| Library / Tipiṭaka / திபிடக • Tipiṭaka / பரிவாரபாளி • Parivārapāḷi |
2. கதாபத்திவாரோ
2. Katāpattivāro
1. பாராஜிககண்ட³ங்
1. Pārājikakaṇḍaṃ
157. மேது²னங் த⁴ம்மங் படிஸேவந்தோ கதி ஆபத்தியோ ஆபஜ்ஜதி? மேது²னங் த⁴ம்மங் படிஸேவந்தோ திஸ்ஸோ ஆபத்தியோ ஆபஜ்ஜதி. அக்கா²யிதே ஸரீரே மேது²னங் த⁴ம்மங் படிஸேவதி, ஆபத்தி பாராஜிகஸ்ஸ; யேபு⁴ய்யேன கா²யிதே ஸரீரே மேது²னங் த⁴ம்மங் படிஸேவதி, ஆபத்தி து²ல்லச்சயஸ்ஸ; வட்டகதே 1 முகே² அச்சு²பந்தங் அங்க³ஜாதங் பவேஸேதி, ஆபத்தி து³க்கடஸ்ஸ – மேது²னங் த⁴ம்மங் படிஸேவந்தோ இமா திஸ்ஸோ ஆபத்தியோ ஆபஜ்ஜதி.
157. Methunaṃ dhammaṃ paṭisevanto kati āpattiyo āpajjati? Methunaṃ dhammaṃ paṭisevanto tisso āpattiyo āpajjati. Akkhāyite sarīre methunaṃ dhammaṃ paṭisevati, āpatti pārājikassa; yebhuyyena khāyite sarīre methunaṃ dhammaṃ paṭisevati, āpatti thullaccayassa; vaṭṭakate 2 mukhe acchupantaṃ aṅgajātaṃ paveseti, āpatti dukkaṭassa – methunaṃ dhammaṃ paṭisevanto imā tisso āpattiyo āpajjati.
158. அதி³ன்னங் ஆதி³யந்தோ கதி ஆபத்தியோ ஆபஜ்ஜதி? அதி³ன்னங் ஆதி³யந்தோ திஸ்ஸோ ஆபத்தியோ ஆபஜ்ஜதி. பஞ்சமாஸகங் வா அதிரேகபஞ்சமாஸகங் வா அக்³க⁴னகங் அதி³ன்னங் தெ²ய்யஸங்கா²தங் ஆதி³யதி, ஆபத்தி பாராஜிகஸ்ஸ; அதிரேகமாஸகங் வா ஊனபஞ்சமாஸகங் வா அக்³க⁴னகங் அதி³ன்னங் தெ²ய்யஸங்கா²தங் ஆதி³யதி, ஆபத்தி து²ல்லச்சயஸ்ஸ; மாஸகங் வா ஊனமாஸகங் வா அக்³க⁴னகங் அதி³ன்னங் தெ²ய்யஸங்கா²தங் ஆதி³யதி, ஆபத்தி து³க்கடஸ்ஸ – அதி³ன்னங் ஆதி³யந்தோ இமா திஸ்ஸோ ஆபத்தியோ ஆபஜ்ஜதி.
158. Adinnaṃ ādiyanto kati āpattiyo āpajjati? Adinnaṃ ādiyanto tisso āpattiyo āpajjati. Pañcamāsakaṃ vā atirekapañcamāsakaṃ vā agghanakaṃ adinnaṃ theyyasaṅkhātaṃ ādiyati, āpatti pārājikassa; atirekamāsakaṃ vā ūnapañcamāsakaṃ vā agghanakaṃ adinnaṃ theyyasaṅkhātaṃ ādiyati, āpatti thullaccayassa; māsakaṃ vā ūnamāsakaṃ vā agghanakaṃ adinnaṃ theyyasaṅkhātaṃ ādiyati, āpatti dukkaṭassa – adinnaṃ ādiyanto imā tisso āpattiyo āpajjati.
159. ஸஞ்சிச்ச மனுஸ்ஸவிக்³க³ஹங் ஜீவிதா வோரோபெந்தோ கதி ஆபத்தியோ ஆபஜ்ஜதி? ஸஞ்சிச்ச மனுஸ்ஸவிக்³க³ஹங் ஜீவிதா வோரோபெந்தோ திஸ்ஸோ ஆபத்தியோ ஆபஜ்ஜதி. மனுஸ்ஸங் ஓதி³ஸ்ஸ ஓபாதங் க²ணதி ‘‘பபதித்வா மரிஸ்ஸதீ’’தி, ஆபத்தி து³க்கடஸ்ஸ; பபதிதே து³க்கா² வேத³னா உப்பஜ்ஜதி, ஆபத்தி து²ல்லச்சயஸ்ஸ; மரதி, ஆபத்தி பாராஜிகஸ்ஸ – ஸஞ்சிச்ச மனுஸ்ஸவிக்³க³ஹங் ஜீவிதா வோரோபெந்தோ இமா திஸ்ஸோ ஆபத்தியோ ஆபஜ்ஜதி.
159. Sañcicca manussaviggahaṃ jīvitā voropento kati āpattiyo āpajjati? Sañcicca manussaviggahaṃ jīvitā voropento tisso āpattiyo āpajjati. Manussaṃ odissa opātaṃ khaṇati ‘‘papatitvā marissatī’’ti, āpatti dukkaṭassa; papatite dukkhā vedanā uppajjati, āpatti thullaccayassa; marati, āpatti pārājikassa – sañcicca manussaviggahaṃ jīvitā voropento imā tisso āpattiyo āpajjati.
160. அஸந்தங் அபூ⁴தங் உத்தரிமனுஸ்ஸத⁴ம்மங் உல்லபந்தோ கதி ஆபத்தியோ ஆபஜ்ஜதி? அஸந்தங் அபூ⁴தங் உத்தரிமனுஸ்ஸத⁴ம்மங் உல்லபந்தோ திஸ்ஸோ ஆபத்தியோ ஆபஜ்ஜதி. பாபிச்சோ² இச்சா²பகதோ அஸந்தங் அபூ⁴தங் உத்தரிமனுஸ்ஸத⁴ம்மங் உல்லபதி, ஆபத்தி பாராஜிகஸ்ஸ; ‘‘யோ தே விஹாரே வஸதி, ஸோ பி⁴க்கு² அரஹா’’தி ப⁴ணதி, படிவிஜானந்தஸ்ஸ ஆபத்தி து²ல்லச்சயஸ்ஸ; ந படிவிஜானந்தஸ்ஸ ஆபத்தி து³க்கடஸ்ஸ – அஸந்தங் அபூ⁴தங் உத்தரிமனுஸ்ஸத⁴ம்மங் உல்லபந்தோ இமா திஸ்ஸோ ஆபத்தியோ ஆபஜ்ஜதி.
160. Asantaṃ abhūtaṃ uttarimanussadhammaṃ ullapanto kati āpattiyo āpajjati? Asantaṃ abhūtaṃ uttarimanussadhammaṃ ullapanto tisso āpattiyo āpajjati. Pāpiccho icchāpakato asantaṃ abhūtaṃ uttarimanussadhammaṃ ullapati, āpatti pārājikassa; ‘‘yo te vihāre vasati, so bhikkhu arahā’’ti bhaṇati, paṭivijānantassa āpatti thullaccayassa; na paṭivijānantassa āpatti dukkaṭassa – asantaṃ abhūtaṃ uttarimanussadhammaṃ ullapanto imā tisso āpattiyo āpajjati.
சத்தாரோ பாராஜிகா நிட்டி²தா.
Cattāro pārājikā niṭṭhitā.
Footnotes:
Related texts:
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / பரிவார-அட்ட²கதா² • Parivāra-aṭṭhakathā / கதாபத்திவாராதி³வண்ணனா • Katāpattivārādivaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / கதாபத்திவாராதி³வண்ணனா • Katāpattivārādivaṇṇanā
