| Library / Tipiṭaka / д̇ибидага • Tipiṭaka / бариваарабаал̣и • Parivārapāḷi |
1. гад̇т̇абан̃н̃ад̇д̇ивааро
1. Katthapaññattivāro
1. баарааж̇игаган̣д̣ам̣
1. Pārājikakaṇḍaṃ
247. яам̣ д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна гааяасам̣саг̇г̇ам̣ саад̣̇ияанабажжаяаа баарааж̇игам̣ гад̇т̇а бан̃н̃ад̇д̇ам̣? гам̣ аараб̣бха? гисмим̣ вад̇т̇усмим̣…бз… гзнаабхад̇анд̇и?
247. Yaṃ tena bhagavatā jānatā passatā arahatā sammāsambuddhena kāyasaṃsaggaṃ sādiyanapaccayā pārājikaṃ kattha paññattaṃ? Kaṃ ārabbha? Kismiṃ vatthusmiṃ…pe… kenābhatanti?
яам̣ д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна гааяасам̣саг̇г̇ам̣ саад̣̇ияанабажжаяаа баарааж̇игам̣ гад̇т̇а бан̃н̃ад̇д̇анд̇и? саавад̇т̇ияам̣ бан̃н̃ад̇д̇ам̣. гам̣ аараб̣бхаад̇и? сунд̣̇арийнанд̣̇ам̣ бхигкуним̣ аараб̣бха. гисмим̣ вад̇т̇усминд̇и? сунд̣̇арийнанд̣̇аа бхигкуний авассуд̇аа авассуд̇асса бурисабуг̇г̇аласса гааяасам̣саг̇г̇ам̣ саад̣̇ияи, д̇асмим̣ вад̇т̇усмим̣. ад̇т̇и д̇ад̇т̇а бан̃н̃ад̇д̇и, анубан̃н̃ад̇д̇и, ануббаннабан̃н̃ад̇д̇ийд̇и? згаа бан̃н̃ад̇д̇и. анубан̃н̃ад̇д̇и ануббаннабан̃н̃ад̇д̇и д̇асмим̣ над̇т̇и. саб̣б̣ад̇т̇абан̃н̃ад̇д̇и, бад̣̇зсабан̃н̃ад̇д̇ийд̇и? саб̣б̣ад̇т̇абан̃н̃ад̇д̇и. саад̇хааран̣абан̃н̃ад̇д̇и, асаад̇хааран̣абан̃н̃ад̇д̇ийд̇и? асаад̇хааран̣абан̃н̃ад̇д̇и. згад̇обан̃н̃ад̇д̇и, убхад̇обан̃н̃ад̇д̇ийд̇и? згад̇обан̃н̃ад̇д̇и. жад̇уннам̣ баад̇имогкуд̣̇д̣̇зсаанам̣ гад̇т̇ог̇ад̇хам̣ гад̇т̇а барияаабаннанд̇и? нид̣̇ааног̇ад̇хам̣ нид̣̇аанабарияаабаннам̣? гад̇амзна уд̣̇д̣̇зсзна уд̣̇д̣̇зсам̣ ааг̇ажчад̇ийд̇и? д̣̇уд̇иязна уд̣̇д̣̇зсзна уд̣̇д̣̇зсам̣ ааг̇ажчад̇и. жад̇уннам̣ вибад̇д̇ийнам̣ гад̇амаа вибад̇д̇ийд̇и? сийлавибад̇д̇и. сад̇д̇аннам̣ аабад̇д̇игканд̇хаанам̣ гад̇амо аабад̇д̇игканд̇ход̇и ? баарааж̇игаабад̇д̇игканд̇хо. чаннам̣ аабад̇д̇исамудтаанаанам̣ гад̇ихи самудтаанзхи самудтаад̇ийд̇и? згзна самудтаанзна самудтаад̇и – гааяад̇о жа жид̇д̇ад̇о жа самудтаад̇и, на ваажад̇о…бз… гзнаабхад̇анд̇и? барамбараабхад̇ам̣ –
Yaṃ tena bhagavatā jānatā passatā arahatā sammāsambuddhena kāyasaṃsaggaṃ sādiyanapaccayā pārājikaṃ kattha paññattanti? Sāvatthiyaṃ paññattaṃ. Kaṃ ārabbhāti? Sundarīnandaṃ bhikkhuniṃ ārabbha. Kismiṃ vatthusminti? Sundarīnandā bhikkhunī avassutā avassutassa purisapuggalassa kāyasaṃsaggaṃ sādiyi, tasmiṃ vatthusmiṃ. Atthi tattha paññatti, anupaññatti, anuppannapaññattīti? Ekā paññatti. Anupaññatti anuppannapaññatti tasmiṃ natthi. Sabbatthapaññatti, padesapaññattīti? Sabbatthapaññatti. Sādhāraṇapaññatti, asādhāraṇapaññattīti? Asādhāraṇapaññatti. Ekatopaññatti, ubhatopaññattīti? Ekatopaññatti. Catunnaṃ pātimokkhuddesānaṃ katthogadhaṃ kattha pariyāpannanti? Nidānogadhaṃ nidānapariyāpannaṃ? Katamena uddesena uddesaṃ āgacchatīti? Dutiyena uddesena uddesaṃ āgacchati. Catunnaṃ vipattīnaṃ katamā vipattīti? Sīlavipatti. Sattannaṃ āpattikkhandhānaṃ katamo āpattikkhandhoti ? Pārājikāpattikkhandho. Channaṃ āpattisamuṭṭhānānaṃ katihi samuṭṭhānehi samuṭṭhātīti? Ekena samuṭṭhānena samuṭṭhāti – kāyato ca cittato ca samuṭṭhāti, na vācato…pe… kenābhatanti? Paramparābhataṃ –
убаали д̣̇аасаго жзва, сон̣аго сиг̇г̇аво д̇ат̇аа;
Upāli dāsako ceva, soṇako siggavo tathā;
мог̇г̇алибуд̇д̇зна бан̃жамаа, зд̇з ж̇амб̣усиривхаяз. …бз…;
Moggaliputtena pañcamā, ete jambusirivhaye. …pe…;
зд̇з нааг̇аа махаабан̃н̃аа, винаяан̃н̃уу маг̇г̇аговид̣̇аа;
Ete nāgā mahāpaññā, vinayaññū maggakovidā;
винаяам̣ д̣̇ийбз багаасзсум̣, бидагам̣ д̇амб̣абан̣н̣ияаад̇и.
Vinayaṃ dīpe pakāsesuṃ, piṭakaṃ tambapaṇṇiyāti.
важ̇ж̇аббадижчаад̣̇анабажжаяаа баарааж̇игам̣ гад̇т̇а бан̃н̃ад̇д̇анд̇и? саавад̇т̇ияам̣ бан̃н̃ад̇д̇ам̣. гам̣ аараб̣бхаад̇и? т̇уллананд̣̇ам̣ бхигкуним̣ аараб̣бха. гисмим̣ вад̇т̇усминд̇и? т̇уллананд̣̇аа бхигкуний ж̇аанам̣ баарааж̇игам̣ д̇хаммам̣ аж̇жхаабаннам̣ бхигкуним̣ нзвад̇д̇анаа бадижод̣̇зси на г̇ан̣асса аарожзси, д̇асмим̣ вад̇т̇усмим̣. згаа бан̃н̃ад̇д̇и. чаннам̣ аабад̇д̇исамудтаанаанам̣ згзна самудтаанзна самудтаад̇и – д̇хуранигкзбз…бз….
Vajjappaṭicchādanapaccayā pārājikaṃ kattha paññattanti? Sāvatthiyaṃ paññattaṃ. Kaṃ ārabbhāti? Thullanandaṃ bhikkhuniṃ ārabbha. Kismiṃ vatthusminti? Thullanandā bhikkhunī jānaṃ pārājikaṃ dhammaṃ ajjhāpannaṃ bhikkhuniṃ nevattanā paṭicodesi na gaṇassa ārocesi, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ ekena samuṭṭhānena samuṭṭhāti – dhuranikkhepe…pe….
яаавад̇ад̇ияам̣ саманубхаасанааяа на бадиниссаж̇ж̇анабажжаяаа баарааж̇игам̣ гад̇т̇а бан̃н̃ад̇д̇анд̇и? саавад̇т̇ияам̣ бан̃н̃ад̇д̇ам̣. гам̣ аараб̣бхаад̇и? т̇уллананд̣̇ам̣ бхигкуним̣ аараб̣бха. гисмим̣ вад̇т̇усминд̇и? т̇уллананд̣̇аа бхигкуний самаг̇г̇зна сан̇гхзна угкид̇д̇ам̣ аридтам̣ бхигкум̣ г̇ад̣̇д̇хаб̣аад̇хибуб̣б̣ам̣ анувад̇д̇и, д̇асмим̣ вад̇т̇усмим̣. згаа бан̃н̃ад̇д̇и. чаннам̣ аабад̇д̇исамудтаанаанам̣ згзна самудтаанзна самудтаад̇и – д̇хуранигкзбз…бз….
Yāvatatiyaṃ samanubhāsanāya na paṭinissajjanapaccayā pārājikaṃ kattha paññattanti? Sāvatthiyaṃ paññattaṃ. Kaṃ ārabbhāti? Thullanandaṃ bhikkhuniṃ ārabbha. Kismiṃ vatthusminti? Thullanandā bhikkhunī samaggena saṅghena ukkhittaṃ ariṭṭhaṃ bhikkhuṃ gaddhabādhipubbaṃ anuvatti, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ ekena samuṭṭhānena samuṭṭhāti – dhuranikkhepe…pe….
адтамам̣ вад̇т̇ум̣ барибууран̣абажжаяаа баарааж̇игам̣ гад̇т̇а бан̃н̃ад̇д̇анд̇и? саавад̇т̇ияам̣ бан̃н̃ад̇д̇ам̣. гам̣ аараб̣бхаад̇и? чаб̣б̣аг̇г̇ияаа бхигкунияо аараб̣бха. гисмим̣ вад̇т̇усминд̇и? чаб̣б̣аг̇г̇ияаа бхигкунияо адтамам̣ вад̇т̇ум̣ барибуурзсум̣, д̇асмим̣ вад̇т̇усмим̣. згаа бан̃н̃ад̇д̇и. чаннам̣ аабад̇д̇исамудтаанаанам̣ згзна самудтаанзна самудтаад̇и – д̇хуранигкзбз…бз….
Aṭṭhamaṃ vatthuṃ paripūraṇapaccayā pārājikaṃ kattha paññattanti? Sāvatthiyaṃ paññattaṃ. Kaṃ ārabbhāti? Chabbaggiyā bhikkhuniyo ārabbha. Kismiṃ vatthusminti? Chabbaggiyā bhikkhuniyo aṭṭhamaṃ vatthuṃ paripūresuṃ, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ ekena samuṭṭhānena samuṭṭhāti – dhuranikkhepe…pe….
баарааж̇игаа нидтид̇аа.
Pārājikā niṭṭhitā.
