| Library / Tipiṭaka / তিপিটক • Tipiṭaka / কঙ্খাৰিতরণী-অভিনৰ-টীকা • Kaṅkhāvitaraṇī-abhinava-ṭīkā |
৯. পরঅভিসপনসিক্খাপদৰণ্ণনা
9. Paraabhisapanasikkhāpadavaṇṇanā
মনুস্সদোভগ্গেন ৰাতি ‘‘কাণা হোমি, কুণী হোমি, ইতরা ৰা ঈদিসা হোতূ’’তিআদিনা মনুস্সৰিরূপভাৰেন। অত্থধম্মঅনুসাসনিপুরেক্খারানন্তি এত্থ অত্থপুরেক্খারাযাতি অট্ঠকথং কথেন্তিযা। ধম্মপুরেক্খারাযাতি পাল়িং ৰাচেন্তিযা। অনুসাসনিপুরেক্খারাযাতি ‘‘ইদানিপি ত্ৰং এদিসা, সাধু ৰিরমস্সু, নো চে ৰিরমসি, অদ্ধা পুন এৰরূপানি কম্মানি কত্ৰা নিরযে উপ্পজ্জিস্সসি, তিরচ্ছানযোনিযা উপ্পজ্জিস্সসী’’তি (পাচি॰ অট্ঠ॰ ৮৭৮) এৰং অনুসাসনিযং ঠত্ৰা ৰদন্তিযা।
Manussadobhaggena vāti ‘‘kāṇā homi, kuṇī homi, itarā vā īdisā hotū’’tiādinā manussavirūpabhāvena. Atthadhammaanusāsanipurekkhārānanti ettha atthapurekkhārāyāti aṭṭhakathaṃ kathentiyā. Dhammapurekkhārāyāti pāḷiṃ vācentiyā. Anusāsanipurekkhārāyāti ‘‘idānipi tvaṃ edisā, sādhu viramassu, no ce viramasi, addhā puna evarūpāni kammāni katvā niraye uppajjissasi, tiracchānayoniyā uppajjissasī’’ti (pāci. aṭṭha. 878) evaṃ anusāsaniyaṃ ṭhatvā vadantiyā.
পরঅভিসপনসিক্খাপদৰণ্ণনা নিট্ঠিতা।
Paraabhisapanasikkhāpadavaṇṇanā niṭṭhitā.
