| Library / Tipiṭaka / तिपिटक • Tipiṭaka / विमतिविनोदनी-टीका • Vimativinodanī-ṭīkā |
पाराजिकादिपञ्हावण्णना
Pārājikādipañhāvaṇṇanā
४८०. दुस्सकुटिआदीनीति आदि-सद्देन अच्छतरतिपुपट्टादीहि, तिणपण्णादीहि च पटिच्छन्नकुटियो सङ्गण्हाति। तादिसाय हि कुटिया बहि ठत्वा अन्तो ठिताय इत्थिया मग्गे दुस्सादिना सन्थतं कत्वा पवेसेन्तोपि पाराजिको सिया। लिङ्गपरिवत्तं सन्धाय वुत्ताति लिङ्गे परिवत्ते पटिग्गहणस्स विजहनतो पुन अप्पटिग्गहेत्वा परिभुञ्जनापत्तिं सन्धाय वुत्तं।
480.Dussakuṭiādīnīti ādi-saddena acchataratipupaṭṭādīhi, tiṇapaṇṇādīhi ca paṭicchannakuṭiyo saṅgaṇhāti. Tādisāya hi kuṭiyā bahi ṭhatvā anto ṭhitāya itthiyā magge dussādinā santhataṃ katvā pavesentopi pārājiko siyā. Liṅgaparivattaṃ sandhāya vuttāti liṅge parivatte paṭiggahaṇassa vijahanato puna appaṭiggahetvā paribhuñjanāpattiṃ sandhāya vuttaṃ.
पाळियं भिक्खू सिया वीसतिया समागताति वीसतिया सङ्खाताय भिक्खू समागता, एतेन सब्बकम्मारहतं सङ्घस्स दस्सेति।
Pāḷiyaṃ bhikkhū siyā vīsatiyā samāgatāti vīsatiyā saṅkhātāya bhikkhū samāgatā, etena sabbakammārahataṃ saṅghassa dasseti.
निवत्थोति गाथाय अन्तरवासकेन निवत्थो उत्तरासङ्गेन दिगुणं कत्वा पारुतसङ्घाटियो। इति तानि तीणिपि चीवरानि काये गतानेव भिक्खुनिया बिन्दुमत्तं काळकं उदकेन धोवितमत्ते निस्सग्गियानि होन्तीति अत्थो।
Nivatthoti gāthāya antaravāsakena nivattho uttarāsaṅgena diguṇaṃ katvā pārutasaṅghāṭiyo. Iti tāni tīṇipi cīvarāni kāye gatāneva bhikkhuniyā bindumattaṃ kāḷakaṃ udakena dhovitamatte nissaggiyāni hontīti attho.
इत्थिं हनेति गाथाय न मातुभूतं इत्थिं हनेय्य, न पितुभूतं पुरिसं हनेय्य। अनरियन्ति तञ्च अनरहन्तमेव हनेय्य, एतेन अरहन्तघातकोपि न होतीति दस्सेति। अनन्तरं फुसेति आनन्तरियं फुसतीति अत्थो।
Itthiṃ haneti gāthāya na mātubhūtaṃ itthiṃ haneyya, na pitubhūtaṃ purisaṃ haneyya. Anariyanti tañca anarahantameva haneyya, etena arahantaghātakopi na hotīti dasseti. Anantaraṃ phuseti ānantariyaṃ phusatīti attho.
४८१. सुप्पतिट्ठित-निग्रोधसदिसन्ति योजनवित्थतं रुक्खं सन्धाय वुत्तं।
481.Suppatiṭṭhita-nigrodhasadisanti yojanavitthataṃ rukkhaṃ sandhāya vuttaṃ.
सत्तरसकेसूति भिक्खुनीनं पञ्ञत्तसत्तरससङ्घादिसेसेसु।
Sattarasakesūti bhikkhunīnaṃ paññattasattarasasaṅghādisesesu.
पाराजिकादिपञ्हावण्णना निट्ठिता।
Pārājikādipañhāvaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / परिवारपाळि • Parivārapāḷi
२. पाराजिकादिपञ्हा • 2. Pārājikādipañhā
३. पाचित्तियादिपञ्हा • 3. Pācittiyādipañhā
अट्ठकथा • Aṭṭhakathā / विनयपिटक (अट्ठकथा) • Vinayapiṭaka (aṭṭhakathā) / परिवार-अट्ठकथा • Parivāra-aṭṭhakathā
(२) पाराजिकादिपञ्हावण्णना • (2) Pārājikādipañhāvaṇṇanā
(३) पाचित्तियादिपञ्हावण्णना • (3) Pācittiyādipañhāvaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / सारत्थदीपनी-टीका • Sāratthadīpanī-ṭīkā / पाराजिकादिपञ्हवण्णना • Pārājikādipañhavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā
पाराजिकादिपञ्हावण्णना • Pārājikādipañhāvaṇṇanā
पाचित्तियादिपञ्हावण्णना • Pācittiyādipañhāvaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / पाचित्यादियोजनापाळि • Pācityādiyojanāpāḷi
(२) पाराजिकादिपञ्हावण्णना • (2) Pārājikādipañhāvaṇṇanā
(३) पाचित्तियादिपञ्हावण्णना • (3) Pācittiyādipañhāvaṇṇanā
