| Library / Tipiṭaka / д̇ибидага • Tipiṭaka / бариваарабаал̣и • Parivārapāḷi |
бхигкунийвибхан̇г̇о
Bhikkhunīvibhaṅgo
1. гад̇т̇абан̃н̃ад̇д̇ивааро
1. Katthapaññattivāro
1. баарааж̇игаган̣д̣ам̣
1. Pārājikakaṇḍaṃ
201. яам̣ д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна бхигкунийнам̣ бан̃жамам̣ баарааж̇игам̣ гад̇т̇а бан̃н̃ад̇д̇ам̣? гам̣ аараб̣бха? гисмим̣ вад̇т̇усмим̣? ад̇т̇и д̇ад̇т̇а бан̃н̃ад̇д̇и, анубан̃н̃ад̇д̇и, ануббаннабан̃н̃ад̇д̇и? саб̣б̣ад̇т̇абан̃н̃ад̇д̇и, бад̣̇зсабан̃н̃ад̇д̇и? саад̇хааран̣абан̃н̃ад̇д̇и, асаад̇хааран̣абан̃н̃ад̇д̇и? згад̇обан̃н̃ад̇д̇и, убхад̇обан̃н̃ад̇д̇и? жад̇уннам̣ баад̇имогкуд̣̇д̣̇зсаанам̣ гад̇т̇ог̇ад̇хам̣ гад̇т̇а барияаабаннам̣? гад̇амзна уд̣̇д̣̇зсзна уд̣̇д̣̇зсам̣ ааг̇ажчад̇и? жад̇уннам̣ вибад̇д̇ийнам̣ гад̇амаа вибад̇д̇и? сад̇д̇аннам̣ аабад̇д̇игканд̇хаанам̣ гад̇амо аабад̇д̇игканд̇хо? чаннам̣ аабад̇д̇исамудтаанаанам̣ гад̇ихи самудтаанзхи самудтаад̇и? жад̇уннам̣ ад̇хигаран̣аанам̣ гад̇амам̣ ад̇хигаран̣ам̣? сад̇д̇аннам̣ самат̇аанам̣ гад̇ихи самат̇зхи саммад̇и? го д̇ад̇т̇а винаяо? го д̇ад̇т̇а абхивинаяо? гим̣ д̇ад̇т̇а баад̇имогкам̣? гим̣ д̇ад̇т̇а ад̇хибаад̇имогкам̣? гаа вибад̇д̇и? гаа самбад̇д̇и? гаа бадибад̇д̇и? гад̇и ад̇т̇авасз бадижжа бхаг̇авад̇аа бхигкунийнам̣ бан̃жамам̣ баарааж̇игам̣ бан̃н̃ад̇д̇ам̣? гаа сигканд̇и? гаа сигкид̇асигкаа? гад̇т̇а тид̇ам̣? гаа д̇хаарзнд̇и? гасса важанам̣? гзнаабхад̇анд̇и?
201. Yaṃ tena bhagavatā jānatā passatā arahatā sammāsambuddhena bhikkhunīnaṃ pañcamaṃ pārājikaṃ kattha paññattaṃ? Kaṃ ārabbha? Kismiṃ vatthusmiṃ? Atthi tattha paññatti, anupaññatti, anuppannapaññatti? Sabbatthapaññatti, padesapaññatti? Sādhāraṇapaññatti, asādhāraṇapaññatti? Ekatopaññatti, ubhatopaññatti? Catunnaṃ pātimokkhuddesānaṃ katthogadhaṃ kattha pariyāpannaṃ? Katamena uddesena uddesaṃ āgacchati? Catunnaṃ vipattīnaṃ katamā vipatti? Sattannaṃ āpattikkhandhānaṃ katamo āpattikkhandho? Channaṃ āpattisamuṭṭhānānaṃ katihi samuṭṭhānehi samuṭṭhāti? Catunnaṃ adhikaraṇānaṃ katamaṃ adhikaraṇaṃ? Sattannaṃ samathānaṃ katihi samathehi sammati? Ko tattha vinayo? Ko tattha abhivinayo? Kiṃ tattha pātimokkhaṃ? Kiṃ tattha adhipātimokkhaṃ? Kā vipatti? Kā sampatti? Kā paṭipatti? Kati atthavase paṭicca bhagavatā bhikkhunīnaṃ pañcamaṃ pārājikaṃ paññattaṃ? Kā sikkhanti? Kā sikkhitasikkhā? Kattha ṭhitaṃ? Kā dhārenti? Kassa vacanaṃ? Kenābhatanti?
202. яам̣ д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна бхигкунийнам̣ бан̃жамам̣ баарааж̇игам̣ гад̇т̇а бан̃н̃ад̇д̇анд̇и? саавад̇т̇ияам̣ бан̃н̃ад̇д̇ам̣. гам̣ аараб̣бхаад̇и? сунд̣̇арийнанд̣̇ам̣ бхигкуним̣ аараб̣бха. гисмим̣ вад̇т̇усминд̇и? сунд̣̇арийнанд̣̇аа бхигкуний авассуд̇аа авассуд̇асса бурисабуг̇г̇аласса гааяасам̣саг̇г̇ам̣ саад̣̇ияи, д̇асмим̣ вад̇т̇усмим̣. ад̇т̇и д̇ад̇т̇а бан̃н̃ад̇д̇и анубан̃н̃ад̇д̇и ануббаннабан̃н̃ад̇д̇ийд̇и? згаа бан̃н̃ад̇д̇и. анубан̃н̃ад̇д̇и ануббаннабан̃н̃ад̇д̇и д̇асмим̣ над̇т̇и. саб̣б̣ад̇т̇абан̃н̃ад̇д̇и , бад̣̇зсабан̃н̃ад̇д̇ийд̇и? саб̣б̣ад̇т̇абан̃н̃ад̇д̇и. саад̇хааран̣абан̃н̃ад̇д̇и, асаад̇хааран̣абан̃н̃ад̇д̇ийд̇и? асаад̇хааран̣абан̃н̃ад̇д̇и. згад̇обан̃н̃ад̇д̇и, убхад̇обан̃н̃ад̇д̇ийд̇и? згад̇обан̃н̃ад̇д̇и. жад̇уннам̣ баад̇имогкуд̣̇д̣̇зсаанам̣ гад̇т̇ог̇ад̇хам̣ гад̇т̇а барияаабаннанд̇и? нид̣̇ааног̇ад̇хам̣ нид̣̇аанабарияаабаннам̣. гад̇амзна уд̣̇д̣̇зсзна уд̣̇д̣̇зсам̣ ааг̇ажчад̇ийд̇и? д̣̇уд̇иязна уд̣̇д̣̇зсзна уд̣̇д̣̇зсам̣ ааг̇ажчад̇и. жад̇уннам̣ вибад̇д̇ийнам̣ гад̇амаа вибад̇д̇ийд̇и? сийлавибад̇д̇и. сад̇д̇аннам̣ аабад̇д̇игканд̇хаанам̣ гад̇амо аабад̇д̇игканд̇ход̇и? баарааж̇игаабад̇д̇игканд̇хо. чаннам̣ аабад̇д̇исамудтаанаанам̣ гад̇ихи самудтаанзхи самудтаад̇ийд̇и? згзна самудтаанз самудтаад̇и – гааяад̇о жа жид̇д̇ад̇о жа самудтаад̇и, на ваажад̇о. жад̇уннам̣ ад̇хигаран̣аанам̣ гад̇амам̣ ад̇хигаран̣анд̇и? аабад̇д̇аад̇хигаран̣ам̣? сад̇д̇аннам̣ самат̇аанам̣ гад̇ихи самат̇зхи саммад̇ийд̇и? д̣̇вийхи самат̇зхи саммад̇и – саммукаавинаязна жа бадин̃н̃аад̇агаран̣зна жа. го д̇ад̇т̇а винаяо, го д̇ад̇т̇а абхивинаяод̇и? бан̃н̃ад̇д̇и винаяо, вибхад̇д̇и абхивинаяо. гим̣ д̇ад̇т̇а баад̇имогкам̣, гим̣ д̇ад̇т̇а ад̇хибаад̇имогканд̇и? бан̃н̃ад̇д̇и баад̇имогкам̣, вибхад̇д̇и ад̇хибаад̇имогкам̣. гаа вибад̇д̇ийд̇и? асам̣варо вибад̇д̇и. гаа самбад̇д̇ийд̇и ? сам̣варо самбад̇д̇и. гаа бадибад̇д̇ийд̇и? на зваруубам̣ гариссаамийд̇и яааваж̇ийвам̣ аабаан̣агодигам̣ самаад̣̇ааяа сигкад̇и сигкаабад̣̇зсу. 1 гад̇и ад̇т̇авасз бадижжа бхаг̇авад̇аа бхигкунийнам̣ бан̃жамам̣ баарааж̇игам̣ бан̃н̃ад̇д̇анд̇и? д̣̇аса ад̇т̇авасз бадижжа бхаг̇авад̇аа бхигкунийнам̣ бан̃жамам̣ баарааж̇игам̣ бан̃н̃ад̇д̇ам̣ – сан̇гхасудтуд̇ааяа, сан̇гхапаасуд̇ааяа, д̣̇умман̇гуунам̣ бхигкунийнам̣ ниг̇г̇ахааяа, бзсалаанам̣ бхигкунийнам̣ паасувихаарааяа, д̣̇идтад̇хаммигаанам̣ аасаваанам̣ сам̣варааяа, самбарааяигаанам̣ аасаваанам̣ бадигхаад̇ааяа, аббасаннаанам̣ басаад̣̇ааяа, басаннаанам̣ бхияяобхаавааяа, сад̣̇д̇хаммадтид̇ияаа, винаяаануг̇г̇ахааяа. гаа сигканд̇ийд̇и? сзгкаа жа бут̇уж̇ж̇анагаляаан̣игаа жа сигканд̇и. гаа сигкид̇асигкаад̇и? араханд̇ияо 2 сигкид̇асигкаа. гад̇т̇а тид̇анд̇и? сигкаагаамаасу тид̇ам̣. гаа д̇хаарзнд̇ийд̇и? яаасам̣ вад̇д̇ад̇и д̇аа д̇хаарзнд̇и. гасса важананд̇и? бхаг̇авад̇о важанам̣ арахад̇о саммаасамб̣уд̣̇д̇хасса. гзнаабхад̇анд̇и? барамбараабхад̇ам̣ –
202. Yaṃ tena bhagavatā jānatā passatā arahatā sammāsambuddhena bhikkhunīnaṃ pañcamaṃ pārājikaṃ kattha paññattanti? Sāvatthiyaṃ paññattaṃ. Kaṃ ārabbhāti? Sundarīnandaṃ bhikkhuniṃ ārabbha. Kismiṃ vatthusminti? Sundarīnandā bhikkhunī avassutā avassutassa purisapuggalassa kāyasaṃsaggaṃ sādiyi, tasmiṃ vatthusmiṃ. Atthi tattha paññatti anupaññatti anuppannapaññattīti? Ekā paññatti. Anupaññatti anuppannapaññatti tasmiṃ natthi. Sabbatthapaññatti , padesapaññattīti? Sabbatthapaññatti. Sādhāraṇapaññatti, asādhāraṇapaññattīti? Asādhāraṇapaññatti. Ekatopaññatti, ubhatopaññattīti? Ekatopaññatti. Catunnaṃ pātimokkhuddesānaṃ katthogadhaṃ kattha pariyāpannanti? Nidānogadhaṃ nidānapariyāpannaṃ. Katamena uddesena uddesaṃ āgacchatīti? Dutiyena uddesena uddesaṃ āgacchati. Catunnaṃ vipattīnaṃ katamā vipattīti? Sīlavipatti. Sattannaṃ āpattikkhandhānaṃ katamo āpattikkhandhoti? Pārājikāpattikkhandho. Channaṃ āpattisamuṭṭhānānaṃ katihi samuṭṭhānehi samuṭṭhātīti? Ekena samuṭṭhāne samuṭṭhāti – kāyato ca cittato ca samuṭṭhāti, na vācato. Catunnaṃ adhikaraṇānaṃ katamaṃ adhikaraṇanti? Āpattādhikaraṇaṃ? Sattannaṃ samathānaṃ katihi samathehi sammatīti? Dvīhi samathehi sammati – sammukhāvinayena ca paṭiññātakaraṇena ca. Ko tattha vinayo, ko tattha abhivinayoti? Paññatti vinayo, vibhatti abhivinayo. Kiṃ tattha pātimokkhaṃ, kiṃ tattha adhipātimokkhanti? Paññatti pātimokkhaṃ, vibhatti adhipātimokkhaṃ. Kā vipattīti? Asaṃvaro vipatti. Kā sampattīti ? Saṃvaro sampatti. Kā paṭipattīti? Na evarūpaṃ karissāmīti yāvajīvaṃ āpāṇakoṭikaṃ samādāya sikkhati sikkhāpadesu. 3 Kati atthavase paṭicca bhagavatā bhikkhunīnaṃ pañcamaṃ pārājikaṃ paññattanti? Dasa atthavase paṭicca bhagavatā bhikkhunīnaṃ pañcamaṃ pārājikaṃ paññattaṃ – saṅghasuṭṭhutāya, saṅghaphāsutāya, dummaṅkūnaṃ bhikkhunīnaṃ niggahāya, pesalānaṃ bhikkhunīnaṃ phāsuvihārāya, diṭṭhadhammikānaṃ āsavānaṃ saṃvarāya, samparāyikānaṃ āsavānaṃ paṭighātāya, appasannānaṃ pasādāya, pasannānaṃ bhiyyobhāvāya, saddhammaṭṭhitiyā, vinayānuggahāya. Kā sikkhantīti? Sekkhā ca puthujjanakalyāṇikā ca sikkhanti. Kā sikkhitasikkhāti? Arahantiyo 4 sikkhitasikkhā. Kattha ṭhitanti? Sikkhākāmāsu ṭhitaṃ. Kā dhārentīti? Yāsaṃ vattati tā dhārenti. Kassa vacananti? Bhagavato vacanaṃ arahato sammāsambuddhassa. Kenābhatanti? Paramparābhataṃ –
убаали д̣̇аасаго жзва, сон̣аго сиг̇г̇аво д̇ат̇аа;
Upāli dāsako ceva, soṇako siggavo tathā;
мог̇г̇алибуд̇д̇зна бан̃жамаа, зд̇з ж̇амб̣усиривхаяз.
Moggaliputtena pañcamā, ete jambusirivhaye.
д̇ад̇о махинд̣̇о иддияо, уд̇д̇ияо самб̣ало д̇ат̇аа;
Tato mahindo iṭṭiyo, uttiyo sambalo tathā;
бхад̣̇д̣̇анаамо жа бан̣д̣ид̇о.
Bhaddanāmo ca paṇḍito.
зд̇з нааг̇аа махаабан̃н̃аа, ж̇амб̣уд̣̇ийбаа ид̇хааг̇ад̇аа;
Ete nāgā mahāpaññā, jambudīpā idhāgatā;
винаяам̣ д̇з ваажаяим̣су, бидагам̣ д̇амб̣абан̣н̣ияаа.
Vinayaṃ te vācayiṃsu, piṭakaṃ tambapaṇṇiyā.
нигааяз бан̃жа ваажзсум̣, сад̇д̇а жзва багаран̣з;
Nikāye pañca vācesuṃ, satta ceva pakaraṇe;
д̇ад̇о аридто мзд̇хаавий, д̇иссад̣̇ад̇д̇о жа бан̣д̣ид̇о.
Tato ariṭṭho medhāvī, tissadatto ca paṇḍito.
висаарад̣̇о гаал̣асумано, т̇зро жа д̣̇ийгханаамаго;
Visārado kāḷasumano, thero ca dīghanāmako;
д̣̇ийгхасумано жа бан̣д̣ид̇о.
Dīghasumano ca paṇḍito.
бунад̣̇зва гаал̣асумано, нааг̇ад̇т̇зро жа б̣уд̣̇д̇харагкид̇о;
Punadeva kāḷasumano, nāgatthero ca buddharakkhito;
д̇иссад̇т̇зро жа мзд̇хаавий, д̣̇звад̇т̇зро жа бан̣д̣ид̇о.
Tissatthero ca medhāvī, devatthero ca paṇḍito.
бунад̣̇зва сумано мзд̇хаавий, винаяз жа висаарад̣̇о;
Punadeva sumano medhāvī, vinaye ca visārado;
б̣ахуссуд̇о жуул̣анааг̇о, г̇аж̇ова д̣̇уббад̇хам̣сияо.
Bahussuto cūḷanāgo, gajova duppadhaṃsiyo.
д̇хаммабаалид̇анаамо жа, рохан̣з саад̇хубууж̇ид̇о;
Dhammapālitanāmo ca, rohaṇe sādhupūjito;
д̇асса сиссо махаабан̃н̃о, кзманаамо д̇ибздаго.
Tassa sisso mahāpañño, khemanāmo tipeṭako.
д̣̇ийбз д̇аарагарааж̇аава бан̃н̃ааяа ад̇ирожат̇а;
Dīpe tārakarājāva paññāya atirocatha;
убад̇иссо жа мзд̇хаавий, пуссад̣̇зво махаагат̇ий.
Upatisso ca medhāvī, phussadevo mahākathī.
бунад̣̇зва сумано мзд̇хаавий, бубпанаамо б̣ахуссуд̇о;
Punadeva sumano medhāvī, pupphanāmo bahussuto;
махаагат̇ий махаасиво, бидагз саб̣б̣ад̇т̇а говид̣̇о.
Mahākathī mahāsivo, piṭake sabbattha kovido.
бунад̣̇зва убаали мзд̇хаавий, винаяз жа висаарад̣̇о;
Punadeva upāli medhāvī, vinaye ca visārado;
махаанааг̇о махаабан̃н̃о, сад̣̇д̇хаммавам̣саговид̣̇о.
Mahānāgo mahāpañño, saddhammavaṃsakovido.
бунад̣̇зва абхаяо мзд̇хаавий, бидагз саб̣б̣ад̇т̇а говид̣̇о;
Punadeva abhayo medhāvī, piṭake sabbattha kovido;
д̇иссад̇т̇зро жа мзд̇хаавий, винаяз жа висаарад̣̇о.
Tissatthero ca medhāvī, vinaye ca visārado.
д̇асса сиссо махаабан̃н̃о, бубпанаамо б̣ахуссуд̇о;
Tassa sisso mahāpañño, pupphanāmo bahussuto;
саасанам̣ анурагканд̇о, ж̇амб̣уд̣̇ийбз бад̇идтид̇о.
Sāsanaṃ anurakkhanto, jambudīpe patiṭṭhito.
жуул̣аабхаяо жа мзд̇хаавий, винаяз жа висаарад̣̇о;
Cūḷābhayo ca medhāvī, vinaye ca visārado;
д̇иссад̇т̇зро жа мзд̇хаавий, сад̣̇д̇хаммавам̣саговид̣̇о.
Tissatthero ca medhāvī, saddhammavaṃsakovido.
жуул̣ад̣̇зво жа мзд̇хаавий, винаяз жа висаарад̣̇о;
Cūḷadevo ca medhāvī, vinaye ca visārado;
сивад̇т̇зро жа мзд̇хаавий, винаяз саб̣б̣ад̇т̇а говид̣̇о.
Sivatthero ca medhāvī, vinaye sabbattha kovido.
зд̇з нааг̇аа махаабан̃н̃аа, винаяан̃н̃уу маг̇г̇аговид̣̇аа;
Ete nāgā mahāpaññā, vinayaññū maggakovidā;
винаяам̣ д̣̇ийбз багаасзсум̣, бидагам̣ д̇амб̣абан̣н̣ияаад̇и.
Vinayaṃ dīpe pakāsesuṃ, piṭakaṃ tambapaṇṇiyāti.
203. яам̣ д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна бхигкунийнам̣ чадтам̣ баарааж̇игам̣ гад̇т̇а бан̃н̃ад̇д̇анд̇и? саавад̇т̇ияам̣ бан̃н̃ад̇д̇ам̣. гам̣ аараб̣бхаад̇и? т̇уллананд̣̇ам̣ бхигкуним̣ аараб̣бха. гисмим̣ вад̇т̇усминд̇и? т̇уллананд̣̇аа бхигкуний ж̇аанам̣ баарааж̇игам̣ д̇хаммам̣ аж̇жхаабаннам̣ бхигкуним̣ нзвад̇д̇анаа бадижод̣̇зси г̇ан̣асса аарожзси, д̇асмим̣ вад̇т̇усмим̣. згаа бан̃н̃ад̇д̇и. чаннам̣ аабад̇д̇исамудтаанаанам̣ згзна самудтаанзна самудтаад̇и – гааяад̇о жа ваажад̇о жа жид̇д̇ад̇о жа самудтаад̇и…бз….
203. Yaṃ tena bhagavatā jānatā passatā arahatā sammāsambuddhena bhikkhunīnaṃ chaṭṭhaṃ pārājikaṃ kattha paññattanti? Sāvatthiyaṃ paññattaṃ. Kaṃ ārabbhāti? Thullanandaṃ bhikkhuniṃ ārabbha. Kismiṃ vatthusminti? Thullanandā bhikkhunī jānaṃ pārājikaṃ dhammaṃ ajjhāpannaṃ bhikkhuniṃ nevattanā paṭicodesi gaṇassa ārocesi, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ ekena samuṭṭhānena samuṭṭhāti – kāyato ca vācato ca cittato ca samuṭṭhāti…pe….
204. бхигкунийнам̣ сад̇д̇амам̣ баарааж̇игам̣ гад̇т̇а бан̃н̃ад̇д̇анд̇и? саавад̇т̇ияам̣ бан̃н̃ад̇д̇ам̣. гам̣ аараб̣бхаад̇и? т̇уллананд̣̇ам̣ бхигкуним̣ аараб̣бха. гисмим̣ вад̇т̇усминд̇и? т̇уллананд̣̇аа бхигкуний самаг̇г̇зна сан̇гхзна угкид̇д̇ам̣ аридтам̣ бхигкум̣ г̇ад̣̇д̇хаб̣аад̇хибуб̣б̣ам̣ анувад̇д̇и, д̇асмим̣ вад̇т̇усмим̣. згаа бан̃н̃ад̇д̇и. чаннам̣ аабад̇д̇исамудтаанаанам̣ згзна самудтаанзна самудтаад̇и – д̇хуранигкзбз…бз….
204. Bhikkhunīnaṃ sattamaṃ pārājikaṃ kattha paññattanti? Sāvatthiyaṃ paññattaṃ. Kaṃ ārabbhāti? Thullanandaṃ bhikkhuniṃ ārabbha. Kismiṃ vatthusminti? Thullanandā bhikkhunī samaggena saṅghena ukkhittaṃ ariṭṭhaṃ bhikkhuṃ gaddhabādhipubbaṃ anuvatti, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ ekena samuṭṭhānena samuṭṭhāti – dhuranikkhepe…pe….
205. бхигкунийнам̣ адтамам̣ баарааж̇игам̣ гад̇т̇а бан̃н̃ад̇д̇анд̇и? саавад̇т̇ияам̣ бан̃н̃ад̇д̇ам̣. гам̣ аараб̣бхаад̇и? чаб̣б̣аг̇г̇ияаа бхигкунияо аараб̣бха. гисмим̣ вад̇т̇усминд̇и? чаб̣б̣аг̇г̇ияаа бхигкунияо адтамам̣ вад̇т̇ум̣ барибуурзсум̣, д̇асмим̣ вад̇т̇усмим̣. згаа бан̃н̃ад̇д̇и. чаннам̣ аабад̇д̇исамудтаанаанам̣ згзна самудтаанзна самудтаад̇и – д̇хуранигкзбз…бз….
205. Bhikkhunīnaṃ aṭṭhamaṃ pārājikaṃ kattha paññattanti? Sāvatthiyaṃ paññattaṃ. Kaṃ ārabbhāti? Chabbaggiyā bhikkhuniyo ārabbha. Kismiṃ vatthusminti? Chabbaggiyā bhikkhuniyo aṭṭhamaṃ vatthuṃ paripūresuṃ, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ ekena samuṭṭhānena samuṭṭhāti – dhuranikkhepe…pe….
адта баарааж̇игаа нидтид̇аа.
Aṭṭha pārājikā niṭṭhitā.
д̇ассуд̣̇д̣̇аанам̣ –
Tassuddānaṃ –
мзт̇унаад̣̇иннаад̣̇аанан̃жа , мануссавиг̇г̇ахуд̇д̇ари;
Methunādinnādānañca , manussaviggahuttari;
гааяасам̣саг̇г̇ам̣ чаад̣̇зд̇и, угкид̇д̇аа адта вад̇т̇угаа;
Kāyasaṃsaggaṃ chādeti, ukkhittā aṭṭha vatthukā;
бан̃н̃аабзси махаавийро, чзж̇ж̇авад̇т̇уу асам̣саяаад̇и.
Paññāpesi mahāvīro, chejjavatthū asaṃsayāti.
Footnotes:
