| Library / Tipiṭaka / ਤਿਪਿਟਕ • Tipiṭaka / ਪਰਿવਾਰ-ਅਟ੍ਠਕਥਾ • Parivāra-aṭṭhakathā |
(੨) ਪਾਰਾਜਿਕਾਦਿਪਞ੍ਹਾવਣ੍ਣਨਾ
(2) Pārājikādipañhāvaṇṇanā
੪੮੦. ਛਿਦ੍ਦਂ ਤਸ੍ਮਿਂ ਘਰੇ ਨਤ੍ਥੀਤਿ ਅਯਂ ਪਞ੍ਹਾ ਦੁਸ੍ਸਕੁਟਿਆਦੀਨਿ ਸਨ੍ਥਤਪੇਯ੍ਯਾਲਞ੍ਚ ਸਨ੍ਧਾਯ વੁਤ੍ਤਾ।
480.Chiddaṃ tasmiṃ ghare natthīti ayaṃ pañhā dussakuṭiādīni santhatapeyyālañca sandhāya vuttā.
ਤੇਲਂ ਮਧੁਂ ਫਾਣਿਤਨ੍ਤਿ ਗਾਥਾ ਲਿਙ੍ਗਪਰਿવਤ੍ਤਂ ਸਨ੍ਧਾਯ વੁਤ੍ਤਾ।
Telaṃ madhuṃ phāṇitanti gāthā liṅgaparivattaṃ sandhāya vuttā.
ਨਿਸ੍ਸਗ੍ਗਿਯੇਨਾਤਿ ਗਾਥਾ ਪਰਿਣਾਮਨਂ ਸਨ੍ਧਾਯ વੁਤ੍ਤਾ। ਯੋ ਹਿ ਸਙ੍ਘਸ੍ਸ ਪਰਿਣਤਲਾਭਤੋ ਏਕਂ ਚੀવਰਂ ਅਤ੍ਤਨੋ, ਏਕਂ ਅਞ੍ਞਸ੍ਸਾਤਿ ਦ੍વੇ ਚੀવਰਾਨਿ ‘‘ਏਕਂ ਮਯ੍ਹਂ, ਏਕਂ ਤਸ੍ਸ ਦੇਹੀ’’ਤਿ ਏਕਪਯਓਗੇਨ ਪਰਿਣਾਮੇਤਿ, ਸੋ ਨਿਸ੍ਸਗ੍ਗਿਯਪਾਚਿਤ੍ਤਿਯਞ੍ਚੇવ ਸੁਦ੍ਧਿਕਪਾਚਿਤ੍ਤਿਯਞ੍ਚ ਏਕਤੋ ਆਪਜ੍ਜਤਿ।
Nissaggiyenāti gāthā pariṇāmanaṃ sandhāya vuttā. Yo hi saṅghassa pariṇatalābhato ekaṃ cīvaraṃ attano, ekaṃ aññassāti dve cīvarāni ‘‘ekaṃ mayhaṃ, ekaṃ tassa dehī’’ti ekapayaogena pariṇāmeti, so nissaggiyapācittiyañceva suddhikapācittiyañca ekato āpajjati.
ਕਮ੍ਮਞ੍ਚ ਤਂ ਕੁਪ੍ਪੇਯ੍ਯ વਗ੍ਗਪਚ੍ਚਯਾਤਿ ਅਯਂ ਪਞ੍ਹਾ ਦ੍વਾਦਸਯੋਜਨਪਮਾਣੇਸੁ ਬਾਰਾਣਸਿਆਦੀਸੁ ਨਗਰੇਸੁ ਗਾਮਸੀਮਂ ਸਨ੍ਧਾਯ વੁਤ੍ਤਾ।
Kammañca taṃ kuppeyya vaggapaccayāti ayaṃ pañhā dvādasayojanapamāṇesu bārāṇasiādīsu nagaresu gāmasīmaṃ sandhāya vuttā.
ਪਦવੀਤਿਹਾਰਮਤ੍ਤੇਨਾਤਿ ਗਾਥਾ ਸਞ੍ਚਰਿਤ੍ਤਂ ਸਨ੍ਧਾਯ વੁਤ੍ਤਾ, ਅਤ੍ਥੋਪਿ ਚਸ੍ਸਾ ਸਞ੍ਚਰਿਤ੍ਤવਣ੍ਣਨਾਯਮੇવ વੁਤ੍ਤੋ।
Padavītihāramattenāti gāthā sañcarittaṃ sandhāya vuttā, atthopi cassā sañcarittavaṇṇanāyameva vutto.
ਸਬ੍ਬਾਨਿ ਤਾਨਿ ਨਿਸ੍ਸਗ੍ਗਿਯਾਨੀਤਿ ਅਯਂ ਪਞ੍ਹਾ ਅਞ੍ਞਾਤਿਕਾਯ ਭਿਕ੍ਖੁਨਿਯਾ ਧੋવਾਪਨਂ ਸਨ੍ਧਾਯ વੁਤ੍ਤਾ। ਸਚੇ ਹਿ ਤਿਣ੍ਣਮ੍ਪਿ ਚੀવਰਾਨਂ ਕਾਕਊਹਦਨਂ વਾ ਕਦ੍ਦਮਮਕ੍ਖਿਤਂ વਾ ਕਣ੍ਣਂ ਗਹੇਤ੍વਾ ਭਿਕ੍ਖੁਨੀ ਉਦਕੇਨ ਧੋવਤਿ, ਭਿਕ੍ਖੁਸ੍ਸ ਕਾਯਗਤਾਨੇવ ਨਿਸ੍ਸਗ੍ਗਿਯਾਨਿ ਹੋਨ੍ਤਿ।
Sabbāni tāni nissaggiyānīti ayaṃ pañhā aññātikāya bhikkhuniyā dhovāpanaṃ sandhāya vuttā. Sace hi tiṇṇampi cīvarānaṃ kākaūhadanaṃ vā kaddamamakkhitaṃ vā kaṇṇaṃ gahetvā bhikkhunī udakena dhovati, bhikkhussa kāyagatāneva nissaggiyāni honti.
ਸਰਣਗਮਨਮ੍ਪਿ ਨ ਤਸ੍ਸ ਅਤ੍ਥੀਤਿ ਸਰਣਗਮਨਉਪਸਮ੍ਪਦਾਪਿ ਨਤ੍ਥਿ। ਅਯਂ ਪਨ ਪਞ੍ਹਾ ਮਹਾਪਜਾਪਤਿਯਾ ਉਪਸਮ੍ਪਦਂ ਸਨ੍ਧਾਯ વੁਤ੍ਤਾ।
Saraṇagamanampi na tassa atthīti saraṇagamanaupasampadāpi natthi. Ayaṃ pana pañhā mahāpajāpatiyā upasampadaṃ sandhāya vuttā.
ਹਨੇਯ੍ਯ ਅਨਰਿਯਂ ਮਨ੍ਦੋਤਿ ਤਞ੍ਹਿ ਇਤ੍ਥਿਂ વਾ ਪੁਰਿਸਂ વਾ ਅਨਰਿਯਂ ਹਨੇਯ੍ਯ। ਅਯਂ ਪਞ੍ਹਾ ਲਿਙ੍ਗਪਰਿવਤ੍ਤੇਨ ਇਤ੍ਥਿਭੂਤਂ ਪਿਤਰਂ ਪੁਰਿਸਭੂਤਞ੍ਚ ਮਾਤਰਂ ਸਨ੍ਧਾਯ વੁਤ੍ਤਾ।
Haneyyaanariyaṃ mandoti tañhi itthiṃ vā purisaṃ vā anariyaṃ haneyya. Ayaṃ pañhā liṅgaparivattena itthibhūtaṃ pitaraṃ purisabhūtañca mātaraṃ sandhāya vuttā.
ਨ ਤੇਨਾਨਨ੍ਤਰਂ ਫੁਸੇਤਿ ਅਯਂ ਪਞ੍ਹਾ ਮਿਗਸਿਙ੍ਗਤਾਪਸਸੀਹਕੁਮਾਰਾਦੀਨਂ વਿਯ ਤਿਰਚ੍ਛਾਨਮਾਤਾਪਿਤਰੋ ਸਨ੍ਧਾਯ વੁਤ੍ਤਾ।
Na tenānantaraṃ phuseti ayaṃ pañhā migasiṅgatāpasasīhakumārādīnaṃ viya tiracchānamātāpitaro sandhāya vuttā.
ਅਚੋਦਯਿਤ੍વਾਤਿ ਗਾਥਾ ਦੂਤੇਨੁਪਸਮ੍ਪਦਂ ਸਨ੍ਧਾਯ વੁਤ੍ਤਾ। ਚੋਦਯਿਤ੍વਾਤਿ ਗਾਥਾ ਪਣ੍ਡਕਾਦੀਨਂ ਉਪਸਮ੍ਪਦਂ ਸਨ੍ਧਾਯ વੁਤ੍ਤਾ। ਕੁਰੁਨ੍ਦਿਯਂ ਪਨ ‘‘ਪਠਮਗਾਥਾ ਅਟ੍ਠ ਅਸਮ੍ਮੁਖਾਕਮ੍ਮਾਨਿ, ਦੁਤਿਯਾ ਅਨਾਪਤ੍ਤਿਕਸ੍ਸ ਕਮ੍ਮਂ ਸਨ੍ਧਾਯ વੁਤ੍ਤਾ’’ਤਿ ਆਗਤਂ।
Acodayitvāti gāthā dūtenupasampadaṃ sandhāya vuttā. Codayitvāti gāthā paṇḍakādīnaṃ upasampadaṃ sandhāya vuttā. Kurundiyaṃ pana ‘‘paṭhamagāthā aṭṭha asammukhākammāni, dutiyā anāpattikassa kammaṃ sandhāya vuttā’’ti āgataṃ.
ਛਿਨ੍ਦਨ੍ਤਸ੍ਸ ਆਪਤ੍ਤੀਤਿ વਨਪ੍ਪਤਿਂ ਛਿਨ੍ਦਨ੍ਤਸ੍ਸ ਪਾਰਾਜਿਕਂ, ਤਿਣਲਤਾਦਿਂ ਛਿਨ੍ਦਨ੍ਤਸ੍ਸ ਪਾਚਿਤ੍ਤਿਯਂ, ਅਙ੍ਗਜਾਤਂ ਛਿਨ੍ਦਨ੍ਤਸ੍ਸ ਥੁਲ੍ਲਚ੍ਚਯਂ। ਛਿਨ੍ਦਨ੍ਤਸ੍ਸ ਅਨਾਪਤ੍ਤੀਤਿ ਕੇਸੇ ਚ ਨਖੇ ਚ ਛਿਨ੍ਦਨ੍ਤਸ੍ਸ ਅਨਾਪਤ੍ਤਿ। ਛਾਦੇਨ੍ਤਸ੍ਸ ਆਪਤ੍ਤੀਤਿ ਅਤ੍ਤਨੋ ਆਪਤ੍ਤਿਂ ਛਾਦੇਨ੍ਤਸ੍ਸ ਅਞ੍ਞੇਸਂ વਾ ਆਪਤ੍ਤਿਂ। ਛਾਦੇਨ੍ਤਸ੍ਸ ਅਨਾਪਤ੍ਤੀਤਿ ਗੇਹਾਦੀਨਿ ਛਾਦੇਨ੍ਤਸ੍ਸ ਅਨਾਪਤ੍ਤਿ।
Chindantassa āpattīti vanappatiṃ chindantassa pārājikaṃ, tiṇalatādiṃ chindantassa pācittiyaṃ, aṅgajātaṃ chindantassa thullaccayaṃ. Chindantassa anāpattīti kese ca nakhe ca chindantassa anāpatti. Chādentassa āpattīti attano āpattiṃ chādentassa aññesaṃ vā āpattiṃ. Chādentassa anāpattīti gehādīni chādentassa anāpatti.
ਸਚ੍ਚਂ ਭਣਨ੍ਤੋਤਿ ਗਾਥਾਯ ‘‘ਸਿਖਰਣੀਸਿ ਉਭਤੋਬ੍ਯਞ੍ਜਨਾਸੀ’’ਤਿ ਸਚ੍ਚਂ ਭਣਨ੍ਤੋ ਗਰੁਕਂ ਆਪਜ੍ਜਤਿ, ਸਮ੍ਪਜਾਨਮੁਸਾવਾਦੇ ਪਨ ਮੁਸਾ ਭਾਸਤੋ ਲਹੁਕਾਪਤ੍ਤਿ ਹੋਤਿ, ਅਭੂਤਾਰੋਚਨੇ ਮੁਸਾ ਭਣਨ੍ਤੋ ਗਰੁਕਂ ਆਪਜ੍ਜਤਿ, ਭੂਤਾਰੋਚਨੇ ਸਚ੍ਚਂ ਭਾਸਤੋ ਲਹੁਕਾਪਤ੍ਤਿ ਹੋਤੀਤਿ।
Saccaṃbhaṇantoti gāthāya ‘‘sikharaṇīsi ubhatobyañjanāsī’’ti saccaṃ bhaṇanto garukaṃ āpajjati, sampajānamusāvāde pana musā bhāsato lahukāpatti hoti, abhūtārocane musā bhaṇanto garukaṃ āpajjati, bhūtārocane saccaṃ bhāsato lahukāpatti hotīti.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਪਰਿવਾਰਪਾਲ਼ਿ • Parivārapāḷi / ੨. ਪਾਰਾਜਿਕਾਦਿਪਞ੍ਹਾ • 2. Pārājikādipañhā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਪਾਰਾਜਿਕਾਦਿਪਞ੍ਹવਣ੍ਣਨਾ • Pārājikādipañhavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਪਾਰਾਜਿਕਾਦਿਪਞ੍ਹਾવਣ੍ਣਨਾ • Pārājikādipañhāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਪਾਰਾਜਿਕਾਦਿਪਞ੍ਹਾવਣ੍ਣਨਾ • Pārājikādipañhāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / (੨) ਪਾਰਾਜਿਕਾਦਿਪਞ੍ਹਾવਣ੍ਣਨਾ • (2) Pārājikādipañhāvaṇṇanā
