| Library / Tipiṭaka / д̇ибидага • Tipiṭaka / бариваара-адтагат̇аа • Parivāra-aṭṭhakathā |
баарааж̇игаад̣̇иаабад̇д̇иван̣н̣анаа
Pārājikādiāpattivaṇṇanā
339. звам̣ бужчаануггамзна саб̣б̣абан̃хз виссаж̇ж̇зд̇ваа ид̣̇аани ‘‘аабад̇д̇игканд̇хаа жа бхаванд̇и сад̇д̇аа’’д̇и зд̇т̇а сан̇г̇ахид̇ааабад̇д̇игканд̇хаанам̣ бажжзгам̣ ниб̣б̣ажанамад̇д̇ам̣ д̣̇ассзнд̇о баарааж̇иганд̇иаад̣̇имааха. д̇ад̇т̇а баарааж̇иганд̇и г̇аат̇ааяа аяамад̇т̇о – яад̣̇ид̣̇ам̣ буг̇г̇алаабад̇д̇исигкаабад̣̇абаарааж̇игзсу аабад̇д̇ибаарааж̇игам̣ наама вуд̇д̇ам̣, д̇ам̣ аабаж̇ж̇анд̇о буг̇г̇ало яасмаа барааж̇ид̇о барааж̇аяамаабанно сад̣̇д̇хаммаа жуд̇о барад̣̇д̇хо бхадто ниран̇гад̇о жа ход̇и, анихад̇з д̇асмим̣ буг̇г̇алз буна убосат̇аббавааран̣аад̣̇ибхзд̣̇о сам̣ваасо над̇т̇и. д̇знзд̇ам̣ ид̇и вужжад̇ийд̇и д̇зна гааран̣зна зд̇ам̣ аабад̇д̇ибаарааж̇иганд̇и вужжад̇и. аяан̃хзд̇т̇а сан̇кзбад̇т̇о – яасмаа барааж̇ид̇о ход̇и д̇зна, д̇асмаа зд̇ам̣ баарааж̇иганд̇и вужжад̇и.
339. Evaṃ pucchānukkamena sabbapañhe vissajjetvā idāni ‘‘āpattikkhandhā ca bhavanti sattā’’ti ettha saṅgahitaāpattikkhandhānaṃ paccekaṃ nibbacanamattaṃ dassento pārājikantiādimāha. Tattha pārājikanti gāthāya ayamattho – yadidaṃ puggalāpattisikkhāpadapārājikesu āpattipārājikaṃ nāma vuttaṃ, taṃ āpajjanto puggalo yasmā parājito parājayamāpanno saddhammā cuto paraddho bhaṭṭho niraṅkato ca hoti, anihate tasmiṃ puggale puna uposathappavāraṇādibhedo saṃvāso natthi. Tenetaṃ iti vuccatīti tena kāraṇena etaṃ āpattipārājikanti vuccati. Ayañhettha saṅkhepattho – yasmā parājito hoti tena, tasmā etaṃ pārājikanti vuccati.
д̣̇уд̇ияаг̇аат̇ааяаби б̣яан̃ж̇анам̣ анаад̣̇ияид̇ваа ад̇т̇амад̇д̇амзва д̣̇ассзд̇ум̣ сан̇гхова д̣̇зд̇и бариваасанд̇иаад̣̇и вуд̇д̇ам̣. аяам̣ банзд̇т̇а ад̇т̇о – имам̣ аабад̇д̇им̣ аабаж̇ж̇ид̇ваа вудтаад̇угаамасса яам̣ д̇ам̣ аабад̇д̇ивудтаанам̣ д̇асса аад̣̇имхи жзва бариваасад̣̇аанад̇т̇ааяа аад̣̇ид̇о сзсз маж̇жхз маанад̇д̇ад̣̇аанад̇т̇ааяа муулааяабадигассанзна ваа саха маанад̇д̇ад̣̇аанад̇т̇ааяа, авасаанз аб̣бхаанад̇т̇ааяа жа сан̇гхо ижчид̇аб̣б̣о, на хзд̇т̇а згамби гаммам̣ винаа сан̇гхзна саггаа гаад̇унд̇и сан̇гхо, аад̣̇имхи жзва сзсз жа ижчид̇аб̣б̣о ассаад̇и сан̇гхаад̣̇исзсо.
Dutiyagāthāyapi byañjanaṃ anādiyitvā atthamattameva dassetuṃ saṅghova deti parivāsantiādi vuttaṃ. Ayaṃ panettha attho – imaṃ āpattiṃ āpajjitvā vuṭṭhātukāmassa yaṃ taṃ āpattivuṭṭhānaṃ tassa ādimhi ceva parivāsadānatthāya ādito sese majjhe mānattadānatthāya mūlāyapaṭikassanena vā saha mānattadānatthāya, avasāne abbhānatthāya ca saṅgho icchitabbo, na hettha ekampi kammaṃ vinā saṅghena sakkā kātunti saṅgho, ādimhi ceva sese ca icchitabbo assāti saṅghādiseso.
д̇ад̇ияаг̇аат̇ааяа анияад̇о на нияад̇од̇и яасмаа на нияад̇о, д̇асмаа анияад̇о аяамаабад̇д̇игканд̇ход̇и ад̇т̇о. гим̣ гааран̣аа на нияад̇од̇и? анзгам̣сигад̇ам̣ бад̣̇ам̣, яасмаа ид̣̇ам̣ сигкаабад̣̇ам̣ анзгам̣сзна гад̇анд̇и ад̇т̇о. гат̇ам̣ анзгам̣сзна? д̇ин̣н̣аман̃н̃ад̇арам̣ таанам̣, д̇ин̣н̣ам̣ д̇хаммаанам̣ ан̃н̃ад̇арзна гаарзд̇аб̣б̣од̇и хи д̇ад̇т̇а вуд̇д̇ам̣, д̇асмаа ‘‘анияад̇о’’д̇и бавужжад̇и, со аабад̇д̇игканд̇хо анияад̇од̇и вужжад̇и. яат̇аа жа д̇ин̣н̣ам̣ ан̃н̃ад̇арам̣ таанам̣, звам̣ д̣̇виннам̣ д̇хаммаанам̣ ан̃н̃ад̇арам̣ таанам̣ яад̇т̇а вуд̇д̇ам̣, соби анияад̇о зва.
Tatiyagāthāya aniyato na niyatoti yasmā na niyato, tasmā aniyato ayamāpattikkhandhoti attho. Kiṃ kāraṇā na niyatoti? Anekaṃsikataṃpadaṃ, yasmā idaṃ sikkhāpadaṃ anekaṃsena katanti attho. Kathaṃ anekaṃsena? Tiṇṇamaññataraṃ ṭhānaṃ, tiṇṇaṃ dhammānaṃ aññatarena kāretabboti hi tattha vuttaṃ, tasmā ‘‘aniyato’’ti pavuccati, so āpattikkhandho aniyatoti vuccati. Yathā ca tiṇṇaṃ aññataraṃ ṭhānaṃ, evaṃ dvinnaṃ dhammānaṃ aññataraṃ ṭhānaṃ yattha vuttaṃ, sopi aniyato eva.
жад̇уд̇т̇аг̇аат̇ааяа ажжаяо д̇зна само над̇т̇ийд̇и д̣̇зсанааг̇ааминийсу ажжаязсу д̇зна само т̇ууло ажжаяо над̇т̇и, д̇знзд̇ам̣ ид̇и вужжад̇и; т̇уулад̇д̇аа ажжаяасса зд̇ам̣ т̇уллажжаяанд̇и вужжад̇ийд̇и ад̇т̇о.
Catutthagāthāya accayo tena samo natthīti desanāgāminīsu accayesu tena samo thūlo accayo natthi, tenetaṃ iti vuccati; thūlattā accayassa etaṃ thullaccayanti vuccatīti attho.
бан̃жамаг̇аат̇ааяа ниссаж̇ж̇ид̇ваана д̣̇зсзд̇и д̇знзд̇анд̇и ниссаж̇ж̇ид̇ваа д̣̇зсзд̇аб̣б̣ад̇о ниссаг̇г̇ияанд̇и вужжад̇ийд̇и ад̇т̇о.
Pañcamagāthāya nissajjitvāna deseti tenetanti nissajjitvā desetabbato nissaggiyanti vuccatīti attho.
чадтаг̇аат̇ааяа баад̇зд̇и гусалам̣ д̇хамманд̇и сан̃жижжа аабаж̇ж̇анд̇асса гусалад̇хаммасан̇каад̇ам̣ гусалажид̇д̇ам̣ баад̇зд̇и, д̇асмаа баад̇зд̇и жид̇д̇анд̇и баажид̇д̇ияам̣. яам̣ бана жид̇д̇ам̣ баад̇зд̇и, д̇ам̣ яасмаа арияамаг̇г̇ам̣ абараж̇жхад̇и, жид̇д̇асаммохагааран̣ан̃жа ход̇и, д̇асмаа ‘‘арияамаг̇г̇ам̣ абараж̇жхад̇и, жид̇д̇асаммоханадтаана’’нд̇и жа вуд̇д̇ам̣.
Chaṭṭhagāthāya pāteti kusalaṃ dhammanti sañcicca āpajjantassa kusaladhammasaṅkhātaṃ kusalacittaṃ pāteti, tasmā pāteti cittanti pācittiyaṃ. Yaṃ pana cittaṃ pāteti, taṃ yasmā ariyamaggaṃ aparajjhati, cittasammohakāraṇañca hoti, tasmā ‘‘ariyamaggaṃ aparajjhati, cittasammohanaṭṭhāna’’nti ca vuttaṃ.
баадид̣̇зсанийяаг̇аат̇аасу ‘‘г̇аараяхам̣ аавусо д̇хаммам̣ аабаж̇ж̇и’’нд̇и вуд̇д̇аг̇аараяхабхаавагааран̣ад̣̇ассанад̇т̇амзва бхигку ан̃н̃аад̇аго санд̇од̇иаад̣̇и вуд̇д̇ам̣. бадид̣̇зсзд̇аб̣б̣ад̇о бана саа аабад̇д̇и баадид̣̇зсанийяаад̇и вужжад̇и.
Pāṭidesanīyagāthāsu ‘‘gārayhaṃ āvuso dhammaṃ āpajji’’nti vuttagārayhabhāvakāraṇadassanatthameva bhikkhu aññātako santotiādi vuttaṃ. Paṭidesetabbato pana sā āpatti pāṭidesanīyāti vuccati.
д̣̇уггадаг̇аат̇ааяа абарад̣̇д̇хам̣ вирад̣̇д̇хан̃жа калид̇анд̇и саб̣б̣амзд̇ам̣ ‘‘яан̃жа д̣̇уггада’’нд̇и зд̇т̇а вуд̇д̇асса д̣̇уггадасса барияааяаважанам̣. яан̃хи д̣̇удту гад̇ам̣ вируубам̣ ваа гад̇ам̣, д̇ам̣ д̣̇уггадам̣. д̇ам̣ банзд̇ам̣ яат̇аа сад̇т̇аараа вуд̇д̇ам̣; звам̣ агад̇ад̇д̇аа абарад̣̇д̇хам̣, гусалам̣ вираж̇жхид̇ваа бавад̇д̇ад̇д̇аа вирад̣̇д̇хам̣, арияавад̇д̇абадибад̣̇ам̣ анаарул̣хад̇д̇аа калид̇ам̣. яам̣ мануссо гарзд̇и ид̣̇ам̣ банасса обамманид̣̇ассанам̣. д̇ассад̇т̇о – яат̇аа хи яам̣ логз мануссо аави ваа яад̣̇и ваа рахо баабам̣ гарод̇и, д̇ам̣ д̣̇уггаданд̇и бавзд̣̇знд̇и; звамид̣̇амби б̣уд̣̇д̇хаббадигудтзна лаамагабхаавзна баабам̣, д̇асмаа д̣̇уггаданд̇и взд̣̇ид̇аб̣б̣ам̣.
Dukkaṭagāthāya aparaddhaṃ viraddhañca khalitanti sabbametaṃ ‘‘yañca dukkaṭa’’nti ettha vuttassa dukkaṭassa pariyāyavacanaṃ. Yañhi duṭṭhu kataṃ virūpaṃ vā kataṃ, taṃ dukkaṭaṃ. Taṃ panetaṃ yathā satthārā vuttaṃ; evaṃ akatattā aparaddhaṃ, kusalaṃ virajjhitvā pavattattā viraddhaṃ, ariyavattapaṭipadaṃ anāruḷhattā khalitaṃ. Yaṃ manusso kareti idaṃ panassa opammanidassanaṃ. Tassattho – yathā hi yaṃ loke manusso āvi vā yadi vā raho pāpaṃ karoti, taṃ dukkaṭanti pavedenti; evamidampi buddhappaṭikuṭṭhena lāmakabhāvena pāpaṃ, tasmā dukkaṭanti veditabbaṃ.
д̣̇уб̣бхаасид̇аг̇аат̇ааяа д̣̇уб̣бхаасид̇ам̣ д̣̇ураабхадтанд̇и д̣̇удту аабхадтам̣ бхаасид̇ам̣ лабид̇анд̇и д̣̇ураабхадтам̣. яам̣ д̣̇ураабхадтам̣, д̇ам̣ д̣̇уб̣бхаасид̇анд̇и ад̇т̇о. гин̃жа бхияяо? сам̣гилидтан̃жа яам̣ бад̣̇ам̣, сам̣гилидтам̣ яасмаа д̇ам̣ бад̣̇ам̣ ход̇ийд̇и ад̇т̇о. д̇ат̇аа яан̃жа вин̃н̃уу г̇араханд̇и, яасмаа жа нам̣ вин̃н̃уу г̇араханд̇ийд̇и ад̇т̇о. д̇знзд̇ам̣ ид̇и вужжад̇ийд̇и д̇зна сам̣гилидтабхаавзна жа вин̃н̃уг̇араханзнааби жа зд̇ам̣ ид̇и вужжад̇и; ‘‘д̣̇уб̣бхаасид̇а’’нд̇и звам̣ вужжад̇ийд̇и ад̇т̇о.
Dubbhāsitagāthāya dubbhāsitaṃ durābhaṭṭhanti duṭṭhu ābhaṭṭhaṃ bhāsitaṃ lapitanti durābhaṭṭhaṃ. Yaṃ durābhaṭṭhaṃ, taṃ dubbhāsitanti attho. Kiñca bhiyyo? Saṃkiliṭṭhañca yaṃ padaṃ, saṃkiliṭṭhaṃ yasmā taṃ padaṃ hotīti attho. Tathā yañca viññū garahanti, yasmā ca naṃ viññū garahantīti attho. Tenetaṃ iti vuccatīti tena saṃkiliṭṭhabhāvena ca viññugarahanenāpi ca etaṃ iti vuccati; ‘‘dubbhāsita’’nti evaṃ vuccatīti attho.
сзкияаг̇аат̇ааяа ‘‘аад̣̇и жзд̇ам̣ жаран̣ан̃жаа’’д̇иаад̣̇инаа наязна сзкасса санд̇агабхаавам̣ д̣̇ийбзд̇и. д̇асмаа сзкасса ид̣̇ам̣ сзкияанд̇и аяамзд̇т̇а сан̇кзбад̇т̇о. ид̣̇ам̣ ‘‘г̇аругалахуган̃жаабий’’д̇иаад̣̇ибан̃хзхи асан̇г̇ахид̇асса ‘‘ханд̣̇а ваагяам̣ сун̣ома д̇з’’д̇и иминаа бана ааяаажанаважанзна сан̇г̇ахид̇асса ад̇т̇асса д̣̇ийбанад̇т̇ам̣ вуд̇д̇анд̇и взд̣̇ид̇аб̣б̣ам̣.
Sekhiyagāthāya ‘‘ādi cetaṃ caraṇañcā’’tiādinā nayena sekhassa santakabhāvaṃ dīpeti. Tasmā sekhassa idaṃ sekhiyanti ayamettha saṅkhepattho. Idaṃ ‘‘garukalahukañcāpī’’tiādipañhehi asaṅgahitassa ‘‘handa vākyaṃ suṇoma te’’ti iminā pana āyācanavacanena saṅgahitassa atthassa dīpanatthaṃ vuttanti veditabbaṃ.
чаннамад̇ивассад̇ийд̇иаад̣̇имхиби зсзва наяо. д̇ад̇т̇а чаннамад̇ивассад̇ийд̇и г̇зхам̣ д̇аава д̇ин̣аад̣̇ийхи ажчаннам̣ ад̇ивассад̇и. ид̣̇ам̣ бана аабад̇д̇исан̇каад̇ам̣ г̇зхам̣ чаннам̣ ад̇ивассад̇и; муулаабад̇д̇ин̃хи чаад̣̇знд̇о ан̃н̃ам̣ навам̣ аабад̇д̇им̣ аабаж̇ж̇ад̇и. вивадам̣ наад̇ивассад̇ийд̇и г̇зхам̣ д̇аава авивадам̣ сужчаннам̣ наад̇ивассад̇и. ид̣̇ам̣ бана аабад̇д̇исан̇каад̇ам̣ г̇зхам̣ вивадам̣ наад̇ивассад̇и; муулаабад̇д̇ин̃хи виваранд̇о д̣̇зсанааг̇ааминим̣ д̣̇зсзд̇ваа вудтаанаг̇ааминид̇о вудтахид̇ваа суд̣̇д̇ханд̇з бад̇идтаад̇и. ааяад̇им̣ сам̣варанд̇о ан̃н̃ам̣ аабад̇д̇им̣ наабаж̇ж̇ад̇и. д̇асмаа чаннам̣ виварзт̇аад̇и д̇зна гааран̣зна д̣̇зсанааг̇ааминим̣ д̣̇зсзнд̇о вудтаанаг̇ааминид̇о жа вудтаханд̇о чаннам̣ виварзт̇а. звам̣ д̇ам̣ наад̇ивассад̇ийд̇и зван̃жзд̇ам̣ вивадам̣ наад̇ивассад̇ийд̇и ад̇т̇о.
Channamativassatītiādimhipi eseva nayo. Tattha channamativassatīti gehaṃ tāva tiṇādīhi acchannaṃ ativassati. Idaṃ pana āpattisaṅkhātaṃ gehaṃ channaṃ ativassati; mūlāpattiñhi chādento aññaṃ navaṃ āpattiṃ āpajjati. Vivaṭaṃ nātivassatīti gehaṃ tāva avivaṭaṃ succhannaṃ nātivassati. Idaṃ pana āpattisaṅkhātaṃ gehaṃ vivaṭaṃ nātivassati; mūlāpattiñhi vivaranto desanāgāminiṃ desetvā vuṭṭhānagāminito vuṭṭhahitvā suddhante patiṭṭhāti. Āyatiṃ saṃvaranto aññaṃ āpattiṃ nāpajjati. Tasmā channaṃ vivarethāti tena kāraṇena desanāgāminiṃ desento vuṭṭhānagāminito ca vuṭṭhahanto channaṃ vivaretha. Evaṃ taṃ nātivassatīti evañcetaṃ vivaṭaṃ nātivassatīti attho.
г̇ад̇и миг̇аанам̣ бавананд̇и аж̇жхогаасз б̣яаг̇гхаад̣̇ийхи барибаад̇ияамаанаанам̣ миг̇аанам̣ баванам̣ ругкаад̣̇иг̇аханам̣ аран̃н̃ам̣ г̇ад̇и бадисаран̣ам̣ ход̇и, д̇ам̣ бад̇ваа д̇з ассаасанд̇и. зд̇знзва наязна аагаасо багкийнам̣ г̇ад̇и. авассам̣ убаг̇аманадтзна бана вибхаво г̇ад̇и д̇хаммаанам̣, саб̣б̣зсамби сан̇кад̇ад̇хаммаанам̣ винаасова д̇зсам̣ г̇ад̇и. на хи д̇з винаасам̣ аг̇ажчанд̇аа таад̇ум̣ саггонд̇и. сужирамби тад̇ваа бана ниб̣б̣аанам̣ арахад̇о г̇ад̇и, кийн̣аасавасса арахад̇о анубаад̣̇исзсаниб̣б̣аанад̇хаад̇у згам̣сзна г̇ад̇ийд̇и ад̇т̇о.
Gati migānaṃ pavananti ajjhokāse byagghādīhi paripātiyamānānaṃ migānaṃ pavanaṃ rukkhādigahanaṃ araññaṃ gati paṭisaraṇaṃ hoti, taṃ patvā te assāsanti. Eteneva nayena ākāso pakkhīnaṃ gati. Avassaṃ upagamanaṭṭhena pana vibhavo gati dhammānaṃ, sabbesampi saṅkhatadhammānaṃ vināsova tesaṃ gati. Na hi te vināsaṃ agacchantā ṭhātuṃ sakkonti. Sucirampi ṭhatvā pana nibbānaṃ arahato gati, khīṇāsavassa arahato anupādisesanibbānadhātu ekaṃsena gatīti attho.
батамаг̇аат̇аасан̇г̇ан̣игаван̣н̣анаа нидтид̇аа.
Paṭhamagāthāsaṅgaṇikavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 5. баарааж̇игаад̣̇иаабад̇д̇и • 5. Pārājikādiāpatti
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / асаад̇хааран̣аад̣̇иван̣н̣анаа • Asādhāraṇādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / баарааж̇игаад̣̇иаабад̇д̇иван̣н̣анаа • Pārājikādiāpattivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / баарааж̇игаад̣̇иаабад̇д̇иван̣н̣анаа • Pārājikādiāpattivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / баарааж̇игаад̣̇иаабад̇д̇иван̣н̣анаа • Pārājikādiāpattivaṇṇanā
