| Library / Tipiṭaka / তিপিটক • Tipiṭaka / ৰিমতিৰিনোদনী-টীকা • Vimativinodanī-ṭīkā |
পারাজিকাদিপঞ্হাৰণ্ণনা
Pārājikādipañhāvaṇṇanā
৪৮০. দুস্সকুটিআদীনীতি আদি-সদ্দেন অচ্ছতরতিপুপট্টাদীহি, তিণপণ্ণাদীহি চ পটিচ্ছন্নকুটিযো সঙ্গণ্হাতি। তাদিসায হি কুটিযা বহি ঠত্ৰা অন্তো ঠিতায ইত্থিযা মগ্গে দুস্সাদিনা সন্থতং কত্ৰা পৰেসেন্তোপি পারাজিকো সিযা। লিঙ্গপরিৰত্তং সন্ধায ৰুত্তাতি লিঙ্গে পরিৰত্তে পটিগ্গহণস্স ৰিজহনতো পুন অপ্পটিগ্গহেত্ৰা পরিভুঞ্জনাপত্তিং সন্ধায ৰুত্তং।
480.Dussakuṭiādīnīti ādi-saddena acchataratipupaṭṭādīhi, tiṇapaṇṇādīhi ca paṭicchannakuṭiyo saṅgaṇhāti. Tādisāya hi kuṭiyā bahi ṭhatvā anto ṭhitāya itthiyā magge dussādinā santhataṃ katvā pavesentopi pārājiko siyā. Liṅgaparivattaṃ sandhāya vuttāti liṅge parivatte paṭiggahaṇassa vijahanato puna appaṭiggahetvā paribhuñjanāpattiṃ sandhāya vuttaṃ.
পাল়িযং ভিক্খূ সিযা ৰীসতিযা সমাগতাতি ৰীসতিযা সঙ্খাতায ভিক্খূ সমাগতা, এতেন সব্বকম্মারহতং সঙ্ঘস্স দস্সেতি।
Pāḷiyaṃ bhikkhū siyā vīsatiyā samāgatāti vīsatiyā saṅkhātāya bhikkhū samāgatā, etena sabbakammārahataṃ saṅghassa dasseti.
নিৰত্থোতি গাথায অন্তরৰাসকেন নিৰত্থো উত্তরাসঙ্গেন দিগুণং কত্ৰা পারুতসঙ্ঘাটিযো। ইতি তানি তীণিপি চীৰরানি কাযে গতানেৰ ভিক্খুনিযা বিন্দুমত্তং কাল়কং উদকেন ধোৰিতমত্তে নিস্সগ্গিযানি হোন্তীতি অত্থো।
Nivatthoti gāthāya antaravāsakena nivattho uttarāsaṅgena diguṇaṃ katvā pārutasaṅghāṭiyo. Iti tāni tīṇipi cīvarāni kāye gatāneva bhikkhuniyā bindumattaṃ kāḷakaṃ udakena dhovitamatte nissaggiyāni hontīti attho.
ইত্থিং হনেতি গাথায ন মাতুভূতং ইত্থিং হনেয্য, ন পিতুভূতং পুরিসং হনেয্য। অনরিযন্তি তঞ্চ অনরহন্তমেৰ হনেয্য, এতেন অরহন্তঘাতকোপি ন হোতীতি দস্সেতি। অনন্তরং ফুসেতি আনন্তরিযং ফুসতীতি অত্থো।
Itthiṃ haneti gāthāya na mātubhūtaṃ itthiṃ haneyya, na pitubhūtaṃ purisaṃ haneyya. Anariyanti tañca anarahantameva haneyya, etena arahantaghātakopi na hotīti dasseti. Anantaraṃ phuseti ānantariyaṃ phusatīti attho.
৪৮১. সুপ্পতিট্ঠিত-নিগ্রোধসদিসন্তি যোজনৰিত্থতং রুক্খং সন্ধায ৰুত্তং।
481.Suppatiṭṭhita-nigrodhasadisanti yojanavitthataṃ rukkhaṃ sandhāya vuttaṃ.
সত্তরসকেসূতি ভিক্খুনীনং পঞ্ঞত্তসত্তরসসঙ্ঘাদিসেসেসু।
Sattarasakesūti bhikkhunīnaṃ paññattasattarasasaṅghādisesesu.
পারাজিকাদিপঞ্হাৰণ্ণনা নিট্ঠিতা।
Pārājikādipañhāvaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / পরিৰারপাল়ি • Parivārapāḷi
২. পারাজিকাদিপঞ্হা • 2. Pārājikādipañhā
৩. পাচিত্তিযাদিপঞ্হা • 3. Pācittiyādipañhā
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / পরিৰার-অট্ঠকথা • Parivāra-aṭṭhakathā
(২) পারাজিকাদিপঞ্হাৰণ্ণনা • (2) Pārājikādipañhāvaṇṇanā
(৩) পাচিত্তিযাদিপঞ্হাৰণ্ণনা • (3) Pācittiyādipañhāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / পারাজিকাদিপঞ্হৰণ্ণনা • Pārājikādipañhavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā
পারাজিকাদিপঞ্হাৰণ্ণনা • Pārājikādipañhāvaṇṇanā
পাচিত্তিযাদিপঞ্হাৰণ্ণনা • Pācittiyādipañhāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi
(২) পারাজিকাদিপঞ্হাৰণ্ণনা • (2) Pārājikādipañhāvaṇṇanā
(৩) পাচিত্তিযাদিপঞ্হাৰণ্ণনা • (3) Pācittiyādipañhāvaṇṇanā
