| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
(੨) ਪਾਰਾਜਿਕਾਦਿਪਞ੍ਹਾવਣ੍ਣਨਾ
(2) Pārājikādipañhāvaṇṇanā
੪੮੦. ਸਨ੍ਥਤਪੇਯ੍ਯਾਲਞ੍ਚਾਤਿ ਪਠਮਪਾਰਾਜਿਕવਿਭਙ੍ਗੇ (ਪਾਰਾ॰ ੬੫) વੁਤ੍ਤਂ ਸਨ੍ਥਤਪੇਯ੍ਯਾਲਞ੍ਚ।
480.Santhatapeyyālañcāti paṭhamapārājikavibhaṅge (pārā. 65) vuttaṃ santhatapeyyālañca.
ਲਿਙ੍ਗਪਰਿવਤ੍ਤਂ ਸਨ੍ਧਾਯਾਤਿ ਸਤਿ ਲਿਙ੍ਗੇ ਪਰਿવਤ੍ਤੇ ਪਟਿਗ੍ਗਹਣਸ੍ਸ વਿਜਹਨਂ ਸਨ੍ਧਾਯ વੁਤ੍ਤਂ।
Liṅgaparivattaṃ sandhāyāti sati liṅge parivatte paṭiggahaṇassa vijahanaṃ sandhāya vuttaṃ.
ਯੋਤਿ ਭਿਕ੍ਖੁ, ਪਰਿਣਾਮੇਤੀਤਿ ਸਮ੍ਬਨ੍ਧੋ। ਅਤ੍ਤਨੋ ਅਤ੍ਥਾਯਾਤਿ ਯੋਜਨਾ।
Yoti bhikkhu, pariṇāmetīti sambandho. Attano atthāyāti yojanā.
ਅਸ੍ਸਾਤਿ ਗਾਥਾਯ। ਕਾਕਉਹਦਨ੍ਤਿ ਕਾਕੇਹਿ ਕਰੀਸੁਸ੍ਸਗ੍ਗਂ। ਕਦ੍ਦਮਮਕ੍ਖਿਤਨ੍ਤਿ ਕਦ੍ਦਮੇਨ ਮਕ੍ਖਿਤਂ। ਕਾਯਗਤਾਨੇવ ਹੁਤ੍વਾਤਿ ਸਮ੍ਬਨ੍ਧੋ।
Assāti gāthāya. Kākauhadanti kākehi karīsussaggaṃ. Kaddamamakkhitanti kaddamena makkhitaṃ. Kāyagatāneva hutvāti sambandho.
ਹੀਤਿ વਿਤ੍ਥਾਰੋ। ਅਨਰਿਯਂ ਤਂ ਇਤ੍ਥਿਂ વਾ ਤਂ ਪੁਰਿਸਂ વਾ ਹਨੇਯ੍ਯਾਤਿ ਯੋਜਨਾ। ਲਿਙ੍ਗਪਰਿવਤ੍ਤੇਨ ਹੇਤੁਭੂਤੇਨ ਇਤ੍ਥਿਭੂਤਂ, ਪੁਰਿਸਭੂਤਞ੍ਚਾਤਿ ਸਮ੍ਬਨ੍ਧੋ। ਇਤ੍ਥਿਭੂਤਨ੍ਤਿ ਚ ਇਤ੍ਥੀ ਹੁਤ੍વਾ ਭੂਤਂ, ਇਤ੍ਥਿਭਾવਂ વਾ ਪਤ੍ਤਂ।
Hīti vitthāro. Anariyaṃ taṃ itthiṃ vā taṃ purisaṃ vā haneyyāti yojanā. Liṅgaparivattena hetubhūtena itthibhūtaṃ, purisabhūtañcāti sambandho. Itthibhūtanti ca itthī hutvā bhūtaṃ, itthibhāvaṃ vā pattaṃ.
ਮਿਗਸਿਙ੍ਗਤਾਪਸਸੀਹਕੁਮਾਰਾਦੀਨਂ ਤਿਰਚ੍ਛਾਨਗਤਮਾਤਾਪਿਤਰੋ વਿਯਾਤਿ ਯੋਜਨਾ। ਮਿਗਸਿਙ੍ਗਤਾਪਸੋਤਿ ਮਿਗਸਿਙ੍ਗਨਾਮਕੋ (ਜਾ॰ ਅਟ੍ਠ॰ ੫.੧੭.੯੬ ਆਦਯੋ) ਤਾਪਸੋ। ਸੀਹਕੁਮਾਰੋਤਿ ਸੀਹਬਾਹੁਕੁਮਾਰੋ। ਆਦਿਸਦ੍ਦੇਨ ਭੂਰਿਦਤ੍ਤਾਦਯੋ ਸਙ੍ਗਣ੍ਹਾਤਿ।
Migasiṅgatāpasasīhakumārādīnaṃ tiracchānagatamātāpitaro viyāti yojanā. Migasiṅgatāpasoti migasiṅganāmako (jā. aṭṭha. 5.17.96 ādayo) tāpaso. Sīhakumāroti sīhabāhukumāro. Ādisaddena bhūridattādayo saṅgaṇhāti.
ਕੁਰੁਨ੍ਦਿਯਂ ਆਗਤਨ੍ਤਿ ਸਮ੍ਬਨ੍ਧੋ।
Kurundiyaṃ āgatanti sambandho.
‘‘ਸਚ੍ਚਂ ਭਣਨ੍ਤੋਤਿ ਗਾਥਾਯਾ’’ਤਿ ਪਦਂ ‘‘ਸਚ੍ਚਂ ਭਾਸਤੋ ਲਹੁਕਾਪਤ੍ਤਿ ਹੋਤੀ’’ਤਿ ਏਤ੍ਥ ਇਤਿਸਦ੍ਦੇਨ ਸਮ੍ਬਨ੍ਧਿਤਬ੍ਬਂ। ‘‘ਸਚ੍ਚਂ ਭਣਨ੍ਤੋ’’ਤਿ ਗਾਥਾਯ ਇਤਿ ਅਤ੍ਥੋਤਿ ਯੋਜਨਾ।
‘‘Saccaṃ bhaṇantoti gāthāyā’’ti padaṃ ‘‘saccaṃ bhāsato lahukāpatti hotī’’ti ettha itisaddena sambandhitabbaṃ. ‘‘Saccaṃ bhaṇanto’’ti gāthāya iti atthoti yojanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਪਰਿવਾਰਪਾਲ਼ਿ • Parivārapāḷi / ੨. ਪਾਰਾਜਿਕਾਦਿਪਞ੍ਹਾ • 2. Pārājikādipañhā
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਪਰਿવਾਰ-ਅਟ੍ਠਕਥਾ • Parivāra-aṭṭhakathā / (੨) ਪਾਰਾਜਿਕਾਦਿਪਞ੍ਹਾવਣ੍ਣਨਾ • (2) Pārājikādipañhāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਪਾਰਾਜਿਕਾਦਿਪਞ੍ਹવਣ੍ਣਨਾ • Pārājikādipañhavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਪਾਰਾਜਿਕਾਦਿਪਞ੍ਹਾવਣ੍ਣਨਾ • Pārājikādipañhāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਪਾਰਾਜਿਕਾਦਿਪਞ੍ਹਾવਣ੍ਣਨਾ • Pārājikādipañhāvaṇṇanā
