| Library / Tipiṭaka / ਤਿਪਿਟਕ • Tipiṭaka / ਪਰਿવਾਰ-ਅਟ੍ਠਕਥਾ • Parivāra-aṭṭhakathā |
ਪਾਰਾਜਿਕਾਦਿਆਪਤ੍ਤਿવਣ੍ਣਨਾ
Pārājikādiāpattivaṇṇanā
੩੩੯. ਏવਂ ਪੁਚ੍ਛਾਨੁਕ੍ਕਮੇਨ ਸਬ੍ਬਪਞ੍ਹੇ વਿਸ੍ਸਜ੍ਜੇਤ੍વਾ ਇਦਾਨਿ ‘‘ਆਪਤ੍ਤਿਕ੍ਖਨ੍ਧਾ ਚ ਭવਨ੍ਤਿ ਸਤ੍ਤਾ’’ਤਿ ਏਤ੍ਥ ਸਙ੍ਗਹਿਤਆਪਤ੍ਤਿਕ੍ਖਨ੍ਧਾਨਂ ਪਚ੍ਚੇਕਂ ਨਿਬ੍ਬਚਨਮਤ੍ਤਂ ਦਸ੍ਸੇਨ੍ਤੋ ਪਾਰਾਜਿਕਨ੍ਤਿਆਦਿਮਾਹ। ਤਤ੍ਥ ਪਾਰਾਜਿਕਨ੍ਤਿ ਗਾਥਾਯ ਅਯਮਤ੍ਥੋ – ਯਦਿਦਂ ਪੁਗ੍ਗਲਾਪਤ੍ਤਿਸਿਕ੍ਖਾਪਦਪਾਰਾਜਿਕੇਸੁ ਆਪਤ੍ਤਿਪਾਰਾਜਿਕਂ ਨਾਮ વੁਤ੍ਤਂ, ਤਂ ਆਪਜ੍ਜਨ੍ਤੋ ਪੁਗ੍ਗਲੋ ਯਸ੍ਮਾ ਪਰਾਜਿਤੋ ਪਰਾਜਯਮਾਪਨ੍ਨੋ ਸਦ੍ਧਮ੍ਮਾ ਚੁਤੋ ਪਰਦ੍ਧੋ ਭਟ੍ਠੋ ਨਿਰਙ੍ਕਤੋ ਚ ਹੋਤਿ, ਅਨਿਹਤੇ ਤਸ੍ਮਿਂ ਪੁਗ੍ਗਲੇ ਪੁਨ ਉਪੋਸਥਪ੍ਪવਾਰਣਾਦਿਭੇਦੋ ਸਂવਾਸੋ ਨਤ੍ਥਿ। ਤੇਨੇਤਂ ਇਤਿ વੁਚ੍ਚਤੀਤਿ ਤੇਨ ਕਾਰਣੇਨ ਏਤਂ ਆਪਤ੍ਤਿਪਾਰਾਜਿਕਨ੍ਤਿ વੁਚ੍ਚਤਿ। ਅਯਞ੍ਹੇਤ੍ਥ ਸਙ੍ਖੇਪਤ੍ਥੋ – ਯਸ੍ਮਾ ਪਰਾਜਿਤੋ ਹੋਤਿ ਤੇਨ, ਤਸ੍ਮਾ ਏਤਂ ਪਾਰਾਜਿਕਨ੍ਤਿ વੁਚ੍ਚਤਿ।
339. Evaṃ pucchānukkamena sabbapañhe vissajjetvā idāni ‘‘āpattikkhandhā ca bhavanti sattā’’ti ettha saṅgahitaāpattikkhandhānaṃ paccekaṃ nibbacanamattaṃ dassento pārājikantiādimāha. Tattha pārājikanti gāthāya ayamattho – yadidaṃ puggalāpattisikkhāpadapārājikesu āpattipārājikaṃ nāma vuttaṃ, taṃ āpajjanto puggalo yasmā parājito parājayamāpanno saddhammā cuto paraddho bhaṭṭho niraṅkato ca hoti, anihate tasmiṃ puggale puna uposathappavāraṇādibhedo saṃvāso natthi. Tenetaṃ iti vuccatīti tena kāraṇena etaṃ āpattipārājikanti vuccati. Ayañhettha saṅkhepattho – yasmā parājito hoti tena, tasmā etaṃ pārājikanti vuccati.
ਦੁਤਿਯਗਾਥਾਯਪਿ ਬ੍ਯਞ੍ਜਨਂ ਅਨਾਦਿਯਿਤ੍વਾ ਅਤ੍ਥਮਤ੍ਤਮੇવ ਦਸ੍ਸੇਤੁਂ ਸਙ੍ਘੋવ ਦੇਤਿ ਪਰਿવਾਸਨ੍ਤਿਆਦਿ વੁਤ੍ਤਂ। ਅਯਂ ਪਨੇਤ੍ਥ ਅਤ੍ਥੋ – ਇਮਂ ਆਪਤ੍ਤਿਂ ਆਪਜ੍ਜਿਤ੍વਾ વੁਟ੍ਠਾਤੁਕਾਮਸ੍ਸ ਯਂ ਤਂ ਆਪਤ੍ਤਿવੁਟ੍ਠਾਨਂ ਤਸ੍ਸ ਆਦਿਮ੍ਹਿ ਚੇવ ਪਰਿવਾਸਦਾਨਤ੍ਥਾਯ ਆਦਿਤੋ ਸੇਸੇ ਮਜ੍ਝੇ ਮਾਨਤ੍ਤਦਾਨਤ੍ਥਾਯ ਮੂਲਾਯਪਟਿਕਸ੍ਸਨੇਨ વਾ ਸਹ ਮਾਨਤ੍ਤਦਾਨਤ੍ਥਾਯ, ਅવਸਾਨੇ ਅਬ੍ਭਾਨਤ੍ਥਾਯ ਚ ਸਙ੍ਘੋ ਇਚ੍ਛਿਤਬ੍ਬੋ, ਨ ਹੇਤ੍ਥ ਏਕਮ੍ਪਿ ਕਮ੍ਮਂ વਿਨਾ ਸਙ੍ਘੇਨ ਸਕ੍ਕਾ ਕਾਤੁਨ੍ਤਿ ਸਙ੍ਘੋ, ਆਦਿਮ੍ਹਿ ਚੇવ ਸੇਸੇ ਚ ਇਚ੍ਛਿਤਬ੍ਬੋ ਅਸ੍ਸਾਤਿ ਸਙ੍ਘਾਦਿਸੇਸੋ।
Dutiyagāthāyapi byañjanaṃ anādiyitvā atthamattameva dassetuṃ saṅghova deti parivāsantiādi vuttaṃ. Ayaṃ panettha attho – imaṃ āpattiṃ āpajjitvā vuṭṭhātukāmassa yaṃ taṃ āpattivuṭṭhānaṃ tassa ādimhi ceva parivāsadānatthāya ādito sese majjhe mānattadānatthāya mūlāyapaṭikassanena vā saha mānattadānatthāya, avasāne abbhānatthāya ca saṅgho icchitabbo, na hettha ekampi kammaṃ vinā saṅghena sakkā kātunti saṅgho, ādimhi ceva sese ca icchitabbo assāti saṅghādiseso.
ਤਤਿਯਗਾਥਾਯ ਅਨਿਯਤੋ ਨ ਨਿਯਤੋਤਿ ਯਸ੍ਮਾ ਨ ਨਿਯਤੋ, ਤਸ੍ਮਾ ਅਨਿਯਤੋ ਅਯਮਾਪਤ੍ਤਿਕ੍ਖਨ੍ਧੋਤਿ ਅਤ੍ਥੋ। ਕਿਂ ਕਾਰਣਾ ਨ ਨਿਯਤੋਤਿ? ਅਨੇਕਂਸਿਕਤਂ ਪਦਂ, ਯਸ੍ਮਾ ਇਦਂ ਸਿਕ੍ਖਾਪਦਂ ਅਨੇਕਂਸੇਨ ਕਤਨ੍ਤਿ ਅਤ੍ਥੋ। ਕਥਂ ਅਨੇਕਂਸੇਨ? ਤਿਣ੍ਣਮਞ੍ਞਤਰਂ ਠਾਨਂ, ਤਿਣ੍ਣਂ ਧਮ੍ਮਾਨਂ ਅਞ੍ਞਤਰੇਨ ਕਾਰੇਤਬ੍ਬੋਤਿ ਹਿ ਤਤ੍ਥ વੁਤ੍ਤਂ, ਤਸ੍ਮਾ ‘‘ਅਨਿਯਤੋ’’ਤਿ ਪવੁਚ੍ਚਤਿ, ਸੋ ਆਪਤ੍ਤਿਕ੍ਖਨ੍ਧੋ ਅਨਿਯਤੋਤਿ વੁਚ੍ਚਤਿ। ਯਥਾ ਚ ਤਿਣ੍ਣਂ ਅਞ੍ਞਤਰਂ ਠਾਨਂ, ਏવਂ ਦ੍વਿਨ੍ਨਂ ਧਮ੍ਮਾਨਂ ਅਞ੍ਞਤਰਂ ਠਾਨਂ ਯਤ੍ਥ વੁਤ੍ਤਂ, ਸੋਪਿ ਅਨਿਯਤੋ ਏવ।
Tatiyagāthāya aniyato na niyatoti yasmā na niyato, tasmā aniyato ayamāpattikkhandhoti attho. Kiṃ kāraṇā na niyatoti? Anekaṃsikataṃpadaṃ, yasmā idaṃ sikkhāpadaṃ anekaṃsena katanti attho. Kathaṃ anekaṃsena? Tiṇṇamaññataraṃ ṭhānaṃ, tiṇṇaṃ dhammānaṃ aññatarena kāretabboti hi tattha vuttaṃ, tasmā ‘‘aniyato’’ti pavuccati, so āpattikkhandho aniyatoti vuccati. Yathā ca tiṇṇaṃ aññataraṃ ṭhānaṃ, evaṃ dvinnaṃ dhammānaṃ aññataraṃ ṭhānaṃ yattha vuttaṃ, sopi aniyato eva.
ਚਤੁਤ੍ਥਗਾਥਾਯ ਅਚ੍ਚਯੋ ਤੇਨ ਸਮੋ ਨਤ੍ਥੀਤਿ ਦੇਸਨਾਗਾਮਿਨੀਸੁ ਅਚ੍ਚਯੇਸੁ ਤੇਨ ਸਮੋ ਥੂਲੋ ਅਚ੍ਚਯੋ ਨਤ੍ਥਿ, ਤੇਨੇਤਂ ਇਤਿ વੁਚ੍ਚਤਿ; ਥੂਲਤ੍ਤਾ ਅਚ੍ਚਯਸ੍ਸ ਏਤਂ ਥੁਲ੍ਲਚ੍ਚਯਨ੍ਤਿ વੁਚ੍ਚਤੀਤਿ ਅਤ੍ਥੋ।
Catutthagāthāya accayo tena samo natthīti desanāgāminīsu accayesu tena samo thūlo accayo natthi, tenetaṃ iti vuccati; thūlattā accayassa etaṃ thullaccayanti vuccatīti attho.
ਪਞ੍ਚਮਗਾਥਾਯ ਨਿਸ੍ਸਜ੍ਜਿਤ੍વਾਨ ਦੇਸੇਤਿ ਤੇਨੇਤਨ੍ਤਿ ਨਿਸ੍ਸਜ੍ਜਿਤ੍વਾ ਦੇਸੇਤਬ੍ਬਤੋ ਨਿਸ੍ਸਗ੍ਗਿਯਨ੍ਤਿ વੁਚ੍ਚਤੀਤਿ ਅਤ੍ਥੋ।
Pañcamagāthāya nissajjitvāna deseti tenetanti nissajjitvā desetabbato nissaggiyanti vuccatīti attho.
ਛਟ੍ਠਗਾਥਾਯ ਪਾਤੇਤਿ ਕੁਸਲਂ ਧਮ੍ਮਨ੍ਤਿ ਸਞ੍ਚਿਚ੍ਚ ਆਪਜ੍ਜਨ੍ਤਸ੍ਸ ਕੁਸਲਧਮ੍ਮਸਙ੍ਖਾਤਂ ਕੁਸਲਚਿਤ੍ਤਂ ਪਾਤੇਤਿ, ਤਸ੍ਮਾ ਪਾਤੇਤਿ ਚਿਤ੍ਤਨ੍ਤਿ ਪਾਚਿਤ੍ਤਿਯਂ। ਯਂ ਪਨ ਚਿਤ੍ਤਂ ਪਾਤੇਤਿ, ਤਂ ਯਸ੍ਮਾ ਅਰਿਯਮਗ੍ਗਂ ਅਪਰਜ੍ਝਤਿ, ਚਿਤ੍ਤਸਮ੍ਮੋਹਕਾਰਣਞ੍ਚ ਹੋਤਿ, ਤਸ੍ਮਾ ‘‘ਅਰਿਯਮਗ੍ਗਂ ਅਪਰਜ੍ਝਤਿ, ਚਿਤ੍ਤਸਮ੍ਮੋਹਨਟ੍ਠਾਨ’’ਨ੍ਤਿ ਚ વੁਤ੍ਤਂ।
Chaṭṭhagāthāya pāteti kusalaṃ dhammanti sañcicca āpajjantassa kusaladhammasaṅkhātaṃ kusalacittaṃ pāteti, tasmā pāteti cittanti pācittiyaṃ. Yaṃ pana cittaṃ pāteti, taṃ yasmā ariyamaggaṃ aparajjhati, cittasammohakāraṇañca hoti, tasmā ‘‘ariyamaggaṃ aparajjhati, cittasammohanaṭṭhāna’’nti ca vuttaṃ.
ਪਾਟਿਦੇਸਨੀਯਗਾਥਾਸੁ ‘‘ਗਾਰਯ੍ਹਂ ਆવੁਸੋ ਧਮ੍ਮਂ ਆਪਜ੍ਜਿ’’ਨ੍ਤਿ વੁਤ੍ਤਗਾਰਯ੍ਹਭਾવਕਾਰਣਦਸ੍ਸਨਤ੍ਥਮੇવ ਭਿਕ੍ਖੁ ਅਞ੍ਞਾਤਕੋ ਸਨ੍ਤੋਤਿਆਦਿ વੁਤ੍ਤਂ। ਪਟਿਦੇਸੇਤਬ੍ਬਤੋ ਪਨ ਸਾ ਆਪਤ੍ਤਿ ਪਾਟਿਦੇਸਨੀਯਾਤਿ વੁਚ੍ਚਤਿ।
Pāṭidesanīyagāthāsu ‘‘gārayhaṃ āvuso dhammaṃ āpajji’’nti vuttagārayhabhāvakāraṇadassanatthameva bhikkhu aññātako santotiādi vuttaṃ. Paṭidesetabbato pana sā āpatti pāṭidesanīyāti vuccati.
ਦੁਕ੍ਕਟਗਾਥਾਯ ਅਪਰਦ੍ਧਂ વਿਰਦ੍ਧਞ੍ਚ ਖਲਿਤਨ੍ਤਿ ਸਬ੍ਬਮੇਤਂ ‘‘ਯਞ੍ਚ ਦੁਕ੍ਕਟ’’ਨ੍ਤਿ ਏਤ੍ਥ વੁਤ੍ਤਸ੍ਸ ਦੁਕ੍ਕਟਸ੍ਸ ਪਰਿਯਾਯવਚਨਂ। ਯਞ੍ਹਿ ਦੁਟ੍ਠੁ ਕਤਂ વਿਰੂਪਂ વਾ ਕਤਂ, ਤਂ ਦੁਕ੍ਕਟਂ। ਤਂ ਪਨੇਤਂ ਯਥਾ ਸਤ੍ਥਾਰਾ વੁਤ੍ਤਂ; ਏવਂ ਅਕਤਤ੍ਤਾ ਅਪਰਦ੍ਧਂ, ਕੁਸਲਂ વਿਰਜ੍ਝਿਤ੍વਾ ਪવਤ੍ਤਤ੍ਤਾ વਿਰਦ੍ਧਂ, ਅਰਿਯવਤ੍ਤਪਟਿਪਦਂ ਅਨਾਰੁਲ਼੍ਹਤ੍ਤਾ ਖਲਿਤਂ। ਯਂ ਮਨੁਸ੍ਸੋ ਕਰੇਤਿ ਇਦਂ ਪਨਸ੍ਸ ਓਪਮ੍ਮਨਿਦਸ੍ਸਨਂ। ਤਸ੍ਸਤ੍ਥੋ – ਯਥਾ ਹਿ ਯਂ ਲੋਕੇ ਮਨੁਸ੍ਸੋ ਆવਿ વਾ ਯਦਿ વਾ ਰਹੋ ਪਾਪਂ ਕਰੋਤਿ, ਤਂ ਦੁਕ੍ਕਟਨ੍ਤਿ ਪવੇਦੇਨ੍ਤਿ; ਏવਮਿਦਮ੍ਪਿ ਬੁਦ੍ਧਪ੍ਪਟਿਕੁਟ੍ਠੇਨ ਲਾਮਕਭਾવੇਨ ਪਾਪਂ, ਤਸ੍ਮਾ ਦੁਕ੍ਕਟਨ੍ਤਿ વੇਦਿਤਬ੍ਬਂ।
Dukkaṭagāthāya aparaddhaṃ viraddhañca khalitanti sabbametaṃ ‘‘yañca dukkaṭa’’nti ettha vuttassa dukkaṭassa pariyāyavacanaṃ. Yañhi duṭṭhu kataṃ virūpaṃ vā kataṃ, taṃ dukkaṭaṃ. Taṃ panetaṃ yathā satthārā vuttaṃ; evaṃ akatattā aparaddhaṃ, kusalaṃ virajjhitvā pavattattā viraddhaṃ, ariyavattapaṭipadaṃ anāruḷhattā khalitaṃ. Yaṃ manusso kareti idaṃ panassa opammanidassanaṃ. Tassattho – yathā hi yaṃ loke manusso āvi vā yadi vā raho pāpaṃ karoti, taṃ dukkaṭanti pavedenti; evamidampi buddhappaṭikuṭṭhena lāmakabhāvena pāpaṃ, tasmā dukkaṭanti veditabbaṃ.
ਦੁਬ੍ਭਾਸਿਤਗਾਥਾਯ ਦੁਬ੍ਭਾਸਿਤਂ ਦੁਰਾਭਟ੍ਠਨ੍ਤਿ ਦੁਟ੍ਠੁ ਆਭਟ੍ਠਂ ਭਾਸਿਤਂ ਲਪਿਤਨ੍ਤਿ ਦੁਰਾਭਟ੍ਠਂ। ਯਂ ਦੁਰਾਭਟ੍ਠਂ, ਤਂ ਦੁਬ੍ਭਾਸਿਤਨ੍ਤਿ ਅਤ੍ਥੋ। ਕਿਞ੍ਚ ਭਿਯ੍ਯੋ? ਸਂਕਿਲਿਟ੍ਠਞ੍ਚ ਯਂ ਪਦਂ, ਸਂਕਿਲਿਟ੍ਠਂ ਯਸ੍ਮਾ ਤਂ ਪਦਂ ਹੋਤੀਤਿ ਅਤ੍ਥੋ। ਤਥਾ ਯਞ੍ਚ વਿਞ੍ਞੂ ਗਰਹਨ੍ਤਿ, ਯਸ੍ਮਾ ਚ ਨਂ વਿਞ੍ਞੂ ਗਰਹਨ੍ਤੀਤਿ ਅਤ੍ਥੋ। ਤੇਨੇਤਂ ਇਤਿ વੁਚ੍ਚਤੀਤਿ ਤੇਨ ਸਂਕਿਲਿਟ੍ਠਭਾવੇਨ ਚ વਿਞ੍ਞੁਗਰਹਨੇਨਾਪਿ ਚ ਏਤਂ ਇਤਿ વੁਚ੍ਚਤਿ; ‘‘ਦੁਬ੍ਭਾਸਿਤ’’ਨ੍ਤਿ ਏવਂ વੁਚ੍ਚਤੀਤਿ ਅਤ੍ਥੋ।
Dubbhāsitagāthāya dubbhāsitaṃ durābhaṭṭhanti duṭṭhu ābhaṭṭhaṃ bhāsitaṃ lapitanti durābhaṭṭhaṃ. Yaṃ durābhaṭṭhaṃ, taṃ dubbhāsitanti attho. Kiñca bhiyyo? Saṃkiliṭṭhañca yaṃ padaṃ, saṃkiliṭṭhaṃ yasmā taṃ padaṃ hotīti attho. Tathā yañca viññū garahanti, yasmā ca naṃ viññū garahantīti attho. Tenetaṃ iti vuccatīti tena saṃkiliṭṭhabhāvena ca viññugarahanenāpi ca etaṃ iti vuccati; ‘‘dubbhāsita’’nti evaṃ vuccatīti attho.
ਸੇਖਿਯਗਾਥਾਯ ‘‘ਆਦਿ ਚੇਤਂ ਚਰਣਞ੍ਚਾ’’ਤਿਆਦਿਨਾ ਨਯੇਨ ਸੇਖਸ੍ਸ ਸਨ੍ਤਕਭਾવਂ ਦੀਪੇਤਿ। ਤਸ੍ਮਾ ਸੇਖਸ੍ਸ ਇਦਂ ਸੇਖਿਯਨ੍ਤਿ ਅਯਮੇਤ੍ਥ ਸਙ੍ਖੇਪਤ੍ਥੋ। ਇਦਂ ‘‘ਗਰੁਕਲਹੁਕਞ੍ਚਾਪੀ’’ਤਿਆਦਿਪਞ੍ਹੇਹਿ ਅਸਙ੍ਗਹਿਤਸ੍ਸ ‘‘ਹਨ੍ਦ વਾਕ੍ਯਂ ਸੁਣੋਮ ਤੇ’’ਤਿ ਇਮਿਨਾ ਪਨ ਆਯਾਚਨવਚਨੇਨ ਸਙ੍ਗਹਿਤਸ੍ਸ ਅਤ੍ਥਸ੍ਸ ਦੀਪਨਤ੍ਥਂ વੁਤ੍ਤਨ੍ਤਿ વੇਦਿਤਬ੍ਬਂ।
Sekhiyagāthāya ‘‘ādi cetaṃ caraṇañcā’’tiādinā nayena sekhassa santakabhāvaṃ dīpeti. Tasmā sekhassa idaṃ sekhiyanti ayamettha saṅkhepattho. Idaṃ ‘‘garukalahukañcāpī’’tiādipañhehi asaṅgahitassa ‘‘handa vākyaṃ suṇoma te’’ti iminā pana āyācanavacanena saṅgahitassa atthassa dīpanatthaṃ vuttanti veditabbaṃ.
ਛਨ੍ਨਮਤਿવਸ੍ਸਤੀਤਿਆਦਿਮ੍ਹਿਪਿ ਏਸੇવ ਨਯੋ। ਤਤ੍ਥ ਛਨ੍ਨਮਤਿવਸ੍ਸਤੀਤਿ ਗੇਹਂ ਤਾવ ਤਿਣਾਦੀਹਿ ਅਚ੍ਛਨ੍ਨਂ ਅਤਿવਸ੍ਸਤਿ। ਇਦਂ ਪਨ ਆਪਤ੍ਤਿਸਙ੍ਖਾਤਂ ਗੇਹਂ ਛਨ੍ਨਂ ਅਤਿવਸ੍ਸਤਿ; ਮੂਲਾਪਤ੍ਤਿਞ੍ਹਿ ਛਾਦੇਨ੍ਤੋ ਅਞ੍ਞਂ ਨવਂ ਆਪਤ੍ਤਿਂ ਆਪਜ੍ਜਤਿ। વਿવਟਂ ਨਾਤਿવਸ੍ਸਤੀਤਿ ਗੇਹਂ ਤਾવ ਅવਿવਟਂ ਸੁਚ੍ਛਨ੍ਨਂ ਨਾਤਿવਸ੍ਸਤਿ। ਇਦਂ ਪਨ ਆਪਤ੍ਤਿਸਙ੍ਖਾਤਂ ਗੇਹਂ વਿવਟਂ ਨਾਤਿવਸ੍ਸਤਿ; ਮੂਲਾਪਤ੍ਤਿਞ੍ਹਿ વਿવਰਨ੍ਤੋ ਦੇਸਨਾਗਾਮਿਨਿਂ ਦੇਸੇਤ੍વਾ વੁਟ੍ਠਾਨਗਾਮਿਨਿਤੋ વੁਟ੍ਠਹਿਤ੍વਾ ਸੁਦ੍ਧਨ੍ਤੇ ਪਤਿਟ੍ਠਾਤਿ। ਆਯਤਿਂ ਸਂવਰਨ੍ਤੋ ਅਞ੍ਞਂ ਆਪਤ੍ਤਿਂ ਨਾਪਜ੍ਜਤਿ। ਤਸ੍ਮਾ ਛਨ੍ਨਂ વਿવਰੇਥਾਤਿ ਤੇਨ ਕਾਰਣੇਨ ਦੇਸਨਾਗਾਮਿਨਿਂ ਦੇਸੇਨ੍ਤੋ વੁਟ੍ਠਾਨਗਾਮਿਨਿਤੋ ਚ વੁਟ੍ਠਹਨ੍ਤੋ ਛਨ੍ਨਂ વਿવਰੇਥ। ਏવਂ ਤਂ ਨਾਤਿવਸ੍ਸਤੀਤਿ ਏવਞ੍ਚੇਤਂ વਿવਟਂ ਨਾਤਿવਸ੍ਸਤੀਤਿ ਅਤ੍ਥੋ।
Channamativassatītiādimhipi eseva nayo. Tattha channamativassatīti gehaṃ tāva tiṇādīhi acchannaṃ ativassati. Idaṃ pana āpattisaṅkhātaṃ gehaṃ channaṃ ativassati; mūlāpattiñhi chādento aññaṃ navaṃ āpattiṃ āpajjati. Vivaṭaṃ nātivassatīti gehaṃ tāva avivaṭaṃ succhannaṃ nātivassati. Idaṃ pana āpattisaṅkhātaṃ gehaṃ vivaṭaṃ nātivassati; mūlāpattiñhi vivaranto desanāgāminiṃ desetvā vuṭṭhānagāminito vuṭṭhahitvā suddhante patiṭṭhāti. Āyatiṃ saṃvaranto aññaṃ āpattiṃ nāpajjati. Tasmā channaṃ vivarethāti tena kāraṇena desanāgāminiṃ desento vuṭṭhānagāminito ca vuṭṭhahanto channaṃ vivaretha. Evaṃ taṃ nātivassatīti evañcetaṃ vivaṭaṃ nātivassatīti attho.
ਗਤਿ ਮਿਗਾਨਂ ਪવਨਨ੍ਤਿ ਅਜ੍ਝੋਕਾਸੇ ਬ੍ਯਗ੍ਘਾਦੀਹਿ ਪਰਿਪਾਤਿਯਮਾਨਾਨਂ ਮਿਗਾਨਂ ਪવਨਂ ਰੁਕ੍ਖਾਦਿਗਹਨਂ ਅਰਞ੍ਞਂ ਗਤਿ ਪਟਿਸਰਣਂ ਹੋਤਿ, ਤਂ ਪਤ੍વਾ ਤੇ ਅਸ੍ਸਾਸਨ੍ਤਿ। ਏਤੇਨੇવ ਨਯੇਨ ਆਕਾਸੋ ਪਕ੍ਖੀਨਂ ਗਤਿ। ਅવਸ੍ਸਂ ਉਪਗਮਨਟ੍ਠੇਨ ਪਨ વਿਭવੋ ਗਤਿ ਧਮ੍ਮਾਨਂ, ਸਬ੍ਬੇਸਮ੍ਪਿ ਸਙ੍ਖਤਧਮ੍ਮਾਨਂ વਿਨਾਸੋવ ਤੇਸਂ ਗਤਿ। ਨ ਹਿ ਤੇ વਿਨਾਸਂ ਅਗਚ੍ਛਨ੍ਤਾ ਠਾਤੁਂ ਸਕ੍ਕੋਨ੍ਤਿ। ਸੁਚਿਰਮ੍ਪਿ ਠਤ੍વਾ ਪਨ ਨਿਬ੍ਬਾਨਂ ਅਰਹਤੋ ਗਤਿ, ਖੀਣਾਸવਸ੍ਸ ਅਰਹਤੋ ਅਨੁਪਾਦਿਸੇਸਨਿਬ੍ਬਾਨਧਾਤੁ ਏਕਂਸੇਨ ਗਤੀਤਿ ਅਤ੍ਥੋ।
Gati migānaṃ pavananti ajjhokāse byagghādīhi paripātiyamānānaṃ migānaṃ pavanaṃ rukkhādigahanaṃ araññaṃ gati paṭisaraṇaṃ hoti, taṃ patvā te assāsanti. Eteneva nayena ākāso pakkhīnaṃ gati. Avassaṃ upagamanaṭṭhena pana vibhavo gati dhammānaṃ, sabbesampi saṅkhatadhammānaṃ vināsova tesaṃ gati. Na hi te vināsaṃ agacchantā ṭhātuṃ sakkonti. Sucirampi ṭhatvā pana nibbānaṃ arahato gati, khīṇāsavassa arahato anupādisesanibbānadhātu ekaṃsena gatīti attho.
ਪਠਮਗਾਥਾਸਙ੍ਗਣਿਕવਣ੍ਣਨਾ ਨਿਟ੍ਠਿਤਾ।
Paṭhamagāthāsaṅgaṇikavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਪਰਿવਾਰਪਾਲ਼ਿ • Parivārapāḷi / ੫. ਪਾਰਾਜਿਕਾਦਿਆਪਤ੍ਤਿ • 5. Pārājikādiāpatti
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਅਸਾਧਾਰਣਾਦਿવਣ੍ਣਨਾ • Asādhāraṇādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਪਾਰਾਜਿਕਾਦਿਆਪਤ੍ਤਿવਣ੍ਣਨਾ • Pārājikādiāpattivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਪਾਰਾਜਿਕਾਦਿਆਪਤ੍ਤਿવਣ੍ਣਨਾ • Pārājikādiāpattivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਪਾਰਾਜਿਕਾਦਿਆਪਤ੍ਤਿવਣ੍ਣਨਾ • Pārājikādiāpattivaṇṇanā
