| Library / Tipiṭaka / д̇ибидага • Tipiṭaka / бариваара-адтагат̇аа • Parivāra-aṭṭhakathā |
(2) баарааж̇игаад̣̇ибан̃хааван̣н̣анаа
(2) Pārājikādipañhāvaṇṇanā
480. чид̣̇д̣̇ам̣ д̇асмим̣ гхарз над̇т̇ийд̇и аяам̣ бан̃хаа д̣̇уссагудиаад̣̇ийни сант̇ад̇абзяяаалан̃жа санд̇хааяа вуд̇д̇аа.
480.Chiddaṃ tasmiṃ ghare natthīti ayaṃ pañhā dussakuṭiādīni santhatapeyyālañca sandhāya vuttā.
д̇злам̣ мад̇хум̣ паан̣ид̇анд̇и г̇аат̇аа лин̇г̇абаривад̇д̇ам̣ санд̇хааяа вуд̇д̇аа.
Telaṃ madhuṃ phāṇitanti gāthā liṅgaparivattaṃ sandhāya vuttā.
ниссаг̇г̇иязнаад̇и г̇аат̇аа барин̣ааманам̣ санд̇хааяа вуд̇д̇аа. яо хи сан̇гхасса барин̣ад̇алаабхад̇о згам̣ жийварам̣ ад̇д̇ано, згам̣ ан̃н̃ассаад̇и д̣̇вз жийвараани ‘‘згам̣ маяхам̣, згам̣ д̇асса д̣̇зхий’’д̇и згабаяаог̇зна барин̣аамзд̇и, со ниссаг̇г̇ияабаажид̇д̇ияан̃жзва суд̣̇д̇хигабаажид̇д̇ияан̃жа згад̇о аабаж̇ж̇ад̇и.
Nissaggiyenāti gāthā pariṇāmanaṃ sandhāya vuttā. Yo hi saṅghassa pariṇatalābhato ekaṃ cīvaraṃ attano, ekaṃ aññassāti dve cīvarāni ‘‘ekaṃ mayhaṃ, ekaṃ tassa dehī’’ti ekapayaogena pariṇāmeti, so nissaggiyapācittiyañceva suddhikapācittiyañca ekato āpajjati.
гамман̃жа д̇ам̣ губбзяяа ваг̇г̇абажжаяаад̇и аяам̣ бан̃хаа д̣̇ваад̣̇асаяож̇анабамаан̣зсу б̣аараан̣асиаад̣̇ийсу наг̇арзсу г̇аамасиймам̣ санд̇хааяа вуд̇д̇аа.
Kammañca taṃ kuppeyya vaggapaccayāti ayaṃ pañhā dvādasayojanapamāṇesu bārāṇasiādīsu nagaresu gāmasīmaṃ sandhāya vuttā.
бад̣̇авийд̇ихаарамад̇д̇знаад̇и г̇аат̇аа сан̃жарид̇д̇ам̣ санд̇хааяа вуд̇д̇аа, ад̇т̇оби жассаа сан̃жарид̇д̇аван̣н̣анааяамзва вуд̇д̇о.
Padavītihāramattenāti gāthā sañcarittaṃ sandhāya vuttā, atthopi cassā sañcarittavaṇṇanāyameva vutto.
саб̣б̣аани д̇аани ниссаг̇г̇ияаанийд̇и аяам̣ бан̃хаа ан̃н̃аад̇игааяа бхигкунияаа д̇ховаабанам̣ санд̇хааяа вуд̇д̇аа. сажз хи д̇ин̣н̣амби жийвараанам̣ гаагауухад̣̇анам̣ ваа гад̣̇д̣̇амамагкид̇ам̣ ваа ган̣н̣ам̣ г̇ахзд̇ваа бхигкуний уд̣̇агзна д̇ховад̇и, бхигкусса гааяаг̇ад̇аанзва ниссаг̇г̇ияаани хонд̇и.
Sabbāni tāni nissaggiyānīti ayaṃ pañhā aññātikāya bhikkhuniyā dhovāpanaṃ sandhāya vuttā. Sace hi tiṇṇampi cīvarānaṃ kākaūhadanaṃ vā kaddamamakkhitaṃ vā kaṇṇaṃ gahetvā bhikkhunī udakena dhovati, bhikkhussa kāyagatāneva nissaggiyāni honti.
саран̣аг̇аманамби на д̇асса ад̇т̇ийд̇и саран̣аг̇аманаубасамбад̣̇ааби над̇т̇и. аяам̣ бана бан̃хаа махаабаж̇аабад̇ияаа убасамбад̣̇ам̣ санд̇хааяа вуд̇д̇аа.
Saraṇagamanampi na tassa atthīti saraṇagamanaupasampadāpi natthi. Ayaṃ pana pañhā mahāpajāpatiyā upasampadaṃ sandhāya vuttā.
ханзяяа анарияам̣ манд̣̇од̇и д̇ан̃хи ид̇т̇им̣ ваа бурисам̣ ваа анарияам̣ ханзяяа. аяам̣ бан̃хаа лин̇г̇абаривад̇д̇зна ид̇т̇ибхууд̇ам̣ бид̇арам̣ бурисабхууд̇ан̃жа маад̇арам̣ санд̇хааяа вуд̇д̇аа.
Haneyyaanariyaṃ mandoti tañhi itthiṃ vā purisaṃ vā anariyaṃ haneyya. Ayaṃ pañhā liṅgaparivattena itthibhūtaṃ pitaraṃ purisabhūtañca mātaraṃ sandhāya vuttā.
на д̇знаананд̇арам̣ пусзд̇и аяам̣ бан̃хаа миг̇асин̇г̇ад̇аабасасийхагумаараад̣̇ийнам̣ вияа д̇иражчаанамаад̇аабид̇аро санд̇хааяа вуд̇д̇аа.
Na tenānantaraṃ phuseti ayaṃ pañhā migasiṅgatāpasasīhakumārādīnaṃ viya tiracchānamātāpitaro sandhāya vuttā.
ажод̣̇аяид̇ваад̇и г̇аат̇аа д̣̇ууд̇знубасамбад̣̇ам̣ санд̇хааяа вуд̇д̇аа. жод̣̇аяид̇ваад̇и г̇аат̇аа бан̣д̣агаад̣̇ийнам̣ убасамбад̣̇ам̣ санд̇хааяа вуд̇д̇аа. гурунд̣̇ияам̣ бана ‘‘батамаг̇аат̇аа адта асаммукаагаммаани, д̣̇уд̇ияаа анаабад̇д̇игасса гаммам̣ санд̇хааяа вуд̇д̇аа’’д̇и ааг̇ад̇ам̣.
Acodayitvāti gāthā dūtenupasampadaṃ sandhāya vuttā. Codayitvāti gāthā paṇḍakādīnaṃ upasampadaṃ sandhāya vuttā. Kurundiyaṃ pana ‘‘paṭhamagāthā aṭṭha asammukhākammāni, dutiyā anāpattikassa kammaṃ sandhāya vuttā’’ti āgataṃ.
чинд̣̇анд̇асса аабад̇д̇ийд̇и ванаббад̇им̣ чинд̣̇анд̇асса баарааж̇игам̣, д̇ин̣алад̇аад̣̇им̣ чинд̣̇анд̇асса баажид̇д̇ияам̣, ан̇г̇аж̇аад̇ам̣ чинд̣̇анд̇асса т̇уллажжаяам̣. чинд̣̇анд̇асса анаабад̇д̇ийд̇и гзсз жа накз жа чинд̣̇анд̇асса анаабад̇д̇и. чаад̣̇знд̇асса аабад̇д̇ийд̇и ад̇д̇ано аабад̇д̇им̣ чаад̣̇знд̇асса ан̃н̃зсам̣ ваа аабад̇д̇им̣. чаад̣̇знд̇асса анаабад̇д̇ийд̇и г̇зхаад̣̇ийни чаад̣̇знд̇асса анаабад̇д̇и.
Chindantassa āpattīti vanappatiṃ chindantassa pārājikaṃ, tiṇalatādiṃ chindantassa pācittiyaṃ, aṅgajātaṃ chindantassa thullaccayaṃ. Chindantassa anāpattīti kese ca nakhe ca chindantassa anāpatti. Chādentassa āpattīti attano āpattiṃ chādentassa aññesaṃ vā āpattiṃ. Chādentassa anāpattīti gehādīni chādentassa anāpatti.
сажжам̣ бхан̣анд̇од̇и г̇аат̇ааяа ‘‘сикаран̣ийси убхад̇об̣яан̃ж̇анаасий’’д̇и сажжам̣ бхан̣анд̇о г̇аругам̣ аабаж̇ж̇ад̇и, самбаж̇аанамусааваад̣̇з бана мусаа бхаасад̇о лахугаабад̇д̇и ход̇и, абхууд̇аарожанз мусаа бхан̣анд̇о г̇аругам̣ аабаж̇ж̇ад̇и, бхууд̇аарожанз сажжам̣ бхаасад̇о лахугаабад̇д̇и ход̇ийд̇и.
Saccaṃbhaṇantoti gāthāya ‘‘sikharaṇīsi ubhatobyañjanāsī’’ti saccaṃ bhaṇanto garukaṃ āpajjati, sampajānamusāvāde pana musā bhāsato lahukāpatti hoti, abhūtārocane musā bhaṇanto garukaṃ āpajjati, bhūtārocane saccaṃ bhāsato lahukāpatti hotīti.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 2. баарааж̇игаад̣̇ибан̃хаа • 2. Pārājikādipañhā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / баарааж̇игаад̣̇ибан̃хаван̣н̣анаа • Pārājikādipañhavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / баарааж̇игаад̣̇ибан̃хааван̣н̣анаа • Pārājikādipañhāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / баарааж̇игаад̣̇ибан̃хааван̣н̣анаа • Pārājikādipañhāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / (2) баарааж̇игаад̣̇ибан̃хааван̣н̣анаа • (2) Pārājikādipañhāvaṇṇanā
