituṃ datvā vissajjetuṃ nādāsi. So saraṃ vissajjetumpi oropetumpi asakkonto phāsukāhi bhijjantīhi viya mukhato kheḷena paggharantena kilantarūpo aṭṭhāsi. Athassa puttā gehaṃ gantvā ‘‘pitā no cirāyati, kiṃ nu kho eta’’nti vatvā ‘‘gacchatha, tātā, pitu santika’’nti mātarā pesitā dhanūni ādāya gantvā pitaraṃ tathāṭhitaṃ disvā ‘‘ayaṃ no pitu paccāmitto bhavissatī’’ti sattapi janā dhanūni ākaḍḍhitvā buddhānubhāvena yathā nesaṃ pitā ṭhito, tatheva aṭṭhaṃsu. Atha nesaṃ mātā ‘‘kiṃ nu kho me puttāpi cirāyantī’’ti vatvā sattahi suṇisāhi saddhiṃ gantvā te tathāṭhite disvā ‘‘kassa nu kho ime dhanūni ākaḍḍhitvā ṭhitā’’ti olokentī satthāraṃ disvā bāhā paggayha – ‘‘mā me pitaraṃ nāsetha, mā me pitaraṃ nāsethā’’ti mahāsaddamakāsi. Kukkuṭamitto taṃ saddaṃ sutvā cintesi – ‘‘naṭṭho vatamhi, sasuro kira me esa, aho mayā bhāriyaṃ kammaṃ kata’’nti. Puttāvissa ‘‘ayyako kira no esa, aho bhāriyaṃ kammaṃ kata’’nti cintayiṃsu. Kukkuṭamitto ‘‘ayaṃ sasuro me’’ti mettacittaṃ upaṭṭhapesi, puttāpissa ‘‘ayyako no’’ti mettacittaṃ upaṭṭhapesuṃ. Atha te nesaṃ mātā seṭṭhidhītā ‘‘khippaṃ dhanūni chaḍḍetvā pitaraṃ me khamāpethā’’ti āha.

    сад̇т̇аа д̇зсам̣ муд̣̇ужид̇д̇ад̇ам̣ н̃ад̇ваа д̇ханум̣ од̇аарзд̇ум̣ ад̣̇ааси. д̇з саб̣б̣з сад̇т̇аарам̣ ванд̣̇ид̇ваа ‘‘камат̇а но, бханд̇з’’д̇и камаабзд̇ваа згаманд̇ам̣ нисийд̣̇им̣су. ат̇а нзсам̣ сад̇т̇аа анубуб̣б̣им̣ гат̇ам̣ гат̇зси. д̣̇зсанаавасаанз гуггудамид̇д̇о сад̣̇д̇хим̣ буд̇д̇зхи жзва сун̣исаахи жа ад̇д̇абан̃жад̣̇асамо сод̇аабад̇д̇ипалз бад̇идтахи. сад̇т̇аа бин̣д̣ааяа жарид̇ваа бажчаабхад̇д̇ам̣ вихаарам̣ аг̇амааси. ат̇а нам̣ аананд̣̇ад̇т̇зро бужчи – ‘‘бханд̇з, гахам̣ г̇амид̇т̇аа’’д̇и. гуггудамид̇д̇асса санд̇игам̣ , аананд̣̇аад̇и. баан̣аад̇ибаад̇агаммасса во, бханд̇з, агаараго гад̇од̇и. аамаананд̣̇а, со ад̇д̇абан̃жад̣̇асамо ажаласад̣̇д̇хааяа бад̇идтааяа д̇ийсу рад̇анзсу нигган̇ко худ̇ваа баан̣аад̇ибаад̇агаммасса агаараго ж̇аад̇од̇и. бхигкуу аахам̣су – ‘‘нану, бханд̇з, бхарияаабисса ад̇т̇ий’’д̇и. аама, бхигкавз, саа гулаг̇зхз гумааригаа худ̇ваа сод̇аабад̇д̇ипалам̣ бад̇д̇аад̇и. бхигкуу гат̇ам̣ самудтаабзсум̣ ‘‘гуггудамид̇д̇асса гира бхарияаа гумааригагаалз зва сод̇аабад̇д̇ипалам̣ бад̇ваа д̇асса г̇зхам̣ г̇анд̇ваа сад̇д̇а буд̇д̇з лабхи, саа зд̇д̇агам̣ гаалам̣ саамигзна ‘д̇ханум̣ аахара, сарз аахара, сад̇д̇им̣ аахара, суулам̣ аахара, ж̇аалам̣ аахараа’д̇и вужжамаанаа д̇аани ад̣̇ааси. соби д̇ааяа д̣̇иннаани аад̣̇ааяа г̇анд̇ваа баан̣аад̇ибаад̇ам̣ гарод̇и, гим̣ ну ко сод̇аабаннааби баан̣аад̇ибаад̇ам̣ гаронд̇ий’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з, ‘‘на, бхигкавз, сод̇аабаннаа баан̣аад̇ибаад̇ам̣ гаронд̇и, саа бана ‘саамигасса важанам̣ гаромий’д̇и д̇ат̇аа агааси. ‘ид̣̇ам̣ г̇ахзд̇ваа зса г̇анд̇ваа баан̣аад̇ибаад̇ам̣ гарод̇уу’д̇и д̇ассаа жид̇д̇ам̣ над̇т̇и. баан̣ид̇аласмин̃хи ван̣з асад̇и висам̣ г̇ан̣ханд̇асса д̇ам̣ висам̣ ануд̣ахид̇ум̣ на саггод̇и, звамзвам̣ агусалажзд̇анааяа абхаавзна баабам̣ агаронд̇асса д̇хануаад̣̇ийни нийхарид̇ваа д̣̇ад̣̇ад̇оби баабам̣ наама на ход̇ий’’д̇и вад̇ваа анусанд̇хим̣ гхадзд̇ваа д̇хаммам̣ д̣̇зсзнд̇о имам̣ г̇аат̇амааха –

    Satthā tesaṃ muducittataṃ ñatvā dhanuṃ otāretuṃ adāsi. Te sabbe satthāraṃ vanditvā ‘‘khamatha no, bhante’’ti khamāpetvā ekamantaṃ nisīdiṃsu. Atha nesaṃ satthā anupubbiṃ kathaṃ kathesi. Desanāvasāne kukkuṭamitto saddhiṃ puttehi ceva suṇisāhi ca attapañcadasamo sotāpattiphale patiṭṭhahi. Satthā piṇḍāya caritvā pacchābhattaṃ vihāraṃ agamāsi. Atha naṃ ānandatthero pucchi – ‘‘bhante, kahaṃ gamitthā’’ti. Kukkuṭamittassa santikaṃ , ānandāti. Pāṇātipātakammassa vo, bhante, akārako katoti. Āmānanda, so attapañcadasamo acalasaddhāya patiṭṭhāya tīsu ratanesu nikkaṅkho hutvā pāṇātipātakammassa akārako jātoti. Bhikkhū āhaṃsu – ‘‘nanu, bhante, bhariyāpissa atthī’’ti. Āma, bhikkhave, sā kulagehe kumārikā hutvā sotāpattiphalaṃ pattāti. Bhikkhū kathaṃ samuṭṭhāpesuṃ ‘‘kukkuṭamittassa kira bhariyā kumārikakāle eva sotāpattiphalaṃ patvā tassa gehaṃ gantvā satta putte labhi, sā ettakaṃ kālaṃ sāmikena ‘dhanuṃ āhara, sare āhara, sattiṃ āhara, sūlaṃ āhara, jālaṃ āharā’ti vuccamānā tāni adāsi. Sopi tāya dinnāni ādāya gantvā pāṇātipātaṃ karoti, kiṃ nu kho sotāpannāpi pāṇātipātaṃ karontī’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte, ‘‘na, bhikkhave, sotāpannā pāṇātipātaṃ karonti, sā pana ‘sāmikassa vacanaṃ karomī’ti tathā akāsi. ‘Idaṃ gahetvā esa gantvā pāṇātipātaṃ karotū’ti tassā cittaṃ natthi. Pāṇitalasmiñhi vaṇe asati visaṃ gaṇhantassa taṃ visaṃ anuḍahituṃ na sakkoti, evamevaṃ akusalacetanāya abhāvena pāpaṃ akarontassa dhanuādīni nīharitvā dadatopi pāpaṃ nāma na hotī’’ti vatvā anusandhiṃ ghaṭetvā dhammaṃ desento imaṃ gāthamāha –

    124.

    124.

    ‘‘баан̣имхи жз ван̣о наасса, харзяяа баан̣инаа висам̣;

    ‘‘Pāṇimhi ce vaṇo nāssa, hareyya pāṇinā visaṃ;

    нааб̣б̣ан̣ам̣ висаманвзд̇и, над̇т̇и баабам̣ агуб̣б̣ад̇о’’д̇и.

    Nābbaṇaṃ visamanveti, natthi pāpaṃ akubbato’’ti.

    д̇ад̇т̇а наассаад̇и на бхавзяяа. харзяяаад̇и харид̇ум̣ саггун̣зяяа. гим̣ гааран̣аа? яасмаа нааб̣б̣ан̣ам̣ висаманвзд̇и аван̣ан̃хи баан̣им̣ висам̣ анвзд̇ум̣ на саггод̇и, звамзва д̇хануаад̣̇ийни нийхарид̇ваа д̣̇знд̇ассааби агусалажзд̇анааяа абхаавзна баабам̣ агуб̣б̣ад̇о баабам̣ наама над̇т̇и, аван̣ам̣ баан̣им̣ висам̣ вияа наасса жид̇д̇ам̣ баабам̣ ануг̇ажчад̇ийд̇и.

    Tattha nāssāti na bhaveyya. Hareyyāti harituṃ sakkuṇeyya. Kiṃ kāraṇā? Yasmā nābbaṇaṃ visamanveti avaṇañhi pāṇiṃ visaṃ anvetuṃ na sakkoti, evameva dhanuādīni nīharitvā dentassāpi akusalacetanāya abhāvena pāpaṃ akubbato pāpaṃ nāma natthi, avaṇaṃ pāṇiṃ visaṃ viya nāssa cittaṃ pāpaṃ anugacchatīti.

    д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

    Desanāvasāne bahū sotāpattiphalādīni pāpuṇiṃsūti.

    абарзна самаязна бхигкуу гат̇ам̣ самудтаабзсум̣ – ‘‘го ну ко гуггудамид̇д̇асса сабуд̇д̇асса сасун̣исасса сод̇аабад̇д̇имаг̇г̇ассуубаниссаяо, гзна гааран̣зна нзсаад̣̇агулз ниб̣б̣ад̇д̇о’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз , зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з, бхигкавз, ад̇ийд̇з гассабад̣̇асаб̣аласса д̇хаад̇ужзд̇ияам̣ сам̣вид̣̇аханд̇аа звамаахам̣су – ‘‘гим̣ ну ко имасса жзд̇ияасса мад̇д̇игаа бхависсад̇и, гим̣ уд̣̇ага’’нд̇и. ат̇а нзсам̣ зд̇ад̣̇ахоси – ‘‘харид̇ааламаносилаа мад̇д̇игаа бхависсад̇и, д̇илад̇злам̣ уд̣̇ага’’нд̇и. д̇з харид̇ааламаносилаа годдзд̇ваа д̇илад̇злзна сам̣санд̣̇ид̇ваа идтагааяа гхадзд̇ваа суван̣н̣зна кажид̇ваа анд̇о жиним̣су, б̣ахимукз бана згаг̇гханасуван̣н̣аидтагаава ахзсум̣. згзгаа сад̇асахассаг̇гханигаа ахоси. д̇з яаава д̇хаад̇унид̇хаанаа жзд̇ияз нидтид̇з жинд̇аяим̣су – ‘‘д̇хаад̇унид̇хаанагаалз б̣ахунаа д̇ханзна ад̇т̇о, гам̣ ну ко ж̇здтагам̣ гаромаа’’д̇и.

    Aparena samayena bhikkhū kathaṃ samuṭṭhāpesuṃ – ‘‘ko nu kho kukkuṭamittassa saputtassa sasuṇisassa sotāpattimaggassūpanissayo, kena kāraṇena nesādakule nibbatto’’ti. Satthā āgantvā ‘‘kāya nuttha, bhikkhave , etarahi kathāya sannisinnā’’ti pucchitvā ‘‘imāya nāmā’’ti vutte, bhikkhave, atīte kassapadasabalassa dhātucetiyaṃ saṃvidahantā evamāhaṃsu – ‘‘kiṃ nu kho imassa cetiyassa mattikā bhavissati, kiṃ udaka’’nti. Atha nesaṃ etadahosi – ‘‘haritālamanosilā mattikā bhavissati, tilatelaṃ udaka’’nti. Te haritālamanosilā koṭṭetvā tilatelena saṃsanditvā iṭṭhakāya ghaṭetvā suvaṇṇena khacitvā anto ciniṃsu, bahimukhe pana ekagghanasuvaṇṇaiṭṭhakāva ahesuṃ. Ekekā satasahassagghanikā ahosi. Te yāva dhātunidhānā cetiye niṭṭhite cintayiṃsu – ‘‘dhātunidhānakāle bahunā dhanena attho, kaṃ nu kho jeṭṭhakaṃ karomā’’ti.

    ат̇зго г̇аамаваасиго сздти ‘‘ахам̣ ж̇здтаго бхависсаамий’’д̇и д̇хаад̇унид̇хаанз згам̣ хиран̃н̃агодим̣ багкиби. д̇ам̣ д̣̇исваа радтаваасино ‘‘аяам̣ наг̇арасздти д̇ханамзва сам̣харад̇и, зваруубз жзд̇ияз ж̇здтаго бхавид̇ум̣ на саггод̇и, г̇аамаваасий бана годид̇ханам̣ багкибид̇ваа ж̇здтаго ж̇аад̇о’’д̇и уж̇жхааяим̣су. со д̇зсам̣ гат̇ам̣ суд̇ваа ‘‘ахам̣ д̣̇вз годияо д̣̇ад̇ваа ж̇здтаго бхависсаамий’’д̇и д̣̇вз годияо ад̣̇ааси. ид̇аро ‘‘ахамзва ж̇здтаго бхависсаамий’’д̇и д̇иссо годияо ад̣̇ааси. звам̣ вад̣дхзд̇ваа вад̣дхзд̇ваа наг̇араваасий адта годияо ад̣̇ааси. г̇аамаваасино бана г̇зхз навагодид̇ханамзва ад̇т̇и, наг̇араваасино жад̇д̇аалийсагодид̇ханам̣. д̇асмаа г̇аамаваасий жинд̇зси – ‘‘сажаахам̣ нава годияо д̣̇ассаами, аяам̣ ‘д̣̇аса годияо д̣̇ассаамий’д̇и вагкад̇и, ат̇а мз нид̣̇д̇ханабхааво бан̃н̃ааяиссад̇ий’’д̇и. со звамааха – ‘‘ахам̣ зд̇д̇аган̃жа д̇ханам̣ д̣̇ассаами, сабуд̇д̇ад̣̇ааро жа жзд̇ияасса д̣̇аасо бхависсаамий’’д̇и сад̇д̇а буд̇д̇з сад̇д̇а сун̣исааяо бхарияан̃жа г̇ахзд̇ваа ад̇д̇анаа сад̣̇д̇хим̣ жзд̇ияасса нияяаад̣̇зси. радтаваасино ‘‘д̇ханам̣ наама саггаа уббаад̣̇зд̇ум̣, аяам̣ бана сабуд̇д̇ад̣̇ааро ад̇д̇аанам̣ нияяаад̣̇зси, аяамзва ж̇здтаго ход̇уу’’д̇и д̇ам̣ ж̇здтагам̣ гарим̣су. ид̇и д̇з сол̣асаби ж̇анаа жзд̇ияасса д̣̇аасаа ахзсум̣. радтаваасино бана д̇з бхуж̇иссз агам̣су. звам̣ санд̇зби жзд̇ияамзва бадиж̇аг̇г̇ид̇ваа яаавад̇ааяугам̣ тад̇ваа д̇ад̇о жуд̇аа д̣̇звалогз ниб̣б̣ад̇д̇им̣су. д̇зсу згам̣ б̣уд̣̇д̇ханд̇арам̣ д̣̇звалогз васанд̇зсу имасмим̣ б̣уд̣̇д̇хуббаад̣̇з бхарияаа д̇ад̇о жавид̇ваа рааж̇аг̇ахз сздтино д̇хийд̇аа худ̇ваа ниб̣б̣ад̇д̇и. саа гумааригаава худ̇ваа сод̇аабад̇д̇ипалам̣ баабун̣и. ад̣̇идтасажжасса бана бадисанд̇хи наама бхаарияаад̇и д̇ассаа саамиго самбаривад̇д̇амаано г̇анд̇ваа нзсаад̣̇агулз ниб̣б̣ад̇д̇и. д̇асса саха д̣̇ассанзнзва сздтид̇хийд̇арам̣ буб̣б̣асинзхо аж̇жход̇т̇ари. вуд̇д̇амби жзд̇ам̣ –

    Atheko gāmavāsiko seṭṭhi ‘‘ahaṃ jeṭṭhako bhavissāmī’’ti dhātunidhāne ekaṃ hiraññakoṭiṃ pakkhipi. Taṃ disvā raṭṭhavāsino ‘‘ayaṃ nagaraseṭṭhi dhanameva saṃharati, evarūpe cetiye jeṭṭhako bhavituṃ na sakkoti, gāmavāsī pana koṭidhanaṃ pakkhipitvā jeṭṭhako jāto’’ti ujjhāyiṃsu. So tesaṃ kathaṃ sutvā ‘‘ahaṃ dve koṭiyo datvā jeṭṭhako bhavissāmī’’ti dve koṭiyo adāsi. Itaro ‘‘ahameva jeṭṭhako bhavissāmī’’ti tisso koṭiyo adāsi. Evaṃ vaḍḍhetvā vaḍḍhetvā nagaravāsī aṭṭha koṭiyo adāsi. Gāmavāsino pana gehe navakoṭidhanameva atthi, nagaravāsino cattālīsakoṭidhanaṃ. Tasmā gāmavāsī cintesi – ‘‘sacāhaṃ nava koṭiyo dassāmi, ayaṃ ‘dasa koṭiyo dassāmī’ti vakkhati, atha me niddhanabhāvo paññāyissatī’’ti. So evamāha – ‘‘ahaṃ ettakañca dhanaṃ dassāmi, saputtadāro ca cetiyassa dāso bhavissāmī’’ti satta putte satta suṇisāyo bhariyañca gahetvā attanā saddhiṃ cetiyassa niyyādesi. Raṭṭhavāsino ‘‘dhanaṃ nāma sakkā uppādetuṃ, ayaṃ pana saputtadāro attānaṃ niyyādesi, ayameva jeṭṭhako hotū’’ti taṃ jeṭṭhakaṃ kariṃsu. Iti te soḷasapi janā cetiyassa dāsā ahesuṃ. Raṭṭhavāsino pana te bhujisse akaṃsu. Evaṃ santepi cetiyameva paṭijaggitvā yāvatāyukaṃ ṭhatvā tato cutā devaloke nibbattiṃsu. Tesu ekaṃ buddhantaraṃ devaloke vasantesu imasmiṃ buddhuppāde bhariyā tato cavitvā rājagahe seṭṭhino dhītā hutvā nibbatti. Sā kumārikāva hutvā sotāpattiphalaṃ pāpuṇi. Adiṭṭhasaccassa pana paṭisandhi nāma bhāriyāti tassā sāmiko samparivattamāno gantvā nesādakule nibbatti. Tassa saha dassaneneva seṭṭhidhītaraṃ pubbasineho ajjhotthari. Vuttampi cetaṃ –

    ‘‘буб̣б̣зва санниваасзна, бажжуббаннахид̇зна ваа;

    ‘‘Pubbeva sannivāsena, paccuppannahitena vā;

    звам̣ д̇ам̣ ж̇ааяад̇з бзмам̣, уббалам̣ва яат̇од̣̇агз’’д̇и. (ж̇аа. 1.2.174);

    Evaṃ taṃ jāyate pemaṃ, uppalaṃva yathodake’’ti. (jā. 1.2.174);

    саа буб̣б̣асинзхзнзва нзсаад̣̇агулам̣ аг̇амааси. буд̇д̇аабиссаа д̣̇звалогаа жавид̇ваа д̇ассаа зва гужчисмим̣ бадисанд̇хим̣ г̇ан̣хим̣су, сун̣исааяобиссаа д̇ад̇т̇а д̇ад̇т̇а ниб̣б̣ад̇д̇ид̇ваа ваяаббад̇д̇аа д̇зсам̣язва г̇зхам̣ аг̇амам̣су. звам̣ д̇з саб̣б̣зби д̇ад̣̇аа жзд̇ияам̣ бадиж̇аг̇г̇ид̇ваа д̇асса гаммассаанубхаавзна сод̇аабад̇д̇ипалам̣ бад̇д̇аад̇и.

    Sā pubbasineheneva nesādakulaṃ agamāsi. Puttāpissā devalokā cavitvā tassā eva kucchismiṃ paṭisandhiṃ gaṇhiṃsu, suṇisāyopissā tattha tattha nibbattitvā vayappattā tesaṃyeva gehaṃ agamaṃsu. Evaṃ te sabbepi tadā cetiyaṃ paṭijaggitvā tassa kammassānubhāvena sotāpattiphalaṃ pattāti.

    гуггудамид̇д̇анзсаад̣̇авад̇т̇у адтамам̣.

    Kukkuṭamittanesādavatthu aṭṭhamaṃ.

    9. гогасунакалуд̣̇д̣̇агавад̇т̇у

    9. Kokasunakhaluddakavatthu

    яо аббад̣̇удтассаад̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о гогам̣ наама сунакалуд̣̇д̣̇агам̣ аараб̣бха гат̇зси.

    Yo appaduṭṭhassāti imaṃ dhammadesanaṃ satthā jetavane viharanto kokaṃ nāma sunakhaluddakaṃ ārabbha kathesi.

    со гира згад̣̇ивасам̣ буб̣б̣ан̣хасамаяз д̇ханум̣ аад̣̇ааяа сунакабаривуд̇о аран̃н̃ам̣ г̇ажчанд̇о анд̇араамаг̇г̇з згам̣ бин̣д̣ааяа бависанд̇ам̣ бхигкум̣ д̣̇исваа гуж̇жхид̇ваа ‘‘гаал̣аган̣н̣и мз д̣̇идто, аж̇ж̇а гин̃жи на лабхиссаамий’’д̇и жинд̇зд̇ваа баггаами. т̇зроби г̇аамз бин̣д̣ааяа жарид̇ваа гад̇абхад̇д̇агижжо буна вихаарам̣ бааяааси. ид̇ароби аран̃н̃з вижарид̇ваа гин̃жи алабхид̇ваа бажжааг̇ажчанд̇о буна т̇зрам̣ д̣̇исваа ‘‘аж̇ж̇аахам̣ имам̣ гаал̣аган̣н̣им̣ д̣̇исваа аран̃н̃ам̣ г̇ад̇о гин̃жи на лабхим̣, ид̣̇аани мз бунаби абхимуко ж̇аад̇о, сунакзхи нам̣ каад̣̇аабзссаамий’’д̇и сан̃н̃ам̣ д̣̇ад̇ваа сунакз виссаж̇ж̇зси. т̇зроби ‘‘маа звам̣ гари убаасагаа’’д̇и яаажи. со ‘‘аж̇ж̇аахам̣ д̇ава саммукийбхууд̇ад̇д̇аа гин̃жи наалад̇т̇ам̣, бунаби мз саммукийбхаавамааг̇ад̇оси, каад̣̇аабзссаамзва д̇а’’нд̇и вад̇ваа сунакз уяяож̇зси. т̇зро взг̇зна згам̣ ругкам̣ абхирухид̇ваа бурисаббамаан̣з таанз нисийд̣̇и. сунакаа ругкам̣ бариваарзсум̣. луд̣̇д̣̇аго г̇анд̇ваа ‘‘ругкам̣ абхирухад̇оби д̇з могко над̇т̇ий’’д̇и д̇ам̣ сарад̇ун̣д̣зна баад̣̇ад̇алз виж̇жхи. т̇зро ‘‘маа звам̣ гарохий’’д̇и д̇ам̣ яаажиязва. ид̇аро д̇асса яаажанам̣ анаад̣̇ияид̇ваа бунаббунам̣ виж̇жхиязва. т̇зро згасмим̣ баад̣̇ад̇алз виж̇жхияамаанз д̇ам̣ угкибид̇ваа д̣̇уд̇ияам̣ баад̣̇ам̣ оламб̣ид̇ваа д̇асмим̣ виж̇жхияамаанз д̇амби угкибад̇и, звамасса со яаажанам̣ анаад̣̇ияид̇ваава д̣̇взби баад̣̇ад̇алаани виж̇жхиязва. т̇зрасса сарийрам̣ уггаахи аад̣̇ид̇д̇ам̣ вияа ахоси. со взд̣̇анаанувад̇д̇иго худ̇ваа сад̇им̣ бажжубадтаабзд̇ум̣ наасагки, бааруд̇ажийварам̣ бхассанд̇амби на саллагкзси. д̇ам̣ бад̇амаанам̣ гогам̣ сийсад̇о бадтааяа баригкибанд̇амзва бад̇и. сунакаа ‘‘т̇зро бад̇ид̇о’’д̇и сан̃н̃ааяа жийваранд̇арам̣ бависид̇ваа ад̇д̇ано саамигам̣ лун̃ж̇ид̇ваа каад̣̇анд̇аа адтимад̇д̇аавасзсам̣ гарим̣су. сунакаа жийваранд̇арад̇о нигкамид̇ваа б̣ахи адтам̣су.

    So kira ekadivasaṃ pubbaṇhasamaye dhanuṃ ādāya sunakhaparivuto araññaṃ gacchanto antarāmagge ekaṃ piṇḍāya pavisantaṃ bhikkhuṃ disvā kujjhitvā ‘‘kāḷakaṇṇi me diṭṭho, ajja kiñci na labhissāmī’’ti cintetvā pakkāmi. Theropi gāme piṇḍāya caritvā katabhattakicco puna vihāraṃ pāyāsi. Itaropi araññe vicaritvā kiñci alabhitvā paccāgacchanto puna theraṃ disvā ‘‘ajjāhaṃ imaṃ kāḷakaṇṇiṃ disvā araññaṃ gato kiñci na labhiṃ, idāni me punapi abhimukho jāto, sunakhehi naṃ khādāpessāmī’’ti saññaṃ datvā sunakhe vissajjesi. Theropi ‘‘mā evaṃ kari upāsakā’’ti yāci. So ‘‘ajjāhaṃ tava sammukhībhūtattā kiñci nālatthaṃ, punapi me sammukhībhāvamāgatosi, khādāpessāmeva ta’’nti vatvā sunakhe uyyojesi. Thero vegena ekaṃ rukkhaṃ abhiruhitvā purisappamāṇe ṭhāne nisīdi. Sunakhā rukkhaṃ parivāresuṃ. Luddako gantvā ‘‘rukkhaṃ abhiruhatopi te mokkho natthī’’ti taṃ saratuṇḍena pādatale vijjhi. Thero ‘‘mā evaṃ karohī’’ti taṃ yāciyeva. Itaro tassa yācanaṃ anādiyitvā punappunaṃ vijjhiyeva. Thero ekasmiṃ pādatale vijjhiyamāne taṃ ukkhipitvā dutiyaṃ pādaṃ olambitvā tasmiṃ vijjhiyamāne tampi ukkhipati, evamassa so yācanaṃ anādiyitvāva dvepi pādatalāni vijjhiyeva. Therassa sarīraṃ ukkāhi ādittaṃ viya ahosi. So vedanānuvattiko hutvā satiṃ paccupaṭṭhāpetuṃ nāsakkhi, pārutacīvaraṃ bhassantampi na sallakkhesi. Taṃ patamānaṃ kokaṃ sīsato paṭṭhāya parikkhipantameva pati. Sunakhā ‘‘thero patito’’ti saññāya cīvarantaraṃ pavisitvā attano sāmikaṃ luñjitvā khādantā aṭṭhimattāvasesaṃ kariṃsu. Sunakhā cīvarantarato nikkhamitvā bahi aṭṭhaṃsu.

    ат̇а нзсам̣ т̇зро згам̣ сугкад̣̇ан̣д̣агам̣ бхан̃ж̇ид̇ваа киби. сунакаа т̇зрам̣ д̣̇исваа ‘‘саамигова амхзхи каад̣̇ид̇о’’д̇и н̃ад̇ваа аран̃н̃ам̣ бависим̣су. т̇зро гуггужжам̣ уббаад̣̇зси ‘‘мама жийваранд̇арам̣ бависид̇ваа зса надто, арог̇ам̣ ну ко мз сийла’’нд̇и. со ругкаа од̇арид̇ваа сад̇т̇у санд̇игам̣ г̇анд̇ваа аад̣̇ид̇о бадтааяа саб̣б̣ам̣ д̇ам̣ бавад̇д̇им̣ аарожзд̇ваа – ‘‘бханд̇з, мама жийварам̣ ниссааяа со убаасаго надто, гажжи мз арог̇ам̣ сийлам̣, ад̇т̇и мз саман̣абхааво’’д̇и бужчи. сад̇т̇аа д̇асса важанам̣ суд̇ваа ‘‘бхигку арог̇ам̣ д̇з сийлам̣, ад̇т̇и д̇з саман̣абхааво, со аббад̣̇удтасса бад̣̇уссид̇ваа винаасам̣ бад̇д̇о, на гзвалан̃жа ид̣̇аанзва, ад̇ийд̇зби аббад̣̇удтаанам̣ бад̣̇уссид̇ваа винаасам̣ бад̇д̇оязваа’’д̇и вад̇ваа д̇амад̇т̇ам̣ багаасзнд̇о ад̇ийд̇ам̣ аахари –

    Atha nesaṃ thero ekaṃ sukkhadaṇḍakaṃ bhañjitvā khipi. Sunakhā theraṃ disvā ‘‘sāmikova amhehi khādito’’ti ñatvā araññaṃ pavisiṃsu. Thero kukkuccaṃ uppādesi ‘‘mama cīvarantaraṃ pavisitvā esa naṭṭho, arogaṃ nu kho me sīla’’nti. So rukkhā otaritvā satthu santikaṃ gantvā ādito paṭṭhāya sabbaṃ taṃ pavattiṃ ārocetvā – ‘‘bhante, mama cīvaraṃ nissāya so upāsako naṭṭho, kacci me arogaṃ sīlaṃ, atthi me samaṇabhāvo’’ti pucchi. Satthā tassa vacanaṃ sutvā ‘‘bhikkhu arogaṃ te sīlaṃ, atthi te samaṇabhāvo, so appaduṭṭhassa padussitvā vināsaṃ patto, na kevalañca idāneva, atītepi appaduṭṭhānaṃ padussitvā vināsaṃ pattoyevā’’ti vatvā tamatthaṃ pakāsento atītaṃ āhari –

    ад̇ийд̇з гирзго взж̇ж̇о взж̇ж̇агаммад̇т̇ааяа г̇аамам̣ вижарид̇ваа гин̃жи гаммам̣ алабхид̇ваа чаад̇аж̇жхад̇д̇о нигкамид̇ваа г̇аамад̣̇ваарз самб̣ахулз гумаарагз гийл̣анд̇з д̣̇исваа ‘‘имз саббзна д̣ам̣саабзд̇ваа д̇игижчид̇ваа аахаарам̣ лабхиссаамий’’д̇и згасмим̣ ругкаб̣илз сийсам̣ нихарид̇ваа нибаннам̣ саббам̣ д̣̇ассзд̇ваа, ‘‘амбхо, гумаарагаа зсо саал̣игабод̇аго, г̇ан̣хат̇а на’’нд̇и ааха. ат̇зго гумаараго саббам̣ г̇ийвааяам̣ д̣̇ал̣хам̣ г̇ахзд̇ваа нийхарид̇ваа д̇асса саббабхаавам̣ н̃ад̇ваа вираванд̇о авид̣̇уурз тид̇асса взж̇ж̇асса мад̇т̇агз киби. саббо взж̇ж̇асса канд̇хадтигам̣ баригкибид̇ваа д̣̇ал̣хам̣ д̣ам̣сид̇ваа д̇ад̇т̇зва ж̇ийвид̇агкаяам̣ баабзси, звамзса гого сунакалуд̣̇д̣̇аго буб̣б̣зби аббад̣̇удтасса бад̣̇уссид̇ваа винаасам̣ бад̇д̇оязваад̇и.

    Atīte kireko vejjo vejjakammatthāya gāmaṃ vicaritvā kiñci kammaṃ alabhitvā chātajjhatto nikkhamitvā gāmadvāre sambahule kumārake kīḷante disvā ‘‘ime sappena ḍaṃsāpetvā tikicchitvā āhāraṃ labhissāmī’’ti ekasmiṃ rukkhabile sīsaṃ niharitvā nipannaṃ sappaṃ dassetvā, ‘‘ambho, kumārakā eso sāḷikapotako, gaṇhatha na’’nti āha. Atheko kumārako sappaṃ gīvāyaṃ daḷhaṃ gahetvā nīharitvā tassa sappabhāvaṃ ñatvā viravanto avidūre ṭhitassa vejjassa matthake khipi. Sappo vejjassa khandhaṭṭhikaṃ parikkhipitvā daḷhaṃ ḍaṃsitvā tattheva jīvitakkhayaṃ pāpesi, evamesa koko sunakhaluddako pubbepi appaduṭṭhassa padussitvā vināsaṃ pattoyevāti.

    сад̇т̇аа имам̣ ад̇ийд̇ам̣ аахарид̇ваа анусанд̇хим̣ гхадзд̇ваа д̇хаммам̣ д̣̇зсзнд̇о имам̣ г̇аат̇амааха –

    Satthā imaṃ atītaṃ āharitvā anusandhiṃ ghaṭetvā dhammaṃ desento imaṃ gāthamāha –

    125.

    125.

    ‘‘яо аббад̣̇удтасса нарасса д̣̇уссад̇и, суд̣̇д̇хасса босасса анан̇г̇ан̣асса;

    ‘‘Yo appaduṭṭhassa narassa dussati, suddhassa posassa anaṅgaṇassa;

    д̇амзва б̣аалам̣ бажжзд̇и баабам̣, сукумо раж̇о бадиваад̇ам̣ва кид̇д̇о’’д̇и.

    Tameva bālaṃ pacceti pāpaṃ, sukhumo rajo paṭivātaṃva khitto’’ti.

    д̇ад̇т̇а аббад̣̇удтассаад̇и ад̇д̇ано ваа саб̣б̣асад̇д̇аанам̣ ваа ад̣̇удтасса. нарассаад̇и сад̇д̇асса. д̣̇уссад̇ийд̇и абараж̇жхад̇и. суд̣̇д̇хассаад̇и нирабараад̇хассзва. босассаад̇и ид̣̇амби абарзнаагаарзна сад̇д̇аад̇хиважанамзва. анан̇г̇ан̣ассаад̇и ниггилзсасса. бажжзд̇ийд̇и бад̇изд̇и. бадиваад̇анд̇и яат̇аа згзна бурисзна бадиваад̇з тид̇ам̣ бахарид̇угаамад̇ааяа кид̇д̇о сукумо раж̇од̇и д̇амзва бурисам̣ бажжзд̇и, д̇ассзва убари бад̇ад̇и, звамзва яо буг̇г̇ало абад̣̇удтасса бурисасса баан̣иббахараад̣̇ийни д̣̇ад̣̇анд̇о бад̣̇уссад̇и, д̇амзва б̣аалам̣ д̣̇идтзва д̇хаммз, самбарааяз ваа нираяаад̣̇ийсу вибажжамаанам̣ д̇ам̣ баабам̣ вибаагад̣̇угкавасзна бажжзд̇ийд̇и ад̇т̇о.

    Tattha appaduṭṭhassāti attano vā sabbasattānaṃ vā aduṭṭhassa. Narassāti sattassa. Dussatīti aparajjhati. Suddhassāti niraparādhasseva. Posassāti idampi aparenākārena sattādhivacanameva. Anaṅgaṇassāti nikkilesassa. Paccetīti patieti. Paṭivātanti yathā ekena purisena paṭivāte ṭhitaṃ paharitukāmatāya khitto sukhumo rajoti tameva purisaṃ pacceti, tasseva upari patati, evameva yo puggalo apaduṭṭhassa purisassa pāṇippaharādīni dadanto padussati, tameva bālaṃ diṭṭheva dhamme, samparāye vā nirayādīsu vipaccamānaṃ taṃ pāpaṃ vipākadukkhavasena paccetīti attho.

    д̣̇зсанаавасаанз со бхигку арахад̇д̇з бад̇идтахи, самбад̇д̇абарисааяаби саад̇т̇игаа д̇хаммад̣̇зсанаа ахосийд̇и.

    Desanāvasāne so bhikkhu arahatte patiṭṭhahi, sampattaparisāyapi sātthikā dhammadesanā ahosīti.

    гогасунакалуд̣̇д̣̇агавад̇т̇у навамам̣.

    Kokasunakhaluddakavatthu navamaṃ.

    10. ман̣игаарагулуубагад̇иссад̇т̇зравад̇т̇у

    10. Maṇikārakulūpakatissattheravatthu

    г̇аб̣бхамзгзд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о ман̣игаарагулуубагам̣ д̇иссад̇т̇зрам̣ аараб̣бха гат̇зси.

    Gabbhameketi imaṃ dhammadesanaṃ satthā jetavane viharanto maṇikārakulūpakaṃ tissattheraṃ ārabbha kathesi.

    со гира т̇зро згасса ман̣игаарасса гулз д̣̇ваад̣̇аса вассаани бхун̃ж̇и. д̇асмим̣ гулз ж̇аяамбад̇игаа маад̇аабид̇удтаанз тад̇ваа т̇зрам̣ бадиж̇аг̇г̇им̣су. ат̇згад̣̇ивасам̣ со ман̣игааро т̇зрасса бурад̇о мам̣сам̣ чинд̣̇анд̇о нисинно ход̇и. д̇асмим̣ кан̣з рааж̇аа басзнад̣̇и госало згам̣ ман̣ирад̇анам̣ ‘‘имам̣ д̇ховид̇ваа виж̇жхид̇ваа бахин̣ад̇уу’’д̇и бзсзси. ман̣игааро салохид̇знзва хад̇т̇зна д̇ам̣ бадиг̇г̇ахзд̇ваа бзл̣ааяа убари табзд̇ваа хад̇т̇ад̇хованад̇т̇ам̣ анд̇о баависи. д̇асмим̣ бана г̇зхз босааванияагон̃жасагун̣о ад̇т̇и. со лохид̇аг̇анд̇хзна мам̣сасан̃н̃ааяа д̇ам̣ ман̣им̣ т̇зрасса бассанд̇ассзва г̇или. ман̣игааро ааг̇анд̇ваа ман̣им̣ абассанд̇о ‘‘ман̣и гзна г̇ахид̇о’’д̇и бхарияан̃жа буд̇д̇агз жа бадибаадияаа бужчид̇ваа д̇зхи ‘‘на г̇ан̣хаамаа’’д̇и вуд̇д̇з ‘‘т̇зрзна г̇ахид̇о бхависсад̇ий’’д̇и. жинд̇зд̇ваа бхарияааяа сад̣̇д̇хим̣ манд̇зси – ‘‘т̇зрзна ман̣и г̇ахид̇о бхависсад̇ий’’д̇и. саа, саами, маа звам̣ аважа, зд̇д̇агам̣ гаалам̣ маяаа т̇зрасса на гин̃жи важ̇ж̇ам̣ д̣̇идтабуб̣б̣ам̣, на со ман̣им̣ г̇ан̣хаад̇ийд̇и. ман̣игааро т̇зрам̣ бужчи – ‘‘бханд̇з, имасмим̣ таанз ман̣ирад̇анам̣ д̇умхзхи г̇ахид̇а’’нд̇и. на г̇ан̣хаами, убаасагаад̇и. бханд̇з, на ид̇ха ан̃н̃о ад̇т̇и, д̇умхзхиязва г̇ахид̇о бхависсад̇и, д̣̇зт̇а мз ман̣ирад̇ананд̇и. со д̇асмим̣ асамбадижчанд̇з буна бхарияам̣ ааха – ‘‘т̇зрзнзва ман̣и г̇ахид̇о, бийл̣зд̇ваа нам̣ бужчиссаамий’’д̇и. саа, саами, маа но наасаяи, варам̣ амхзхи д̣̇аасаб̣яам̣ убаг̇анд̇ум̣, на жа т̇зрам̣ зваруубам̣ вад̇д̇унд̇и. со ‘‘саб̣б̣зва маяам̣ д̣̇аасад̇д̇ам̣ убаг̇ажчанд̇аа ман̣имуулам̣ на аг̇гхаамаа’’д̇и раж̇ж̇ум̣ г̇ахзд̇ваа т̇зрасса сийсам̣ взтзд̇ваа д̣̇ан̣д̣зна гхаддзси. т̇зрасса сийсад̇о жа ган̣н̣анаасаахи жа лохид̇ам̣ баг̇гхари, агкийни нигкаманаагаараббад̇д̇аани ахзсум̣, со взд̣̇анаабамад̇д̇о бхуумияам̣ бад̇и. гон̃жо лохид̇аг̇анд̇хзнаа г̇анд̇ваа лохид̇ам̣ биви. ат̇а нам̣ ман̣игааро т̇зрз уббаннагод̇хавзг̇зна ‘‘д̇вам̣ гим̣ гаросий’’д̇и баад̣̇зна бахарид̇ваа киби. со згаббахаарзнзва марид̇ваа уд̇д̇аано ахоси.

    So kira thero ekassa maṇikārassa kule dvādasa vassāni bhuñji. Tasmiṃ kule jayampatikā mātāpituṭṭhāne ṭhatvā theraṃ paṭijaggiṃsu. Athekadivasaṃ so maṇikāro therassa purato maṃsaṃ chindanto nisinno hoti. Tasmiṃ khaṇe rājā pasenadi kosalo ekaṃ maṇiratanaṃ ‘‘imaṃ dhovitvā vijjhitvā pahiṇatū’’ti pesesi. Maṇikāro salohiteneva hatthena taṃ paṭiggahetvā peḷāya upari ṭhapetvā hatthadhovanatthaṃ anto pāvisi. Tasmiṃ pana gehe posāvaniyakoñcasakuṇo atthi. So lohitagandhena maṃsasaññāya taṃ maṇiṃ therassa passantasseva gili. Maṇikāro āgantvā maṇiṃ apassanto ‘‘maṇi kena gahito’’ti bhariyañca puttake ca paṭipāṭiyā pucchitvā tehi ‘‘na gaṇhāmā’’ti vutte ‘‘therena gahito bhavissatī’’ti. Cintetvā bhariyāya saddhiṃ mantesi – ‘‘therena maṇi gahito bhavissatī’’ti. Sā, sāmi, mā evaṃ avaca, ettakaṃ kālaṃ mayā therassa na kiñci vajjaṃ diṭṭhapubbaṃ, na so maṇiṃ gaṇhātīti. Maṇikāro theraṃ pucchi – ‘‘bhante, imasmiṃ ṭhāne maṇiratanaṃ tumhehi gahita’’nti. Na gaṇhāmi, upāsakāti. Bhante, na idha añño atthi, tumhehiyeva gahito bhavissati, detha me maṇiratananti. So tasmiṃ asampaṭicchante puna bhariyaṃ āha – ‘‘thereneva maṇi gahito, pīḷetvā naṃ pucchissāmī’’ti. Sā, sāmi, mā no nāsayi, varaṃ amhehi dāsabyaṃ upagantuṃ, na ca theraṃ evarūpaṃ vattunti. So ‘‘sabbeva mayaṃ dāsattaṃ upagacchantā maṇimūlaṃ na agghāmā’’ti rajjuṃ gahetvā therassa sīsaṃ veṭhetvā daṇḍena ghaṭṭesi. Therassa sīsato ca kaṇṇanāsāhi ca lohitaṃ pagghari, akkhīni nikkhamanākārappattāni ahesuṃ, so vedanāpamatto bhūmiyaṃ pati. Koñco lohitagandhenā gantvā lohitaṃ pivi. Atha naṃ maṇikāro there uppannakodhavegena ‘‘tvaṃ kiṃ karosī’’ti pādena paharitvā khipi. So ekappahāreneva maritvā uttāno ahosi.

    т̇зро д̇ам̣ д̣̇исваа, убаасага, сийсз взтанам̣ д̇аава мз сит̇илам̣ гад̇ваа имам̣ гон̃жам̣ ологзхи ‘‘мад̇о ваа, но ваа’’д̇и. ат̇а нам̣ со ааха – ‘‘зсо вияа д̇вамби мариссасий’’д̇и. убаасага, иминаа со ман̣и г̇илид̇о, сажз аяам̣ на амариссаа, на д̇з ахам̣ маранд̇оби ман̣им̣ аажигкиссанд̇и. со д̇асса уд̣̇арам̣ паалзд̇ваа ман̣им̣ д̣̇исваа бавзд̇хзнд̇о сам̣виг̇г̇амаанасо т̇зрасса баад̣̇амуулз нибаж̇ж̇ид̇ваа ‘‘камат̇а, мз, бханд̇з, аж̇аананд̇зна маяаа гад̇а’’нд̇и ааха. убаасага, нзва д̇уяхам̣ д̣̇осо ад̇т̇и, на маяхам̣, ваддассзвзса д̣̇осо, камаами д̇зд̇и. бханд̇з, сажз мз камат̇а, багад̇инияаамзнзва мз г̇зхз нисийд̣̇ид̇ваа бхигкам̣ г̇ан̣хат̇аад̇и. ‘‘убаасага, на д̣̇аанаахам̣ ид̇о бадтааяа барзсам̣ г̇зхасса анд̇очад̣̇анам̣ бависиссаами, анд̇ог̇зхабавзсанассзва хи аяам̣ д̣̇осо, ид̇о бадтааяа баад̣̇зсу ааваханд̇зсу г̇зхад̣̇ваарз тид̇ова бхигкам̣ г̇ан̣хиссаамий’’д̇и вад̇ваа д̇худ̇ан̇г̇ам̣ самаад̣̇ааяа имам̣ г̇аат̇амааха –

    Thero taṃ disvā, upāsaka, sīse veṭhanaṃ tāva me sithilaṃ katvā imaṃ koñcaṃ olokehi ‘‘mato vā, no vā’’ti. Atha naṃ so āha – ‘‘eso viya tvampi marissasī’’ti. Upāsaka, iminā so maṇi gilito, sace ayaṃ na amarissā, na te ahaṃ marantopi maṇiṃ ācikkhissanti. So tassa udaraṃ phāletvā maṇiṃ disvā pavedhento saṃviggamānaso therassa pādamūle nipajjitvā ‘‘khamatha, me, bhante, ajānantena mayā kata’’nti āha. Upāsaka, neva tuyhaṃ doso atthi, na mayhaṃ, vaṭṭassevesa doso, khamāmi teti. Bhante, sace me khamatha, pakatiniyāmeneva me gehe nisīditvā bhikkhaṃ gaṇhathāti. ‘‘Upāsaka, na dānāhaṃ ito paṭṭhāya paresaṃ gehassa antochadanaṃ pavisissāmi, antogehapavesanasseva hi ayaṃ doso, ito paṭṭhāya pādesu āvahantesu gehadvāre ṭhitova bhikkhaṃ gaṇhissāmī’’ti vatvā dhutaṅgaṃ samādāya imaṃ gāthamāha –

    ‘‘бажжад̇и мунино бхад̇д̇ам̣, т̇огам̣ т̇огам̣ гулз гулз;

    ‘‘Paccati munino bhattaṃ, thokaṃ thokaṃ kule kule;

    бин̣д̣игааяа жариссаами, ад̇т̇и ж̇ан̇гхаб̣алам̣ мамаа’’д̇и. (т̇зраг̇аа. 248) –

    Piṇḍikāya carissāmi, atthi jaṅghabalaṃ mamā’’ti. (theragā. 248) –

    ид̣̇ан̃жа бана вад̇ваа т̇зро д̇знзва б̣яаад̇хинаа на жирассзва бариниб̣б̣ааяи. гон̃жо ман̣игаарасса бхарияааяа гужчисмим̣ бадисанд̇хим̣ г̇ан̣хи. ман̣игааро гаалам̣ гад̇ваа нираяз ниб̣б̣ад̇д̇и. ман̣игаарасса бхарияаа т̇зрз муд̣̇ужид̇д̇ад̇ааяа гаалам̣ гад̇ваа д̣̇звалогз ниб̣б̣ад̇д̇и. бхигкуу сад̇т̇аарам̣ д̇зсам̣ абхисамбарааяам̣ бужчим̣су. сад̇т̇аа, ‘‘бхигкавз, ид̇хзгажжз г̇аб̣бхз ниб̣б̣ад̇д̇анд̇и, згажжз баабагаарино нираяз ниб̣б̣ад̇д̇анд̇и, згажжз гад̇агаляаан̣аа д̣̇звалогз ниб̣б̣ад̇д̇анд̇и, анаасаваа бана бариниб̣б̣ааяанд̇ий’’д̇и вад̇ваа анусанд̇хим̣ гхадзд̇ваа д̇хаммам̣ д̣̇зсзнд̇о имам̣ г̇аат̇амааха –

    Idañca pana vatvā thero teneva byādhinā na cirasseva parinibbāyi. Koñco maṇikārassa bhariyāya kucchismiṃ paṭisandhiṃ gaṇhi. Maṇikāro kālaṃ katvā niraye nibbatti. Maṇikārassa bhariyā there muducittatāya kālaṃ katvā devaloke nibbatti. Bhikkhū satthāraṃ tesaṃ abhisamparāyaṃ pucchiṃsu. Satthā, ‘‘bhikkhave, idhekacce gabbhe nibbattanti, ekacce pāpakārino niraye nibbattanti, ekacce katakalyāṇā devaloke nibbattanti, anāsavā pana parinibbāyantī’’ti vatvā anusandhiṃ ghaṭetvā dhammaṃ desento imaṃ gāthamāha –

    126.

    126.

    ‘‘г̇аб̣бхамзгз уббаж̇ж̇анд̇и, нираяам̣ баабагаммино;

    ‘‘Gabbhameke uppajjanti, nirayaṃ pāpakammino;

    саг̇г̇ам̣ суг̇ад̇ино яанд̇и, бариниб̣б̣анд̇и анаасаваа’’д̇и.

    Saggaṃ sugatino yanti, parinibbanti anāsavā’’ti.

    д̇ад̇т̇а г̇аб̣бханд̇и ид̇ха мануссаг̇аб̣бхова ад̇хиббзд̇о. сзсамзд̇т̇а уд̇д̇аанад̇т̇амзва.

    Tattha gabbhanti idha manussagabbhova adhippeto. Sesamettha uttānatthameva.

    д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

    Desanāvasāne bahū sotāpattiphalādīni pāpuṇiṃsūti.

    ман̣игаарагулуубагад̇иссад̇т̇зравад̇т̇у д̣̇асамам̣.

    Maṇikārakulūpakatissattheravatthu dasamaṃ.

    11. д̇аяож̇анавад̇т̇у

    11. Tayojanavatthu

    на анд̇алигкзд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о д̇аяо ж̇анз аараб̣бха гат̇зси.

    Naantalikkheti imaṃ dhammadesanaṃ satthā jetavane viharanto tayo jane ārabbha kathesi.

    сад̇т̇ари гира ж̇зд̇аванз вихаранд̇з самб̣ахулаа бхигкуу сад̇т̇у д̣̇ассанад̇т̇ааяа ааг̇ажчанд̇аа згам̣ г̇аамам̣ бин̣д̣ааяа бависим̣су. г̇аамаваасино д̇з самбад̇д̇з аад̣̇ааяа аасанасаалааяа нисийд̣̇аабзд̇ваа яааг̇укаж̇ж̇агам̣ д̣̇ад̇ваа бин̣д̣абаад̇авзлам̣ ааг̇амаяамаанаа д̇хаммам̣ сун̣анд̇аа нисийд̣̇им̣су. д̇асмим̣ кан̣з бхад̇д̇ам̣ бажид̇ваа суубаб̣яан̃ж̇анам̣ д̇хуубаяамаанааяа згиссаа ид̇т̇ияаа бхааж̇анад̇о аг̇г̇иж̇аалаа удтахид̇ваа чад̣̇анам̣ г̇ан̣хи. д̇ад̇о згам̣ д̇ин̣агарал̣ам̣ удтахид̇ваа ж̇аламаанам̣ аагаасам̣ багканд̣̇и. д̇асмим̣ кан̣з зго гааго аагаасзна г̇ажчанд̇о д̇ад̇т̇а г̇ийвам̣ бавзсзд̇ваа д̇ин̣авалливзтид̇о жхааяид̇ваа г̇аамамаж̇жхз бад̇и . бхигкуу д̇ам̣ д̣̇исваа ‘‘ахо бхаарияам̣ гаммам̣, бассат̇аавусо, гаагзна бад̇д̇ам̣ виббагаарам̣, иминаа гад̇агаммам̣ ан̃н̃ад̇ра сад̇т̇аараа го ж̇ааниссад̇и, сад̇т̇аарамасса гаммам̣ бужчиссаамаа’’д̇и жинд̇зд̇ваа баггамим̣су.

    Satthari kira jetavane viharante sambahulā bhikkhū satthu dassanatthāya āgacchantā ekaṃ gāmaṃ piṇḍāya pavisiṃsu. Gāmavāsino te sampatte ādāya āsanasālāya nisīdāpetvā yāgukhajjakaṃ datvā piṇḍapātavelaṃ āgamayamānā dhammaṃ suṇantā nisīdiṃsu. Tasmiṃ khaṇe bhattaṃ pacitvā sūpabyañjanaṃ dhūpayamānāya ekissā itthiyā bhājanato aggijālā uṭṭhahitvā chadanaṃ gaṇhi. Tato ekaṃ tiṇakaraḷaṃ uṭṭhahitvā jalamānaṃ ākāsaṃ pakkhandi. Tasmiṃ khaṇe eko kāko ākāsena gacchanto tattha gīvaṃ pavesetvā tiṇavalliveṭhito jhāyitvā gāmamajjhe pati . Bhikkhū taṃ disvā ‘‘aho bhāriyaṃ kammaṃ, passathāvuso, kākena pattaṃ vippakāraṃ, iminā katakammaṃ aññatra satthārā ko jānissati, satthāramassa kammaṃ pucchissāmā’’ti cintetvā pakkamiṃsu.

    абарзсамби бхигкуунам̣ сад̇т̇у д̣̇ассанад̇т̇ааяа наавам̣ абхируяха г̇ажчанд̇аанам̣ нааваа самуд̣̇д̣̇з нижжалаа адтааси. мануссаа ‘‘гаал̣аган̣н̣инаа зд̇т̇а бхавид̇аб̣б̣а’’нд̇и салаагам̣ вижаарзсум̣. наавигасса жа бхарияаа батамаваяз тид̇аа д̣̇ассанийяаа баасаад̣̇игаа, салаагаа д̇ассаа баабун̣и. ‘‘салаагам̣ буна вижаарзт̇аа’’д̇и вад̇ваа яаавад̇ад̇ияам̣ вижаарзсум̣, д̇игкад̇д̇умби д̇ассаа зва баабун̣и. мануссаа ‘‘гим̣, саамий’’д̇и наавигасса мукам̣ ологзсум̣. наавиго ‘‘на саггаа згиссаа ад̇т̇ааяа махааж̇анам̣ наасзд̇ум̣, уд̣̇агз нам̣ кибат̇аа’’д̇и ааха. саа г̇ахзд̇ваа уд̣̇агз кибияамаанаа маран̣абхаяад̇аж̇ж̇ид̇аа виравам̣ агааси. д̇ам̣ суд̇ваа наавиго го ад̇т̇о имиссаа аабхаран̣зхи надтзхи, саб̣б̣аабхаран̣аани омун̃жид̇ваа згам̣ билод̇игам̣ ниваасаабзд̇ваа чад̣д̣зт̇а нам̣, ахам̣ банзд̇ам̣ уд̣̇агабидтз блавамаанам̣ д̣̇адтум̣ на сагкиссаамий д̇асмаа яат̇аа нам̣ ахам̣ на бассаами, д̇ат̇аа згам̣ ваалугагудам̣ г̇ийвааяа б̣анд̇хид̇ваа самуд̣̇д̣̇з кибат̇аад̇и. д̇з д̇ат̇аа гарим̣су. д̇амби бад̇ид̇адтаанзязва мажчагажчабаа вилумбим̣су. бхигкуу д̇ам̣ бавад̇д̇им̣ н̃ад̇ваа ‘‘табзд̇ваа сад̇т̇аарам̣ го ан̃н̃о зд̇иссаа ид̇т̇ияаа гад̇агаммам̣ ж̇ааниссад̇и, сад̇т̇аарам̣ д̇ассаа гаммам̣ бужчиссаамаа’’д̇и ижчид̇адтаанам̣ бад̇ваа нааваад̇о оруяха баггамим̣су.

    Aparesampi bhikkhūnaṃ satthu dassanatthāya nāvaṃ abhiruyha gacchantānaṃ nāvā samudde niccalā aṭṭhāsi. Manussā ‘‘kāḷakaṇṇinā ettha bhavitabba’’nti salākaṃ vicāresuṃ. Nāvikassa ca bhariyā paṭhamavaye ṭhitā dassanīyā pāsādikā, salākā tassā pāpuṇi. ‘‘Salākaṃ puna vicārethā’’ti vatvā yāvatatiyaṃ vicāresuṃ, tikkhattumpi tassā eva pāpuṇi. Manussā ‘‘kiṃ, sāmī’’ti nāvikassa mukhaṃ olokesuṃ. Nāviko ‘‘na sakkā ekissā atthāya mahājanaṃ nāsetuṃ, udake naṃ khipathā’’ti āha. Sā gahetvā udake khipiyamānā maraṇabhayatajjitā viravaṃ akāsi. Taṃ sutvā nāviko ko attho imissā ābharaṇehi naṭṭhehi, sabbābharaṇāni omuñcitvā ekaṃ pilotikaṃ nivāsāpetvā chaḍḍetha naṃ, ahaṃ panetaṃ udakapiṭṭhe plavamānaṃ daṭṭhuṃ na sakkhissāmī tasmā yathā naṃ ahaṃ na passāmi, tathā ekaṃ vālukakuṭaṃ gīvāya bandhitvā samudde khipathāti. Te tathā kariṃsu. Tampi patitaṭṭhāneyeva macchakacchapā vilumpiṃsu. Bhikkhū taṃ pavattiṃ ñatvā ‘‘ṭhapetvā satthāraṃ ko añño etissā itthiyā katakammaṃ jānissati, satthāraṃ tassā kammaṃ pucchissāmā’’ti icchitaṭṭhānaṃ patvā nāvāto oruyha pakkamiṃsu.

    абарзби сад̇д̇а бхигкуу сад̇т̇у д̣̇ассанад̇т̇ааяа г̇ажчанд̇аа сааяам̣ згам̣ вихаарам̣ бависид̇ваа васанадтаанам̣ бужчим̣су. згасмин̃жа лзн̣з сад̇д̇а ман̃жаа хонд̇и. д̇зсам̣ д̇ад̣̇зва лабхид̇ваа д̇ад̇т̇а нибаннаанам̣ рад̇д̇ибхааг̇з гуудааг̇аарамад̇д̇о баасаан̣о баваддамаано ааг̇анд̇ваа лзн̣ад̣̇ваарам̣ бид̣̇ахи. нзваасигаа бхигкуу ‘‘маяам̣ имам̣ лзн̣ам̣ ааг̇анд̇угабхигкуунам̣ баабаяимхаа, аяан̃жа махаабаасаан̣о лзн̣ад̣̇ваарам̣ бид̣̇аханд̇о адтааси, абанзссаама на’’нд̇и саманд̇аа сад̇д̇ахи г̇аамзхи мануссз саннибаад̇зд̇ваа вааяаманд̇ааби таанаа жаалзд̇ум̣ наасагким̣су. анд̇о бавидтабхигкууби вааяамим̣суязва. звам̣ санд̇зби сад̇д̇аахам̣ баасаан̣ам̣ жаалзд̇ум̣ наасагким̣су. ааг̇анд̇угаа сад̇д̇аахам̣ чаад̇аж̇жхад̇д̇аа махаад̣̇угкам̣ анубхавим̣су. сад̇д̇амз д̣̇ивасз баасаан̣о саяамзва баваддид̇ваа абаг̇ад̇о. бхигкуу нигкамид̇ваа ‘‘амхаагам̣ имам̣ баабам̣ ан̃н̃ад̇ра сад̇т̇аараа го ж̇ааниссад̇и, сад̇т̇аарам̣ бужчиссаамаа’’д̇и жинд̇зд̇ваа баггамим̣су. д̇з буримзхи сад̣̇д̇хим̣ анд̇араамаг̇г̇з самааг̇анд̇ваа саб̣б̣з згад̇ова сад̇т̇аарам̣ убасан̇гамид̇ваа ванд̣̇ид̇ваа згаманд̇ам̣ нисиннаа сад̇т̇аараа гад̇абадисант̇аараа ад̇д̇анаа ад̇д̇анаа д̣̇идтаанубхууд̇аани гааран̣аани бадибаадияаа бужчим̣су.

    Aparepi satta bhikkhū satthu dassanatthāya gacchantā sāyaṃ ekaṃ vihāraṃ pavisitvā vasanaṭṭhānaṃ pucchiṃsu. Ekasmiñca leṇe satta mañcā honti. Tesaṃ tadeva labhitvā tattha nipannānaṃ rattibhāge kūṭāgāramatto pāsāṇo pavaṭṭamāno āgantvā leṇadvāraṃ pidahi. Nevāsikā bhikkhū ‘‘mayaṃ imaṃ leṇaṃ āgantukabhikkhūnaṃ pāpayimhā, ayañca mahāpāsāṇo leṇadvāraṃ pidahanto aṭṭhāsi, apanessāma na’’nti samantā sattahi gāmehi manusse sannipātetvā vāyamantāpi ṭhānā cāletuṃ nāsakkhiṃsu. Anto paviṭṭhabhikkhūpi vāyamiṃsuyeva. Evaṃ santepi sattāhaṃ pāsāṇaṃ cāletuṃ nāsakkhiṃsu. Āgantukā sattāhaṃ chātajjhattā mahādukkhaṃ anubhaviṃsu. Sattame divase pāsāṇo sayameva pavaṭṭitvā apagato. Bhikkhū nikkhamitvā ‘‘amhākaṃ imaṃ pāpaṃ aññatra satthārā ko jānissati, satthāraṃ pucchissāmā’’ti cintetvā pakkamiṃsu. Te purimehi saddhiṃ antarāmagge samāgantvā sabbe ekatova satthāraṃ upasaṅkamitvā vanditvā ekamantaṃ nisinnā satthārā katapaṭisanthārā attanā attanā diṭṭhānubhūtāni kāraṇāni paṭipāṭiyā pucchiṃsu.

    сад̇т̇ааби д̇зсам̣ бадибаадияаа звам̣ б̣яаагааси – ‘‘бхигкавз, со д̇аава гааго ад̇д̇анаа гад̇агаммамзва анубхоси. ад̇ийд̇агаалз хи б̣аараан̣асияам̣ зго гассаго ад̇д̇ано г̇он̣ам̣ д̣̇амзнд̇о д̣̇амзд̇ум̣ наасагки. со хисса г̇он̣о т̇огам̣ г̇анд̇ваа нибаж̇ж̇и, бот̇зд̇ваа удтаабид̇оби т̇огам̣ г̇анд̇ваа бунаби д̇ат̇зва нибаж̇ж̇и. со вааяамид̇ваа д̇ам̣ д̣̇амзд̇ум̣ асаггонд̇о год̇хаабхибхууд̇о худ̇ваа ‘ид̇о д̣̇аани бадтааяа сукам̣ нибаж̇ж̇иссасий’д̇и балаалабин̣д̣ам̣ вияа гаронд̇о балаалзна д̇асса г̇ийвам̣ баливзтзд̇ваа аг̇г̇имад̣̇ааси, г̇он̣о д̇ад̇т̇зва жхааяид̇ваа мад̇о. д̇ад̣̇аа, бхигкавз, д̇зна гаагзна д̇ам̣ баабагаммам̣ гад̇ам̣. со д̇асса вибаагзна д̣̇ийгхарад̇д̇ам̣ нираяз бажжид̇ваа вибаагаавасзсзна сад̇д̇агкад̇д̇ум̣ гаагаяонияам̣ ниб̣б̣ад̇д̇ид̇ваа звамзва аагаасз жхааяид̇ваава мад̇о’’д̇и.

    Satthāpi tesaṃ paṭipāṭiyā evaṃ byākāsi – ‘‘bhikkhave, so tāva kāko attanā katakammameva anubhosi. Atītakāle hi bārāṇasiyaṃ eko kassako attano goṇaṃ damento dametuṃ nāsakkhi. So hissa goṇo thokaṃ gantvā nipajji, pothetvā uṭṭhāpitopi thokaṃ gantvā punapi tatheva nipajji. So vāyamitvā taṃ dametuṃ asakkonto kodhābhibhūto hutvā ‘ito dāni paṭṭhāya sukhaṃ nipajjissasī’ti palālapiṇḍaṃ viya karonto palālena tassa gīvaṃ paliveṭhetvā aggimadāsi, goṇo tattheva jhāyitvā mato. Tadā, bhikkhave, tena kākena taṃ pāpakammaṃ kataṃ. So tassa vipākena dīgharattaṃ niraye paccitvā vipākāvasesena sattakkhattuṃ kākayoniyaṃ nibbattitvā evameva ākāse jhāyitvāva mato’’ti.

    сааби, бхигкавз, ид̇т̇ий ад̇д̇анаа гад̇агаммамзва анубхоси. саа хи ад̇ийд̇з б̣аараан̣асияам̣ згасса г̇ахабад̇игасса бхарияаа уд̣̇агахаран̣агодданабажанаад̣̇ийни саб̣б̣агижжаани сахад̇т̇знзва агааси. д̇ассаа зго сунако д̇ам̣ г̇зхз саб̣б̣агижжаани гурумаанам̣ ологзнд̇ова нисийд̣̇ад̇и. кзд̇д̇з бхад̇д̇ам̣ харанд̇ияаа д̣̇аарубан̣н̣аад̣̇ийнам̣ ваа ад̇т̇ааяа аран̃н̃ам̣ г̇ажчанд̇ияаа д̇ааяа сад̣̇д̇хим̣язва г̇ажчад̇и. д̇ам̣ д̣̇исваа д̣̇ахарамануссаа ‘‘амбхо нигканд̇о сунакалуд̣̇д̣̇аго, аж̇ж̇а маяам̣ мам̣сзна бхун̃ж̇иссаамаа’’д̇и уббан̣д̣знд̇и. саа д̇зсам̣ гат̇ааяа ман̇гу худ̇ваа сунакам̣ лзд̣д̣уд̣̇ан̣д̣аад̣̇ийхи бахарид̇ваа балаабзд̇и, сунако нивад̇д̇ид̇ваа буна ануб̣анд̇хад̇и. со гирассаа д̇ад̇ияз ад̇д̇абхаавз бхад̇д̇аа ахоси, д̇асмаа синзхам̣ чинд̣̇ид̇ум̣ на саггод̇и. гин̃жааби хи анамад̇аг̇г̇з сам̣саарз ж̇ааяаа ваа бад̇и ваа абхууд̇абуб̣б̣аа наама над̇т̇и, авид̣̇уурз бана ад̇д̇абхаавз н̃аад̇агзсу ад̇химад̇д̇о синзхо ход̇и, д̇асмаа со сунако д̇ам̣ виж̇ахид̇ум̣ на саггод̇и. саа д̇асса гуж̇жхид̇ваа кзд̇д̇ам̣ саамигасса яааг̇ум̣ харамаанаа раж̇ж̇ум̣ ужчан̇г̇з табзд̇ваа аг̇амааси, сунако д̇ааязва сад̣̇д̇хим̣ г̇ад̇о. саа саамигасса яааг̇ум̣ д̣̇ад̇ваа д̇ужчагудам̣ аад̣̇ааяа згам̣ уд̣̇агадтаанам̣ г̇анд̇ваа гудам̣ ваалугааяа буурзд̇ваа самийбз ологзд̇ваа тид̇асса сунакасса сад̣̇д̣̇амагааси. сунако ‘‘жирассам̣ вад̇а мз аж̇ж̇а мад̇хурагат̇аа лад̣̇д̇хаа’’д̇и нан̇г̇удтам̣ жаалзнд̇о д̇ам̣ убасан̇гами. саа д̇ам̣ г̇ийвааяам̣ д̣̇ал̣хам̣ г̇ахзд̇ваа згааяа раж̇ж̇угодияаа гудам̣ б̣анд̇хид̇ваа згам̣ раж̇ж̇угодим̣ сунакасса г̇ийвааяам̣ б̣анд̇хид̇ваа гудам̣ уд̣̇агаабхимукам̣ баваддзси. сунако гудам̣ ануб̣анд̇ханд̇о уд̣̇агз бад̇ид̇ваа д̇ад̇т̇зва гааламагааси. саа д̇асса гаммасса вибаагзна д̣̇ийгхарад̇д̇ам̣ нираяз бажжид̇ваа вибаагаавасзсзна ад̇д̇абхаавасад̇з ваалугагудам̣ г̇ийвааяам̣ б̣анд̇хид̇ваа уд̣̇агз багкид̇д̇аа гааламагаасийд̇и.

    Sāpi, bhikkhave, itthī attanā katakammameva anubhosi. Sā hi atīte bārāṇasiyaṃ ekassa gahapatikassa bhariyā udakaharaṇakoṭṭanapacanādīni sabbakiccāni sahattheneva akāsi. Tassā eko sunakho taṃ gehe sabbakiccāni kurumānaṃ olokentova nisīdati. Khette bhattaṃ harantiyā dārupaṇṇādīnaṃ vā atthāya araññaṃ gacchantiyā tāya saddhiṃyeva gacchati. Taṃ disvā daharamanussā ‘‘ambho nikkhanto sunakhaluddako, ajja mayaṃ maṃsena bhuñjissāmā’’ti uppaṇḍenti. Sā tesaṃ kathāya maṅku hutvā sunakhaṃ leḍḍudaṇḍādīhi paharitvā palāpeti, sunakho nivattitvā puna anubandhati. So kirassā tatiye attabhāve bhattā ahosi, tasmā sinehaṃ chindituṃ na sakkoti. Kiñcāpi hi anamatagge saṃsāre jāyā vā pati vā abhūtapubbā nāma natthi, avidūre pana attabhāve ñātakesu adhimatto sineho hoti, tasmā so sunakho taṃ vijahituṃ na sakkoti. Sā tassa kujjhitvā khettaṃ sāmikassa yāguṃ haramānā rajjuṃ ucchaṅge ṭhapetvā agamāsi, sunakho tāyeva saddhiṃ gato. Sā sāmikassa yāguṃ datvā tucchakuṭaṃ ādāya ekaṃ udakaṭṭhānaṃ gantvā kuṭaṃ vālukāya pūretvā samīpe oloketvā ṭhitassa sunakhassa saddamakāsi. Sunakho ‘‘cirassaṃ vata me ajja madhurakathā laddhā’’ti naṅguṭṭhaṃ cālento taṃ upasaṅkami. Sā taṃ gīvāyaṃ daḷhaṃ gahetvā ekāya rajjukoṭiyā kuṭaṃ bandhitvā ekaṃ rajjukoṭiṃ sunakhassa gīvāyaṃ bandhitvā kuṭaṃ udakābhimukhaṃ pavaṭṭesi. Sunakho kuṭaṃ anubandhanto udake patitvā tattheva kālamakāsi. Sā tassa kammassa vipākena dīgharattaṃ niraye paccitvā vipākāvasesena attabhāvasate vālukakuṭaṃ gīvāyaṃ bandhitvā udake pakkhittā kālamakāsīti.

    д̇умхзхиби, бхигкавз, ад̇д̇анаа гад̇агаммамзва анубхууд̇ам̣. ад̇ийд̇асмин̃хи б̣аараан̣асиваасино сад̇д̇а г̇обаалагад̣̇аарагаа згасмим̣ адавибад̣̇зсз сад̇д̇аахаваарзна г̇аавияо вижаранд̇аа згад̣̇ивасам̣ г̇аавияо вижаарзд̇ваа ааг̇ажчанд̇аа згам̣ махааг̇од̇хам̣ д̣̇исваа ануб̣анд̇хим̣су. г̇од̇хаа балааяид̇ваа згам̣ ваммигам̣ баависи. д̇асса бана ваммигасса сад̇д̇а чид̣̇д̣̇аани, д̣̇аарагаа ‘‘маяам̣ д̣̇аани г̇ахзд̇ум̣ на сагкиссаама, свз ааг̇анд̇ваа г̇ан̣хиссаамаа’’д̇и згзго згзгам̣ саакабхан̇г̇амудтим̣ аад̣̇ааяа сад̇д̇аби ж̇анаа сад̇д̇а чид̣̇д̣̇аани бид̣̇ахид̇ваа баггамим̣су . д̇з бунад̣̇ивасз д̇ам̣ г̇од̇хам̣ аманасигад̇ваа ан̃н̃асмим̣ бад̣̇зсз г̇аавияо вижаарзд̇ваа сад̇д̇амз д̣̇ивасз г̇аавияо аад̣̇ааяа г̇ажчанд̇аа д̇ам̣ ваммигам̣ д̣̇исваа сад̇им̣ бадилабхид̇ваа ‘‘гаа ну ко д̇ассаа г̇од̇хааяа бавад̇д̇ий’’д̇и ад̇д̇анаа ад̇д̇анаа бид̣̇ахид̇аани чид̣̇д̣̇аани виварим̣су. г̇од̇хаа ж̇ийвид̇з нираалаяаа худ̇ваа адтижаммаавасзсаа бавзд̇хамаанаа нигками. д̇з д̇ам̣ д̣̇исваа анугамбам̣ гад̇ваа ‘‘маа нам̣ маарзт̇а, сад̇д̇аахам̣ чиннабхад̇д̇аа ж̇аад̇аа’’д̇и д̇ассаа бидтим̣ баримаж̇ж̇ид̇ваа ‘‘сукзна г̇ажчаахий’’д̇и виссаж̇ж̇зсум̣. д̇з г̇од̇хааяа амаарид̇ад̇д̇аа нираяз д̇аава на бажжим̣су. д̇з бана сад̇д̇а ж̇анаа згад̇о худ̇ваа жуд̣̇д̣̇асасу ад̇д̇абхаавзсу сад̇д̇а сад̇д̇а д̣̇ивасаани чиннабхад̇д̇аа ахзсум̣. д̇ад̣̇аа, бхигкавз, д̇умхзхи сад̇д̇ахи г̇обаалагзхи худ̇ваа д̇ам̣ гаммам̣ гад̇анд̇и. звам̣ сад̇т̇аа д̇зхи будтабудтам̣ бан̃хам̣ б̣яаагааси.

    Tumhehipi, bhikkhave, attanā katakammameva anubhūtaṃ. Atītasmiñhi bārāṇasivāsino satta gopālakadārakā ekasmiṃ aṭavipadese sattāhavārena gāviyo vicarantā ekadivasaṃ gāviyo vicāretvā āgacchantā ekaṃ mahāgodhaṃ disvā anubandhiṃsu. Godhā palāyitvā ekaṃ vammikaṃ pāvisi. Tassa pana vammikassa satta chiddāni, dārakā ‘‘mayaṃ dāni gahetuṃ na sakkhissāma, sve āgantvā gaṇhissāmā’’ti ekeko ekekaṃ sākhabhaṅgamuṭṭhiṃ ādāya sattapi janā satta chiddāni pidahitvā pakkamiṃsu . Te punadivase taṃ godhaṃ amanasikatvā aññasmiṃ padese gāviyo vicāretvā sattame divase gāviyo ādāya gacchantā taṃ vammikaṃ disvā satiṃ paṭilabhitvā ‘‘kā nu kho tassā godhāya pavattī’’ti attanā attanā pidahitāni chiddāni vivariṃsu. Godhā jīvite nirālayā hutvā aṭṭhicammāvasesā pavedhamānā nikkhami. Te taṃ disvā anukampaṃ katvā ‘‘mā naṃ māretha, sattāhaṃ chinnabhattā jātā’’ti tassā piṭṭhiṃ parimajjitvā ‘‘sukhena gacchāhī’’ti vissajjesuṃ. Te godhāya amāritattā niraye tāva na pacciṃsu. Te pana satta janā ekato hutvā cuddasasu attabhāvesu satta satta divasāni chinnabhattā ahesuṃ. Tadā, bhikkhave, tumhehi sattahi gopālakehi hutvā taṃ kammaṃ katanti. Evaṃ satthā tehi puṭṭhapuṭṭhaṃ pañhaṃ byākāsi.

    ат̇зго бхигку сад̇т̇аарам̣ ааха – ‘‘гим̣ бана, бханд̇з, баабагаммам̣ гад̇ваа аагаасз уббад̇ид̇ассаби самуд̣̇д̣̇ам̣ багканд̣̇ассааби баб̣б̣ад̇анд̇арам̣ бавидтассааби могко над̇т̇ий’’д̇и. сад̇т̇аа ‘‘звамзд̇ам̣, бхигкавз, аагаасаад̣̇ийсуби згабад̣̇зсоби над̇т̇и, яад̇т̇а тид̇о баабагаммад̇о мужжзяяаа’’д̇и вад̇ваа анусанд̇хим̣ гхадзд̇ваа д̇хаммам̣ д̣̇зсзнд̇о имам̣ г̇аат̇амааха –

    Atheko bhikkhu satthāraṃ āha – ‘‘kiṃ pana, bhante, pāpakammaṃ katvā ākāse uppatitassapi samuddaṃ pakkhandassāpi pabbatantaraṃ paviṭṭhassāpi mokkho natthī’’ti. Satthā ‘‘evametaṃ, bhikkhave, ākāsādīsupi ekapadesopi natthi, yattha ṭhito pāpakammato mucceyyā’’ti vatvā anusandhiṃ ghaṭetvā dhammaṃ desento imaṃ gāthamāha –

    127.

    127.

    ‘‘на анд̇алигкз на самуд̣̇д̣̇амаж̇жхз, на баб̣б̣ад̇аанам̣ виварам̣ бависса;

    ‘‘Na antalikkhe na samuddamajjhe, na pabbatānaṃ vivaraṃ pavissa;

    на виж̇ж̇ад̇ий со ж̇аг̇ад̇иббад̣̇зсо, яад̇т̇адтид̇о мужжзяяа баабагаммаа’’д̇и.

    Na vijjatī so jagatippadeso, yatthaṭṭhito mucceyya pāpakammā’’ti.

    д̇ассад̇т̇о – сажз хи гожи ‘‘иминаа убааязна баабагаммад̇о мужжиссаамий’’д̇и анд̇алигкз ваа нисийд̣̇зяяа, жад̇ураасийд̇ияож̇анасахассаг̇амбхийрам̣ махаасамуд̣̇д̣̇ам̣ ваа бависзяяа, баб̣б̣ад̇анд̇арз ваа нисийд̣̇зяяа, нзва баабагаммад̇о мужжзяяа. бурад̇т̇имаад̣̇ийсу ж̇аг̇ад̇ибад̣̇зсзсу бат̇авийбхааг̇зсу на со ваалаг̇г̇амад̇д̇оби огаасо ад̇т̇и, яад̇т̇а тид̇о баабагаммад̇о мужжид̇ум̣ саггун̣зяяаад̇и.

    Tassattho – sace hi koci ‘‘iminā upāyena pāpakammato muccissāmī’’ti antalikkhe vā nisīdeyya, caturāsītiyojanasahassagambhīraṃ mahāsamuddaṃ vā paviseyya, pabbatantare vā nisīdeyya, neva pāpakammato mucceyya. Puratthimādīsu jagatipadesesu pathavībhāgesu na so vālaggamattopi okāso atthi, yattha ṭhito pāpakammato muccituṃ sakkuṇeyyāti.

    д̣̇зсанаавасаанз д̇з бхигкуу сод̇аабад̇д̇ипалаад̣̇ийни баабун̣им̣су, самбад̇д̇амахааж̇анассааби саад̇т̇игаа д̇хаммад̣̇зсанаа ахосийд̇и.

    Desanāvasāne te bhikkhū sotāpattiphalādīni pāpuṇiṃsu, sampattamahājanassāpi sātthikā dhammadesanā ahosīti.

    д̇аяож̇анавад̇т̇у згаад̣̇асамам̣.

    Tayojanavatthu ekādasamaṃ.

    12. суббаб̣уд̣̇д̇хасагяавад̇т̇у

    12. Suppabuddhasakyavatthu

    на анд̇алигкзд̇и имам̣ д̇хаммад̣̇зсанам̣ сад̇т̇аа ниг̇род̇хаараамз вихаранд̇о суббаб̣уд̣̇д̇хам̣ саггам̣ аараб̣бха гат̇зси.

    Naantalikkheti imaṃ dhammadesanaṃ satthā nigrodhārāme viharanto suppabuddhaṃ sakkaṃ ārabbha kathesi.

    со гира ‘‘аяам̣ мама д̇хийд̇арам̣ чад̣д̣зд̇ваа нигканд̇о жа, мама буд̇д̇ам̣ баб̣б̣ааж̇зд̇ваа д̇асса взридтаанз тид̇о жаа’’д̇и имзхи д̣̇вийхи гааран̣зхи сад̇т̇ари аагхаад̇ам̣ б̣анд̇хид̇ваа згад̣̇ивасам̣ ‘‘на д̣̇аанисса ниманд̇анадтаанам̣ г̇анд̇ваа бхун̃ж̇ид̇ум̣ д̣̇ассаамий’’д̇и г̇аманамаг̇г̇ам̣ бид̣̇ахид̇ваа анд̇аравийт̇ияам̣ сурам̣ биванд̇о нисийд̣̇и. ат̇асса сад̇т̇ари бхигкусан̇гхабаривуд̇з д̇ам̣ таанам̣ ааг̇ад̇з ‘‘сад̇т̇аа ааг̇ад̇о’’д̇и аарожзсум̣ . со ааха – ‘‘бурад̇о г̇ажчаад̇и д̇асса вад̣̇зт̇а, нааяам̣ маяаа махаллагад̇аро, наасса маг̇г̇ам̣ д̣̇ассаамий’’д̇и бунаббунам̣ вужжамааноби д̇ат̇зва вад̇ваа нисийд̣̇и. сад̇т̇аа маад̇уласса санд̇игаа маг̇г̇ам̣ алабхид̇ваа д̇ад̇о нивад̇д̇и. соби згам̣ жарабурисам̣ бзсзси ‘‘г̇ажча, д̇асса гат̇ам̣ суд̇ваа зхий’’д̇и. сад̇т̇ааби нивад̇д̇анд̇о сид̇ам̣ гад̇ваа аананд̣̇ад̇т̇зрзна ‘‘го ну ко, бханд̇з, сид̇асса баад̇угаммасса бажжаяо’’д̇и будто ааха – ‘‘бассаси, аананд̣̇а, суббаб̣уд̣̇д̇ха’’нд̇и. бассаами, бханд̇зд̇и. бхаарияам̣ д̇зна гаммам̣ гад̇ам̣ маад̣̇исасса б̣уд̣̇д̇хасса маг̇г̇ам̣ ад̣̇знд̇зна, ид̇о сад̇д̇амз д̣̇ивасз хздтаабаасаад̣̇з собаанабаад̣̇амуулз бат̇авим̣ бависиссад̇ийд̇и. жарабурисо д̇ам̣ гат̇ам̣ суд̇ваа суббаб̣уд̣̇д̇хасса санд̇игам̣ г̇анд̇ваа ‘‘гим̣ мама бхааг̇инзяязна нивад̇д̇анд̇зна вуд̇д̇а’’нд̇и будто яат̇аасуд̇ам̣ аарожзси. со д̇асса важанам̣ суд̇ваа ‘‘на д̣̇аани мама бхааг̇инзяяасса гат̇ааяа д̣̇осо ад̇т̇и, ад̣̇д̇хаа яам̣ со вад̣̇ад̇и, д̇ам̣ д̇ат̇зва ход̇и. звам̣ санд̇зби нам̣ ид̣̇аани мусааваад̣̇зна ниг̇г̇ан̣хиссаами. со хи мам̣ ‘сад̇д̇амз д̣̇ивасз бат̇авим̣ бависиссад̇ий’д̇и анияамзна авад̇ваа ‘хздтаабаасаад̣̇з собаанабаад̣̇амуулз бат̇авим̣ бависиссад̇ий’’’д̇и ааха. ‘‘ид̇о д̣̇аани бадтааяаахам̣ д̇ам̣ таанам̣ на г̇амиссаами, ат̇а нам̣ д̇асмим̣ таанз бат̇авим̣ абависид̇ваа мусааваад̣̇зна ниг̇г̇ан̣хиссаамий’’д̇и ад̇д̇ано убабхог̇аж̇аад̇ам̣ саб̣б̣ам̣ сад̇д̇абхуумигабаасаад̣̇асса убари ааробзд̇ваа собаанам̣ хараабзд̇ваа д̣̇ваарам̣ бид̣̇ахаабзд̇ваа згзгасмим̣ д̣̇ваарз д̣̇вз д̣̇вз маллз табзд̇ваа ‘‘сажаахам̣ бамаад̣̇зна хздтаа орохид̇угаамо хоми, ниваарзяяаат̇а ма’’нд̇и вад̇ваа сад̇д̇амз баасаад̣̇ад̇алз сириг̇аб̣бхз нисийд̣̇и. сад̇т̇аа д̇ам̣ бавад̇д̇им̣ суд̇ваа, ‘‘бхигкавз, суббаб̣уд̣̇д̇хо на гзвалам̣ баасаад̣̇ад̇алз взхаасам̣ уббад̇ид̇ваа аагаасз ваа нисийд̣̇ад̇у, наавааяа ваа самуд̣̇д̣̇ам̣ багканд̣̇ад̇у, баб̣б̣ад̇анд̇арам̣ ваа бависад̇у, б̣уд̣̇д̇хаанам̣ гат̇ааяа д̣̇вид̇хаабхааво наама над̇т̇и, маяаа вуд̇д̇адтаанзязва со бат̇авим̣ бависиссад̇ий’’д̇и вад̇ваа анусанд̇хим̣ гхадзд̇ваа д̇хаммам̣ д̣̇зсзнд̇о имам̣ г̇аат̇амааха –

    So kira ‘‘ayaṃ mama dhītaraṃ chaḍḍetvā nikkhanto ca, mama puttaṃ pabbājetvā tassa veriṭṭhāne ṭhito cā’’ti imehi dvīhi kāraṇehi satthari āghātaṃ bandhitvā ekadivasaṃ ‘‘na dānissa nimantanaṭṭhānaṃ gantvā bhuñjituṃ dassāmī’’ti gamanamaggaṃ pidahitvā antaravīthiyaṃ suraṃ pivanto nisīdi. Athassa satthari bhikkhusaṅghaparivute taṃ ṭhānaṃ āgate ‘‘satthā āgato’’ti ārocesuṃ . So āha – ‘‘purato gacchāti tassa vadetha, nāyaṃ mayā mahallakataro, nāssa maggaṃ dassāmī’’ti punappunaṃ vuccamānopi tatheva vatvā nisīdi. Satthā mātulassa santikā maggaṃ alabhitvā tato nivatti. Sopi ekaṃ carapurisaṃ pesesi ‘‘gaccha, tassa kathaṃ sutvā ehī’’ti. Satthāpi nivattanto sitaṃ katvā ānandattherena ‘‘ko nu kho, bhante, sitassa pātukammassa paccayo’’ti puṭṭho āha – ‘‘passasi, ānanda, suppabuddha’’nti. Passāmi, bhanteti. Bhāriyaṃ tena kammaṃ kataṃ mādisassa buddhassa maggaṃ adentena, ito sattame divase heṭṭhāpāsāde sopānapādamūle pathaviṃ pavisissatīti. Carapuriso taṃ kathaṃ sutvā suppabuddhassa santikaṃ gantvā ‘‘kiṃ mama bhāgineyyena nivattantena vutta’’nti puṭṭho yathāsutaṃ ārocesi. So tassa vacanaṃ sutvā ‘‘na dāni mama bhāgineyyassa kathāya doso atthi, addhā yaṃ so vadati, taṃ tatheva hoti. Evaṃ santepi naṃ idāni musāvādena niggaṇhissāmi. So hi maṃ ‘sattame divase pathaviṃ pavisissatī’ti aniyamena avatvā ‘heṭṭhāpāsāde sopānapādamūle pathaviṃ pavisissatī’’’ti āha. ‘‘Ito dāni paṭṭhāyāhaṃ taṃ ṭhānaṃ na gamissāmi, atha naṃ tasmiṃ ṭhāne pathaviṃ apavisitvā musāvādena niggaṇhissāmī’’ti attano upabhogajātaṃ sabbaṃ sattabhūmikapāsādassa upari āropetvā sopānaṃ harāpetvā dvāraṃ pidahāpetvā ekekasmiṃ dvāre dve dve malle ṭhapetvā ‘‘sacāhaṃ pamādena heṭṭhā orohitukāmo homi, nivāreyyātha ma’’nti vatvā sattame pāsādatale sirigabbhe nisīdi. Satthā taṃ pavattiṃ sutvā, ‘‘bhikkhave, suppabuddho na kevalaṃ pāsādatale vehāsaṃ uppatitvā ākāse vā nisīdatu, nāvāya vā samuddaṃ pakkhandatu, pabbatantaraṃ vā pavisatu, buddhānaṃ kathāya dvidhābhāvo nāma natthi, mayā vuttaṭṭhāneyeva so pathaviṃ pavisissatī’’ti vatvā anusandhiṃ ghaṭetvā dhammaṃ desento imaṃ gāthamāha –

    128.

    128.

    ‘‘на анд̇алигкз на самуд̣̇д̣̇амаж̇жхз, на баб̣б̣ад̇аанам̣ виварам̣ бависса;

    ‘‘Na antalikkhe na samuddamajjhe, na pabbatānaṃ vivaraṃ pavissa;

    на виж̇ж̇ад̇ий со ж̇аг̇ад̇иббад̣̇зсо, яад̇т̇адтид̇ам̣ наббасахзяяа мажжуу’’д̇и.

    Na vijjatī so jagatippadeso, yatthaṭṭhitaṃ nappasaheyya maccū’’ti.

    д̇ад̇т̇а яад̇т̇а тид̇ам̣ наббасахзяяа, мажжууд̇и яасмим̣ бад̣̇зсз тид̇ам̣ маран̣ам̣ наббасахзяяа наабхибхавзяяа, гзсаг̇г̇амад̇д̇оби бат̇авиббад̣̇зсо над̇т̇и. сзсам̣ буримасад̣̇исамзваад̇и.

    Tattha yattha ṭhitaṃ nappasaheyya, maccūti yasmiṃ padese ṭhitaṃ maraṇaṃ nappasaheyya nābhibhaveyya, kesaggamattopi pathavippadeso natthi. Sesaṃ purimasadisamevāti.

    д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

    Desanāvasāne bahū sotāpattiphalādīni pāpuṇiṃsūti.

    сад̇д̇амз д̣̇ивасз сад̇т̇у бхигкаажаарамаг̇г̇асса нируд̣̇д̇хавзлааяа хздтаабаасаад̣̇з суббаб̣уд̣̇д̇хасса ман̇г̇алассо уд̣̇д̣̇аамо худ̇ваа д̇ам̣ д̇ам̣ бхид̇д̇им̣ бахари. со убари нисинновасса сад̣̇д̣̇ам̣ суд̇ваа ‘‘гимзд̇а’’нд̇и бужчи. ‘‘ман̇г̇алассо уд̣̇д̣̇аамо’’д̇и. со банассо суббаб̣уд̣̇д̇хам̣ д̣̇исваава саннисийд̣̇ад̇и. ат̇а нам̣ со г̇ан̣хид̇угаамо худ̇ваа нисиннадтаанаа удтааяа д̣̇ваараабхимуко ахоси, д̣̇ваараани саяамзва вивадаани, собаанам̣ сагадтаанзязва тид̇ам̣. д̣̇ваарз тид̇аа маллаа д̇ам̣ г̇ийвааяам̣ г̇ахзд̇ваа хздтаабхимукам̣ кибим̣су. зд̇знубааязна сад̇д̇асуби д̇алзсу д̣̇ваараани саяамзва вивадаани, собаанаани яат̇аатаанз тид̇аани. д̇ад̇т̇а д̇ад̇т̇а маллаа д̇ам̣ г̇ийвааяамзва г̇ахзд̇ваа хздтаабхимукам̣ кибим̣су. ат̇а нам̣ хздтаабаасаад̣̇з собаанабаад̣̇амуулам̣ самбад̇д̇амзва махаабат̇авий виварамаанаа бхиж̇ж̇ид̇ваа самбадижчи, со г̇анд̇ваа авийжимхи ниб̣б̣ад̇д̇ийд̇и.

    Sattame divase satthu bhikkhācāramaggassa niruddhavelāya heṭṭhāpāsāde suppabuddhassa maṅgalasso uddāmo hutvā taṃ taṃ bhittiṃ pahari. So upari nisinnovassa saddaṃ sutvā ‘‘kimeta’’nti pucchi. ‘‘Maṅgalasso uddāmo’’ti. So panasso suppabuddhaṃ disvāva sannisīdati. Atha naṃ so gaṇhitukāmo hutvā nisinnaṭṭhānā uṭṭhāya dvārābhimukho ahosi, dvārāni sayameva vivaṭāni, sopānaṃ sakaṭṭhāneyeva ṭhitaṃ. Dvāre ṭhitā mallā taṃ gīvāyaṃ gahetvā heṭṭhābhimukhaṃ khipiṃsu. Etenupāyena sattasupi talesu dvārāni sayameva vivaṭāni, sopānāni yathāṭhāne ṭhitāni. Tattha tattha mallā taṃ gīvāyameva gahetvā heṭṭhābhimukhaṃ khipiṃsu. Atha naṃ heṭṭhāpāsāde sopānapādamūlaṃ sampattameva mahāpathavī vivaramānā bhijjitvā sampaṭicchi, so gantvā avīcimhi nibbattīti.

    суббаб̣уд̣̇д̇хасагяавад̇т̇у д̣̇ваад̣̇асамам̣.

    Suppabuddhasakyavatthu dvādasamaṃ.

    баабаваг̇г̇аван̣н̣анаа нидтид̇аа.

    Pāpavaggavaṇṇanā niṭṭhitā.

    навамо ваг̇г̇о.

    Navamo vaggo.




    Next: 10. д̣̇ан̣д̣аваг̇г̇о • 10. Daṇḍavaggo




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / д̇хаммабад̣̇абаал̣и • Dhammapadapāḷi / 9. баабаваг̇г̇о • 9. Pāpavaggo


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact