| Library / Tipiṭaka / д̇ибидага • Tipiṭaka / бариваарабаал̣и • Parivārapāḷi |
2. гад̇аабад̇д̇ивааро
2. Katāpattivāro
1. баарааж̇игаган̣д̣ам̣
1. Pārājikakaṇḍaṃ
157. мзт̇унам̣ д̇хаммам̣ бадисзванд̇о гад̇и аабад̇д̇ияо аабаж̇ж̇ад̇и? мзт̇унам̣ д̇хаммам̣ бадисзванд̇о д̇иссо аабад̇д̇ияо аабаж̇ж̇ад̇и. агкааяид̇з сарийрз мзт̇унам̣ д̇хаммам̣ бадисзвад̇и, аабад̇д̇и баарааж̇игасса; язбхуяязна кааяид̇з сарийрз мзт̇унам̣ д̇хаммам̣ бадисзвад̇и, аабад̇д̇и т̇уллажжаяасса; ваддагад̇з 1 мукз ажчубанд̇ам̣ ан̇г̇аж̇аад̇ам̣ бавзсзд̇и, аабад̇д̇и д̣̇уггадасса – мзт̇унам̣ д̇хаммам̣ бадисзванд̇о имаа д̇иссо аабад̇д̇ияо аабаж̇ж̇ад̇и.
157. Methunaṃ dhammaṃ paṭisevanto kati āpattiyo āpajjati? Methunaṃ dhammaṃ paṭisevanto tisso āpattiyo āpajjati. Akkhāyite sarīre methunaṃ dhammaṃ paṭisevati, āpatti pārājikassa; yebhuyyena khāyite sarīre methunaṃ dhammaṃ paṭisevati, āpatti thullaccayassa; vaṭṭakate 2 mukhe acchupantaṃ aṅgajātaṃ paveseti, āpatti dukkaṭassa – methunaṃ dhammaṃ paṭisevanto imā tisso āpattiyo āpajjati.
158. ад̣̇иннам̣ аад̣̇ияанд̇о гад̇и аабад̇д̇ияо аабаж̇ж̇ад̇и? ад̣̇иннам̣ аад̣̇ияанд̇о д̇иссо аабад̇д̇ияо аабаж̇ж̇ад̇и. бан̃жамаасагам̣ ваа ад̇ирзгабан̃жамаасагам̣ ваа аг̇гханагам̣ ад̣̇иннам̣ т̇зяяасан̇каад̇ам̣ аад̣̇ияад̇и, аабад̇д̇и баарааж̇игасса; ад̇ирзгамаасагам̣ ваа уунабан̃жамаасагам̣ ваа аг̇гханагам̣ ад̣̇иннам̣ т̇зяяасан̇каад̇ам̣ аад̣̇ияад̇и, аабад̇д̇и т̇уллажжаяасса; маасагам̣ ваа уунамаасагам̣ ваа аг̇гханагам̣ ад̣̇иннам̣ т̇зяяасан̇каад̇ам̣ аад̣̇ияад̇и, аабад̇д̇и д̣̇уггадасса – ад̣̇иннам̣ аад̣̇ияанд̇о имаа д̇иссо аабад̇д̇ияо аабаж̇ж̇ад̇и.
158. Adinnaṃ ādiyanto kati āpattiyo āpajjati? Adinnaṃ ādiyanto tisso āpattiyo āpajjati. Pañcamāsakaṃ vā atirekapañcamāsakaṃ vā agghanakaṃ adinnaṃ theyyasaṅkhātaṃ ādiyati, āpatti pārājikassa; atirekamāsakaṃ vā ūnapañcamāsakaṃ vā agghanakaṃ adinnaṃ theyyasaṅkhātaṃ ādiyati, āpatti thullaccayassa; māsakaṃ vā ūnamāsakaṃ vā agghanakaṃ adinnaṃ theyyasaṅkhātaṃ ādiyati, āpatti dukkaṭassa – adinnaṃ ādiyanto imā tisso āpattiyo āpajjati.
159. сан̃жижжа мануссавиг̇г̇ахам̣ ж̇ийвид̇аа воробзнд̇о гад̇и аабад̇д̇ияо аабаж̇ж̇ад̇и? сан̃жижжа мануссавиг̇г̇ахам̣ ж̇ийвид̇аа воробзнд̇о д̇иссо аабад̇д̇ияо аабаж̇ж̇ад̇и. мануссам̣ од̣̇исса обаад̇ам̣ кан̣ад̇и ‘‘бабад̇ид̇ваа мариссад̇ий’’д̇и, аабад̇д̇и д̣̇уггадасса; бабад̇ид̇з д̣̇угкаа взд̣̇анаа уббаж̇ж̇ад̇и, аабад̇д̇и т̇уллажжаяасса; марад̇и, аабад̇д̇и баарааж̇игасса – сан̃жижжа мануссавиг̇г̇ахам̣ ж̇ийвид̇аа воробзнд̇о имаа д̇иссо аабад̇д̇ияо аабаж̇ж̇ад̇и.
159. Sañcicca manussaviggahaṃ jīvitā voropento kati āpattiyo āpajjati? Sañcicca manussaviggahaṃ jīvitā voropento tisso āpattiyo āpajjati. Manussaṃ odissa opātaṃ khaṇati ‘‘papatitvā marissatī’’ti, āpatti dukkaṭassa; papatite dukkhā vedanā uppajjati, āpatti thullaccayassa; marati, āpatti pārājikassa – sañcicca manussaviggahaṃ jīvitā voropento imā tisso āpattiyo āpajjati.
160. асанд̇ам̣ абхууд̇ам̣ уд̇д̇аримануссад̇хаммам̣ уллабанд̇о гад̇и аабад̇д̇ияо аабаж̇ж̇ад̇и? асанд̇ам̣ абхууд̇ам̣ уд̇д̇аримануссад̇хаммам̣ уллабанд̇о д̇иссо аабад̇д̇ияо аабаж̇ж̇ад̇и. баабижчо ижчаабагад̇о асанд̇ам̣ абхууд̇ам̣ уд̇д̇аримануссад̇хаммам̣ уллабад̇и, аабад̇д̇и баарааж̇игасса; ‘‘яо д̇з вихаарз васад̇и, со бхигку арахаа’’д̇и бхан̣ад̇и, бадивиж̇аананд̇асса аабад̇д̇и т̇уллажжаяасса; на бадивиж̇аананд̇асса аабад̇д̇и д̣̇уггадасса – асанд̇ам̣ абхууд̇ам̣ уд̇д̇аримануссад̇хаммам̣ уллабанд̇о имаа д̇иссо аабад̇д̇ияо аабаж̇ж̇ад̇и.
160. Asantaṃ abhūtaṃ uttarimanussadhammaṃ ullapanto kati āpattiyo āpajjati? Asantaṃ abhūtaṃ uttarimanussadhammaṃ ullapanto tisso āpattiyo āpajjati. Pāpiccho icchāpakato asantaṃ abhūtaṃ uttarimanussadhammaṃ ullapati, āpatti pārājikassa; ‘‘yo te vihāre vasati, so bhikkhu arahā’’ti bhaṇati, paṭivijānantassa āpatti thullaccayassa; na paṭivijānantassa āpatti dukkaṭassa – asantaṃ abhūtaṃ uttarimanussadhammaṃ ullapanto imā tisso āpattiyo āpajjati.
жад̇д̇ааро баарааж̇игаа нидтид̇аа.
Cattāro pārājikā niṭṭhitā.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / гад̇аабад̇д̇иваараад̣̇иван̣н̣анаа • Katāpattivārādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / гад̇аабад̇д̇иваараад̣̇иван̣н̣анаа • Katāpattivārādivaṇṇanā
