| Library / Tipiṭaka / තිපිටක • Tipiṭaka / විමතිවිනොදනී-ටීකා • Vimativinodanī-ṭīkā |
පාරාජිකාදිපඤ්‌හාවණ්‌ණනා
Pārājikādipañhāvaṇṇanā
480. දුස්‌සකුටිආදීනීති ආදි-සද්‌දෙන අච්‌ඡතරතිපුපට්‌ටාදීහි, තිණපණ්‌ණාදීහි ච පටිච්‌ඡන්‌නකුටියො සඞ්‌ගණ්‌හාති. තාදිසාය හි කුටියා බහි ඨත්‌වා අන්‌තො ඨිතාය ඉත්‌ථියා මග්‌ගෙ දුස්‌සාදිනා සන්‌ථතං කත්‌වා පවෙසෙන්‌තොපි පාරාජිකො සියා. ලිඞ්‌ගපරිවත්‌තං සන්‌ධාය වුත්‌තාති ලිඞ්‌ගෙ පරිවත්‌තෙ පටිග්‌ගහණස්‌ස විජහනතො පුන අප්‌පටිග්‌ගහෙත්‌වා පරිභුඤ්‌ජනාපත්‌තිං සන්‌ධාය වුත්‌තං.
480.Dussakuṭiādīnīti ādi-saddena acchataratipupaṭṭādīhi, tiṇapaṇṇādīhi ca paṭicchannakuṭiyo saṅgaṇhāti. Tādisāya hi kuṭiyā bahi ṭhatvā anto ṭhitāya itthiyā magge dussādinā santhataṃ katvā pavesentopi pārājiko siyā. Liṅgaparivattaṃ sandhāya vuttāti liṅge parivatte paṭiggahaṇassa vijahanato puna appaṭiggahetvā paribhuñjanāpattiṃ sandhāya vuttaṃ.
පාළියං භික්‌ඛූ සියා වීසතියා සමාගතාති වීසතියා සඞ්‌ඛාතාය භික්‌ඛූ සමාගතා, එතෙන සබ්‌බකම්‌මාරහතං සඞ්‌ඝස්‌ස දස්‌සෙති.
Pāḷiyaṃ bhikkhū siyā vīsatiyā samāgatāti vīsatiyā saṅkhātāya bhikkhū samāgatā, etena sabbakammārahataṃ saṅghassa dasseti.
නිවත්‌ථොති ගාථාය අන්‌තරවාසකෙන නිවත්‌ථො උත්‌තරාසඞ්‌ගෙන දිගුණං කත්‌වා පාරුතසඞ්‌ඝාටියො. ඉති තානි තීණිපි චීවරානි කායෙ ගතානෙව භික්‌ඛුනියා බින්‌දුමත්‌තං කාළකං උදකෙන ධොවිතමත්‌තෙ නිස්‌සග්‌ගියානි හොන්‌තීති අත්‌ථො.
Nivatthoti gāthāya antaravāsakena nivattho uttarāsaṅgena diguṇaṃ katvā pārutasaṅghāṭiyo. Iti tāni tīṇipi cīvarāni kāye gatāneva bhikkhuniyā bindumattaṃ kāḷakaṃ udakena dhovitamatte nissaggiyāni hontīti attho.
ඉත්‌ථිං හනෙති ගාථාය න මාතුභූතං ඉත්‌ථිං හනෙය්‍ය, න පිතුභූතං පුරිසං හනෙය්‍ය. අනරියන්‌ති තඤ්‌ච අනරහන්‌තමෙව හනෙය්‍ය, එතෙන අරහන්‌තඝාතකොපි න හොතීති දස්‌සෙති. අනන්‌තරං ඵුසෙති ආනන්‌තරියං ඵුසතීති අත්‌ථො.
Itthiṃ haneti gāthāya na mātubhūtaṃ itthiṃ haneyya, na pitubhūtaṃ purisaṃ haneyya. Anariyanti tañca anarahantameva haneyya, etena arahantaghātakopi na hotīti dasseti. Anantaraṃ phuseti ānantariyaṃ phusatīti attho.
481. සුප්‌පතිට්‌ඨිත-නිග්‍රොධසදිසන්‌ති යොජනවිත්‌ථතං රුක්‌ඛං සන්‌ධාය වුත්‌තං.
481.Suppatiṭṭhita-nigrodhasadisanti yojanavitthataṃ rukkhaṃ sandhāya vuttaṃ.
සත්‌තරසකෙසූති භික්‌ඛුනීනං පඤ්‌ඤත්‌තසත්‌තරසසඞ්‌ඝාදිසෙසෙසු.
Sattarasakesūti bhikkhunīnaṃ paññattasattarasasaṅghādisesesu.
පාරාජිකාදිපඤ්‌හාවණ්‌ණනා නිට්‌ඨිතා.
Pārājikādipañhāvaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / පරිවාරපාළි • Parivārapāḷi
2. පාරාජිකාදිපඤ්‌හා • 2. Pārājikādipañhā
3. පාචිත්‌තියාදිපඤ්‌හා • 3. Pācittiyādipañhā
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / පරිවාර-අට්‌ඨකථා • Parivāra-aṭṭhakathā
(2) පාරාජිකාදිපඤ්‌හාවණ්‌ණනා • (2) Pārājikādipañhāvaṇṇanā
(3) පාචිත්‌තියාදිපඤ්‌හාවණ්‌ණනා • (3) Pācittiyādipañhāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / පාරාජිකාදිපඤ්‌හවණ්‌ණනා • Pārājikādipañhavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā
පාරාජිකාදිපඤ්‌හාවණ්‌ණනා • Pārājikādipañhāvaṇṇanā
පාචිත්‌තියාදිපඤ්‌හාවණ්‌ණනා • Pācittiyādipañhāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi
(2) පාරාජිකාදිපඤ්‌හාවණ්‌ණනා • (2) Pārājikādipañhāvaṇṇanā
(3) පාචිත්‌තියාදිපඤ්‌හාවණ්‌ණනා • (3) Pācittiyādipañhāvaṇṇanā
