| Library / Tipiṭaka / திபிடக • Tipiṭaka / கங்கா²விதரணீ-அபி⁴னவ-டீகா • Kaṅkhāvitaraṇī-abhinava-ṭīkā |
9. பரஅபி⁴ஸபனஸிக்கா²பத³வண்ணனா
9. Paraabhisapanasikkhāpadavaṇṇanā
மனுஸ்ஸதோ³ப⁴க்³கே³ன வாதி ‘‘காணா ஹோமி, குணீ ஹோமி, இதரா வா ஈதி³ஸா ஹோதூ’’திஆதி³னா மனுஸ்ஸவிரூபபா⁴வேன. அத்த²த⁴ம்மஅனுஸாஸனிபுரெக்கா²ரானந்தி எத்த² அத்த²புரெக்கா²ராயாதி அட்ட²கத²ங் கதெ²ந்தியா. த⁴ம்மபுரெக்கா²ராயாதி பாளிங் வாசெந்தியா. அனுஸாஸனிபுரெக்கா²ராயாதி ‘‘இதா³னிபி த்வங் ஏதி³ஸா, ஸாது⁴ விரமஸ்ஸு, நோ சே விரமஸி, அத்³தா⁴ புன ஏவரூபானி கம்மானி கத்வா நிரயே உப்பஜ்ஜிஸ்ஸஸி, திரச்சா²னயோனியா உப்பஜ்ஜிஸ்ஸஸீ’’தி (பாசி॰ அட்ட²॰ 878) ஏவங் அனுஸாஸனியங் ட²த்வா வத³ந்தியா.
Manussadobhaggena vāti ‘‘kāṇā homi, kuṇī homi, itarā vā īdisā hotū’’tiādinā manussavirūpabhāvena. Atthadhammaanusāsanipurekkhārānanti ettha atthapurekkhārāyāti aṭṭhakathaṃ kathentiyā. Dhammapurekkhārāyāti pāḷiṃ vācentiyā. Anusāsanipurekkhārāyāti ‘‘idānipi tvaṃ edisā, sādhu viramassu, no ce viramasi, addhā puna evarūpāni kammāni katvā niraye uppajjissasi, tiracchānayoniyā uppajjissasī’’ti (pāci. aṭṭha. 878) evaṃ anusāsaniyaṃ ṭhatvā vadantiyā.
பரஅபி⁴ஸபனஸிக்கா²பத³வண்ணனா நிட்டி²தா.
Paraabhisapanasikkhāpadavaṇṇanā niṭṭhitā.
