| Library / Tipiṭaka / திபிடக • Tipiṭaka / பரிவாரபாளி • Parivārapāḷi |
2. கதாபத்திவாரோ
2. Katāpattivāro
1. பாராஜிககண்ட³ங்
1. Pārājikakaṇḍaṃ
228. அவஸ்ஸுதா பி⁴க்கு²னீ அவஸ்ஸுதஸ்ஸ புரிஸபுக்³க³லஸ்ஸ காயஸங்ஸக்³க³ங் ஸாதி³யந்தீ கதி ஆபத்தியோ ஆபஜ்ஜதி? அவஸ்ஸுதா பி⁴க்கு²னீ அவஸ்ஸுதஸ்ஸ புரிஸபுக்³க³லஸ்ஸ காயஸங்ஸக்³க³ங் ஸாதி³யந்தீ திஸ்ஸோ ஆபத்தியோ ஆபஜ்ஜதி . அத⁴க்க²கங் உப்³ப⁴ஜாணுமண்ட³லங் க³ஹணங் ஸாதி³யதி, ஆபத்தி பாராஜிகஸ்ஸ; உப்³ப⁴க்க²கங் அதோ⁴ஜாணுமண்ட³லங் க³ஹணங் ஸாதி³யதி, ஆபத்தி து²ல்லச்சயஸ்ஸ; காயபடிப³த்³த⁴ங் க³ஹணங் ஸாதி³யதி, ஆபத்தி து³க்கடஸ்ஸ – அவஸ்ஸுதா பி⁴க்கு²னீ அவஸ்ஸுதஸ்ஸ புரிஸபுக்³க³லஸ்ஸ காயஸங்ஸக்³க³ங் ஸாதி³யந்தீ இமா திஸ்ஸோ ஆபத்தியோ ஆபஜ்ஜதி.
228. Avassutā bhikkhunī avassutassa purisapuggalassa kāyasaṃsaggaṃ sādiyantī kati āpattiyo āpajjati? Avassutā bhikkhunī avassutassa purisapuggalassa kāyasaṃsaggaṃ sādiyantī tisso āpattiyo āpajjati . Adhakkhakaṃ ubbhajāṇumaṇḍalaṃ gahaṇaṃ sādiyati, āpatti pārājikassa; ubbhakkhakaṃ adhojāṇumaṇḍalaṃ gahaṇaṃ sādiyati, āpatti thullaccayassa; kāyapaṭibaddhaṃ gahaṇaṃ sādiyati, āpatti dukkaṭassa – avassutā bhikkhunī avassutassa purisapuggalassa kāyasaṃsaggaṃ sādiyantī imā tisso āpattiyo āpajjati.
வஜ்ஜப்படிச்சா²தி³கா பி⁴க்கு²னீ வஜ்ஜங் படிச்சா²தெ³ந்தீ கதி ஆபத்தியோ ஆபஜ்ஜதி? வஜ்ஜப்படிச்சா²தி³கா பி⁴க்கு²னீ வஜ்ஜங் படிச்சா²தெ³ந்தீ திஸ்ஸோ ஆபத்தியோ ஆபஜ்ஜதி. ஜானங் பாராஜிகங் த⁴ம்மங் படிச்சா²தே³தி, ஆபத்தி பாராஜிகஸ்ஸ; வேமதிகா படிச்சா²தே³தி, ஆபத்தி து²ல்லச்சயஸ்ஸ; ஆசாரவிபத்திங் படிச்சா²தே³தி, ஆபத்தி து³க்கடஸ்ஸ – வஜ்ஜப்படிச்சா²தி³கா பி⁴க்கு²னீ வஜ்ஜங் படிச்சா²தெ³ந்தீ இமா திஸ்ஸோ ஆபத்தியோ ஆபஜ்ஜதி.
Vajjappaṭicchādikā bhikkhunī vajjaṃ paṭicchādentī kati āpattiyo āpajjati? Vajjappaṭicchādikā bhikkhunī vajjaṃ paṭicchādentī tisso āpattiyo āpajjati. Jānaṃ pārājikaṃ dhammaṃ paṭicchādeti, āpatti pārājikassa; vematikā paṭicchādeti, āpatti thullaccayassa; ācāravipattiṃ paṭicchādeti, āpatti dukkaṭassa – vajjappaṭicchādikā bhikkhunī vajjaṃ paṭicchādentī imā tisso āpattiyo āpajjati.
உக்கி²த்தானுவத்திகா பி⁴க்கு²னீ யாவததியங் ஸமனுபா⁴ஸனாய ந படினிஸ்ஸஜ்ஜந்தீ கதி ஆபத்தியோ ஆபஜ்ஜதி? உக்கி²த்தானுவத்திகா பி⁴க்கு²னீ யாவததியங் ஸமனுபா⁴ஸனாய ந படினிஸ்ஸஜ்ஜந்தீ திஸ்ஸோ ஆபத்தியோ ஆபஜ்ஜதி. ஞத்தியா து³க்கடங்; த்³வீஹி கம்மவாசாஹி து²ல்லச்சயா; கம்மவாசாபரியோஸானே ஆபத்தி பாராஜிகஸ்ஸ – உக்கி²த்தானுவத்திகா பி⁴க்கு²னீ யாவததியங் ஸமனுபா⁴ஸனாய ந படினிஸ்ஸஜ்ஜந்தீ இமா திஸ்ஸோ ஆபத்தியோ ஆபஜ்ஜதி.
Ukkhittānuvattikā bhikkhunī yāvatatiyaṃ samanubhāsanāya na paṭinissajjantī kati āpattiyo āpajjati? Ukkhittānuvattikā bhikkhunī yāvatatiyaṃ samanubhāsanāya na paṭinissajjantī tisso āpattiyo āpajjati. Ñattiyā dukkaṭaṃ; dvīhi kammavācāhi thullaccayā; kammavācāpariyosāne āpatti pārājikassa – ukkhittānuvattikā bhikkhunī yāvatatiyaṃ samanubhāsanāya na paṭinissajjantī imā tisso āpattiyo āpajjati.
அட்ட²மங் வத்து²ங் பரிபூரெந்தீ கதி ஆபத்தியோ ஆபஜ்ஜதி? அட்ட²மங் வத்து²ங் பரிபூரெந்தீ திஸ்ஸோ ஆபத்தியோ ஆபஜ்ஜதி. புரிஸேன – ‘‘இத்த²ன்னாமங் ஓகாஸங் 1 ஆக³ச்சா²’’தி வுத்தா க³ச்ச²தி, ஆபத்தி து³க்கடஸ்ஸ; புரிஸஸ்ஸ ஹத்த²பாஸங் ஓக்கந்தமத்தே ஆபத்தி து²ல்லச்சயஸ்ஸ; அட்ட²மங் வத்து²ங் பரிபூரேதி, ஆபத்தி பாராஜிகஸ்ஸ – அட்ட²மங் வத்து²ங் பரிபூரெந்தீ இமா திஸ்ஸோ ஆபத்தியோ ஆபஜ்ஜதி.
Aṭṭhamaṃ vatthuṃ paripūrentī kati āpattiyo āpajjati? Aṭṭhamaṃ vatthuṃ paripūrentī tisso āpattiyo āpajjati. Purisena – ‘‘itthannāmaṃ okāsaṃ 2 āgacchā’’ti vuttā gacchati, āpatti dukkaṭassa; purisassa hatthapāsaṃ okkantamatte āpatti thullaccayassa; aṭṭhamaṃ vatthuṃ paripūreti, āpatti pārājikassa – aṭṭhamaṃ vatthuṃ paripūrentī imā tisso āpattiyo āpajjati.
பாராஜிகா நிட்டி²தா.
Pārājikā niṭṭhitā.
Footnotes:
