| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
(2) பாராஜிகாதி³பஞ்ஹாவண்ணனா
(2) Pārājikādipañhāvaṇṇanā
480. ஸந்த²தபெய்யாலஞ்சாதி பட²மபாராஜிகவிப⁴ங்கே³ (பாரா॰ 65) வுத்தங் ஸந்த²தபெய்யாலஞ்ச.
480.Santhatapeyyālañcāti paṭhamapārājikavibhaṅge (pārā. 65) vuttaṃ santhatapeyyālañca.
லிங்க³பரிவத்தங் ஸந்தா⁴யாதி ஸதி லிங்கே³ பரிவத்தே படிக்³க³ஹணஸ்ஸ விஜஹனங் ஸந்தா⁴ய வுத்தங்.
Liṅgaparivattaṃ sandhāyāti sati liṅge parivatte paṭiggahaṇassa vijahanaṃ sandhāya vuttaṃ.
யோதி பி⁴க்கு², பரிணாமேதீதி ஸம்ப³ந்தோ⁴. அத்தனோ அத்தா²யாதி யோஜனா.
Yoti bhikkhu, pariṇāmetīti sambandho. Attano atthāyāti yojanā.
அஸ்ஸாதி கா³தா²ய. காகஉஹத³ந்தி காகேஹி கரீஸுஸ்ஸக்³க³ங். கத்³த³மமக்கி²தந்தி கத்³த³மேன மக்கி²தங். காயக³தானேவ ஹுத்வாதி ஸம்ப³ந்தோ⁴.
Assāti gāthāya. Kākauhadanti kākehi karīsussaggaṃ. Kaddamamakkhitanti kaddamena makkhitaṃ. Kāyagatāneva hutvāti sambandho.
ஹீதி வித்தா²ரோ. அனரியங் தங் இத்தி²ங் வா தங் புரிஸங் வா ஹனெய்யாதி யோஜனா. லிங்க³பரிவத்தேன ஹேதுபூ⁴தேன இத்தி²பூ⁴தங், புரிஸபூ⁴தஞ்சாதி ஸம்ப³ந்தோ⁴. இத்தி²பூ⁴தந்தி ச இத்தீ² ஹுத்வா பூ⁴தங், இத்தி²பா⁴வங் வா பத்தங்.
Hīti vitthāro. Anariyaṃ taṃ itthiṃ vā taṃ purisaṃ vā haneyyāti yojanā. Liṅgaparivattena hetubhūtena itthibhūtaṃ, purisabhūtañcāti sambandho. Itthibhūtanti ca itthī hutvā bhūtaṃ, itthibhāvaṃ vā pattaṃ.
மிக³ஸிங்க³தாபஸஸீஹகுமாராதீ³னங் திரச்சா²னக³தமாதாபிதரோ வியாதி யோஜனா. மிக³ஸிங்க³தாபஸோதி மிக³ஸிங்க³னாமகோ (ஜா॰ அட்ட²॰ 5.17.96 ஆத³யோ) தாபஸோ. ஸீஹகுமாரோதி ஸீஹபா³ஹுகுமாரோ. ஆதி³ஸத்³தே³ன பூ⁴ரித³த்தாத³யோ ஸங்க³ண்ஹாதி.
Migasiṅgatāpasasīhakumārādīnaṃ tiracchānagatamātāpitaro viyāti yojanā. Migasiṅgatāpasoti migasiṅganāmako (jā. aṭṭha. 5.17.96 ādayo) tāpaso. Sīhakumāroti sīhabāhukumāro. Ādisaddena bhūridattādayo saṅgaṇhāti.
குருந்தி³யங் ஆக³தந்தி ஸம்ப³ந்தோ⁴.
Kurundiyaṃ āgatanti sambandho.
‘‘ஸச்சங் ப⁴ணந்தோதி கா³தா²யா’’தி பத³ங் ‘‘ஸச்சங் பா⁴ஸதோ லஹுகாபத்தி ஹோதீ’’தி எத்த² இதிஸத்³தே³ன ஸம்ப³ந்தி⁴தப்³ப³ங். ‘‘ஸச்சங் ப⁴ணந்தோ’’தி கா³தா²ய இதி அத்தோ²தி யோஜனா.
‘‘Saccaṃ bhaṇantoti gāthāyā’’ti padaṃ ‘‘saccaṃ bhāsato lahukāpatti hotī’’ti ettha itisaddena sambandhitabbaṃ. ‘‘Saccaṃ bhaṇanto’’ti gāthāya iti atthoti yojanā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பரிவாரபாளி • Parivārapāḷi / 2. பாராஜிகாதி³பஞ்ஹா • 2. Pārājikādipañhā
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / பரிவார-அட்ட²கதா² • Parivāra-aṭṭhakathā / (2) பாராஜிகாதி³பஞ்ஹாவண்ணனா • (2) Pārājikādipañhāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / பாராஜிகாதி³பஞ்ஹவண்ணனா • Pārājikādipañhavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / பாராஜிகாதி³பஞ்ஹாவண்ணனா • Pārājikādipañhāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / பாராஜிகாதி³பஞ்ஹாவண்ணனா • Pārājikādipañhāvaṇṇanā
