Library / Tipiṭaka / তিপিটক • Tipiṭaka / পট্ঠানপাল়ি • Paṭṭhānapāḷi

    ৯. পরামাসগোচ্ছকং

    9. Parāmāsagocchakaṃ

    ৫০. পরামাসদুকং

    50. Parāmāsadukaṃ

    ১. পটিচ্চৰারো

    1. Paṭiccavāro

    ১. পচ্চযানুলোমং

    1. Paccayānulomaṃ

    ১. ৰিভঙ্গৰারো

    1. Vibhaṅgavāro

    হেতুপচ্চযো

    Hetupaccayo

    ১. পরামাসং ধম্মং পটিচ্চ নোপরামাসো ধম্মো উপ্পজ্জতি হেতুপচ্চযা – পরামাসং পটিচ্চ সম্পযুত্তকা খন্ধা চিত্তসমুট্ঠানঞ্চ রূপং। (১)

    1. Parāmāsaṃ dhammaṃ paṭicca noparāmāso dhammo uppajjati hetupaccayā – parāmāsaṃ paṭicca sampayuttakā khandhā cittasamuṭṭhānañca rūpaṃ. (1)

    ২. নোপরামাসং ধম্মং পটিচ্চ নোপরামাসো ধম্মো উপ্পজ্জতি হেতুপচ্চযা – নোপরামাসং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে॰… দ্ৰে খন্ধে…পে॰… পটিসন্ধিক্খণে…পে॰… (যাৰ অসঞ্ঞসত্তা মহাভূতা)। (১)

    2. Noparāmāsaṃ dhammaṃ paṭicca noparāmāso dhammo uppajjati hetupaccayā – noparāmāsaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe… (yāva asaññasattā mahābhūtā). (1)

    নোপরামাসং ধম্মং পটিচ্চ পরামাসো ধম্মো উপ্পজ্জতি হেতুপচ্চযা – নোপরামাসে খন্ধে পটিচ্চ পরামাসো। (২)

    Noparāmāsaṃ dhammaṃ paṭicca parāmāso dhammo uppajjati hetupaccayā – noparāmāse khandhe paṭicca parāmāso. (2)

    নোপরামাসং ধম্মং পটিচ্চ পরামাসো চ নোপরামাসো চ ধম্মা উপ্পজ্জন্তি হেতুপচ্চযা – নোপরামাসং একং খন্ধং পটিচ্চ তযো খন্ধা পরামাসো চ চিত্তসমুট্ঠানঞ্চ রূপং…পে॰… দ্ৰে খন্ধে…পে॰…। (৩)

    Noparāmāsaṃ dhammaṃ paṭicca parāmāso ca noparāmāso ca dhammā uppajjanti hetupaccayā – noparāmāsaṃ ekaṃ khandhaṃ paṭicca tayo khandhā parāmāso ca cittasamuṭṭhānañca rūpaṃ…pe… dve khandhe…pe…. (3)

    ৩. পরামাসঞ্চ নোপরামাসঞ্চ ধম্মং পটিচ্চ নোপরামাসো ধম্মো উপ্পজ্জতি হেতুপচ্চযা – নোপরামাসং একং খন্ধঞ্চ পরামাসঞ্চ পটিচ্চ তযো খন্ধা চিত্তসমুট্ঠানঞ্চ রূপং…পে॰… দ্ৰে খন্ধে চ…পে॰… পরামাসে চ মহাভূতে চ পটিচ্চ চিত্তসমুট্ঠানং রূপং। (১)

    3. Parāmāsañca noparāmāsañca dhammaṃ paṭicca noparāmāso dhammo uppajjati hetupaccayā – noparāmāsaṃ ekaṃ khandhañca parāmāsañca paṭicca tayo khandhā cittasamuṭṭhānañca rūpaṃ…pe… dve khandhe ca…pe… parāmāse ca mahābhūte ca paṭicca cittasamuṭṭhānaṃ rūpaṃ. (1)

    ১. পচ্চযানুলোমং

    1. Paccayānulomaṃ

    ২. সঙ্খ্যাৰারো

    2. Saṅkhyāvāro

    ৪. হেতুযা পঞ্চ, আরম্মণে পঞ্চ (সব্বত্থ পঞ্চ), ৰিপাকে একং…পে॰… অৰিগতে পঞ্চ।

    4. Hetuyā pañca, ārammaṇe pañca (sabbattha pañca), vipāke ekaṃ…pe… avigate pañca.

    অনুলোমং।

    Anulomaṃ.

    ২. পচ্চযপচ্চনীযং

    2. Paccayapaccanīyaṃ

    ১. ৰিভঙ্গৰারো

    1. Vibhaṅgavāro

    নহেতুপচ্চযো

    Nahetupaccayo

    ৫. নোপরামাসং ধম্মং পটিচ্চ নোপরামাসো ধম্মো উপ্পজ্জতি নহেতুপচ্চযা – অহেতুকং নোপরামাসং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে॰… দ্ৰে খন্ধে…পে॰… অহেতুকপটিসন্ধিক্খণে…পে॰… (যাৰ অসঞ্ঞসত্তা) ৰিচিকিচ্ছাসহগতে উদ্ধচ্চসহগতে খন্ধে পটিচ্চ ৰিচিকিচ্ছাসহগতো উদ্ধচ্চসহগতো মোহো। (১)

    5. Noparāmāsaṃ dhammaṃ paṭicca noparāmāso dhammo uppajjati nahetupaccayā – ahetukaṃ noparāmāsaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… ahetukapaṭisandhikkhaṇe…pe… (yāva asaññasattā) vicikicchāsahagate uddhaccasahagate khandhe paṭicca vicikicchāsahagato uddhaccasahagato moho. (1)

    নআরম্মণপচ্চযো

    Naārammaṇapaccayo

    ৬. পরামাসং ধম্মং পটিচ্চ নোপরামাসো ধম্মো উপ্পজ্জতি নআরম্মণপচ্চযা – পরামাসং পটিচ্চ চিত্তসমুট্ঠানং রূপং। (১)

    6. Parāmāsaṃ dhammaṃ paṭicca noparāmāso dhammo uppajjati naārammaṇapaccayā – parāmāsaṃ paṭicca cittasamuṭṭhānaṃ rūpaṃ. (1)

    নোপরামাসং ধম্মং পটিচ্চ নোপরামাসো ধম্মো উপ্পজ্জতি নআরম্মণপচ্চযা – নোপরামাসে খন্ধে পটিচ্চ চিত্তসমুট্ঠানং রূপং; পটিসন্ধিক্খণে…পে॰… (যাৰ অসঞ্ঞসত্তা)। (১)

    Noparāmāsaṃ dhammaṃ paṭicca noparāmāso dhammo uppajjati naārammaṇapaccayā – noparāmāse khandhe paṭicca cittasamuṭṭhānaṃ rūpaṃ; paṭisandhikkhaṇe…pe… (yāva asaññasattā). (1)

    পরামাসঞ্চ নোপরামাসঞ্চ ধম্মং পটিচ্চ নোপরামাসো ধম্মো উপ্পজ্জতি নআরম্মণপচ্চযা – পরামাসঞ্চ সম্পযুত্তকে চ খন্ধে পটিচ্চ চিত্তসমুট্ঠানং রূপং। (১)

    Parāmāsañca noparāmāsañca dhammaṃ paṭicca noparāmāso dhammo uppajjati naārammaṇapaccayā – parāmāsañca sampayuttake ca khandhe paṭicca cittasamuṭṭhānaṃ rūpaṃ. (1)

    ২. পচ্চযপচ্চনীযং

    2. Paccayapaccanīyaṃ

    ২. সঙ্খ্যাৰারো

    2. Saṅkhyāvāro

    সুদ্ধং

    Suddhaṃ

    ৭. নহেতুযা একং, নআরম্মণে তীণি, নঅধিপতিযা পঞ্চ, নঅনন্তরে তীণি, নসমনন্তরে তীণি, নঅঞ্ঞমঞ্ঞে তীণি, নউপনিস্সযে তীণি, নপুরেজাতে পঞ্চ, নপচ্ছাজাতে পঞ্চ, নআসেৰনে পঞ্চ, নকম্মে তীণি, নৰিপাকে পঞ্চ, নআহারে একং, নইন্দ্রিযে একং, নঝানে একং, নমগ্গে একং, নসম্পযুত্তে তীণি, নৰিপ্পযুত্তে পঞ্চ, নোনত্থিযা তীণি, নোৰিগতে তীণি।

    7. Nahetuyā ekaṃ, naārammaṇe tīṇi, naadhipatiyā pañca, naanantare tīṇi, nasamanantare tīṇi, naaññamaññe tīṇi, naupanissaye tīṇi, napurejāte pañca, napacchājāte pañca, naāsevane pañca, nakamme tīṇi, navipāke pañca, naāhāre ekaṃ, naindriye ekaṃ, najhāne ekaṃ, namagge ekaṃ, nasampayutte tīṇi, navippayutte pañca, nonatthiyā tīṇi, novigate tīṇi.

    ৩. পচ্চযানুলোমপচ্চনীযং

    3. Paccayānulomapaccanīyaṃ

    হেতুদুকং

    Hetudukaṃ

    ৮. হেতুপচ্চযা নআরম্মণে তীণি, নঅধিপতিযা পঞ্চ…পে॰… নৰিপাকে পঞ্চ…পে॰… নসম্পযুত্তে তীণি, নৰিপ্পযুত্তে পঞ্চ, নোনত্থিযা তীণি, নোৰিগতে তীণি।

    8. Hetupaccayā naārammaṇe tīṇi, naadhipatiyā pañca…pe… navipāke pañca…pe… nasampayutte tīṇi, navippayutte pañca, nonatthiyā tīṇi, novigate tīṇi.

    ৪. পচ্চযপচ্চনীযানুলোমং

    4. Paccayapaccanīyānulomaṃ

    নহেতুদুকং

    Nahetudukaṃ

    ৯. নহেতুপচ্চযা আরম্মণে একং, অনন্তরে একং (সব্বত্থ একং), অৰিগতে একং।

    9. Nahetupaccayā ārammaṇe ekaṃ, anantare ekaṃ (sabbattha ekaṃ), avigate ekaṃ.

    ২. সহজাতৰারো

    2. Sahajātavāro

    (সহজাতৰারোপি পটিচ্চৰারসদিসো।)

    (Sahajātavāropi paṭiccavārasadiso.)

    ৩. পচ্চযৰারো

    3. Paccayavāro

    ১. পচ্চযানুলোমং

    1. Paccayānulomaṃ

    ১. ৰিভঙ্গৰারো

    1. Vibhaṅgavāro

    হেতুপচ্চযো

    Hetupaccayo

    ১০. পরামাসং ধম্মং পচ্চযা নোপরামাসো ধম্মো উপ্পজ্জতি হেতুপচ্চযা – পরামাসং পচ্চযা সম্পযুত্তকা খন্ধা চিত্তসমুট্ঠানঞ্চ রূপং। (১)

    10. Parāmāsaṃ dhammaṃ paccayā noparāmāso dhammo uppajjati hetupaccayā – parāmāsaṃ paccayā sampayuttakā khandhā cittasamuṭṭhānañca rūpaṃ. (1)

    নোপরামাসং ধম্মং পচ্চযা নোপরামাসো ধম্মো উপ্পজ্জতি হেতুপচ্চযা – নোপরামাসং একং খন্ধং পচ্চযা তযো খন্ধা চিত্তসমুট্ঠানঞ্চ রূপং…পে॰… দ্ৰে খন্ধে…পে॰… পটিসন্ধিক্খণে…পে॰… (যাৰ অজ্ঝত্তিকা মহাভূতা), ৰত্থুং পচ্চযা নোপরামাসা খন্ধা। (১)

    Noparāmāsaṃ dhammaṃ paccayā noparāmāso dhammo uppajjati hetupaccayā – noparāmāsaṃ ekaṃ khandhaṃ paccayā tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe… (yāva ajjhattikā mahābhūtā), vatthuṃ paccayā noparāmāsā khandhā. (1)

    নোপরামাসং ধম্মং পচ্চযা পরামাসো ধম্মো উপ্পজ্জতি হেতুপচ্চযা – নোপরামাসে খন্ধে পচ্চযা পরামাসো, ৰত্থুং পচ্চযা পরামাসো। (২)

    Noparāmāsaṃ dhammaṃ paccayā parāmāso dhammo uppajjati hetupaccayā – noparāmāse khandhe paccayā parāmāso, vatthuṃ paccayā parāmāso. (2)

    নোপরামাসং ধম্মং পচ্চযা পরামাসো চ নোপরামাসো চ ধম্মা উপ্পজ্জন্তি হেতুপচ্চযা – নোপরামাসং একং খন্ধং পচ্চযা তযো খন্ধা পরামাসো চ চিত্তসমুট্ঠানঞ্চ রূপং…পে॰… দ্ৰে খন্ধে…পে॰… ৰত্থুং পচ্চযা পরামাসো, মহাভূতে পচ্চযা চিত্তসমুট্ঠানং রূপং, ৰত্থুং পচ্চযা পরামাসো চ সম্পযুত্তকা চ খন্ধা। (৩)

    Noparāmāsaṃ dhammaṃ paccayā parāmāso ca noparāmāso ca dhammā uppajjanti hetupaccayā – noparāmāsaṃ ekaṃ khandhaṃ paccayā tayo khandhā parāmāso ca cittasamuṭṭhānañca rūpaṃ…pe… dve khandhe…pe… vatthuṃ paccayā parāmāso, mahābhūte paccayā cittasamuṭṭhānaṃ rūpaṃ, vatthuṃ paccayā parāmāso ca sampayuttakā ca khandhā. (3)

    ১১. পরামাসঞ্চ নোপরামাসঞ্চ ধম্মং পচ্চযা নোপরামাসো ধম্মো উপ্পজ্জতি হেতুপচ্চযা – নোপরামাসং একং খন্ধঞ্চ পরামাসঞ্চ পচ্চযা তযো খন্ধা চিত্তসমুট্ঠানঞ্চ রূপং…পে॰… দ্ৰে খন্ধে চ…পে॰… পরামাসঞ্চ সম্পযুত্তকে চ খন্ধে পচ্চযা চিত্তসমুট্ঠানং রূপং, পরামাসঞ্চ মহাভূতে চ পচ্চযা চিত্তসমুট্ঠানং রূপং, পরামাসঞ্চ ৰত্থুঞ্চ পচ্চযা নোপরামাসা খন্ধা (সংখিত্তং)। (১)

    11. Parāmāsañca noparāmāsañca dhammaṃ paccayā noparāmāso dhammo uppajjati hetupaccayā – noparāmāsaṃ ekaṃ khandhañca parāmāsañca paccayā tayo khandhā cittasamuṭṭhānañca rūpaṃ…pe… dve khandhe ca…pe… parāmāsañca sampayuttake ca khandhe paccayā cittasamuṭṭhānaṃ rūpaṃ, parāmāsañca mahābhūte ca paccayā cittasamuṭṭhānaṃ rūpaṃ, parāmāsañca vatthuñca paccayā noparāmāsā khandhā (saṃkhittaṃ). (1)

    ১. পচ্চযানুলোমং

    1. Paccayānulomaṃ

    ২. সঙ্খ্যাৰারো

    2. Saṅkhyāvāro

    ১২. হেতুযা পঞ্চ, আরম্মণে পঞ্চ, অধিপতিযা পঞ্চ (সব্বত্থ পঞ্চ), ৰিপাকে একং…পে॰… অৰিগতে পঞ্চ।

    12. Hetuyā pañca, ārammaṇe pañca, adhipatiyā pañca (sabbattha pañca), vipāke ekaṃ…pe… avigate pañca.

    ২. পচ্চযপচ্চনীযং

    2. Paccayapaccanīyaṃ

    ১. ৰিভঙ্গৰারো

    1. Vibhaṅgavāro

    নহেতুপচ্চযো

    Nahetupaccayo

    ১৩. নোপরামাসং ধম্মং পচ্চযা নোপরামাসো ধম্মো উপ্পজ্জতি নহেতুপচ্চযা – অহেতুকং নোপরামাসং একং খন্ধং পচ্চযা তযো খন্ধা চিত্তসমুট্ঠানঞ্চ রূপং…পে॰… দ্ৰে খন্ধে…পে॰… অহেতুকপটিসন্ধিক্খণে…পে॰… (যাৰ অসঞ্ঞসত্তা) চক্খাযতনং পচ্চযা চক্খুৰিঞ্ঞাণং…পে॰… কাযাযতনং পচ্চযা কাযৰিঞ্ঞাণং, ৰত্থুং পচ্চযা অহেতুকা নোপরামাসা খন্ধা; ৰিচিকিচ্ছাসহগতে উদ্ধচ্চসহগতে খন্ধে চ ৰত্থুঞ্চ পচ্চযা ৰিচিকিচ্ছাসহগতো উদ্ধচ্চসহগতো মোহো (সংখিত্তং)।

    13. Noparāmāsaṃ dhammaṃ paccayā noparāmāso dhammo uppajjati nahetupaccayā – ahetukaṃ noparāmāsaṃ ekaṃ khandhaṃ paccayā tayo khandhā cittasamuṭṭhānañca rūpaṃ…pe… dve khandhe…pe… ahetukapaṭisandhikkhaṇe…pe… (yāva asaññasattā) cakkhāyatanaṃ paccayā cakkhuviññāṇaṃ…pe… kāyāyatanaṃ paccayā kāyaviññāṇaṃ, vatthuṃ paccayā ahetukā noparāmāsā khandhā; vicikicchāsahagate uddhaccasahagate khandhe ca vatthuñca paccayā vicikicchāsahagato uddhaccasahagato moho (saṃkhittaṃ).

    ২. পচ্চযপচ্চনীযং

    2. Paccayapaccanīyaṃ

    ২. সঙ্খ্যাৰারো

    2. Saṅkhyāvāro

    সুদ্ধং

    Suddhaṃ

    ১৪. নহেতুযা একং, নআরম্মণে তীণি, নঅধিপতিযা পঞ্চ, নঅনন্তরে তীণি…পে॰… নউপনিস্সযে তীণি, নপুরেজাতে পঞ্চ, নপচ্ছাজাতে পঞ্চ , নআসেৰনে পঞ্চ, নকম্মে তীণি, নৰিপাকে পঞ্চ, নআহারে একং, নইন্দ্রিযে একং, নঝানে একং, নমগ্গে একং, নসম্পযুত্তে তীণি, নৰিপ্পযুত্তে পঞ্চ, নোনত্থিযা তীণি, নোৰিগতে তীণি।

    14. Nahetuyā ekaṃ, naārammaṇe tīṇi, naadhipatiyā pañca, naanantare tīṇi…pe… naupanissaye tīṇi, napurejāte pañca, napacchājāte pañca , naāsevane pañca, nakamme tīṇi, navipāke pañca, naāhāre ekaṃ, naindriye ekaṃ, najhāne ekaṃ, namagge ekaṃ, nasampayutte tīṇi, navippayutte pañca, nonatthiyā tīṇi, novigate tīṇi.

    ৩. পচ্চযানুলোমপচ্চনীযং

    3. Paccayānulomapaccanīyaṃ

    ১৫. হেতুপচ্চযা নআরম্মণে তীণি, নঅধিপতিযা পঞ্চ (এৰং সব্বত্থ কাতব্বং)।

    15. Hetupaccayā naārammaṇe tīṇi, naadhipatiyā pañca (evaṃ sabbattha kātabbaṃ).

    ৪. পচ্চযপচ্চনীযানুলোমং

    4. Paccayapaccanīyānulomaṃ

    ১৬. নহেতুপচ্চযা আরম্মণে একং…পে॰… অৰিগতে একং।

    16. Nahetupaccayā ārammaṇe ekaṃ…pe… avigate ekaṃ.

    ৪. নিস্সযৰারো

    4. Nissayavāro

    (নিস্সযৰারো পচ্চযৰারসদিসো।)

    (Nissayavāro paccayavārasadiso.)

    ৫. সংসট্ঠৰারো

    5. Saṃsaṭṭhavāro

    পরামাসং ধম্মং সংসট্ঠো নোপরামাসো ধম্মো উপ্পজ্জতি হেতুপচ্চযা – পরামাসং সংসট্ঠা সম্পযুত্তকা খন্ধা (এৰং পঞ্চ পঞ্হা কাতব্বা অরূপেযেৰ, সংসট্ঠৰারোপি সম্পযুত্তৰারোপি এৰং কাতব্বা)।

    Parāmāsaṃ dhammaṃ saṃsaṭṭho noparāmāso dhammo uppajjati hetupaccayā – parāmāsaṃ saṃsaṭṭhā sampayuttakā khandhā (evaṃ pañca pañhā kātabbā arūpeyeva, saṃsaṭṭhavāropi sampayuttavāropi evaṃ kātabbā).

    ৭. পঞ্হাৰারো

    7. Pañhāvāro

    ১. পচ্চযানুলোমং

    1. Paccayānulomaṃ

    ১. ৰিভঙ্গৰারো

    1. Vibhaṅgavāro

    হেতুপচ্চযো

    Hetupaccayo

    ১৭. নোপরামাসো ধম্মো নোপরামাসস্স ধম্মস্স হেতুপচ্চযেন পচ্চযো – নোপরামাসা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো; পটিসন্ধিক্খণে…পে॰…। (১)

    17. Noparāmāso dhammo noparāmāsassa dhammassa hetupaccayena paccayo – noparāmāsā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo; paṭisandhikkhaṇe…pe…. (1)

    নোপরামাসো ধম্মো পরামাসস্স ধম্মস্স হেতুপচ্চযেন পচ্চযো – নোপরামাসা হেতূ পরামাসস্স হেতুপচ্চযেন পচ্চযো। (২)

    Noparāmāso dhammo parāmāsassa dhammassa hetupaccayena paccayo – noparāmāsā hetū parāmāsassa hetupaccayena paccayo. (2)

    নোপরামাসো ধম্মো পরামাসস্স চ নোপরামাসস্স চ ধম্মস্স হেতুপচ্চযেন পচ্চযো – নোপরামাসা হেতূ সম্পযুত্তকানং খন্ধানং পরামাসস্স চ চিত্তসমুট্ঠানানঞ্চ রূপানং হেতুপচ্চযেন পচ্চযো। (৩)

    Noparāmāso dhammo parāmāsassa ca noparāmāsassa ca dhammassa hetupaccayena paccayo – noparāmāsā hetū sampayuttakānaṃ khandhānaṃ parāmāsassa ca cittasamuṭṭhānānañca rūpānaṃ hetupaccayena paccayo. (3)

    আরম্মণপচ্চযো

    Ārammaṇapaccayo

    ১৮. পরামাসো ধম্মো পরামাসস্স ধম্মস্স আরম্মণপচ্চযেন পচ্চযো – পরামাসং আরব্ভ পরামাসো উপ্পজ্জতি। (মূলং কাতব্বং) পরামাসং আরব্ভ নোপরামাসা খন্ধা উপ্পজ্জন্তি। (মূলং কাতব্বং) পরামাসং আরব্ভ পরামাসো চ সম্পযুত্তকা চ খন্ধা উপ্পজ্জন্তি। (৩)

    18. Parāmāso dhammo parāmāsassa dhammassa ārammaṇapaccayena paccayo – parāmāsaṃ ārabbha parāmāso uppajjati. (Mūlaṃ kātabbaṃ) parāmāsaṃ ārabbha noparāmāsā khandhā uppajjanti. (Mūlaṃ kātabbaṃ) parāmāsaṃ ārabbha parāmāso ca sampayuttakā ca khandhā uppajjanti. (3)

    ১৯. নোপরামাসো ধম্মো নোপরামাসস্স ধম্মস্স আরম্মণপচ্চযেন পচ্চযো – দানং…পে॰… সীলং…পে॰… উপোসথকম্মং কত্ৰা তং পচ্চৰেক্খতি, অস্সাদেতি অভিনন্দতি, তং আরব্ভ রাগো…পে॰… ৰিচিকিচ্ছা… উদ্ধচ্চং… দোমনস্সং উপ্পজ্জতি; পুব্বে সুচিণ্ণানি …পে॰… ঝানা ৰুট্ঠহিত্ৰা ঝানং…পে॰… অরিযা মগ্গা ৰুট্ঠহিত্ৰা মগ্গং পচ্চৰেক্খন্তি, ফলং পচ্চৰেক্খন্তি, নিব্বানং পচ্চৰেক্খন্তি। নিব্বানং গোত্রভুস্স, ৰোদানস্স, মগ্গস্স, ফলস্স, আৰজ্জনায আরম্মণপচ্চযেন পচ্চযো; অরিযা নোপরামাসে পহীনে কিলেসে…পে॰… ৰিক্খম্ভিতে কিলেসে…পে॰… পুব্বে…পে॰… চক্খুং…পে॰… ৰত্থুং নোপরামাসে খন্ধে অনিচ্চতো…পে॰… ৰিপস্সতি, অস্সাদেতি অভিনন্দতি, তং আরব্ভ রাগো…পে॰… ৰিচিকিচ্ছা… উদ্ধচ্চং… দোমনস্সং উপ্পজ্জতি; দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি। চেতোপরিযঞাণেন নোপরামাসচিত্তসমঙ্গিস্স চিত্তং জানাতি, আকাসানঞ্চাযতনং ৰিঞ্ঞাণঞ্চাযতনস্স…পে॰… আকিঞ্চঞ্ঞাযতনং নেৰসঞ্ঞানাসঞ্ঞাযতনস্স…পে॰… রূপাযতনং চক্খুৰিঞ্ঞাণস্স…পে॰… ফোট্ঠব্বাযতনং কাযৰিঞ্ঞাণস্স…পে॰… নোপরামাসা খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো। (১)

    19. Noparāmāso dhammo noparāmāsassa dhammassa ārammaṇapaccayena paccayo – dānaṃ…pe… sīlaṃ…pe… uposathakammaṃ katvā taṃ paccavekkhati, assādeti abhinandati, taṃ ārabbha rāgo…pe… vicikicchā… uddhaccaṃ… domanassaṃ uppajjati; pubbe suciṇṇāni …pe… jhānā vuṭṭhahitvā jhānaṃ…pe… ariyā maggā vuṭṭhahitvā maggaṃ paccavekkhanti, phalaṃ paccavekkhanti, nibbānaṃ paccavekkhanti. Nibbānaṃ gotrabhussa, vodānassa, maggassa, phalassa, āvajjanāya ārammaṇapaccayena paccayo; ariyā noparāmāse pahīne kilese…pe… vikkhambhite kilese…pe… pubbe…pe… cakkhuṃ…pe… vatthuṃ noparāmāse khandhe aniccato…pe… vipassati, assādeti abhinandati, taṃ ārabbha rāgo…pe… vicikicchā… uddhaccaṃ… domanassaṃ uppajjati; dibbena cakkhunā rūpaṃ passati, dibbāya sotadhātuyā saddaṃ suṇāti. Cetopariyañāṇena noparāmāsacittasamaṅgissa cittaṃ jānāti, ākāsānañcāyatanaṃ viññāṇañcāyatanassa…pe… ākiñcaññāyatanaṃ nevasaññānāsaññāyatanassa…pe… rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa…pe… noparāmāsā khandhā iddhividhañāṇassa, cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo. (1)

    নোপরামাসো ধম্মো পরামাসস্স ধম্মস্স আরম্মণপচ্চযেন পচ্চযো – দানং…পে॰… সীলং…পে॰… উপোসথকম্মং…পে॰… তং অস্সাদেতি অভিনন্দতি, তং আরব্ভ দিট্ঠি উপ্পজ্জতি, পুব্বে…পে॰… ঝানা…পে॰… চক্খুং…পে॰… ৰত্থুং নোপরামাসে খন্ধে অস্সাদেতি অভিনন্দতি, তং আরব্ভ দিট্ঠি উপ্পজ্জতি। (২)

    Noparāmāso dhammo parāmāsassa dhammassa ārammaṇapaccayena paccayo – dānaṃ…pe… sīlaṃ…pe… uposathakammaṃ…pe… taṃ assādeti abhinandati, taṃ ārabbha diṭṭhi uppajjati, pubbe…pe… jhānā…pe… cakkhuṃ…pe… vatthuṃ noparāmāse khandhe assādeti abhinandati, taṃ ārabbha diṭṭhi uppajjati. (2)

    নোপরামাসো ধম্মো পরামাসস্স চ নোপরামাসস্স চ ধম্মস্স আরম্মণপচ্চযেন পচ্চযো – দানং…পে॰… সীলং…পে॰… উপোসথকম্মং…পে॰… তং অস্সাদেতি অভিনন্দতি, তং আরব্ভ পরামাসো চ সম্পযুত্তকা চ খন্ধা উপ্পজ্জন্তি, পুব্বে…পে॰… ঝানা …পে॰… চক্খুং…পে॰… ৰত্থুং নোপরামাসে খন্ধে অস্সাদেতি অভিনন্দতি, তং আরব্ভ পরামাসো চ সম্পযুত্তকা চ খন্ধা উপ্পজ্জন্তি। (৩)

    Noparāmāso dhammo parāmāsassa ca noparāmāsassa ca dhammassa ārammaṇapaccayena paccayo – dānaṃ…pe… sīlaṃ…pe… uposathakammaṃ…pe… taṃ assādeti abhinandati, taṃ ārabbha parāmāso ca sampayuttakā ca khandhā uppajjanti, pubbe…pe… jhānā …pe… cakkhuṃ…pe… vatthuṃ noparāmāse khandhe assādeti abhinandati, taṃ ārabbha parāmāso ca sampayuttakā ca khandhā uppajjanti. (3)

    ২০. পরামাসো চ নোপরামাসো চ ধম্মা পরামাসস্স ধম্মস্স আরম্মণপচ্চযেন পচ্চযো – পরামাসঞ্চ সম্পযুত্তকে চ খন্ধে আরব্ভ পরামাসো উপ্পজ্জতি… তীণি।

    20. Parāmāso ca noparāmāso ca dhammā parāmāsassa dhammassa ārammaṇapaccayena paccayo – parāmāsañca sampayuttake ca khandhe ārabbha parāmāso uppajjati… tīṇi.

    অধিপতিপচ্চযো

    Adhipatipaccayo

    ২১. পরামাসো ধম্মো পরামাসস্স ধম্মস্স অধিপতিপচ্চযেন পচ্চযো – পরামাসং গরুং কত্ৰা পরামাসো উপ্পজ্জতি… তীণি (আরম্মণাধিপতিযেৰ কাতব্বা)।

    21. Parāmāso dhammo parāmāsassa dhammassa adhipatipaccayena paccayo – parāmāsaṃ garuṃ katvā parāmāso uppajjati… tīṇi (ārammaṇādhipatiyeva kātabbā).

    ২২. নোপরামাসো ধম্মো নোপরামাসস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি। আরম্মণাধিপতি – দানং…পে॰… সীলং…পে॰… উপোসথকম্মং…পে॰… তং গরুং কত্ৰা পচ্চৰেক্খতি, অস্সাদেতি অভিনন্দতি, তং গরুং কত্ৰা রাগো উপ্পজ্জতি, পুব্বে…পে॰… ঝানা…পে॰… অরিযা মগ্গা ৰুট্ঠহিত্ৰা মগ্গং গরুং কত্ৰা…পে॰… ফলং গরুং কত্ৰা…পে॰… নিব্বানং গরুং কত্ৰা…পে॰… নিব্বানং গোত্রভুস্স, ৰোদানস্স, মগ্গস্স, ফলস্স অধিপতিপচ্চযেন পচ্চযো; চক্খুং…পে॰… ৰত্থুং নোপরামাসে খন্ধে গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি। সহজাতাধিপতি – নোপরামাসাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো। (১)

    22. Noparāmāso dhammo noparāmāsassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ…pe… sīlaṃ…pe… uposathakammaṃ…pe… taṃ garuṃ katvā paccavekkhati, assādeti abhinandati, taṃ garuṃ katvā rāgo uppajjati, pubbe…pe… jhānā…pe… ariyā maggā vuṭṭhahitvā maggaṃ garuṃ katvā…pe… phalaṃ garuṃ katvā…pe… nibbānaṃ garuṃ katvā…pe… nibbānaṃ gotrabhussa, vodānassa, maggassa, phalassa adhipatipaccayena paccayo; cakkhuṃ…pe… vatthuṃ noparāmāse khandhe garuṃ katvā assādeti abhinandati, taṃ garuṃ katvā rāgo uppajjati. Sahajātādhipati – noparāmāsādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (1)

    নোপরামাসো ধম্মো পরামাসস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি। আরম্মণাধিপতি – দানং…পে॰… সীলং…পে॰… উপোসথকম্মং…পে॰… পুব্বে…পে॰… ঝানা…পে॰… চক্খুং…পে॰… ৰত্থুং নোপরামাসে খন্ধে গরুং কত্ৰা অস্সাদেতি অভিনন্দতি, তং গরুং কত্ৰা দিট্ঠি উপ্পজ্জতি। সহজাতাধিপতি – নোপরামাসাধিপতি পরামাসস্স অধিপতিপচ্চযেন পচ্চযো। (২)

    Noparāmāso dhammo parāmāsassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ…pe… sīlaṃ…pe… uposathakammaṃ…pe… pubbe…pe… jhānā…pe… cakkhuṃ…pe… vatthuṃ noparāmāse khandhe garuṃ katvā assādeti abhinandati, taṃ garuṃ katvā diṭṭhi uppajjati. Sahajātādhipati – noparāmāsādhipati parāmāsassa adhipatipaccayena paccayo. (2)

    নোপরামাসো ধম্মো পরামাসস্স চ নোপরামাসস্স চ ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি। আরম্মণাধিপতি – দানং…পে॰… সীলং…পে॰… উপোসথকম্মং…পে॰… পুব্বে…পে॰… ঝানা …পে॰… চক্খুং…পে॰… ৰত্থুং নোপরামাসে খন্ধে গরুং কত্ৰা অস্সাদেতি অভিনন্দতি, তং গরুং কত্ৰা পরামাসো চ সম্পযুত্তকা চ খন্ধা উপ্পজ্জন্তি। সহজাতাধিপতি – নোপরামাসাধিপতি সম্পযুত্তকানং খন্ধানং পরামাসস্স চ চিত্তসমুট্ঠানানঞ্চ রূপানং অধিপতিপচ্চযেন পচ্চযো। (৩)

    Noparāmāso dhammo parāmāsassa ca noparāmāsassa ca dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ…pe… sīlaṃ…pe… uposathakammaṃ…pe… pubbe…pe… jhānā …pe… cakkhuṃ…pe… vatthuṃ noparāmāse khandhe garuṃ katvā assādeti abhinandati, taṃ garuṃ katvā parāmāso ca sampayuttakā ca khandhā uppajjanti. Sahajātādhipati – noparāmāsādhipati sampayuttakānaṃ khandhānaṃ parāmāsassa ca cittasamuṭṭhānānañca rūpānaṃ adhipatipaccayena paccayo. (3)

    পরামাসো চ নোপরামাসো চ ধম্মা পরামাসস্স ধম্মস্স অধিপতিপচ্চযেন পচ্চযো। আরম্মণাধিপতি – পরামাসঞ্চ সম্পযুত্তকে চ খন্ধে গরুং কত্ৰা পরামাসো… তীণি।

    Parāmāso ca noparāmāso ca dhammā parāmāsassa dhammassa adhipatipaccayena paccayo. Ārammaṇādhipati – parāmāsañca sampayuttake ca khandhe garuṃ katvā parāmāso… tīṇi.

    অনন্তরপচ্চযো

    Anantarapaccayo

    ২৩. পরামাসো ধম্মো পরামাসস্স ধম্মস্স অনন্তরপচ্চযেন পচ্চযো – পুরিমো পুরিমো পরামাসো পচ্ছিমস্স পচ্ছিমস্স পরামাসস্স অনন্তরপচ্চযেন পচ্চযো। (মূলং কাতব্বং) পুরিমো পুরিমো পরামাসো পচ্ছিমানং পচ্ছিমানং নোপরামাসানং খন্ধানং অনন্তরপচ্চযেন পচ্চযো; পরামাসো ৰুট্ঠানস্স অনন্তরপচ্চযেন পচ্চযো। (মূলং কাতব্বং) পুরিমো পুরিমো পরামাসো পচ্ছিমস্স পচ্ছিমস্স পরামাসস্স সম্পযুত্তকানঞ্চ খন্ধানং অনন্তরপচ্চযেন পচ্চযো। (৩)

    23. Parāmāso dhammo parāmāsassa dhammassa anantarapaccayena paccayo – purimo purimo parāmāso pacchimassa pacchimassa parāmāsassa anantarapaccayena paccayo. (Mūlaṃ kātabbaṃ) purimo purimo parāmāso pacchimānaṃ pacchimānaṃ noparāmāsānaṃ khandhānaṃ anantarapaccayena paccayo; parāmāso vuṭṭhānassa anantarapaccayena paccayo. (Mūlaṃ kātabbaṃ) purimo purimo parāmāso pacchimassa pacchimassa parāmāsassa sampayuttakānañca khandhānaṃ anantarapaccayena paccayo. (3)

    ২৪. নোপরামাসো ধম্মো নোপরামাসস্স ধম্মস্স অনন্তরপচ্চযেন পচ্চযো – পুরিমা পুরিমা নোপরামাসা খন্ধা পচ্ছিমানং পচ্ছিমানং নোপরামাসানং খন্ধানং অনন্তরপচ্চযেন পচ্চযো…পে॰… অনুলোমং ফলসমাপত্তিযা অনন্তরপচ্চযেন পচ্চযো। (মূলং কাতব্বং) পুরিমা পুরিমা নোপরামাসা খন্ধা পচ্ছিমস্স পচ্ছিমস্স পরামাসস্স অনন্তরপচ্চযেন পচ্চযো; আৰজ্জনা পরামাসস্স অনন্তরপচ্চযেন পচ্চযো। (মূলং কাতব্বং) পুরিমা পুরিমা নোপরামাসা খন্ধা পচ্ছিমস্স পচ্ছিমস্স পরামাসস্স চ সম্পযুত্তকানঞ্চ খন্ধানং অনন্তরপচ্চযেন পচ্চযো; আৰজ্জনা পরামাসস্স চ সম্পযুত্তকানঞ্চ খন্ধানং অনন্তরপচ্চযেন পচ্চযো। (৩)

    24. Noparāmāso dhammo noparāmāsassa dhammassa anantarapaccayena paccayo – purimā purimā noparāmāsā khandhā pacchimānaṃ pacchimānaṃ noparāmāsānaṃ khandhānaṃ anantarapaccayena paccayo…pe… anulomaṃ phalasamāpattiyā anantarapaccayena paccayo. (Mūlaṃ kātabbaṃ) purimā purimā noparāmāsā khandhā pacchimassa pacchimassa parāmāsassa anantarapaccayena paccayo; āvajjanā parāmāsassa anantarapaccayena paccayo. (Mūlaṃ kātabbaṃ) purimā purimā noparāmāsā khandhā pacchimassa pacchimassa parāmāsassa ca sampayuttakānañca khandhānaṃ anantarapaccayena paccayo; āvajjanā parāmāsassa ca sampayuttakānañca khandhānaṃ anantarapaccayena paccayo. (3)

    ২৫. পরামাসো চ নোপরামাসো চ ধম্মা পরামাসস্স ধম্মস্স অনন্তরপচ্চযেন পচ্চযো – পুরিমো পুরিমো পরামাসো চ সম্পযুত্তকা চ খন্ধা পচ্ছিমস্স পচ্ছিমস্স পরামাসস্স অনন্তরপচ্চযেন পচ্চযো। (মূলং কাতব্বং) পুরিমো পুরিমো পরামাসো চ সম্পযুত্তকা চ খন্ধা পচ্ছিমানং পচ্ছিমানং নোপরামাসানং খন্ধানং অনন্তরপচ্চযেন পচ্চযো; পরামাসো চ সম্পযুত্তকা চ খন্ধা ৰুট্ঠানস্স অনন্তরপচ্চযেন পচ্চযো। (মূলং কাতব্বং) পুরিমো পুরিমো পরামাসো চ সম্পযুত্তকা চ খন্ধা পচ্ছিমস্স পচ্ছিমস্স পরামাসস্স সম্পযুত্তকানঞ্চ খন্ধানং অনন্তরপচ্চযেন পচ্চযো। (৩)

    25. Parāmāso ca noparāmāso ca dhammā parāmāsassa dhammassa anantarapaccayena paccayo – purimo purimo parāmāso ca sampayuttakā ca khandhā pacchimassa pacchimassa parāmāsassa anantarapaccayena paccayo. (Mūlaṃ kātabbaṃ) purimo purimo parāmāso ca sampayuttakā ca khandhā pacchimānaṃ pacchimānaṃ noparāmāsānaṃ khandhānaṃ anantarapaccayena paccayo; parāmāso ca sampayuttakā ca khandhā vuṭṭhānassa anantarapaccayena paccayo. (Mūlaṃ kātabbaṃ) purimo purimo parāmāso ca sampayuttakā ca khandhā pacchimassa pacchimassa parāmāsassa sampayuttakānañca khandhānaṃ anantarapaccayena paccayo. (3)

    সমনন্তরপচ্চযাদি

    Samanantarapaccayādi

    ২৬. পরামাসো ধম্মো পরামাসস্স ধম্মস্স সমনন্তরপচ্চযেন পচ্চযো… সহজাতপচ্চযেন পচ্চযো… অঞ্ঞমঞ্ঞপচ্চযেন পচ্চযো… নিস্সযপচ্চযেন পচ্চযো… পঞ্চ।

    26. Parāmāso dhammo parāmāsassa dhammassa samanantarapaccayena paccayo… sahajātapaccayena paccayo… aññamaññapaccayena paccayo… nissayapaccayena paccayo… pañca.

    উপনিস্সযপচ্চযো

    Upanissayapaccayo

    ২৭. পরামাসো ধম্মো পরামাসস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে॰…। পকতূপনিস্সযো – পরামাসো পরামাসস্স উপনিস্সযপচ্চযেন পচ্চযো… তীণি।

    27. Parāmāso dhammo parāmāsassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – parāmāso parāmāsassa upanissayapaccayena paccayo… tīṇi.

    ২৮. নোপরামাসো ধম্মো নোপরামাসস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে॰…। পকতূপনিস্সযো – সদ্ধং উপনিস্সায দানং দেতি…পে॰… সমাপত্তিং উপ্পাদেতি… মানং জপ্পেতি… সীলং…পে॰… পঞ্ঞং… রাগং… দোসং… মোহং… মানং… পত্থনং… কাযিকং সুখং…পে॰… সেনাসনং উপনিস্সায দানং দেতি…পে॰… সমাপত্তিং উপ্পাদেতি… পাণং হনতি…পে॰… সঙ্ঘং ভিন্দতি; সদ্ধা…পে॰… সেনাসনং, সদ্ধায…পে॰… পঞ্ঞায, রাগস্স…পে॰… পত্থনায… কাযিকস্স সুখস্স…পে॰… মগ্গস্স, ফলসমাপত্তিযা উপনিস্সযপচ্চযেন পচ্চযো। (১)

    28. Noparāmāso dhammo noparāmāsassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – saddhaṃ upanissāya dānaṃ deti…pe… samāpattiṃ uppādeti… mānaṃ jappeti… sīlaṃ…pe… paññaṃ… rāgaṃ… dosaṃ… mohaṃ… mānaṃ… patthanaṃ… kāyikaṃ sukhaṃ…pe… senāsanaṃ upanissāya dānaṃ deti…pe… samāpattiṃ uppādeti… pāṇaṃ hanati…pe… saṅghaṃ bhindati; saddhā…pe… senāsanaṃ, saddhāya…pe… paññāya, rāgassa…pe… patthanāya… kāyikassa sukhassa…pe… maggassa, phalasamāpattiyā upanissayapaccayena paccayo. (1)

    নোপরামাসো ধম্মো পরামাসস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে॰…। পকতূপনিস্সযো – সদ্ধং উপনিস্সায দিট্ঠিং গণ্হাতি, সীলং…পে॰… পঞ্ঞং, রাগং…পে॰… পত্থনং, কাযিকং সুখং…পে॰… সেনাসনং উপনিস্সায দিট্ঠিং গণ্হাতি; সদ্ধা…পে॰… সেনাসনং পরামাসস্স উপনিস্সযপচ্চযেন পচ্চযো। (২)

    Noparāmāso dhammo parāmāsassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – saddhaṃ upanissāya diṭṭhiṃ gaṇhāti, sīlaṃ…pe… paññaṃ, rāgaṃ…pe… patthanaṃ, kāyikaṃ sukhaṃ…pe… senāsanaṃ upanissāya diṭṭhiṃ gaṇhāti; saddhā…pe… senāsanaṃ parāmāsassa upanissayapaccayena paccayo. (2)

    নোপরামাসো ধম্মো পরামাসস্স চ নোপরামাসস্স চ ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে॰…। পকতূপনিস্সযো – সদ্ধং উপনিস্সায দিট্ঠিং গণ্হাতি, সীলং…পে॰… সেনাসনং উপনিস্সায দিট্ঠিং গণ্হাতি; সদ্ধা…পে॰… সেনাসনং পরামাসস্স সম্পযুত্তকানঞ্চ খন্ধানং উপনিস্সযপচ্চযেন পচ্চযো। (৩)

    Noparāmāso dhammo parāmāsassa ca noparāmāsassa ca dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – saddhaṃ upanissāya diṭṭhiṃ gaṇhāti, sīlaṃ…pe… senāsanaṃ upanissāya diṭṭhiṃ gaṇhāti; saddhā…pe… senāsanaṃ parāmāsassa sampayuttakānañca khandhānaṃ upanissayapaccayena paccayo. (3)

    ২৯. পরামাসো চ নোপরামাসো চ ধম্মা পরামাসস্স ধম্মস্স উপনিস্সযপচ্চযেন পচ্চযো – তীণি উপনিস্সযা পরামাসো চ সম্পযুত্তকা চ খন্ধা পরামাসস্স উপনিস্সযপচ্চযেন পচ্চযো… তীণি।

    29. Parāmāso ca noparāmāso ca dhammā parāmāsassa dhammassa upanissayapaccayena paccayo – tīṇi upanissayā parāmāso ca sampayuttakā ca khandhā parāmāsassa upanissayapaccayena paccayo… tīṇi.

    পুরেজাতপচ্চযো

    Purejātapaccayo

    ৩০. নোপরামাসো ধম্মো নোপরামাসস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং। আরম্মণপুরেজাতং – চক্খুং…পে॰… ৰত্থুং অনিচ্চতো…পে॰… ৰিপস্সতি অস্সাদেতি অভিনন্দতি, তং আরব্ভ রাগো…পে॰… ৰিচিকিচ্ছা…পে॰… উদ্ধচ্চং…পে॰… দোমনস্সং উপ্পজ্জতি; দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি। রূপাযতনং চক্খুৰিঞ্ঞাণস্স…পে॰… ফোট্ঠব্বাযতনং কাযৰিঞ্ঞাণস্স…পে॰…। ৰত্থুপুরেজাতং – চক্খাযতনং চক্খুৰিঞ্ঞাণস্স…পে॰… কাযাযতনং কাযৰিঞ্ঞাণস্স…পে॰… ৰত্থু নোপরামাসানং খন্ধানং পুরেজাতপচ্চযেন পচ্চযো। (১)

    30. Noparāmāso dhammo noparāmāsassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ aniccato…pe… vipassati assādeti abhinandati, taṃ ārabbha rāgo…pe… vicikicchā…pe… uddhaccaṃ…pe… domanassaṃ uppajjati; dibbena cakkhunā rūpaṃ passati, dibbāya sotadhātuyā saddaṃ suṇāti. Rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa…pe…. Vatthupurejātaṃ – cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa…pe… vatthu noparāmāsānaṃ khandhānaṃ purejātapaccayena paccayo. (1)

    নোপরামাসো ধম্মো পরামাসস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং। আরম্মণপুরেজাতং – চক্খুং…পে॰… ৰত্থুং অস্সাদেতি অভিনন্দতি, তং আরব্ভ দিট্ঠি উপ্পজ্জতি। ৰত্থুপুরেজাতং – ৰত্থু পরামাসস্স পুরেজাতপচ্চযেন পচ্চযো। (২)

    Noparāmāso dhammo parāmāsassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ assādeti abhinandati, taṃ ārabbha diṭṭhi uppajjati. Vatthupurejātaṃ – vatthu parāmāsassa purejātapaccayena paccayo. (2)

    নোপরামাসো ধম্মো পরামাসস্স চ নোপরামাসস্স চ ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং। আরম্মণপুরেজাতং – চক্খুং…পে॰… ৰত্থুং অস্সাদেতি অভিনন্দতি, তং আরব্ভ পরামাসো চ সম্পযুত্তকা চ খন্ধা উপ্পজ্জন্তি। ৰত্থুপুরেজাতং – ৰত্থু পরামাসস্স চ সম্পযুত্তকানঞ্চ খন্ধানং পুরেজাতপচ্চযেন পচ্চযো। (৩)

    Noparāmāso dhammo parāmāsassa ca noparāmāsassa ca dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ assādeti abhinandati, taṃ ārabbha parāmāso ca sampayuttakā ca khandhā uppajjanti. Vatthupurejātaṃ – vatthu parāmāsassa ca sampayuttakānañca khandhānaṃ purejātapaccayena paccayo. (3)

    পচ্ছাজাতাসেৰনপচ্চযা

    Pacchājātāsevanapaccayā

    ৩১. পরামাসো ধম্মো নোপরামাসস্স ধম্মস্স পচ্ছাজাতপচ্চযেন পচ্চযো… তীণি (পচ্ছাজাতা কাতব্বা)… আসেৰনপচ্চযেন পচ্চযো… নৰ।

    31. Parāmāso dhammo noparāmāsassa dhammassa pacchājātapaccayena paccayo… tīṇi (pacchājātā kātabbā)… āsevanapaccayena paccayo… nava.

    কম্মপচ্চযো

    Kammapaccayo

    ৩২. নোপরামাসো ধম্মো নোপরামাসস্স ধম্মস্স কম্মপচ্চযেন পচ্চযো – সহজাতা, নানাক্খণিকা। সহজাতা – নোপরামাসা চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো; পটিসন্ধিক্খণে…পে॰…। নানাক্খণিকা – নোপরামাসা চেতনা ৰিপাকানং খন্ধানং কটত্তা চ রূপানং কম্মপচ্চযেন পচ্চযো। (মূলং কাতব্বং) নোপরামাসা চেতনা পরামাসস্স কম্মপচ্চযেন পচ্চযো। (মূলং কাতব্বং) নোপরামাসা চেতনা পরামাসস্স চ সম্পযুত্তকানঞ্চ খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো। (৩)

    32. Noparāmāso dhammo noparāmāsassa dhammassa kammapaccayena paccayo – sahajātā, nānākkhaṇikā. Sahajātā – noparāmāsā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo; paṭisandhikkhaṇe…pe…. Nānākkhaṇikā – noparāmāsā cetanā vipākānaṃ khandhānaṃ kaṭattā ca rūpānaṃ kammapaccayena paccayo. (Mūlaṃ kātabbaṃ) noparāmāsā cetanā parāmāsassa kammapaccayena paccayo. (Mūlaṃ kātabbaṃ) noparāmāsā cetanā parāmāsassa ca sampayuttakānañca khandhānaṃ cittasamuṭṭhānānañca rūpānaṃ kammapaccayena paccayo. (3)

    ৰিপাকপচ্চযাদি

    Vipākapaccayādi

    ৩৩. নোপরামাসো ধম্মো নোপরামাসস্স ধম্মস্স ৰিপাকপচ্চযেন পচ্চযো… একং… আহারপচ্চযেন পচ্চযো… তীণি, ইন্দ্রিযপচ্চযেন পচ্চযো… তীণি… ঝানপচ্চযেন পচ্চযো… তীণি।

    33. Noparāmāso dhammo noparāmāsassa dhammassa vipākapaccayena paccayo… ekaṃ… āhārapaccayena paccayo… tīṇi, indriyapaccayena paccayo… tīṇi… jhānapaccayena paccayo… tīṇi.

    পরামাসো ধম্মো নোপরামাসস্স ধম্মস্স মগ্গপচ্চযেন পচ্চযো – পরামাসানি মগ্গঙ্গানি…পে॰… (এৰং পঞ্চ পঞ্হা কাতব্বা) সম্পযুত্তপচ্চযেন পচ্চযো… পঞ্চ।

    Parāmāso dhammo noparāmāsassa dhammassa maggapaccayena paccayo – parāmāsāni maggaṅgāni…pe… (evaṃ pañca pañhā kātabbā) sampayuttapaccayena paccayo… pañca.

    ৰিপ্পযুত্তপচ্চযো

    Vippayuttapaccayo

    ৩৪. পরামাসো ধম্মো নোপরামাসস্স ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং (সংখিত্তং)। (১)

    34. Parāmāso dhammo noparāmāsassa dhammassa vippayuttapaccayena paccayo – sahajātaṃ, pacchājātaṃ (saṃkhittaṃ). (1)

    নোপরামাসো ধম্মো নোপরামাসস্স ধম্মস্স ৰিপ্পযুত্তপচ্চযেন পচ্চযো – সহজাতং, পুরেজাতং, পচ্ছাজাতং (সংখিত্তং)। (১)

    Noparāmāso dhammo noparāmāsassa dhammassa vippayuttapaccayena paccayo – sahajātaṃ, purejātaṃ, pacchājātaṃ (saṃkhittaṃ). (1)

    নোপরামাসো ধম্মো পরামাসস্স ধম্মস্স ৰিপ্পযুত্তপচ্চযেন পচ্চযো। পুরেজাতং – ৰত্থু পরামাসস্স ৰিপ্পযুত্তপচ্চযেন পচ্চযো। (২)

    Noparāmāso dhammo parāmāsassa dhammassa vippayuttapaccayena paccayo. Purejātaṃ – vatthu parāmāsassa vippayuttapaccayena paccayo. (2)

    নোপরামাসো ধম্মো পরামাসস্স চ নোপরামাসস্স চ ধম্মস্স ৰিপ্পযুত্তপচ্চযেন পচ্চযো। পুরেজাতং – ৰত্থু পরামাসস্স চ সম্পযুত্তকানঞ্চ খন্ধানং ৰিপ্পযুত্তপচ্চযেন পচ্চযো। (৩)

    Noparāmāso dhammo parāmāsassa ca noparāmāsassa ca dhammassa vippayuttapaccayena paccayo. Purejātaṃ – vatthu parāmāsassa ca sampayuttakānañca khandhānaṃ vippayuttapaccayena paccayo. (3)

    পরামাসো চ নোপরামাসো চ ধম্মা নোপরামাসস্স ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং (সংখিত্তং)। (১)

    Parāmāso ca noparāmāso ca dhammā noparāmāsassa dhammassa vippayuttapaccayena paccayo – sahajātaṃ, pacchājātaṃ (saṃkhittaṃ). (1)

    অত্থিপচ্চযো

    Atthipaccayo

    ৩৫. পরামাসো ধম্মো নোপরামাসস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং। সহজাতো – পরামাসো সম্পযুত্তকানঞ্চ খন্ধানং চিত্তসমুট্ঠানানঞ্চ রূপানং অত্থিপচ্চযেন পচ্চযো। পচ্ছাজাতো – পরামাসো পুরেজাতস্স ইমস্স কাযস্স অত্থিপচ্চযেন পচ্চযো। (১)

    35. Parāmāso dhammo noparāmāsassa dhammassa atthipaccayena paccayo – sahajātaṃ, pacchājātaṃ. Sahajāto – parāmāso sampayuttakānañca khandhānaṃ cittasamuṭṭhānānañca rūpānaṃ atthipaccayena paccayo. Pacchājāto – parāmāso purejātassa imassa kāyassa atthipaccayena paccayo. (1)

    ৩৬. নোপরামাসো ধম্মো নোপরামাসস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং, ইন্দ্রিযং (সংখিত্তং)। (১)

    36. Noparāmāso dhammo noparāmāsassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ, indriyaṃ (saṃkhittaṃ). (1)

    নোপরামাসো ধম্মো পরামাসস্স ধম্মস্স অত্থিপচ্চযেন পচ্চযো – সহজাতং, পুরেজাতং। সহজাতা – নোপরামাসা খন্ধা পরামাসস্স অত্থিপচ্চযেন পচ্চযো। পুরেজাতং – চক্খুং…পে॰… ৰত্থুং অস্সাদেতি অভিনন্দতি, তং আরব্ভ দিট্ঠি উপ্পজ্জতি, ৰত্থু পরামাসস্স অত্থিপচ্চযেন পচ্চযো। (২)

    Noparāmāso dhammo parāmāsassa dhammassa atthipaccayena paccayo – sahajātaṃ, purejātaṃ. Sahajātā – noparāmāsā khandhā parāmāsassa atthipaccayena paccayo. Purejātaṃ – cakkhuṃ…pe… vatthuṃ assādeti abhinandati, taṃ ārabbha diṭṭhi uppajjati, vatthu parāmāsassa atthipaccayena paccayo. (2)

    নোপরামাসো ধম্মো পরামাসস্স চ নোপরামাসস্স চ ধম্মস্স অত্থিপচ্চযেন পচ্চযো – সহজাতং, পুরেজাতং। সহজাতো – নোপরামাসো একো খন্ধো তিণ্ণন্নং খন্ধানং পরামাসস্স চ চিত্তসমুট্ঠানানঞ্চ রূপানং অত্থিপচ্চযেন পচ্চযো…পে॰…। পুরেজাতং – চক্খুং…পে॰… ৰত্থুং অস্সাদেতি অভিনন্দতি, তং আরব্ভ পরামাসো চ সম্পযুত্তকা চ খন্ধা উপ্পজ্জন্তি, ৰত্থু পরামাসস্স চ সম্পযুত্তকানঞ্চ খন্ধানং অত্থিপচ্চযেন পচ্চযো। (৩)

    Noparāmāso dhammo parāmāsassa ca noparāmāsassa ca dhammassa atthipaccayena paccayo – sahajātaṃ, purejātaṃ. Sahajāto – noparāmāso eko khandho tiṇṇannaṃ khandhānaṃ parāmāsassa ca cittasamuṭṭhānānañca rūpānaṃ atthipaccayena paccayo…pe…. Purejātaṃ – cakkhuṃ…pe… vatthuṃ assādeti abhinandati, taṃ ārabbha parāmāso ca sampayuttakā ca khandhā uppajjanti, vatthu parāmāsassa ca sampayuttakānañca khandhānaṃ atthipaccayena paccayo. (3)

    ৩৭. পরামাসো চ নোপরামাসো চ ধম্মা নোপরামাসস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং , ইন্দ্রিযং। সহজাতো – নোপরামাসো একো খন্ধো চ পরামাসো চ তিণ্ণন্নং খন্ধানং চিত্তসমুট্ঠানানঞ্চ রূপানং অত্থিপচ্চযেন পচ্চযো…পে॰… দ্ৰে খন্ধা চ…পে॰… পরামাসো চ সম্পযুত্তকা চ খন্ধা চিত্তসমুট্ঠানানং রূপানং অত্থিপচ্চযেন পচ্চযো; পরামাসো চ মহাভূতা চ চিত্তসমুট্ঠানানং রূপানং অত্থিপচ্চযেন পচ্চযো; পরামাসো চ ৰত্থু চ নোপরামাসানং খন্ধানং অত্থিপচ্চযেন পচ্চযো। পচ্ছাজাতো – পরামাসো চ সম্পযুত্তকা চ খন্ধা পুরেজাতস্স ইমস্স কাযস্স অত্থিপচ্চযেন পচ্চযো। পচ্ছাজাতো – পরামাসো চ সম্পযুত্তকা চ খন্ধা কবল়ীকারো আহারো চ ইমস্স কাযস্স অত্থিপচ্চযেন পচ্চযো। পচ্ছাজাতো – পরামাসো চ সম্পযুত্তকা চ খন্ধা রূপজীৰিতিন্দ্রিযঞ্চ কটত্তারূপানং অত্থিপচ্চযেন পচ্চযো। (১)

    37. Parāmāso ca noparāmāso ca dhammā noparāmāsassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ , indriyaṃ. Sahajāto – noparāmāso eko khandho ca parāmāso ca tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo…pe… dve khandhā ca…pe… parāmāso ca sampayuttakā ca khandhā cittasamuṭṭhānānaṃ rūpānaṃ atthipaccayena paccayo; parāmāso ca mahābhūtā ca cittasamuṭṭhānānaṃ rūpānaṃ atthipaccayena paccayo; parāmāso ca vatthu ca noparāmāsānaṃ khandhānaṃ atthipaccayena paccayo. Pacchājāto – parāmāso ca sampayuttakā ca khandhā purejātassa imassa kāyassa atthipaccayena paccayo. Pacchājāto – parāmāso ca sampayuttakā ca khandhā kabaḷīkāro āhāro ca imassa kāyassa atthipaccayena paccayo. Pacchājāto – parāmāso ca sampayuttakā ca khandhā rūpajīvitindriyañca kaṭattārūpānaṃ atthipaccayena paccayo. (1)

    ১. পচ্চযানুলোমং

    1. Paccayānulomaṃ

    ২. সঙ্খ্যাৰারো

    2. Saṅkhyāvāro

    সুদ্ধং

    Suddhaṃ

    ৩৮. হেতুযা তীণি, আরম্মণে নৰ, অধিপতিযা নৰ, অনন্তরে নৰ, সমনন্তরে নৰ, সহজাতে পঞ্চ, অঞ্ঞমঞ্ঞে পঞ্চ, নিস্সযে পঞ্চ, উপনিস্সযে নৰ, পুরেজাতে তীণি, পচ্ছাজাতে তীণি, আসেৰনে নৰ, কম্মে তীণি, ৰিপাকে একং, আহারে তীণি, ইন্দ্রিযে তীণি, ঝানে তীণি, মগ্গে পঞ্চ, সম্পযুত্তে পঞ্চ, ৰিপ্পযুত্তে পঞ্চ, অত্থিযা পঞ্চ, নত্থিযা নৰ, ৰিগতে নৰ, অৰিগতে পঞ্চ।

    38. Hetuyā tīṇi, ārammaṇe nava, adhipatiyā nava, anantare nava, samanantare nava, sahajāte pañca, aññamaññe pañca, nissaye pañca, upanissaye nava, purejāte tīṇi, pacchājāte tīṇi, āsevane nava, kamme tīṇi, vipāke ekaṃ, āhāre tīṇi, indriye tīṇi, jhāne tīṇi, magge pañca, sampayutte pañca, vippayutte pañca, atthiyā pañca, natthiyā nava, vigate nava, avigate pañca.

    অনুলোমং।

    Anulomaṃ.

    পচ্চনীযুদ্ধারো

    Paccanīyuddhāro

    ৩৯. পরামাসো ধম্মো পরামাসস্স ধম্মস্স আরম্মণপচ্চযেন পচ্চযো… উপনিস্সযপচ্চযেন পচ্চযো। (১)

    39. Parāmāso dhammo parāmāsassa dhammassa ārammaṇapaccayena paccayo… upanissayapaccayena paccayo. (1)

    পরামাসো ধম্মো নোপরামাসস্স ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পচ্ছাজাতপচ্চযেন পচ্চযো। (২)

    Parāmāso dhammo noparāmāsassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo. (2)

    পরামাসো ধম্মো পরামাসস্স চ নোপরামাসস্স চ ধম্মস্স আরম্মণপচ্চযেন পচ্চযো… উপনিস্সযপচ্চযেন পচ্চযো। (৩)

    Parāmāso dhammo parāmāsassa ca noparāmāsassa ca dhammassa ārammaṇapaccayena paccayo… upanissayapaccayena paccayo. (3)

    ৪০. নোপরামাসো ধম্মো নোপরামাসস্স ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পুরেজাতপচ্চযেন পচ্চযো… পচ্ছাজাতপচ্চযেন পচ্চযো… কম্মপচ্চযেন পচ্চযো… আহারপচ্চযেন পচ্চযো … ইন্দ্রিযপচ্চযেন পচ্চযো। (১)

    40. Noparāmāso dhammo noparāmāsassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo… pacchājātapaccayena paccayo… kammapaccayena paccayo… āhārapaccayena paccayo … indriyapaccayena paccayo. (1)

    নোপরামাসো ধম্মো পরামাসস্স ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পুরেজাতপচ্চযেন পচ্চযো। (২)

    Noparāmāso dhammo parāmāsassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo. (2)

    নোপরামাসো ধম্মো পরামাসস্স চ নোপরামাসস্স চ ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পুরেজাতপচ্চযেন পচ্চযো। (৩)

    Noparāmāso dhammo parāmāsassa ca noparāmāsassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo. (3)

    ৪১. পরামাসো চ নোপরামাসো চ ধম্মা পরামাসস্স ধম্মস্স আরম্মণপচ্চযেন পচ্চযো… উপনিস্সযপচ্চযেন পচ্চযো। (১)

    41. Parāmāso ca noparāmāso ca dhammā parāmāsassa dhammassa ārammaṇapaccayena paccayo… upanissayapaccayena paccayo. (1)

    পরামাসো চ নোপরামাসো চ ধম্মা নোপরামাসস্স ধম্মস্স আরম্মণপচ্চযেন পচ্চযো … সহজাতপচ্চযেন পচ্চযো… উপনিস্সযপচ্চযেন পচ্চযো… পচ্ছাজাতপচ্চযেন পচ্চযো। (২)

    Parāmāso ca noparāmāso ca dhammā noparāmāsassa dhammassa ārammaṇapaccayena paccayo … sahajātapaccayena paccayo… upanissayapaccayena paccayo… pacchājātapaccayena paccayo. (2)

    পরামাসো চ নোপরামাসো চ ধম্মা পরামাসস্স চ নোপরামাসস্স চ ধম্মস্স আরম্মণপচ্চযেন পচ্চযো… উপনিস্সযপচ্চযেন পচ্চযো। (৩)

    Parāmāso ca noparāmāso ca dhammā parāmāsassa ca noparāmāsassa ca dhammassa ārammaṇapaccayena paccayo… upanissayapaccayena paccayo. (3)

    ২. পচ্চযপচ্চনীযং

    2. Paccayapaccanīyaṃ

    ২. সঙ্খ্যাৰারো

    2. Saṅkhyāvāro

    ৪২. নহেতুযা নৰ, নআরম্মণে নৰ (সব্বত্থ নৰ), নোঅৰিগতে নৰ।

    42. Nahetuyā nava, naārammaṇe nava (sabbattha nava), noavigate nava.

    ৩. পচ্চযানুলোমপচ্চনীযং

    3. Paccayānulomapaccanīyaṃ

    ৪৩. হেতুপচ্চযা নআরম্মণে তীণি, নঅধিপতিযা তীণি, নঅনন্তরে তীণি, নসমনন্তরে তীণি, নঅঞ্ঞমঞ্ঞে একং, নউপনিস্সযে তীণি…পে॰… নমগ্গে তীণি, নসম্পযুত্তে একং, নৰিপ্পযুত্তে তীণি, নোনত্থিযা তীণি, নোৰিগতে তীণি।

    43. Hetupaccayā naārammaṇe tīṇi, naadhipatiyā tīṇi, naanantare tīṇi, nasamanantare tīṇi, naaññamaññe ekaṃ, naupanissaye tīṇi…pe… namagge tīṇi, nasampayutte ekaṃ, navippayutte tīṇi, nonatthiyā tīṇi, novigate tīṇi.

    ৪. পচ্চযপচ্চনীযানুলোমং

    4. Paccayapaccanīyānulomaṃ

    ৪৪. নহেতুপচ্চযা আরম্মণে নৰ, অধিপতিযা নৰ (অনুলোমমাতিকা ) …পে॰… অৰিগতে পঞ্চ।

    44. Nahetupaccayā ārammaṇe nava, adhipatiyā nava (anulomamātikā ) …pe… avigate pañca.

    পরামাসদুকং নিট্ঠিতং।

    Parāmāsadukaṃ niṭṭhitaṃ.

    ৫১. পরামট্ঠদুকং

    51. Parāmaṭṭhadukaṃ

    ১-৭. পটিচ্চৰারাদি

    1-7. Paṭiccavārādi

    ১. পচ্চযানুলোমং

    1. Paccayānulomaṃ

    ১. ৰিভঙ্গৰারো

    1. Vibhaṅgavāro

    হেতুপচ্চযো

    Hetupaccayo

    ৪৫. পরামট্ঠং ধম্মং পটিচ্চ পরামট্ঠো ধম্মো উপ্পজ্জতি হেতুপচ্চযা – পরামট্ঠং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে॰… দ্ৰে খন্ধে…পে॰… পটিসন্ধিক্খণে…পে॰… (যাৰ অজ্ঝত্তিকা মহাভূতা)।

    45. Parāmaṭṭhaṃ dhammaṃ paṭicca parāmaṭṭho dhammo uppajjati hetupaccayā – parāmaṭṭhaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe… (yāva ajjhattikā mahābhūtā).

    পরামট্ঠং ধম্মং পটিচ্চ…পে॰… (পরামট্ঠদুকং যথা চূল়ন্তরদুকে লোকিযদুকং এৰং কাতব্বং নিন্নানাকরণং)।

    Parāmaṭṭhaṃ dhammaṃ paṭicca…pe… (parāmaṭṭhadukaṃ yathā cūḷantaraduke lokiyadukaṃ evaṃ kātabbaṃ ninnānākaraṇaṃ).

    পরামট্ঠদুকং নিট্ঠিতং।

    Parāmaṭṭhadukaṃ niṭṭhitaṃ.

    ৫২. পরামাসসম্পযুত্তদুকং

    52. Parāmāsasampayuttadukaṃ

    ১. পটিচ্চৰারো

    1. Paṭiccavāro

    ১. পচ্চযানুলোমং

    1. Paccayānulomaṃ

    ১. ৰিভঙ্গৰারো

    1. Vibhaṅgavāro

    হেতুপচ্চযো

    Hetupaccayo

    ৪৬. পরামাসসম্পযুত্তং ধম্মং পটিচ্চ পরামাসসম্পযুত্তো ধম্মো উপ্পজ্জতি হেতুপচ্চযা – পরামাসসম্পযুত্তং একং খন্ধং পটিচ্চ তযো খন্ধা…পে॰… দ্ৰে খন্ধে…পে॰…। (১)

    46. Parāmāsasampayuttaṃ dhammaṃ paṭicca parāmāsasampayutto dhammo uppajjati hetupaccayā – parāmāsasampayuttaṃ ekaṃ khandhaṃ paṭicca tayo khandhā…pe… dve khandhe…pe…. (1)

    পরামাসসম্পযুত্তং ধম্মং পটিচ্চ পরামাসৰিপ্পযুত্তো ধম্মো উপ্পজ্জতি হেতুপচ্চযা – পরামাসসম্পযুত্তে খন্ধে পটিচ্চ চিত্তসমুট্ঠানং রূপং। (২)

    Parāmāsasampayuttaṃ dhammaṃ paṭicca parāmāsavippayutto dhammo uppajjati hetupaccayā – parāmāsasampayutte khandhe paṭicca cittasamuṭṭhānaṃ rūpaṃ. (2)

    পরামাসসম্পযুত্তং ধম্মং পটিচ্চ পরামাসসম্পযুত্তো চ পরামাসৰিপ্পযুত্তো চ ধম্মা উপ্পজ্জন্তি হেতুপচ্চযা – পরামাসসম্পযুত্তং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে॰… দ্ৰে খন্ধে…পে॰…। (৩)

    Parāmāsasampayuttaṃ dhammaṃ paṭicca parāmāsasampayutto ca parāmāsavippayutto ca dhammā uppajjanti hetupaccayā – parāmāsasampayuttaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe…. (3)

    ৪৭. পরামাসৰিপ্পযুত্তং ধম্মং পটিচ্চ পরামাসৰিপ্পযুত্তো ধম্মো উপ্পজ্জতি হেতুপচ্চযা – পরামাসৰিপ্পযুত্তং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং …পে॰… দ্ৰে খন্ধে…পে॰… পটিসন্ধিক্খণে…পে॰… খন্ধে পটিচ্চ ৰত্থু, ৰত্থুং পটিচ্চ খন্ধা, একং মহাভূতং…পে॰…। (১)

    47. Parāmāsavippayuttaṃ dhammaṃ paṭicca parāmāsavippayutto dhammo uppajjati hetupaccayā – parāmāsavippayuttaṃ ekaṃ khandhaṃ paṭicca tayo khandhā cittasamuṭṭhānañca rūpaṃ …pe… dve khandhe…pe… paṭisandhikkhaṇe…pe… khandhe paṭicca vatthu, vatthuṃ paṭicca khandhā, ekaṃ mahābhūtaṃ…pe…. (1)

    পরামাসসম্পযুত্তঞ্চ পরামাসৰিপ্পযুত্তঞ্চ ধম্মং পটিচ্চ পরামাসৰিপ্পযুত্তো ধম্মো উপ্পজ্জতি হেতুপচ্চযা – পরামাসসম্পযুত্তে খন্ধে চ মহাভূতে চ পটিচ্চ চিত্তসমুট্ঠানং রূপং (সংখিত্তং)। (১)

    Parāmāsasampayuttañca parāmāsavippayuttañca dhammaṃ paṭicca parāmāsavippayutto dhammo uppajjati hetupaccayā – parāmāsasampayutte khandhe ca mahābhūte ca paṭicca cittasamuṭṭhānaṃ rūpaṃ (saṃkhittaṃ). (1)

    ১. পচ্চযানুলোমং

    1. Paccayānulomaṃ

    ২. সঙ্খ্যাৰারো

    2. Saṅkhyāvāro

    সুদ্ধং

    Suddhaṃ

    ৪৮. হেতুযা পঞ্চ, আরম্মণে দ্ৰে, অধিপতিযা পঞ্চ, অনন্তরে দ্ৰে, সমনন্তরে দ্ৰে, সহজাতে পঞ্চ, অঞ্ঞমঞ্ঞে দ্ৰে, নিস্সযে পঞ্চ, উপনিস্সযে দ্ৰে, পুরেজাতে দ্ৰে, আসেৰনে দ্ৰে, কম্মে পঞ্চ, ৰিপাকে একং, আহারে পঞ্চ…পে॰… মগ্গে পঞ্চ, সম্পযুত্তে দ্ৰে, ৰিপ্পযুত্তে পঞ্চ, অত্থিযা পঞ্চ, নত্থিযা দ্ৰে, ৰিগতে দ্ৰে, অৰিগতে পঞ্চ।

    48. Hetuyā pañca, ārammaṇe dve, adhipatiyā pañca, anantare dve, samanantare dve, sahajāte pañca, aññamaññe dve, nissaye pañca, upanissaye dve, purejāte dve, āsevane dve, kamme pañca, vipāke ekaṃ, āhāre pañca…pe… magge pañca, sampayutte dve, vippayutte pañca, atthiyā pañca, natthiyā dve, vigate dve, avigate pañca.

    অনুলোমং।

    Anulomaṃ.

    ২. পচ্চযপচ্চনীযং

    2. Paccayapaccanīyaṃ

    ১. ৰিভঙ্গৰারো

    1. Vibhaṅgavāro

    নহেতুপচ্চযো

    Nahetupaccayo

    ৪৯. পরামাসৰিপ্পযুত্তং ধম্মং পটিচ্চ পরামাসৰিপ্পযুত্তো ধম্মো উপ্পজ্জতি নহেতুপচ্চযা – অহেতুকং পরামাসৰিপ্পযুত্তং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং …পে॰… দ্ৰে খন্ধে…পে॰… অহেতুকপটিসন্ধিক্খণে…পে॰… (যাৰ অসঞ্ঞসত্তা) ৰিচিকিচ্ছাসহগতে উদ্ধচ্চসহগতে খন্ধে পটিচ্চ ৰিচিকিচ্ছাসহগতো উদ্ধচ্চসহগতো মোহো। (১)

    49. Parāmāsavippayuttaṃ dhammaṃ paṭicca parāmāsavippayutto dhammo uppajjati nahetupaccayā – ahetukaṃ parāmāsavippayuttaṃ ekaṃ khandhaṃ paṭicca tayo khandhā cittasamuṭṭhānañca rūpaṃ …pe… dve khandhe…pe… ahetukapaṭisandhikkhaṇe…pe… (yāva asaññasattā) vicikicchāsahagate uddhaccasahagate khandhe paṭicca vicikicchāsahagato uddhaccasahagato moho. (1)

    নআরম্মণপচ্চযো

    Naārammaṇapaccayo

    ৫০. পরামাসসম্পযুত্তং ধম্মং পটিচ্চ পরামাসৰিপ্পযুত্তো ধম্মো উপ্পজ্জতি নআরম্মণপচ্চযা – পরামাসসম্পযুত্তে খন্ধে পটিচ্চ চিত্তসমুট্ঠানং রূপং (সংখিত্তং)। (১)

    50. Parāmāsasampayuttaṃ dhammaṃ paṭicca parāmāsavippayutto dhammo uppajjati naārammaṇapaccayā – parāmāsasampayutte khandhe paṭicca cittasamuṭṭhānaṃ rūpaṃ (saṃkhittaṃ). (1)

    পরামাসৰিপ্পযুত্তং ধম্মং পটিচ্চ পরামাসৰিপ্পযুত্তো ধম্মো উপ্পজ্জতি নআরম্মণপচ্চযা – পরামাসৰিপ্পযুত্তে খন্ধে পটিচ্চ চিত্তসমুট্ঠানং রূপং (যাৰ অসঞ্ঞসত্তা)। (১)

    Parāmāsavippayuttaṃ dhammaṃ paṭicca parāmāsavippayutto dhammo uppajjati naārammaṇapaccayā – parāmāsavippayutte khandhe paṭicca cittasamuṭṭhānaṃ rūpaṃ (yāva asaññasattā). (1)

    পরামাসসম্পযুত্তঞ্চ পরামাসৰিপ্পযুত্তঞ্চ ধম্মং পটিচ্চ পরামাসৰিপ্পযুত্তো ধম্মো উপ্পজ্জতি নআরম্মণপচ্চযা – পরামাসসম্পযুত্তে খন্ধে চ মহাভূতে চ পটিচ্চ চিত্তসমুট্ঠানং রূপং (সংখিত্তং)। (১)

    Parāmāsasampayuttañca parāmāsavippayuttañca dhammaṃ paṭicca parāmāsavippayutto dhammo uppajjati naārammaṇapaccayā – parāmāsasampayutte khandhe ca mahābhūte ca paṭicca cittasamuṭṭhānaṃ rūpaṃ (saṃkhittaṃ). (1)

    ২. পচ্চযপচ্চনীযং

    2. Paccayapaccanīyaṃ

    ২. সঙ্খ্যাৰারো

    2. Saṅkhyāvāro

    সুদ্ধং

    Suddhaṃ

    ৫১. নহেতুযা একং, নআরম্মণে তীণি, নঅধিপতিযা পঞ্চ, নঅনন্তরে তীণি, নসমনন্তরে তীণি, নঅঞ্ঞমঞ্ঞে তীণি, নউপনিস্সযে তীণি, নপুরেজাতে চত্তারি, নপচ্ছাজাতে পঞ্চ, নআসেৰনে পঞ্চ, নকম্মে দ্ৰে, নৰিপাকে পঞ্চ, নআহারে একং, নইন্দ্রিযে একং, নঝানে একং, নমগ্গে একং, নসম্পযুত্তে তীণি, নৰিপ্পযুত্তে দ্ৰে, নোনত্থিযা তীণি, নোৰিগতে তীণি।

    51. Nahetuyā ekaṃ, naārammaṇe tīṇi, naadhipatiyā pañca, naanantare tīṇi, nasamanantare tīṇi, naaññamaññe tīṇi, naupanissaye tīṇi, napurejāte cattāri, napacchājāte pañca, naāsevane pañca, nakamme dve, navipāke pañca, naāhāre ekaṃ, naindriye ekaṃ, najhāne ekaṃ, namagge ekaṃ, nasampayutte tīṇi, navippayutte dve, nonatthiyā tīṇi, novigate tīṇi.

    ৩. পচ্চযানুলোমপচ্চনীযং

    3. Paccayānulomapaccanīyaṃ

    ৫২. হেতুপচ্চযা নআরম্মণে তীণি, নঅধিপতিযা পঞ্চ (এৰং গণেতব্বং)।

    52. Hetupaccayā naārammaṇe tīṇi, naadhipatiyā pañca (evaṃ gaṇetabbaṃ).

    ৪. পচ্চযপচ্চনীযানুলোমং

    4. Paccayapaccanīyānulomaṃ

    ৫৩. নহেতুপচ্চযা আরম্মণে একং (সংখিত্তং), অৰিগতে একং।

    53. Nahetupaccayā ārammaṇe ekaṃ (saṃkhittaṃ), avigate ekaṃ.

    ২. সহজাতৰারো

    2. Sahajātavāro

    (সহজাতৰারোপি পটিচ্চৰারসদিসো।)

    (Sahajātavāropi paṭiccavārasadiso.)

    ৩. পচ্চযৰারো

    3. Paccayavāro

    ১. পচ্চযানুলোমং

    1. Paccayānulomaṃ

    ১. ৰিভঙ্গৰারো

    1. Vibhaṅgavāro

    হেতুপচ্চযো

    Hetupaccayo

    ৫৪. পরামাসসম্পযুত্তং ধম্মং পচ্চযা পরামাসসম্পযুত্তো ধম্মো উপ্পজ্জতি হেতুপচ্চযা… তীণি (পটিচ্চৰারসদিসো)।

    54. Parāmāsasampayuttaṃ dhammaṃ paccayā parāmāsasampayutto dhammo uppajjati hetupaccayā… tīṇi (paṭiccavārasadiso).

    পরামাসৰিপ্পযুত্তং ধম্মং পচ্চযা পরামাসৰিপ্পযুত্তো ধম্মো উপ্পজ্জতি হেতুপচ্চযা – পরামাসৰিপ্পযুত্তং একং খন্ধং পচ্চযা তযো খন্ধা চিত্তসমুট্ঠানঞ্চ রূপং…পে॰… দ্ৰে খন্ধে…পে॰… পটিসন্ধিক্খণে…পে॰… (যাৰ অজ্ঝত্তিকা মহাভূতা) ৰত্থুং পচ্চযা পরামাসৰিপ্পযুত্তা খন্ধা। (১)

    Parāmāsavippayuttaṃ dhammaṃ paccayā parāmāsavippayutto dhammo uppajjati hetupaccayā – parāmāsavippayuttaṃ ekaṃ khandhaṃ paccayā tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe… (yāva ajjhattikā mahābhūtā) vatthuṃ paccayā parāmāsavippayuttā khandhā. (1)

    পরামাসৰিপ্পযুত্তং ধম্মং পচ্চযা পরামাসসম্পযুত্তো ধম্মো উপ্পজ্জতি হেতুপচ্চযা – ৰত্থুং পচ্চযা পরামাসসম্পযুত্তকা খন্ধা। (২)

    Parāmāsavippayuttaṃ dhammaṃ paccayā parāmāsasampayutto dhammo uppajjati hetupaccayā – vatthuṃ paccayā parāmāsasampayuttakā khandhā. (2)

    পরামাসৰিপ্পযুত্তং ধম্মং পচ্চযা পরামাসসম্পযুত্তো চ পরামাসৰিপ্পযুত্তো চ ধম্মা উপ্পজ্জন্তি হেতুপচ্চযা – ৰত্থুং পচ্চযা পরামাসসম্পযুত্তকা খন্ধা, মহাভূতে পচ্চযা চিত্তসমুট্ঠানং রূপং। (৩)

    Parāmāsavippayuttaṃ dhammaṃ paccayā parāmāsasampayutto ca parāmāsavippayutto ca dhammā uppajjanti hetupaccayā – vatthuṃ paccayā parāmāsasampayuttakā khandhā, mahābhūte paccayā cittasamuṭṭhānaṃ rūpaṃ. (3)

    ৫৫. পরামাসসম্পযুত্তঞ্চ পরামাসৰিপ্পযুত্তঞ্চ ধম্মং পচ্চযা পরামাসসম্পযুত্তো ধম্মো উপ্পজ্জতি হেতুপচ্চযা – পরামাসসম্পযুত্তং একং খন্ধঞ্চ ৰত্থুঞ্চ পচ্চযা তযো খন্ধা…পে॰… দ্ৰে খন্ধে…পে॰…। (১)

    55. Parāmāsasampayuttañca parāmāsavippayuttañca dhammaṃ paccayā parāmāsasampayutto dhammo uppajjati hetupaccayā – parāmāsasampayuttaṃ ekaṃ khandhañca vatthuñca paccayā tayo khandhā…pe… dve khandhe…pe…. (1)

    পরামাসসম্পযুত্তঞ্চ পরামাসৰিপ্পযুত্তঞ্চ ধম্মং পচ্চযা পরামাসৰিপ্পযুত্তো ধম্মো উপ্পজ্জতি হেতুপচ্চযা – পরামাসসম্পযুত্তে খন্ধে চ মহাভূতে চ পচ্চযা চিত্তসমুট্ঠানং রূপং। (২)

    Parāmāsasampayuttañca parāmāsavippayuttañca dhammaṃ paccayā parāmāsavippayutto dhammo uppajjati hetupaccayā – parāmāsasampayutte khandhe ca mahābhūte ca paccayā cittasamuṭṭhānaṃ rūpaṃ. (2)

    পরামাসসম্পযুত্তঞ্চ পরামাসৰিপ্পযুত্তঞ্চ ধম্মং পচ্চযা পরামাসসম্পযুত্তো চ পরামাসৰিপ্পযুত্তো চ ধম্মা উপ্পজ্জন্তি হেতুপচ্চযা – পরামাসসম্পযুত্তং একং খন্ধঞ্চ ৰত্থুঞ্চ পচ্চযা তযো খন্ধা…পে॰… দ্ৰে খন্ধে…পে॰… পরামাসসম্পযুত্তে খন্ধে চ মহাভূতে চ পচ্চযা চিত্তসমুট্ঠানং রূপং (সংখিত্তং)। (৩)

    Parāmāsasampayuttañca parāmāsavippayuttañca dhammaṃ paccayā parāmāsasampayutto ca parāmāsavippayutto ca dhammā uppajjanti hetupaccayā – parāmāsasampayuttaṃ ekaṃ khandhañca vatthuñca paccayā tayo khandhā…pe… dve khandhe…pe… parāmāsasampayutte khandhe ca mahābhūte ca paccayā cittasamuṭṭhānaṃ rūpaṃ (saṃkhittaṃ). (3)

    ১. পচ্চযানুলোমং

    1. Paccayānulomaṃ

    ২. সঙ্খ্যাৰারো

    2. Saṅkhyāvāro

    সুদ্ধং

    Suddhaṃ

    ৫৬. হেতুযা নৰ, আরম্মণে চত্তারি, অধিপতিযা নৰ, অনন্তরে চত্তারি, সমনন্তরে চত্তারি, সহজাতে নৰ, অঞ্ঞমঞ্ঞে চত্তারি, নিস্সযে নৰ, উপনিস্সযে চত্তারি, পুরেজাতে চত্তারি, আসেৰনে চত্তারি, কম্মে নৰ, ৰিপাকে একং, আহারে নৰ…পে॰… অৰিগতে নৰ।

    56. Hetuyā nava, ārammaṇe cattāri, adhipatiyā nava, anantare cattāri, samanantare cattāri, sahajāte nava, aññamaññe cattāri, nissaye nava, upanissaye cattāri, purejāte cattāri, āsevane cattāri, kamme nava, vipāke ekaṃ, āhāre nava…pe… avigate nava.

    অনুলোমং।

    Anulomaṃ.

    ২. পচ্চযপচ্চনীযং

    2. Paccayapaccanīyaṃ

    ১. ৰিভঙ্গৰারো

    1. Vibhaṅgavāro

    ৫৭. পরামাসৰিপ্পযুত্তং ধম্মং পচ্চযা পরামাসৰিপ্পযুত্তো ধম্মো উপ্পজ্জতি নহেতুপচ্চযা – অহেতুকং পরামাসৰিপ্পযুত্তং একং খন্ধং পচ্চযা তযো খন্ধা চিত্তসমুট্ঠানঞ্চ রূপং…পে॰… দ্ৰে খন্ধে…পে॰… অহেতুকপটিসন্ধিক্খণে…পে॰… (যাৰ অসঞ্ঞসত্তা) চক্খাযতনং পচ্চযা চক্খুৰিঞ্ঞাণং…পে॰… কাযাযতনং পচ্চযা কাযৰিঞ্ঞাণং, ৰত্থুং পচ্চযা অহেতুকপরামাসৰিপ্পযুত্তা খন্ধা; ৰিচিকিচ্ছাসহগতে উদ্ধচ্চসহগতে খন্ধে চ ৰত্থুঞ্চ পচ্চযা ৰিচিকিচ্ছাসহগতো উদ্ধচ্চসহগতো মোহো।

    57. Parāmāsavippayuttaṃ dhammaṃ paccayā parāmāsavippayutto dhammo uppajjati nahetupaccayā – ahetukaṃ parāmāsavippayuttaṃ ekaṃ khandhaṃ paccayā tayo khandhā cittasamuṭṭhānañca rūpaṃ…pe… dve khandhe…pe… ahetukapaṭisandhikkhaṇe…pe… (yāva asaññasattā) cakkhāyatanaṃ paccayā cakkhuviññāṇaṃ…pe… kāyāyatanaṃ paccayā kāyaviññāṇaṃ, vatthuṃ paccayā ahetukaparāmāsavippayuttā khandhā; vicikicchāsahagate uddhaccasahagate khandhe ca vatthuñca paccayā vicikicchāsahagato uddhaccasahagato moho.

    ২. পচ্চযপচ্চনীযং

    2. Paccayapaccanīyaṃ

    ২. সঙ্খ্যাৰারো

    2. Saṅkhyāvāro

    সুদ্ধং

    Suddhaṃ

    ৫৮. নহেতুযা একং, নআরম্মণে তীণি, নঅধিপতিযা নৰ, নঅনন্তরে তীণি, নসমনন্তরে তীণি, নঅঞ্ঞমঞ্ঞে তীণি, নউপনিস্সযে তীণি, নপুরেজাতে চত্তারি, নপচ্ছাজাতে নৰ, নআসেৰনে নৰ, নকম্মে চত্তারি, নৰিপাকে নৰ, নআহারে একং, নইন্দ্রিযে একং, নঝানে একং, নমগ্গে একং, নসম্পযুত্তে তীণি, নৰিপ্পযুত্তে দ্ৰে, নোনত্থিযা তীণি, নোৰিগতে তীণি।

    58. Nahetuyā ekaṃ, naārammaṇe tīṇi, naadhipatiyā nava, naanantare tīṇi, nasamanantare tīṇi, naaññamaññe tīṇi, naupanissaye tīṇi, napurejāte cattāri, napacchājāte nava, naāsevane nava, nakamme cattāri, navipāke nava, naāhāre ekaṃ, naindriye ekaṃ, najhāne ekaṃ, namagge ekaṃ, nasampayutte tīṇi, navippayutte dve, nonatthiyā tīṇi, novigate tīṇi.

    ৩. পচ্চযানুলোমপচ্চনীযং

    3. Paccayānulomapaccanīyaṃ

    ৫৯. হেতুপচ্চযা নআরম্মণে তীণি, নঅধিপতিযা নৰ (এৰং গণেতব্বং)।

    59. Hetupaccayā naārammaṇe tīṇi, naadhipatiyā nava (evaṃ gaṇetabbaṃ).

    ৪. পচ্চযপচ্চনীযানুলোমং

    4. Paccayapaccanīyānulomaṃ

    ৬০. নহেতুপচ্চযা আরম্মণে একং…পে॰… অৰিগতে একং।

    60. Nahetupaccayā ārammaṇe ekaṃ…pe… avigate ekaṃ.

    ৪. নিস্সযৰারো

    4. Nissayavāro

    (নিস্সযৰারো পচ্চযৰারসদিসো।)

    (Nissayavāro paccayavārasadiso.)

    ৫. সংসট্ঠৰারো

    5. Saṃsaṭṭhavāro

    ১-৪. পচ্চযানুলোমাদি

    1-4. Paccayānulomādi

    ৬১. পরামাসসম্পযুত্তং ধম্মং সংসট্ঠো পরামাসসম্পযুত্তো ধম্মো উপ্পজ্জতি হেতুপচ্চযা (সংখিত্তং)।

    61. Parāmāsasampayuttaṃ dhammaṃ saṃsaṭṭho parāmāsasampayutto dhammo uppajjati hetupaccayā (saṃkhittaṃ).

    সুদ্ধং

    Suddhaṃ

    ৬২. হেতুযা দ্ৰে (সব্বত্থ দ্ৰে), ৰিপাকে একং…পে॰… অৰিগতে দ্ৰে। নহেতুযা একং, নঅধিপতিযা দ্ৰে, নপুরেজাতে দ্ৰে, নপচ্ছাজাতে দ্ৰে, নআসেৰনে দ্ৰে, নকম্মে দ্ৰে, নৰিপাকে দ্ৰে, নঝানে একং, নমগ্গে একং, নৰিপ্পযুত্তে দ্ৰে।

    62. Hetuyā dve (sabbattha dve), vipāke ekaṃ…pe… avigate dve. Nahetuyā ekaṃ, naadhipatiyā dve, napurejāte dve, napacchājāte dve, naāsevane dve, nakamme dve, navipāke dve, najhāne ekaṃ, namagge ekaṃ, navippayutte dve.

    ৬. সম্পযুত্তৰারো

    6. Sampayuttavāro

    (এৰং ইতরে দ্ৰে গণনাপি সম্পযুত্তৰারাপি কাতব্বা।)

    (Evaṃ itare dve gaṇanāpi sampayuttavārāpi kātabbā.)

    ৭. পঞ্হাৰারো

    7. Pañhāvāro

    ১. পচ্চযানুলোমং

    1. Paccayānulomaṃ

    ১. ৰিভঙ্গৰারো

    1. Vibhaṅgavāro

    হেতুপচ্চযো

    Hetupaccayo

    ৬৩. পরামাসসম্পযুত্তো ধম্মো পরামাসসম্পযুত্তস্স ধম্মস্স হেতুপচ্চযেন পচ্চযো – পরামাসসম্পযুত্তা হেতূ সম্পযুত্তকানং খন্ধানং হেতুপচ্চযেন পচ্চযো। (মূলং কাতব্বং) পরামাসসম্পযুত্তা হেতূ চিত্তসমুট্ঠানানং রূপানং হেতুপচ্চযেন পচ্চযো। (মূলং কাতব্বং) পরামাসসম্পযুত্তা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো। (৩)

    63. Parāmāsasampayutto dhammo parāmāsasampayuttassa dhammassa hetupaccayena paccayo – parāmāsasampayuttā hetū sampayuttakānaṃ khandhānaṃ hetupaccayena paccayo. (Mūlaṃ kātabbaṃ) parāmāsasampayuttā hetū cittasamuṭṭhānānaṃ rūpānaṃ hetupaccayena paccayo. (Mūlaṃ kātabbaṃ) parāmāsasampayuttā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. (3)

    পরামাসৰিপ্পযুত্তো ধম্মো পরামাসৰিপ্পযুত্তস্স ধম্মস্স হেতুপচ্চযেন পচ্চযো – পরামাসৰিপ্পযুত্তা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো; পটিসন্ধিক্খণে…পে॰…। (১)

    Parāmāsavippayutto dhammo parāmāsavippayuttassa dhammassa hetupaccayena paccayo – parāmāsavippayuttā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo; paṭisandhikkhaṇe…pe…. (1)

    আরম্মণপচ্চযো

    Ārammaṇapaccayo

    ৬৪. পরামাসসম্পযুত্তো ধম্মো পরামাসসম্পযুত্তস্স ধম্মস্স আরম্মণপচ্চযেন পচ্চযো – রাগং অস্সাদেতি অভিনন্দতি, তং আরব্ভ পরামাসসম্পযুত্তো রাগো উপ্পজ্জতি; পরামাসসম্পযুত্তে খন্ধে অস্সাদেতি অভিনন্দতি, তং আরব্ভ পরামাসসম্পযুত্তো রাগো উপ্পজ্জতি। (১)

    64. Parāmāsasampayutto dhammo parāmāsasampayuttassa dhammassa ārammaṇapaccayena paccayo – rāgaṃ assādeti abhinandati, taṃ ārabbha parāmāsasampayutto rāgo uppajjati; parāmāsasampayutte khandhe assādeti abhinandati, taṃ ārabbha parāmāsasampayutto rāgo uppajjati. (1)

    পরামাসসম্পযুত্তো ধম্মো পরামাসৰিপ্পযুত্তস্স ধম্মস্স আরম্মণপচ্চযেন পচ্চযো – অরিযা পরামাসসম্পযুত্তে পহীনে কিলেসে পচ্চৰেক্খন্তি, পুব্বে সমুদাচিণ্ণে কিলেসে জানন্তি, পরামাসসম্পযুত্তে খন্ধে অনিচ্চতো…পে॰… ৰিপস্সতি, অস্সাদেতি অভিনন্দতি, তং আরব্ভ পরামাসৰিপ্পযুত্তো রাগো…পে॰… ৰিচিকিচ্ছা…পে॰… উদ্ধচ্চং…পে॰… দোমনস্সং উপ্পজ্জতি; চেতোপরিযঞাণেন পরামাসসম্পযুত্তচিত্তসমঙ্গিস্স চিত্তং জানাতি, পরামাসসম্পযুত্তা খন্ধা চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো। (২)

    Parāmāsasampayutto dhammo parāmāsavippayuttassa dhammassa ārammaṇapaccayena paccayo – ariyā parāmāsasampayutte pahīne kilese paccavekkhanti, pubbe samudāciṇṇe kilese jānanti, parāmāsasampayutte khandhe aniccato…pe… vipassati, assādeti abhinandati, taṃ ārabbha parāmāsavippayutto rāgo…pe… vicikicchā…pe… uddhaccaṃ…pe… domanassaṃ uppajjati; cetopariyañāṇena parāmāsasampayuttacittasamaṅgissa cittaṃ jānāti, parāmāsasampayuttā khandhā cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo. (2)

    ৬৫. পরামাসৰিপ্পযুত্তো ধম্মো পরামাসৰিপ্পযুত্তস্স ধম্মস্স আরম্মণপচ্চযেন পচ্চযো – দানং…পে॰… সীলং…পে॰… উপোসথকম্মং কত্ৰা তং পচ্চৰেক্খতি, অস্সাদেতি অভিনন্দতি, তং আরব্ভ পরামাসৰিপ্পযুত্তো রাগো…পে॰… ৰিচিকিচ্ছা…পে॰… উদ্ধচ্চং…পে॰… দোমনস্সং উপ্পজ্জতি ; পুব্বে সুচিণ্ণানি…পে॰… ঝানা…পে॰… অরিযা মগ্গা ৰুট্ঠহিত্ৰা মগ্গং পচ্চৰেক্খন্তি, ফলং…পে॰… নিব্বানং…পে॰… নিব্বানং গোত্রভুস্স, ৰোদানস্স, মগ্গস্স, ফলস্স, আৰজ্জনায আরম্মণপচ্চযেন পচ্চযো; অরিযা পরামাসৰিপ্পযুত্তে পহীনে কিলেসে…পে॰… ৰিক্খম্ভিতে কিলেসে…পে॰… পুব্বে…পে॰… চক্খুং…পে॰… ৰত্থুং পরামাসৰিপ্পযুত্তে খন্ধে অনিচ্চতো…পে॰… ৰিপস্সতি, অস্সাদেতি অভিনন্দতি, তং আরব্ভ পরামাসৰিপ্পযুত্তো রাগো…পে॰… ৰিচিকিচ্ছা…পে॰… উদ্ধচ্চং…পে॰… দোমনস্সং উপ্পজ্জতি; দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি। চেতোপরিযঞাণেন পরামাসৰিপ্পযুত্তচিত্তসমঙ্গিস্স চিত্তং জানাতি, আকাসানঞ্চাযতনং ৰিঞ্ঞাণঞ্চাযতনস্স…পে॰… আকিঞ্চঞ্ঞাযতনং নেৰসঞ্ঞানাসঞ্ঞাযতনস্স…পে॰… রূপাযতনং চক্খুৰিঞ্ঞাণস্স…পে॰… ফোট্ঠব্বাযতনং কাযৰিঞ্ঞাণস্স…পে॰… পরামাসৰিপ্পযুত্তা খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো। (১)

    65. Parāmāsavippayutto dhammo parāmāsavippayuttassa dhammassa ārammaṇapaccayena paccayo – dānaṃ…pe… sīlaṃ…pe… uposathakammaṃ katvā taṃ paccavekkhati, assādeti abhinandati, taṃ ārabbha parāmāsavippayutto rāgo…pe… vicikicchā…pe… uddhaccaṃ…pe… domanassaṃ uppajjati ; pubbe suciṇṇāni…pe… jhānā…pe… ariyā maggā vuṭṭhahitvā maggaṃ paccavekkhanti, phalaṃ…pe… nibbānaṃ…pe… nibbānaṃ gotrabhussa, vodānassa, maggassa, phalassa, āvajjanāya ārammaṇapaccayena paccayo; ariyā parāmāsavippayutte pahīne kilese…pe… vikkhambhite kilese…pe… pubbe…pe… cakkhuṃ…pe… vatthuṃ parāmāsavippayutte khandhe aniccato…pe… vipassati, assādeti abhinandati, taṃ ārabbha parāmāsavippayutto rāgo…pe… vicikicchā…pe… uddhaccaṃ…pe… domanassaṃ uppajjati; dibbena cakkhunā rūpaṃ passati, dibbāya sotadhātuyā saddaṃ suṇāti. Cetopariyañāṇena parāmāsavippayuttacittasamaṅgissa cittaṃ jānāti, ākāsānañcāyatanaṃ viññāṇañcāyatanassa…pe… ākiñcaññāyatanaṃ nevasaññānāsaññāyatanassa…pe… rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa…pe… parāmāsavippayuttā khandhā iddhividhañāṇassa, cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo. (1)

    পরামাসৰিপ্পযুত্তো ধম্মো পরামাসসম্পযুত্তস্স ধম্মস্স আরম্মণপচ্চযেন পচ্চযো – দানং…পে॰… সীলং…পে॰… উপোসথকম্মং…পে॰… পুব্বে…পে॰… ঝানা…পে॰… চক্খুং…পে॰… ৰত্থুং পরামাসৰিপ্পযুত্তে খন্ধে অস্সাদেতি অভিনন্দতি। তং আরব্ভ পরামাসসম্পযুত্তো রাগো উপ্পজ্জতি। (২)

    Parāmāsavippayutto dhammo parāmāsasampayuttassa dhammassa ārammaṇapaccayena paccayo – dānaṃ…pe… sīlaṃ…pe… uposathakammaṃ…pe… pubbe…pe… jhānā…pe… cakkhuṃ…pe… vatthuṃ parāmāsavippayutte khandhe assādeti abhinandati. Taṃ ārabbha parāmāsasampayutto rāgo uppajjati. (2)

    অধিপতিপচ্চযো

    Adhipatipaccayo

    ৬৬. পরামাসসম্পযুত্তো ধম্মো পরামাসসম্পযুত্তস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি। আরম্মণাধিপতি – রাগং গরুং কত্ৰা অস্সাদেতি অভিনন্দতি, তং গরুং কত্ৰা পরামাসসম্পযুত্তো রাগো উপ্পজ্জতি, পরামাসসম্পযুত্তে খন্ধে গরুং কত্ৰা অস্সাদেতি অভিনন্দতি, তং গরুং কত্ৰা পরামাসসম্পযুত্তো রাগো উপ্পজ্জতি। সহজাতাধিপতি – পরামাসসম্পযুত্তাধিপতি সম্পযুত্তকানং খন্ধানং অধিপতিপচ্চযেন পচ্চযো। (১)

    66. Parāmāsasampayutto dhammo parāmāsasampayuttassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – rāgaṃ garuṃ katvā assādeti abhinandati, taṃ garuṃ katvā parāmāsasampayutto rāgo uppajjati, parāmāsasampayutte khandhe garuṃ katvā assādeti abhinandati, taṃ garuṃ katvā parāmāsasampayutto rāgo uppajjati. Sahajātādhipati – parāmāsasampayuttādhipati sampayuttakānaṃ khandhānaṃ adhipatipaccayena paccayo. (1)

    পরামাসসম্পযুত্তো ধম্মো পরামাসৰিপ্পযুত্তস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি। আরম্মণাধিপতি – পরামাসসম্পযুত্তে খন্ধে গরুং কত্ৰা অস্সাদেতি অভিনন্দতি, তং গরুং কত্ৰা পরামাসৰিপ্পযুত্তো রাগো উপ্পজ্জতি। সহজাতাধিপতি – পরামাসসম্পযুত্তাধিপতি চিত্তসমুট্ঠানানং রূপানং অধিপতিপচ্চযেন পচ্চযো। (২)

    Parāmāsasampayutto dhammo parāmāsavippayuttassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – parāmāsasampayutte khandhe garuṃ katvā assādeti abhinandati, taṃ garuṃ katvā parāmāsavippayutto rāgo uppajjati. Sahajātādhipati – parāmāsasampayuttādhipati cittasamuṭṭhānānaṃ rūpānaṃ adhipatipaccayena paccayo. (2)

    পরামাসসম্পযুত্তো ধম্মো পরামাসসম্পযুত্তস্স চ পরামাসৰিপ্পযুত্তস্স চ ধম্মস্স অধিপতিপচ্চযেন পচ্চযো। সহজাতাধিপতি – পরামাসসম্পযুত্তাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো। (৩)

    Parāmāsasampayutto dhammo parāmāsasampayuttassa ca parāmāsavippayuttassa ca dhammassa adhipatipaccayena paccayo. Sahajātādhipati – parāmāsasampayuttādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (3)

    ৬৭. পরামাসৰিপ্পযুত্তো ধম্মো পরামাসৰিপ্পযুত্তস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি। আরম্মণাধিপতি – দানং…পে॰… সীলং…পে॰… উপোসথকম্মং কত্ৰা তং গরুং কত্ৰা পচ্চৰেক্খতি, অস্সাদেতি অভিনন্দতি, তং গরুং কত্ৰা পরামাসৰিপ্পযুত্তো রাগো উপ্পজ্জতি, পুব্বে…পে॰… ঝানা…পে॰… অরিযা মগ্গা ৰুট্ঠহিত্ৰা মগ্গং গরুং কত্ৰা…পে॰… ফলং…পে॰… নিব্বানং…পে॰… নিব্বানং গোত্রভুস্স , ৰোদানস্স, মগ্গস্স, ফলস্স অধিপতিপচ্চযেন পচ্চযো; চক্খুং…পে॰… ৰত্থুং পরামাসৰিপ্পযুত্তে খন্ধে গরুং কত্ৰা অস্সাদেতি অভিনন্দতি, তং গরুং কত্ৰা পরামাসৰিপ্পযুত্তো রাগো উপ্পজ্জতি। সহজাতাধিপতি – পরামাসৰিপ্পযুত্তাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো। (১)

    67. Parāmāsavippayutto dhammo parāmāsavippayuttassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ…pe… sīlaṃ…pe… uposathakammaṃ katvā taṃ garuṃ katvā paccavekkhati, assādeti abhinandati, taṃ garuṃ katvā parāmāsavippayutto rāgo uppajjati, pubbe…pe… jhānā…pe… ariyā maggā vuṭṭhahitvā maggaṃ garuṃ katvā…pe… phalaṃ…pe… nibbānaṃ…pe… nibbānaṃ gotrabhussa , vodānassa, maggassa, phalassa adhipatipaccayena paccayo; cakkhuṃ…pe… vatthuṃ parāmāsavippayutte khandhe garuṃ katvā assādeti abhinandati, taṃ garuṃ katvā parāmāsavippayutto rāgo uppajjati. Sahajātādhipati – parāmāsavippayuttādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (1)

    পরামাসৰিপ্পযুত্তো ধম্মো পরামাসসম্পযুত্তস্স ধম্মস্স অধিপতিপচ্চযেন পচ্চযো। আরম্মণাধিপতি – দানং…পে॰… সীলং…পে॰… উপোসথকম্মং কত্ৰা তং গরুং কত্ৰা অস্সাদেতি অভিনন্দতি, তং গরুং কত্ৰা পরামাসসম্পযুত্তো রাগো উপ্পজ্জতি, পুব্বে…পে॰… ঝানা…পে॰… চক্খুং…পে॰… ৰত্থুং পরামাসৰিপ্পযুত্তে খন্ধে গরুং কত্ৰা অস্সাদেতি অভিনন্দতি, তং গরুং কত্ৰা পরামাসসম্পযুত্তো রাগো উপ্পজ্জতি। (২)

    Parāmāsavippayutto dhammo parāmāsasampayuttassa dhammassa adhipatipaccayena paccayo. Ārammaṇādhipati – dānaṃ…pe… sīlaṃ…pe… uposathakammaṃ katvā taṃ garuṃ katvā assādeti abhinandati, taṃ garuṃ katvā parāmāsasampayutto rāgo uppajjati, pubbe…pe… jhānā…pe… cakkhuṃ…pe… vatthuṃ parāmāsavippayutte khandhe garuṃ katvā assādeti abhinandati, taṃ garuṃ katvā parāmāsasampayutto rāgo uppajjati. (2)

    অনন্তর-সমনন্তরপচ্চযা

    Anantara-samanantarapaccayā

    ৬৮. পরামাসসম্পযুত্তো ধম্মো পরামাসসম্পযুত্তস্স ধম্মস্স অনন্তরপচ্চযেন পচ্চযো – পুরিমা পুরিমা পরামাসসম্পযুত্তা খন্ধা পচ্ছিমানং পচ্ছিমানং পরামাসসম্পযুত্তকানং খন্ধানং অনন্তরপচ্চযেন পচ্চযো। (১)

    68. Parāmāsasampayutto dhammo parāmāsasampayuttassa dhammassa anantarapaccayena paccayo – purimā purimā parāmāsasampayuttā khandhā pacchimānaṃ pacchimānaṃ parāmāsasampayuttakānaṃ khandhānaṃ anantarapaccayena paccayo. (1)

    পরামাসসম্পযুত্তো ধম্মো পরামাসৰিপ্পযুত্তস্স ধম্মস্স অনন্তরপচ্চযেন পচ্চযো – পরামাসসম্পযুত্তা খন্ধা ৰুট্ঠানস্স অনন্তরপচ্চযেন পচ্চযো। (২)

    Parāmāsasampayutto dhammo parāmāsavippayuttassa dhammassa anantarapaccayena paccayo – parāmāsasampayuttā khandhā vuṭṭhānassa anantarapaccayena paccayo. (2)

    ৬৯. পরামাসৰিপ্পযুত্তো ধম্মো পরামাসৰিপ্পযুত্তস্স ধম্মস্স অনন্তরপচ্চযেন পচ্চযো – পুরিমা পুরিমা পরামাসৰিপ্পযুত্তা খন্ধা পচ্ছিমানং পচ্ছিমানং পরামাসৰিপ্পযুত্তানং খন্ধানং অনন্তরপচ্চযেন পচ্চযো; অনুলোমং…পে॰… ফলসমাপত্তিযা অনন্তরপচ্চযেন পচ্চযো। (১)

    69. Parāmāsavippayutto dhammo parāmāsavippayuttassa dhammassa anantarapaccayena paccayo – purimā purimā parāmāsavippayuttā khandhā pacchimānaṃ pacchimānaṃ parāmāsavippayuttānaṃ khandhānaṃ anantarapaccayena paccayo; anulomaṃ…pe… phalasamāpattiyā anantarapaccayena paccayo. (1)

    পরামাসৰিপ্পযুত্তো ধম্মো পরামাসসম্পযুত্তস্স ধম্মস্স অনন্তরপচ্চযেন পচ্চযো – আৰজ্জনা পরামাসসম্পযুত্তকানং খন্ধানং অনন্তরপচ্চযেন পচ্চযো… সমনন্তরপচ্চযেন পচ্চযো। (২)

    Parāmāsavippayutto dhammo parāmāsasampayuttassa dhammassa anantarapaccayena paccayo – āvajjanā parāmāsasampayuttakānaṃ khandhānaṃ anantarapaccayena paccayo… samanantarapaccayena paccayo. (2)

    সহজাতপচ্চযাদি

    Sahajātapaccayādi

    ৭০. পরামাসসম্পযুত্তো ধম্মো পরামাসসম্পযুত্তস্স ধম্মস্স সহজাতপচ্চযেন পচ্চযো… পঞ্চ… অঞ্ঞমঞ্ঞপচ্চযেন পচ্চযো… দ্ৰে… নিস্সযপচ্চযেন পচ্চযো… সত্ত।

    70. Parāmāsasampayutto dhammo parāmāsasampayuttassa dhammassa sahajātapaccayena paccayo… pañca… aññamaññapaccayena paccayo… dve… nissayapaccayena paccayo… satta.

    উপনিস্সযপচ্চযো

    Upanissayapaccayo

    ৭১. পরামাসসম্পযুত্তো ধম্মো পরামাসসম্পযুত্তস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে॰…। পকতূপনিস্সযো – পরামাসসম্পযুত্তো রাগো… মোহো… পত্থনা পরামাসসম্পযুত্তস্স রাগস্স… মোহস্স… পত্থনায উপনিস্সযপচ্চযেন পচ্চযো। (১)

    71. Parāmāsasampayutto dhammo parāmāsasampayuttassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – parāmāsasampayutto rāgo… moho… patthanā parāmāsasampayuttassa rāgassa… mohassa… patthanāya upanissayapaccayena paccayo. (1)

    পরামাসসম্পযুত্তো ধম্মো পরামাসৰিপ্পযুত্তস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে॰…। পকতূপনিস্সযো – পরামাসসম্পযুত্তং রাগং উপনিস্সায দানং দেতি…পে॰… সমাপত্তিং উপ্পাদেতি, মানং জপ্পেতি; পরামাসসম্পযুত্তং মোহং… পত্থনং উপনিস্সায দানং দেতি…পে॰… সমাপত্তিং উপ্পাদেতি, মানং জপ্পেতি, পাণং হনতি…পে॰… সঙ্ঘং ভিন্দতি; পরামাসসম্পযুত্তো রাগো… মোহো… পত্থনা সদ্ধায …পে॰… পঞ্ঞায, রাগস্স… দোসস্স… মোহস্স… মানস্স… পত্থনায… কাযিকস্স সুখস্স…পে॰… ফলসমাপত্তিযা উপনিস্সযপচ্চযেন পচ্চযো। (২)

    Parāmāsasampayutto dhammo parāmāsavippayuttassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – parāmāsasampayuttaṃ rāgaṃ upanissāya dānaṃ deti…pe… samāpattiṃ uppādeti, mānaṃ jappeti; parāmāsasampayuttaṃ mohaṃ… patthanaṃ upanissāya dānaṃ deti…pe… samāpattiṃ uppādeti, mānaṃ jappeti, pāṇaṃ hanati…pe… saṅghaṃ bhindati; parāmāsasampayutto rāgo… moho… patthanā saddhāya …pe… paññāya, rāgassa… dosassa… mohassa… mānassa… patthanāya… kāyikassa sukhassa…pe… phalasamāpattiyā upanissayapaccayena paccayo. (2)

    ৭২. পরামাসৰিপ্পযুত্তো ধম্মো পরামাসৰিপ্পযুত্তস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে॰…। পকতূপনিস্সযো – সদ্ধং উপনিস্সায দানং দেতি …পে॰… সমাপত্তিং উপ্পাদেতি, মানং জপ্পেতি; সীলং…পে॰… পঞ্ঞং, রাগং…পে॰… মানং…পে॰… পত্থনং উপনিস্সায দানং দেতি…পে॰… সমাপত্তিং উপ্পাদেতি, পাণং হনতি…পে॰… সঙ্ঘং ভিন্দতি; কাযিকং সুখং…পে॰… সেনাসনং উপনিস্সায দানং দেতি…পে॰… সঙ্ঘং ভিন্দতি; সদ্ধা…পে॰… পঞ্ঞা, রাগো…পে॰… মানো… পত্থনা… কাযিকং সুখং…পে॰… সেনাসনং সদ্ধায…পে॰… পঞ্ঞায, রাগস্স…পে॰… মানস্স… পত্থনায… কাযিকস্স সুখস্স…পে॰… ফলসমাপত্তিযা উপনিস্সযপচ্চযেন পচ্চযো। (১)

    72. Parāmāsavippayutto dhammo parāmāsavippayuttassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – saddhaṃ upanissāya dānaṃ deti …pe… samāpattiṃ uppādeti, mānaṃ jappeti; sīlaṃ…pe… paññaṃ, rāgaṃ…pe… mānaṃ…pe… patthanaṃ upanissāya dānaṃ deti…pe… samāpattiṃ uppādeti, pāṇaṃ hanati…pe… saṅghaṃ bhindati; kāyikaṃ sukhaṃ…pe… senāsanaṃ upanissāya dānaṃ deti…pe… saṅghaṃ bhindati; saddhā…pe… paññā, rāgo…pe… māno… patthanā… kāyikaṃ sukhaṃ…pe… senāsanaṃ saddhāya…pe… paññāya, rāgassa…pe… mānassa… patthanāya… kāyikassa sukhassa…pe… phalasamāpattiyā upanissayapaccayena paccayo. (1)

    পরামাসৰিপ্পযুত্তো ধম্মো পরামাসসম্পযুত্তস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে॰…। পকতূপনিস্সযো – সদ্ধং উপনিস্সায পরামাসসম্পযুত্তো রাগো উপ্পজ্জতি; সীলং…পে॰… সেনাসনং উপনিস্সায পরামাসসম্পযুত্তো রাগো উপ্পজ্জতি; সদ্ধা…পে॰… সেনাসনং পরামাসসম্পযুত্তস্স রাগস্স…পে॰… পত্থনায উপনিস্সযপচ্চযেন পচ্চযো। (২)

    Parāmāsavippayutto dhammo parāmāsasampayuttassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – saddhaṃ upanissāya parāmāsasampayutto rāgo uppajjati; sīlaṃ…pe… senāsanaṃ upanissāya parāmāsasampayutto rāgo uppajjati; saddhā…pe… senāsanaṃ parāmāsasampayuttassa rāgassa…pe… patthanāya upanissayapaccayena paccayo. (2)

    পুরেজাতপচ্চযো

    Purejātapaccayo

    ৭৩. পরামাসৰিপ্পযুত্তো ধম্মো পরামাসৰিপ্পযুত্তস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং। আরম্মণপুরেজাতং – চক্খুং…পে॰… ৰত্থুং অনিচ্চতো…পে॰… ৰিপস্সতি, অস্সাদেতি অভিনন্দতি, তং আরব্ভ পরামাসৰিপ্পযুত্তো রাগো…পে॰… ৰিচিকিচ্ছা…পে॰… উদ্ধচ্চং…পে॰… দোমনস্সং উপ্পজ্জতি; দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি। রূপাযতনং চক্খুৰিঞ্ঞাণস্স…পে॰… ফোট্ঠব্বাযতনং কাযৰিঞ্ঞাণস্স পুরেজাতপচ্চযেন পচ্চযো। ৰত্থুপুরেজাতং – চক্খাযতনং চক্খুৰিঞ্ঞাণস্স …পে॰… কাযাযতনং কাযৰিঞ্ঞাণস্স…পে॰… ৰত্থু পরামাসৰিপ্পযুত্তানং খন্ধানং পুরেজাতপচ্চযেন পচ্চযো। (১)

    73. Parāmāsavippayutto dhammo parāmāsavippayuttassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ aniccato…pe… vipassati, assādeti abhinandati, taṃ ārabbha parāmāsavippayutto rāgo…pe… vicikicchā…pe… uddhaccaṃ…pe… domanassaṃ uppajjati; dibbena cakkhunā rūpaṃ passati, dibbāya sotadhātuyā saddaṃ suṇāti. Rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa purejātapaccayena paccayo. Vatthupurejātaṃ – cakkhāyatanaṃ cakkhuviññāṇassa …pe… kāyāyatanaṃ kāyaviññāṇassa…pe… vatthu parāmāsavippayuttānaṃ khandhānaṃ purejātapaccayena paccayo. (1)

    পরামাসৰিপ্পযুত্তো ধম্মো পরামাসসম্পযুত্তস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং। আরম্মণপুরেজাতং – চক্খুং…পে॰… ৰত্থুং অস্সাদেতি অভিনন্দতি, তং আরব্ভ পরামাসসম্পযুত্তো রাগো উপ্পজ্জতি। ৰত্থুপুরেজাতং – ৰত্থু পরামাসসম্পযুত্তকানং খন্ধানং পুরেজাতপচ্চযেন পচ্চযো। (২)

    Parāmāsavippayutto dhammo parāmāsasampayuttassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ assādeti abhinandati, taṃ ārabbha parāmāsasampayutto rāgo uppajjati. Vatthupurejātaṃ – vatthu parāmāsasampayuttakānaṃ khandhānaṃ purejātapaccayena paccayo. (2)

    পচ্ছাজাতাসেৰনপচ্চযা

    Pacchājātāsevanapaccayā

    ৭৪. পরামাসসম্পযুত্তো ধম্মো পরামাসৰিপ্পযুত্তস্স ধম্মস্স পচ্ছাজাতপচ্চযেন পচ্চযো (সংখিত্তং)। (১)

    74. Parāmāsasampayutto dhammo parāmāsavippayuttassa dhammassa pacchājātapaccayena paccayo (saṃkhittaṃ). (1)

    পরামাসৰিপ্পযুত্তো ধম্মো পরামাসৰিপ্পযুত্তস্স ধম্মস্স পচ্ছাজাতপচ্চযেন পচ্চযো (সংখিত্তং)। (১)

    Parāmāsavippayutto dhammo parāmāsavippayuttassa dhammassa pacchājātapaccayena paccayo (saṃkhittaṃ). (1)

    পরামাসসম্পযুত্তো ধম্মো পরামাসসম্পযুত্তস্স ধম্মস্স আসেৰনপচ্চযেন পচ্চযো… দ্ৰে।

    Parāmāsasampayutto dhammo parāmāsasampayuttassa dhammassa āsevanapaccayena paccayo… dve.

    কম্মপচ্চযাদি

    Kammapaccayādi

    ৭৫. পরামাসসম্পযুত্তো ধম্মো পরামাসসম্পযুত্তস্স ধম্মস্স কম্মপচ্চযেন পচ্চযো – পরামাসসম্পযুত্তা চেতনা সম্পযুত্তকানং খন্ধানং কম্মপচ্চযেন পচ্চযো। (১)

    75. Parāmāsasampayutto dhammo parāmāsasampayuttassa dhammassa kammapaccayena paccayo – parāmāsasampayuttā cetanā sampayuttakānaṃ khandhānaṃ kammapaccayena paccayo. (1)

    পরামাসসম্পযুত্তো ধম্মো পরামাসৰিপ্পযুত্তস্স ধম্মস্স কম্মপচ্চযেন পচ্চযো – সহজাতা, নানাক্খণিকা। সহজাতা – পরামাসসম্পযুত্তা চেতনা চিত্তসমুট্ঠানানং রূপানং কম্মপচ্চযেন পচ্চযো। নানাক্খণিকা – পরামাসসম্পযুত্তা চেতনা ৰিপাকানং খন্ধানং কটত্তা চ রূপানং কম্মপচ্চযেন পচ্চযো। (মূলং কাতব্বং) পরামাসসম্পযুত্তা চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো। (৩)

    Parāmāsasampayutto dhammo parāmāsavippayuttassa dhammassa kammapaccayena paccayo – sahajātā, nānākkhaṇikā. Sahajātā – parāmāsasampayuttā cetanā cittasamuṭṭhānānaṃ rūpānaṃ kammapaccayena paccayo. Nānākkhaṇikā – parāmāsasampayuttā cetanā vipākānaṃ khandhānaṃ kaṭattā ca rūpānaṃ kammapaccayena paccayo. (Mūlaṃ kātabbaṃ) parāmāsasampayuttā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo. (3)

    পরামাসৰিপ্পযুত্তো ধম্মো পরামাসৰিপ্পযুত্তস্স ধম্মস্স কম্মপচ্চযেন পচ্চযো – সহজাতা, নানাক্খণিকা। সহজাতা – পরামাসৰিপ্পযুত্তা চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো; পটিসন্ধিক্খণে…পে॰…। নানাক্খণিকা – পরামাসৰিপ্পযুত্তা চেতনা ৰিপাকানং খন্ধানং কটত্তা চ রূপানং কম্মপচ্চযেন পচ্চযো। (১)

    Parāmāsavippayutto dhammo parāmāsavippayuttassa dhammassa kammapaccayena paccayo – sahajātā, nānākkhaṇikā. Sahajātā – parāmāsavippayuttā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo; paṭisandhikkhaṇe…pe…. Nānākkhaṇikā – parāmāsavippayuttā cetanā vipākānaṃ khandhānaṃ kaṭattā ca rūpānaṃ kammapaccayena paccayo. (1)

    ৰিপাকপচ্চযেন পচ্চযো… একং, আহারপচ্চযেন পচ্চযো… চত্তারি, ইন্দ্রিযপচ্চযেন পচ্চযো… চত্তারি, ঝানপচ্চযেন পচ্চযো… চত্তারি, মগ্গপচ্চযেন পচ্চযো… চত্তারি, সম্পযুত্তপচ্চযেন পচ্চযো… দ্ৰে।

    Vipākapaccayena paccayo… ekaṃ, āhārapaccayena paccayo… cattāri, indriyapaccayena paccayo… cattāri, jhānapaccayena paccayo… cattāri, maggapaccayena paccayo… cattāri, sampayuttapaccayena paccayo… dve.

    ৰিপ্পযুত্তপচ্চযো

    Vippayuttapaccayo

    ৭৬. পরামাসসম্পযুত্তো ধম্মো পরামাসৰিপ্পযুত্তস্স ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং (সংখিত্তং)। (১)

    76. Parāmāsasampayutto dhammo parāmāsavippayuttassa dhammassa vippayuttapaccayena paccayo – sahajātaṃ, pacchājātaṃ (saṃkhittaṃ). (1)

    পরামাসৰিপ্পযুত্তো ধম্মো পরামাসৰিপ্পযুত্তস্স ধম্মস্স ৰিপ্পযুত্তপচ্চযেন পচ্চযো – সহজাতং, পুরেজাতং, পচ্ছাজাতং (সংখিত্তং)। (১)

    Parāmāsavippayutto dhammo parāmāsavippayuttassa dhammassa vippayuttapaccayena paccayo – sahajātaṃ, purejātaṃ, pacchājātaṃ (saṃkhittaṃ). (1)

    পরামাসৰিপ্পযুত্তো ধম্মো পরামাসসম্পযুত্তস্স ধম্মস্স ৰিপ্পযুত্তপচ্চযেন পচ্চযো। পুরেজাতং – ৰত্থু পরামাসম্পযুত্তকানং খন্ধানং ৰিপ্পযুত্তপচ্চযেন পচ্চযো। (১)

    Parāmāsavippayutto dhammo parāmāsasampayuttassa dhammassa vippayuttapaccayena paccayo. Purejātaṃ – vatthu parāmāsampayuttakānaṃ khandhānaṃ vippayuttapaccayena paccayo. (1)

    অত্থিপচ্চযো

    Atthipaccayo

    ৭৭. পরামাসসম্পযুত্তো ধম্মো পরামাসসম্পযুত্তস্স ধম্মস্স অত্থিপচ্চযেন পচ্চযো – পরামাসসম্পযুত্তো একো খন্ধো তিণ্ণন্নং খন্ধানং অত্থিপচ্চযেন পচ্চযো…পে॰… দ্ৰে খন্ধা…পে॰…। (১)

    77. Parāmāsasampayutto dhammo parāmāsasampayuttassa dhammassa atthipaccayena paccayo – parāmāsasampayutto eko khandho tiṇṇannaṃ khandhānaṃ atthipaccayena paccayo…pe… dve khandhā…pe…. (1)

    পরামাসসম্পযুত্তো ধম্মো পরামাসৰিপ্পযুত্তস্স ধম্মস্স অত্থিপচ্চযেন পচ্চযো – পরামাসসম্পযুত্তা খন্ধা চিত্তসমুট্ঠানানং রূপানং অত্থিপচ্চযেন পচ্চযো। (মূলং কাতব্বং।) (২)

    Parāmāsasampayutto dhammo parāmāsavippayuttassa dhammassa atthipaccayena paccayo – parāmāsasampayuttā khandhā cittasamuṭṭhānānaṃ rūpānaṃ atthipaccayena paccayo. (Mūlaṃ kātabbaṃ.) (2)

    পরামাসসম্পযুত্তো ধম্মো পরামাসসম্পযুত্তস্স চ পরামাসৰিপ্পযুত্তস্স চ ধম্মস্স অত্থিপচ্চযেন পচ্চযো – পরামাসসম্পযুত্তো একো খন্ধো তিণ্ণন্নং খন্ধানং চিত্তসমুট্ঠানানঞ্চ রূপানং অত্থিপচ্চযেন পচ্চযো…পে॰… দ্ৰে খন্ধা…পে॰…। (৩)

    Parāmāsasampayutto dhammo parāmāsasampayuttassa ca parāmāsavippayuttassa ca dhammassa atthipaccayena paccayo – parāmāsasampayutto eko khandho tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo…pe… dve khandhā…pe…. (3)

    ৭৮. পরামাসৰিপ্পযুত্তো ধম্মো পরামাসৰিপ্পযুত্তস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং, ইন্দ্রিযং (সংখিত্তং)। (১)

    78. Parāmāsavippayutto dhammo parāmāsavippayuttassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ, indriyaṃ (saṃkhittaṃ). (1)

    পরামাসৰিপ্পযুত্তো ধম্মো পরামাসসম্পযুত্তস্স ধম্মস্স অত্থিপচ্চযেন পচ্চযো। পুরেজাতং – চক্খুং…পে॰… ৰত্থুং অস্সাদেতি অভিনন্দতি, তং আরব্ভ পরামাসসম্পযুত্তো রাগো উপ্পজ্জতি, ৰত্থু পরামাসসম্পযুত্তকানং খন্ধানং অত্থিপচ্চযেন পচ্চযো। (২)

    Parāmāsavippayutto dhammo parāmāsasampayuttassa dhammassa atthipaccayena paccayo. Purejātaṃ – cakkhuṃ…pe… vatthuṃ assādeti abhinandati, taṃ ārabbha parāmāsasampayutto rāgo uppajjati, vatthu parāmāsasampayuttakānaṃ khandhānaṃ atthipaccayena paccayo. (2)

    ৭৯. পরামাসসম্পযুত্তো চ পরামাসৰিপ্পযুত্তো চ ধম্মা পরামাসসম্পযুত্তস্স ধম্মস্স অত্থিপচ্চযেন পচ্চযো – সহজাতং, পুরেজাতং। সহজাতো – পরামাসসম্পযুত্তো একো খন্ধো চ ৰত্থু চ তিণ্ণন্নং খন্ধানং অত্থিপচ্চযেন পচ্চযো…পে॰… দ্ৰে খন্ধা চ…পে॰…। (১)

    79. Parāmāsasampayutto ca parāmāsavippayutto ca dhammā parāmāsasampayuttassa dhammassa atthipaccayena paccayo – sahajātaṃ, purejātaṃ. Sahajāto – parāmāsasampayutto eko khandho ca vatthu ca tiṇṇannaṃ khandhānaṃ atthipaccayena paccayo…pe… dve khandhā ca…pe…. (1)

    পরামাসসম্পযুত্তো চ পরামাসৰিপ্পযুত্তো চ ধম্মা পরামাসৰিপ্পযুত্তস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং, আহারং, ইন্দ্রিযং। সহজাতা – পরামাসসম্পযুত্তা খন্ধা চ মহাভূতা চ চিত্তসমুট্ঠানানং রূপানং অত্থিপচ্চযেন পচ্চযো। পচ্ছাজাতা – পরামাসসম্পযুত্তা খন্ধা চ কবল়ীকারো আহারো চ ইমস্স কাযস্স অত্থিপচ্চযেন পচ্চযো। পচ্ছাজাতা – পরামাসসম্পযুত্তা খন্ধা চ রূপজীৰিতিন্দ্রিযঞ্চ কটত্তারূপানং অত্থিপচ্চযেন পচ্চযো। (২)

    Parāmāsasampayutto ca parāmāsavippayutto ca dhammā parāmāsavippayuttassa dhammassa atthipaccayena paccayo – sahajātaṃ, pacchājātaṃ, āhāraṃ, indriyaṃ. Sahajātā – parāmāsasampayuttā khandhā ca mahābhūtā ca cittasamuṭṭhānānaṃ rūpānaṃ atthipaccayena paccayo. Pacchājātā – parāmāsasampayuttā khandhā ca kabaḷīkāro āhāro ca imassa kāyassa atthipaccayena paccayo. Pacchājātā – parāmāsasampayuttā khandhā ca rūpajīvitindriyañca kaṭattārūpānaṃ atthipaccayena paccayo. (2)

    ১. পচ্চযানুলোমং

    1. Paccayānulomaṃ

    ২. সঙ্খ্যাৰারো

    2. Saṅkhyāvāro

    সুদ্ধং

    Suddhaṃ

    ৮০. হেতুযা চত্তারি, আরম্মণে চত্তারি, অধিপতিযা পঞ্চ, অনন্তরে চত্তারি, সমনন্তরে চত্তারি, সহজাতে পঞ্চ, অঞ্ঞমঞ্ঞে দ্ৰে, নিস্সযে সত্ত, উপনিস্সযে চত্তারি, পুরেজাতে দ্ৰে, পচ্ছাজাতে দ্ৰে, আসেৰনে দ্ৰে, কম্মে চত্তারি, ৰিপাকে একং, আহারে চত্তারি, ইন্দ্রিযে চত্তারি, ঝানে চত্তারি, মগ্গে চত্তারি, সম্পযুত্তে দ্ৰে, ৰিপ্পযুত্তে তীণি, অত্থিযা সত্ত, নত্থিযা চত্তারি, ৰিগতে চত্তারি, অৰিগতে সত্ত।

    80. Hetuyā cattāri, ārammaṇe cattāri, adhipatiyā pañca, anantare cattāri, samanantare cattāri, sahajāte pañca, aññamaññe dve, nissaye satta, upanissaye cattāri, purejāte dve, pacchājāte dve, āsevane dve, kamme cattāri, vipāke ekaṃ, āhāre cattāri, indriye cattāri, jhāne cattāri, magge cattāri, sampayutte dve, vippayutte tīṇi, atthiyā satta, natthiyā cattāri, vigate cattāri, avigate satta.

    অনুলোমং।

    Anulomaṃ.

    পচ্চনীযুদ্ধারো

    Paccanīyuddhāro

    ৮১. পরামাসসম্পযুত্তো ধম্মো পরামাসসম্পযুত্তস্স ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো। (১)

    81. Parāmāsasampayutto dhammo parāmāsasampayuttassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (1)

    পরামাসসম্পযুত্তো ধম্মো পরামাসৰিপ্পযুত্তস্স ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পচ্ছাজাতপচ্চযেন পচ্চযো… কম্মপচ্চযেন পচ্চযো। (২)

    Parāmāsasampayutto dhammo parāmāsavippayuttassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo… kammapaccayena paccayo. (2)

    পরামাসসম্পযুত্তো ধম্মো পরামাসসম্পযুত্তস্স চ পরামাসৰিপ্পযুত্তস্স চ ধম্মস্স সহজাতপচ্চযেন পচ্চযো। (৩)

    Parāmāsasampayutto dhammo parāmāsasampayuttassa ca parāmāsavippayuttassa ca dhammassa sahajātapaccayena paccayo. (3)

    ৮২. পরামাসৰিপ্পযুত্তো ধম্মো পরামাসৰিপ্পযুত্তস্স ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পুরেজাতপচ্চযেন পচ্চযো… পচ্ছাজাতপচ্চযেন পচ্চযো… কম্মপচ্চযেন পচ্চযো… আহারপচ্চযেন পচ্চযো… ইন্দ্রিযপচ্চযেন পচ্চযো। (১)

    82. Parāmāsavippayutto dhammo parāmāsavippayuttassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo… pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. (1)

    পরামাসৰিপ্পযুত্তো ধম্মো পরামাসসম্পযুত্তস্স ধম্মস্স আরম্মণপচ্চযেন পচ্চযো… উপনিস্সযপচ্চযেন পচ্চযো… পুরেজাতপচ্চযেন পচ্চযো। (২)

    Parāmāsavippayutto dhammo parāmāsasampayuttassa dhammassa ārammaṇapaccayena paccayo… upanissayapaccayena paccayo… purejātapaccayena paccayo. (2)

    পরামাসসম্পযুত্তো চ পরামাসৰিপ্পযুত্তো চ ধম্মা পরামাসসম্পযুত্তস্স ধম্মস্স সহজাতং, পুরেজাতং। (১)

    Parāmāsasampayutto ca parāmāsavippayutto ca dhammā parāmāsasampayuttassa dhammassa sahajātaṃ, purejātaṃ. (1)

    পরামাসসম্পযুত্তো চ পরামাসৰিপ্পযুত্তো চ ধম্মা পরামাসৰিপ্পযুত্তস্স ধম্মস্স সহজাতং, পচ্ছাজাতং, আহারং, ইন্দ্রিযং। (২)

    Parāmāsasampayutto ca parāmāsavippayutto ca dhammā parāmāsavippayuttassa dhammassa sahajātaṃ, pacchājātaṃ, āhāraṃ, indriyaṃ. (2)

    ২. পচ্চযপচ্চনীযং

    2. Paccayapaccanīyaṃ

    ২. সঙ্খ্যাৰারো

    2. Saṅkhyāvāro

    সুদ্ধং

    Suddhaṃ

    ৮৩. নহেতুযা সত্ত, নআরম্মণে সত্ত, নঅধিপতিযা সত্ত, নঅনন্তরে সত্ত, নসমনন্তরে সত্ত, নসহজাতে পঞ্চ, নঅঞ্ঞমঞ্ঞে পঞ্চ, ননিস্সযে পঞ্চ, নউপনিস্সযে সত্ত, নপুরেজাতে ছ, নপচ্ছাজাতে সত্ত (সব্বত্থ সত্ত), নমগ্গে সত্ত, নসম্পযুত্তে পঞ্চ, নৰিপ্পযুত্তে চত্তারি, নোঅত্থিযা চত্তারি, নোনত্থিযা সত্ত, নোৰিগতে সত্ত, নোঅৰিগতে চত্তারি।

    83. Nahetuyā satta, naārammaṇe satta, naadhipatiyā satta, naanantare satta, nasamanantare satta, nasahajāte pañca, naaññamaññe pañca, nanissaye pañca, naupanissaye satta, napurejāte cha, napacchājāte satta (sabbattha satta), namagge satta, nasampayutte pañca, navippayutte cattāri, noatthiyā cattāri, nonatthiyā satta, novigate satta, noavigate cattāri.

    ৩. পচ্চযানুলোমপচ্চনীযং

    3. Paccayānulomapaccanīyaṃ

    হেতুদুকং

    Hetudukaṃ

    ৮৪. হেতুপচ্চযা নআরম্মণে চত্তারি, নঅধিপতিযা চত্তারি, নঅনন্তরে চত্তারি, নসমনন্তরে চত্তারি, নঅঞ্ঞমঞ্ঞে দ্ৰে, নউপনিস্সযে চত্তারি (সব্বত্থ চত্তারি), নমগ্গে চত্তারি, নসম্পযুত্তে দ্ৰে, নৰিপ্পযুত্তে দ্ৰে, নোনত্থিযা চত্তারি, নোৰিগতে চত্তারি।

    84. Hetupaccayā naārammaṇe cattāri, naadhipatiyā cattāri, naanantare cattāri, nasamanantare cattāri, naaññamaññe dve, naupanissaye cattāri (sabbattha cattāri), namagge cattāri, nasampayutte dve, navippayutte dve, nonatthiyā cattāri, novigate cattāri.

    ৪. পচ্চযপচ্চনীযানুলোমং

    4. Paccayapaccanīyānulomaṃ

    ৮৫. নহেতুপচ্চযা আরম্মণে চত্তারি, অধিপতিযা পঞ্চ (অনুলোমমাতিকা কাতব্বা)…পে॰… অৰিগতে সত্ত।

    85. Nahetupaccayā ārammaṇe cattāri, adhipatiyā pañca (anulomamātikā kātabbā)…pe… avigate satta.

    পরামাসসম্পযুত্তদুকং নিট্ঠিতং।

    Parāmāsasampayuttadukaṃ niṭṭhitaṃ.

    ৫৩. পরামাসপরামট্ঠদুকং

    53. Parāmāsaparāmaṭṭhadukaṃ

    ১. পটিচ্চৰারো

    1. Paṭiccavāro

    ১. পচ্চযানুলোমং

    1. Paccayānulomaṃ

    ১. ৰিভঙ্গৰারো

    1. Vibhaṅgavāro

    হেতুপচ্চযো

    Hetupaccayo

    ৮৬. পরামাসঞ্চেৰ পরামট্ঠঞ্চ ধম্মং পটিচ্চ পরামট্ঠো চেৰ নো চ পরামাসো ধম্মো উপ্পজ্জতি হেতুপচ্চযা – পরামাসং পটিচ্চ সম্পযুত্তকা খন্ধা চিত্তসমুট্ঠানঞ্চ রূপং। (১)

    86. Parāmāsañceva parāmaṭṭhañca dhammaṃ paṭicca parāmaṭṭho ceva no ca parāmāso dhammo uppajjati hetupaccayā – parāmāsaṃ paṭicca sampayuttakā khandhā cittasamuṭṭhānañca rūpaṃ. (1)

    পরামট্ঠঞ্চেৰ নো চ পরামাসং ধম্মং পটিচ্চ পরামট্ঠো চেৰ নো চ পরামাসো ধম্মো উপ্পজ্জতি হেতুপচ্চযা – পরামট্ঠঞ্চেৰ নো চ পরামাসং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে॰… দ্ৰে খন্ধে…পে॰… পটিসন্ধিক্খণে…পে॰… (যাৰ অজ্ঝত্তিকা মহাভূতা)। (১)

    Parāmaṭṭhañceva no ca parāmāsaṃ dhammaṃ paṭicca parāmaṭṭho ceva no ca parāmāso dhammo uppajjati hetupaccayā – parāmaṭṭhañceva no ca parāmāsaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe… (yāva ajjhattikā mahābhūtā). (1)

    পরামট্ঠঞ্চেৰ নো চ পরামাসং ধম্মং পটিচ্চ পরামাসো চেৰ পরামট্ঠো চ ধম্মো উপ্পজ্জতি হেতুপচ্চযা – পরামট্ঠে চেৰ নো চ পরামাসে খন্ধে পটিচ্চ পরামাসো। (২)

    Parāmaṭṭhañceva no ca parāmāsaṃ dhammaṃ paṭicca parāmāso ceva parāmaṭṭho ca dhammo uppajjati hetupaccayā – parāmaṭṭhe ceva no ca parāmāse khandhe paṭicca parāmāso. (2)

    পরামট্ঠঞ্চেৰ নো চ পরামাসং ধম্মং পটিচ্চ পরামাসো চেৰ পরামট্ঠো চ পরামট্ঠো চেৰ নো চ পরামাসো চ ধম্মা উপ্পজ্জন্তি হেতুপচ্চযা – পরামট্ঠঞ্চেৰ নো চ পরামাসং একং খন্ধং পটিচ্চ তযো খন্ধা পরামাসো চ চিত্তসমুট্ঠানঞ্চ রূপং…পে॰… দ্ৰে খন্ধে…পে॰…। (৩)

    Parāmaṭṭhañceva no ca parāmāsaṃ dhammaṃ paṭicca parāmāso ceva parāmaṭṭho ca parāmaṭṭho ceva no ca parāmāso ca dhammā uppajjanti hetupaccayā – parāmaṭṭhañceva no ca parāmāsaṃ ekaṃ khandhaṃ paṭicca tayo khandhā parāmāso ca cittasamuṭṭhānañca rūpaṃ…pe… dve khandhe…pe…. (3)

    পরামাসঞ্চেৰ পরামট্ঠঞ্চ পরামট্ঠঞ্চেৰ নো চ পরামাসঞ্চ ধম্মং পটিচ্চ পরামট্ঠো চেৰ নো চ পরামাসো ধম্মো উপ্পজ্জতি হেতুপচ্চযা – পরামট্ঠঞ্চেৰ নো চ পরামাসং একং খন্ধঞ্চ পরামাসঞ্চ পটিচ্চ তযো খন্ধা চিত্তসমুট্ঠানঞ্চ রূপং…পে॰… দ্ৰে খন্ধে চ…পে॰… (সংখিত্তং)।

    Parāmāsañceva parāmaṭṭhañca parāmaṭṭhañceva no ca parāmāsañca dhammaṃ paṭicca parāmaṭṭho ceva no ca parāmāso dhammo uppajjati hetupaccayā – parāmaṭṭhañceva no ca parāmāsaṃ ekaṃ khandhañca parāmāsañca paṭicca tayo khandhā cittasamuṭṭhānañca rūpaṃ…pe… dve khandhe ca…pe… (saṃkhittaṃ).

    ২-৬. সহজাত-পচ্চয-নিস্সয-সংসট্ঠ-সম্পযুত্তৰারো

    2-6. Sahajāta-paccaya-nissaya-saṃsaṭṭha-sampayuttavāro

    (সব্বে ৰারা যথা পরামাসদুকং এৰং কাতব্বং নিন্নানাকরণং।)

    (Sabbe vārā yathā parāmāsadukaṃ evaṃ kātabbaṃ ninnānākaraṇaṃ.)

    ৭. পঞ্হাৰারো

    7. Pañhāvāro

    ১. পচ্চযানুলোমং

    1. Paccayānulomaṃ

    ১. ৰিভঙ্গৰারো

    1. Vibhaṅgavāro

    হেতুপচ্চযো

    Hetupaccayo

    ৮৭. পরামট্ঠো চেৰ নো চ পরামাসো ধম্মো পরামট্ঠস্স চেৰ নো চ পরামাসস্স ধম্মস্স হেতুপচ্চযেন পচ্চযো – পরামট্ঠা চেৰ নো চ পরামাসা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো; পটিসন্ধিক্খণে…পে॰…। (১)

    87. Parāmaṭṭho ceva no ca parāmāso dhammo parāmaṭṭhassa ceva no ca parāmāsassa dhammassa hetupaccayena paccayo – parāmaṭṭhā ceva no ca parāmāsā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo; paṭisandhikkhaṇe…pe…. (1)

    পরামট্ঠো চেৰ নো চ পরামাসো ধম্মো পরামাসস্স চেৰ পরামট্ঠস্স চ ধম্মস্স হেতুপচ্চযেন পচ্চযো – পরামট্ঠা চেৰ নো চ পরামাসা হেতূ পরামাসস্স হেতুপচ্চযেন পচ্চযো। (২)

    Parāmaṭṭho ceva no ca parāmāso dhammo parāmāsassa ceva parāmaṭṭhassa ca dhammassa hetupaccayena paccayo – parāmaṭṭhā ceva no ca parāmāsā hetū parāmāsassa hetupaccayena paccayo. (2)

    পরামট্ঠো চেৰ নো চ পরামাসো ধম্মো পরামাসস্স চেৰ পরামট্ঠস্স চ পরামট্ঠস্স চেৰ নো চ পরামাসস্স চ ধম্মস্স হেতুপচ্চযেন পচ্চযো – পরামট্ঠা চেৰ নো চ পরামাসা হেতূ সম্পযুত্তকানং খন্ধানং পরামাসস্স চ চিত্তসমুট্ঠানানঞ্চ রূপানং হেতুপচ্চযেন পচ্চযো। (৩)

    Parāmaṭṭho ceva no ca parāmāso dhammo parāmāsassa ceva parāmaṭṭhassa ca parāmaṭṭhassa ceva no ca parāmāsassa ca dhammassa hetupaccayena paccayo – parāmaṭṭhā ceva no ca parāmāsā hetū sampayuttakānaṃ khandhānaṃ parāmāsassa ca cittasamuṭṭhānānañca rūpānaṃ hetupaccayena paccayo. (3)

    আরম্মণপচ্চযো

    Ārammaṇapaccayo

    ৮৮. পরামাসো চেৰ পরামট্ঠো চ ধম্মো পরামাসস্স চেৰ পরামট্ঠস্স চ ধম্মস্স আরম্মণপচ্চযেন পচ্চযো… তীণি (আরব্ভ কাতব্বানি পরামাসদুকসদিসং)।

    88. Parāmāso ceva parāmaṭṭho ca dhammo parāmāsassa ceva parāmaṭṭhassa ca dhammassa ārammaṇapaccayena paccayo… tīṇi (ārabbha kātabbāni parāmāsadukasadisaṃ).

    ৮৯. পরামট্ঠো চেৰ নো চ পরামাসো ধম্মো পরামট্ঠস্স চেৰ নো চ পরামাসস্স ধম্মস্স আরম্মণপচ্চযেন পচ্চযো – দানং…পে॰… সীলং…পে॰… উপোসথকম্মং কত্ৰা তং পচ্চৰেক্খতি, অস্সাদেতি অভিনন্দতি, তং আরব্ভ রাগো…পে॰… ৰিচিকিচ্ছা, উদ্ধচ্চং, দোমনস্সং উপ্পজ্জতি, পুব্বে…পে॰… ঝানা…পে॰… অরিযা গোত্রভুং পচ্চৰেক্খন্তি, ৰোদানং পচ্চৰেক্খন্তি, পহীনে কিলেসে…পে॰… ৰিক্খম্ভিতে কিলেসে…পে॰… পুব্বে…পে॰… চক্খুং…পে॰… ৰত্থুং পরামট্ঠে চেৰ নো চ পরামাসে খন্ধে অনিচ্চতো…পে॰… দোমনস্সং উপ্পজ্জতি। দিব্বেন চক্খুনা রূপং পস্সতি (যাৰ আৰজ্জনা সব্বং কাতব্বং)। (১)

    89. Parāmaṭṭho ceva no ca parāmāso dhammo parāmaṭṭhassa ceva no ca parāmāsassa dhammassa ārammaṇapaccayena paccayo – dānaṃ…pe… sīlaṃ…pe… uposathakammaṃ katvā taṃ paccavekkhati, assādeti abhinandati, taṃ ārabbha rāgo…pe… vicikicchā, uddhaccaṃ, domanassaṃ uppajjati, pubbe…pe… jhānā…pe… ariyā gotrabhuṃ paccavekkhanti, vodānaṃ paccavekkhanti, pahīne kilese…pe… vikkhambhite kilese…pe… pubbe…pe… cakkhuṃ…pe… vatthuṃ parāmaṭṭhe ceva no ca parāmāse khandhe aniccato…pe… domanassaṃ uppajjati. Dibbena cakkhunā rūpaṃ passati (yāva āvajjanā sabbaṃ kātabbaṃ). (1)

    পরামট্ঠো চেৰ নো চ পরামাসো ধম্মো পরামাসস্স চেৰ পরামট্ঠস্স চ ধম্মস্স আরম্মণপচ্চযেন পচ্চযো – দানং…পে॰… সীলং…পে॰… উপোসথকম্মং…পে॰… পুব্বে…পে॰… ঝানা…পে॰… চক্খুং…পে॰… ৰত্থুং পরামট্ঠে চেৰ নো চ পরামাসে খন্ধে অস্সাদেতি অভিনন্দতি, তং আরব্ভ দিট্ঠি উপ্পজ্জতি। (২)

    Parāmaṭṭho ceva no ca parāmāso dhammo parāmāsassa ceva parāmaṭṭhassa ca dhammassa ārammaṇapaccayena paccayo – dānaṃ…pe… sīlaṃ…pe… uposathakammaṃ…pe… pubbe…pe… jhānā…pe… cakkhuṃ…pe… vatthuṃ parāmaṭṭhe ceva no ca parāmāse khandhe assādeti abhinandati, taṃ ārabbha diṭṭhi uppajjati. (2)

    পরামট্ঠো চেৰ নো চ পরামাসো ধম্মো পরামাসস্স চেৰ পরামট্ঠস্স চ পরামট্ঠস্স চেৰ নো চ পরামাসস্স চ ধম্মস্স আরম্মণপচ্চযেন পচ্চযো – দানং…পে॰… সীলং…পে॰… উপোসথকম্মং…পে॰… পুব্বে…পে॰… ঝানা…পে॰… চক্খুং…পে॰… ৰত্থুং পরামট্ঠে চেৰ নো চ পরামাসে খন্ধে অস্সাদেতি অভিনন্দতি, তং আরব্ভ পরামাসো চ সম্পযুত্তকা চ খন্ধা উপ্পজ্জন্তি। (৩)

    Parāmaṭṭho ceva no ca parāmāso dhammo parāmāsassa ceva parāmaṭṭhassa ca parāmaṭṭhassa ceva no ca parāmāsassa ca dhammassa ārammaṇapaccayena paccayo – dānaṃ…pe… sīlaṃ…pe… uposathakammaṃ…pe… pubbe…pe… jhānā…pe… cakkhuṃ…pe… vatthuṃ parāmaṭṭhe ceva no ca parāmāse khandhe assādeti abhinandati, taṃ ārabbha parāmāso ca sampayuttakā ca khandhā uppajjanti. (3)

    (এৰং ইতরেপি তীণি আরব্ভ কাতব্বানি। ইমং দুকং পরামাসদুকসদিসং। লোকুত্তরং যহিং ন লব্ভতি তহিং ন কাতব্বং।)

    (Evaṃ itarepi tīṇi ārabbha kātabbāni. Imaṃ dukaṃ parāmāsadukasadisaṃ. Lokuttaraṃ yahiṃ na labbhati tahiṃ na kātabbaṃ.)

    পরামাসপরামট্ঠদুকং নিট্ঠিতং।

    Parāmāsaparāmaṭṭhadukaṃ niṭṭhitaṃ.

    ৫৪. পরামাসৰিপ্পযুত্তপরামট্ঠদুকং

    54. Parāmāsavippayuttaparāmaṭṭhadukaṃ

    ১. পটিচ্চৰারো

    1. Paṭiccavāro

    ১. পচ্চযানুলোমং

    1. Paccayānulomaṃ

    ১. ৰিভঙ্গৰারো

    1. Vibhaṅgavāro

    হেতুপচ্চযো

    Hetupaccayo

    ৯০. পরামাসৰিপ্পযুত্তং পরামট্ঠং ধম্মং পটিচ্চ পরামাসৰিপ্পযুত্তো পরামট্ঠো ধম্মো উপ্পজ্জতি হেতুপচ্চযা – পরামাসৰিপ্পযুত্তং পরামট্ঠং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে॰… দ্ৰে খন্ধে…পে॰…।

    90. Parāmāsavippayuttaṃ parāmaṭṭhaṃ dhammaṃ paṭicca parāmāsavippayutto parāmaṭṭho dhammo uppajjati hetupaccayā – parāmāsavippayuttaṃ parāmaṭṭhaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe….

    পরামাসৰিপ্পযুত্তং অপরামট্ঠং ধম্মং পটিচ্চ পরামাসৰিপ্পযুত্তো অপরামট্ঠো ধম্মো উপ্পজ্জতি হেতুপচ্চযা (সংখিত্তং)।

    Parāmāsavippayuttaṃ aparāmaṭṭhaṃ dhammaṃ paṭicca parāmāsavippayutto aparāmaṭṭho dhammo uppajjati hetupaccayā (saṃkhittaṃ).

    (যথা চূল়ন্তরদুকে লোকিযদুকং এৰং কাতব্বং নিন্নানাকরণং।)

    (Yathā cūḷantaraduke lokiyadukaṃ evaṃ kātabbaṃ ninnānākaraṇaṃ.)

    পরামাসৰিপ্পযুত্তপরামট্ঠদুকং নিট্ঠিতং।

    Parāmāsavippayuttaparāmaṭṭhadukaṃ niṭṭhitaṃ.

    পরামাসগোচ্ছকং নিট্ঠিতং।

    Parāmāsagocchakaṃ niṭṭhitaṃ.




    Next: ১০. মহন্তরদুকং • 10. Mahantaradukaṃ


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact