| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੧੧. ਪਰਾਭવਸੁਤ੍ਤਂ
11. Parābhavasuttaṃ
੩੧. ‘‘ਸਤ੍ਤਿਮੇ, ਭਿਕ੍ਖવੇ, ਉਪਾਸਕਸ੍ਸ ਪਰਾਭવਾ…ਪੇ॰… ਸਤ੍ਤਿਮੇ, ਭਿਕ੍ਖવੇ, ਉਪਾਸਕਸ੍ਸ ਸਮ੍ਭવਾ। ਕਤਮੇ ਸਤ੍ਤ? ਭਿਕ੍ਖੁਦਸ੍ਸਨਂ ਨ ਹਾਪੇਤਿ, ਸਦ੍ਧਮ੍ਮਸ੍ਸવਨਂ ਨਪ੍ਪਮਜ੍ਜਤਿ, ਅਧਿਸੀਲੇ ਸਿਕ੍ਖਤਿ, ਪਸਾਦਬਹੁਲੋ ਹੋਤਿ, ਭਿਕ੍ਖੂਸੁ ਥੇਰੇਸੁ ਚੇવ ਨવੇਸੁ ਚ ਮਜ੍ਝਿਮੇਸੁ ਚ ਅਨੁਪਾਰਮ੍ਭਚਿਤ੍ਤੋ ਧਮ੍ਮਂ ਸੁਣਾਤਿ ਨ ਰਨ੍ਧਗવੇਸੀ, ਨ ਇਤੋ ਬਹਿਦ੍ਧਾ ਦਕ੍ਖਿਣੇਯ੍ਯਂ ਗવੇਸਤਿ, ਇਧ ਚ ਪੁਬ੍ਬਕਾਰਂ ਕਰੋਤਿ। ਇਮੇ ਖੋ, ਭਿਕ੍ਖવੇ, ਸਤ੍ਤ ਉਪਾਸਕਸ੍ਸ ਸਮ੍ਭવਾਤਿ।
31. ‘‘Sattime, bhikkhave, upāsakassa parābhavā…pe… sattime, bhikkhave, upāsakassa sambhavā. Katame satta? Bhikkhudassanaṃ na hāpeti, saddhammassavanaṃ nappamajjati, adhisīle sikkhati, pasādabahulo hoti, bhikkhūsu theresu ceva navesu ca majjhimesu ca anupārambhacitto dhammaṃ suṇāti na randhagavesī, na ito bahiddhā dakkhiṇeyyaṃ gavesati, idha ca pubbakāraṃ karoti. Ime kho, bhikkhave, satta upāsakassa sambhavāti.
‘‘ਦਸ੍ਸਨਂ ਭਾવਿਤਤ੍ਤਾਨਂ, ਯੋ ਹਾਪੇਤਿ ਉਪਾਸਕੋ।
‘‘Dassanaṃ bhāvitattānaṃ, yo hāpeti upāsako;
ਸવਨਞ੍ਚ ਅਰਿਯਧਮ੍ਮਾਨਂ, ਅਧਿਸੀਲੇ ਨ ਸਿਕ੍ਖਤਿ॥
Savanañca ariyadhammānaṃ, adhisīle na sikkhati.
‘‘ਅਪ੍ਪਸਾਦੋ ਚ ਭਿਕ੍ਖੂਸੁ, ਭਿਯ੍ਯੋ ਭਿਯ੍ਯੋ ਪવਡ੍ਢਤਿ।
‘‘Appasādo ca bhikkhūsu, bhiyyo bhiyyo pavaḍḍhati;
ਉਪਾਰਮ੍ਭਕਚਿਤ੍ਤੋ ਚ, ਸਦ੍ਧਮ੍ਮਂ ਸੋਤੁਮਿਚ੍ਛਤਿ॥
Upārambhakacitto ca, saddhammaṃ sotumicchati.
‘‘ਇਤੋ ਚ ਬਹਿਦ੍ਧਾ ਅਞ੍ਞਂ, ਦਕ੍ਖਿਣੇਯ੍ਯਂ ਗવੇਸਤਿ।
‘‘Ito ca bahiddhā aññaṃ, dakkhiṇeyyaṃ gavesati;
ਤਤ੍ਥੇવ ਚ ਪੁਬ੍ਬਕਾਰਂ, ਯੋ ਕਰੋਤਿ ਉਪਾਸਕੋ॥
Tattheva ca pubbakāraṃ, yo karoti upāsako.
‘‘ਏਤੇ ਖੋ ਪਰਿਹਾਨਿਯੇ, ਸਤ੍ਤ ਧਮ੍ਮੇ ਸੁਦੇਸਿਤੇ।
‘‘Ete kho parihāniye, satta dhamme sudesite;
ਉਪਾਸਕੋ ਸੇવਮਾਨੋ, ਸਦ੍ਧਮ੍ਮਾ ਪਰਿਹਾਯਤਿ॥
Upāsako sevamāno, saddhammā parihāyati.
‘‘ਦਸ੍ਸਨਂ ਭਾવਿਤਤ੍ਤਾਨਂ, ਯੋ ਨ ਹਾਪੇਤਿ ਉਪਾਸਕੋ।
‘‘Dassanaṃ bhāvitattānaṃ, yo na hāpeti upāsako;
ਸવਨਞ੍ਚ ਅਰਿਯਧਮ੍ਮਾਨਂ, ਅਧਿਸੀਲੇ ਚ ਸਿਕ੍ਖਤਿ॥
Savanañca ariyadhammānaṃ, adhisīle ca sikkhati.
‘‘ਪਸਾਦੋ ਚਸ੍ਸ ਭਿਕ੍ਖੂਸੁ, ਭਿਯ੍ਯੋ ਭਿਯ੍ਯੋ ਪવਡ੍ਢਤਿ।
‘‘Pasādo cassa bhikkhūsu, bhiyyo bhiyyo pavaḍḍhati;
ਅਨੁਪਾਰਮ੍ਭਚਿਤ੍ਤੋ ਚ, ਸਦ੍ਧਮ੍ਮਂ ਸੋਤੁਮਿਚ੍ਛਤਿ॥
Anupārambhacitto ca, saddhammaṃ sotumicchati.
‘‘ਨ ਇਤੋ ਬਹਿਦ੍ਧਾ ਅਞ੍ਞਂ, ਦਕ੍ਖਿਣੇਯ੍ਯਂ ਗવੇਸਤਿ।
‘‘Na ito bahiddhā aññaṃ, dakkhiṇeyyaṃ gavesati;
ਇਧੇવ ਚ ਪੁਬ੍ਬਕਾਰਂ, ਯੋ ਕਰੋਤਿ ਉਪਾਸਕੋ॥
Idheva ca pubbakāraṃ, yo karoti upāsako.
‘‘ਏਤੇ ਖੋ ਅਪਰਿਹਾਨਿਯੇ, ਸਤ੍ਤ ਧਮ੍ਮੇ ਸੁਦੇਸਿਤੇ।
‘‘Ete kho aparihāniye, satta dhamme sudesite;
ਉਪਾਸਕੋ ਸੇવਮਾਨੋ, ਸਦ੍ਧਮ੍ਮਾ ਨ ਪਰਿਹਾਯਤੀ’’ਤਿ॥ ਏਕਾਦਸਮਂ।
Upāsako sevamāno, saddhammā na parihāyatī’’ti. ekādasamaṃ;
ਤਸ੍ਸੁਦ੍ਦਾਨਂ –
Tassuddānaṃ –
ਸਾਰਨ੍ਦ -વਸ੍ਸਕਾਰੋ ਚ, ਤਿਸਤ੍ਤਕਾਨਿ ਭਿਕ੍ਖੁਕਾ।
Sāranda -vassakāro ca, tisattakāni bhikkhukā;
ਬੋਧਿਸਞ੍ਞਾ ਦ੍વੇ ਚ ਹਾਨਿ, વਿਪਤ੍ਤਿ ਚ ਪਰਾਭવੋਤਿ॥
Bodhisaññā dve ca hāni, vipatti ca parābhavoti.
Footnotes:
Related texts:
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੭-੧੧. ਸਞ੍ਞਾਸੁਤ੍ਤਾਦਿવਣ੍ਣਨਾ • 7-11. Saññāsuttādivaṇṇanā
