| Library / Tipiṭaka / ತಿಪಿಟಕ • Tipiṭaka / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi |
(೨) ಪಾರಾಜಿಕಾದಿಪಞ್ಹಾವಣ್ಣನಾ
(2) Pārājikādipañhāvaṇṇanā
೪೮೦. ಸನ್ಥತಪೇಯ್ಯಾಲಞ್ಚಾತಿ ಪಠಮಪಾರಾಜಿಕವಿಭಙ್ಗೇ (ಪಾರಾ॰ ೬೫) ವುತ್ತಂ ಸನ್ಥತಪೇಯ್ಯಾಲಞ್ಚ।
480.Santhatapeyyālañcāti paṭhamapārājikavibhaṅge (pārā. 65) vuttaṃ santhatapeyyālañca.
ಲಿಙ್ಗಪರಿವತ್ತಂ ಸನ್ಧಾಯಾತಿ ಸತಿ ಲಿಙ್ಗೇ ಪರಿವತ್ತೇ ಪಟಿಗ್ಗಹಣಸ್ಸ ವಿಜಹನಂ ಸನ್ಧಾಯ ವುತ್ತಂ।
Liṅgaparivattaṃ sandhāyāti sati liṅge parivatte paṭiggahaṇassa vijahanaṃ sandhāya vuttaṃ.
ಯೋತಿ ಭಿಕ್ಖು, ಪರಿಣಾಮೇತೀತಿ ಸಮ್ಬನ್ಧೋ। ಅತ್ತನೋ ಅತ್ಥಾಯಾತಿ ಯೋಜನಾ।
Yoti bhikkhu, pariṇāmetīti sambandho. Attano atthāyāti yojanā.
ಅಸ್ಸಾತಿ ಗಾಥಾಯ। ಕಾಕಉಹದನ್ತಿ ಕಾಕೇಹಿ ಕರೀಸುಸ್ಸಗ್ಗಂ। ಕದ್ದಮಮಕ್ಖಿತನ್ತಿ ಕದ್ದಮೇನ ಮಕ್ಖಿತಂ। ಕಾಯಗತಾನೇವ ಹುತ್ವಾತಿ ಸಮ್ಬನ್ಧೋ।
Assāti gāthāya. Kākauhadanti kākehi karīsussaggaṃ. Kaddamamakkhitanti kaddamena makkhitaṃ. Kāyagatāneva hutvāti sambandho.
ಹೀತಿ ವಿತ್ಥಾರೋ। ಅನರಿಯಂ ತಂ ಇತ್ಥಿಂ ವಾ ತಂ ಪುರಿಸಂ ವಾ ಹನೇಯ್ಯಾತಿ ಯೋಜನಾ। ಲಿಙ್ಗಪರಿವತ್ತೇನ ಹೇತುಭೂತೇನ ಇತ್ಥಿಭೂತಂ, ಪುರಿಸಭೂತಞ್ಚಾತಿ ಸಮ್ಬನ್ಧೋ। ಇತ್ಥಿಭೂತನ್ತಿ ಚ ಇತ್ಥೀ ಹುತ್ವಾ ಭೂತಂ, ಇತ್ಥಿಭಾವಂ ವಾ ಪತ್ತಂ।
Hīti vitthāro. Anariyaṃ taṃ itthiṃ vā taṃ purisaṃ vā haneyyāti yojanā. Liṅgaparivattena hetubhūtena itthibhūtaṃ, purisabhūtañcāti sambandho. Itthibhūtanti ca itthī hutvā bhūtaṃ, itthibhāvaṃ vā pattaṃ.
ಮಿಗಸಿಙ್ಗತಾಪಸಸೀಹಕುಮಾರಾದೀನಂ ತಿರಚ್ಛಾನಗತಮಾತಾಪಿತರೋ ವಿಯಾತಿ ಯೋಜನಾ। ಮಿಗಸಿಙ್ಗತಾಪಸೋತಿ ಮಿಗಸಿಙ್ಗನಾಮಕೋ (ಜಾ॰ ಅಟ್ಠ॰ ೫.೧೭.೯೬ ಆದಯೋ) ತಾಪಸೋ। ಸೀಹಕುಮಾರೋತಿ ಸೀಹಬಾಹುಕುಮಾರೋ। ಆದಿಸದ್ದೇನ ಭೂರಿದತ್ತಾದಯೋ ಸಙ್ಗಣ್ಹಾತಿ।
Migasiṅgatāpasasīhakumārādīnaṃ tiracchānagatamātāpitaro viyāti yojanā. Migasiṅgatāpasoti migasiṅganāmako (jā. aṭṭha. 5.17.96 ādayo) tāpaso. Sīhakumāroti sīhabāhukumāro. Ādisaddena bhūridattādayo saṅgaṇhāti.
ಕುರುನ್ದಿಯಂ ಆಗತನ್ತಿ ಸಮ್ಬನ್ಧೋ।
Kurundiyaṃ āgatanti sambandho.
‘‘ಸಚ್ಚಂ ಭಣನ್ತೋತಿ ಗಾಥಾಯಾ’’ತಿ ಪದಂ ‘‘ಸಚ್ಚಂ ಭಾಸತೋ ಲಹುಕಾಪತ್ತಿ ಹೋತೀ’’ತಿ ಏತ್ಥ ಇತಿಸದ್ದೇನ ಸಮ್ಬನ್ಧಿತಬ್ಬಂ। ‘‘ಸಚ್ಚಂ ಭಣನ್ತೋ’’ತಿ ಗಾಥಾಯ ಇತಿ ಅತ್ಥೋತಿ ಯೋಜನಾ।
‘‘Saccaṃ bhaṇantoti gāthāyā’’ti padaṃ ‘‘saccaṃ bhāsato lahukāpatti hotī’’ti ettha itisaddena sambandhitabbaṃ. ‘‘Saccaṃ bhaṇanto’’ti gāthāya iti atthoti yojanā.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಪರಿವಾರಪಾಳಿ • Parivārapāḷi / ೨. ಪಾರಾಜಿಕಾದಿಪಞ್ಹಾ • 2. Pārājikādipañhā
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಪರಿವಾರ-ಅಟ್ಠಕಥಾ • Parivāra-aṭṭhakathā / (೨) ಪಾರಾಜಿಕಾದಿಪಞ್ಹಾವಣ್ಣನಾ • (2) Pārājikādipañhāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā / ಪಾರಾಜಿಕಾದಿಪಞ್ಹವಣ್ಣನಾ • Pārājikādipañhavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಜಿರಬುದ್ಧಿ-ಟೀಕಾ • Vajirabuddhi-ṭīkā / ಪಾರಾಜಿಕಾದಿಪಞ್ಹಾವಣ್ಣನಾ • Pārājikādipañhāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಿಮತಿವಿನೋದನೀ-ಟೀಕಾ • Vimativinodanī-ṭīkā / ಪಾರಾಜಿಕಾದಿಪಞ್ಹಾವಣ್ಣನಾ • Pārājikādipañhāvaṇṇanā
