| Library / Tipiṭaka / д̇ибидага • Tipiṭaka / бариваарабаал̣и • Parivārapāḷi |
намо д̇асса бхаг̇авад̇о арахад̇о саммаасамб̣уд̣̇д̇хасса
Namo tassa bhagavato arahato sammāsambuddhassa
винаяабидагз
Vinayapiṭake
бариваарабаал̣и
Parivārapāḷi
1. бхигкувибхан̇г̇о
1. Bhikkhuvibhaṅgo
сол̣асамахаавааро
Soḷasamahāvāro
1. гад̇т̇абан̃н̃ад̇д̇ивааро
1. Katthapaññattivāro
1. баарааж̇игаган̣д̣ам̣
1. Pārājikakaṇḍaṃ
1. яам̣ д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна батамам̣ баарааж̇игам̣ гад̇т̇а бан̃н̃ад̇д̇ам̣, гам̣ аараб̣бха, гисмим̣ вад̇т̇усмим̣? ад̇т̇и д̇ад̇т̇а бан̃н̃ад̇д̇и, анубан̃н̃ад̇д̇и, ануббаннабан̃н̃ад̇д̇и? саб̣б̣ад̇т̇абан̃н̃ад̇д̇и, бад̣̇зсабан̃н̃ад̇д̇и? саад̇хааран̣абан̃н̃ад̇д̇и, асаад̇хааран̣абан̃н̃ад̇д̇и? згад̇обан̃н̃ад̇д̇и, убхад̇обан̃н̃ад̇д̇и? бан̃жаннам̣ баад̇имогкуд̣̇д̣̇зсаанам̣ гад̇т̇ог̇ад̇хам̣ гад̇т̇а барияаабаннам̣? гад̇амзна уд̣̇д̣̇зсзна уд̣̇д̣̇зсам̣ ааг̇ажчад̇и? жад̇уннам̣ вибад̇д̇ийнам̣ гад̇амаа вибад̇д̇и? сад̇д̇аннам̣ аабад̇д̇игканд̇хаанам̣ гад̇амо аабад̇д̇игканд̇хо? чаннам̣ аабад̇д̇исамудтаанаанам̣ гад̇ихи самудтаанзхи самудтаад̇и? жад̇уннам̣ ад̇хигаран̣аанам̣ гад̇амам̣ ад̇хигаран̣ам̣? сад̇д̇аннам̣ самат̇аанам̣ гад̇ихи самат̇зхи саммад̇и? го д̇ад̇т̇а винаяо, го д̇ад̇т̇а абхивинаяо? гим̣ д̇ад̇т̇а баад̇имогкам̣, гим̣ д̇ад̇т̇а ад̇хибаад̇имогкам̣? гаа вибад̇д̇и? гаа самбад̇д̇и? гаа бадибад̇д̇и? гад̇и ад̇т̇авасз бадижжа бхаг̇авад̇аа батамам̣ баарааж̇игам̣ бан̃н̃ад̇д̇ам̣? гз сигканд̇и? гз сигкид̇асигкаа? гад̇т̇а тид̇ам̣? гз д̇хаарзнд̇и? гасса важанам̣? гзнаабхад̇анд̇и?
1. Yaṃ tena bhagavatā jānatā passatā arahatā sammāsambuddhena paṭhamaṃ pārājikaṃ kattha paññattaṃ, kaṃ ārabbha, kismiṃ vatthusmiṃ? Atthi tattha paññatti, anupaññatti, anuppannapaññatti? Sabbatthapaññatti, padesapaññatti? Sādhāraṇapaññatti, asādhāraṇapaññatti? Ekatopaññatti, ubhatopaññatti? Pañcannaṃ pātimokkhuddesānaṃ katthogadhaṃ kattha pariyāpannaṃ? Katamena uddesena uddesaṃ āgacchati? Catunnaṃ vipattīnaṃ katamā vipatti? Sattannaṃ āpattikkhandhānaṃ katamo āpattikkhandho? Channaṃ āpattisamuṭṭhānānaṃ katihi samuṭṭhānehi samuṭṭhāti? Catunnaṃ adhikaraṇānaṃ katamaṃ adhikaraṇaṃ? Sattannaṃ samathānaṃ katihi samathehi sammati? Ko tattha vinayo, ko tattha abhivinayo? Kiṃ tattha pātimokkhaṃ, kiṃ tattha adhipātimokkhaṃ? Kā vipatti? Kā sampatti? Kā paṭipatti? Kati atthavase paṭicca bhagavatā paṭhamaṃ pārājikaṃ paññattaṃ? Ke sikkhanti? Ke sikkhitasikkhā? Kattha ṭhitaṃ? Ke dhārenti? Kassa vacanaṃ? Kenābhatanti?
2. яам̣ д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна батамам̣ баарааж̇игам̣ гад̇т̇а бан̃н̃ад̇д̇анд̇и? взсаалияам̣ бан̃н̃ад̇д̇ам̣. гам̣ аараб̣бхаад̇и? суд̣̇иннам̣ галанд̣̇абуд̇д̇ам̣ аараб̣бха. гисмим̣ вад̇т̇усминд̇и? суд̣̇инно галанд̣̇абуд̇д̇о бураан̣ад̣̇уд̇ияигааяа мзт̇унам̣ д̇хаммам̣ бадисзви, д̇асмим̣ вад̇т̇усмим̣. ад̇т̇и д̇ад̇т̇а бан̃н̃ад̇д̇и, анубан̃н̃ад̇д̇и, ануббаннабан̃н̃ад̇д̇ийд̇и? згаа бан̃н̃ад̇д̇и, д̣̇вз анубан̃н̃ад̇д̇ияо. ануббаннабан̃н̃ад̇д̇и д̇асмим̣ над̇т̇и. саб̣б̣ад̇т̇абан̃н̃ад̇д̇и, бад̣̇зсабан̃н̃ад̇д̇ийд̇и? саб̣б̣ад̇т̇абан̃н̃ад̇д̇и. саад̇хааран̣абан̃н̃ад̇д̇и, асаад̇хааран̣абан̃н̃ад̇д̇ийд̇и? саад̇хааран̣абан̃н̃ад̇д̇и. згад̇обан̃н̃ад̇д̇и, убхад̇обан̃н̃ад̇д̇ийд̇и? убхад̇обан̃н̃ад̇д̇и. бан̃жаннам̣ баад̇имогкуд̣̇д̣̇зсаанам̣ гад̇т̇ог̇ад̇хам̣ гад̇т̇а барияаабаннанд̇и? нид̣̇ааног̇ад̇хам̣, нид̣̇аанабарияаабаннам̣. гад̇амзна уд̣̇д̣̇зсзна уд̣̇д̣̇зсам̣ ааг̇ажчад̇ийд̇и? д̣̇уд̇иязна уд̣̇д̣̇зсзна уд̣̇д̣̇зсам̣ ааг̇ажчад̇и. жад̇уннам̣ вибад̇д̇ийнам̣ гад̇амаа вибад̇д̇ийд̇и? сийлавибад̇д̇и. сад̇д̇аннам̣ аабад̇д̇игканд̇хаанам̣ гад̇амо аабад̇д̇игканд̇ход̇и? баарааж̇игаабад̇д̇игканд̇хо. чаннам̣ аабад̇д̇исамудтаанаанам̣ гад̇ихи самудтаанзхи самудтаад̇ийд̇и? згзна самудтаанзна самудтаад̇и – гааяад̇о жа жид̇д̇ад̇о жа самудтаад̇и, на ваажад̇о. жад̇уннам̣ ад̇хигаран̣аанам̣ гад̇амам̣ ад̇хигаран̣анд̇и? аабад̇д̇аад̇хигаран̣ам̣. сад̇д̇аннам̣ самат̇аанам̣ гад̇ихи самат̇зхи саммад̇ийд̇и? д̣̇вийхи самат̇зхи саммад̇и – саммукаавинаязна жа бадин̃н̃аад̇агаран̣зна жа. го д̇ад̇т̇а винаяо, го д̇ад̇т̇а абхивинаяод̇и? бан̃н̃ад̇д̇и винаяо, вибхад̇д̇и абхивинаяо. гим̣ д̇ад̇т̇а баад̇имогкам̣, гим̣ д̇ад̇т̇а ад̇хибаад̇имогканд̇и? бан̃н̃ад̇д̇и баад̇имогкам̣, вибхад̇д̇и ад̇хибаад̇имогкам̣. гаа вибад̇д̇ийд̇и? асам̣варо вибад̇д̇и. гаа самбад̇д̇ийд̇и? сам̣варо самбад̇д̇и. гаа бадибад̇д̇ийд̇и? на зваруубам̣ гариссаамийд̇и яааваж̇ийвам̣ аабаан̣агодигам̣ самаад̣̇ааяа сигкад̇и сигкаабад̣̇зсу. 1 гад̇и ад̇т̇авасз бадижжа бхаг̇авад̇аа батамам̣ баарааж̇игам̣ бан̃н̃ад̇д̇анд̇и? д̣̇аса ад̇т̇авасз бадижжа бхаг̇авад̇аа батамам̣ баарааж̇игам̣ бан̃н̃ад̇д̇ам̣ – сан̇гхасудтуд̇ааяа, сан̇гхапаасуд̇ааяа, д̣̇умман̇гуунам̣ буг̇г̇алаанам̣ ниг̇г̇ахааяа, бзсалаанам̣ бхигкуунам̣ паасувихаарааяа, д̣̇идтад̇хаммигаанам̣ аасаваанам̣ сам̣варааяа, самбарааяигаанам̣ аасаваанам̣ бадигхаад̇ааяа, аббасаннаанам̣ басаад̣̇ааяа, басаннаанам̣ бхияяобхаавааяа, сад̣̇д̇хаммадтид̇ияаа, винаяаануг̇г̇ахааяа. гз сигканд̇ийд̇и? сзгкаа жа бут̇уж̇ж̇анагаляаан̣агаа жа сигканд̇и. гз сигкид̇асигкаад̇и? араханд̇о сигкид̇асигкаа . гад̇т̇а тид̇анд̇и? сигкаагаамзсу тид̇ам̣. гз д̇хаарзнд̇ийд̇и? язсам̣ вад̇д̇ад̇и д̇з д̇хаарзнд̇и. гасса важананд̇и? бхаг̇авад̇о важанам̣ арахад̇о саммаасамб̣уд̣̇д̇хасса. гзнаабхад̇анд̇и? барамбараабхад̇ам̣ –
2. Yaṃ tena bhagavatā jānatā passatā arahatā sammāsambuddhena paṭhamaṃ pārājikaṃ kattha paññattanti? Vesāliyaṃ paññattaṃ. Kaṃ ārabbhāti? Sudinnaṃ kalandaputtaṃ ārabbha. Kismiṃ vatthusminti? Sudinno kalandaputto purāṇadutiyikāya methunaṃ dhammaṃ paṭisevi, tasmiṃ vatthusmiṃ. Atthi tattha paññatti, anupaññatti, anuppannapaññattīti? Ekā paññatti, dve anupaññattiyo. Anuppannapaññatti tasmiṃ natthi. Sabbatthapaññatti, padesapaññattīti? Sabbatthapaññatti. Sādhāraṇapaññatti, asādhāraṇapaññattīti? Sādhāraṇapaññatti. Ekatopaññatti, ubhatopaññattīti? Ubhatopaññatti. Pañcannaṃ pātimokkhuddesānaṃ katthogadhaṃ kattha pariyāpannanti? Nidānogadhaṃ, nidānapariyāpannaṃ. Katamena uddesena uddesaṃ āgacchatīti? Dutiyena uddesena uddesaṃ āgacchati. Catunnaṃ vipattīnaṃ katamā vipattīti? Sīlavipatti. Sattannaṃ āpattikkhandhānaṃ katamo āpattikkhandhoti? Pārājikāpattikkhandho. Channaṃ āpattisamuṭṭhānānaṃ katihi samuṭṭhānehi samuṭṭhātīti? Ekena samuṭṭhānena samuṭṭhāti – kāyato ca cittato ca samuṭṭhāti, na vācato. Catunnaṃ adhikaraṇānaṃ katamaṃ adhikaraṇanti? Āpattādhikaraṇaṃ. Sattannaṃ samathānaṃ katihi samathehi sammatīti? Dvīhi samathehi sammati – sammukhāvinayena ca paṭiññātakaraṇena ca. Ko tattha vinayo, ko tattha abhivinayoti? Paññatti vinayo, vibhatti abhivinayo. Kiṃ tattha pātimokkhaṃ, kiṃ tattha adhipātimokkhanti? Paññatti pātimokkhaṃ, vibhatti adhipātimokkhaṃ. Kā vipattīti? Asaṃvaro vipatti. Kā sampattīti? Saṃvaro sampatti. Kā paṭipattīti? Na evarūpaṃ karissāmīti yāvajīvaṃ āpāṇakoṭikaṃ samādāya sikkhati sikkhāpadesu. 2 Kati atthavase paṭicca bhagavatā paṭhamaṃ pārājikaṃ paññattanti? Dasa atthavase paṭicca bhagavatā paṭhamaṃ pārājikaṃ paññattaṃ – saṅghasuṭṭhutāya, saṅghaphāsutāya, dummaṅkūnaṃ puggalānaṃ niggahāya, pesalānaṃ bhikkhūnaṃ phāsuvihārāya, diṭṭhadhammikānaṃ āsavānaṃ saṃvarāya, samparāyikānaṃ āsavānaṃ paṭighātāya, appasannānaṃ pasādāya, pasannānaṃ bhiyyobhāvāya, saddhammaṭṭhitiyā, vinayānuggahāya. Ke sikkhantīti? Sekkhā ca puthujjanakalyāṇakā ca sikkhanti. Ke sikkhitasikkhāti? Arahanto sikkhitasikkhā . Kattha ṭhitanti? Sikkhākāmesu ṭhitaṃ. Ke dhārentīti? Yesaṃ vattati te dhārenti. Kassa vacananti? Bhagavato vacanaṃ arahato sammāsambuddhassa. Kenābhatanti? Paramparābhataṃ –
3.
3.
убаали д̣̇аасаго жзва, сон̣аго сиг̇г̇аво д̇ат̇аа;
Upāli dāsako ceva, soṇako siggavo tathā;
бхад̣̇д̣̇анаамо жа бан̣д̣ид̇о.
Bhaddanāmo ca paṇḍito.
зд̇з нааг̇аа махаабан̃н̃аа, ж̇амб̣уд̣̇ийбаа ид̇хааг̇ад̇аа;
Ete nāgā mahāpaññā, jambudīpā idhāgatā;
винаяам̣ д̇з ваажаяим̣су, бидагам̣ д̇амб̣абан̣н̣ияаа.
Vinayaṃ te vācayiṃsu, piṭakaṃ tambapaṇṇiyā.
нигааяз бан̃жа ваажзсум̣, сад̇д̇а жзва багаран̣з;
Nikāye pañca vācesuṃ, satta ceva pakaraṇe;
д̇ад̇о аридто мзд̇хаавий, д̇иссад̣̇ад̇д̇о жа бан̣д̣ид̇о.
Tato ariṭṭho medhāvī, tissadatto ca paṇḍito.
висаарад̣̇о гаал̣асумано, т̇зро жа д̣̇ийгханаамаго;
Visārado kāḷasumano, thero ca dīghanāmako;
д̣̇ийгхасумано жа бан̣д̣ид̇о.
Dīghasumano ca paṇḍito.
бунад̣̇зва 11 гаал̣асумано, нааг̇ад̇т̇зро жа б̣уд̣̇д̇харагкид̇о;
Punadeva 12 kāḷasumano, nāgatthero ca buddharakkhito;
д̇иссад̇т̇зро жа мзд̇хаавий, д̣̇звад̇т̇зро 13 жа бан̣д̣ид̇о.
Tissatthero ca medhāvī, devatthero 14 ca paṇḍito.
бунад̣̇зва сумано мзд̇хаавий, винаяз жа висаарад̣̇о;
Punadeva sumano medhāvī, vinaye ca visārado;
б̣ахуссуд̇о жуул̣анааг̇о, г̇аж̇ова д̣̇уббад̇хам̣сияо.
Bahussuto cūḷanāgo, gajova duppadhaṃsiyo.
д̇асса сиссо махаабан̃н̃о кзманаамо д̇ибздаго.
Tassa sisso mahāpañño khemanāmo tipeṭako.
д̣̇ийбз д̇аарагарааж̇аава бан̃н̃ааяа ад̇ирожат̇а;
Dīpe tārakarājāva paññāya atirocatha;
убад̇иссо жа мзд̇хаавий, пуссад̣̇зво махаагат̇ий.
Upatisso ca medhāvī, phussadevo mahākathī.
бунад̣̇зва сумано мзд̇хаавий, бубпанаамо б̣ахуссуд̇о;
Punadeva sumano medhāvī, pupphanāmo bahussuto;
махаагат̇ий махаасиво, бидагз саб̣б̣ад̇т̇а говид̣̇о.
Mahākathī mahāsivo, piṭake sabbattha kovido.
бунад̣̇зва убаали мзд̇хаавий, винаяз жа висаарад̣̇о;
Punadeva upāli medhāvī, vinaye ca visārado;
махаанааг̇о махаабан̃н̃о, сад̣̇д̇хаммавам̣саговид̣̇о.
Mahānāgo mahāpañño, saddhammavaṃsakovido.
бунад̣̇зва абхаяо мзд̇хаавий, бидагз саб̣б̣ад̇т̇а говид̣̇о;
Punadeva abhayo medhāvī, piṭake sabbattha kovido;
д̇иссад̇т̇зро жа мзд̇хаавий, винаяз жа висаарад̣̇о.
Tissatthero ca medhāvī, vinaye ca visārado.
д̇асса сиссо махаабан̃н̃о, бубпанаамо б̣ахуссуд̇о;
Tassa sisso mahāpañño, pupphanāmo bahussuto;
саасанам̣ анурагканд̇о, ж̇амб̣уд̣̇ийбз бад̇идтид̇о.
Sāsanaṃ anurakkhanto, jambudīpe patiṭṭhito.
жуул̣аабхаяо жа мзд̇хаавий, винаяз жа висаарад̣̇о;
Cūḷābhayo ca medhāvī, vinaye ca visārado;
д̇иссад̇т̇зро жа мзд̇хаавий, сад̣̇д̇хаммавам̣саговид̣̇о.
Tissatthero ca medhāvī, saddhammavaṃsakovido.
сивад̇т̇зро жа мзд̇хаавий, винаяз саб̣б̣ад̇т̇а говид̣̇о.
Sivatthero ca medhāvī, vinaye sabbattha kovido.
зд̇з нааг̇аа махаабан̃н̃аа, винаяан̃н̃уу маг̇г̇аговид̣̇аа;
Ete nāgā mahāpaññā, vinayaññū maggakovidā;
винаяам̣ д̣̇ийбз багаасзсум̣, бидагам̣ д̇амб̣абан̣н̣ияаад̇и.
Vinayaṃ dīpe pakāsesuṃ, piṭakaṃ tambapaṇṇiyāti.
4. яам̣ д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна д̣̇уд̇ияам̣ баарааж̇игам̣ гад̇т̇а бан̃н̃ад̇д̇анд̇и? рааж̇аг̇ахз бан̃н̃ад̇д̇ам̣. гам̣ аараб̣бхаад̇и? д̇ханияам̣ гумбхагаарабуд̇д̇ам̣ аараб̣бха. гисмим̣ вад̇т̇усминд̇и? д̇ханияо гумбхагаарабуд̇д̇о ран̃н̃о д̣̇аарууни ад̣̇иннам̣ аад̣̇ияи, д̇асмим̣ вад̇т̇усмим̣. згаа бан̃н̃ад̇д̇и, згаа анубан̃н̃ад̇д̇и. чаннам̣ аабад̇д̇исамудтаанаанам̣ гад̇ихи самудтаанзхи самудтаад̇ийд̇и? д̇ийхи самудтаанзхи самудтаад̇и – сияаа гааяад̇о жа жид̇д̇ад̇о жа самудтаад̇и , на ваажад̇о; сияаа ваажад̇о жа жид̇д̇ад̇о жа самудтаад̇и, на гааяад̇о; сияаа гааяад̇о жа ваажад̇о жа жид̇д̇ад̇о жа самудтаад̇и…бз….
4. Yaṃ tena bhagavatā jānatā passatā arahatā sammāsambuddhena dutiyaṃ pārājikaṃ kattha paññattanti? Rājagahe paññattaṃ. Kaṃ ārabbhāti? Dhaniyaṃ kumbhakāraputtaṃ ārabbha. Kismiṃ vatthusminti? Dhaniyo kumbhakāraputto rañño dārūni adinnaṃ ādiyi, tasmiṃ vatthusmiṃ. Ekā paññatti, ekā anupaññatti. Channaṃ āpattisamuṭṭhānānaṃ katihi samuṭṭhānehi samuṭṭhātīti? Tīhi samuṭṭhānehi samuṭṭhāti – siyā kāyato ca cittato ca samuṭṭhāti , na vācato; siyā vācato ca cittato ca samuṭṭhāti, na kāyato; siyā kāyato ca vācato ca cittato ca samuṭṭhāti…pe….
5. д̇ад̇ияам̣ баарааж̇игам̣ гад̇т̇а бан̃н̃ад̇д̇анд̇и? взсаалияам̣ бан̃н̃ад̇д̇ам̣. гам̣ аараб̣бхаад̇и? самб̣ахулз бхигкуу аараб̣бха. гисмим̣ вад̇т̇усминд̇и? самб̣ахулаа бхигкуу ан̃н̃аман̃н̃ам̣ ж̇ийвид̇аа воробзсум̣, д̇асмим̣ вад̇т̇усмим̣. згаа бан̃н̃ад̇д̇и, згаа анубан̃н̃ад̇д̇и. чаннам̣ аабад̇д̇исамудтаанаанам̣ гад̇ихи самудтаанзхи самудтаад̇ийд̇и? д̇ийхи самудтаанзхи самудтаад̇и – сияаа гааяад̇о жа жид̇д̇ад̇о жа самудтаад̇и, на ваажад̇о; сияаа ваажад̇о жа жид̇д̇ад̇о жа самудтаад̇и, на гааяад̇о; сияаа гааяад̇о жа ваажад̇о жа жид̇д̇ад̇о жа самудтаад̇и…бз….
5. Tatiyaṃ pārājikaṃ kattha paññattanti? Vesāliyaṃ paññattaṃ. Kaṃ ārabbhāti? Sambahule bhikkhū ārabbha. Kismiṃ vatthusminti? Sambahulā bhikkhū aññamaññaṃ jīvitā voropesuṃ, tasmiṃ vatthusmiṃ. Ekā paññatti, ekā anupaññatti. Channaṃ āpattisamuṭṭhānānaṃ katihi samuṭṭhānehi samuṭṭhātīti? Tīhi samuṭṭhānehi samuṭṭhāti – siyā kāyato ca cittato ca samuṭṭhāti, na vācato; siyā vācato ca cittato ca samuṭṭhāti, na kāyato; siyā kāyato ca vācato ca cittato ca samuṭṭhāti…pe….
6. жад̇уд̇т̇ам̣ баарааж̇игам̣ гад̇т̇а бан̃н̃ад̇д̇анд̇и? взсаалияам̣ бан̃н̃ад̇д̇ам̣. гам̣ аараб̣бхаад̇и? ваг̇г̇умуд̣̇аад̇ийрияз бхигкуу аараб̣бха. гисмим̣ вад̇т̇усминд̇и? ваг̇г̇умуд̣̇аад̇ийрияаа бхигкуу г̇ихийнам̣ ан̃н̃аман̃н̃асса уд̇д̇аримануссад̇хаммасса ван̣н̣ам̣ бхаасим̣су, д̇асмим̣ вад̇т̇усмим̣. згаа бан̃н̃ад̇д̇и, згаа анубан̃н̃ад̇д̇и. чаннам̣ аабад̇д̇исамудтаанаанам̣ гад̇ихи самудтаанзхи самудтаад̇ийд̇и? д̇ийхи самудтаанзхи самудтаад̇и – сияаа гааяад̇о жа жид̇д̇ад̇о жа самудтаад̇и, на ваажад̇о; сияаа ваажад̇о жа жид̇д̇ад̇о жа самудтаад̇и, на гааяад̇о; сияаа гааяад̇о жа ваажад̇о жа жид̇д̇ад̇о жа самудтаад̇и…бз….
6. Catutthaṃ pārājikaṃ kattha paññattanti? Vesāliyaṃ paññattaṃ. Kaṃ ārabbhāti? Vaggumudātīriye bhikkhū ārabbha. Kismiṃ vatthusminti? Vaggumudātīriyā bhikkhū gihīnaṃ aññamaññassa uttarimanussadhammassa vaṇṇaṃ bhāsiṃsu, tasmiṃ vatthusmiṃ. Ekā paññatti, ekā anupaññatti. Channaṃ āpattisamuṭṭhānānaṃ katihi samuṭṭhānehi samuṭṭhātīti? Tīhi samuṭṭhānehi samuṭṭhāti – siyā kāyato ca cittato ca samuṭṭhāti, na vācato; siyā vācato ca cittato ca samuṭṭhāti, na kāyato; siyā kāyato ca vācato ca cittato ca samuṭṭhāti…pe….
жад̇д̇ааро баарааж̇игаа нидтид̇аа.
Cattāro pārājikā niṭṭhitā.
д̇ассуд̣̇д̣̇аанам̣ –
Tassuddānaṃ –
мзт̇унаад̣̇иннаад̣̇аанан̃жа , мануссавиг̇г̇ахуд̇д̇ари;
Methunādinnādānañca , manussaviggahuttari;
баарааж̇игаани жад̇д̇аари, чзж̇ж̇авад̇т̇уу асам̣саяаад̇и.
Pārājikāni cattāri, chejjavatthū asaṃsayāti.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / бан̃н̃ад̇д̇иваараван̣н̣анаа • Paññattivāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / бан̃н̃ад̇д̇иваараван̣н̣анаа • Paññattivāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / бан̃н̃ад̇д̇иваараван̣н̣анаа • Paññattivāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / бан̃н̃ад̇д̇иваараван̣н̣анаа • Paññattivāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / гад̇аабад̇д̇иваараад̣̇иван̣н̣анаа • Katāpattivārādivaṇṇanā
