| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
11. бараабхавасуд̇д̇ам̣
11. Parābhavasuttaṃ
31. ‘‘сад̇д̇имз, бхигкавз, убаасагасса бараабхаваа…бз… сад̇д̇имз, бхигкавз, убаасагасса самбхаваа. гад̇амз сад̇д̇а? бхигкуд̣̇ассанам̣ на хаабзд̇и, сад̣̇д̇хаммассаванам̣ наббамаж̇ж̇ад̇и, ад̇хисийлз сигкад̇и, басаад̣̇аб̣ахуло ход̇и, бхигкуусу т̇зрзсу жзва навзсу жа маж̇жхимзсу жа анубаарамбхажид̇д̇о д̇хаммам̣ сун̣аад̇и на ранд̇хаг̇авзсий, на ид̇о б̣ахид̣̇д̇хаа д̣̇агкин̣зяяам̣ г̇авзсад̇и, ид̇ха жа буб̣б̣агаарам̣ гарод̇и. имз ко, бхигкавз, сад̇д̇а убаасагасса самбхаваад̇и.
31. ‘‘Sattime, bhikkhave, upāsakassa parābhavā…pe… sattime, bhikkhave, upāsakassa sambhavā. Katame satta? Bhikkhudassanaṃ na hāpeti, saddhammassavanaṃ nappamajjati, adhisīle sikkhati, pasādabahulo hoti, bhikkhūsu theresu ceva navesu ca majjhimesu ca anupārambhacitto dhammaṃ suṇāti na randhagavesī, na ito bahiddhā dakkhiṇeyyaṃ gavesati, idha ca pubbakāraṃ karoti. Ime kho, bhikkhave, satta upāsakassa sambhavāti.
‘‘д̣̇ассанам̣ бхаавид̇ад̇д̇аанам̣, яо хаабзд̇и убаасаго;
‘‘Dassanaṃ bhāvitattānaṃ, yo hāpeti upāsako;
саванан̃жа арияад̇хаммаанам̣, ад̇хисийлз на сигкад̇и.
Savanañca ariyadhammānaṃ, adhisīle na sikkhati.
‘‘аббасаад̣̇о жа бхигкуусу, бхияяо бхияяо бавад̣дхад̇и;
‘‘Appasādo ca bhikkhūsu, bhiyyo bhiyyo pavaḍḍhati;
убаарамбхагажид̇д̇о жа, сад̣̇д̇хаммам̣ сод̇умижчад̇и.
Upārambhakacitto ca, saddhammaṃ sotumicchati.
‘‘ид̇о жа б̣ахид̣̇д̇хаа ан̃н̃ам̣, д̣̇агкин̣зяяам̣ г̇авзсад̇и;
‘‘Ito ca bahiddhā aññaṃ, dakkhiṇeyyaṃ gavesati;
д̇ад̇т̇зва жа буб̣б̣агаарам̣, яо гарод̇и убаасаго.
Tattheva ca pubbakāraṃ, yo karoti upāsako.
‘‘зд̇з ко барихаанияз, сад̇д̇а д̇хаммз суд̣̇зсид̇з;
‘‘Ete kho parihāniye, satta dhamme sudesite;
убаасаго сзвамаано, сад̣̇д̇хаммаа барихааяад̇и.
Upāsako sevamāno, saddhammā parihāyati.
‘‘д̣̇ассанам̣ бхаавид̇ад̇д̇аанам̣, яо на хаабзд̇и убаасаго;
‘‘Dassanaṃ bhāvitattānaṃ, yo na hāpeti upāsako;
саванан̃жа арияад̇хаммаанам̣, ад̇хисийлз жа сигкад̇и.
Savanañca ariyadhammānaṃ, adhisīle ca sikkhati.
‘‘басаад̣̇о жасса бхигкуусу, бхияяо бхияяо бавад̣дхад̇и;
‘‘Pasādo cassa bhikkhūsu, bhiyyo bhiyyo pavaḍḍhati;
анубаарамбхажид̇д̇о жа, сад̣̇д̇хаммам̣ сод̇умижчад̇и.
Anupārambhacitto ca, saddhammaṃ sotumicchati.
‘‘на ид̇о б̣ахид̣̇д̇хаа ан̃н̃ам̣, д̣̇агкин̣зяяам̣ г̇авзсад̇и;
‘‘Na ito bahiddhā aññaṃ, dakkhiṇeyyaṃ gavesati;
ид̇хзва жа буб̣б̣агаарам̣, яо гарод̇и убаасаго.
Idheva ca pubbakāraṃ, yo karoti upāsako.
‘‘зд̇з ко абарихаанияз, сад̇д̇а д̇хаммз суд̣̇зсид̇з;
‘‘Ete kho aparihāniye, satta dhamme sudesite;
убаасаго сзвамаано, сад̣̇д̇хаммаа на барихааяад̇ий’’д̇и. згаад̣̇асамам̣;
Upāsako sevamāno, saddhammā na parihāyatī’’ti. ekādasamaṃ;
д̇ассуд̣̇д̣̇аанам̣ –
Tassuddānaṃ –
сааранд̣̇а -вассагааро жа, д̇исад̇д̇агаани бхигкугаа;
Sāranda -vassakāro ca, tisattakāni bhikkhukā;
б̣од̇хисан̃н̃аа д̣̇вз жа хаани, вибад̇д̇и жа бараабхавод̇и.
Bodhisaññā dve ca hāni, vipatti ca parābhavoti.
Footnotes:
Related texts:
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 7-11. сан̃н̃аасуд̇д̇аад̣̇иван̣н̣анаа • 7-11. Saññāsuttādivaṇṇanā
