| Library / Tipiṭaka / திபிடக • Tipiṭaka / பரிவாரபாளி • Parivārapāḷi |
2. கதாபத்திவாரோ
2. Katāpattivāro
1. பாராஜிககண்ட³ங்
1. Pārājikakaṇḍaṃ
193. மேது²னங் த⁴ம்மங் படிஸேவனபச்சயா கதி ஆபத்தியோ ஆபஜ்ஜதி ? மேது²னங் த⁴ம்மங் படிஸேவனபச்சயா சதஸ்ஸோ ஆபத்தியோ ஆபஜ்ஜதி – அக்கா²யிதே ஸரீரே மேது²னங் த⁴ம்மங் படிஸேவதி, ஆபத்தி பாராஜிகஸ்ஸ; யேபு⁴ய்யேன கா²யிதே ஸரீரே மேது²னங் த⁴ம்மங் படிஸேவதி, ஆபத்தி து²ல்லச்சயஸ்ஸ ; வட்டகதே முகே² அச்சு²பந்தங் அங்க³ஜாதங் பவேஸேதி, ஆபத்தி து³க்கடஸ்ஸ; ஜதுமட்ட²கே பாசித்தியங் – மேது²னங் த⁴ம்மங் படிஸேவனபச்சயா இமா சதஸ்ஸோ ஆபத்தியோ ஆபஜ்ஜதி.
193. Methunaṃ dhammaṃ paṭisevanapaccayā kati āpattiyo āpajjati ? Methunaṃ dhammaṃ paṭisevanapaccayā catasso āpattiyo āpajjati – akkhāyite sarīre methunaṃ dhammaṃ paṭisevati, āpatti pārājikassa; yebhuyyena khāyite sarīre methunaṃ dhammaṃ paṭisevati, āpatti thullaccayassa ; vaṭṭakate mukhe acchupantaṃ aṅgajātaṃ paveseti, āpatti dukkaṭassa; jatumaṭṭhake pācittiyaṃ – methunaṃ dhammaṃ paṭisevanapaccayā imā catasso āpattiyo āpajjati.
அதி³ன்னங் ஆதி³யனபச்சயா கதி ஆபத்தியோ ஆபஜ்ஜதி? அதி³ன்னங் ஆதி³யனபச்சயா திஸ்ஸோ ஆபத்தியோ ஆபஜ்ஜதி. பஞ்சமாஸகங் வா அதிரேகபஞ்சமாஸகங் வா அக்³க⁴னகங் அதி³ன்னங் தெ²ய்யஸங்கா²தங் ஆதி³யதி, ஆபத்தி பாராஜிகஸ்ஸ; அதிரேகமாஸகங் வா ஊனபஞ்சமாஸகங் வா அக்³க⁴னகங் அதி³ன்னங் தெ²ய்யஸங்கா²தங் ஆதி³யதி, ஆபத்தி து²ல்லச்சயஸ்ஸ; மாஸகங் வா ஊனமாஸகங் வா அக்³க⁴னகங் அதி³ன்னங் தெ²ய்யஸங்கா²தங் ஆதி³யதி, ஆபத்தி து³க்கடஸ்ஸ – அதி³ன்னங் ஆதி³யனபச்சயா இமா திஸ்ஸோ ஆபத்தியோ ஆபஜ்ஜதி.
Adinnaṃ ādiyanapaccayā kati āpattiyo āpajjati? Adinnaṃ ādiyanapaccayā tisso āpattiyo āpajjati. Pañcamāsakaṃ vā atirekapañcamāsakaṃ vā agghanakaṃ adinnaṃ theyyasaṅkhātaṃ ādiyati, āpatti pārājikassa; atirekamāsakaṃ vā ūnapañcamāsakaṃ vā agghanakaṃ adinnaṃ theyyasaṅkhātaṃ ādiyati, āpatti thullaccayassa; māsakaṃ vā ūnamāsakaṃ vā agghanakaṃ adinnaṃ theyyasaṅkhātaṃ ādiyati, āpatti dukkaṭassa – adinnaṃ ādiyanapaccayā imā tisso āpattiyo āpajjati.
ஸஞ்சிச்ச மனுஸ்ஸவிக்³க³ஹங் ஜீவிதா வோரோபனபச்சயா கதி ஆபத்தியோ ஆபஜ்ஜதி? ஸஞ்சிச்ச மனுஸ்ஸவிக்³க³ஹங் ஜீவிதா வோரோபனபச்சயா திஸ்ஸோ ஆபத்தியோ ஆபஜ்ஜதி. மனுஸ்ஸங் ஓதி³ஸ்ஸ ஓபாதங் க²ணதி ‘‘பபதித்வா மரிஸ்ஸதீ’’தி, ஆபத்தி து³க்கடஸ்ஸ; பபதிதே து³க்கா² வேத³னா உப்பஜ்ஜதி, ஆபத்தி து²ல்லச்சயஸ்ஸ; மரதி, ஆபத்தி பாராஜிகஸ்ஸ – ஸஞ்சிச்ச மனுஸ்ஸவிக்³க³ஹங் ஜீவிதா வோரோபனபச்சயா இமா திஸ்ஸோ ஆபத்தியோ ஆபஜ்ஜதி.
Sañcicca manussaviggahaṃ jīvitā voropanapaccayā kati āpattiyo āpajjati? Sañcicca manussaviggahaṃ jīvitā voropanapaccayā tisso āpattiyo āpajjati. Manussaṃ odissa opātaṃ khaṇati ‘‘papatitvā marissatī’’ti, āpatti dukkaṭassa; papatite dukkhā vedanā uppajjati, āpatti thullaccayassa; marati, āpatti pārājikassa – sañcicca manussaviggahaṃ jīvitā voropanapaccayā imā tisso āpattiyo āpajjati.
அஸந்தங் அபூ⁴தங் உத்தரிமனுஸ்ஸத⁴ம்மங் உல்லபனபச்சயா கதி ஆபத்தியோ ஆபஜ்ஜதி? அஸந்தங் அபூ⁴தங் உத்தரிமனுஸ்ஸத⁴ம்மங் உல்லபனபச்சயா திஸ்ஸோ ஆபத்தியோ ஆபஜ்ஜதி – பாபிச்சோ² இச்சா²பகதோ அஸந்தங் அபூ⁴தங் உத்தரிமனுஸ்ஸத⁴ம்மங் உல்லபதி, ஆபத்தி பாராஜிகஸ்ஸ, ‘‘யோ தே விஹாரே வஸதி ஸோ பி⁴க்கு² அரஹா’’தி ப⁴ணதி, படிவிஜானந்தஸ்ஸ ஆபத்தி து²ல்லச்சயஸ்ஸ; ந படிவிஜானந்தஸ்ஸ ஆபத்தி து³க்கடஸ்ஸ – அஸந்தங் அபூ⁴தங் உத்தரிமனுஸ்ஸத⁴ம்மங் உல்லபனபச்சயா இமா திஸ்ஸோ ஆபத்தியோ ஆபஜ்ஜதி.
Asantaṃ abhūtaṃ uttarimanussadhammaṃ ullapanapaccayā kati āpattiyo āpajjati? Asantaṃ abhūtaṃ uttarimanussadhammaṃ ullapanapaccayā tisso āpattiyo āpajjati – pāpiccho icchāpakato asantaṃ abhūtaṃ uttarimanussadhammaṃ ullapati, āpatti pārājikassa, ‘‘yo te vihāre vasati so bhikkhu arahā’’ti bhaṇati, paṭivijānantassa āpatti thullaccayassa; na paṭivijānantassa āpatti dukkaṭassa – asantaṃ abhūtaṃ uttarimanussadhammaṃ ullapanapaccayā imā tisso āpattiyo āpajjati.
சத்தாரோ பாராஜிகா நிட்டி²தா.
Cattāro pārājikā niṭṭhitā.
Related texts:
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / கதாபத்திவாராதி³வண்ணனா • Katāpattivārādivaṇṇanā
