| Library / Tipiṭaka / д̇ибидага • Tipiṭaka / ган̇каавид̇аран̣ий-бураан̣а-дийгаа • Kaṅkhāvitaraṇī-purāṇa-ṭīkā |
намо д̇асса бхаг̇авад̇о арахад̇о саммаасамб̣уд̣̇д̇хасса
Namo tassa bhagavato arahato sammāsambuddhassa
бхигкунийбаад̇имогкаван̣н̣анаа
Bhikkhunīpātimokkhavaṇṇanā
баарааж̇игаган̣д̣ам̣
Pārājikakaṇḍaṃ
абхилаабамад̇д̇амзваад̇и зд̇т̇а д̣̇ахаравасзна ‘‘бханд̇з’’д̇и жа вуд̣дхавасзна ‘‘аавусо’’д̇и жа д̇ад̇т̇а д̣̇увид̇хо абхилаабо, ид̇ха бана вуд̣дхад̣̇ахараанам̣ ‘‘аяяаа’’д̇и згамзва.
Abhilāpamattamevāti ettha daharavasena ‘‘bhante’’ti ca vuḍḍhavasena ‘‘āvuso’’ti ca tattha duvidho abhilāpo, idha pana vuḍḍhadaharānaṃ ‘‘ayyā’’ti ekameva.
гааяасам̣саг̇г̇з вуд̇д̇анаязнаад̇и зд̇т̇а д̇аб̣б̣ахуланаязна гирияасамудтаанад̇аа вуд̇д̇аа. ‘‘гааяасам̣саг̇г̇ам̣ самаабаж̇ж̇зяяаа’’д̇и авад̇ваа бана ‘‘саад̣̇иязяяаа’’д̇и вуд̇д̇ад̇д̇аа агирияад̇оби самудтаад̇ийд̇и взд̣̇ид̇аб̣б̣ам̣. яат̇аа жзд̇т̇а, звам̣ хздтаа ‘‘мануссид̇т̇ияаа д̇аяо маг̇г̇з мзт̇унам̣ д̇хаммам̣ бадисзванд̇асса аабад̇д̇и баарааж̇игассаа’’д̇иаад̣̇инаа (баараа. 56) наязна гирияасамудтаанад̇ам̣ вад̇ваа д̇ад̣̇ананд̇арам̣ ‘‘бхигкубажжад̇т̇игаа мануссид̇т̇им̣ бхигкусса санд̇игам̣ аанзд̇ваа важжамаг̇г̇зна ан̇г̇аж̇аад̇ам̣ абхинисийд̣̇знд̇и, со жз бавзсанам̣ саад̣̇ияад̇ий’’д̇иаад̣̇инаа (баараа. 58) наязна агирияасамудтаанассаби вуд̇д̇ад̇д̇аа батамабаарааж̇игааяаби д̇аб̣б̣ахуланаязнзва гирияасамудтаанад̇аа взд̣̇ид̇аб̣б̣аа. на хи бавзсанасаад̣̇ияанаад̣̇имхи гирияасамудтаанад̇аа д̣̇иссад̇и.
Kāyasaṃsagge vuttanayenāti ettha tabbahulanayena kiriyasamuṭṭhānatā vuttā. ‘‘Kāyasaṃsaggaṃ samāpajjeyyā’’ti avatvā pana ‘‘sādiyeyyā’’ti vuttattā akiriyatopi samuṭṭhātīti veditabbaṃ. Yathā cettha, evaṃ heṭṭhā ‘‘manussitthiyā tayo magge methunaṃ dhammaṃ paṭisevantassa āpatti pārājikassā’’tiādinā (pārā. 56) nayena kiriyasamuṭṭhānataṃ vatvā tadanantaraṃ ‘‘bhikkhupaccatthikā manussitthiṃ bhikkhussa santikaṃ ānetvā vaccamaggena aṅgajātaṃ abhinisīdenti, so ce pavesanaṃ sādiyatī’’tiādinā (pārā. 58) nayena akiriyasamuṭṭhānassapi vuttattā paṭhamapārājikāyapi tabbahulanayeneva kiriyasamuṭṭhānatā veditabbā. Na hi pavesanasādiyanādimhi kiriyasamuṭṭhānatā dissati.
ан̇г̇аж̇аад̇ажаланан̃жзд̇т̇а на саарад̇о д̣̇адтаб̣б̣ам̣ ‘‘со жз бавзсанам̣ на саад̣̇ияад̇и, бавидтам̣ на саад̣̇ияад̇и, тид̇ам̣ на саад̣̇ияад̇и, уд̣̇д̇харан̣ам̣ саад̣̇ияад̇и, аабад̇д̇и баарааж̇игассаа’’д̇и (баараа. 58) зд̇т̇а тид̇анасаад̣̇ияанз багад̇ияааби барибун̣н̣ажаланад̇д̇аа. саад̣̇ияанабажжаяаа бадисзванажаланан̃жзд̇т̇а на д̣̇иссад̇зваад̇и д̇аб̣б̣ахуланаязнзва гирияасамудтаанад̇аа г̇ахзд̇аб̣б̣аа.
Aṅgajātacalanañcettha na sārato daṭṭhabbaṃ ‘‘so ce pavesanaṃ na sādiyati, paviṭṭhaṃ na sādiyati, ṭhitaṃ na sādiyati, uddharaṇaṃ sādiyati, āpatti pārājikassā’’ti (pārā. 58) ettha ṭhitanasādiyane pakatiyāpi paripuṇṇacalanattā. Sādiyanapaccayā paṭisevanacalanañcettha na dissatevāti tabbahulanayeneva kiriyasamuṭṭhānatā gahetabbā.
абижа бхигкунияааби батамабаарааж̇игз д̇асса саад̣̇ияанасса саруубзна вуд̇д̇ад̇д̇аа д̇ад̣̇ануруубавасзна вибхан̇г̇анаяаманологзд̇ваа ‘‘гирияасамудтаана’’мижжзва вуд̇д̇ам̣. яат̇аа жзд̇зсу д̇аб̣б̣ахуланаязна гирияасамудтаанад̇аа вуд̇д̇аа, д̇ат̇аа сураад̣̇ийнам̣ агусалзнзва баад̇аб̣б̣ад̇аа. ид̇арат̇аа ‘‘яам̣ агусалзнзва аабаж̇ж̇ад̇и, аяам̣ логаваж̇ж̇аа, сзсаа бан̣н̣ад̇д̇иваж̇ж̇аа’’д̇и вуд̇д̇з логаваж̇ж̇абан̣н̣ад̇д̇иваж̇ж̇аанам̣ нияамалагкан̣асид̣̇д̇хи ход̇и, д̇ат̇аа д̇ам̣ авад̇ваа ‘‘яассаа сажид̇д̇агабагкз жид̇д̇ам̣ агусаламзва ход̇и, аяам̣ логаваж̇ж̇аа, сзсаа бан̣н̣ад̇д̇иваж̇ж̇аа’’д̇и (ган̇каа. адта. батамабаарааж̇игаван̣н̣анаа) вуд̇д̇з логаваж̇ж̇аважанам̣ нирад̇т̇агам̣ сияаа вад̇т̇уаж̇аананабагкзби агусалзнзва баад̇аб̣б̣ад̇д̇аа. яасмаа д̇ад̇т̇а сураабаанавийд̇иггамасса агусалажид̇д̇уббаад̣̇о над̇т̇и, д̇асмаа канд̇хагадтагат̇ааяам̣ ‘‘маж̇ж̇абаанз бана бхигкуно аж̇аанид̇вааби б̣ийж̇ад̇о бадтааяа маж̇ж̇ам̣ биванд̇асса баажид̇д̇ияам̣. сааман̣зро ж̇аанид̇ваава биванд̇о сийлабхзд̣̇ам̣ аабаж̇ж̇ад̇и, на аж̇аанид̇ваа’’д̇и (махаава. адта. 108) вуд̇д̇ам̣, на вуд̇д̇ам̣ ‘‘вад̇т̇уаж̇аананабагкз баан̣аад̇ибаад̇аад̣̇ийнам̣ сид̣̇д̇хигараагусалажид̇д̇уббаад̣̇асад̣̇исз жид̇д̇уббаад̣̇з сад̇иби сааман̣зро сийлабхзд̣̇ам̣ наабаж̇ж̇ад̇ий’’д̇и. абхинивзсаважанам̣ баан̣аад̇ибаад̇аад̣̇ийхи самаанаг̇ад̇игад̇д̇аа сааман̣зраанам̣ сураабаанасса. ‘‘сураамзраяимз’’д̇и вад̇т̇ум̣ ж̇аанид̇ваа баад̇аб̣б̣ад̇аад̣̇ивасзна вийд̇иггаманд̇асса агусаласса асамбхаво над̇т̇и. д̇зна вуд̇д̇ам̣ ‘‘яассаа сажид̇д̇агабагкз’’д̇иаад̣̇и.
Apica bhikkhuniyāpi paṭhamapārājike tassa sādiyanassa sarūpena vuttattā tadanurūpavasena vibhaṅganayamanoloketvā ‘‘kiriyasamuṭṭhāna’’micceva vuttaṃ. Yathā cetesu tabbahulanayena kiriyasamuṭṭhānatā vuttā, tathā surādīnaṃ akusaleneva pātabbatā. Itarathā ‘‘yaṃ akusaleneva āpajjati, ayaṃ lokavajjā, sesā paṇṇattivajjā’’ti vutte lokavajjapaṇṇattivajjānaṃ niyamalakkhaṇasiddhi hoti, tathā taṃ avatvā ‘‘yassā sacittakapakkhe cittaṃ akusalameva hoti, ayaṃ lokavajjā, sesā paṇṇattivajjā’’ti (kaṅkhā. aṭṭha. paṭhamapārājikavaṇṇanā) vutte lokavajjavacanaṃ niratthakaṃ siyā vatthuajānanapakkhepi akusaleneva pātabbattā. Yasmā tattha surāpānavītikkamassa akusalacittuppādo natthi, tasmā khandhakaṭṭhakathāyaṃ ‘‘majjapāne pana bhikkhuno ajānitvāpi bījato paṭṭhāya majjaṃ pivantassa pācittiyaṃ. Sāmaṇero jānitvāva pivanto sīlabhedaṃ āpajjati, na ajānitvā’’ti (mahāva. aṭṭha. 108) vuttaṃ, na vuttaṃ ‘‘vatthuajānanapakkhe pāṇātipātādīnaṃ siddhikaraakusalacittuppādasadise cittuppāde satipi sāmaṇero sīlabhedaṃ nāpajjatī’’ti. Abhinivesavacanaṃ pāṇātipātādīhi samānagatikattā sāmaṇerānaṃ surāpānassa. ‘‘Surāmerayime’’ti vatthuṃ jānitvā pātabbatādivasena vītikkamantassa akusalassa asambhavo natthi. Tena vuttaṃ ‘‘yassā sacittakapakkhe’’tiādi.
гин̃жзд̇т̇а – яуд̇д̇иважанзна араханд̇аанам̣ аббависанад̇о сажид̇д̇агаажид̇д̇агабагкзсу агусаланияамод̇и жз? на, д̇хаммад̇аавасзна сзгкаанамби аббависанад̇о. ажид̇д̇агабагкз агусаланияамаабхаавад̣̇ассанад̇т̇ам̣ субанд̇асса мукз багкид̇д̇аж̇алаб̣инд̣̇умива сурааб̣инд̣̇уаад̣̇аяо уд̣̇аахарид̇аб̣б̣аа. д̇аб̣б̣ахуланаязна хи ад̇т̇з г̇ахид̇з буб̣б̣знаабарам̣ адтагат̇ааяа самзд̇и сад̣̇д̇хим̣ баал̣ияаа жаад̇и. аажарияааби сураабаанз агусаланияамаабхаавамзва вад̣̇анд̇и. згажжз бана гирияасамудтаанад̇аа банасса д̇аб̣б̣ахуланаяамзва, на батамабаарааж̇игз. гат̇ам̣? гааяасам̣саг̇г̇асигкаабад̣̇ам̣ батамабаарааж̇игасамудтаанам̣. зд̇т̇а бхигкусса жа бхигкунияаа жа гааяасам̣саг̇г̇абхаавз сад̇и бхигкуний гааяан̇г̇ам̣ ажобаяамаанааби жид̇д̇знзва ад̇хиваасзд̇и, аабаж̇ж̇ад̇и, на звам̣ бхигку. бхигку бана жобаяамаанова аабаж̇ж̇ад̇и, звамзва батамабаарааж̇игзби жобанз сад̇и зва аабаж̇ж̇ад̇и, наасад̇и. бавзсанам̣ саад̣̇ияад̇ийд̇и зд̇т̇а бавзсанасаад̣̇ияанам̣ наама сзванажид̇д̇уббаад̣̇анам̣, маг̇г̇зна ваа маг̇г̇аббадибаннамби ижчанд̇и. д̇ассааби гааяажаланам̣ зганд̇ам̣ ад̇т̇и зва. звам̣ санд̇зби виймам̣сид̇ваа г̇ахзд̇аб̣б̣анд̇и вад̣̇анд̇ийд̇и ликид̇ам̣
Kiñcettha – yuttivacanena arahantānaṃ appavisanato sacittakācittakapakkhesu akusalaniyamoti ce? Na, dhammatāvasena sekkhānampi appavisanato. Acittakapakkhe akusalaniyamābhāvadassanatthaṃ supantassa mukhe pakkhittajalabindumiva surābinduādayo udāharitabbā. Tabbahulanayena hi atthe gahite pubbenāparaṃ aṭṭhakathāya sameti saddhiṃ pāḷiyā cāti. Ācariyāpi surāpāne akusalaniyamābhāvameva vadanti. Ekacce pana kiriyasamuṭṭhānatā panassa tabbahulanayameva, na paṭhamapārājike. Kathaṃ? Kāyasaṃsaggasikkhāpadaṃ paṭhamapārājikasamuṭṭhānaṃ. Ettha bhikkhussa ca bhikkhuniyā ca kāyasaṃsaggabhāve sati bhikkhunī kāyaṅgaṃ acopayamānāpi citteneva adhivāseti, āpajjati, na evaṃ bhikkhu. Bhikkhu pana copayamānova āpajjati, evameva paṭhamapārājikepi copane sati eva āpajjati, nāsati. Pavesanaṃsādiyatīti ettha pavesanasādiyanaṃ nāma sevanacittuppādanaṃ, maggena vā maggappaṭipannampi icchanti. Tassāpi kāyacalanaṃ ekantaṃ atthi eva. Evaṃ santepi vīmaṃsitvā gahetabbanti vadantīti likhitaṃ
баарааж̇игаван̣н̣анаа нидтид̇аа.
Pārājikavaṇṇanā niṭṭhitā.
