| Library / Tipiṭaka / ತಿಪಿಟಕ • Tipiṭaka / ವಿಮತಿವಿನೋದನೀ-ಟೀಕಾ • Vimativinodanī-ṭīkā |
ಪಾರಾಜಿಕಾದಿಪಞ್ಹಾವಣ್ಣನಾ
Pārājikādipañhāvaṇṇanā
೪೮೦. ದುಸ್ಸಕುಟಿಆದೀನೀತಿ ಆದಿ-ಸದ್ದೇನ ಅಚ್ಛತರತಿಪುಪಟ್ಟಾದೀಹಿ, ತಿಣಪಣ್ಣಾದೀಹಿ ಚ ಪಟಿಚ್ಛನ್ನಕುಟಿಯೋ ಸಙ್ಗಣ್ಹಾತಿ। ತಾದಿಸಾಯ ಹಿ ಕುಟಿಯಾ ಬಹಿ ಠತ್ವಾ ಅನ್ತೋ ಠಿತಾಯ ಇತ್ಥಿಯಾ ಮಗ್ಗೇ ದುಸ್ಸಾದಿನಾ ಸನ್ಥತಂ ಕತ್ವಾ ಪವೇಸೇನ್ತೋಪಿ ಪಾರಾಜಿಕೋ ಸಿಯಾ। ಲಿಙ್ಗಪರಿವತ್ತಂ ಸನ್ಧಾಯ ವುತ್ತಾತಿ ಲಿಙ್ಗೇ ಪರಿವತ್ತೇ ಪಟಿಗ್ಗಹಣಸ್ಸ ವಿಜಹನತೋ ಪುನ ಅಪ್ಪಟಿಗ್ಗಹೇತ್ವಾ ಪರಿಭುಞ್ಜನಾಪತ್ತಿಂ ಸನ್ಧಾಯ ವುತ್ತಂ।
480.Dussakuṭiādīnīti ādi-saddena acchataratipupaṭṭādīhi, tiṇapaṇṇādīhi ca paṭicchannakuṭiyo saṅgaṇhāti. Tādisāya hi kuṭiyā bahi ṭhatvā anto ṭhitāya itthiyā magge dussādinā santhataṃ katvā pavesentopi pārājiko siyā. Liṅgaparivattaṃ sandhāya vuttāti liṅge parivatte paṭiggahaṇassa vijahanato puna appaṭiggahetvā paribhuñjanāpattiṃ sandhāya vuttaṃ.
ಪಾಳಿಯಂ ಭಿಕ್ಖೂ ಸಿಯಾ ವೀಸತಿಯಾ ಸಮಾಗತಾತಿ ವೀಸತಿಯಾ ಸಙ್ಖಾತಾಯ ಭಿಕ್ಖೂ ಸಮಾಗತಾ, ಏತೇನ ಸಬ್ಬಕಮ್ಮಾರಹತಂ ಸಙ್ಘಸ್ಸ ದಸ್ಸೇತಿ।
Pāḷiyaṃ bhikkhū siyā vīsatiyā samāgatāti vīsatiyā saṅkhātāya bhikkhū samāgatā, etena sabbakammārahataṃ saṅghassa dasseti.
ನಿವತ್ಥೋತಿ ಗಾಥಾಯ ಅನ್ತರವಾಸಕೇನ ನಿವತ್ಥೋ ಉತ್ತರಾಸಙ್ಗೇನ ದಿಗುಣಂ ಕತ್ವಾ ಪಾರುತಸಙ್ಘಾಟಿಯೋ। ಇತಿ ತಾನಿ ತೀಣಿಪಿ ಚೀವರಾನಿ ಕಾಯೇ ಗತಾನೇವ ಭಿಕ್ಖುನಿಯಾ ಬಿನ್ದುಮತ್ತಂ ಕಾಳಕಂ ಉದಕೇನ ಧೋವಿತಮತ್ತೇ ನಿಸ್ಸಗ್ಗಿಯಾನಿ ಹೋನ್ತೀತಿ ಅತ್ಥೋ।
Nivatthoti gāthāya antaravāsakena nivattho uttarāsaṅgena diguṇaṃ katvā pārutasaṅghāṭiyo. Iti tāni tīṇipi cīvarāni kāye gatāneva bhikkhuniyā bindumattaṃ kāḷakaṃ udakena dhovitamatte nissaggiyāni hontīti attho.
ಇತ್ಥಿಂ ಹನೇತಿ ಗಾಥಾಯ ನ ಮಾತುಭೂತಂ ಇತ್ಥಿಂ ಹನೇಯ್ಯ, ನ ಪಿತುಭೂತಂ ಪುರಿಸಂ ಹನೇಯ್ಯ। ಅನರಿಯನ್ತಿ ತಞ್ಚ ಅನರಹನ್ತಮೇವ ಹನೇಯ್ಯ, ಏತೇನ ಅರಹನ್ತಘಾತಕೋಪಿ ನ ಹೋತೀತಿ ದಸ್ಸೇತಿ। ಅನನ್ತರಂ ಫುಸೇತಿ ಆನನ್ತರಿಯಂ ಫುಸತೀತಿ ಅತ್ಥೋ।
Itthiṃ haneti gāthāya na mātubhūtaṃ itthiṃ haneyya, na pitubhūtaṃ purisaṃ haneyya. Anariyanti tañca anarahantameva haneyya, etena arahantaghātakopi na hotīti dasseti. Anantaraṃ phuseti ānantariyaṃ phusatīti attho.
೪೮೧. ಸುಪ್ಪತಿಟ್ಠಿತ-ನಿಗ್ರೋಧಸದಿಸನ್ತಿ ಯೋಜನವಿತ್ಥತಂ ರುಕ್ಖಂ ಸನ್ಧಾಯ ವುತ್ತಂ।
481.Suppatiṭṭhita-nigrodhasadisanti yojanavitthataṃ rukkhaṃ sandhāya vuttaṃ.
ಸತ್ತರಸಕೇಸೂತಿ ಭಿಕ್ಖುನೀನಂ ಪಞ್ಞತ್ತಸತ್ತರಸಸಙ್ಘಾದಿಸೇಸೇಸು।
Sattarasakesūti bhikkhunīnaṃ paññattasattarasasaṅghādisesesu.
ಪಾರಾಜಿಕಾದಿಪಞ್ಹಾವಣ್ಣನಾ ನಿಟ್ಠಿತಾ।
Pārājikādipañhāvaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಪರಿವಾರಪಾಳಿ • Parivārapāḷi
೨. ಪಾರಾಜಿಕಾದಿಪಞ್ಹಾ • 2. Pārājikādipañhā
೩. ಪಾಚಿತ್ತಿಯಾದಿಪಞ್ಹಾ • 3. Pācittiyādipañhā
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಪರಿವಾರ-ಅಟ್ಠಕಥಾ • Parivāra-aṭṭhakathā
(೨) ಪಾರಾಜಿಕಾದಿಪಞ್ಹಾವಣ್ಣನಾ • (2) Pārājikādipañhāvaṇṇanā
(೩) ಪಾಚಿತ್ತಿಯಾದಿಪಞ್ಹಾವಣ್ಣನಾ • (3) Pācittiyādipañhāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā / ಪಾರಾಜಿಕಾದಿಪಞ್ಹವಣ್ಣನಾ • Pārājikādipañhavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಜಿರಬುದ್ಧಿ-ಟೀಕಾ • Vajirabuddhi-ṭīkā
ಪಾರಾಜಿಕಾದಿಪಞ್ಹಾವಣ್ಣನಾ • Pārājikādipañhāvaṇṇanā
ಪಾಚಿತ್ತಿಯಾದಿಪಞ್ಹಾವಣ್ಣನಾ • Pācittiyādipañhāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi
(೨) ಪಾರಾಜಿಕಾದಿಪಞ್ಹಾವಣ್ಣನಾ • (2) Pārājikādipañhāvaṇṇanā
(೩) ಪಾಚಿತ್ತಿಯಾದಿಪಞ್ಹಾವಣ್ಣನಾ • (3) Pācittiyādipañhāvaṇṇanā
