| Library / Tipiṭaka / д̇ибидага • Tipiṭaka / суд̇д̇анибаад̇а-адтагат̇аа • Suttanipāta-aṭṭhakathā |
6. бараабхавасуд̇д̇аван̣н̣анаа
6. Parābhavasuttavaṇṇanā
звам̣ мз суд̇анд̇и бараабхавасуд̇д̇ам̣. гаа уббад̇д̇и? ман̇г̇аласуд̇д̇ам̣ гира суд̇ваа д̣̇зваанам̣ зд̇ад̣̇ахоси – ‘‘бхаг̇авад̇аа ман̇г̇аласуд̇д̇з сад̇д̇аанам̣ вуд̣дхин̃жа сод̇т̇ин̃жа гат̇аяамаанзна згам̣сзна бхаво зва гат̇ид̇о, но бараабхаво. ханд̣̇а д̣̇аани язна сад̇д̇аа барихааяанд̇и винассанд̇и, д̇ам̣ нзсам̣ бараабхавамби бужчаамаа’’д̇и. ат̇а ман̇г̇аласуд̇д̇ам̣ гат̇ид̇ад̣̇ивасад̇о д̣̇уд̇ияад̣̇ивасз д̣̇асасахассажаггаваал̣зсу д̣̇звад̇ааяо бараабхавасуд̇д̇ам̣ сод̇угаамаа имасмим̣ згажаггаваал̣з саннибад̇ид̇ваа згаваалаг̇г̇агодиогаасамад̇д̇з д̣̇асаби вийсамби д̇им̣самби жад̇д̇аалийсамби бан̃н̃аасамби садтиби сад̇д̇ад̇иби асийд̇иби сукумад̇д̇абхаавз нимминид̇ваа саб̣б̣ад̣̇звамаараб̣рахмаано сирияаа жа д̇зж̇зна жа ад̇хиг̇аяха вирожамаанам̣ бан̃н̃ад̇д̇авараб̣уд̣̇д̇хаасанз нисиннам̣ бхаг̇аванд̇ам̣ бариваарзд̇ваа адтам̣су. д̇ад̇о саггзна д̣̇зваанаминд̣̇зна аан̣ад̇д̇о ан̃н̃ад̇аро д̣̇звабуд̇д̇о бхаг̇аванд̇ам̣ бараабхавабан̃хам̣ бужчи. ат̇а бхаг̇аваа бужчаавасзна имам̣ суд̇д̇амабхааси.
Evaṃme sutanti parābhavasuttaṃ. Kā uppatti? Maṅgalasuttaṃ kira sutvā devānaṃ etadahosi – ‘‘bhagavatā maṅgalasutte sattānaṃ vuḍḍhiñca sotthiñca kathayamānena ekaṃsena bhavo eva kathito, no parābhavo. Handa dāni yena sattā parihāyanti vinassanti, taṃ nesaṃ parābhavampi pucchāmā’’ti. Atha maṅgalasuttaṃ kathitadivasato dutiyadivase dasasahassacakkavāḷesu devatāyo parābhavasuttaṃ sotukāmā imasmiṃ ekacakkavāḷe sannipatitvā ekavālaggakoṭiokāsamatte dasapi vīsampi tiṃsampi cattālīsampi paññāsampi saṭṭhipi sattatipi asītipi sukhumattabhāve nimminitvā sabbadevamārabrahmāno siriyā ca tejena ca adhigayha virocamānaṃ paññattavarabuddhāsane nisinnaṃ bhagavantaṃ parivāretvā aṭṭhaṃsu. Tato sakkena devānamindena āṇatto aññataro devaputto bhagavantaṃ parābhavapañhaṃ pucchi. Atha bhagavā pucchāvasena imaṃ suttamabhāsi.
д̇ад̇т̇а ‘‘звам̣ мз суд̇а’’нд̇иаад̣̇и ааяасмад̇аа аананд̣̇зна вуд̇д̇ам̣. ‘‘бараабхаванд̇ам̣ буриса’’нд̇иаад̣̇инаа наязна зганд̇аригаа г̇аат̇аа д̣̇звабуд̇д̇зна вуд̇д̇аа, ‘‘сувиж̇аано бхавам̣ ход̇ий’’д̇иаад̣̇инаа наязна зганд̇аригаа зва авасаанаг̇аат̇аа жа бхаг̇авад̇аа вуд̇д̇аа, д̇ад̣̇зд̇ам̣ саб̣б̣амби самод̇хаанзд̇ваа ‘‘бараабхавасуд̇д̇а’’нд̇и вужжад̇и. д̇ад̇т̇а ‘‘звам̣ мз суд̇а’’нд̇иаад̣̇ийсу яам̣ вад̇д̇аб̣б̣ам̣, д̇ам̣ саб̣б̣ам̣ ман̇г̇аласуд̇д̇аван̣н̣анааяам̣ вагкаама.
Tattha ‘‘evaṃ me suta’’ntiādi āyasmatā ānandena vuttaṃ. ‘‘Parābhavantaṃ purisa’’ntiādinā nayena ekantarikā gāthā devaputtena vuttā, ‘‘suvijāno bhavaṃ hotī’’tiādinā nayena ekantarikā eva avasānagāthā ca bhagavatā vuttā, tadetaṃ sabbampi samodhānetvā ‘‘parābhavasutta’’nti vuccati. Tattha ‘‘evaṃ me suta’’ntiādīsu yaṃ vattabbaṃ, taṃ sabbaṃ maṅgalasuttavaṇṇanāyaṃ vakkhāma.
91. бараабхаванд̇ам̣ бурисанд̇иаад̣̇ийсу бана бараабхаванд̇анд̇и барихааяанд̇ам̣ винассанд̇ам̣. бурисанд̇и яам̣гин̃жи сад̇д̇ам̣ ж̇анд̇ум̣. маяам̣ бужчаама г̇од̇амаад̇и сзсад̣̇звзхи сад̣̇д̇хим̣ ад̇д̇аанам̣ нид̣̇ассзд̇ваа огаасам̣ гаарзнд̇о со д̣̇звабуд̇д̇о г̇од̇д̇зна бхаг̇аванд̇ам̣ аалабад̇и. бхаванд̇ам̣ будтумааг̇аммаад̇и маяан̃хи бхаванд̇ам̣ бужчиссаамаад̇и д̇ад̇о д̇ад̇о жаггаваал̣аа ааг̇ад̇аад̇и ад̇т̇о. зд̇зна аад̣̇арам̣ д̣̇ассзд̇и. гим̣ бараабхавад̇о муканд̇и звам̣ ааг̇ад̇аанам̣ амхаагам̣ б̣руухи бараабхавад̇о бурисасса гим̣ мукам̣, гим̣ д̣̇ваарам̣, гаа яони, гим̣ гааран̣ам̣, язна маяам̣ бараабхаванд̇ам̣ бурисам̣ ж̇аанзяяаамаад̇и ад̇т̇о. зд̇зна ‘‘бараабхаванд̇ам̣ буриса’’нд̇и зд̇т̇а вуд̇д̇асса бараабхавад̇о бурисасса бараабхавагааран̣ам̣ бужчад̇и. бараабхавагааран̣з хи н̃аад̇з д̇зна гааран̣асааман̃н̃зна саггаа яо гожи бараабхавабурисо ж̇аанид̇унд̇и .
91.Parābhavantaṃ purisantiādīsu pana parābhavantanti parihāyantaṃ vinassantaṃ. Purisanti yaṃkiñci sattaṃ jantuṃ. Mayaṃ pucchāmagotamāti sesadevehi saddhiṃ attānaṃ nidassetvā okāsaṃ kārento so devaputto gottena bhagavantaṃ ālapati. Bhavantaṃ puṭṭhumāgammāti mayañhi bhavantaṃ pucchissāmāti tato tato cakkavāḷā āgatāti attho. Etena ādaraṃ dasseti. Kiṃ parābhavato mukhanti evaṃ āgatānaṃ amhākaṃ brūhi parābhavato purisassa kiṃ mukhaṃ, kiṃ dvāraṃ, kā yoni, kiṃ kāraṇaṃ, yena mayaṃ parābhavantaṃ purisaṃ jāneyyāmāti attho. Etena ‘‘parābhavantaṃ purisa’’nti ettha vuttassa parābhavato purisassa parābhavakāraṇaṃ pucchati. Parābhavakāraṇe hi ñāte tena kāraṇasāmaññena sakkā yo koci parābhavapuriso jānitunti .
92. ат̇асса бхаг̇аваа судту баагадийгаран̣ад̇т̇ам̣ бадибагкам̣ д̣̇ассзд̇ваа буг̇г̇алаад̇хидтаанааяа д̣̇зсанааяа бараабхавамукам̣ д̣̇ийбзнд̇о ааха ‘‘сувиж̇аано бхава’’нд̇и. д̇ассад̇т̇о – явааяам̣ бхавам̣ вад̣дханд̇о абарихааяанд̇о бурисо, со сувиж̇аано ход̇и, сукзна агасирзна агижчзна саггаа виж̇аанид̇ум̣. яобааяам̣ бараабхавад̇ийд̇и бараабхаво, барихааяад̇и винассад̇и, яасса д̇умхз бараабхавад̇о бурисасса мукам̣ мам̣ бужчат̇а, соби сувиж̇аано. гат̇ам̣? аяан̃хи д̇хаммагаамо бхавам̣ ход̇и д̣̇асагусалагаммабат̇ад̇хаммам̣ гаамзд̇и, бихзд̇и, бад̇т̇зд̇и, сун̣аад̇и, бадибаж̇ж̇ад̇и, со д̇ам̣ бадибад̇д̇им̣ д̣̇исваа суд̇ваа жа ж̇аанид̇аб̣б̣ад̇о сувиж̇аано ход̇и. ид̇ароби д̇хаммад̣̇зссий бараабхаво, д̇амзва д̇хаммам̣ д̣̇зссад̇и, на гаамзд̇и, на бихзд̇и, на бад̇т̇зд̇и, на сун̣аад̇и, на бадибаж̇ж̇ад̇и, со д̇ам̣ виббадибад̇д̇им̣ д̣̇исваа суд̇ваа жа ж̇аанид̇аб̣б̣ад̇о сувиж̇аано ход̇ийд̇и. звамзд̇т̇а бхаг̇аваа бадибагкам̣ д̣̇ассзнд̇о ад̇т̇ад̇о д̇хаммагаамад̇ам̣ бхавад̇о мукам̣ д̣̇ассзд̇ваа д̇хаммад̣̇зссид̇ам̣ бараабхавад̇о мукам̣ д̣̇ассзд̇ийд̇и взд̣̇ид̇аб̣б̣ам̣.
92. Athassa bhagavā suṭṭhu pākaṭīkaraṇatthaṃ paṭipakkhaṃ dassetvā puggalādhiṭṭhānāya desanāya parābhavamukhaṃ dīpento āha ‘‘suvijāno bhava’’nti. Tassattho – yvāyaṃ bhavaṃ vaḍḍhanto aparihāyanto puriso, so suvijāno hoti, sukhena akasirena akicchena sakkā vijānituṃ. Yopāyaṃ parābhavatīti parābhavo, parihāyati vinassati, yassa tumhe parābhavato purisassa mukhaṃ maṃ pucchatha, sopi suvijāno. Kathaṃ? Ayañhi dhammakāmo bhavaṃ hoti dasakusalakammapathadhammaṃ kāmeti, piheti, pattheti, suṇāti, paṭipajjati, so taṃ paṭipattiṃ disvā sutvā ca jānitabbato suvijāno hoti. Itaropi dhammadessī parābhavo, tameva dhammaṃ dessati, na kāmeti, na piheti, na pattheti, na suṇāti, na paṭipajjati, so taṃ vippaṭipattiṃ disvā sutvā ca jānitabbato suvijāno hotīti. Evamettha bhagavā paṭipakkhaṃ dassento atthato dhammakāmataṃ bhavato mukhaṃ dassetvā dhammadessitaṃ parābhavato mukhaṃ dassetīti veditabbaṃ.
93. ат̇а саа д̣̇звад̇аа бхаг̇авад̇о бхаасид̇ам̣ абхинанд̣̇амаанаа ааха ‘‘ид̇и хзд̇а’’нд̇и. д̇ассад̇т̇о – ид̇и хи яат̇аа вуд̇д̇о бхаг̇авад̇аа, д̇ат̇зва зд̇ам̣ виж̇аанаама, г̇ан̣хаама, д̇хаарзма, батамо со бараабхаво со д̇хаммад̣̇зссид̇аалагкан̣о батамо бараабхаво. яаани маяам̣ бараабхавамукаани виж̇аанид̇ум̣ ааг̇ад̇амхаа, д̇зсу ид̣̇ам̣ д̇аава згам̣ бараабхавамуканд̇и вуд̇д̇ам̣ ход̇и. д̇ад̇т̇а виг̇г̇ахо, бараабхаванд̇и зд̇знаад̇и бараабхаво. гзна жа бараабхаванд̇и? яам̣ бараабхавад̇о мукам̣, гааран̣ам̣, д̇зна. б̣яан̃ж̇анамад̇д̇зна зва хи зд̇т̇а наанаагаран̣ам̣, ад̇т̇ад̇о бана бараабхавод̇и ваа бараабхавад̇о муканд̇и ваа наанаагаран̣ам̣ над̇т̇и. звамзгам̣ бараабхавад̇о мукам̣ виж̇аанаамаад̇и абхинанд̣̇ид̇ваа д̇ад̇о барам̣ н̃аад̇угаамад̇ааяааха ‘‘д̣̇уд̇ияам̣ бхаг̇аваа б̣руухи, гим̣ бараабхавад̇о мука’’нд̇и. ид̇о баран̃жа д̇ад̇ияам̣ жад̇уд̇т̇анд̇иаад̣̇ийсуби иминаава наязнад̇т̇о взд̣̇ид̇аб̣б̣о.
93. Atha sā devatā bhagavato bhāsitaṃ abhinandamānā āha ‘‘iti heta’’nti. Tassattho – iti hi yathā vutto bhagavatā, tatheva etaṃ vijānāma, gaṇhāma, dhārema, paṭhamo so parābhavo so dhammadessitālakkhaṇo paṭhamo parābhavo. Yāni mayaṃ parābhavamukhāni vijānituṃ āgatamhā, tesu idaṃ tāva ekaṃ parābhavamukhanti vuttaṃ hoti. Tattha viggaho, parābhavanti etenāti parābhavo. Kena ca parābhavanti? Yaṃ parābhavato mukhaṃ, kāraṇaṃ, tena. Byañjanamattena eva hi ettha nānākaraṇaṃ, atthato pana parābhavoti vā parābhavato mukhanti vā nānākaraṇaṃ natthi. Evamekaṃ parābhavato mukhaṃ vijānāmāti abhinanditvā tato paraṃ ñātukāmatāyāha ‘‘dutiyaṃ bhagavā brūhi, kiṃ parābhavato mukha’’nti. Ito parañca tatiyaṃ catutthantiādīsupi imināva nayenattho veditabbo.
94. б̣яаагаран̣абагкзби жа яасмаа д̇з д̇з сад̇д̇аа д̇зхи д̇зхи бараабхавамукзхи саманнааг̇ад̇аа, на згоязва саб̣б̣зхи, на жа саб̣б̣з згзнзва, д̇асмаа д̇зсам̣ д̇зсам̣ д̇аани д̇аани бараабхавамукаани д̣̇ассзд̇ум̣ ‘‘асанд̇асса бияаа хонд̇ий’’д̇иаад̣̇инаа наязна буг̇г̇алаад̇хидтаанааяа зва д̣̇зсанааяа наанаавид̇хаани бараабхавамукаани б̣яаагаасийд̇и взд̣̇ид̇аб̣б̣аа.
94. Byākaraṇapakkhepi ca yasmā te te sattā tehi tehi parābhavamukhehi samannāgatā, na ekoyeva sabbehi, na ca sabbe ekeneva, tasmā tesaṃ tesaṃ tāni tāni parābhavamukhāni dassetuṃ ‘‘asantassa piyā hontī’’tiādinā nayena puggalādhiṭṭhānāya eva desanāya nānāvidhāni parābhavamukhāni byākāsīti veditabbā.
д̇ад̇рааяам̣ сан̇кзбад̇о ад̇т̇аван̣н̣анаа – асанд̇о наама ча сад̇т̇ааро, яз ваа банан̃н̃зби авуубасанд̇зна гааяаважийманогаммзна саманнааг̇ад̇аа, д̇з асанд̇о ассабияаа хонд̇и сунагкад̇д̇аад̣̇ийнам̣ ажзлагагоракад̇д̇ияаад̣̇аяо вияа. санд̇о наама б̣уд̣̇д̇хабажжзгаб̣уд̣̇д̇хасаавагаа. яз ваа банан̃н̃зби вуубасанд̇зна гааяаважийманогаммзна саманнааг̇ад̇аа, д̇з санд̇з на гуруд̇з бияам̣, ад̇д̇ано бияз идтз ганд̇з манаабз на гуруд̇зд̇и ад̇т̇о. взнзяяавасзна хзд̇т̇а важанабхзд̣̇о гад̇од̇и взд̣̇ид̇аб̣б̣о. ат̇а ваа санд̇з на гуруд̇зд̇и санд̇з на сзвад̇ийд̇и ад̇т̇о, яат̇аа ‘‘рааж̇аанам̣ сзвад̇ий’’д̇и зд̇асмин̃хи ад̇т̇з рааж̇аанам̣ бияам̣ гуруд̇зд̇и сад̣̇д̣̇авид̣̇уу манд̇знд̇и. бияанд̇и бияамаано, д̇уссамаано, мод̣̇амаанод̇и ад̇т̇о. асад̇ам̣ д̇хаммо наама д̣̇ваасадти д̣̇идтиг̇ад̇аани, д̣̇асаагусалагаммабат̇аа ваа. д̇ам̣ асад̇ам̣ д̇хаммам̣ рожзд̇и, бихзд̇и, бад̇т̇зд̇и, сзвад̇и. звамзд̇ааяа г̇аат̇ааяа асанд̇абияад̇аа, санд̇ааббияад̇аа, асад̣̇д̇хаммарожанан̃жаад̇и д̇ивид̇хам̣ бараабхавад̇о мукам̣ вуд̇д̇ам̣. зд̇зна хи саманнааг̇ад̇о бурисо бараабхавад̇и барихааяад̇и, нзва ид̇ха на хурам̣ вуд̣дхим̣ баабун̣аад̇и, д̇асмаа ‘‘бараабхавад̇о мука’’нд̇и вужжад̇и. вид̇т̇аарам̣ банзд̇т̇а ‘‘асзванаа жа б̣аалаанам̣, бан̣д̣ид̇аанан̃жа сзванаа’’д̇и г̇аат̇ааван̣н̣анааяам̣ вагкаама.
Tatrāyaṃ saṅkhepato atthavaṇṇanā – asanto nāma cha satthāro, ye vā panaññepi avūpasantena kāyavacīmanokammena samannāgatā, te asanto assapiyā honti sunakkhattādīnaṃ acelakakorakhattiyādayo viya. Santo nāma buddhapaccekabuddhasāvakā. Ye vā panaññepi vūpasantena kāyavacīmanokammena samannāgatā, te sante na kurute piyaṃ, attano piye iṭṭhe kante manāpe na kuruteti attho. Veneyyavasena hettha vacanabhedo katoti veditabbo. Atha vā sante na kuruteti sante na sevatīti attho, yathā ‘‘rājānaṃ sevatī’’ti etasmiñhi atthe rājānaṃ piyaṃ kuruteti saddavidū mantenti. Piyanti piyamāno, tussamāno, modamānoti attho. Asataṃdhammo nāma dvāsaṭṭhi diṭṭhigatāni, dasākusalakammapathā vā. Taṃ asataṃ dhammaṃ roceti, piheti, pattheti, sevati. Evametāya gāthāya asantapiyatā, santaappiyatā, asaddhammarocanañcāti tividhaṃ parābhavato mukhaṃ vuttaṃ. Etena hi samannāgato puriso parābhavati parihāyati, neva idha na huraṃ vuḍḍhiṃ pāpuṇāti, tasmā ‘‘parābhavato mukha’’nti vuccati. Vitthāraṃ panettha ‘‘asevanā ca bālānaṃ, paṇḍitānañca sevanā’’ti gāthāvaṇṇanāyaṃ vakkhāma.
96. нид̣̇д̣̇аасийлий наама яо г̇ажчанд̇оби, нисийд̣̇анд̇оби, д̇идтанд̇оби, саяааноби нид̣̇д̣̇ааяад̇иязва. сабхаасийлий наама сан̇г̇ан̣игаараамад̇ам̣, бхассаараамад̇амануяуд̇д̇о. анудтаад̇аад̇и вийрияад̇зж̇авирахид̇о удтаанасийло на ход̇и, ан̃н̃зхи жод̣̇ияамаано г̇ахадто ваа самаано г̇ахадтагаммам̣ , баб̣б̣аж̇ид̇о ваа баб̣б̣аж̇ид̇агаммам̣ аарабхад̇и. аласод̇и ж̇аад̇иаласо, ажжанд̇аабхибхууд̇о т̇инзна тид̇адтаанз тид̇о зва ход̇и, нисиннадтаанз нисинно зва ход̇и, ад̇д̇ано уссаахзна ан̃н̃ам̣ ирияаабат̇ам̣ на габбзд̇и. ад̇ийд̇з аран̃н̃з аг̇г̇имхи удтид̇з абалааяанааласаа жзд̇т̇а нид̣̇ассанам̣. аяамзд̇т̇а уггадтабарижчзд̣̇о, д̇ад̇о лаамагабарижчзд̣̇знааби бана аласо аласод̇взва взд̣̇ид̇аб̣б̣о. д̇хаж̇ова рат̇асса, д̇хуумова аг̇г̇ино, год̇хо бан̃н̃аан̣амассаад̇и год̇хабан̃н̃аан̣о. д̣̇осажарид̇о киббагобий аругуубамажид̇д̇о буг̇г̇ало зваруубо ход̇и. имааяа г̇аат̇ааяа нид̣̇д̣̇аасийлад̇аа, сабхаасийлад̇аа, анудтаанад̇аа, аласад̇аа, год̇хабан̃н̃аан̣ад̇аад̇и бан̃жавид̇хам̣ бараабхавамукам̣ вуд̇д̇ам̣. зд̇зна хи саманнааг̇ад̇о нзва г̇ахадто г̇ахадтавуд̣дхим̣, на баб̣б̣аж̇ид̇о баб̣б̣аж̇ид̇авуд̣дхим̣ баабун̣аад̇и, ан̃н̃ад̣̇ад̇т̇у барихааяад̇иязва бараабхавад̇иязва, д̇асмаа ‘‘бараабхавад̇о мука’’нд̇и вужжад̇и.
96.Niddāsīlī nāma yo gacchantopi, nisīdantopi, tiṭṭhantopi, sayānopi niddāyatiyeva. Sabhāsīlī nāma saṅgaṇikārāmataṃ, bhassārāmatamanuyutto. Anuṭṭhātāti vīriyatejavirahito uṭṭhānasīlo na hoti, aññehi codiyamāno gahaṭṭho vā samāno gahaṭṭhakammaṃ , pabbajito vā pabbajitakammaṃ ārabhati. Alasoti jātialaso, accantābhibhūto thinena ṭhitaṭṭhāne ṭhito eva hoti, nisinnaṭṭhāne nisinno eva hoti, attano ussāhena aññaṃ iriyāpathaṃ na kappeti. Atīte araññe aggimhi uṭṭhite apalāyanaalasā cettha nidassanaṃ. Ayamettha ukkaṭṭhaparicchedo, tato lāmakaparicchedenāpi pana alaso alasotveva veditabbo. Dhajova rathassa, dhūmova aggino, kodho paññāṇamassāti kodhapaññāṇo. Dosacarito khippakopī arukūpamacitto puggalo evarūpo hoti. Imāya gāthāya niddāsīlatā, sabhāsīlatā, anuṭṭhānatā, alasatā, kodhapaññāṇatāti pañcavidhaṃ parābhavamukhaṃ vuttaṃ. Etena hi samannāgato neva gahaṭṭho gahaṭṭhavuḍḍhiṃ, na pabbajito pabbajitavuḍḍhiṃ pāpuṇāti, aññadatthu parihāyatiyeva parābhavatiyeva, tasmā ‘‘parābhavato mukha’’nti vuccati.
98. маад̇аад̇и ж̇анигаа взд̣̇ид̇аб̣б̣аа. бид̇аад̇и ж̇анагоязва. ж̇ин̣н̣агам̣ сарийрасит̇илад̇ааяа. г̇ад̇аяоб̣б̣анам̣ яоб̣б̣анаад̇иггамзна аасийд̇игам̣ ваа наавуд̇игам̣ ваа саяам̣ гаммаани гаад̇умасамад̇т̇ам̣. баху санд̇од̇и самад̇т̇о самаано сукам̣ ж̇ийвамаано. на бхарад̇ийд̇и на босзд̇и. имааяа г̇аат̇ааяа маад̇аабид̇уунам̣ абхаран̣ам̣, абосанам̣, анубадтаанам̣ згам̣язва бараабхавамукам̣ вуд̇д̇ам̣. зд̇зна хи саманнааг̇ад̇о яам̣ д̇ам̣ –
98.Mātāti janikā veditabbā. Pitāti janakoyeva. Jiṇṇakaṃ sarīrasithilatāya. Gatayobbanaṃ yobbanātikkamena āsītikaṃ vā nāvutikaṃ vā sayaṃ kammāni kātumasamatthaṃ. Pahu santoti samattho samāno sukhaṃ jīvamāno. Na bharatīti na poseti. Imāya gāthāya mātāpitūnaṃ abharaṇaṃ, aposanaṃ, anupaṭṭhānaṃ ekaṃyeva parābhavamukhaṃ vuttaṃ. Etena hi samannāgato yaṃ taṃ –
‘‘д̇ааяа нам̣ баарижарияааяа, маад̇аабид̇уусу бан̣д̣ид̇аа;
‘‘Tāya naṃ pāricariyāya, mātāpitūsu paṇḍitā;
ид̇хзва нам̣ басам̣санд̇и, бзжжа саг̇г̇з бамод̣̇ад̇ий’’д̇и. (ид̇иву. 106; а. ни. 4.63) –
Idheva naṃ pasaṃsanti, pecca sagge pamodatī’’ti. (itivu. 106; a. ni. 4.63) –
маад̇аабид̇убхаран̣з аанисам̣сам̣ вуд̇д̇ам̣. д̇ам̣ на баабун̣аад̇и, ан̃н̃ад̣̇ад̇т̇у ‘‘маад̇аабид̇ароби на бхарад̇и, гам̣ ан̃н̃ам̣ бхариссад̇ий’’д̇и нинд̣̇ан̃жа важ̇ж̇анийяад̇ан̃жа д̣̇уг̇г̇ад̇ин̃жа баабун̣анд̇о бараабхавад̇иязва, д̇асмаа ‘‘бараабхавад̇о мука’’нд̇и вужжад̇и.
Mātāpitubharaṇe ānisaṃsaṃ vuttaṃ. Taṃ na pāpuṇāti, aññadatthu ‘‘mātāpitaropi na bharati, kaṃ aññaṃ bharissatī’’ti nindañca vajjanīyatañca duggatiñca pāpuṇanto parābhavatiyeva, tasmā ‘‘parābhavato mukha’’nti vuccati.
100. баабаанам̣ б̣аахид̇ад̇д̇аа б̣раахман̣ам̣, самид̇ад̇д̇аа саман̣ам̣. б̣раахман̣агулаббабхавамби ваа б̣раахман̣ам̣, баб̣б̣аж̇ж̇убаг̇ад̇ам̣ саман̣ам̣, д̇ад̇о ан̃н̃ам̣ вааби яам̣гин̃жи яаажанагам̣. мусааваад̣̇зна ван̃жзд̇ийд̇и ‘‘вад̣̇а, бханд̇з, бажжаязнаа’’д̇и баваарзд̇ваа яаажид̇о ваа бадиж̇аанид̇ваа бажчаа аббад̣̇аанзна д̇асса д̇ам̣ аасам̣ висам̣ваад̣̇зд̇и. имааяа г̇аат̇ааяа б̣раахман̣аад̣̇ийнам̣ мусааваад̣̇зна ван̃жанам̣ згам̣язва бараабхавамукам̣ вуд̇д̇ам̣. зд̇зна хи саманнааг̇ад̇о ид̇ха нинд̣̇ам̣, самбарааяз д̣̇уг̇г̇ад̇им̣ суг̇ад̇ияамби ад̇хиббааяавибад̇д̇ин̃жа баабун̣аад̇и. вуд̇д̇ан̃хзд̇ам̣ –
100. Pāpānaṃ bāhitattā brāhmaṇaṃ, samitattā samaṇaṃ. Brāhmaṇakulappabhavampi vā brāhmaṇaṃ, pabbajjupagataṃ samaṇaṃ, tato aññaṃ vāpi yaṃkiñci yācanakaṃ. Musāvādena vañcetīti ‘‘vada, bhante, paccayenā’’ti pavāretvā yācito vā paṭijānitvā pacchā appadānena tassa taṃ āsaṃ visaṃvādeti. Imāya gāthāya brāhmaṇādīnaṃ musāvādena vañcanaṃ ekaṃyeva parābhavamukhaṃ vuttaṃ. Etena hi samannāgato idha nindaṃ, samparāye duggatiṃ sugatiyampi adhippāyavipattiñca pāpuṇāti. Vuttañhetaṃ –
‘‘д̣̇уссийласса сийлавибаннасса баабаго гид̇д̇исад̣̇д̣̇о аб̣бхуг̇г̇ажчад̇ий’’д̇и (д̣̇ий. ни. 2.149; а. ни. 5.213; махаава. 285).
‘‘Dussīlassa sīlavipannassa pāpako kittisaddo abbhuggacchatī’’ti (dī. ni. 2.149; a. ni. 5.213; mahāva. 285).
д̇ат̇аа –
Tathā –
‘‘жад̇уухи, бхигкавз, д̇хаммзхи саманнааг̇ад̇о яат̇аабхад̇ам̣ нигкид̇д̇о звам̣ нираяз. гад̇амзхи жад̇уухи? мусааваад̣̇ий ход̇ий’’д̇иаад̣̇и (а. ни. 4.82).
‘‘Catūhi, bhikkhave, dhammehi samannāgato yathābhataṃ nikkhitto evaṃ niraye. Katamehi catūhi? Musāvādī hotī’’tiādi (a. ni. 4.82).
д̇ат̇аа –
Tathā –
‘‘ид̇ха, саарибуд̇д̇а, згажжо саман̣ам̣ ваа б̣раахман̣ам̣ ваа убасан̇гамид̇ваа баваарзд̇и, ‘вад̣̇а, бханд̇з, бажжаязнаа’д̇и, со язна баваарзд̇и, д̇ам̣ на д̣̇зд̇и. со жз д̇ад̇о жуд̇о ид̇т̇ад̇д̇ам̣ ааг̇ажчад̇и. со яам̣ яад̣̇зва ван̣иж̇ж̇ам̣ баяож̇зд̇и, саасса ход̇и чзд̣̇аг̇ааминий. ид̇ха бана саарибуд̇д̇а…бз… со язна баваарзд̇и, на д̇ам̣ яат̇аад̇хиббааяам̣ д̣̇зд̇и. со жз д̇ад̇о жуд̇о ид̇т̇ад̇д̇ам̣ ааг̇ажчад̇и. со яам̣ яад̣̇зва ван̣иж̇ж̇ам̣ баяож̇зд̇и, саасса на ход̇и яат̇аад̇хиббааяаа’’д̇и (а. ни. 4.79).
‘‘Idha, sāriputta, ekacco samaṇaṃ vā brāhmaṇaṃ vā upasaṅkamitvā pavāreti, ‘vada, bhante, paccayenā’ti, so yena pavāreti, taṃ na deti. So ce tato cuto itthattaṃ āgacchati. So yaṃ yadeva vaṇijjaṃ payojeti, sāssa hoti chedagāminī. Idha pana sāriputta…pe… so yena pavāreti, na taṃ yathādhippāyaṃ deti. So ce tato cuto itthattaṃ āgacchati. So yaṃ yadeva vaṇijjaṃ payojeti, sāssa na hoti yathādhippāyā’’ti (a. ni. 4.79).
звамимаани нинд̣̇аад̣̇ийни баабун̣анд̇о бараабхавад̇иязва, д̇асмаа ‘‘бараабхавад̇о мука’’нд̇и вуд̇д̇ам̣.
Evamimāni nindādīni pāpuṇanto parābhavatiyeva, tasmā ‘‘parābhavato mukha’’nti vuttaṃ.
102. бахууд̇авид̇д̇од̇и бахууд̇аж̇аад̇аруубараж̇ад̇аман̣ирад̇ано. сахиран̃н̃од̇и сагахаабан̣о. сабхож̇анод̇и анзгасуубаб̣яан̃ж̇анабхож̇анасамбанно. зго бхун̃ж̇ад̇и саад̣̇уунийд̇и саад̣̇ууни бхож̇анаани ад̇д̇ано буд̇д̇аанамби ад̣̇ад̇ваа бадижчанногаасз бхун̃ж̇ад̇ийд̇и зго бхун̃ж̇ад̇и саад̣̇ууни. имааяа г̇аат̇ааяа бхож̇анаг̇ид̣̇д̇хад̇ааяа бхож̇анамажчарияам̣ згам̣язва бараабхавамукам̣ вуд̇д̇ам̣. зд̇зна хи саманнааг̇ад̇о нинд̣̇ам̣ важ̇ж̇анийяам̣ д̣̇уг̇г̇ад̇инд̇и звамаад̣̇ийни баабун̣анд̇о бараабхавад̇иязва, д̇асмаа ‘‘бараабхавад̇о мука’’нд̇и вуд̇д̇ам̣. вуд̇д̇анаязнзва саб̣б̣ам̣ суд̇д̇аанусаарзна яож̇зд̇аб̣б̣ам̣, ад̇ивид̇т̇аарабхаязна бана ид̣̇аани яож̇анаанаяам̣ ад̣̇ассзд̇ваа ад̇т̇амад̇д̇амзва бхан̣аама.
102.Pahūtavittoti pahūtajātarūparajatamaṇiratano. Sahiraññoti sakahāpaṇo. Sabhojanoti anekasūpabyañjanabhojanasampanno. Eko bhuñjati sādūnīti sādūni bhojanāni attano puttānampi adatvā paṭicchannokāse bhuñjatīti eko bhuñjati sādūni. Imāya gāthāya bhojanagiddhatāya bhojanamacchariyaṃ ekaṃyeva parābhavamukhaṃ vuttaṃ. Etena hi samannāgato nindaṃ vajjanīyaṃ duggatinti evamādīni pāpuṇanto parābhavatiyeva, tasmā ‘‘parābhavato mukha’’nti vuttaṃ. Vuttanayeneva sabbaṃ suttānusārena yojetabbaṃ, ativitthārabhayena pana idāni yojanānayaṃ adassetvā atthamattameva bhaṇāma.
104. ж̇аад̇ид̇т̇ад̣̇д̇хо наама яо ‘‘ахам̣ ж̇аад̇исамбанно’’д̇и маанам̣ ж̇анзд̇ваа д̇зна т̇ад̣̇д̇хо ваад̇абуурид̇абхасд̇аа вияа уд̣̇д̇хумаад̇о худ̇ваа на гассажи онамад̇и. зса наяо д̇ханаг̇од̇д̇ад̇т̇ад̣̇д̇хзсу. сан̃н̃аад̇им̣ ад̇иман̃н̃зд̇ийд̇и ад̇д̇ано н̃аад̇имби ж̇аад̇ияаа ад̇иман̃н̃ад̇и сагяаа вияа видадуубхам̣. д̇ханзнааби жа ‘‘габан̣о аяам̣ д̣̇алид̣̇д̣̇о’’д̇и ад̇иман̃н̃ад̇и, саамийжимад̇д̇амби на гарод̇и, д̇асса д̇з н̃аад̇аяо бараабхавамзва ижчанд̇и. имааяа г̇аат̇ааяа вад̇т̇уд̇о жад̇уб̣б̣ид̇хам̣, лагкан̣ад̇о згам̣язва бараабхавамукам̣ вуд̇д̇ам̣.
104.Jātitthaddho nāma yo ‘‘ahaṃ jātisampanno’’ti mānaṃ janetvā tena thaddho vātapūritabhastā viya uddhumāto hutvā na kassaci onamati. Esa nayo dhanagottatthaddhesu. Saññātiṃ atimaññetīti attano ñātimpi jātiyā atimaññati sakyā viya viṭaṭūbhaṃ. Dhanenāpi ca ‘‘kapaṇo ayaṃ daliddo’’ti atimaññati, sāmīcimattampi na karoti, tassa te ñātayo parābhavameva icchanti. Imāya gāthāya vatthuto catubbidhaṃ, lakkhaṇato ekaṃyeva parābhavamukhaṃ vuttaṃ.
106. ид̇т̇ид̇худ̇д̇од̇и ид̇т̇ийсу саарад̇д̇о, яам̣гин̃жи ад̇т̇и, д̇ам̣ саб̣б̣амби д̣̇ад̇ваа абараабарам̣ ид̇т̇им̣ сан̇г̇ан̣хаад̇и. д̇ат̇аа саб̣б̣амби ад̇д̇ано санд̇агам̣ нигкибид̇ваа сураабаанабаяуд̇д̇о сураад̇худ̇д̇о. нивад̇т̇асаадагамби нигкибид̇ваа ж̇ууд̇агийл̣анамануяуд̇д̇о агкад̇худ̇д̇о. зд̇зхи д̇ийхи таанзхи яам̣гин̃жиби лад̣̇д̇хам̣ ход̇и, д̇асса винаасанад̇о лад̣̇д̇хам̣ лад̣̇д̇хам̣ винаасзд̇ийд̇и взд̣̇ид̇аб̣б̣о. звам̣вид̇хо бараабхавад̇иязва, д̇знассзд̇ам̣ имааяа г̇аат̇ааяа д̇ивид̇хам̣ бараабхавамукам̣ вуд̇д̇ам̣.
106.Itthidhuttoti itthīsu sāratto, yaṃkiñci atthi, taṃ sabbampi datvā aparāparaṃ itthiṃ saṅgaṇhāti. Tathā sabbampi attano santakaṃ nikkhipitvā surāpānapayutto surādhutto. Nivatthasāṭakampi nikkhipitvā jūtakīḷanamanuyutto akkhadhutto. Etehi tīhi ṭhānehi yaṃkiñcipi laddhaṃ hoti, tassa vināsanato laddhaṃ laddhaṃ vināsetīti veditabbo. Evaṃvidho parābhavatiyeva, tenassetaṃ imāya gāthāya tividhaṃ parābhavamukhaṃ vuttaṃ.
108. сзхи д̣̇аарзхийд̇и ад̇д̇ано д̣̇аарзхи. яо ад̇д̇ано д̣̇аарзхи асанд̇удто худ̇ваа взсияаасу бад̣̇уссад̇и, д̇ат̇аа барад̣̇аарзсу, со яасмаа взсийнам̣ д̇ханаббад̣̇аанзна барад̣̇аарасзванзна жа рааж̇ад̣̇ан̣д̣аад̣̇ийхи бараабхавад̇иязва, д̇знассзд̇ам̣ имааяа г̇аат̇ааяа д̣̇увид̇хам̣ бараабхавамукам̣ вуд̇д̇ам̣.
108.Sehi dārehīti attano dārehi. Yo attano dārehi asantuṭṭho hutvā vesiyāsu padussati, tathā paradāresu, so yasmā vesīnaṃ dhanappadānena paradārasevanena ca rājadaṇḍādīhi parābhavatiyeva, tenassetaṃ imāya gāthāya duvidhaṃ parābhavamukhaṃ vuttaṃ.
110. ад̇ийд̇аяоб̣б̣анод̇и яоб̣б̣анамад̇ижжа аасийд̇иго ваа наавуд̇иго ваа худ̇ваа аанзд̇и бариг̇г̇ан̣хаад̇и. д̇имб̣аруд̇т̇анинд̇и д̇имб̣арупаласад̣̇исад̇т̇аним̣ д̇арун̣ад̣̇ааригам̣. д̇ассаа иссаа на субад̇ийд̇и ‘‘д̣̇ахарааяа махаллагзна сад̣̇д̇хим̣ рад̇и жа сам̣ваасо жа аманаабо, маа хзва ко д̇арун̣ам̣ бад̇т̇зяяаа’’д̇и иссааяа д̇ам̣ рагканд̇о на субад̇и. со яасмаа гаамарааг̇зна жа иссааяа жа д̣аяханд̇о б̣ахид̣̇д̇хаа гамманд̇з жа аббаяож̇знд̇о бараабхавад̇иязва, д̇знассзд̇ам̣ имааяа г̇аат̇ааяа имам̣ иссааяа асубанам̣ згам̣язва бараабхавамукам̣ вуд̇д̇ам̣.
110.Atītayobbanoti yobbanamaticca āsītiko vā nāvutiko vā hutvā āneti pariggaṇhāti. Timbarutthaninti timbaruphalasadisatthaniṃ taruṇadārikaṃ. Tassā issā na supatīti ‘‘daharāya mahallakena saddhiṃ rati ca saṃvāso ca amanāpo, mā heva kho taruṇaṃ pattheyyā’’ti issāya taṃ rakkhanto na supati. So yasmā kāmarāgena ca issāya ca ḍayhanto bahiddhā kammante ca appayojento parābhavatiyeva, tenassetaṃ imāya gāthāya imaṃ issāya asupanaṃ ekaṃyeva parābhavamukhaṃ vuttaṃ.
112. сон̣д̣инд̇и мажчамам̣саад̣̇ийсу лолам̣ г̇зд̇хаж̇аад̇игам̣. вигиран̣инд̇и д̇зсам̣ ад̇т̇ааяа д̇ханам̣ бам̣сугам̣ вияа вигирид̇ваа наасанасийлам̣. бурисам̣ вааби д̇аад̣̇исанд̇и бурисо вааби яо зваруубо ход̇и, д̇ам̣ яо иссарияасмим̣ табзд̇и, лан̃чанамуд̣̇д̣̇игаад̣̇ийни д̣̇ад̇ваа гхарааваасз гамманд̇з ваа ван̣иж̇ж̇аад̣̇ивохаарзсу ваа д̇ад̣̇зва ваавадам̣ гаарзд̇и. со яасмаа д̇асса д̣̇осзна д̇ханагкаяам̣ баабун̣анд̇о бараабхавад̇иязва, д̇знассзд̇ам̣ имааяа г̇аат̇ааяа д̇ат̇аавид̇хасса иссарияасмим̣ табанам̣ згам̣язва бараабхавамукам̣ вуд̇д̇ам̣.
112.Soṇḍinti macchamaṃsādīsu lolaṃ gedhajātikaṃ. Vikiraṇinti tesaṃ atthāya dhanaṃ paṃsukaṃ viya vikiritvā nāsanasīlaṃ. Purisaṃ vāpi tādisanti puriso vāpi yo evarūpo hoti, taṃ yo issariyasmiṃ ṭhapeti, lañchanamuddikādīni datvā gharāvāse kammante vā vaṇijjādivohāresu vā tadeva vāvaṭaṃ kāreti. So yasmā tassa dosena dhanakkhayaṃ pāpuṇanto parābhavatiyeva, tenassetaṃ imāya gāthāya tathāvidhassa issariyasmiṃ ṭhapanaṃ ekaṃyeva parābhavamukhaṃ vuttaṃ.
114. аббабхог̇о наама саннижид̇аанан̃жа бхог̇аанам̣ ааяамукасса жа абхаавад̇о. махаад̇ан̣ход̇и махад̇ияаа бхог̇ад̇ан̣хааяа саманнааг̇ад̇о, яам̣ лад̣̇д̇хам̣, д̇зна асанд̇удто. кад̇д̇ияз ж̇ааяад̇з гулзд̇и кад̇д̇ияаанам̣ гулз ж̇ааяад̇и. со жа раж̇ж̇ам̣ бад̇т̇аяад̇ийд̇и со зд̇ааяа махаад̇ан̣хад̇ааяа анубааязна уббадибаадияаа ад̇д̇ано д̣̇ааяаж̇ж̇абхууд̇ам̣ алаб̣бханзяяам̣ ваа барасанд̇агам̣ раж̇ж̇ам̣ бад̇т̇зд̇и, со звам̣ бад̇т̇знд̇о яасмаа д̇амби аббагам̣ бхог̇ам̣ яод̇хааж̇ийваад̣̇ийнам̣ д̣̇ад̇ваа раж̇ж̇ам̣ абаабун̣анд̇о бараабхавад̇иязва, д̇знассзд̇ам̣ имааяа г̇аат̇ааяа раж̇ж̇абад̇т̇анам̣ згам̣язва бараабхавамукам̣ вуд̇д̇ам̣.
114.Appabhogo nāma sannicitānañca bhogānaṃ āyamukhassa ca abhāvato. Mahātaṇhoti mahatiyā bhogataṇhāya samannāgato, yaṃ laddhaṃ, tena asantuṭṭho. Khattiye jāyate kuleti khattiyānaṃ kule jāyati. So ca rajjaṃ patthayatīti so etāya mahātaṇhatāya anupāyena uppaṭipāṭiyā attano dāyajjabhūtaṃ alabbhaneyyaṃ vā parasantakaṃ rajjaṃ pattheti, so evaṃ patthento yasmā tampi appakaṃ bhogaṃ yodhājīvādīnaṃ datvā rajjaṃ apāpuṇanto parābhavatiyeva, tenassetaṃ imāya gāthāya rajjapatthanaṃ ekaṃyeva parābhavamukhaṃ vuttaṃ.
115. ид̇о барам̣ яад̣̇и саа д̣̇звад̇аа ‘‘д̇зрасамам̣ бхаг̇аваа б̣руухи…бз… сад̇асахассимам̣ бхаг̇аваа б̣руухий’’д̇и бужчзяяа, д̇амби бхаг̇аваа гат̇зяяа. яасмаа бана саа д̣̇звад̇аа ‘‘гим̣ имзхи бужчид̇зхи, згамзд̇т̇а вуд̣дхигарам̣ над̇т̇ий’’д̇и д̇аани бараабхавамукаани асуяяамаанаа зд̇д̇агамби бужчид̇ваа виббадисаарий худ̇ваа д̇ун̣хий ахоси, д̇асмаа бхаг̇аваа д̇ассаасаяам̣ вид̣̇ид̇ваа д̣̇зсанам̣ нидтаабзнд̇о имам̣ г̇аат̇ам̣ абхааси ‘‘зд̇з бараабхавз логз’’д̇и.
115. Ito paraṃ yadi sā devatā ‘‘terasamaṃ bhagavā brūhi…pe… satasahassimaṃ bhagavā brūhī’’ti puccheyya, tampi bhagavā katheyya. Yasmā pana sā devatā ‘‘kiṃ imehi pucchitehi, ekamettha vuḍḍhikaraṃ natthī’’ti tāni parābhavamukhāni asuyyamānā ettakampi pucchitvā vippaṭisārī hutvā tuṇhī ahosi, tasmā bhagavā tassāsayaṃ viditvā desanaṃ niṭṭhāpento imaṃ gāthaṃ abhāsi ‘‘ete parābhave loke’’ti.
д̇ад̇т̇а бан̣д̣ид̇од̇и баривиймам̣сааяа саманнааг̇ад̇о. самавзгкияаад̇и бан̃н̃аажагкунаа убабаригкид̇ваа. арияод̇и на маг̇г̇зна, на палзна, абижа ко, бана зд̇асмим̣ бараабхавасан̇каад̇з анаяз на ирияад̇ийд̇и арияо. язна д̣̇ассанзна яааяа бан̃н̃ааяа бараабхавз д̣̇исваа виваж̇ж̇зд̇и, д̇зна самбаннад̇д̇аа д̣̇ассанасамбанно. са логам̣ бхаж̇ад̇з сиванд̇и со зваруубо сивам̣ кзмамуд̇д̇амаманубад̣̇д̣̇авам̣ д̣̇звалогам̣ бхаж̇ад̇и, аллийяад̇и, убаг̇ажчад̇ийд̇и вуд̇д̇ам̣ ход̇и. д̣̇зсанаабарияосаанз бараабхавамукаани суд̇ваа уббаннасам̣взг̇аануруубам̣ яонисо бад̣̇ахид̇ваа сод̇аабад̇д̇исагад̣̇ааг̇аамианааг̇аамипалаани бад̇д̇аа д̣̇звад̇аа г̇ан̣анам̣ вийд̇ивад̇д̇аа. яат̇ааха –
Tattha paṇḍitoti parivīmaṃsāya samannāgato. Samavekkhiyāti paññācakkhunā upaparikkhitvā. Ariyoti na maggena, na phalena, apica kho, pana etasmiṃ parābhavasaṅkhāte anaye na iriyatīti ariyo. Yena dassanena yāya paññāya parābhave disvā vivajjeti, tena sampannattā dassanasampanno. Sa lokaṃ bhajate sivanti so evarūpo sivaṃ khemamuttamamanupaddavaṃ devalokaṃ bhajati, allīyati, upagacchatīti vuttaṃ hoti. Desanāpariyosāne parābhavamukhāni sutvā uppannasaṃvegānurūpaṃ yoniso padahitvā sotāpattisakadāgāmianāgāmiphalāni pattā devatā gaṇanaṃ vītivattā. Yathāha –
‘‘махаасамаяасуд̇д̇з жа, ат̇о ман̇г̇аласуд̇д̇агз;
‘‘Mahāsamayasutte ca, atho maṅgalasuttake;
самажид̇д̇з раахуловаад̣̇з, д̇хаммажаггз бараабхавз.
Samacitte rāhulovāde, dhammacakke parābhave.
‘‘д̣̇звад̇аасамид̇ий д̇ад̇т̇а, аббамзяяаа асан̇кияаа;
‘‘Devatāsamitī tattha, appameyyā asaṅkhiyā;
д̇хаммаабхисамаяо жзд̇т̇а, г̇ан̣анаад̇о асан̇кияо’’д̇и.
Dhammābhisamayo cettha, gaṇanāto asaṅkhiyo’’ti.
барамад̇т̇аж̇од̇игааяа куд̣̇д̣̇ага-адтагат̇ааяа
Paramatthajotikāya khuddaka-aṭṭhakathāya
суд̇д̇анибаад̇а-адтагат̇ааяа бараабхавасуд̇д̇аван̣н̣анаа нидтид̇аа.
Suttanipāta-aṭṭhakathāya parābhavasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / суд̇д̇анибаад̇абаал̣и • Suttanipātapāḷi / 6. бараабхавасуд̇д̇ам̣ • 6. Parābhavasuttaṃ
