| Library / Tipiṭaka / ติปิฎก • Tipiṭaka / วิมติวิโนทนี-ฎีกา • Vimativinodanī-ṭīkā |
ปาราชิกาทิปญฺหาวณฺณนา
Pārājikādipañhāvaṇṇanā
๔๘๐. ทุสฺสกุฎิอาทีนีติ อาทิ-สเทฺทน อจฺฉตรติปุปฎฺฎาทีหิ, ติณปณฺณาทีหิ จ ปฎิจฺฉนฺนกุฎิโย สงฺคณฺหาติฯ ตาทิสาย หิ กุฎิยา พหิ ฐตฺวา อโนฺต ฐิตาย อิตฺถิยา มเคฺค ทุสฺสาทินา สนฺถตํ กตฺวา ปเวเสโนฺตปิ ปาราชิโก สิยาฯ ลิงฺคปริวตฺตํ สนฺธาย วุตฺตาติ ลิเงฺค ปริวเตฺต ปฎิคฺคหณสฺส วิชหนโต ปุน อปฺปฎิคฺคเหตฺวา ปริภุญฺชนาปตฺติํ สนฺธาย วุตฺตํฯ
480.Dussakuṭiādīnīti ādi-saddena acchataratipupaṭṭādīhi, tiṇapaṇṇādīhi ca paṭicchannakuṭiyo saṅgaṇhāti. Tādisāya hi kuṭiyā bahi ṭhatvā anto ṭhitāya itthiyā magge dussādinā santhataṃ katvā pavesentopi pārājiko siyā. Liṅgaparivattaṃ sandhāya vuttāti liṅge parivatte paṭiggahaṇassa vijahanato puna appaṭiggahetvā paribhuñjanāpattiṃ sandhāya vuttaṃ.
ปาฬิยํ ภิกฺขู สิยา วีสติยา สมาคตาติ วีสติยา สงฺขาตาย ภิกฺขู สมาคตา, เอเตน สพฺพกมฺมารหตํ สงฺฆสฺส ทเสฺสติฯ
Pāḷiyaṃ bhikkhū siyā vīsatiyā samāgatāti vīsatiyā saṅkhātāya bhikkhū samāgatā, etena sabbakammārahataṃ saṅghassa dasseti.
นิวโตฺถติ คาถาย อนฺตรวาสเกน นิวโตฺถ อุตฺตราสเงฺคน ทิคุณํ กตฺวา ปารุตสงฺฆาฎิโยฯ อิติ ตานิ ตีณิปิ จีวรานิ กาเย คตาเนว ภิกฺขุนิยา พินฺทุมตฺตํ กาฬกํ อุทเกน โธวิตมเตฺต นิสฺสคฺคิยานิ โหนฺตีติ อโตฺถฯ
Nivatthoti gāthāya antaravāsakena nivattho uttarāsaṅgena diguṇaṃ katvā pārutasaṅghāṭiyo. Iti tāni tīṇipi cīvarāni kāye gatāneva bhikkhuniyā bindumattaṃ kāḷakaṃ udakena dhovitamatte nissaggiyāni hontīti attho.
อิตฺถิํ หเนติ คาถาย น มาตุภูตํ อิตฺถิํ หเนยฺย, น ปิตุภูตํ ปุริสํ หเนยฺยฯ อนริยนฺติ ตญฺจ อนรหนฺตเมว หเนยฺย, เอเตน อรหนฺตฆาตโกปิ น โหตีติ ทเสฺสติฯ อนนฺตรํ ผุเสติ อานนฺตริยํ ผุสตีติ อโตฺถฯ
Itthiṃ haneti gāthāya na mātubhūtaṃ itthiṃ haneyya, na pitubhūtaṃ purisaṃ haneyya. Anariyanti tañca anarahantameva haneyya, etena arahantaghātakopi na hotīti dasseti. Anantaraṃ phuseti ānantariyaṃ phusatīti attho.
๔๘๑. สุปฺปติฎฺฐิต-นิโคฺรธสทิสนฺติ โยชนวิตฺถตํ รุกฺขํ สนฺธาย วุตฺตํฯ
481.Suppatiṭṭhita-nigrodhasadisanti yojanavitthataṃ rukkhaṃ sandhāya vuttaṃ.
สตฺตรสเกสูติ ภิกฺขุนีนํ ปญฺญตฺตสตฺตรสสงฺฆาทิเสเสสุฯ
Sattarasakesūti bhikkhunīnaṃ paññattasattarasasaṅghādisesesu.
ปาราชิกาทิปญฺหาวณฺณนา นิฎฺฐิตาฯ
Pārājikādipañhāvaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / ปริวารปาฬิ • Parivārapāḷi
๒. ปาราชิกาทิปญฺหา • 2. Pārājikādipañhā
๓. ปาจิตฺติยาทิปญฺหา • 3. Pācittiyādipañhā
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / ปริวาร-อฎฺฐกถา • Parivāra-aṭṭhakathā
(๒) ปาราชิกาทิปญฺหาวณฺณนา • (2) Pārājikādipañhāvaṇṇanā
(๓) ปาจิตฺติยาทิปญฺหาวณฺณนา • (3) Pācittiyādipañhāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / ปาราชิกาทิปญฺหวณฺณนา • Pārājikādipañhavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā
ปาราชิกาทิปญฺหาวณฺณนา • Pārājikādipañhāvaṇṇanā
ปาจิตฺติยาทิปญฺหาวณฺณนา • Pācittiyādipañhāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi
(๒) ปาราชิกาทิปญฺหาวณฺณนา • (2) Pārājikādipañhāvaṇṇanā
(๓) ปาจิตฺติยาทิปญฺหาวณฺณนา • (3) Pācittiyādipañhāvaṇṇanā
