| Library / Tipiṭaka / ติปิฎก • Tipiṭaka / ปาจิตฺยาทิโยชนาปาฬิ • Pācityādiyojanāpāḷi |
(๒) ปาราชิกาทิปญฺหาวณฺณนา
(2) Pārājikādipañhāvaṇṇanā
๔๘๐. สนฺถตเปยฺยาลญฺจาติ ปฐมปาราชิกวิภเงฺค (ปารา. ๖๕) วุตฺตํ สนฺถตเปยฺยาลญฺจฯ
480.Santhatapeyyālañcāti paṭhamapārājikavibhaṅge (pārā. 65) vuttaṃ santhatapeyyālañca.
ลิงฺคปริวตฺตํ สนฺธายาติ สติ ลิเงฺค ปริวเตฺต ปฎิคฺคหณสฺส วิชหนํ สนฺธาย วุตฺตํฯ
Liṅgaparivattaṃ sandhāyāti sati liṅge parivatte paṭiggahaṇassa vijahanaṃ sandhāya vuttaṃ.
โยติ ภิกฺขุ, ปริณาเมตีติ สมฺพโนฺธฯ อตฺตโน อตฺถายาติ โยชนาฯ
Yoti bhikkhu, pariṇāmetīti sambandho. Attano atthāyāti yojanā.
อสฺสาติ คาถายฯ กากอุหทนฺติ กาเกหิ กรีสุสฺสคฺคํฯ กทฺทมมกฺขิตนฺติ กทฺทเมน มกฺขิตํฯ กายคตาเนว หุตฺวาติ สมฺพโนฺธฯ
Assāti gāthāya. Kākauhadanti kākehi karīsussaggaṃ. Kaddamamakkhitanti kaddamena makkhitaṃ. Kāyagatāneva hutvāti sambandho.
หีติ วิตฺถาโรฯ อนริยํ ตํ อิตฺถิํ วา ตํ ปุริสํ วา หเนยฺยาติ โยชนาฯ ลิงฺคปริวเตฺตน เหตุภูเตน อิตฺถิภูตํ, ปุริสภูตญฺจาติ สมฺพโนฺธฯ อิตฺถิภูตนฺติ จ อิตฺถี หุตฺวา ภูตํ, อิตฺถิภาวํ วา ปตฺตํฯ
Hīti vitthāro. Anariyaṃ taṃ itthiṃ vā taṃ purisaṃ vā haneyyāti yojanā. Liṅgaparivattena hetubhūtena itthibhūtaṃ, purisabhūtañcāti sambandho. Itthibhūtanti ca itthī hutvā bhūtaṃ, itthibhāvaṃ vā pattaṃ.
มิคสิงฺคตาปสสีหกุมาราทีนํ ติรจฺฉานคตมาตาปิตโร วิยาติ โยชนาฯ มิคสิงฺคตาปโสติ มิคสิงฺคนามโก (ชา. อฎฺฐ. ๕.๑๗.๙๖ อาทโย) ตาปโสฯ สีหกุมาโรติ สีหพาหุกุมาโรฯ อาทิสเทฺทน ภูริทตฺตาทโย สงฺคณฺหาติฯ
Migasiṅgatāpasasīhakumārādīnaṃ tiracchānagatamātāpitaro viyāti yojanā. Migasiṅgatāpasoti migasiṅganāmako (jā. aṭṭha. 5.17.96 ādayo) tāpaso. Sīhakumāroti sīhabāhukumāro. Ādisaddena bhūridattādayo saṅgaṇhāti.
กุรุนฺทิยํ อาคตนฺติ สมฺพโนฺธฯ
Kurundiyaṃ āgatanti sambandho.
‘‘สจฺจํ ภณโนฺตติ คาถายา’’ติ ปทํ ‘‘สจฺจํ ภาสโต ลหุกาปตฺติ โหตี’’ติ เอตฺถ อิติสเทฺทน สมฺพนฺธิตพฺพํฯ ‘‘สจฺจํ ภณโนฺต’’ติ คาถาย อิติ อโตฺถติ โยชนาฯ
‘‘Saccaṃ bhaṇantoti gāthāyā’’ti padaṃ ‘‘saccaṃ bhāsato lahukāpatti hotī’’ti ettha itisaddena sambandhitabbaṃ. ‘‘Saccaṃ bhaṇanto’’ti gāthāya iti atthoti yojanā.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / ปริวารปาฬิ • Parivārapāḷi / ๒. ปาราชิกาทิปญฺหา • 2. Pārājikādipañhā
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / ปริวาร-อฎฺฐกถา • Parivāra-aṭṭhakathā / (๒) ปาราชิกาทิปญฺหาวณฺณนา • (2) Pārājikādipañhāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / ปาราชิกาทิปญฺหวณฺณนา • Pārājikādipañhavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / ปาราชิกาทิปญฺหาวณฺณนา • Pārājikādipañhāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / ปาราชิกาทิปญฺหาวณฺณนา • Pārājikādipañhāvaṇṇanā
