| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
баарааж̇иганиг̇аманаван̣н̣анаа
Pārājikanigamanavaṇṇanā
ид̇хаад̇и имасмим̣ бхигкубаад̇имогкз. уд̣̇д̣̇идтабаарааж̇игабарид̣̇ийбанамзваад̇и уд̣̇д̣̇идтаанам̣ жад̇уннам̣ баарааж̇игаанам̣ барид̣̇ийбанаважанамзва. авад̇хааран̣ам̣ бана на ан̃н̃зсамбийд̇и д̣̇ассанад̇т̇ам̣. д̇знааха ‘‘самод̇хаанзд̇ваа банаа’’д̇иаад̣̇и. д̇ад̇т̇а самод̇хаанзд̇ваад̇и д̇ад̇т̇а д̇ад̇т̇а ааг̇ад̇аани зд̇т̇зва самод̣̇ахид̇ваа, багкибид̇ваа раасим̣ гад̇ваад̇и ад̇т̇о. баал̣ияам̣ ааг̇ад̇аанийд̇и уд̣̇д̣̇зсабаал̣ияам̣ ааг̇ад̇аани . бхигкунийнам̣ асаад̇хааран̣аани жад̇д̇аарийд̇и уб̣бхаж̇аан̣уман̣д̣алигаа, важ̇ж̇аббадижчаад̣̇игаа, угкид̇д̇аанувад̇д̇игаа, адтавад̇т̇угаад̇и имаани бхигкунийнам̣ бхигкуухи асаад̇хааран̣аани жад̇д̇аари. бан̣д̣агаад̣̇ийнан̃хи згаад̣̇асаннам̣ абхаб̣б̣абхааво баарааж̇игаабад̇д̇исад̣̇исад̇д̇аа баарааж̇игод̇и ааха ‘‘згаад̣̇асанна’’нд̇иаад̣̇и. абхаб̣б̣абхаавасан̇каад̇зхийд̇и вад̇т̇увибаннад̇аад̣̇инаа баб̣б̣аж̇ж̇уубасамбад̣̇ааяа наарахабхаавасан̇каад̇зхи. бан̣д̣агад̇иражчаанаг̇ад̇аубхад̇об̣яан̃ж̇анагаа (баараа. адта. 2.233) хи д̇аяо вад̇т̇увибаннаа ахзд̇угаббадисанд̇хигаа, д̇зсам̣ саг̇г̇о аваарид̇о, маг̇г̇о бана ваарид̇о. абхаб̣б̣аа хи д̇з маг̇г̇аббадилаабхааяа вад̇т̇увибаннад̇д̇аа. баб̣б̣аж̇ж̇ааби нзсам̣ бадигкид̇д̇аа, д̇асмаа д̇зби баарааж̇игаава. т̇зяяасам̣ваасаго, д̇ид̇т̇ияабагганд̇аго, маад̇угхаад̇аго, бид̇угхаад̇аго, араханд̇агхаад̇аго, бхигкунид̣̇уусаго, лохид̇уббаад̣̇аго, сан̇гхабхзд̣̇агод̇и имз адта ад̇д̇ано гирияааяа вибаннад̇д̇аа абхаб̣б̣адтаанам̣ бад̇д̇аад̇и баарааж̇игаава. д̇зсу т̇зяяасам̣ваасаго, д̇ид̇т̇ияабагганд̇аго, бхигкунид̣̇уусагод̇и имзсам̣ д̇ин̣н̣ам̣ саг̇г̇о аваарид̇о, маг̇г̇о бана ваарид̇ова. ид̇арзсам̣ бан̃жаннам̣ убхаяамби ваарид̇ам̣. д̇з хи ананд̇араава нарагз ниб̣б̣ад̇д̇анагасад̇д̇аа. яад̣̇аа бхигкуний виб̣бхамид̇угаамаа худ̇ваа гаасаавамзва ваа г̇ихивад̇т̇ам̣ ваа г̇ихиниваасанаагаарзна ниваасзд̇и, д̇ад̣̇аа баарааж̇игамаабаннаа наама ход̇ийд̇и ааха ‘‘г̇ихибхаавам̣ бад̇т̇аяамаанааяаа’’д̇иаад̣̇и. саа хи аж̇жхаажааравийд̇иггамам̣ агад̇вааби зд̇д̇аавад̇аа ассаман̣ий наама ход̇и.
Idhāti imasmiṃ bhikkhupātimokkhe. Uddiṭṭhapārājikaparidīpanamevāti uddiṭṭhānaṃ catunnaṃ pārājikānaṃ paridīpanavacanameva. Avadhāraṇaṃ pana na aññesampīti dassanatthaṃ. Tenāha ‘‘samodhānetvā panā’’tiādi. Tattha samodhānetvāti tattha tattha āgatāni ettheva samodahitvā, pakkhipitvā rāsiṃ katvāti attho. Pāḷiyaṃ āgatānīti uddesapāḷiyaṃ āgatāni . Bhikkhunīnaṃ asādhāraṇāni cattārīti ubbhajāṇumaṇḍalikā, vajjappaṭicchādikā, ukkhittānuvattikā, aṭṭhavatthukāti imāni bhikkhunīnaṃ bhikkhūhi asādhāraṇāni cattāri. Paṇḍakādīnañhi ekādasannaṃ abhabbabhāvo pārājikāpattisadisattā pārājikoti āha ‘‘ekādasanna’’ntiādi. Abhabbabhāvasaṅkhātehīti vatthuvipannatādinā pabbajjūpasampadāya naarahabhāvasaṅkhātehi. Paṇḍakatiracchānagataubhatobyañjanakā (pārā. aṭṭha. 2.233) hi tayo vatthuvipannā ahetukappaṭisandhikā, tesaṃ saggo avārito, maggo pana vārito. Abhabbā hi te maggappaṭilābhāya vatthuvipannattā. Pabbajjāpi nesaṃ paṭikkhittā, tasmā tepi pārājikāva. Theyyasaṃvāsako, titthiyapakkantako, mātughātako, pitughātako, arahantaghātako, bhikkhunidūsako, lohituppādako, saṅghabhedakoti ime aṭṭha attano kiriyāya vipannattā abhabbaṭṭhānaṃ pattāti pārājikāva. Tesu theyyasaṃvāsako, titthiyapakkantako, bhikkhunidūsakoti imesaṃ tiṇṇaṃ saggo avārito, maggo pana vāritova. Itaresaṃ pañcannaṃ ubhayampi vāritaṃ. Te hi anantarāva narake nibbattanakasattā. Yadā bhikkhunī vibbhamitukāmā hutvā kāsāvameva vā gihivatthaṃ vā gihinivāsanākārena nivāseti, tadā pārājikamāpannā nāma hotīti āha ‘‘gihibhāvaṃ patthayamānāyā’’tiādi. Sā hi ajjhācāravītikkamaṃ akatvāpi ettāvatā assamaṇī nāma hoti.
д̣̇ийгхад̇ааяа ламб̣амаанам̣ ан̇г̇аж̇аад̇амзд̇ассаад̇и ламб̣ий (саарад̇т̇а. дий. 2.233). на со зд̇д̇аавад̇аа баарааж̇иго, ат̇а ко яад̣̇аа анабхирад̇ияаа бийл̣ид̇о ад̇д̇ано ан̇г̇аж̇аад̇ам̣ мукз ваа важжамаг̇г̇з ваа бавзсзд̇и, д̇ад̣̇аа баарааж̇иго ход̇и. муд̣̇угад̇аа бидти зд̇ассаад̇и муд̣̇убидтиго, гад̇абаригаммааяа муд̣̇угааяа бидтияаа саманнааг̇ад̇о. соби яад̣̇аа анабхирад̇ияаа бийл̣ид̇о ад̇д̇ано ан̇г̇аж̇аад̇ам̣ ад̇д̇ано мукамаг̇г̇аважжамаг̇г̇зсу ан̃н̃ад̇арам̣ бавзсзд̇и, д̇ад̣̇аа баарааж̇иго ход̇и. барасса ан̇г̇аж̇аад̇ам̣ мукзна г̇ан̣хаад̇ийд̇и яо анабхирад̇ияаа бийл̣ид̇о барасса суд̇д̇асса ваа бамад̇д̇асса ваа ан̇г̇аж̇аад̇ам̣ мукзна г̇ан̣хаад̇и. барасса ан̇г̇аж̇аад̇з абхинисийд̣̇ад̇ийд̇и яо анабхирад̇ияаа бийл̣ид̇о барасса ан̇г̇аж̇аад̇ам̣ гамманияам̣ д̣̇исваа ад̇д̇ано важжамаг̇г̇зна д̇ассуубари нисийд̣̇ад̇и, д̇ам̣ ад̇д̇ано важжамаг̇г̇ам̣ бавзсзд̇ийд̇и ад̇т̇о. зд̇аани хи жад̇д̇аари яасмаа убхиннам̣ рааг̇авасзна сад̣̇исабхаавуубаг̇ад̇аанам̣ д̇хаммо ‘‘мзт̇унад̇хаммо’’д̇и вужжад̇и, д̇асмаа згзна барияааязна мзт̇унад̇хаммам̣ аббадисзвид̇вааязва гзвалам̣ маг̇г̇зна маг̇г̇аббавзсанавасзна аабаж̇ж̇ид̇аб̣б̣ад̇д̇аа мзт̇унад̇хаммабаарааж̇игасса ануломзнд̇ийд̇и ‘‘ануломабаарааж̇игааний’’д̇и вужжанд̇и.
Dīghatāya lambamānaṃ aṅgajātametassāti lambī (sārattha. ṭī. 2.233). Na so ettāvatā pārājiko, atha kho yadā anabhiratiyā pīḷito attano aṅgajātaṃ mukhe vā vaccamagge vā paveseti, tadā pārājiko hoti. Mudukatā piṭṭhi etassāti mudupiṭṭhiko, kataparikammāya mudukāya piṭṭhiyā samannāgato. Sopi yadā anabhiratiyā pīḷito attano aṅgajātaṃ attano mukhamaggavaccamaggesu aññataraṃ paveseti, tadā pārājiko hoti. Parassa aṅgajātaṃ mukhena gaṇhātīti yo anabhiratiyā pīḷito parassa suttassa vā pamattassa vā aṅgajātaṃ mukhena gaṇhāti. Parassa aṅgajāte abhinisīdatīti yo anabhiratiyā pīḷito parassa aṅgajātaṃ kammaniyaṃ disvā attano vaccamaggena tassūpari nisīdati, taṃ attano vaccamaggaṃ pavesetīti attho. Etāni hi cattāri yasmā ubhinnaṃ rāgavasena sadisabhāvūpagatānaṃ dhammo ‘‘methunadhammo’’ti vuccati, tasmā ekena pariyāyena methunadhammaṃ appaṭisevitvāyeva kevalaṃ maggena maggappavesanavasena āpajjitabbattā methunadhammapārājikassa anulomentīti ‘‘anulomapārājikānī’’ti vuccanti.
зд̇т̇ааха – маад̇угхаад̇агабид̇угхаад̇агаараханд̇агхаад̇агаа д̇ад̇ияабаарааж̇игам̣ аабаннаа, бхигкунид̣̇уусаго, ламб̣иаад̣̇аяо жад̇д̇ааро жа батамабаарааж̇игам̣ аабаннаа зваад̇и гад̇ваа гуд̇о жад̇увийсад̇ийд̇и (саарад̇т̇а. дий. 2.233)? вужжад̇з – маад̇угхаад̇агаад̣̇аяо хи жад̇д̇ааро ид̇ха анубасамбаннаа зва ад̇хиббзд̇аа, ламб̣иаад̣̇аяо жад̇д̇ааро гин̃жааби батамабаарааж̇игзна сан̇г̇ахид̇аа, яасмаа бана згзна барияааязна мзт̇унад̇хаммам̣ аббадисзвино хонд̇и, д̇асмаа висум̣ вуд̇д̇аад̇и. д̣̇уд̇ияавигаббз гажжид̇т̇аад̇и зд̇т̇а гажжи ад̇т̇аад̇и бад̣̇ажчзд̣̇о гаад̇аб̣б̣о.
Etthāha – mātughātakapitughātakaarahantaghātakā tatiyapārājikaṃ āpannā, bhikkhunidūsako, lambiādayo cattāro ca paṭhamapārājikaṃ āpannā evāti katvā kuto catuvīsatīti (sārattha. ṭī. 2.233)? Vuccate – mātughātakādayo hi cattāro idha anupasampannā eva adhippetā, lambiādayo cattāro kiñcāpi paṭhamapārājikena saṅgahitā, yasmā pana ekena pariyāyena methunadhammaṃ appaṭisevino honti, tasmā visuṃ vuttāti. Dutiyavikappe kaccitthāti ettha kacci atthāti padacchedo kātabbo.
ид̇и ган̇каавид̇аран̣ияаа баад̇имогкаван̣н̣анааяа
Iti kaṅkhāvitaraṇiyā pātimokkhavaṇṇanāya
винаяад̇т̇аман̃ж̇уусааяам̣ лийнад̇т̇аббагаасанияам̣
Vinayatthamañjūsāyaṃ līnatthappakāsaniyaṃ
баарааж̇игаван̣н̣анаа нидтид̇аа.
Pārājikavaṇṇanā niṭṭhitā.
