| Library / Tipiṭaka / திபிடக • Tipiṭaka / விமதிவினோத³னீ-டீகா • Vimativinodanī-ṭīkā |
பாராஜிகாதி³பஞ்ஹாவண்ணனா
Pārājikādipañhāvaṇṇanā
480. து³ஸ்ஸகுடிஆதீ³னீதி ஆதி³-ஸத்³தே³ன அச்ச²தரதிபுபட்டாதீ³ஹி, திணபண்ணாதீ³ஹி ச படிச்ச²ன்னகுடியோ ஸங்க³ண்ஹாதி. தாதி³ஸாய ஹி குடியா ப³ஹி ட²த்வா அந்தோ டி²தாய இத்தி²யா மக்³கே³ து³ஸ்ஸாதி³னா ஸந்த²தங் கத்வா பவேஸெந்தோபி பாராஜிகோ ஸியா. லிங்க³பரிவத்தங் ஸந்தா⁴ய வுத்தாதி லிங்கே³ பரிவத்தே படிக்³க³ஹணஸ்ஸ விஜஹனதோ புன அப்படிக்³க³ஹெத்வா பரிபு⁴ஞ்ஜனாபத்திங் ஸந்தா⁴ய வுத்தங்.
480.Dussakuṭiādīnīti ādi-saddena acchataratipupaṭṭādīhi, tiṇapaṇṇādīhi ca paṭicchannakuṭiyo saṅgaṇhāti. Tādisāya hi kuṭiyā bahi ṭhatvā anto ṭhitāya itthiyā magge dussādinā santhataṃ katvā pavesentopi pārājiko siyā. Liṅgaparivattaṃ sandhāya vuttāti liṅge parivatte paṭiggahaṇassa vijahanato puna appaṭiggahetvā paribhuñjanāpattiṃ sandhāya vuttaṃ.
பாளியங் பி⁴க்கூ² ஸியா வீஸதியா ஸமாக³தாதி வீஸதியா ஸங்கா²தாய பி⁴க்கூ² ஸமாக³தா, ஏதேன ஸப்³ப³கம்மாரஹதங் ஸங்க⁴ஸ்ஸ த³ஸ்ஸேதி.
Pāḷiyaṃ bhikkhū siyā vīsatiyā samāgatāti vīsatiyā saṅkhātāya bhikkhū samāgatā, etena sabbakammārahataṃ saṅghassa dasseti.
நிவத்தோ²தி கா³தா²ய அந்தரவாஸகேன நிவத்தோ² உத்தராஸங்கே³ன தி³கு³ணங் கத்வா பாருதஸங்கா⁴டியோ. இதி தானி தீணிபி சீவரானி காயே க³தானேவ பி⁴க்கு²னியா பி³ந்து³மத்தங் காளகங் உத³கேன தோ⁴விதமத்தே நிஸ்ஸக்³கி³யானி ஹொந்தீதி அத்தோ².
Nivatthoti gāthāya antaravāsakena nivattho uttarāsaṅgena diguṇaṃ katvā pārutasaṅghāṭiyo. Iti tāni tīṇipi cīvarāni kāye gatāneva bhikkhuniyā bindumattaṃ kāḷakaṃ udakena dhovitamatte nissaggiyāni hontīti attho.
இத்தி²ங் ஹனேதி கா³தா²ய ந மாதுபூ⁴தங் இத்தி²ங் ஹனெய்ய, ந பிதுபூ⁴தங் புரிஸங் ஹனெய்ய. அனரியந்தி தஞ்ச அனரஹந்தமேவ ஹனெய்ய, ஏதேன அரஹந்தகா⁴தகோபி ந ஹோதீதி த³ஸ்ஸேதி. அனந்தரங் பு²ஸேதி ஆனந்தரியங் பு²ஸதீதி அத்தோ².
Itthiṃ haneti gāthāya na mātubhūtaṃ itthiṃ haneyya, na pitubhūtaṃ purisaṃ haneyya. Anariyanti tañca anarahantameva haneyya, etena arahantaghātakopi na hotīti dasseti. Anantaraṃ phuseti ānantariyaṃ phusatīti attho.
481. ஸுப்பதிட்டி²த-நிக்³ரோத⁴ஸதி³ஸந்தி யோஜனவித்த²தங் ருக்க²ங் ஸந்தா⁴ய வுத்தங்.
481.Suppatiṭṭhita-nigrodhasadisanti yojanavitthataṃ rukkhaṃ sandhāya vuttaṃ.
ஸத்தரஸகேஸூதி பி⁴க்கு²னீனங் பஞ்ஞத்தஸத்தரஸஸங்கா⁴தி³ஸேஸேஸு.
Sattarasakesūti bhikkhunīnaṃ paññattasattarasasaṅghādisesesu.
பாராஜிகாதி³பஞ்ஹாவண்ணனா நிட்டி²தா.
Pārājikādipañhāvaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பரிவாரபாளி • Parivārapāḷi
2. பாராஜிகாதி³பஞ்ஹா • 2. Pārājikādipañhā
3. பாசித்தியாதி³பஞ்ஹா • 3. Pācittiyādipañhā
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / பரிவார-அட்ட²கதா² • Parivāra-aṭṭhakathā
(2) பாராஜிகாதி³பஞ்ஹாவண்ணனா • (2) Pārājikādipañhāvaṇṇanā
(3) பாசித்தியாதி³பஞ்ஹாவண்ணனா • (3) Pācittiyādipañhāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / பாராஜிகாதி³பஞ்ஹவண்ணனா • Pārājikādipañhavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā
பாராஜிகாதி³பஞ்ஹாவண்ணனா • Pārājikādipañhāvaṇṇanā
பாசித்தியாதி³பஞ்ஹாவண்ணனா • Pācittiyādipañhāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi
(2) பாராஜிகாதி³பஞ்ஹாவண்ணனா • (2) Pārājikādipañhāvaṇṇanā
(3) பாசித்தியாதி³பஞ்ஹாவண்ணனா • (3) Pācittiyādipañhāvaṇṇanā
