| Library / Tipiṭaka / তিপিটক • Tipiṭaka / পাচিত্যাদিযোজনাপাল়ি • Pācityādiyojanāpāḷi |
(২) পারাজিকাদিপঞ্হাৰণ্ণনা
(2) Pārājikādipañhāvaṇṇanā
৪৮০. সন্থতপেয্যালঞ্চাতি পঠমপারাজিকৰিভঙ্গে (পারা॰ ৬৫) ৰুত্তং সন্থতপেয্যালঞ্চ।
480.Santhatapeyyālañcāti paṭhamapārājikavibhaṅge (pārā. 65) vuttaṃ santhatapeyyālañca.
লিঙ্গপরিৰত্তং সন্ধাযাতি সতি লিঙ্গে পরিৰত্তে পটিগ্গহণস্স ৰিজহনং সন্ধায ৰুত্তং।
Liṅgaparivattaṃ sandhāyāti sati liṅge parivatte paṭiggahaṇassa vijahanaṃ sandhāya vuttaṃ.
যোতি ভিক্খু, পরিণামেতীতি সম্বন্ধো। অত্তনো অত্থাযাতি যোজনা।
Yoti bhikkhu, pariṇāmetīti sambandho. Attano atthāyāti yojanā.
অস্সাতি গাথায। কাকউহদন্তি কাকেহি করীসুস্সগ্গং। কদ্দমমক্খিতন্তি কদ্দমেন মক্খিতং। কাযগতানেৰ হুত্ৰাতি সম্বন্ধো।
Assāti gāthāya. Kākauhadanti kākehi karīsussaggaṃ. Kaddamamakkhitanti kaddamena makkhitaṃ. Kāyagatāneva hutvāti sambandho.
হীতি ৰিত্থারো। অনরিযং তং ইত্থিং ৰা তং পুরিসং ৰা হনেয্যাতি যোজনা। লিঙ্গপরিৰত্তেন হেতুভূতেন ইত্থিভূতং, পুরিসভূতঞ্চাতি সম্বন্ধো। ইত্থিভূতন্তি চ ইত্থী হুত্ৰা ভূতং, ইত্থিভাৰং ৰা পত্তং।
Hīti vitthāro. Anariyaṃ taṃ itthiṃ vā taṃ purisaṃ vā haneyyāti yojanā. Liṅgaparivattena hetubhūtena itthibhūtaṃ, purisabhūtañcāti sambandho. Itthibhūtanti ca itthī hutvā bhūtaṃ, itthibhāvaṃ vā pattaṃ.
মিগসিঙ্গতাপসসীহকুমারাদীনং তিরচ্ছানগতমাতাপিতরো ৰিযাতি যোজনা। মিগসিঙ্গতাপসোতি মিগসিঙ্গনামকো (জা॰ অট্ঠ॰ ৫.১৭.৯৬ আদযো) তাপসো। সীহকুমারোতি সীহবাহুকুমারো। আদিসদ্দেন ভূরিদত্তাদযো সঙ্গণ্হাতি।
Migasiṅgatāpasasīhakumārādīnaṃ tiracchānagatamātāpitaro viyāti yojanā. Migasiṅgatāpasoti migasiṅganāmako (jā. aṭṭha. 5.17.96 ādayo) tāpaso. Sīhakumāroti sīhabāhukumāro. Ādisaddena bhūridattādayo saṅgaṇhāti.
কুরুন্দিযং আগতন্তি সম্বন্ধো।
Kurundiyaṃ āgatanti sambandho.
‘‘সচ্চং ভণন্তোতি গাথাযা’’তি পদং ‘‘সচ্চং ভাসতো লহুকাপত্তি হোতী’’তি এত্থ ইতিসদ্দেন সম্বন্ধিতব্বং। ‘‘সচ্চং ভণন্তো’’তি গাথায ইতি অত্থোতি যোজনা।
‘‘Saccaṃ bhaṇantoti gāthāyā’’ti padaṃ ‘‘saccaṃ bhāsato lahukāpatti hotī’’ti ettha itisaddena sambandhitabbaṃ. ‘‘Saccaṃ bhaṇanto’’ti gāthāya iti atthoti yojanā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / পরিৰারপাল়ি • Parivārapāḷi / ২. পারাজিকাদিপঞ্হা • 2. Pārājikādipañhā
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / পরিৰার-অট্ঠকথা • Parivāra-aṭṭhakathā / (২) পারাজিকাদিপঞ্হাৰণ্ণনা • (2) Pārājikādipañhāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / পারাজিকাদিপঞ্হৰণ্ণনা • Pārājikādipañhavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / পারাজিকাদিপঞ্হাৰণ্ণনা • Pārājikādipañhāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / পারাজিকাদিপঞ্হাৰণ্ণনা • Pārājikādipañhāvaṇṇanā
