| Library / Tipiṭaka / តិបិដក • Tipiṭaka / វិមតិវិនោទនី-ដីកា • Vimativinodanī-ṭīkā |
បារាជិកាទិបញ្ហាវណ្ណនា
Pārājikādipañhāvaṇṇanā
៤៨០. ទុស្សកុដិអាទីនីតិ អាទិ-សទ្ទេន អច្ឆតរតិបុបដ្ដាទីហិ, តិណបណ្ណាទីហិ ច បដិច្ឆន្នកុដិយោ សង្គណ្ហាតិ។ តាទិសាយ ហិ កុដិយា ពហិ ឋត្វា អន្តោ ឋិតាយ ឥត្ថិយា មគ្គេ ទុស្សាទិនា សន្ថតំ កត្វា បវេសេន្តោបិ បារាជិកោ សិយា។ លិង្គបរិវត្តំ សន្ធាយ វុត្តាតិ លិង្គេ បរិវត្តេ បដិគ្គហណស្ស វិជហនតោ បុន អប្បដិគ្គហេត្វា បរិភុញ្ជនាបត្តិំ សន្ធាយ វុត្តំ។
480.Dussakuṭiādīnīti ādi-saddena acchataratipupaṭṭādīhi, tiṇapaṇṇādīhi ca paṭicchannakuṭiyo saṅgaṇhāti. Tādisāya hi kuṭiyā bahi ṭhatvā anto ṭhitāya itthiyā magge dussādinā santhataṃ katvā pavesentopi pārājiko siyā. Liṅgaparivattaṃ sandhāya vuttāti liṅge parivatte paṭiggahaṇassa vijahanato puna appaṭiggahetvā paribhuñjanāpattiṃ sandhāya vuttaṃ.
បាឡិយំ ភិក្ខូ សិយា វីសតិយា សមាគតាតិ វីសតិយា សង្ខាតាយ ភិក្ខូ សមាគតា, ឯតេន សព្ពកម្មារហតំ សង្ឃស្ស ទស្សេតិ។
Pāḷiyaṃ bhikkhū siyā vīsatiyā samāgatāti vīsatiyā saṅkhātāya bhikkhū samāgatā, etena sabbakammārahataṃ saṅghassa dasseti.
និវត្ថោតិ គាថាយ អន្តរវាសកេន និវត្ថោ ឧត្តរាសង្គេន ទិគុណំ កត្វា បារុតសង្ឃាដិយោ។ ឥតិ តានិ តីណិបិ ចីវរានិ កាយេ គតានេវ ភិក្ខុនិយា ពិន្ទុមត្តំ កាឡកំ ឧទកេន ធោវិតមត្តេ និស្សគ្គិយានិ ហោន្តីតិ អត្ថោ។
Nivatthoti gāthāya antaravāsakena nivattho uttarāsaṅgena diguṇaṃ katvā pārutasaṅghāṭiyo. Iti tāni tīṇipi cīvarāni kāye gatāneva bhikkhuniyā bindumattaṃ kāḷakaṃ udakena dhovitamatte nissaggiyāni hontīti attho.
ឥត្ថិំ ហនេតិ គាថាយ ន មាតុភូតំ ឥត្ថិំ ហនេយ្យ, ន បិតុភូតំ បុរិសំ ហនេយ្យ។ អនរិយន្តិ តញ្ច អនរហន្តមេវ ហនេយ្យ, ឯតេន អរហន្តឃាតកោបិ ន ហោតីតិ ទស្សេតិ។ អនន្តរំ ផុសេតិ អានន្តរិយំ ផុសតីតិ អត្ថោ។
Itthiṃ haneti gāthāya na mātubhūtaṃ itthiṃ haneyya, na pitubhūtaṃ purisaṃ haneyya. Anariyanti tañca anarahantameva haneyya, etena arahantaghātakopi na hotīti dasseti. Anantaraṃ phuseti ānantariyaṃ phusatīti attho.
៤៨១. សុប្បតិដ្ឋិត-និគ្រោធសទិសន្តិ យោជនវិត្ថតំ រុក្ខំ សន្ធាយ វុត្តំ។
481.Suppatiṭṭhita-nigrodhasadisanti yojanavitthataṃ rukkhaṃ sandhāya vuttaṃ.
សត្តរសកេសូតិ ភិក្ខុនីនំ បញ្ញត្តសត្តរសសង្ឃាទិសេសេសុ។
Sattarasakesūti bhikkhunīnaṃ paññattasattarasasaṅghādisesesu.
បារាជិកាទិបញ្ហាវណ្ណនា និដ្ឋិតា។
Pārājikādipañhāvaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / បរិវារបាឡិ • Parivārapāḷi
២. បារាជិកាទិបញ្ហា • 2. Pārājikādipañhā
៣. បាចិត្តិយាទិបញ្ហា • 3. Pācittiyādipañhā
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / បរិវារ-អដ្ឋកថា • Parivāra-aṭṭhakathā
(២) បារាជិកាទិបញ្ហាវណ្ណនា • (2) Pārājikādipañhāvaṇṇanā
(៣) បាចិត្តិយាទិបញ្ហាវណ្ណនា • (3) Pācittiyādipañhāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / បារាជិកាទិបញ្ហវណ្ណនា • Pārājikādipañhavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā
បារាជិកាទិបញ្ហាវណ្ណនា • Pārājikādipañhāvaṇṇanā
បាចិត្តិយាទិបញ្ហាវណ្ណនា • Pācittiyādipañhāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi
(២) បារាជិកាទិបញ្ហាវណ្ណនា • (2) Pārājikādipañhāvaṇṇanā
(៣) បាចិត្តិយាទិបញ្ហាវណ្ណនា • (3) Pācittiyādipañhāvaṇṇanā
