| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
(2) баарааж̇игаад̣̇ибан̃хааван̣н̣анаа
(2) Pārājikādipañhāvaṇṇanā
480. сант̇ад̇абзяяаалан̃жаад̇и батамабаарааж̇игавибхан̇г̇з (баараа. 65) вуд̇д̇ам̣ сант̇ад̇абзяяаалан̃жа.
480.Santhatapeyyālañcāti paṭhamapārājikavibhaṅge (pārā. 65) vuttaṃ santhatapeyyālañca.
лин̇г̇абаривад̇д̇ам̣ санд̇хааяаад̇и сад̇и лин̇г̇з баривад̇д̇з бадиг̇г̇ахан̣асса виж̇аханам̣ санд̇хааяа вуд̇д̇ам̣.
Liṅgaparivattaṃ sandhāyāti sati liṅge parivatte paṭiggahaṇassa vijahanaṃ sandhāya vuttaṃ.
яод̇и бхигку, барин̣аамзд̇ийд̇и самб̣анд̇хо. ад̇д̇ано ад̇т̇ааяаад̇и яож̇анаа.
Yoti bhikkhu, pariṇāmetīti sambandho. Attano atthāyāti yojanā.
ассаад̇и г̇аат̇ааяа. гаагаухад̣̇анд̇и гаагзхи гарийсуссаг̇г̇ам̣. гад̣̇д̣̇амамагкид̇анд̇и гад̣̇д̣̇амзна магкид̇ам̣. гааяаг̇ад̇аанзва худ̇ваад̇и самб̣анд̇хо.
Assāti gāthāya. Kākauhadanti kākehi karīsussaggaṃ. Kaddamamakkhitanti kaddamena makkhitaṃ. Kāyagatāneva hutvāti sambandho.
хийд̇и вид̇т̇ааро. анарияам̣ д̇ам̣ ид̇т̇им̣ ваа д̇ам̣ бурисам̣ ваа ханзяяаад̇и яож̇анаа. лин̇г̇абаривад̇д̇зна хзд̇убхууд̇зна ид̇т̇ибхууд̇ам̣, бурисабхууд̇ан̃жаад̇и самб̣анд̇хо. ид̇т̇ибхууд̇анд̇и жа ид̇т̇ий худ̇ваа бхууд̇ам̣, ид̇т̇ибхаавам̣ ваа бад̇д̇ам̣.
Hīti vitthāro. Anariyaṃ taṃ itthiṃ vā taṃ purisaṃ vā haneyyāti yojanā. Liṅgaparivattena hetubhūtena itthibhūtaṃ, purisabhūtañcāti sambandho. Itthibhūtanti ca itthī hutvā bhūtaṃ, itthibhāvaṃ vā pattaṃ.
миг̇асин̇г̇ад̇аабасасийхагумаараад̣̇ийнам̣ д̇иражчаанаг̇ад̇амаад̇аабид̇аро вияаад̇и яож̇анаа. миг̇асин̇г̇ад̇аабасод̇и миг̇асин̇г̇анаамаго (ж̇аа. адта. 5.17.96 аад̣̇аяо) д̇аабасо. сийхагумаарод̇и сийхаб̣аахугумааро. аад̣̇исад̣̇д̣̇зна бхуурид̣̇ад̇д̇аад̣̇аяо сан̇г̇ан̣хаад̇и.
Migasiṅgatāpasasīhakumārādīnaṃ tiracchānagatamātāpitaro viyāti yojanā. Migasiṅgatāpasoti migasiṅganāmako (jā. aṭṭha. 5.17.96 ādayo) tāpaso. Sīhakumāroti sīhabāhukumāro. Ādisaddena bhūridattādayo saṅgaṇhāti.
гурунд̣̇ияам̣ ааг̇ад̇анд̇и самб̣анд̇хо.
Kurundiyaṃ āgatanti sambandho.
‘‘сажжам̣ бхан̣анд̇од̇и г̇аат̇ааяаа’’д̇и бад̣̇ам̣ ‘‘сажжам̣ бхаасад̇о лахугаабад̇д̇и ход̇ий’’д̇и зд̇т̇а ид̇исад̣̇д̣̇зна самб̣анд̇хид̇аб̣б̣ам̣. ‘‘сажжам̣ бхан̣анд̇о’’д̇и г̇аат̇ааяа ид̇и ад̇т̇од̇и яож̇анаа.
‘‘Saccaṃ bhaṇantoti gāthāyā’’ti padaṃ ‘‘saccaṃ bhāsato lahukāpatti hotī’’ti ettha itisaddena sambandhitabbaṃ. ‘‘Saccaṃ bhaṇanto’’ti gāthāya iti atthoti yojanā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 2. баарааж̇игаад̣̇ибан̃хаа • 2. Pārājikādipañhā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / (2) баарааж̇игаад̣̇ибан̃хааван̣н̣анаа • (2) Pārājikādipañhāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / баарааж̇игаад̣̇ибан̃хаван̣н̣анаа • Pārājikādipañhavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / баарааж̇игаад̣̇ибан̃хааван̣н̣анаа • Pārājikādipañhāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / баарааж̇игаад̣̇ибан̃хааван̣н̣анаа • Pārājikādipañhāvaṇṇanā
