| Library / Tipiṭaka / တိပိဋက • Tipiṭaka / ပာစိတ္ယာဒိယောဇနာပာဠိ • Pācityādiyojanāpāḷi |
(၂) ပာရာဇိကာဒိပဉ္ဟာဝဏ္ဏနာ
(2) Pārājikādipañhāvaṇṇanā
၄၈၀. သန္ထတပေယ္ယာလဉ္စာတိ ပဌမပာရာဇိကဝိဘင္ဂေ (ပာရာ. ၆၅) ဝုတ္တံ သန္ထတပေယ္ယာလဉ္စ။
480.Santhatapeyyālañcāti paṭhamapārājikavibhaṅge (pārā. 65) vuttaṃ santhatapeyyālañca.
လိင္ဂပရိဝတ္တံ သန္ဓာယာတိ သတိ လိင္ဂေ ပရိဝတ္တေ ပဋိဂ္ဂဟဏသ္သ ဝိဇဟနံ သန္ဓာယ ဝုတ္တံ။
Liṅgaparivattaṃ sandhāyāti sati liṅge parivatte paṭiggahaṇassa vijahanaṃ sandhāya vuttaṃ.
ယောတိ ဘိက္ခု, ပရိဏာမေတီတိ သမ္ဗန္ဓော။ အတ္တနော အတ္ထာယာတိ ယောဇနာ။
Yoti bhikkhu, pariṇāmetīti sambandho. Attano atthāyāti yojanā.
အသ္သာတိ ဂာထာယ။ ကာကဥဟဒန္တိ ကာကေဟိ ကရီသုသ္သဂ္ဂံ။ ကဒ္ဒမမက္ခိတန္တိ ကဒ္ဒမေန မက္ခိတံ။ ကာယဂတာနေဝ ဟုတ္ဝာတိ သမ္ဗန္ဓော။
Assāti gāthāya. Kākauhadanti kākehi karīsussaggaṃ. Kaddamamakkhitanti kaddamena makkhitaṃ. Kāyagatāneva hutvāti sambandho.
ဟီတိ ဝိတ္ထာရော။ အနရိယံ တံ ဣတ္ထိံ ဝာ တံ ပုရိသံ ဝာ ဟနေယ္ယာတိ ယောဇနာ။ လိင္ဂပရိဝတ္တေန ဟေတုဘူတေန ဣတ္ထိဘူတံ, ပုရိသဘူတဉ္စာတိ သမ္ဗန္ဓော။ ဣတ္ထိဘူတန္တိ စ ဣတ္ထီ ဟုတ္ဝာ ဘူတံ, ဣတ္ထိဘာဝံ ဝာ ပတ္တံ။
Hīti vitthāro. Anariyaṃ taṃ itthiṃ vā taṃ purisaṃ vā haneyyāti yojanā. Liṅgaparivattena hetubhūtena itthibhūtaṃ, purisabhūtañcāti sambandho. Itthibhūtanti ca itthī hutvā bhūtaṃ, itthibhāvaṃ vā pattaṃ.
မိဂသိင္ဂတာပသသီဟကုမာရာဒီနံ တိရစ္ဆာနဂတမာတာပိတရော ဝိယာတိ ယောဇနာ။ မိဂသိင္ဂတာပသောတိ မိဂသိင္ဂနာမကော (ဇာ. အဋ္ဌ. ၅.၁၇.၉၆ အာဒယော) တာပသော။ သီဟကုမာရောတိ သီဟဗာဟုကုမာရော။ အာဒိသဒ္ဒေန ဘူရိဒတ္တာဒယော သင္ဂဏ္ဟာတိ။
Migasiṅgatāpasasīhakumārādīnaṃ tiracchānagatamātāpitaro viyāti yojanā. Migasiṅgatāpasoti migasiṅganāmako (jā. aṭṭha. 5.17.96 ādayo) tāpaso. Sīhakumāroti sīhabāhukumāro. Ādisaddena bhūridattādayo saṅgaṇhāti.
ကုရုန္ဒိယံ အာဂတန္တိ သမ္ဗန္ဓော။
Kurundiyaṃ āgatanti sambandho.
‘‘သစ္စံ ဘဏန္တောတိ ဂာထာယာ’’တိ ပဒံ ‘‘သစ္စံ ဘာသတော လဟုကာပတ္တိ ဟောတီ’’တိ ဧတ္ထ ဣတိသဒ္ဒေန သမ္ဗန္ဓိတဗ္ဗံ။ ‘‘သစ္စံ ဘဏန္တော’’တိ ဂာထာယ ဣတိ အတ္ထောတိ ယောဇနာ။
‘‘Saccaṃ bhaṇantoti gāthāyā’’ti padaṃ ‘‘saccaṃ bhāsato lahukāpatti hotī’’ti ettha itisaddena sambandhitabbaṃ. ‘‘Saccaṃ bhaṇanto’’ti gāthāya iti atthoti yojanā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / ပရိဝာရပာဠိ • Parivārapāḷi / ၂. ပာရာဇိကာဒိပဉ္ဟာ • 2. Pārājikādipañhā
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / ပရိဝာရ-အဋ္ဌကထာ • Parivāra-aṭṭhakathā / (၂) ပာရာဇိကာဒိပဉ္ဟာဝဏ္ဏနာ • (2) Pārājikādipañhāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ပာရာဇိကာဒိပဉ္ဟဝဏ္ဏနာ • Pārājikādipañhavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ပာရာဇိကာဒိပဉ္ဟာဝဏ္ဏနာ • Pārājikādipañhāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ပာရာဇိကာဒိပဉ္ဟာဝဏ္ဏနာ • Pārājikādipañhāvaṇṇanā
