Library / Tipiṭaka / ತಿಪಿಟಕ • Tipiṭaka / ಪಟ್ಠಾನಪಾಳಿ • Paṭṭhānapāḷi

    ೯. ಪರಾಮಾಸಗೋಚ್ಛಕಂ

    9. Parāmāsagocchakaṃ

    ೫೦. ಪರಾಮಾಸದುಕಂ

    50. Parāmāsadukaṃ

    ೧. ಪಟಿಚ್ಚವಾರೋ

    1. Paṭiccavāro

    ೧. ಪಚ್ಚಯಾನುಲೋಮಂ

    1. Paccayānulomaṃ

    ೧. ವಿಭಙ್ಗವಾರೋ

    1. Vibhaṅgavāro

    ಹೇತುಪಚ್ಚಯೋ

    Hetupaccayo

    ೧. ಪರಾಮಾಸಂ ಧಮ್ಮಂ ಪಟಿಚ್ಚ ನೋಪರಾಮಾಸೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಪರಾಮಾಸಂ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ। (೧)

    1. Parāmāsaṃ dhammaṃ paṭicca noparāmāso dhammo uppajjati hetupaccayā – parāmāsaṃ paṭicca sampayuttakā khandhā cittasamuṭṭhānañca rūpaṃ. (1)

    ೨. ನೋಪರಾಮಾಸಂ ಧಮ್ಮಂ ಪಟಿಚ್ಚ ನೋಪರಾಮಾಸೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನೋಪರಾಮಾಸಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰… (ಯಾವ ಅಸಞ್ಞಸತ್ತಾ ಮಹಾಭೂತಾ)। (೧)

    2. Noparāmāsaṃ dhammaṃ paṭicca noparāmāso dhammo uppajjati hetupaccayā – noparāmāsaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe… (yāva asaññasattā mahābhūtā). (1)

    ನೋಪರಾಮಾಸಂ ಧಮ್ಮಂ ಪಟಿಚ್ಚ ಪರಾಮಾಸೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನೋಪರಾಮಾಸೇ ಖನ್ಧೇ ಪಟಿಚ್ಚ ಪರಾಮಾಸೋ। (೨)

    Noparāmāsaṃ dhammaṃ paṭicca parāmāso dhammo uppajjati hetupaccayā – noparāmāse khandhe paṭicca parāmāso. (2)

    ನೋಪರಾಮಾಸಂ ಧಮ್ಮಂ ಪಟಿಚ್ಚ ಪರಾಮಾಸೋ ಚ ನೋಪರಾಮಾಸೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ನೋಪರಾಮಾಸಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಪರಾಮಾಸೋ ಚ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰…। (೩)

    Noparāmāsaṃ dhammaṃ paṭicca parāmāso ca noparāmāso ca dhammā uppajjanti hetupaccayā – noparāmāsaṃ ekaṃ khandhaṃ paṭicca tayo khandhā parāmāso ca cittasamuṭṭhānañca rūpaṃ…pe… dve khandhe…pe…. (3)

    ೩. ಪರಾಮಾಸಞ್ಚ ನೋಪರಾಮಾಸಞ್ಚ ಧಮ್ಮಂ ಪಟಿಚ್ಚ ನೋಪರಾಮಾಸೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನೋಪರಾಮಾಸಂ ಏಕಂ ಖನ್ಧಞ್ಚ ಪರಾಮಾಸಞ್ಚ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ ಚ…ಪೇ॰… ಪರಾಮಾಸೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ। (೧)

    3. Parāmāsañca noparāmāsañca dhammaṃ paṭicca noparāmāso dhammo uppajjati hetupaccayā – noparāmāsaṃ ekaṃ khandhañca parāmāsañca paṭicca tayo khandhā cittasamuṭṭhānañca rūpaṃ…pe… dve khandhe ca…pe… parāmāse ca mahābhūte ca paṭicca cittasamuṭṭhānaṃ rūpaṃ. (1)

    ೧. ಪಚ್ಚಯಾನುಲೋಮಂ

    1. Paccayānulomaṃ

    ೨. ಸಙ್ಖ್ಯಾವಾರೋ

    2. Saṅkhyāvāro

    ೪. ಹೇತುಯಾ ಪಞ್ಚ, ಆರಮ್ಮಣೇ ಪಞ್ಚ (ಸಬ್ಬತ್ಥ ಪಞ್ಚ), ವಿಪಾಕೇ ಏಕಂ…ಪೇ॰… ಅವಿಗತೇ ಪಞ್ಚ।

    4. Hetuyā pañca, ārammaṇe pañca (sabbattha pañca), vipāke ekaṃ…pe… avigate pañca.

    ಅನುಲೋಮಂ।

    Anulomaṃ.

    ೨. ಪಚ್ಚಯಪಚ್ಚನೀಯಂ

    2. Paccayapaccanīyaṃ

    ೧. ವಿಭಙ್ಗವಾರೋ

    1. Vibhaṅgavāro

    ನಹೇತುಪಚ್ಚಯೋ

    Nahetupaccayo

    ೫. ನೋಪರಾಮಾಸಂ ಧಮ್ಮಂ ಪಟಿಚ್ಚ ನೋಪರಾಮಾಸೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ನೋಪರಾಮಾಸಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ಅಹೇತುಕಪಟಿಸನ್ಧಿಕ್ಖಣೇ…ಪೇ॰… (ಯಾವ ಅಸಞ್ಞಸತ್ತಾ) ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಪಟಿಚ್ಚ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ। (೧)

    5. Noparāmāsaṃ dhammaṃ paṭicca noparāmāso dhammo uppajjati nahetupaccayā – ahetukaṃ noparāmāsaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… ahetukapaṭisandhikkhaṇe…pe… (yāva asaññasattā) vicikicchāsahagate uddhaccasahagate khandhe paṭicca vicikicchāsahagato uddhaccasahagato moho. (1)

    ನಆರಮ್ಮಣಪಚ್ಚಯೋ

    Naārammaṇapaccayo

    ೬. ಪರಾಮಾಸಂ ಧಮ್ಮಂ ಪಟಿಚ್ಚ ನೋಪರಾಮಾಸೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಪರಾಮಾಸಂ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ। (೧)

    6. Parāmāsaṃ dhammaṃ paṭicca noparāmāso dhammo uppajjati naārammaṇapaccayā – parāmāsaṃ paṭicca cittasamuṭṭhānaṃ rūpaṃ. (1)

    ನೋಪರಾಮಾಸಂ ಧಮ್ಮಂ ಪಟಿಚ್ಚ ನೋಪರಾಮಾಸೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ನೋಪರಾಮಾಸೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ಪಟಿಸನ್ಧಿಕ್ಖಣೇ…ಪೇ॰… (ಯಾವ ಅಸಞ್ಞಸತ್ತಾ)। (೧)

    Noparāmāsaṃ dhammaṃ paṭicca noparāmāso dhammo uppajjati naārammaṇapaccayā – noparāmāse khandhe paṭicca cittasamuṭṭhānaṃ rūpaṃ; paṭisandhikkhaṇe…pe… (yāva asaññasattā). (1)

    ಪರಾಮಾಸಞ್ಚ ನೋಪರಾಮಾಸಞ್ಚ ಧಮ್ಮಂ ಪಟಿಚ್ಚ ನೋಪರಾಮಾಸೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಪರಾಮಾಸಞ್ಚ ಸಮ್ಪಯುತ್ತಕೇ ಚ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ। (೧)

    Parāmāsañca noparāmāsañca dhammaṃ paṭicca noparāmāso dhammo uppajjati naārammaṇapaccayā – parāmāsañca sampayuttake ca khandhe paṭicca cittasamuṭṭhānaṃ rūpaṃ. (1)

    ೨. ಪಚ್ಚಯಪಚ್ಚನೀಯಂ

    2. Paccayapaccanīyaṃ

    ೨. ಸಙ್ಖ್ಯಾವಾರೋ

    2. Saṅkhyāvāro

    ಸುದ್ಧಂ

    Suddhaṃ

    ೭. ನಹೇತುಯಾ ಏಕಂ, ನಆರಮ್ಮಣೇ ತೀಣಿ, ನಅಧಿಪತಿಯಾ ಪಞ್ಚ, ನಅನನ್ತರೇ ತೀಣಿ, ನಸಮನನ್ತರೇ ತೀಣಿ, ನಅಞ್ಞಮಞ್ಞೇ ತೀಣಿ, ನಉಪನಿಸ್ಸಯೇ ತೀಣಿ, ನಪುರೇಜಾತೇ ಪಞ್ಚ, ನಪಚ್ಛಾಜಾತೇ ಪಞ್ಚ, ನಆಸೇವನೇ ಪಞ್ಚ, ನಕಮ್ಮೇ ತೀಣಿ, ನವಿಪಾಕೇ ಪಞ್ಚ, ನಆಹಾರೇ ಏಕಂ, ನಇನ್ದ್ರಿಯೇ ಏಕಂ, ನಝಾನೇ ಏಕಂ, ನಮಗ್ಗೇ ಏಕಂ, ನಸಮ್ಪಯುತ್ತೇ ತೀಣಿ, ನವಿಪ್ಪಯುತ್ತೇ ಪಞ್ಚ, ನೋನತ್ಥಿಯಾ ತೀಣಿ, ನೋವಿಗತೇ ತೀಣಿ।

    7. Nahetuyā ekaṃ, naārammaṇe tīṇi, naadhipatiyā pañca, naanantare tīṇi, nasamanantare tīṇi, naaññamaññe tīṇi, naupanissaye tīṇi, napurejāte pañca, napacchājāte pañca, naāsevane pañca, nakamme tīṇi, navipāke pañca, naāhāre ekaṃ, naindriye ekaṃ, najhāne ekaṃ, namagge ekaṃ, nasampayutte tīṇi, navippayutte pañca, nonatthiyā tīṇi, novigate tīṇi.

    ೩. ಪಚ್ಚಯಾನುಲೋಮಪಚ್ಚನೀಯಂ

    3. Paccayānulomapaccanīyaṃ

    ಹೇತುದುಕಂ

    Hetudukaṃ

    ೮. ಹೇತುಪಚ್ಚಯಾ ನಆರಮ್ಮಣೇ ತೀಣಿ, ನಅಧಿಪತಿಯಾ ಪಞ್ಚ…ಪೇ॰… ನವಿಪಾಕೇ ಪಞ್ಚ…ಪೇ॰… ನಸಮ್ಪಯುತ್ತೇ ತೀಣಿ, ನವಿಪ್ಪಯುತ್ತೇ ಪಞ್ಚ, ನೋನತ್ಥಿಯಾ ತೀಣಿ, ನೋವಿಗತೇ ತೀಣಿ।

    8. Hetupaccayā naārammaṇe tīṇi, naadhipatiyā pañca…pe… navipāke pañca…pe… nasampayutte tīṇi, navippayutte pañca, nonatthiyā tīṇi, novigate tīṇi.

    ೪. ಪಚ್ಚಯಪಚ್ಚನೀಯಾನುಲೋಮಂ

    4. Paccayapaccanīyānulomaṃ

    ನಹೇತುದುಕಂ

    Nahetudukaṃ

    ೯. ನಹೇತುಪಚ್ಚಯಾ ಆರಮ್ಮಣೇ ಏಕಂ, ಅನನ್ತರೇ ಏಕಂ (ಸಬ್ಬತ್ಥ ಏಕಂ), ಅವಿಗತೇ ಏಕಂ।

    9. Nahetupaccayā ārammaṇe ekaṃ, anantare ekaṃ (sabbattha ekaṃ), avigate ekaṃ.

    ೨. ಸಹಜಾತವಾರೋ

    2. Sahajātavāro

    (ಸಹಜಾತವಾರೋಪಿ ಪಟಿಚ್ಚವಾರಸದಿಸೋ।)

    (Sahajātavāropi paṭiccavārasadiso.)

    ೩. ಪಚ್ಚಯವಾರೋ

    3. Paccayavāro

    ೧. ಪಚ್ಚಯಾನುಲೋಮಂ

    1. Paccayānulomaṃ

    ೧. ವಿಭಙ್ಗವಾರೋ

    1. Vibhaṅgavāro

    ಹೇತುಪಚ್ಚಯೋ

    Hetupaccayo

    ೧೦. ಪರಾಮಾಸಂ ಧಮ್ಮಂ ಪಚ್ಚಯಾ ನೋಪರಾಮಾಸೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಪರಾಮಾಸಂ ಪಚ್ಚಯಾ ಸಮ್ಪಯುತ್ತಕಾ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ। (೧)

    10. Parāmāsaṃ dhammaṃ paccayā noparāmāso dhammo uppajjati hetupaccayā – parāmāsaṃ paccayā sampayuttakā khandhā cittasamuṭṭhānañca rūpaṃ. (1)

    ನೋಪರಾಮಾಸಂ ಧಮ್ಮಂ ಪಚ್ಚಯಾ ನೋಪರಾಮಾಸೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನೋಪರಾಮಾಸಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰… (ಯಾವ ಅಜ್ಝತ್ತಿಕಾ ಮಹಾಭೂತಾ), ವತ್ಥುಂ ಪಚ್ಚಯಾ ನೋಪರಾಮಾಸಾ ಖನ್ಧಾ। (೧)

    Noparāmāsaṃ dhammaṃ paccayā noparāmāso dhammo uppajjati hetupaccayā – noparāmāsaṃ ekaṃ khandhaṃ paccayā tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe… (yāva ajjhattikā mahābhūtā), vatthuṃ paccayā noparāmāsā khandhā. (1)

    ನೋಪರಾಮಾಸಂ ಧಮ್ಮಂ ಪಚ್ಚಯಾ ಪರಾಮಾಸೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನೋಪರಾಮಾಸೇ ಖನ್ಧೇ ಪಚ್ಚಯಾ ಪರಾಮಾಸೋ, ವತ್ಥುಂ ಪಚ್ಚಯಾ ಪರಾಮಾಸೋ। (೨)

    Noparāmāsaṃ dhammaṃ paccayā parāmāso dhammo uppajjati hetupaccayā – noparāmāse khandhe paccayā parāmāso, vatthuṃ paccayā parāmāso. (2)

    ನೋಪರಾಮಾಸಂ ಧಮ್ಮಂ ಪಚ್ಚಯಾ ಪರಾಮಾಸೋ ಚ ನೋಪರಾಮಾಸೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ನೋಪರಾಮಾಸಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ ಪರಾಮಾಸೋ ಚ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ವತ್ಥುಂ ಪಚ್ಚಯಾ ಪರಾಮಾಸೋ, ಮಹಾಭೂತೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ, ವತ್ಥುಂ ಪಚ್ಚಯಾ ಪರಾಮಾಸೋ ಚ ಸಮ್ಪಯುತ್ತಕಾ ಚ ಖನ್ಧಾ। (೩)

    Noparāmāsaṃ dhammaṃ paccayā parāmāso ca noparāmāso ca dhammā uppajjanti hetupaccayā – noparāmāsaṃ ekaṃ khandhaṃ paccayā tayo khandhā parāmāso ca cittasamuṭṭhānañca rūpaṃ…pe… dve khandhe…pe… vatthuṃ paccayā parāmāso, mahābhūte paccayā cittasamuṭṭhānaṃ rūpaṃ, vatthuṃ paccayā parāmāso ca sampayuttakā ca khandhā. (3)

    ೧೧. ಪರಾಮಾಸಞ್ಚ ನೋಪರಾಮಾಸಞ್ಚ ಧಮ್ಮಂ ಪಚ್ಚಯಾ ನೋಪರಾಮಾಸೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನೋಪರಾಮಾಸಂ ಏಕಂ ಖನ್ಧಞ್ಚ ಪರಾಮಾಸಞ್ಚ ಪಚ್ಚಯಾ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ ಚ…ಪೇ॰… ಪರಾಮಾಸಞ್ಚ ಸಮ್ಪಯುತ್ತಕೇ ಚ ಖನ್ಧೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ, ಪರಾಮಾಸಞ್ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ, ಪರಾಮಾಸಞ್ಚ ವತ್ಥುಞ್ಚ ಪಚ್ಚಯಾ ನೋಪರಾಮಾಸಾ ಖನ್ಧಾ (ಸಂಖಿತ್ತಂ)। (೧)

    11. Parāmāsañca noparāmāsañca dhammaṃ paccayā noparāmāso dhammo uppajjati hetupaccayā – noparāmāsaṃ ekaṃ khandhañca parāmāsañca paccayā tayo khandhā cittasamuṭṭhānañca rūpaṃ…pe… dve khandhe ca…pe… parāmāsañca sampayuttake ca khandhe paccayā cittasamuṭṭhānaṃ rūpaṃ, parāmāsañca mahābhūte ca paccayā cittasamuṭṭhānaṃ rūpaṃ, parāmāsañca vatthuñca paccayā noparāmāsā khandhā (saṃkhittaṃ). (1)

    ೧. ಪಚ್ಚಯಾನುಲೋಮಂ

    1. Paccayānulomaṃ

    ೨. ಸಙ್ಖ್ಯಾವಾರೋ

    2. Saṅkhyāvāro

    ೧೨. ಹೇತುಯಾ ಪಞ್ಚ, ಆರಮ್ಮಣೇ ಪಞ್ಚ, ಅಧಿಪತಿಯಾ ಪಞ್ಚ (ಸಬ್ಬತ್ಥ ಪಞ್ಚ), ವಿಪಾಕೇ ಏಕಂ…ಪೇ॰… ಅವಿಗತೇ ಪಞ್ಚ।

    12. Hetuyā pañca, ārammaṇe pañca, adhipatiyā pañca (sabbattha pañca), vipāke ekaṃ…pe… avigate pañca.

    ೨. ಪಚ್ಚಯಪಚ್ಚನೀಯಂ

    2. Paccayapaccanīyaṃ

    ೧. ವಿಭಙ್ಗವಾರೋ

    1. Vibhaṅgavāro

    ನಹೇತುಪಚ್ಚಯೋ

    Nahetupaccayo

    ೧೩. ನೋಪರಾಮಾಸಂ ಧಮ್ಮಂ ಪಚ್ಚಯಾ ನೋಪರಾಮಾಸೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ನೋಪರಾಮಾಸಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ಅಹೇತುಕಪಟಿಸನ್ಧಿಕ್ಖಣೇ…ಪೇ॰… (ಯಾವ ಅಸಞ್ಞಸತ್ತಾ) ಚಕ್ಖಾಯತನಂ ಪಚ್ಚಯಾ ಚಕ್ಖುವಿಞ್ಞಾಣಂ…ಪೇ॰… ಕಾಯಾಯತನಂ ಪಚ್ಚಯಾ ಕಾಯವಿಞ್ಞಾಣಂ, ವತ್ಥುಂ ಪಚ್ಚಯಾ ಅಹೇತುಕಾ ನೋಪರಾಮಾಸಾ ಖನ್ಧಾ; ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ (ಸಂಖಿತ್ತಂ)।

    13. Noparāmāsaṃ dhammaṃ paccayā noparāmāso dhammo uppajjati nahetupaccayā – ahetukaṃ noparāmāsaṃ ekaṃ khandhaṃ paccayā tayo khandhā cittasamuṭṭhānañca rūpaṃ…pe… dve khandhe…pe… ahetukapaṭisandhikkhaṇe…pe… (yāva asaññasattā) cakkhāyatanaṃ paccayā cakkhuviññāṇaṃ…pe… kāyāyatanaṃ paccayā kāyaviññāṇaṃ, vatthuṃ paccayā ahetukā noparāmāsā khandhā; vicikicchāsahagate uddhaccasahagate khandhe ca vatthuñca paccayā vicikicchāsahagato uddhaccasahagato moho (saṃkhittaṃ).

    ೨. ಪಚ್ಚಯಪಚ್ಚನೀಯಂ

    2. Paccayapaccanīyaṃ

    ೨. ಸಙ್ಖ್ಯಾವಾರೋ

    2. Saṅkhyāvāro

    ಸುದ್ಧಂ

    Suddhaṃ

    ೧೪. ನಹೇತುಯಾ ಏಕಂ, ನಆರಮ್ಮಣೇ ತೀಣಿ, ನಅಧಿಪತಿಯಾ ಪಞ್ಚ, ನಅನನ್ತರೇ ತೀಣಿ…ಪೇ॰… ನಉಪನಿಸ್ಸಯೇ ತೀಣಿ, ನಪುರೇಜಾತೇ ಪಞ್ಚ, ನಪಚ್ಛಾಜಾತೇ ಪಞ್ಚ , ನಆಸೇವನೇ ಪಞ್ಚ, ನಕಮ್ಮೇ ತೀಣಿ, ನವಿಪಾಕೇ ಪಞ್ಚ, ನಆಹಾರೇ ಏಕಂ, ನಇನ್ದ್ರಿಯೇ ಏಕಂ, ನಝಾನೇ ಏಕಂ, ನಮಗ್ಗೇ ಏಕಂ, ನಸಮ್ಪಯುತ್ತೇ ತೀಣಿ, ನವಿಪ್ಪಯುತ್ತೇ ಪಞ್ಚ, ನೋನತ್ಥಿಯಾ ತೀಣಿ, ನೋವಿಗತೇ ತೀಣಿ।

    14. Nahetuyā ekaṃ, naārammaṇe tīṇi, naadhipatiyā pañca, naanantare tīṇi…pe… naupanissaye tīṇi, napurejāte pañca, napacchājāte pañca , naāsevane pañca, nakamme tīṇi, navipāke pañca, naāhāre ekaṃ, naindriye ekaṃ, najhāne ekaṃ, namagge ekaṃ, nasampayutte tīṇi, navippayutte pañca, nonatthiyā tīṇi, novigate tīṇi.

    ೩. ಪಚ್ಚಯಾನುಲೋಮಪಚ್ಚನೀಯಂ

    3. Paccayānulomapaccanīyaṃ

    ೧೫. ಹೇತುಪಚ್ಚಯಾ ನಆರಮ್ಮಣೇ ತೀಣಿ, ನಅಧಿಪತಿಯಾ ಪಞ್ಚ (ಏವಂ ಸಬ್ಬತ್ಥ ಕಾತಬ್ಬಂ)।

    15. Hetupaccayā naārammaṇe tīṇi, naadhipatiyā pañca (evaṃ sabbattha kātabbaṃ).

    ೪. ಪಚ್ಚಯಪಚ್ಚನೀಯಾನುಲೋಮಂ

    4. Paccayapaccanīyānulomaṃ

    ೧೬. ನಹೇತುಪಚ್ಚಯಾ ಆರಮ್ಮಣೇ ಏಕಂ…ಪೇ॰… ಅವಿಗತೇ ಏಕಂ।

    16. Nahetupaccayā ārammaṇe ekaṃ…pe… avigate ekaṃ.

    ೪. ನಿಸ್ಸಯವಾರೋ

    4. Nissayavāro

    (ನಿಸ್ಸಯವಾರೋ ಪಚ್ಚಯವಾರಸದಿಸೋ।)

    (Nissayavāro paccayavārasadiso.)

    ೫. ಸಂಸಟ್ಠವಾರೋ

    5. Saṃsaṭṭhavāro

    ಪರಾಮಾಸಂ ಧಮ್ಮಂ ಸಂಸಟ್ಠೋ ನೋಪರಾಮಾಸೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಪರಾಮಾಸಂ ಸಂಸಟ್ಠಾ ಸಮ್ಪಯುತ್ತಕಾ ಖನ್ಧಾ (ಏವಂ ಪಞ್ಚ ಪಞ್ಹಾ ಕಾತಬ್ಬಾ ಅರೂಪೇಯೇವ, ಸಂಸಟ್ಠವಾರೋಪಿ ಸಮ್ಪಯುತ್ತವಾರೋಪಿ ಏವಂ ಕಾತಬ್ಬಾ)।

    Parāmāsaṃ dhammaṃ saṃsaṭṭho noparāmāso dhammo uppajjati hetupaccayā – parāmāsaṃ saṃsaṭṭhā sampayuttakā khandhā (evaṃ pañca pañhā kātabbā arūpeyeva, saṃsaṭṭhavāropi sampayuttavāropi evaṃ kātabbā).

    ೭. ಪಞ್ಹಾವಾರೋ

    7. Pañhāvāro

    ೧. ಪಚ್ಚಯಾನುಲೋಮಂ

    1. Paccayānulomaṃ

    ೧. ವಿಭಙ್ಗವಾರೋ

    1. Vibhaṅgavāro

    ಹೇತುಪಚ್ಚಯೋ

    Hetupaccayo

    ೧೭. ನೋಪರಾಮಾಸೋ ಧಮ್ಮೋ ನೋಪರಾಮಾಸಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ನೋಪರಾಮಾಸಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ॰…। (೧)

    17. Noparāmāso dhammo noparāmāsassa dhammassa hetupaccayena paccayo – noparāmāsā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo; paṭisandhikkhaṇe…pe…. (1)

    ನೋಪರಾಮಾಸೋ ಧಮ್ಮೋ ಪರಾಮಾಸಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ನೋಪರಾಮಾಸಾ ಹೇತೂ ಪರಾಮಾಸಸ್ಸ ಹೇತುಪಚ್ಚಯೇನ ಪಚ್ಚಯೋ। (೨)

    Noparāmāso dhammo parāmāsassa dhammassa hetupaccayena paccayo – noparāmāsā hetū parāmāsassa hetupaccayena paccayo. (2)

    ನೋಪರಾಮಾಸೋ ಧಮ್ಮೋ ಪರಾಮಾಸಸ್ಸ ಚ ನೋಪರಾಮಾಸಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ನೋಪರಾಮಾಸಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಪರಾಮಾಸಸ್ಸ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ। (೩)

    Noparāmāso dhammo parāmāsassa ca noparāmāsassa ca dhammassa hetupaccayena paccayo – noparāmāsā hetū sampayuttakānaṃ khandhānaṃ parāmāsassa ca cittasamuṭṭhānānañca rūpānaṃ hetupaccayena paccayo. (3)

    ಆರಮ್ಮಣಪಚ್ಚಯೋ

    Ārammaṇapaccayo

    ೧೮. ಪರಾಮಾಸೋ ಧಮ್ಮೋ ಪರಾಮಾಸಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಪರಾಮಾಸಂ ಆರಬ್ಭ ಪರಾಮಾಸೋ ಉಪ್ಪಜ್ಜತಿ। (ಮೂಲಂ ಕಾತಬ್ಬಂ) ಪರಾಮಾಸಂ ಆರಬ್ಭ ನೋಪರಾಮಾಸಾ ಖನ್ಧಾ ಉಪ್ಪಜ್ಜನ್ತಿ। (ಮೂಲಂ ಕಾತಬ್ಬಂ) ಪರಾಮಾಸಂ ಆರಬ್ಭ ಪರಾಮಾಸೋ ಚ ಸಮ್ಪಯುತ್ತಕಾ ಚ ಖನ್ಧಾ ಉಪ್ಪಜ್ಜನ್ತಿ। (೩)

    18. Parāmāso dhammo parāmāsassa dhammassa ārammaṇapaccayena paccayo – parāmāsaṃ ārabbha parāmāso uppajjati. (Mūlaṃ kātabbaṃ) parāmāsaṃ ārabbha noparāmāsā khandhā uppajjanti. (Mūlaṃ kātabbaṃ) parāmāsaṃ ārabbha parāmāso ca sampayuttakā ca khandhā uppajjanti. (3)

    ೧೯. ನೋಪರಾಮಾಸೋ ಧಮ್ಮೋ ನೋಪರಾಮಾಸಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ…ಪೇ॰… ಸೀಲಂ…ಪೇ॰… ಉಪೋಸಥಕಮ್ಮಂ ಕತ್ವಾ ತಂ ಪಚ್ಚವೇಕ್ಖತಿ, ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ರಾಗೋ…ಪೇ॰… ವಿಚಿಕಿಚ್ಛಾ… ಉದ್ಧಚ್ಚಂ… ದೋಮನಸ್ಸಂ ಉಪ್ಪಜ್ಜತಿ; ಪುಬ್ಬೇ ಸುಚಿಣ್ಣಾನಿ …ಪೇ॰… ಝಾನಾ ವುಟ್ಠಹಿತ್ವಾ ಝಾನಂ…ಪೇ॰… ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಪಚ್ಚವೇಕ್ಖನ್ತಿ, ಫಲಂ ಪಚ್ಚವೇಕ್ಖನ್ತಿ, ನಿಬ್ಬಾನಂ ಪಚ್ಚವೇಕ್ಖನ್ತಿ। ನಿಬ್ಬಾನಂ ಗೋತ್ರಭುಸ್ಸ, ವೋದಾನಸ್ಸ, ಮಗ್ಗಸ್ಸ, ಫಲಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ; ಅರಿಯಾ ನೋಪರಾಮಾಸೇ ಪಹೀನೇ ಕಿಲೇಸೇ…ಪೇ॰… ವಿಕ್ಖಮ್ಭಿತೇ ಕಿಲೇಸೇ…ಪೇ॰… ಪುಬ್ಬೇ…ಪೇ॰… ಚಕ್ಖುಂ…ಪೇ॰… ವತ್ಥುಂ ನೋಪರಾಮಾಸೇ ಖನ್ಧೇ ಅನಿಚ್ಚತೋ…ಪೇ॰… ವಿಪಸ್ಸತಿ, ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ರಾಗೋ…ಪೇ॰… ವಿಚಿಕಿಚ್ಛಾ… ಉದ್ಧಚ್ಚಂ… ದೋಮನಸ್ಸಂ ಉಪ್ಪಜ್ಜತಿ; ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ। ಚೇತೋಪರಿಯಞಾಣೇನ ನೋಪರಾಮಾಸಚಿತ್ತಸಮಙ್ಗಿಸ್ಸ ಚಿತ್ತಂ ಜಾನಾತಿ, ಆಕಾಸಾನಞ್ಚಾಯತನಂ ವಿಞ್ಞಾಣಞ್ಚಾಯತನಸ್ಸ…ಪೇ॰… ಆಕಿಞ್ಚಞ್ಞಾಯತನಂ ನೇವಸಞ್ಞಾನಾಸಞ್ಞಾಯತನಸ್ಸ…ಪೇ॰… ರೂಪಾಯತನಂ ಚಕ್ಖುವಿಞ್ಞಾಣಸ್ಸ…ಪೇ॰… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸ್ಸ…ಪೇ॰… ನೋಪರಾಮಾಸಾ ಖನ್ಧಾ ಇದ್ಧಿವಿಧಞಾಣಸ್ಸ, ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಯಥಾಕಮ್ಮೂಪಗಞಾಣಸ್ಸ, ಅನಾಗತಂಸಞಾಣಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ। (೧)

    19. Noparāmāso dhammo noparāmāsassa dhammassa ārammaṇapaccayena paccayo – dānaṃ…pe… sīlaṃ…pe… uposathakammaṃ katvā taṃ paccavekkhati, assādeti abhinandati, taṃ ārabbha rāgo…pe… vicikicchā… uddhaccaṃ… domanassaṃ uppajjati; pubbe suciṇṇāni …pe… jhānā vuṭṭhahitvā jhānaṃ…pe… ariyā maggā vuṭṭhahitvā maggaṃ paccavekkhanti, phalaṃ paccavekkhanti, nibbānaṃ paccavekkhanti. Nibbānaṃ gotrabhussa, vodānassa, maggassa, phalassa, āvajjanāya ārammaṇapaccayena paccayo; ariyā noparāmāse pahīne kilese…pe… vikkhambhite kilese…pe… pubbe…pe… cakkhuṃ…pe… vatthuṃ noparāmāse khandhe aniccato…pe… vipassati, assādeti abhinandati, taṃ ārabbha rāgo…pe… vicikicchā… uddhaccaṃ… domanassaṃ uppajjati; dibbena cakkhunā rūpaṃ passati, dibbāya sotadhātuyā saddaṃ suṇāti. Cetopariyañāṇena noparāmāsacittasamaṅgissa cittaṃ jānāti, ākāsānañcāyatanaṃ viññāṇañcāyatanassa…pe… ākiñcaññāyatanaṃ nevasaññānāsaññāyatanassa…pe… rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa…pe… noparāmāsā khandhā iddhividhañāṇassa, cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo. (1)

    ನೋಪರಾಮಾಸೋ ಧಮ್ಮೋ ಪರಾಮಾಸಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ…ಪೇ॰… ಸೀಲಂ…ಪೇ॰… ಉಪೋಸಥಕಮ್ಮಂ…ಪೇ॰… ತಂ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ದಿಟ್ಠಿ ಉಪ್ಪಜ್ಜತಿ, ಪುಬ್ಬೇ…ಪೇ॰… ಝಾನಾ…ಪೇ॰… ಚಕ್ಖುಂ…ಪೇ॰… ವತ್ಥುಂ ನೋಪರಾಮಾಸೇ ಖನ್ಧೇ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ದಿಟ್ಠಿ ಉಪ್ಪಜ್ಜತಿ। (೨)

    Noparāmāso dhammo parāmāsassa dhammassa ārammaṇapaccayena paccayo – dānaṃ…pe… sīlaṃ…pe… uposathakammaṃ…pe… taṃ assādeti abhinandati, taṃ ārabbha diṭṭhi uppajjati, pubbe…pe… jhānā…pe… cakkhuṃ…pe… vatthuṃ noparāmāse khandhe assādeti abhinandati, taṃ ārabbha diṭṭhi uppajjati. (2)

    ನೋಪರಾಮಾಸೋ ಧಮ್ಮೋ ಪರಾಮಾಸಸ್ಸ ಚ ನೋಪರಾಮಾಸಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ…ಪೇ॰… ಸೀಲಂ…ಪೇ॰… ಉಪೋಸಥಕಮ್ಮಂ…ಪೇ॰… ತಂ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಪರಾಮಾಸೋ ಚ ಸಮ್ಪಯುತ್ತಕಾ ಚ ಖನ್ಧಾ ಉಪ್ಪಜ್ಜನ್ತಿ, ಪುಬ್ಬೇ…ಪೇ॰… ಝಾನಾ …ಪೇ॰… ಚಕ್ಖುಂ…ಪೇ॰… ವತ್ಥುಂ ನೋಪರಾಮಾಸೇ ಖನ್ಧೇ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಪರಾಮಾಸೋ ಚ ಸಮ್ಪಯುತ್ತಕಾ ಚ ಖನ್ಧಾ ಉಪ್ಪಜ್ಜನ್ತಿ। (೩)

    Noparāmāso dhammo parāmāsassa ca noparāmāsassa ca dhammassa ārammaṇapaccayena paccayo – dānaṃ…pe… sīlaṃ…pe… uposathakammaṃ…pe… taṃ assādeti abhinandati, taṃ ārabbha parāmāso ca sampayuttakā ca khandhā uppajjanti, pubbe…pe… jhānā …pe… cakkhuṃ…pe… vatthuṃ noparāmāse khandhe assādeti abhinandati, taṃ ārabbha parāmāso ca sampayuttakā ca khandhā uppajjanti. (3)

    ೨೦. ಪರಾಮಾಸೋ ಚ ನೋಪರಾಮಾಸೋ ಚ ಧಮ್ಮಾ ಪರಾಮಾಸಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಪರಾಮಾಸಞ್ಚ ಸಮ್ಪಯುತ್ತಕೇ ಚ ಖನ್ಧೇ ಆರಬ್ಭ ಪರಾಮಾಸೋ ಉಪ್ಪಜ್ಜತಿ… ತೀಣಿ।

    20. Parāmāso ca noparāmāso ca dhammā parāmāsassa dhammassa ārammaṇapaccayena paccayo – parāmāsañca sampayuttake ca khandhe ārabbha parāmāso uppajjati… tīṇi.

    ಅಧಿಪತಿಪಚ್ಚಯೋ

    Adhipatipaccayo

    ೨೧. ಪರಾಮಾಸೋ ಧಮ್ಮೋ ಪರಾಮಾಸಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಪರಾಮಾಸಂ ಗರುಂ ಕತ್ವಾ ಪರಾಮಾಸೋ ಉಪ್ಪಜ್ಜತಿ… ತೀಣಿ (ಆರಮ್ಮಣಾಧಿಪತಿಯೇವ ಕಾತಬ್ಬಾ)।

    21. Parāmāso dhammo parāmāsassa dhammassa adhipatipaccayena paccayo – parāmāsaṃ garuṃ katvā parāmāso uppajjati… tīṇi (ārammaṇādhipatiyeva kātabbā).

    ೨೨. ನೋಪರಾಮಾಸೋ ಧಮ್ಮೋ ನೋಪರಾಮಾಸಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ। ಆರಮ್ಮಣಾಧಿಪತಿ – ದಾನಂ…ಪೇ॰… ಸೀಲಂ…ಪೇ॰… ಉಪೋಸಥಕಮ್ಮಂ…ಪೇ॰… ತಂ ಗರುಂ ಕತ್ವಾ ಪಚ್ಚವೇಕ್ಖತಿ, ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ರಾಗೋ ಉಪ್ಪಜ್ಜತಿ, ಪುಬ್ಬೇ…ಪೇ॰… ಝಾನಾ…ಪೇ॰… ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಗರುಂ ಕತ್ವಾ…ಪೇ॰… ಫಲಂ ಗರುಂ ಕತ್ವಾ…ಪೇ॰… ನಿಬ್ಬಾನಂ ಗರುಂ ಕತ್ವಾ…ಪೇ॰… ನಿಬ್ಬಾನಂ ಗೋತ್ರಭುಸ್ಸ, ವೋದಾನಸ್ಸ, ಮಗ್ಗಸ್ಸ, ಫಲಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ; ಚಕ್ಖುಂ…ಪೇ॰… ವತ್ಥುಂ ನೋಪರಾಮಾಸೇ ಖನ್ಧೇ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ರಾಗೋ ಉಪ್ಪಜ್ಜತಿ। ಸಹಜಾತಾಧಿಪತಿ – ನೋಪರಾಮಾಸಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೧)

    22. Noparāmāso dhammo noparāmāsassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ…pe… sīlaṃ…pe… uposathakammaṃ…pe… taṃ garuṃ katvā paccavekkhati, assādeti abhinandati, taṃ garuṃ katvā rāgo uppajjati, pubbe…pe… jhānā…pe… ariyā maggā vuṭṭhahitvā maggaṃ garuṃ katvā…pe… phalaṃ garuṃ katvā…pe… nibbānaṃ garuṃ katvā…pe… nibbānaṃ gotrabhussa, vodānassa, maggassa, phalassa adhipatipaccayena paccayo; cakkhuṃ…pe… vatthuṃ noparāmāse khandhe garuṃ katvā assādeti abhinandati, taṃ garuṃ katvā rāgo uppajjati. Sahajātādhipati – noparāmāsādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (1)

    ನೋಪರಾಮಾಸೋ ಧಮ್ಮೋ ಪರಾಮಾಸಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ। ಆರಮ್ಮಣಾಧಿಪತಿ – ದಾನಂ…ಪೇ॰… ಸೀಲಂ…ಪೇ॰… ಉಪೋಸಥಕಮ್ಮಂ…ಪೇ॰… ಪುಬ್ಬೇ…ಪೇ॰… ಝಾನಾ…ಪೇ॰… ಚಕ್ಖುಂ…ಪೇ॰… ವತ್ಥುಂ ನೋಪರಾಮಾಸೇ ಖನ್ಧೇ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ದಿಟ್ಠಿ ಉಪ್ಪಜ್ಜತಿ। ಸಹಜಾತಾಧಿಪತಿ – ನೋಪರಾಮಾಸಾಧಿಪತಿ ಪರಾಮಾಸಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ। (೨)

    Noparāmāso dhammo parāmāsassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ…pe… sīlaṃ…pe… uposathakammaṃ…pe… pubbe…pe… jhānā…pe… cakkhuṃ…pe… vatthuṃ noparāmāse khandhe garuṃ katvā assādeti abhinandati, taṃ garuṃ katvā diṭṭhi uppajjati. Sahajātādhipati – noparāmāsādhipati parāmāsassa adhipatipaccayena paccayo. (2)

    ನೋಪರಾಮಾಸೋ ಧಮ್ಮೋ ಪರಾಮಾಸಸ್ಸ ಚ ನೋಪರಾಮಾಸಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ। ಆರಮ್ಮಣಾಧಿಪತಿ – ದಾನಂ…ಪೇ॰… ಸೀಲಂ…ಪೇ॰… ಉಪೋಸಥಕಮ್ಮಂ…ಪೇ॰… ಪುಬ್ಬೇ…ಪೇ॰… ಝಾನಾ …ಪೇ॰… ಚಕ್ಖುಂ…ಪೇ॰… ವತ್ಥುಂ ನೋಪರಾಮಾಸೇ ಖನ್ಧೇ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ಪರಾಮಾಸೋ ಚ ಸಮ್ಪಯುತ್ತಕಾ ಚ ಖನ್ಧಾ ಉಪ್ಪಜ್ಜನ್ತಿ। ಸಹಜಾತಾಧಿಪತಿ – ನೋಪರಾಮಾಸಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಪರಾಮಾಸಸ್ಸ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೩)

    Noparāmāso dhammo parāmāsassa ca noparāmāsassa ca dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ…pe… sīlaṃ…pe… uposathakammaṃ…pe… pubbe…pe… jhānā …pe… cakkhuṃ…pe… vatthuṃ noparāmāse khandhe garuṃ katvā assādeti abhinandati, taṃ garuṃ katvā parāmāso ca sampayuttakā ca khandhā uppajjanti. Sahajātādhipati – noparāmāsādhipati sampayuttakānaṃ khandhānaṃ parāmāsassa ca cittasamuṭṭhānānañca rūpānaṃ adhipatipaccayena paccayo. (3)

    ಪರಾಮಾಸೋ ಚ ನೋಪರಾಮಾಸೋ ಚ ಧಮ್ಮಾ ಪರಾಮಾಸಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ। ಆರಮ್ಮಣಾಧಿಪತಿ – ಪರಾಮಾಸಞ್ಚ ಸಮ್ಪಯುತ್ತಕೇ ಚ ಖನ್ಧೇ ಗರುಂ ಕತ್ವಾ ಪರಾಮಾಸೋ… ತೀಣಿ।

    Parāmāso ca noparāmāso ca dhammā parāmāsassa dhammassa adhipatipaccayena paccayo. Ārammaṇādhipati – parāmāsañca sampayuttake ca khandhe garuṃ katvā parāmāso… tīṇi.

    ಅನನ್ತರಪಚ್ಚಯೋ

    Anantarapaccayo

    ೨೩. ಪರಾಮಾಸೋ ಧಮ್ಮೋ ಪರಾಮಾಸಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮೋ ಪುರಿಮೋ ಪರಾಮಾಸೋ ಪಚ್ಛಿಮಸ್ಸ ಪಚ್ಛಿಮಸ್ಸ ಪರಾಮಾಸಸ್ಸ ಅನನ್ತರಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ) ಪುರಿಮೋ ಪುರಿಮೋ ಪರಾಮಾಸೋ ಪಚ್ಛಿಮಾನಂ ಪಚ್ಛಿಮಾನಂ ನೋಪರಾಮಾಸಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ; ಪರಾಮಾಸೋ ವುಟ್ಠಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ) ಪುರಿಮೋ ಪುರಿಮೋ ಪರಾಮಾಸೋ ಪಚ್ಛಿಮಸ್ಸ ಪಚ್ಛಿಮಸ್ಸ ಪರಾಮಾಸಸ್ಸ ಸಮ್ಪಯುತ್ತಕಾನಞ್ಚ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ। (೩)

    23. Parāmāso dhammo parāmāsassa dhammassa anantarapaccayena paccayo – purimo purimo parāmāso pacchimassa pacchimassa parāmāsassa anantarapaccayena paccayo. (Mūlaṃ kātabbaṃ) purimo purimo parāmāso pacchimānaṃ pacchimānaṃ noparāmāsānaṃ khandhānaṃ anantarapaccayena paccayo; parāmāso vuṭṭhānassa anantarapaccayena paccayo. (Mūlaṃ kātabbaṃ) purimo purimo parāmāso pacchimassa pacchimassa parāmāsassa sampayuttakānañca khandhānaṃ anantarapaccayena paccayo. (3)

    ೨೪. ನೋಪರಾಮಾಸೋ ಧಮ್ಮೋ ನೋಪರಾಮಾಸಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ನೋಪರಾಮಾಸಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ನೋಪರಾಮಾಸಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ…ಪೇ॰… ಅನುಲೋಮಂ ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ) ಪುರಿಮಾ ಪುರಿಮಾ ನೋಪರಾಮಾಸಾ ಖನ್ಧಾ ಪಚ್ಛಿಮಸ್ಸ ಪಚ್ಛಿಮಸ್ಸ ಪರಾಮಾಸಸ್ಸ ಅನನ್ತರಪಚ್ಚಯೇನ ಪಚ್ಚಯೋ; ಆವಜ್ಜನಾ ಪರಾಮಾಸಸ್ಸ ಅನನ್ತರಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ) ಪುರಿಮಾ ಪುರಿಮಾ ನೋಪರಾಮಾಸಾ ಖನ್ಧಾ ಪಚ್ಛಿಮಸ್ಸ ಪಚ್ಛಿಮಸ್ಸ ಪರಾಮಾಸಸ್ಸ ಚ ಸಮ್ಪಯುತ್ತಕಾನಞ್ಚ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ; ಆವಜ್ಜನಾ ಪರಾಮಾಸಸ್ಸ ಚ ಸಮ್ಪಯುತ್ತಕಾನಞ್ಚ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ। (೩)

    24. Noparāmāso dhammo noparāmāsassa dhammassa anantarapaccayena paccayo – purimā purimā noparāmāsā khandhā pacchimānaṃ pacchimānaṃ noparāmāsānaṃ khandhānaṃ anantarapaccayena paccayo…pe… anulomaṃ phalasamāpattiyā anantarapaccayena paccayo. (Mūlaṃ kātabbaṃ) purimā purimā noparāmāsā khandhā pacchimassa pacchimassa parāmāsassa anantarapaccayena paccayo; āvajjanā parāmāsassa anantarapaccayena paccayo. (Mūlaṃ kātabbaṃ) purimā purimā noparāmāsā khandhā pacchimassa pacchimassa parāmāsassa ca sampayuttakānañca khandhānaṃ anantarapaccayena paccayo; āvajjanā parāmāsassa ca sampayuttakānañca khandhānaṃ anantarapaccayena paccayo. (3)

    ೨೫. ಪರಾಮಾಸೋ ಚ ನೋಪರಾಮಾಸೋ ಚ ಧಮ್ಮಾ ಪರಾಮಾಸಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮೋ ಪುರಿಮೋ ಪರಾಮಾಸೋ ಚ ಸಮ್ಪಯುತ್ತಕಾ ಚ ಖನ್ಧಾ ಪಚ್ಛಿಮಸ್ಸ ಪಚ್ಛಿಮಸ್ಸ ಪರಾಮಾಸಸ್ಸ ಅನನ್ತರಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ) ಪುರಿಮೋ ಪುರಿಮೋ ಪರಾಮಾಸೋ ಚ ಸಮ್ಪಯುತ್ತಕಾ ಚ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ನೋಪರಾಮಾಸಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ; ಪರಾಮಾಸೋ ಚ ಸಮ್ಪಯುತ್ತಕಾ ಚ ಖನ್ಧಾ ವುಟ್ಠಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ) ಪುರಿಮೋ ಪುರಿಮೋ ಪರಾಮಾಸೋ ಚ ಸಮ್ಪಯುತ್ತಕಾ ಚ ಖನ್ಧಾ ಪಚ್ಛಿಮಸ್ಸ ಪಚ್ಛಿಮಸ್ಸ ಪರಾಮಾಸಸ್ಸ ಸಮ್ಪಯುತ್ತಕಾನಞ್ಚ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ। (೩)

    25. Parāmāso ca noparāmāso ca dhammā parāmāsassa dhammassa anantarapaccayena paccayo – purimo purimo parāmāso ca sampayuttakā ca khandhā pacchimassa pacchimassa parāmāsassa anantarapaccayena paccayo. (Mūlaṃ kātabbaṃ) purimo purimo parāmāso ca sampayuttakā ca khandhā pacchimānaṃ pacchimānaṃ noparāmāsānaṃ khandhānaṃ anantarapaccayena paccayo; parāmāso ca sampayuttakā ca khandhā vuṭṭhānassa anantarapaccayena paccayo. (Mūlaṃ kātabbaṃ) purimo purimo parāmāso ca sampayuttakā ca khandhā pacchimassa pacchimassa parāmāsassa sampayuttakānañca khandhānaṃ anantarapaccayena paccayo. (3)

    ಸಮನನ್ತರಪಚ್ಚಯಾದಿ

    Samanantarapaccayādi

    ೨೬. ಪರಾಮಾಸೋ ಧಮ್ಮೋ ಪರಾಮಾಸಸ್ಸ ಧಮ್ಮಸ್ಸ ಸಮನನ್ತರಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಅಞ್ಞಮಞ್ಞಪಚ್ಚಯೇನ ಪಚ್ಚಯೋ… ನಿಸ್ಸಯಪಚ್ಚಯೇನ ಪಚ್ಚಯೋ… ಪಞ್ಚ।

    26. Parāmāso dhammo parāmāsassa dhammassa samanantarapaccayena paccayo… sahajātapaccayena paccayo… aññamaññapaccayena paccayo… nissayapaccayena paccayo… pañca.

    ಉಪನಿಸ್ಸಯಪಚ್ಚಯೋ

    Upanissayapaccayo

    ೨೭. ಪರಾಮಾಸೋ ಧಮ್ಮೋ ಪರಾಮಾಸಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಪರಾಮಾಸೋ ಪರಾಮಾಸಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ… ತೀಣಿ।

    27. Parāmāso dhammo parāmāsassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – parāmāso parāmāsassa upanissayapaccayena paccayo… tīṇi.

    ೨೮. ನೋಪರಾಮಾಸೋ ಧಮ್ಮೋ ನೋಪರಾಮಾಸಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಸದ್ಧಂ ಉಪನಿಸ್ಸಾಯ ದಾನಂ ದೇತಿ…ಪೇ॰… ಸಮಾಪತ್ತಿಂ ಉಪ್ಪಾದೇತಿ… ಮಾನಂ ಜಪ್ಪೇತಿ… ಸೀಲಂ…ಪೇ॰… ಪಞ್ಞಂ… ರಾಗಂ… ದೋಸಂ… ಮೋಹಂ… ಮಾನಂ… ಪತ್ಥನಂ… ಕಾಯಿಕಂ ಸುಖಂ…ಪೇ॰… ಸೇನಾಸನಂ ಉಪನಿಸ್ಸಾಯ ದಾನಂ ದೇತಿ…ಪೇ॰… ಸಮಾಪತ್ತಿಂ ಉಪ್ಪಾದೇತಿ… ಪಾಣಂ ಹನತಿ…ಪೇ॰… ಸಙ್ಘಂ ಭಿನ್ದತಿ; ಸದ್ಧಾ…ಪೇ॰… ಸೇನಾಸನಂ, ಸದ್ಧಾಯ…ಪೇ॰… ಪಞ್ಞಾಯ, ರಾಗಸ್ಸ…ಪೇ॰… ಪತ್ಥನಾಯ… ಕಾಯಿಕಸ್ಸ ಸುಖಸ್ಸ…ಪೇ॰… ಮಗ್ಗಸ್ಸ, ಫಲಸಮಾಪತ್ತಿಯಾ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೧)

    28. Noparāmāso dhammo noparāmāsassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – saddhaṃ upanissāya dānaṃ deti…pe… samāpattiṃ uppādeti… mānaṃ jappeti… sīlaṃ…pe… paññaṃ… rāgaṃ… dosaṃ… mohaṃ… mānaṃ… patthanaṃ… kāyikaṃ sukhaṃ…pe… senāsanaṃ upanissāya dānaṃ deti…pe… samāpattiṃ uppādeti… pāṇaṃ hanati…pe… saṅghaṃ bhindati; saddhā…pe… senāsanaṃ, saddhāya…pe… paññāya, rāgassa…pe… patthanāya… kāyikassa sukhassa…pe… maggassa, phalasamāpattiyā upanissayapaccayena paccayo. (1)

    ನೋಪರಾಮಾಸೋ ಧಮ್ಮೋ ಪರಾಮಾಸಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಸದ್ಧಂ ಉಪನಿಸ್ಸಾಯ ದಿಟ್ಠಿಂ ಗಣ್ಹಾತಿ, ಸೀಲಂ…ಪೇ॰… ಪಞ್ಞಂ, ರಾಗಂ…ಪೇ॰… ಪತ್ಥನಂ, ಕಾಯಿಕಂ ಸುಖಂ…ಪೇ॰… ಸೇನಾಸನಂ ಉಪನಿಸ್ಸಾಯ ದಿಟ್ಠಿಂ ಗಣ್ಹಾತಿ; ಸದ್ಧಾ…ಪೇ॰… ಸೇನಾಸನಂ ಪರಾಮಾಸಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೨)

    Noparāmāso dhammo parāmāsassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – saddhaṃ upanissāya diṭṭhiṃ gaṇhāti, sīlaṃ…pe… paññaṃ, rāgaṃ…pe… patthanaṃ, kāyikaṃ sukhaṃ…pe… senāsanaṃ upanissāya diṭṭhiṃ gaṇhāti; saddhā…pe… senāsanaṃ parāmāsassa upanissayapaccayena paccayo. (2)

    ನೋಪರಾಮಾಸೋ ಧಮ್ಮೋ ಪರಾಮಾಸಸ್ಸ ಚ ನೋಪರಾಮಾಸಸ್ಸ ಚ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಸದ್ಧಂ ಉಪನಿಸ್ಸಾಯ ದಿಟ್ಠಿಂ ಗಣ್ಹಾತಿ, ಸೀಲಂ…ಪೇ॰… ಸೇನಾಸನಂ ಉಪನಿಸ್ಸಾಯ ದಿಟ್ಠಿಂ ಗಣ್ಹಾತಿ; ಸದ್ಧಾ…ಪೇ॰… ಸೇನಾಸನಂ ಪರಾಮಾಸಸ್ಸ ಸಮ್ಪಯುತ್ತಕಾನಞ್ಚ ಖನ್ಧಾನಂ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೩)

    Noparāmāso dhammo parāmāsassa ca noparāmāsassa ca dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – saddhaṃ upanissāya diṭṭhiṃ gaṇhāti, sīlaṃ…pe… senāsanaṃ upanissāya diṭṭhiṃ gaṇhāti; saddhā…pe… senāsanaṃ parāmāsassa sampayuttakānañca khandhānaṃ upanissayapaccayena paccayo. (3)

    ೨೯. ಪರಾಮಾಸೋ ಚ ನೋಪರಾಮಾಸೋ ಚ ಧಮ್ಮಾ ಪರಾಮಾಸಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ತೀಣಿ ಉಪನಿಸ್ಸಯಾ ಪರಾಮಾಸೋ ಚ ಸಮ್ಪಯುತ್ತಕಾ ಚ ಖನ್ಧಾ ಪರಾಮಾಸಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ… ತೀಣಿ।

    29. Parāmāso ca noparāmāso ca dhammā parāmāsassa dhammassa upanissayapaccayena paccayo – tīṇi upanissayā parāmāso ca sampayuttakā ca khandhā parāmāsassa upanissayapaccayena paccayo… tīṇi.

    ಪುರೇಜಾತಪಚ್ಚಯೋ

    Purejātapaccayo

    ೩೦. ನೋಪರಾಮಾಸೋ ಧಮ್ಮೋ ನೋಪರಾಮಾಸಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ। ಆರಮ್ಮಣಪುರೇಜಾತಂ – ಚಕ್ಖುಂ…ಪೇ॰… ವತ್ಥುಂ ಅನಿಚ್ಚತೋ…ಪೇ॰… ವಿಪಸ್ಸತಿ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ರಾಗೋ…ಪೇ॰… ವಿಚಿಕಿಚ್ಛಾ…ಪೇ॰… ಉದ್ಧಚ್ಚಂ…ಪೇ॰… ದೋಮನಸ್ಸಂ ಉಪ್ಪಜ್ಜತಿ; ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ। ರೂಪಾಯತನಂ ಚಕ್ಖುವಿಞ್ಞಾಣಸ್ಸ…ಪೇ॰… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸ್ಸ…ಪೇ॰…। ವತ್ಥುಪುರೇಜಾತಂ – ಚಕ್ಖಾಯತನಂ ಚಕ್ಖುವಿಞ್ಞಾಣಸ್ಸ…ಪೇ॰… ಕಾಯಾಯತನಂ ಕಾಯವಿಞ್ಞಾಣಸ್ಸ…ಪೇ॰… ವತ್ಥು ನೋಪರಾಮಾಸಾನಂ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ। (೧)

    30. Noparāmāso dhammo noparāmāsassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ aniccato…pe… vipassati assādeti abhinandati, taṃ ārabbha rāgo…pe… vicikicchā…pe… uddhaccaṃ…pe… domanassaṃ uppajjati; dibbena cakkhunā rūpaṃ passati, dibbāya sotadhātuyā saddaṃ suṇāti. Rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa…pe…. Vatthupurejātaṃ – cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa…pe… vatthu noparāmāsānaṃ khandhānaṃ purejātapaccayena paccayo. (1)

    ನೋಪರಾಮಾಸೋ ಧಮ್ಮೋ ಪರಾಮಾಸಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ। ಆರಮ್ಮಣಪುರೇಜಾತಂ – ಚಕ್ಖುಂ…ಪೇ॰… ವತ್ಥುಂ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ದಿಟ್ಠಿ ಉಪ್ಪಜ್ಜತಿ। ವತ್ಥುಪುರೇಜಾತಂ – ವತ್ಥು ಪರಾಮಾಸಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ। (೨)

    Noparāmāso dhammo parāmāsassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ assādeti abhinandati, taṃ ārabbha diṭṭhi uppajjati. Vatthupurejātaṃ – vatthu parāmāsassa purejātapaccayena paccayo. (2)

    ನೋಪರಾಮಾಸೋ ಧಮ್ಮೋ ಪರಾಮಾಸಸ್ಸ ಚ ನೋಪರಾಮಾಸಸ್ಸ ಚ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ। ಆರಮ್ಮಣಪುರೇಜಾತಂ – ಚಕ್ಖುಂ…ಪೇ॰… ವತ್ಥುಂ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಪರಾಮಾಸೋ ಚ ಸಮ್ಪಯುತ್ತಕಾ ಚ ಖನ್ಧಾ ಉಪ್ಪಜ್ಜನ್ತಿ। ವತ್ಥುಪುರೇಜಾತಂ – ವತ್ಥು ಪರಾಮಾಸಸ್ಸ ಚ ಸಮ್ಪಯುತ್ತಕಾನಞ್ಚ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ। (೩)

    Noparāmāso dhammo parāmāsassa ca noparāmāsassa ca dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ assādeti abhinandati, taṃ ārabbha parāmāso ca sampayuttakā ca khandhā uppajjanti. Vatthupurejātaṃ – vatthu parāmāsassa ca sampayuttakānañca khandhānaṃ purejātapaccayena paccayo. (3)

    ಪಚ್ಛಾಜಾತಾಸೇವನಪಚ್ಚಯಾ

    Pacchājātāsevanapaccayā

    ೩೧. ಪರಾಮಾಸೋ ಧಮ್ಮೋ ನೋಪರಾಮಾಸಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ… ತೀಣಿ (ಪಚ್ಛಾಜಾತಾ ಕಾತಬ್ಬಾ)… ಆಸೇವನಪಚ್ಚಯೇನ ಪಚ್ಚಯೋ… ನವ।

    31. Parāmāso dhammo noparāmāsassa dhammassa pacchājātapaccayena paccayo… tīṇi (pacchājātā kātabbā)… āsevanapaccayena paccayo… nava.

    ಕಮ್ಮಪಚ್ಚಯೋ

    Kammapaccayo

    ೩೨. ನೋಪರಾಮಾಸೋ ಧಮ್ಮೋ ನೋಪರಾಮಾಸಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ। ಸಹಜಾತಾ – ನೋಪರಾಮಾಸಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ॰…। ನಾನಾಕ್ಖಣಿಕಾ – ನೋಪರಾಮಾಸಾ ಚೇತನಾ ವಿಪಾಕಾನಂ ಖನ್ಧಾನಂ ಕಟತ್ತಾ ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ) ನೋಪರಾಮಾಸಾ ಚೇತನಾ ಪರಾಮಾಸಸ್ಸ ಕಮ್ಮಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ) ನೋಪರಾಮಾಸಾ ಚೇತನಾ ಪರಾಮಾಸಸ್ಸ ಚ ಸಮ್ಪಯುತ್ತಕಾನಞ್ಚ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ। (೩)

    32. Noparāmāso dhammo noparāmāsassa dhammassa kammapaccayena paccayo – sahajātā, nānākkhaṇikā. Sahajātā – noparāmāsā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo; paṭisandhikkhaṇe…pe…. Nānākkhaṇikā – noparāmāsā cetanā vipākānaṃ khandhānaṃ kaṭattā ca rūpānaṃ kammapaccayena paccayo. (Mūlaṃ kātabbaṃ) noparāmāsā cetanā parāmāsassa kammapaccayena paccayo. (Mūlaṃ kātabbaṃ) noparāmāsā cetanā parāmāsassa ca sampayuttakānañca khandhānaṃ cittasamuṭṭhānānañca rūpānaṃ kammapaccayena paccayo. (3)

    ವಿಪಾಕಪಚ್ಚಯಾದಿ

    Vipākapaccayādi

    ೩೩. ನೋಪರಾಮಾಸೋ ಧಮ್ಮೋ ನೋಪರಾಮಾಸಸ್ಸ ಧಮ್ಮಸ್ಸ ವಿಪಾಕಪಚ್ಚಯೇನ ಪಚ್ಚಯೋ… ಏಕಂ… ಆಹಾರಪಚ್ಚಯೇನ ಪಚ್ಚಯೋ… ತೀಣಿ, ಇನ್ದ್ರಿಯಪಚ್ಚಯೇನ ಪಚ್ಚಯೋ… ತೀಣಿ… ಝಾನಪಚ್ಚಯೇನ ಪಚ್ಚಯೋ… ತೀಣಿ।

    33. Noparāmāso dhammo noparāmāsassa dhammassa vipākapaccayena paccayo… ekaṃ… āhārapaccayena paccayo… tīṇi, indriyapaccayena paccayo… tīṇi… jhānapaccayena paccayo… tīṇi.

    ಪರಾಮಾಸೋ ಧಮ್ಮೋ ನೋಪರಾಮಾಸಸ್ಸ ಧಮ್ಮಸ್ಸ ಮಗ್ಗಪಚ್ಚಯೇನ ಪಚ್ಚಯೋ – ಪರಾಮಾಸಾನಿ ಮಗ್ಗಙ್ಗಾನಿ…ಪೇ॰… (ಏವಂ ಪಞ್ಚ ಪಞ್ಹಾ ಕಾತಬ್ಬಾ) ಸಮ್ಪಯುತ್ತಪಚ್ಚಯೇನ ಪಚ್ಚಯೋ… ಪಞ್ಚ।

    Parāmāso dhammo noparāmāsassa dhammassa maggapaccayena paccayo – parāmāsāni maggaṅgāni…pe… (evaṃ pañca pañhā kātabbā) sampayuttapaccayena paccayo… pañca.

    ವಿಪ್ಪಯುತ್ತಪಚ್ಚಯೋ

    Vippayuttapaccayo

    ೩೪. ಪರಾಮಾಸೋ ಧಮ್ಮೋ ನೋಪರಾಮಾಸಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ (ಸಂಖಿತ್ತಂ)। (೧)

    34. Parāmāso dhammo noparāmāsassa dhammassa vippayuttapaccayena paccayo – sahajātaṃ, pacchājātaṃ (saṃkhittaṃ). (1)

    ನೋಪರಾಮಾಸೋ ಧಮ್ಮೋ ನೋಪರಾಮಾಸಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ (ಸಂಖಿತ್ತಂ)। (೧)

    Noparāmāso dhammo noparāmāsassa dhammassa vippayuttapaccayena paccayo – sahajātaṃ, purejātaṃ, pacchājātaṃ (saṃkhittaṃ). (1)

    ನೋಪರಾಮಾಸೋ ಧಮ್ಮೋ ಪರಾಮಾಸಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ। ಪುರೇಜಾತಂ – ವತ್ಥು ಪರಾಮಾಸಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ। (೨)

    Noparāmāso dhammo parāmāsassa dhammassa vippayuttapaccayena paccayo. Purejātaṃ – vatthu parāmāsassa vippayuttapaccayena paccayo. (2)

    ನೋಪರಾಮಾಸೋ ಧಮ್ಮೋ ಪರಾಮಾಸಸ್ಸ ಚ ನೋಪರಾಮಾಸಸ್ಸ ಚ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ। ಪುರೇಜಾತಂ – ವತ್ಥು ಪರಾಮಾಸಸ್ಸ ಚ ಸಮ್ಪಯುತ್ತಕಾನಞ್ಚ ಖನ್ಧಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ। (೩)

    Noparāmāso dhammo parāmāsassa ca noparāmāsassa ca dhammassa vippayuttapaccayena paccayo. Purejātaṃ – vatthu parāmāsassa ca sampayuttakānañca khandhānaṃ vippayuttapaccayena paccayo. (3)

    ಪರಾಮಾಸೋ ಚ ನೋಪರಾಮಾಸೋ ಚ ಧಮ್ಮಾ ನೋಪರಾಮಾಸಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ (ಸಂಖಿತ್ತಂ)। (೧)

    Parāmāso ca noparāmāso ca dhammā noparāmāsassa dhammassa vippayuttapaccayena paccayo – sahajātaṃ, pacchājātaṃ (saṃkhittaṃ). (1)

    ಅತ್ಥಿಪಚ್ಚಯೋ

    Atthipaccayo

    ೩೫. ಪರಾಮಾಸೋ ಧಮ್ಮೋ ನೋಪರಾಮಾಸಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ। ಸಹಜಾತೋ – ಪರಾಮಾಸೋ ಸಮ್ಪಯುತ್ತಕಾನಞ್ಚ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ। ಪಚ್ಛಾಜಾತೋ – ಪರಾಮಾಸೋ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ। (೧)

    35. Parāmāso dhammo noparāmāsassa dhammassa atthipaccayena paccayo – sahajātaṃ, pacchājātaṃ. Sahajāto – parāmāso sampayuttakānañca khandhānaṃ cittasamuṭṭhānānañca rūpānaṃ atthipaccayena paccayo. Pacchājāto – parāmāso purejātassa imassa kāyassa atthipaccayena paccayo. (1)

    ೩೬. ನೋಪರಾಮಾಸೋ ಧಮ್ಮೋ ನೋಪರಾಮಾಸಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ (ಸಂಖಿತ್ತಂ)। (೧)

    36. Noparāmāso dhammo noparāmāsassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ, indriyaṃ (saṃkhittaṃ). (1)

    ನೋಪರಾಮಾಸೋ ಧಮ್ಮೋ ಪರಾಮಾಸಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ। ಸಹಜಾತಾ – ನೋಪರಾಮಾಸಾ ಖನ್ಧಾ ಪರಾಮಾಸಸ್ಸ ಅತ್ಥಿಪಚ್ಚಯೇನ ಪಚ್ಚಯೋ। ಪುರೇಜಾತಂ – ಚಕ್ಖುಂ…ಪೇ॰… ವತ್ಥುಂ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ದಿಟ್ಠಿ ಉಪ್ಪಜ್ಜತಿ, ವತ್ಥು ಪರಾಮಾಸಸ್ಸ ಅತ್ಥಿಪಚ್ಚಯೇನ ಪಚ್ಚಯೋ। (೨)

    Noparāmāso dhammo parāmāsassa dhammassa atthipaccayena paccayo – sahajātaṃ, purejātaṃ. Sahajātā – noparāmāsā khandhā parāmāsassa atthipaccayena paccayo. Purejātaṃ – cakkhuṃ…pe… vatthuṃ assādeti abhinandati, taṃ ārabbha diṭṭhi uppajjati, vatthu parāmāsassa atthipaccayena paccayo. (2)

    ನೋಪರಾಮಾಸೋ ಧಮ್ಮೋ ಪರಾಮಾಸಸ್ಸ ಚ ನೋಪರಾಮಾಸಸ್ಸ ಚ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ। ಸಹಜಾತೋ – ನೋಪರಾಮಾಸೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ ಪರಾಮಾಸಸ್ಸ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ॰…। ಪುರೇಜಾತಂ – ಚಕ್ಖುಂ…ಪೇ॰… ವತ್ಥುಂ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಪರಾಮಾಸೋ ಚ ಸಮ್ಪಯುತ್ತಕಾ ಚ ಖನ್ಧಾ ಉಪ್ಪಜ್ಜನ್ತಿ, ವತ್ಥು ಪರಾಮಾಸಸ್ಸ ಚ ಸಮ್ಪಯುತ್ತಕಾನಞ್ಚ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ। (೩)

    Noparāmāso dhammo parāmāsassa ca noparāmāsassa ca dhammassa atthipaccayena paccayo – sahajātaṃ, purejātaṃ. Sahajāto – noparāmāso eko khandho tiṇṇannaṃ khandhānaṃ parāmāsassa ca cittasamuṭṭhānānañca rūpānaṃ atthipaccayena paccayo…pe…. Purejātaṃ – cakkhuṃ…pe… vatthuṃ assādeti abhinandati, taṃ ārabbha parāmāso ca sampayuttakā ca khandhā uppajjanti, vatthu parāmāsassa ca sampayuttakānañca khandhānaṃ atthipaccayena paccayo. (3)

    ೩೭. ಪರಾಮಾಸೋ ಚ ನೋಪರಾಮಾಸೋ ಚ ಧಮ್ಮಾ ನೋಪರಾಮಾಸಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ, ಆಹಾರಂ , ಇನ್ದ್ರಿಯಂ। ಸಹಜಾತೋ – ನೋಪರಾಮಾಸೋ ಏಕೋ ಖನ್ಧೋ ಚ ಪರಾಮಾಸೋ ಚ ತಿಣ್ಣನ್ನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ॰… ದ್ವೇ ಖನ್ಧಾ ಚ…ಪೇ॰… ಪರಾಮಾಸೋ ಚ ಸಮ್ಪಯುತ್ತಕಾ ಚ ಖನ್ಧಾ ಚಿತ್ತಸಮುಟ್ಠಾನಾನಂ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ; ಪರಾಮಾಸೋ ಚ ಮಹಾಭೂತಾ ಚ ಚಿತ್ತಸಮುಟ್ಠಾನಾನಂ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ; ಪರಾಮಾಸೋ ಚ ವತ್ಥು ಚ ನೋಪರಾಮಾಸಾನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ। ಪಚ್ಛಾಜಾತೋ – ಪರಾಮಾಸೋ ಚ ಸಮ್ಪಯುತ್ತಕಾ ಚ ಖನ್ಧಾ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ। ಪಚ್ಛಾಜಾತೋ – ಪರಾಮಾಸೋ ಚ ಸಮ್ಪಯುತ್ತಕಾ ಚ ಖನ್ಧಾ ಕಬಳೀಕಾರೋ ಆಹಾರೋ ಚ ಇಮಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ। ಪಚ್ಛಾಜಾತೋ – ಪರಾಮಾಸೋ ಚ ಸಮ್ಪಯುತ್ತಕಾ ಚ ಖನ್ಧಾ ರೂಪಜೀವಿತಿನ್ದ್ರಿಯಞ್ಚ ಕಟತ್ತಾರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ। (೧)

    37. Parāmāso ca noparāmāso ca dhammā noparāmāsassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ , indriyaṃ. Sahajāto – noparāmāso eko khandho ca parāmāso ca tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo…pe… dve khandhā ca…pe… parāmāso ca sampayuttakā ca khandhā cittasamuṭṭhānānaṃ rūpānaṃ atthipaccayena paccayo; parāmāso ca mahābhūtā ca cittasamuṭṭhānānaṃ rūpānaṃ atthipaccayena paccayo; parāmāso ca vatthu ca noparāmāsānaṃ khandhānaṃ atthipaccayena paccayo. Pacchājāto – parāmāso ca sampayuttakā ca khandhā purejātassa imassa kāyassa atthipaccayena paccayo. Pacchājāto – parāmāso ca sampayuttakā ca khandhā kabaḷīkāro āhāro ca imassa kāyassa atthipaccayena paccayo. Pacchājāto – parāmāso ca sampayuttakā ca khandhā rūpajīvitindriyañca kaṭattārūpānaṃ atthipaccayena paccayo. (1)

    ೧. ಪಚ್ಚಯಾನುಲೋಮಂ

    1. Paccayānulomaṃ

    ೨. ಸಙ್ಖ್ಯಾವಾರೋ

    2. Saṅkhyāvāro

    ಸುದ್ಧಂ

    Suddhaṃ

    ೩೮. ಹೇತುಯಾ ತೀಣಿ, ಆರಮ್ಮಣೇ ನವ, ಅಧಿಪತಿಯಾ ನವ, ಅನನ್ತರೇ ನವ, ಸಮನನ್ತರೇ ನವ, ಸಹಜಾತೇ ಪಞ್ಚ, ಅಞ್ಞಮಞ್ಞೇ ಪಞ್ಚ, ನಿಸ್ಸಯೇ ಪಞ್ಚ, ಉಪನಿಸ್ಸಯೇ ನವ, ಪುರೇಜಾತೇ ತೀಣಿ, ಪಚ್ಛಾಜಾತೇ ತೀಣಿ, ಆಸೇವನೇ ನವ, ಕಮ್ಮೇ ತೀಣಿ, ವಿಪಾಕೇ ಏಕಂ, ಆಹಾರೇ ತೀಣಿ, ಇನ್ದ್ರಿಯೇ ತೀಣಿ, ಝಾನೇ ತೀಣಿ, ಮಗ್ಗೇ ಪಞ್ಚ, ಸಮ್ಪಯುತ್ತೇ ಪಞ್ಚ, ವಿಪ್ಪಯುತ್ತೇ ಪಞ್ಚ, ಅತ್ಥಿಯಾ ಪಞ್ಚ, ನತ್ಥಿಯಾ ನವ, ವಿಗತೇ ನವ, ಅವಿಗತೇ ಪಞ್ಚ।

    38. Hetuyā tīṇi, ārammaṇe nava, adhipatiyā nava, anantare nava, samanantare nava, sahajāte pañca, aññamaññe pañca, nissaye pañca, upanissaye nava, purejāte tīṇi, pacchājāte tīṇi, āsevane nava, kamme tīṇi, vipāke ekaṃ, āhāre tīṇi, indriye tīṇi, jhāne tīṇi, magge pañca, sampayutte pañca, vippayutte pañca, atthiyā pañca, natthiyā nava, vigate nava, avigate pañca.

    ಅನುಲೋಮಂ।

    Anulomaṃ.

    ಪಚ್ಚನೀಯುದ್ಧಾರೋ

    Paccanīyuddhāro

    ೩೯. ಪರಾಮಾಸೋ ಧಮ್ಮೋ ಪರಾಮಾಸಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೧)

    39. Parāmāso dhammo parāmāsassa dhammassa ārammaṇapaccayena paccayo… upanissayapaccayena paccayo. (1)

    ಪರಾಮಾಸೋ ಧಮ್ಮೋ ನೋಪರಾಮಾಸಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ। (೨)

    Parāmāso dhammo noparāmāsassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo. (2)

    ಪರಾಮಾಸೋ ಧಮ್ಮೋ ಪರಾಮಾಸಸ್ಸ ಚ ನೋಪರಾಮಾಸಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೩)

    Parāmāso dhammo parāmāsassa ca noparāmāsassa ca dhammassa ārammaṇapaccayena paccayo… upanissayapaccayena paccayo. (3)

    ೪೦. ನೋಪರಾಮಾಸೋ ಧಮ್ಮೋ ನೋಪರಾಮಾಸಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ… ಆಹಾರಪಚ್ಚಯೇನ ಪಚ್ಚಯೋ … ಇನ್ದ್ರಿಯಪಚ್ಚಯೇನ ಪಚ್ಚಯೋ। (೧)

    40. Noparāmāso dhammo noparāmāsassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo… pacchājātapaccayena paccayo… kammapaccayena paccayo… āhārapaccayena paccayo … indriyapaccayena paccayo. (1)

    ನೋಪರಾಮಾಸೋ ಧಮ್ಮೋ ಪರಾಮಾಸಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ। (೨)

    Noparāmāso dhammo parāmāsassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo. (2)

    ನೋಪರಾಮಾಸೋ ಧಮ್ಮೋ ಪರಾಮಾಸಸ್ಸ ಚ ನೋಪರಾಮಾಸಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ। (೩)

    Noparāmāso dhammo parāmāsassa ca noparāmāsassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo. (3)

    ೪೧. ಪರಾಮಾಸೋ ಚ ನೋಪರಾಮಾಸೋ ಚ ಧಮ್ಮಾ ಪರಾಮಾಸಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೧)

    41. Parāmāso ca noparāmāso ca dhammā parāmāsassa dhammassa ārammaṇapaccayena paccayo… upanissayapaccayena paccayo. (1)

    ಪರಾಮಾಸೋ ಚ ನೋಪರಾಮಾಸೋ ಚ ಧಮ್ಮಾ ನೋಪರಾಮಾಸಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ … ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ। (೨)

    Parāmāso ca noparāmāso ca dhammā noparāmāsassa dhammassa ārammaṇapaccayena paccayo … sahajātapaccayena paccayo… upanissayapaccayena paccayo… pacchājātapaccayena paccayo. (2)

    ಪರಾಮಾಸೋ ಚ ನೋಪರಾಮಾಸೋ ಚ ಧಮ್ಮಾ ಪರಾಮಾಸಸ್ಸ ಚ ನೋಪರಾಮಾಸಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೩)

    Parāmāso ca noparāmāso ca dhammā parāmāsassa ca noparāmāsassa ca dhammassa ārammaṇapaccayena paccayo… upanissayapaccayena paccayo. (3)

    ೨. ಪಚ್ಚಯಪಚ್ಚನೀಯಂ

    2. Paccayapaccanīyaṃ

    ೨. ಸಙ್ಖ್ಯಾವಾರೋ

    2. Saṅkhyāvāro

    ೪೨. ನಹೇತುಯಾ ನವ, ನಆರಮ್ಮಣೇ ನವ (ಸಬ್ಬತ್ಥ ನವ), ನೋಅವಿಗತೇ ನವ।

    42. Nahetuyā nava, naārammaṇe nava (sabbattha nava), noavigate nava.

    ೩. ಪಚ್ಚಯಾನುಲೋಮಪಚ್ಚನೀಯಂ

    3. Paccayānulomapaccanīyaṃ

    ೪೩. ಹೇತುಪಚ್ಚಯಾ ನಆರಮ್ಮಣೇ ತೀಣಿ, ನಅಧಿಪತಿಯಾ ತೀಣಿ, ನಅನನ್ತರೇ ತೀಣಿ, ನಸಮನನ್ತರೇ ತೀಣಿ, ನಅಞ್ಞಮಞ್ಞೇ ಏಕಂ, ನಉಪನಿಸ್ಸಯೇ ತೀಣಿ…ಪೇ॰… ನಮಗ್ಗೇ ತೀಣಿ, ನಸಮ್ಪಯುತ್ತೇ ಏಕಂ, ನವಿಪ್ಪಯುತ್ತೇ ತೀಣಿ, ನೋನತ್ಥಿಯಾ ತೀಣಿ, ನೋವಿಗತೇ ತೀಣಿ।

    43. Hetupaccayā naārammaṇe tīṇi, naadhipatiyā tīṇi, naanantare tīṇi, nasamanantare tīṇi, naaññamaññe ekaṃ, naupanissaye tīṇi…pe… namagge tīṇi, nasampayutte ekaṃ, navippayutte tīṇi, nonatthiyā tīṇi, novigate tīṇi.

    ೪. ಪಚ್ಚಯಪಚ್ಚನೀಯಾನುಲೋಮಂ

    4. Paccayapaccanīyānulomaṃ

    ೪೪. ನಹೇತುಪಚ್ಚಯಾ ಆರಮ್ಮಣೇ ನವ, ಅಧಿಪತಿಯಾ ನವ (ಅನುಲೋಮಮಾತಿಕಾ ) …ಪೇ॰… ಅವಿಗತೇ ಪಞ್ಚ।

    44. Nahetupaccayā ārammaṇe nava, adhipatiyā nava (anulomamātikā ) …pe… avigate pañca.

    ಪರಾಮಾಸದುಕಂ ನಿಟ್ಠಿತಂ।

    Parāmāsadukaṃ niṭṭhitaṃ.

    ೫೧. ಪರಾಮಟ್ಠದುಕಂ

    51. Parāmaṭṭhadukaṃ

    ೧-೭. ಪಟಿಚ್ಚವಾರಾದಿ

    1-7. Paṭiccavārādi

    ೧. ಪಚ್ಚಯಾನುಲೋಮಂ

    1. Paccayānulomaṃ

    ೧. ವಿಭಙ್ಗವಾರೋ

    1. Vibhaṅgavāro

    ಹೇತುಪಚ್ಚಯೋ

    Hetupaccayo

    ೪೫. ಪರಾಮಟ್ಠಂ ಧಮ್ಮಂ ಪಟಿಚ್ಚ ಪರಾಮಟ್ಠೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಪರಾಮಟ್ಠಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰… (ಯಾವ ಅಜ್ಝತ್ತಿಕಾ ಮಹಾಭೂತಾ)।

    45. Parāmaṭṭhaṃ dhammaṃ paṭicca parāmaṭṭho dhammo uppajjati hetupaccayā – parāmaṭṭhaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe… (yāva ajjhattikā mahābhūtā).

    ಪರಾಮಟ್ಠಂ ಧಮ್ಮಂ ಪಟಿಚ್ಚ…ಪೇ॰… (ಪರಾಮಟ್ಠದುಕಂ ಯಥಾ ಚೂಳನ್ತರದುಕೇ ಲೋಕಿಯದುಕಂ ಏವಂ ಕಾತಬ್ಬಂ ನಿನ್ನಾನಾಕರಣಂ)।

    Parāmaṭṭhaṃ dhammaṃ paṭicca…pe… (parāmaṭṭhadukaṃ yathā cūḷantaraduke lokiyadukaṃ evaṃ kātabbaṃ ninnānākaraṇaṃ).

    ಪರಾಮಟ್ಠದುಕಂ ನಿಟ್ಠಿತಂ।

    Parāmaṭṭhadukaṃ niṭṭhitaṃ.

    ೫೨. ಪರಾಮಾಸಸಮ್ಪಯುತ್ತದುಕಂ

    52. Parāmāsasampayuttadukaṃ

    ೧. ಪಟಿಚ್ಚವಾರೋ

    1. Paṭiccavāro

    ೧. ಪಚ್ಚಯಾನುಲೋಮಂ

    1. Paccayānulomaṃ

    ೧. ವಿಭಙ್ಗವಾರೋ

    1. Vibhaṅgavāro

    ಹೇತುಪಚ್ಚಯೋ

    Hetupaccayo

    ೪೬. ಪರಾಮಾಸಸಮ್ಪಯುತ್ತಂ ಧಮ್ಮಂ ಪಟಿಚ್ಚ ಪರಾಮಾಸಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಪರಾಮಾಸಸಮ್ಪಯುತ್ತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰…। (೧)

    46. Parāmāsasampayuttaṃ dhammaṃ paṭicca parāmāsasampayutto dhammo uppajjati hetupaccayā – parāmāsasampayuttaṃ ekaṃ khandhaṃ paṭicca tayo khandhā…pe… dve khandhe…pe…. (1)

    ಪರಾಮಾಸಸಮ್ಪಯುತ್ತಂ ಧಮ್ಮಂ ಪಟಿಚ್ಚ ಪರಾಮಾಸವಿಪ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಪರಾಮಾಸಸಮ್ಪಯುತ್ತೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ। (೨)

    Parāmāsasampayuttaṃ dhammaṃ paṭicca parāmāsavippayutto dhammo uppajjati hetupaccayā – parāmāsasampayutte khandhe paṭicca cittasamuṭṭhānaṃ rūpaṃ. (2)

    ಪರಾಮಾಸಸಮ್ಪಯುತ್ತಂ ಧಮ್ಮಂ ಪಟಿಚ್ಚ ಪರಾಮಾಸಸಮ್ಪಯುತ್ತೋ ಚ ಪರಾಮಾಸವಿಪ್ಪಯುತ್ತೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಪರಾಮಾಸಸಮ್ಪಯುತ್ತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰…। (೩)

    Parāmāsasampayuttaṃ dhammaṃ paṭicca parāmāsasampayutto ca parāmāsavippayutto ca dhammā uppajjanti hetupaccayā – parāmāsasampayuttaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe…. (3)

    ೪೭. ಪರಾಮಾಸವಿಪ್ಪಯುತ್ತಂ ಧಮ್ಮಂ ಪಟಿಚ್ಚ ಪರಾಮಾಸವಿಪ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಪರಾಮಾಸವಿಪ್ಪಯುತ್ತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ …ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰… ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ, ಏಕಂ ಮಹಾಭೂತಂ…ಪೇ॰…। (೧)

    47. Parāmāsavippayuttaṃ dhammaṃ paṭicca parāmāsavippayutto dhammo uppajjati hetupaccayā – parāmāsavippayuttaṃ ekaṃ khandhaṃ paṭicca tayo khandhā cittasamuṭṭhānañca rūpaṃ …pe… dve khandhe…pe… paṭisandhikkhaṇe…pe… khandhe paṭicca vatthu, vatthuṃ paṭicca khandhā, ekaṃ mahābhūtaṃ…pe…. (1)

    ಪರಾಮಾಸಸಮ್ಪಯುತ್ತಞ್ಚ ಪರಾಮಾಸವಿಪ್ಪಯುತ್ತಞ್ಚ ಧಮ್ಮಂ ಪಟಿಚ್ಚ ಪರಾಮಾಸವಿಪ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಪರಾಮಾಸಸಮ್ಪಯುತ್ತೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ (ಸಂಖಿತ್ತಂ)। (೧)

    Parāmāsasampayuttañca parāmāsavippayuttañca dhammaṃ paṭicca parāmāsavippayutto dhammo uppajjati hetupaccayā – parāmāsasampayutte khandhe ca mahābhūte ca paṭicca cittasamuṭṭhānaṃ rūpaṃ (saṃkhittaṃ). (1)

    ೧. ಪಚ್ಚಯಾನುಲೋಮಂ

    1. Paccayānulomaṃ

    ೨. ಸಙ್ಖ್ಯಾವಾರೋ

    2. Saṅkhyāvāro

    ಸುದ್ಧಂ

    Suddhaṃ

    ೪೮. ಹೇತುಯಾ ಪಞ್ಚ, ಆರಮ್ಮಣೇ ದ್ವೇ, ಅಧಿಪತಿಯಾ ಪಞ್ಚ, ಅನನ್ತರೇ ದ್ವೇ, ಸಮನನ್ತರೇ ದ್ವೇ, ಸಹಜಾತೇ ಪಞ್ಚ, ಅಞ್ಞಮಞ್ಞೇ ದ್ವೇ, ನಿಸ್ಸಯೇ ಪಞ್ಚ, ಉಪನಿಸ್ಸಯೇ ದ್ವೇ, ಪುರೇಜಾತೇ ದ್ವೇ, ಆಸೇವನೇ ದ್ವೇ, ಕಮ್ಮೇ ಪಞ್ಚ, ವಿಪಾಕೇ ಏಕಂ, ಆಹಾರೇ ಪಞ್ಚ…ಪೇ॰… ಮಗ್ಗೇ ಪಞ್ಚ, ಸಮ್ಪಯುತ್ತೇ ದ್ವೇ, ವಿಪ್ಪಯುತ್ತೇ ಪಞ್ಚ, ಅತ್ಥಿಯಾ ಪಞ್ಚ, ನತ್ಥಿಯಾ ದ್ವೇ, ವಿಗತೇ ದ್ವೇ, ಅವಿಗತೇ ಪಞ್ಚ।

    48. Hetuyā pañca, ārammaṇe dve, adhipatiyā pañca, anantare dve, samanantare dve, sahajāte pañca, aññamaññe dve, nissaye pañca, upanissaye dve, purejāte dve, āsevane dve, kamme pañca, vipāke ekaṃ, āhāre pañca…pe… magge pañca, sampayutte dve, vippayutte pañca, atthiyā pañca, natthiyā dve, vigate dve, avigate pañca.

    ಅನುಲೋಮಂ।

    Anulomaṃ.

    ೨. ಪಚ್ಚಯಪಚ್ಚನೀಯಂ

    2. Paccayapaccanīyaṃ

    ೧. ವಿಭಙ್ಗವಾರೋ

    1. Vibhaṅgavāro

    ನಹೇತುಪಚ್ಚಯೋ

    Nahetupaccayo

    ೪೯. ಪರಾಮಾಸವಿಪ್ಪಯುತ್ತಂ ಧಮ್ಮಂ ಪಟಿಚ್ಚ ಪರಾಮಾಸವಿಪ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ಪರಾಮಾಸವಿಪ್ಪಯುತ್ತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ …ಪೇ॰… ದ್ವೇ ಖನ್ಧೇ…ಪೇ॰… ಅಹೇತುಕಪಟಿಸನ್ಧಿಕ್ಖಣೇ…ಪೇ॰… (ಯಾವ ಅಸಞ್ಞಸತ್ತಾ) ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಪಟಿಚ್ಚ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ। (೧)

    49. Parāmāsavippayuttaṃ dhammaṃ paṭicca parāmāsavippayutto dhammo uppajjati nahetupaccayā – ahetukaṃ parāmāsavippayuttaṃ ekaṃ khandhaṃ paṭicca tayo khandhā cittasamuṭṭhānañca rūpaṃ …pe… dve khandhe…pe… ahetukapaṭisandhikkhaṇe…pe… (yāva asaññasattā) vicikicchāsahagate uddhaccasahagate khandhe paṭicca vicikicchāsahagato uddhaccasahagato moho. (1)

    ನಆರಮ್ಮಣಪಚ್ಚಯೋ

    Naārammaṇapaccayo

    ೫೦. ಪರಾಮಾಸಸಮ್ಪಯುತ್ತಂ ಧಮ್ಮಂ ಪಟಿಚ್ಚ ಪರಾಮಾಸವಿಪ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಪರಾಮಾಸಸಮ್ಪಯುತ್ತೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ (ಸಂಖಿತ್ತಂ)। (೧)

    50. Parāmāsasampayuttaṃ dhammaṃ paṭicca parāmāsavippayutto dhammo uppajjati naārammaṇapaccayā – parāmāsasampayutte khandhe paṭicca cittasamuṭṭhānaṃ rūpaṃ (saṃkhittaṃ). (1)

    ಪರಾಮಾಸವಿಪ್ಪಯುತ್ತಂ ಧಮ್ಮಂ ಪಟಿಚ್ಚ ಪರಾಮಾಸವಿಪ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಪರಾಮಾಸವಿಪ್ಪಯುತ್ತೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ (ಯಾವ ಅಸಞ್ಞಸತ್ತಾ)। (೧)

    Parāmāsavippayuttaṃ dhammaṃ paṭicca parāmāsavippayutto dhammo uppajjati naārammaṇapaccayā – parāmāsavippayutte khandhe paṭicca cittasamuṭṭhānaṃ rūpaṃ (yāva asaññasattā). (1)

    ಪರಾಮಾಸಸಮ್ಪಯುತ್ತಞ್ಚ ಪರಾಮಾಸವಿಪ್ಪಯುತ್ತಞ್ಚ ಧಮ್ಮಂ ಪಟಿಚ್ಚ ಪರಾಮಾಸವಿಪ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಪರಾಮಾಸಸಮ್ಪಯುತ್ತೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ (ಸಂಖಿತ್ತಂ)। (೧)

    Parāmāsasampayuttañca parāmāsavippayuttañca dhammaṃ paṭicca parāmāsavippayutto dhammo uppajjati naārammaṇapaccayā – parāmāsasampayutte khandhe ca mahābhūte ca paṭicca cittasamuṭṭhānaṃ rūpaṃ (saṃkhittaṃ). (1)

    ೨. ಪಚ್ಚಯಪಚ್ಚನೀಯಂ

    2. Paccayapaccanīyaṃ

    ೨. ಸಙ್ಖ್ಯಾವಾರೋ

    2. Saṅkhyāvāro

    ಸುದ್ಧಂ

    Suddhaṃ

    ೫೧. ನಹೇತುಯಾ ಏಕಂ, ನಆರಮ್ಮಣೇ ತೀಣಿ, ನಅಧಿಪತಿಯಾ ಪಞ್ಚ, ನಅನನ್ತರೇ ತೀಣಿ, ನಸಮನನ್ತರೇ ತೀಣಿ, ನಅಞ್ಞಮಞ್ಞೇ ತೀಣಿ, ನಉಪನಿಸ್ಸಯೇ ತೀಣಿ, ನಪುರೇಜಾತೇ ಚತ್ತಾರಿ, ನಪಚ್ಛಾಜಾತೇ ಪಞ್ಚ, ನಆಸೇವನೇ ಪಞ್ಚ, ನಕಮ್ಮೇ ದ್ವೇ, ನವಿಪಾಕೇ ಪಞ್ಚ, ನಆಹಾರೇ ಏಕಂ, ನಇನ್ದ್ರಿಯೇ ಏಕಂ, ನಝಾನೇ ಏಕಂ, ನಮಗ್ಗೇ ಏಕಂ, ನಸಮ್ಪಯುತ್ತೇ ತೀಣಿ, ನವಿಪ್ಪಯುತ್ತೇ ದ್ವೇ, ನೋನತ್ಥಿಯಾ ತೀಣಿ, ನೋವಿಗತೇ ತೀಣಿ।

    51. Nahetuyā ekaṃ, naārammaṇe tīṇi, naadhipatiyā pañca, naanantare tīṇi, nasamanantare tīṇi, naaññamaññe tīṇi, naupanissaye tīṇi, napurejāte cattāri, napacchājāte pañca, naāsevane pañca, nakamme dve, navipāke pañca, naāhāre ekaṃ, naindriye ekaṃ, najhāne ekaṃ, namagge ekaṃ, nasampayutte tīṇi, navippayutte dve, nonatthiyā tīṇi, novigate tīṇi.

    ೩. ಪಚ್ಚಯಾನುಲೋಮಪಚ್ಚನೀಯಂ

    3. Paccayānulomapaccanīyaṃ

    ೫೨. ಹೇತುಪಚ್ಚಯಾ ನಆರಮ್ಮಣೇ ತೀಣಿ, ನಅಧಿಪತಿಯಾ ಪಞ್ಚ (ಏವಂ ಗಣೇತಬ್ಬಂ)।

    52. Hetupaccayā naārammaṇe tīṇi, naadhipatiyā pañca (evaṃ gaṇetabbaṃ).

    ೪. ಪಚ್ಚಯಪಚ್ಚನೀಯಾನುಲೋಮಂ

    4. Paccayapaccanīyānulomaṃ

    ೫೩. ನಹೇತುಪಚ್ಚಯಾ ಆರಮ್ಮಣೇ ಏಕಂ (ಸಂಖಿತ್ತಂ), ಅವಿಗತೇ ಏಕಂ।

    53. Nahetupaccayā ārammaṇe ekaṃ (saṃkhittaṃ), avigate ekaṃ.

    ೨. ಸಹಜಾತವಾರೋ

    2. Sahajātavāro

    (ಸಹಜಾತವಾರೋಪಿ ಪಟಿಚ್ಚವಾರಸದಿಸೋ।)

    (Sahajātavāropi paṭiccavārasadiso.)

    ೩. ಪಚ್ಚಯವಾರೋ

    3. Paccayavāro

    ೧. ಪಚ್ಚಯಾನುಲೋಮಂ

    1. Paccayānulomaṃ

    ೧. ವಿಭಙ್ಗವಾರೋ

    1. Vibhaṅgavāro

    ಹೇತುಪಚ್ಚಯೋ

    Hetupaccayo

    ೫೪. ಪರಾಮಾಸಸಮ್ಪಯುತ್ತಂ ಧಮ್ಮಂ ಪಚ್ಚಯಾ ಪರಾಮಾಸಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ (ಪಟಿಚ್ಚವಾರಸದಿಸೋ)।

    54. Parāmāsasampayuttaṃ dhammaṃ paccayā parāmāsasampayutto dhammo uppajjati hetupaccayā… tīṇi (paṭiccavārasadiso).

    ಪರಾಮಾಸವಿಪ್ಪಯುತ್ತಂ ಧಮ್ಮಂ ಪಚ್ಚಯಾ ಪರಾಮಾಸವಿಪ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಪರಾಮಾಸವಿಪ್ಪಯುತ್ತಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰… (ಯಾವ ಅಜ್ಝತ್ತಿಕಾ ಮಹಾಭೂತಾ) ವತ್ಥುಂ ಪಚ್ಚಯಾ ಪರಾಮಾಸವಿಪ್ಪಯುತ್ತಾ ಖನ್ಧಾ। (೧)

    Parāmāsavippayuttaṃ dhammaṃ paccayā parāmāsavippayutto dhammo uppajjati hetupaccayā – parāmāsavippayuttaṃ ekaṃ khandhaṃ paccayā tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe… (yāva ajjhattikā mahābhūtā) vatthuṃ paccayā parāmāsavippayuttā khandhā. (1)

    ಪರಾಮಾಸವಿಪ್ಪಯುತ್ತಂ ಧಮ್ಮಂ ಪಚ್ಚಯಾ ಪರಾಮಾಸಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ವತ್ಥುಂ ಪಚ್ಚಯಾ ಪರಾಮಾಸಸಮ್ಪಯುತ್ತಕಾ ಖನ್ಧಾ। (೨)

    Parāmāsavippayuttaṃ dhammaṃ paccayā parāmāsasampayutto dhammo uppajjati hetupaccayā – vatthuṃ paccayā parāmāsasampayuttakā khandhā. (2)

    ಪರಾಮಾಸವಿಪ್ಪಯುತ್ತಂ ಧಮ್ಮಂ ಪಚ್ಚಯಾ ಪರಾಮಾಸಸಮ್ಪಯುತ್ತೋ ಚ ಪರಾಮಾಸವಿಪ್ಪಯುತ್ತೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ವತ್ಥುಂ ಪಚ್ಚಯಾ ಪರಾಮಾಸಸಮ್ಪಯುತ್ತಕಾ ಖನ್ಧಾ, ಮಹಾಭೂತೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ। (೩)

    Parāmāsavippayuttaṃ dhammaṃ paccayā parāmāsasampayutto ca parāmāsavippayutto ca dhammā uppajjanti hetupaccayā – vatthuṃ paccayā parāmāsasampayuttakā khandhā, mahābhūte paccayā cittasamuṭṭhānaṃ rūpaṃ. (3)

    ೫೫. ಪರಾಮಾಸಸಮ್ಪಯುತ್ತಞ್ಚ ಪರಾಮಾಸವಿಪ್ಪಯುತ್ತಞ್ಚ ಧಮ್ಮಂ ಪಚ್ಚಯಾ ಪರಾಮಾಸಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಪರಾಮಾಸಸಮ್ಪಯುತ್ತಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰…। (೧)

    55. Parāmāsasampayuttañca parāmāsavippayuttañca dhammaṃ paccayā parāmāsasampayutto dhammo uppajjati hetupaccayā – parāmāsasampayuttaṃ ekaṃ khandhañca vatthuñca paccayā tayo khandhā…pe… dve khandhe…pe…. (1)

    ಪರಾಮಾಸಸಮ್ಪಯುತ್ತಞ್ಚ ಪರಾಮಾಸವಿಪ್ಪಯುತ್ತಞ್ಚ ಧಮ್ಮಂ ಪಚ್ಚಯಾ ಪರಾಮಾಸವಿಪ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಪರಾಮಾಸಸಮ್ಪಯುತ್ತೇ ಖನ್ಧೇ ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ। (೨)

    Parāmāsasampayuttañca parāmāsavippayuttañca dhammaṃ paccayā parāmāsavippayutto dhammo uppajjati hetupaccayā – parāmāsasampayutte khandhe ca mahābhūte ca paccayā cittasamuṭṭhānaṃ rūpaṃ. (2)

    ಪರಾಮಾಸಸಮ್ಪಯುತ್ತಞ್ಚ ಪರಾಮಾಸವಿಪ್ಪಯುತ್ತಞ್ಚ ಧಮ್ಮಂ ಪಚ್ಚಯಾ ಪರಾಮಾಸಸಮ್ಪಯುತ್ತೋ ಚ ಪರಾಮಾಸವಿಪ್ಪಯುತ್ತೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಪರಾಮಾಸಸಮ್ಪಯುತ್ತಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ…ಪೇ॰… ಪರಾಮಾಸಸಮ್ಪಯುತ್ತೇ ಖನ್ಧೇ ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ (ಸಂಖಿತ್ತಂ)। (೩)

    Parāmāsasampayuttañca parāmāsavippayuttañca dhammaṃ paccayā parāmāsasampayutto ca parāmāsavippayutto ca dhammā uppajjanti hetupaccayā – parāmāsasampayuttaṃ ekaṃ khandhañca vatthuñca paccayā tayo khandhā…pe… dve khandhe…pe… parāmāsasampayutte khandhe ca mahābhūte ca paccayā cittasamuṭṭhānaṃ rūpaṃ (saṃkhittaṃ). (3)

    ೧. ಪಚ್ಚಯಾನುಲೋಮಂ

    1. Paccayānulomaṃ

    ೨. ಸಙ್ಖ್ಯಾವಾರೋ

    2. Saṅkhyāvāro

    ಸುದ್ಧಂ

    Suddhaṃ

    ೫೬. ಹೇತುಯಾ ನವ, ಆರಮ್ಮಣೇ ಚತ್ತಾರಿ, ಅಧಿಪತಿಯಾ ನವ, ಅನನ್ತರೇ ಚತ್ತಾರಿ, ಸಮನನ್ತರೇ ಚತ್ತಾರಿ, ಸಹಜಾತೇ ನವ, ಅಞ್ಞಮಞ್ಞೇ ಚತ್ತಾರಿ, ನಿಸ್ಸಯೇ ನವ, ಉಪನಿಸ್ಸಯೇ ಚತ್ತಾರಿ, ಪುರೇಜಾತೇ ಚತ್ತಾರಿ, ಆಸೇವನೇ ಚತ್ತಾರಿ, ಕಮ್ಮೇ ನವ, ವಿಪಾಕೇ ಏಕಂ, ಆಹಾರೇ ನವ…ಪೇ॰… ಅವಿಗತೇ ನವ।

    56. Hetuyā nava, ārammaṇe cattāri, adhipatiyā nava, anantare cattāri, samanantare cattāri, sahajāte nava, aññamaññe cattāri, nissaye nava, upanissaye cattāri, purejāte cattāri, āsevane cattāri, kamme nava, vipāke ekaṃ, āhāre nava…pe… avigate nava.

    ಅನುಲೋಮಂ।

    Anulomaṃ.

    ೨. ಪಚ್ಚಯಪಚ್ಚನೀಯಂ

    2. Paccayapaccanīyaṃ

    ೧. ವಿಭಙ್ಗವಾರೋ

    1. Vibhaṅgavāro

    ೫೭. ಪರಾಮಾಸವಿಪ್ಪಯುತ್ತಂ ಧಮ್ಮಂ ಪಚ್ಚಯಾ ಪರಾಮಾಸವಿಪ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ಪರಾಮಾಸವಿಪ್ಪಯುತ್ತಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ಅಹೇತುಕಪಟಿಸನ್ಧಿಕ್ಖಣೇ…ಪೇ॰… (ಯಾವ ಅಸಞ್ಞಸತ್ತಾ) ಚಕ್ಖಾಯತನಂ ಪಚ್ಚಯಾ ಚಕ್ಖುವಿಞ್ಞಾಣಂ…ಪೇ॰… ಕಾಯಾಯತನಂ ಪಚ್ಚಯಾ ಕಾಯವಿಞ್ಞಾಣಂ, ವತ್ಥುಂ ಪಚ್ಚಯಾ ಅಹೇತುಕಪರಾಮಾಸವಿಪ್ಪಯುತ್ತಾ ಖನ್ಧಾ; ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ।

    57. Parāmāsavippayuttaṃ dhammaṃ paccayā parāmāsavippayutto dhammo uppajjati nahetupaccayā – ahetukaṃ parāmāsavippayuttaṃ ekaṃ khandhaṃ paccayā tayo khandhā cittasamuṭṭhānañca rūpaṃ…pe… dve khandhe…pe… ahetukapaṭisandhikkhaṇe…pe… (yāva asaññasattā) cakkhāyatanaṃ paccayā cakkhuviññāṇaṃ…pe… kāyāyatanaṃ paccayā kāyaviññāṇaṃ, vatthuṃ paccayā ahetukaparāmāsavippayuttā khandhā; vicikicchāsahagate uddhaccasahagate khandhe ca vatthuñca paccayā vicikicchāsahagato uddhaccasahagato moho.

    ೨. ಪಚ್ಚಯಪಚ್ಚನೀಯಂ

    2. Paccayapaccanīyaṃ

    ೨. ಸಙ್ಖ್ಯಾವಾರೋ

    2. Saṅkhyāvāro

    ಸುದ್ಧಂ

    Suddhaṃ

    ೫೮. ನಹೇತುಯಾ ಏಕಂ, ನಆರಮ್ಮಣೇ ತೀಣಿ, ನಅಧಿಪತಿಯಾ ನವ, ನಅನನ್ತರೇ ತೀಣಿ, ನಸಮನನ್ತರೇ ತೀಣಿ, ನಅಞ್ಞಮಞ್ಞೇ ತೀಣಿ, ನಉಪನಿಸ್ಸಯೇ ತೀಣಿ, ನಪುರೇಜಾತೇ ಚತ್ತಾರಿ, ನಪಚ್ಛಾಜಾತೇ ನವ, ನಆಸೇವನೇ ನವ, ನಕಮ್ಮೇ ಚತ್ತಾರಿ, ನವಿಪಾಕೇ ನವ, ನಆಹಾರೇ ಏಕಂ, ನಇನ್ದ್ರಿಯೇ ಏಕಂ, ನಝಾನೇ ಏಕಂ, ನಮಗ್ಗೇ ಏಕಂ, ನಸಮ್ಪಯುತ್ತೇ ತೀಣಿ, ನವಿಪ್ಪಯುತ್ತೇ ದ್ವೇ, ನೋನತ್ಥಿಯಾ ತೀಣಿ, ನೋವಿಗತೇ ತೀಣಿ।

    58. Nahetuyā ekaṃ, naārammaṇe tīṇi, naadhipatiyā nava, naanantare tīṇi, nasamanantare tīṇi, naaññamaññe tīṇi, naupanissaye tīṇi, napurejāte cattāri, napacchājāte nava, naāsevane nava, nakamme cattāri, navipāke nava, naāhāre ekaṃ, naindriye ekaṃ, najhāne ekaṃ, namagge ekaṃ, nasampayutte tīṇi, navippayutte dve, nonatthiyā tīṇi, novigate tīṇi.

    ೩. ಪಚ್ಚಯಾನುಲೋಮಪಚ್ಚನೀಯಂ

    3. Paccayānulomapaccanīyaṃ

    ೫೯. ಹೇತುಪಚ್ಚಯಾ ನಆರಮ್ಮಣೇ ತೀಣಿ, ನಅಧಿಪತಿಯಾ ನವ (ಏವಂ ಗಣೇತಬ್ಬಂ)।

    59. Hetupaccayā naārammaṇe tīṇi, naadhipatiyā nava (evaṃ gaṇetabbaṃ).

    ೪. ಪಚ್ಚಯಪಚ್ಚನೀಯಾನುಲೋಮಂ

    4. Paccayapaccanīyānulomaṃ

    ೬೦. ನಹೇತುಪಚ್ಚಯಾ ಆರಮ್ಮಣೇ ಏಕಂ…ಪೇ॰… ಅವಿಗತೇ ಏಕಂ।

    60. Nahetupaccayā ārammaṇe ekaṃ…pe… avigate ekaṃ.

    ೪. ನಿಸ್ಸಯವಾರೋ

    4. Nissayavāro

    (ನಿಸ್ಸಯವಾರೋ ಪಚ್ಚಯವಾರಸದಿಸೋ।)

    (Nissayavāro paccayavārasadiso.)

    ೫. ಸಂಸಟ್ಠವಾರೋ

    5. Saṃsaṭṭhavāro

    ೧-೪. ಪಚ್ಚಯಾನುಲೋಮಾದಿ

    1-4. Paccayānulomādi

    ೬೧. ಪರಾಮಾಸಸಮ್ಪಯುತ್ತಂ ಧಮ್ಮಂ ಸಂಸಟ್ಠೋ ಪರಾಮಾಸಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ (ಸಂಖಿತ್ತಂ)।

    61. Parāmāsasampayuttaṃ dhammaṃ saṃsaṭṭho parāmāsasampayutto dhammo uppajjati hetupaccayā (saṃkhittaṃ).

    ಸುದ್ಧಂ

    Suddhaṃ

    ೬೨. ಹೇತುಯಾ ದ್ವೇ (ಸಬ್ಬತ್ಥ ದ್ವೇ), ವಿಪಾಕೇ ಏಕಂ…ಪೇ॰… ಅವಿಗತೇ ದ್ವೇ। ನಹೇತುಯಾ ಏಕಂ, ನಅಧಿಪತಿಯಾ ದ್ವೇ, ನಪುರೇಜಾತೇ ದ್ವೇ, ನಪಚ್ಛಾಜಾತೇ ದ್ವೇ, ನಆಸೇವನೇ ದ್ವೇ, ನಕಮ್ಮೇ ದ್ವೇ, ನವಿಪಾಕೇ ದ್ವೇ, ನಝಾನೇ ಏಕಂ, ನಮಗ್ಗೇ ಏಕಂ, ನವಿಪ್ಪಯುತ್ತೇ ದ್ವೇ।

    62. Hetuyā dve (sabbattha dve), vipāke ekaṃ…pe… avigate dve. Nahetuyā ekaṃ, naadhipatiyā dve, napurejāte dve, napacchājāte dve, naāsevane dve, nakamme dve, navipāke dve, najhāne ekaṃ, namagge ekaṃ, navippayutte dve.

    ೬. ಸಮ್ಪಯುತ್ತವಾರೋ

    6. Sampayuttavāro

    (ಏವಂ ಇತರೇ ದ್ವೇ ಗಣನಾಪಿ ಸಮ್ಪಯುತ್ತವಾರಾಪಿ ಕಾತಬ್ಬಾ।)

    (Evaṃ itare dve gaṇanāpi sampayuttavārāpi kātabbā.)

    ೭. ಪಞ್ಹಾವಾರೋ

    7. Pañhāvāro

    ೧. ಪಚ್ಚಯಾನುಲೋಮಂ

    1. Paccayānulomaṃ

    ೧. ವಿಭಙ್ಗವಾರೋ

    1. Vibhaṅgavāro

    ಹೇತುಪಚ್ಚಯೋ

    Hetupaccayo

    ೬೩. ಪರಾಮಾಸಸಮ್ಪಯುತ್ತೋ ಧಮ್ಮೋ ಪರಾಮಾಸಸಮ್ಪಯುತ್ತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಪರಾಮಾಸಸಮ್ಪಯುತ್ತಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಹೇತುಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ) ಪರಾಮಾಸಸಮ್ಪಯುತ್ತಾ ಹೇತೂ ಚಿತ್ತಸಮುಟ್ಠಾನಾನಂ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ) ಪರಾಮಾಸಸಮ್ಪಯುತ್ತಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ। (೩)

    63. Parāmāsasampayutto dhammo parāmāsasampayuttassa dhammassa hetupaccayena paccayo – parāmāsasampayuttā hetū sampayuttakānaṃ khandhānaṃ hetupaccayena paccayo. (Mūlaṃ kātabbaṃ) parāmāsasampayuttā hetū cittasamuṭṭhānānaṃ rūpānaṃ hetupaccayena paccayo. (Mūlaṃ kātabbaṃ) parāmāsasampayuttā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. (3)

    ಪರಾಮಾಸವಿಪ್ಪಯುತ್ತೋ ಧಮ್ಮೋ ಪರಾಮಾಸವಿಪ್ಪಯುತ್ತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಪರಾಮಾಸವಿಪ್ಪಯುತ್ತಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ॰…। (೧)

    Parāmāsavippayutto dhammo parāmāsavippayuttassa dhammassa hetupaccayena paccayo – parāmāsavippayuttā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo; paṭisandhikkhaṇe…pe…. (1)

    ಆರಮ್ಮಣಪಚ್ಚಯೋ

    Ārammaṇapaccayo

    ೬೪. ಪರಾಮಾಸಸಮ್ಪಯುತ್ತೋ ಧಮ್ಮೋ ಪರಾಮಾಸಸಮ್ಪಯುತ್ತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ರಾಗಂ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಪರಾಮಾಸಸಮ್ಪಯುತ್ತೋ ರಾಗೋ ಉಪ್ಪಜ್ಜತಿ; ಪರಾಮಾಸಸಮ್ಪಯುತ್ತೇ ಖನ್ಧೇ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಪರಾಮಾಸಸಮ್ಪಯುತ್ತೋ ರಾಗೋ ಉಪ್ಪಜ್ಜತಿ। (೧)

    64. Parāmāsasampayutto dhammo parāmāsasampayuttassa dhammassa ārammaṇapaccayena paccayo – rāgaṃ assādeti abhinandati, taṃ ārabbha parāmāsasampayutto rāgo uppajjati; parāmāsasampayutte khandhe assādeti abhinandati, taṃ ārabbha parāmāsasampayutto rāgo uppajjati. (1)

    ಪರಾಮಾಸಸಮ್ಪಯುತ್ತೋ ಧಮ್ಮೋ ಪರಾಮಾಸವಿಪ್ಪಯುತ್ತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಅರಿಯಾ ಪರಾಮಾಸಸಮ್ಪಯುತ್ತೇ ಪಹೀನೇ ಕಿಲೇಸೇ ಪಚ್ಚವೇಕ್ಖನ್ತಿ, ಪುಬ್ಬೇ ಸಮುದಾಚಿಣ್ಣೇ ಕಿಲೇಸೇ ಜಾನನ್ತಿ, ಪರಾಮಾಸಸಮ್ಪಯುತ್ತೇ ಖನ್ಧೇ ಅನಿಚ್ಚತೋ…ಪೇ॰… ವಿಪಸ್ಸತಿ, ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಪರಾಮಾಸವಿಪ್ಪಯುತ್ತೋ ರಾಗೋ…ಪೇ॰… ವಿಚಿಕಿಚ್ಛಾ…ಪೇ॰… ಉದ್ಧಚ್ಚಂ…ಪೇ॰… ದೋಮನಸ್ಸಂ ಉಪ್ಪಜ್ಜತಿ; ಚೇತೋಪರಿಯಞಾಣೇನ ಪರಾಮಾಸಸಮ್ಪಯುತ್ತಚಿತ್ತಸಮಙ್ಗಿಸ್ಸ ಚಿತ್ತಂ ಜಾನಾತಿ, ಪರಾಮಾಸಸಮ್ಪಯುತ್ತಾ ಖನ್ಧಾ ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಯಥಾಕಮ್ಮೂಪಗಞಾಣಸ್ಸ, ಅನಾಗತಂಸಞಾಣಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ। (೨)

    Parāmāsasampayutto dhammo parāmāsavippayuttassa dhammassa ārammaṇapaccayena paccayo – ariyā parāmāsasampayutte pahīne kilese paccavekkhanti, pubbe samudāciṇṇe kilese jānanti, parāmāsasampayutte khandhe aniccato…pe… vipassati, assādeti abhinandati, taṃ ārabbha parāmāsavippayutto rāgo…pe… vicikicchā…pe… uddhaccaṃ…pe… domanassaṃ uppajjati; cetopariyañāṇena parāmāsasampayuttacittasamaṅgissa cittaṃ jānāti, parāmāsasampayuttā khandhā cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo. (2)

    ೬೫. ಪರಾಮಾಸವಿಪ್ಪಯುತ್ತೋ ಧಮ್ಮೋ ಪರಾಮಾಸವಿಪ್ಪಯುತ್ತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ…ಪೇ॰… ಸೀಲಂ…ಪೇ॰… ಉಪೋಸಥಕಮ್ಮಂ ಕತ್ವಾ ತಂ ಪಚ್ಚವೇಕ್ಖತಿ, ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಪರಾಮಾಸವಿಪ್ಪಯುತ್ತೋ ರಾಗೋ…ಪೇ॰… ವಿಚಿಕಿಚ್ಛಾ…ಪೇ॰… ಉದ್ಧಚ್ಚಂ…ಪೇ॰… ದೋಮನಸ್ಸಂ ಉಪ್ಪಜ್ಜತಿ ; ಪುಬ್ಬೇ ಸುಚಿಣ್ಣಾನಿ…ಪೇ॰… ಝಾನಾ…ಪೇ॰… ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಪಚ್ಚವೇಕ್ಖನ್ತಿ, ಫಲಂ…ಪೇ॰… ನಿಬ್ಬಾನಂ…ಪೇ॰… ನಿಬ್ಬಾನಂ ಗೋತ್ರಭುಸ್ಸ, ವೋದಾನಸ್ಸ, ಮಗ್ಗಸ್ಸ, ಫಲಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ; ಅರಿಯಾ ಪರಾಮಾಸವಿಪ್ಪಯುತ್ತೇ ಪಹೀನೇ ಕಿಲೇಸೇ…ಪೇ॰… ವಿಕ್ಖಮ್ಭಿತೇ ಕಿಲೇಸೇ…ಪೇ॰… ಪುಬ್ಬೇ…ಪೇ॰… ಚಕ್ಖುಂ…ಪೇ॰… ವತ್ಥುಂ ಪರಾಮಾಸವಿಪ್ಪಯುತ್ತೇ ಖನ್ಧೇ ಅನಿಚ್ಚತೋ…ಪೇ॰… ವಿಪಸ್ಸತಿ, ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಪರಾಮಾಸವಿಪ್ಪಯುತ್ತೋ ರಾಗೋ…ಪೇ॰… ವಿಚಿಕಿಚ್ಛಾ…ಪೇ॰… ಉದ್ಧಚ್ಚಂ…ಪೇ॰… ದೋಮನಸ್ಸಂ ಉಪ್ಪಜ್ಜತಿ; ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ। ಚೇತೋಪರಿಯಞಾಣೇನ ಪರಾಮಾಸವಿಪ್ಪಯುತ್ತಚಿತ್ತಸಮಙ್ಗಿಸ್ಸ ಚಿತ್ತಂ ಜಾನಾತಿ, ಆಕಾಸಾನಞ್ಚಾಯತನಂ ವಿಞ್ಞಾಣಞ್ಚಾಯತನಸ್ಸ…ಪೇ॰… ಆಕಿಞ್ಚಞ್ಞಾಯತನಂ ನೇವಸಞ್ಞಾನಾಸಞ್ಞಾಯತನಸ್ಸ…ಪೇ॰… ರೂಪಾಯತನಂ ಚಕ್ಖುವಿಞ್ಞಾಣಸ್ಸ…ಪೇ॰… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸ್ಸ…ಪೇ॰… ಪರಾಮಾಸವಿಪ್ಪಯುತ್ತಾ ಖನ್ಧಾ ಇದ್ಧಿವಿಧಞಾಣಸ್ಸ, ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಯಥಾಕಮ್ಮೂಪಗಞಾಣಸ್ಸ, ಅನಾಗತಂಸಞಾಣಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ। (೧)

    65. Parāmāsavippayutto dhammo parāmāsavippayuttassa dhammassa ārammaṇapaccayena paccayo – dānaṃ…pe… sīlaṃ…pe… uposathakammaṃ katvā taṃ paccavekkhati, assādeti abhinandati, taṃ ārabbha parāmāsavippayutto rāgo…pe… vicikicchā…pe… uddhaccaṃ…pe… domanassaṃ uppajjati ; pubbe suciṇṇāni…pe… jhānā…pe… ariyā maggā vuṭṭhahitvā maggaṃ paccavekkhanti, phalaṃ…pe… nibbānaṃ…pe… nibbānaṃ gotrabhussa, vodānassa, maggassa, phalassa, āvajjanāya ārammaṇapaccayena paccayo; ariyā parāmāsavippayutte pahīne kilese…pe… vikkhambhite kilese…pe… pubbe…pe… cakkhuṃ…pe… vatthuṃ parāmāsavippayutte khandhe aniccato…pe… vipassati, assādeti abhinandati, taṃ ārabbha parāmāsavippayutto rāgo…pe… vicikicchā…pe… uddhaccaṃ…pe… domanassaṃ uppajjati; dibbena cakkhunā rūpaṃ passati, dibbāya sotadhātuyā saddaṃ suṇāti. Cetopariyañāṇena parāmāsavippayuttacittasamaṅgissa cittaṃ jānāti, ākāsānañcāyatanaṃ viññāṇañcāyatanassa…pe… ākiñcaññāyatanaṃ nevasaññānāsaññāyatanassa…pe… rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa…pe… parāmāsavippayuttā khandhā iddhividhañāṇassa, cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo. (1)

    ಪರಾಮಾಸವಿಪ್ಪಯುತ್ತೋ ಧಮ್ಮೋ ಪರಾಮಾಸಸಮ್ಪಯುತ್ತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ…ಪೇ॰… ಸೀಲಂ…ಪೇ॰… ಉಪೋಸಥಕಮ್ಮಂ…ಪೇ॰… ಪುಬ್ಬೇ…ಪೇ॰… ಝಾನಾ…ಪೇ॰… ಚಕ್ಖುಂ…ಪೇ॰… ವತ್ಥುಂ ಪರಾಮಾಸವಿಪ್ಪಯುತ್ತೇ ಖನ್ಧೇ ಅಸ್ಸಾದೇತಿ ಅಭಿನನ್ದತಿ। ತಂ ಆರಬ್ಭ ಪರಾಮಾಸಸಮ್ಪಯುತ್ತೋ ರಾಗೋ ಉಪ್ಪಜ್ಜತಿ। (೨)

    Parāmāsavippayutto dhammo parāmāsasampayuttassa dhammassa ārammaṇapaccayena paccayo – dānaṃ…pe… sīlaṃ…pe… uposathakammaṃ…pe… pubbe…pe… jhānā…pe… cakkhuṃ…pe… vatthuṃ parāmāsavippayutte khandhe assādeti abhinandati. Taṃ ārabbha parāmāsasampayutto rāgo uppajjati. (2)

    ಅಧಿಪತಿಪಚ್ಚಯೋ

    Adhipatipaccayo

    ೬೬. ಪರಾಮಾಸಸಮ್ಪಯುತ್ತೋ ಧಮ್ಮೋ ಪರಾಮಾಸಸಮ್ಪಯುತ್ತಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ। ಆರಮ್ಮಣಾಧಿಪತಿ – ರಾಗಂ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ಪರಾಮಾಸಸಮ್ಪಯುತ್ತೋ ರಾಗೋ ಉಪ್ಪಜ್ಜತಿ, ಪರಾಮಾಸಸಮ್ಪಯುತ್ತೇ ಖನ್ಧೇ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ಪರಾಮಾಸಸಮ್ಪಯುತ್ತೋ ರಾಗೋ ಉಪ್ಪಜ್ಜತಿ। ಸಹಜಾತಾಧಿಪತಿ – ಪರಾಮಾಸಸಮ್ಪಯುತ್ತಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೧)

    66. Parāmāsasampayutto dhammo parāmāsasampayuttassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – rāgaṃ garuṃ katvā assādeti abhinandati, taṃ garuṃ katvā parāmāsasampayutto rāgo uppajjati, parāmāsasampayutte khandhe garuṃ katvā assādeti abhinandati, taṃ garuṃ katvā parāmāsasampayutto rāgo uppajjati. Sahajātādhipati – parāmāsasampayuttādhipati sampayuttakānaṃ khandhānaṃ adhipatipaccayena paccayo. (1)

    ಪರಾಮಾಸಸಮ್ಪಯುತ್ತೋ ಧಮ್ಮೋ ಪರಾಮಾಸವಿಪ್ಪಯುತ್ತಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ। ಆರಮ್ಮಣಾಧಿಪತಿ – ಪರಾಮಾಸಸಮ್ಪಯುತ್ತೇ ಖನ್ಧೇ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ಪರಾಮಾಸವಿಪ್ಪಯುತ್ತೋ ರಾಗೋ ಉಪ್ಪಜ್ಜತಿ। ಸಹಜಾತಾಧಿಪತಿ – ಪರಾಮಾಸಸಮ್ಪಯುತ್ತಾಧಿಪತಿ ಚಿತ್ತಸಮುಟ್ಠಾನಾನಂ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೨)

    Parāmāsasampayutto dhammo parāmāsavippayuttassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – parāmāsasampayutte khandhe garuṃ katvā assādeti abhinandati, taṃ garuṃ katvā parāmāsavippayutto rāgo uppajjati. Sahajātādhipati – parāmāsasampayuttādhipati cittasamuṭṭhānānaṃ rūpānaṃ adhipatipaccayena paccayo. (2)

    ಪರಾಮಾಸಸಮ್ಪಯುತ್ತೋ ಧಮ್ಮೋ ಪರಾಮಾಸಸಮ್ಪಯುತ್ತಸ್ಸ ಚ ಪರಾಮಾಸವಿಪ್ಪಯುತ್ತಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ। ಸಹಜಾತಾಧಿಪತಿ – ಪರಾಮಾಸಸಮ್ಪಯುತ್ತಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೩)

    Parāmāsasampayutto dhammo parāmāsasampayuttassa ca parāmāsavippayuttassa ca dhammassa adhipatipaccayena paccayo. Sahajātādhipati – parāmāsasampayuttādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (3)

    ೬೭. ಪರಾಮಾಸವಿಪ್ಪಯುತ್ತೋ ಧಮ್ಮೋ ಪರಾಮಾಸವಿಪ್ಪಯುತ್ತಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ। ಆರಮ್ಮಣಾಧಿಪತಿ – ದಾನಂ…ಪೇ॰… ಸೀಲಂ…ಪೇ॰… ಉಪೋಸಥಕಮ್ಮಂ ಕತ್ವಾ ತಂ ಗರುಂ ಕತ್ವಾ ಪಚ್ಚವೇಕ್ಖತಿ, ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ಪರಾಮಾಸವಿಪ್ಪಯುತ್ತೋ ರಾಗೋ ಉಪ್ಪಜ್ಜತಿ, ಪುಬ್ಬೇ…ಪೇ॰… ಝಾನಾ…ಪೇ॰… ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಗರುಂ ಕತ್ವಾ…ಪೇ॰… ಫಲಂ…ಪೇ॰… ನಿಬ್ಬಾನಂ…ಪೇ॰… ನಿಬ್ಬಾನಂ ಗೋತ್ರಭುಸ್ಸ , ವೋದಾನಸ್ಸ, ಮಗ್ಗಸ್ಸ, ಫಲಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ; ಚಕ್ಖುಂ…ಪೇ॰… ವತ್ಥುಂ ಪರಾಮಾಸವಿಪ್ಪಯುತ್ತೇ ಖನ್ಧೇ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ಪರಾಮಾಸವಿಪ್ಪಯುತ್ತೋ ರಾಗೋ ಉಪ್ಪಜ್ಜತಿ। ಸಹಜಾತಾಧಿಪತಿ – ಪರಾಮಾಸವಿಪ್ಪಯುತ್ತಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೧)

    67. Parāmāsavippayutto dhammo parāmāsavippayuttassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ…pe… sīlaṃ…pe… uposathakammaṃ katvā taṃ garuṃ katvā paccavekkhati, assādeti abhinandati, taṃ garuṃ katvā parāmāsavippayutto rāgo uppajjati, pubbe…pe… jhānā…pe… ariyā maggā vuṭṭhahitvā maggaṃ garuṃ katvā…pe… phalaṃ…pe… nibbānaṃ…pe… nibbānaṃ gotrabhussa , vodānassa, maggassa, phalassa adhipatipaccayena paccayo; cakkhuṃ…pe… vatthuṃ parāmāsavippayutte khandhe garuṃ katvā assādeti abhinandati, taṃ garuṃ katvā parāmāsavippayutto rāgo uppajjati. Sahajātādhipati – parāmāsavippayuttādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (1)

    ಪರಾಮಾಸವಿಪ್ಪಯುತ್ತೋ ಧಮ್ಮೋ ಪರಾಮಾಸಸಮ್ಪಯುತ್ತಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ। ಆರಮ್ಮಣಾಧಿಪತಿ – ದಾನಂ…ಪೇ॰… ಸೀಲಂ…ಪೇ॰… ಉಪೋಸಥಕಮ್ಮಂ ಕತ್ವಾ ತಂ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ಪರಾಮಾಸಸಮ್ಪಯುತ್ತೋ ರಾಗೋ ಉಪ್ಪಜ್ಜತಿ, ಪುಬ್ಬೇ…ಪೇ॰… ಝಾನಾ…ಪೇ॰… ಚಕ್ಖುಂ…ಪೇ॰… ವತ್ಥುಂ ಪರಾಮಾಸವಿಪ್ಪಯುತ್ತೇ ಖನ್ಧೇ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ಪರಾಮಾಸಸಮ್ಪಯುತ್ತೋ ರಾಗೋ ಉಪ್ಪಜ್ಜತಿ। (೨)

    Parāmāsavippayutto dhammo parāmāsasampayuttassa dhammassa adhipatipaccayena paccayo. Ārammaṇādhipati – dānaṃ…pe… sīlaṃ…pe… uposathakammaṃ katvā taṃ garuṃ katvā assādeti abhinandati, taṃ garuṃ katvā parāmāsasampayutto rāgo uppajjati, pubbe…pe… jhānā…pe… cakkhuṃ…pe… vatthuṃ parāmāsavippayutte khandhe garuṃ katvā assādeti abhinandati, taṃ garuṃ katvā parāmāsasampayutto rāgo uppajjati. (2)

    ಅನನ್ತರ-ಸಮನನ್ತರಪಚ್ಚಯಾ

    Anantara-samanantarapaccayā

    ೬೮. ಪರಾಮಾಸಸಮ್ಪಯುತ್ತೋ ಧಮ್ಮೋ ಪರಾಮಾಸಸಮ್ಪಯುತ್ತಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಪರಾಮಾಸಸಮ್ಪಯುತ್ತಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಪರಾಮಾಸಸಮ್ಪಯುತ್ತಕಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ। (೧)

    68. Parāmāsasampayutto dhammo parāmāsasampayuttassa dhammassa anantarapaccayena paccayo – purimā purimā parāmāsasampayuttā khandhā pacchimānaṃ pacchimānaṃ parāmāsasampayuttakānaṃ khandhānaṃ anantarapaccayena paccayo. (1)

    ಪರಾಮಾಸಸಮ್ಪಯುತ್ತೋ ಧಮ್ಮೋ ಪರಾಮಾಸವಿಪ್ಪಯುತ್ತಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪರಾಮಾಸಸಮ್ಪಯುತ್ತಾ ಖನ್ಧಾ ವುಟ್ಠಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ। (೨)

    Parāmāsasampayutto dhammo parāmāsavippayuttassa dhammassa anantarapaccayena paccayo – parāmāsasampayuttā khandhā vuṭṭhānassa anantarapaccayena paccayo. (2)

    ೬೯. ಪರಾಮಾಸವಿಪ್ಪಯುತ್ತೋ ಧಮ್ಮೋ ಪರಾಮಾಸವಿಪ್ಪಯುತ್ತಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಪರಾಮಾಸವಿಪ್ಪಯುತ್ತಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಪರಾಮಾಸವಿಪ್ಪಯುತ್ತಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ; ಅನುಲೋಮಂ…ಪೇ॰… ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ। (೧)

    69. Parāmāsavippayutto dhammo parāmāsavippayuttassa dhammassa anantarapaccayena paccayo – purimā purimā parāmāsavippayuttā khandhā pacchimānaṃ pacchimānaṃ parāmāsavippayuttānaṃ khandhānaṃ anantarapaccayena paccayo; anulomaṃ…pe… phalasamāpattiyā anantarapaccayena paccayo. (1)

    ಪರಾಮಾಸವಿಪ್ಪಯುತ್ತೋ ಧಮ್ಮೋ ಪರಾಮಾಸಸಮ್ಪಯುತ್ತಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಆವಜ್ಜನಾ ಪರಾಮಾಸಸಮ್ಪಯುತ್ತಕಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ… ಸಮನನ್ತರಪಚ್ಚಯೇನ ಪಚ್ಚಯೋ। (೨)

    Parāmāsavippayutto dhammo parāmāsasampayuttassa dhammassa anantarapaccayena paccayo – āvajjanā parāmāsasampayuttakānaṃ khandhānaṃ anantarapaccayena paccayo… samanantarapaccayena paccayo. (2)

    ಸಹಜಾತಪಚ್ಚಯಾದಿ

    Sahajātapaccayādi

    ೭೦. ಪರಾಮಾಸಸಮ್ಪಯುತ್ತೋ ಧಮ್ಮೋ ಪರಾಮಾಸಸಮ್ಪಯುತ್ತಸ್ಸ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ… ಪಞ್ಚ… ಅಞ್ಞಮಞ್ಞಪಚ್ಚಯೇನ ಪಚ್ಚಯೋ… ದ್ವೇ… ನಿಸ್ಸಯಪಚ್ಚಯೇನ ಪಚ್ಚಯೋ… ಸತ್ತ।

    70. Parāmāsasampayutto dhammo parāmāsasampayuttassa dhammassa sahajātapaccayena paccayo… pañca… aññamaññapaccayena paccayo… dve… nissayapaccayena paccayo… satta.

    ಉಪನಿಸ್ಸಯಪಚ್ಚಯೋ

    Upanissayapaccayo

    ೭೧. ಪರಾಮಾಸಸಮ್ಪಯುತ್ತೋ ಧಮ್ಮೋ ಪರಾಮಾಸಸಮ್ಪಯುತ್ತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಪರಾಮಾಸಸಮ್ಪಯುತ್ತೋ ರಾಗೋ… ಮೋಹೋ… ಪತ್ಥನಾ ಪರಾಮಾಸಸಮ್ಪಯುತ್ತಸ್ಸ ರಾಗಸ್ಸ… ಮೋಹಸ್ಸ… ಪತ್ಥನಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೧)

    71. Parāmāsasampayutto dhammo parāmāsasampayuttassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – parāmāsasampayutto rāgo… moho… patthanā parāmāsasampayuttassa rāgassa… mohassa… patthanāya upanissayapaccayena paccayo. (1)

    ಪರಾಮಾಸಸಮ್ಪಯುತ್ತೋ ಧಮ್ಮೋ ಪರಾಮಾಸವಿಪ್ಪಯುತ್ತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಪರಾಮಾಸಸಮ್ಪಯುತ್ತಂ ರಾಗಂ ಉಪನಿಸ್ಸಾಯ ದಾನಂ ದೇತಿ…ಪೇ॰… ಸಮಾಪತ್ತಿಂ ಉಪ್ಪಾದೇತಿ, ಮಾನಂ ಜಪ್ಪೇತಿ; ಪರಾಮಾಸಸಮ್ಪಯುತ್ತಂ ಮೋಹಂ… ಪತ್ಥನಂ ಉಪನಿಸ್ಸಾಯ ದಾನಂ ದೇತಿ…ಪೇ॰… ಸಮಾಪತ್ತಿಂ ಉಪ್ಪಾದೇತಿ, ಮಾನಂ ಜಪ್ಪೇತಿ, ಪಾಣಂ ಹನತಿ…ಪೇ॰… ಸಙ್ಘಂ ಭಿನ್ದತಿ; ಪರಾಮಾಸಸಮ್ಪಯುತ್ತೋ ರಾಗೋ… ಮೋಹೋ… ಪತ್ಥನಾ ಸದ್ಧಾಯ …ಪೇ॰… ಪಞ್ಞಾಯ, ರಾಗಸ್ಸ… ದೋಸಸ್ಸ… ಮೋಹಸ್ಸ… ಮಾನಸ್ಸ… ಪತ್ಥನಾಯ… ಕಾಯಿಕಸ್ಸ ಸುಖಸ್ಸ…ಪೇ॰… ಫಲಸಮಾಪತ್ತಿಯಾ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೨)

    Parāmāsasampayutto dhammo parāmāsavippayuttassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – parāmāsasampayuttaṃ rāgaṃ upanissāya dānaṃ deti…pe… samāpattiṃ uppādeti, mānaṃ jappeti; parāmāsasampayuttaṃ mohaṃ… patthanaṃ upanissāya dānaṃ deti…pe… samāpattiṃ uppādeti, mānaṃ jappeti, pāṇaṃ hanati…pe… saṅghaṃ bhindati; parāmāsasampayutto rāgo… moho… patthanā saddhāya …pe… paññāya, rāgassa… dosassa… mohassa… mānassa… patthanāya… kāyikassa sukhassa…pe… phalasamāpattiyā upanissayapaccayena paccayo. (2)

    ೭೨. ಪರಾಮಾಸವಿಪ್ಪಯುತ್ತೋ ಧಮ್ಮೋ ಪರಾಮಾಸವಿಪ್ಪಯುತ್ತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಸದ್ಧಂ ಉಪನಿಸ್ಸಾಯ ದಾನಂ ದೇತಿ …ಪೇ॰… ಸಮಾಪತ್ತಿಂ ಉಪ್ಪಾದೇತಿ, ಮಾನಂ ಜಪ್ಪೇತಿ; ಸೀಲಂ…ಪೇ॰… ಪಞ್ಞಂ, ರಾಗಂ…ಪೇ॰… ಮಾನಂ…ಪೇ॰… ಪತ್ಥನಂ ಉಪನಿಸ್ಸಾಯ ದಾನಂ ದೇತಿ…ಪೇ॰… ಸಮಾಪತ್ತಿಂ ಉಪ್ಪಾದೇತಿ, ಪಾಣಂ ಹನತಿ…ಪೇ॰… ಸಙ್ಘಂ ಭಿನ್ದತಿ; ಕಾಯಿಕಂ ಸುಖಂ…ಪೇ॰… ಸೇನಾಸನಂ ಉಪನಿಸ್ಸಾಯ ದಾನಂ ದೇತಿ…ಪೇ॰… ಸಙ್ಘಂ ಭಿನ್ದತಿ; ಸದ್ಧಾ…ಪೇ॰… ಪಞ್ಞಾ, ರಾಗೋ…ಪೇ॰… ಮಾನೋ… ಪತ್ಥನಾ… ಕಾಯಿಕಂ ಸುಖಂ…ಪೇ॰… ಸೇನಾಸನಂ ಸದ್ಧಾಯ…ಪೇ॰… ಪಞ್ಞಾಯ, ರಾಗಸ್ಸ…ಪೇ॰… ಮಾನಸ್ಸ… ಪತ್ಥನಾಯ… ಕಾಯಿಕಸ್ಸ ಸುಖಸ್ಸ…ಪೇ॰… ಫಲಸಮಾಪತ್ತಿಯಾ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೧)

    72. Parāmāsavippayutto dhammo parāmāsavippayuttassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – saddhaṃ upanissāya dānaṃ deti …pe… samāpattiṃ uppādeti, mānaṃ jappeti; sīlaṃ…pe… paññaṃ, rāgaṃ…pe… mānaṃ…pe… patthanaṃ upanissāya dānaṃ deti…pe… samāpattiṃ uppādeti, pāṇaṃ hanati…pe… saṅghaṃ bhindati; kāyikaṃ sukhaṃ…pe… senāsanaṃ upanissāya dānaṃ deti…pe… saṅghaṃ bhindati; saddhā…pe… paññā, rāgo…pe… māno… patthanā… kāyikaṃ sukhaṃ…pe… senāsanaṃ saddhāya…pe… paññāya, rāgassa…pe… mānassa… patthanāya… kāyikassa sukhassa…pe… phalasamāpattiyā upanissayapaccayena paccayo. (1)

    ಪರಾಮಾಸವಿಪ್ಪಯುತ್ತೋ ಧಮ್ಮೋ ಪರಾಮಾಸಸಮ್ಪಯುತ್ತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಸದ್ಧಂ ಉಪನಿಸ್ಸಾಯ ಪರಾಮಾಸಸಮ್ಪಯುತ್ತೋ ರಾಗೋ ಉಪ್ಪಜ್ಜತಿ; ಸೀಲಂ…ಪೇ॰… ಸೇನಾಸನಂ ಉಪನಿಸ್ಸಾಯ ಪರಾಮಾಸಸಮ್ಪಯುತ್ತೋ ರಾಗೋ ಉಪ್ಪಜ್ಜತಿ; ಸದ್ಧಾ…ಪೇ॰… ಸೇನಾಸನಂ ಪರಾಮಾಸಸಮ್ಪಯುತ್ತಸ್ಸ ರಾಗಸ್ಸ…ಪೇ॰… ಪತ್ಥನಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೨)

    Parāmāsavippayutto dhammo parāmāsasampayuttassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – saddhaṃ upanissāya parāmāsasampayutto rāgo uppajjati; sīlaṃ…pe… senāsanaṃ upanissāya parāmāsasampayutto rāgo uppajjati; saddhā…pe… senāsanaṃ parāmāsasampayuttassa rāgassa…pe… patthanāya upanissayapaccayena paccayo. (2)

    ಪುರೇಜಾತಪಚ್ಚಯೋ

    Purejātapaccayo

    ೭೩. ಪರಾಮಾಸವಿಪ್ಪಯುತ್ತೋ ಧಮ್ಮೋ ಪರಾಮಾಸವಿಪ್ಪಯುತ್ತಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ। ಆರಮ್ಮಣಪುರೇಜಾತಂ – ಚಕ್ಖುಂ…ಪೇ॰… ವತ್ಥುಂ ಅನಿಚ್ಚತೋ…ಪೇ॰… ವಿಪಸ್ಸತಿ, ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಪರಾಮಾಸವಿಪ್ಪಯುತ್ತೋ ರಾಗೋ…ಪೇ॰… ವಿಚಿಕಿಚ್ಛಾ…ಪೇ॰… ಉದ್ಧಚ್ಚಂ…ಪೇ॰… ದೋಮನಸ್ಸಂ ಉಪ್ಪಜ್ಜತಿ; ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ। ರೂಪಾಯತನಂ ಚಕ್ಖುವಿಞ್ಞಾಣಸ್ಸ…ಪೇ॰… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ। ವತ್ಥುಪುರೇಜಾತಂ – ಚಕ್ಖಾಯತನಂ ಚಕ್ಖುವಿಞ್ಞಾಣಸ್ಸ …ಪೇ॰… ಕಾಯಾಯತನಂ ಕಾಯವಿಞ್ಞಾಣಸ್ಸ…ಪೇ॰… ವತ್ಥು ಪರಾಮಾಸವಿಪ್ಪಯುತ್ತಾನಂ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ। (೧)

    73. Parāmāsavippayutto dhammo parāmāsavippayuttassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ aniccato…pe… vipassati, assādeti abhinandati, taṃ ārabbha parāmāsavippayutto rāgo…pe… vicikicchā…pe… uddhaccaṃ…pe… domanassaṃ uppajjati; dibbena cakkhunā rūpaṃ passati, dibbāya sotadhātuyā saddaṃ suṇāti. Rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa purejātapaccayena paccayo. Vatthupurejātaṃ – cakkhāyatanaṃ cakkhuviññāṇassa …pe… kāyāyatanaṃ kāyaviññāṇassa…pe… vatthu parāmāsavippayuttānaṃ khandhānaṃ purejātapaccayena paccayo. (1)

    ಪರಾಮಾಸವಿಪ್ಪಯುತ್ತೋ ಧಮ್ಮೋ ಪರಾಮಾಸಸಮ್ಪಯುತ್ತಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ। ಆರಮ್ಮಣಪುರೇಜಾತಂ – ಚಕ್ಖುಂ…ಪೇ॰… ವತ್ಥುಂ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಪರಾಮಾಸಸಮ್ಪಯುತ್ತೋ ರಾಗೋ ಉಪ್ಪಜ್ಜತಿ। ವತ್ಥುಪುರೇಜಾತಂ – ವತ್ಥು ಪರಾಮಾಸಸಮ್ಪಯುತ್ತಕಾನಂ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ। (೨)

    Parāmāsavippayutto dhammo parāmāsasampayuttassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ assādeti abhinandati, taṃ ārabbha parāmāsasampayutto rāgo uppajjati. Vatthupurejātaṃ – vatthu parāmāsasampayuttakānaṃ khandhānaṃ purejātapaccayena paccayo. (2)

    ಪಚ್ಛಾಜಾತಾಸೇವನಪಚ್ಚಯಾ

    Pacchājātāsevanapaccayā

    ೭೪. ಪರಾಮಾಸಸಮ್ಪಯುತ್ತೋ ಧಮ್ಮೋ ಪರಾಮಾಸವಿಪ್ಪಯುತ್ತಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ (ಸಂಖಿತ್ತಂ)। (೧)

    74. Parāmāsasampayutto dhammo parāmāsavippayuttassa dhammassa pacchājātapaccayena paccayo (saṃkhittaṃ). (1)

    ಪರಾಮಾಸವಿಪ್ಪಯುತ್ತೋ ಧಮ್ಮೋ ಪರಾಮಾಸವಿಪ್ಪಯುತ್ತಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ (ಸಂಖಿತ್ತಂ)। (೧)

    Parāmāsavippayutto dhammo parāmāsavippayuttassa dhammassa pacchājātapaccayena paccayo (saṃkhittaṃ). (1)

    ಪರಾಮಾಸಸಮ್ಪಯುತ್ತೋ ಧಮ್ಮೋ ಪರಾಮಾಸಸಮ್ಪಯುತ್ತಸ್ಸ ಧಮ್ಮಸ್ಸ ಆಸೇವನಪಚ್ಚಯೇನ ಪಚ್ಚಯೋ… ದ್ವೇ।

    Parāmāsasampayutto dhammo parāmāsasampayuttassa dhammassa āsevanapaccayena paccayo… dve.

    ಕಮ್ಮಪಚ್ಚಯಾದಿ

    Kammapaccayādi

    ೭೫. ಪರಾಮಾಸಸಮ್ಪಯುತ್ತೋ ಧಮ್ಮೋ ಪರಾಮಾಸಸಮ್ಪಯುತ್ತಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಪರಾಮಾಸಸಮ್ಪಯುತ್ತಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಕಮ್ಮಪಚ್ಚಯೇನ ಪಚ್ಚಯೋ। (೧)

    75. Parāmāsasampayutto dhammo parāmāsasampayuttassa dhammassa kammapaccayena paccayo – parāmāsasampayuttā cetanā sampayuttakānaṃ khandhānaṃ kammapaccayena paccayo. (1)

    ಪರಾಮಾಸಸಮ್ಪಯುತ್ತೋ ಧಮ್ಮೋ ಪರಾಮಾಸವಿಪ್ಪಯುತ್ತಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ। ಸಹಜಾತಾ – ಪರಾಮಾಸಸಮ್ಪಯುತ್ತಾ ಚೇತನಾ ಚಿತ್ತಸಮುಟ್ಠಾನಾನಂ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ। ನಾನಾಕ್ಖಣಿಕಾ – ಪರಾಮಾಸಸಮ್ಪಯುತ್ತಾ ಚೇತನಾ ವಿಪಾಕಾನಂ ಖನ್ಧಾನಂ ಕಟತ್ತಾ ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ) ಪರಾಮಾಸಸಮ್ಪಯುತ್ತಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ। (೩)

    Parāmāsasampayutto dhammo parāmāsavippayuttassa dhammassa kammapaccayena paccayo – sahajātā, nānākkhaṇikā. Sahajātā – parāmāsasampayuttā cetanā cittasamuṭṭhānānaṃ rūpānaṃ kammapaccayena paccayo. Nānākkhaṇikā – parāmāsasampayuttā cetanā vipākānaṃ khandhānaṃ kaṭattā ca rūpānaṃ kammapaccayena paccayo. (Mūlaṃ kātabbaṃ) parāmāsasampayuttā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo. (3)

    ಪರಾಮಾಸವಿಪ್ಪಯುತ್ತೋ ಧಮ್ಮೋ ಪರಾಮಾಸವಿಪ್ಪಯುತ್ತಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ। ಸಹಜಾತಾ – ಪರಾಮಾಸವಿಪ್ಪಯುತ್ತಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ॰…। ನಾನಾಕ್ಖಣಿಕಾ – ಪರಾಮಾಸವಿಪ್ಪಯುತ್ತಾ ಚೇತನಾ ವಿಪಾಕಾನಂ ಖನ್ಧಾನಂ ಕಟತ್ತಾ ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ। (೧)

    Parāmāsavippayutto dhammo parāmāsavippayuttassa dhammassa kammapaccayena paccayo – sahajātā, nānākkhaṇikā. Sahajātā – parāmāsavippayuttā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo; paṭisandhikkhaṇe…pe…. Nānākkhaṇikā – parāmāsavippayuttā cetanā vipākānaṃ khandhānaṃ kaṭattā ca rūpānaṃ kammapaccayena paccayo. (1)

    ವಿಪಾಕಪಚ್ಚಯೇನ ಪಚ್ಚಯೋ… ಏಕಂ, ಆಹಾರಪಚ್ಚಯೇನ ಪಚ್ಚಯೋ… ಚತ್ತಾರಿ, ಇನ್ದ್ರಿಯಪಚ್ಚಯೇನ ಪಚ್ಚಯೋ… ಚತ್ತಾರಿ, ಝಾನಪಚ್ಚಯೇನ ಪಚ್ಚಯೋ… ಚತ್ತಾರಿ, ಮಗ್ಗಪಚ್ಚಯೇನ ಪಚ್ಚಯೋ… ಚತ್ತಾರಿ, ಸಮ್ಪಯುತ್ತಪಚ್ಚಯೇನ ಪಚ್ಚಯೋ… ದ್ವೇ।

    Vipākapaccayena paccayo… ekaṃ, āhārapaccayena paccayo… cattāri, indriyapaccayena paccayo… cattāri, jhānapaccayena paccayo… cattāri, maggapaccayena paccayo… cattāri, sampayuttapaccayena paccayo… dve.

    ವಿಪ್ಪಯುತ್ತಪಚ್ಚಯೋ

    Vippayuttapaccayo

    ೭೬. ಪರಾಮಾಸಸಮ್ಪಯುತ್ತೋ ಧಮ್ಮೋ ಪರಾಮಾಸವಿಪ್ಪಯುತ್ತಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ (ಸಂಖಿತ್ತಂ)। (೧)

    76. Parāmāsasampayutto dhammo parāmāsavippayuttassa dhammassa vippayuttapaccayena paccayo – sahajātaṃ, pacchājātaṃ (saṃkhittaṃ). (1)

    ಪರಾಮಾಸವಿಪ್ಪಯುತ್ತೋ ಧಮ್ಮೋ ಪರಾಮಾಸವಿಪ್ಪಯುತ್ತಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ (ಸಂಖಿತ್ತಂ)। (೧)

    Parāmāsavippayutto dhammo parāmāsavippayuttassa dhammassa vippayuttapaccayena paccayo – sahajātaṃ, purejātaṃ, pacchājātaṃ (saṃkhittaṃ). (1)

    ಪರಾಮಾಸವಿಪ್ಪಯುತ್ತೋ ಧಮ್ಮೋ ಪರಾಮಾಸಸಮ್ಪಯುತ್ತಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ। ಪುರೇಜಾತಂ – ವತ್ಥು ಪರಾಮಾಸಮ್ಪಯುತ್ತಕಾನಂ ಖನ್ಧಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ। (೧)

    Parāmāsavippayutto dhammo parāmāsasampayuttassa dhammassa vippayuttapaccayena paccayo. Purejātaṃ – vatthu parāmāsampayuttakānaṃ khandhānaṃ vippayuttapaccayena paccayo. (1)

    ಅತ್ಥಿಪಚ್ಚಯೋ

    Atthipaccayo

    ೭೭. ಪರಾಮಾಸಸಮ್ಪಯುತ್ತೋ ಧಮ್ಮೋ ಪರಾಮಾಸಸಮ್ಪಯುತ್ತಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಪರಾಮಾಸಸಮ್ಪಯುತ್ತೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ॰… ದ್ವೇ ಖನ್ಧಾ…ಪೇ॰…। (೧)

    77. Parāmāsasampayutto dhammo parāmāsasampayuttassa dhammassa atthipaccayena paccayo – parāmāsasampayutto eko khandho tiṇṇannaṃ khandhānaṃ atthipaccayena paccayo…pe… dve khandhā…pe…. (1)

    ಪರಾಮಾಸಸಮ್ಪಯುತ್ತೋ ಧಮ್ಮೋ ಪರಾಮಾಸವಿಪ್ಪಯುತ್ತಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಪರಾಮಾಸಸಮ್ಪಯುತ್ತಾ ಖನ್ಧಾ ಚಿತ್ತಸಮುಟ್ಠಾನಾನಂ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ। (ಮೂಲಂ ಕಾತಬ್ಬಂ।) (೨)

    Parāmāsasampayutto dhammo parāmāsavippayuttassa dhammassa atthipaccayena paccayo – parāmāsasampayuttā khandhā cittasamuṭṭhānānaṃ rūpānaṃ atthipaccayena paccayo. (Mūlaṃ kātabbaṃ.) (2)

    ಪರಾಮಾಸಸಮ್ಪಯುತ್ತೋ ಧಮ್ಮೋ ಪರಾಮಾಸಸಮ್ಪಯುತ್ತಸ್ಸ ಚ ಪರಾಮಾಸವಿಪ್ಪಯುತ್ತಸ್ಸ ಚ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಪರಾಮಾಸಸಮ್ಪಯುತ್ತೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ॰… ದ್ವೇ ಖನ್ಧಾ…ಪೇ॰…। (೩)

    Parāmāsasampayutto dhammo parāmāsasampayuttassa ca parāmāsavippayuttassa ca dhammassa atthipaccayena paccayo – parāmāsasampayutto eko khandho tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo…pe… dve khandhā…pe…. (3)

    ೭೮. ಪರಾಮಾಸವಿಪ್ಪಯುತ್ತೋ ಧಮ್ಮೋ ಪರಾಮಾಸವಿಪ್ಪಯುತ್ತಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ (ಸಂಖಿತ್ತಂ)। (೧)

    78. Parāmāsavippayutto dhammo parāmāsavippayuttassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ, indriyaṃ (saṃkhittaṃ). (1)

    ಪರಾಮಾಸವಿಪ್ಪಯುತ್ತೋ ಧಮ್ಮೋ ಪರಾಮಾಸಸಮ್ಪಯುತ್ತಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ। ಪುರೇಜಾತಂ – ಚಕ್ಖುಂ…ಪೇ॰… ವತ್ಥುಂ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಪರಾಮಾಸಸಮ್ಪಯುತ್ತೋ ರಾಗೋ ಉಪ್ಪಜ್ಜತಿ, ವತ್ಥು ಪರಾಮಾಸಸಮ್ಪಯುತ್ತಕಾನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ। (೨)

    Parāmāsavippayutto dhammo parāmāsasampayuttassa dhammassa atthipaccayena paccayo. Purejātaṃ – cakkhuṃ…pe… vatthuṃ assādeti abhinandati, taṃ ārabbha parāmāsasampayutto rāgo uppajjati, vatthu parāmāsasampayuttakānaṃ khandhānaṃ atthipaccayena paccayo. (2)

    ೭೯. ಪರಾಮಾಸಸಮ್ಪಯುತ್ತೋ ಚ ಪರಾಮಾಸವಿಪ್ಪಯುತ್ತೋ ಚ ಧಮ್ಮಾ ಪರಾಮಾಸಸಮ್ಪಯುತ್ತಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ। ಸಹಜಾತೋ – ಪರಾಮಾಸಸಮ್ಪಯುತ್ತೋ ಏಕೋ ಖನ್ಧೋ ಚ ವತ್ಥು ಚ ತಿಣ್ಣನ್ನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ॰… ದ್ವೇ ಖನ್ಧಾ ಚ…ಪೇ॰…। (೧)

    79. Parāmāsasampayutto ca parāmāsavippayutto ca dhammā parāmāsasampayuttassa dhammassa atthipaccayena paccayo – sahajātaṃ, purejātaṃ. Sahajāto – parāmāsasampayutto eko khandho ca vatthu ca tiṇṇannaṃ khandhānaṃ atthipaccayena paccayo…pe… dve khandhā ca…pe…. (1)

    ಪರಾಮಾಸಸಮ್ಪಯುತ್ತೋ ಚ ಪರಾಮಾಸವಿಪ್ಪಯುತ್ತೋ ಚ ಧಮ್ಮಾ ಪರಾಮಾಸವಿಪ್ಪಯುತ್ತಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ। ಸಹಜಾತಾ – ಪರಾಮಾಸಸಮ್ಪಯುತ್ತಾ ಖನ್ಧಾ ಚ ಮಹಾಭೂತಾ ಚ ಚಿತ್ತಸಮುಟ್ಠಾನಾನಂ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ। ಪಚ್ಛಾಜಾತಾ – ಪರಾಮಾಸಸಮ್ಪಯುತ್ತಾ ಖನ್ಧಾ ಚ ಕಬಳೀಕಾರೋ ಆಹಾರೋ ಚ ಇಮಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ। ಪಚ್ಛಾಜಾತಾ – ಪರಾಮಾಸಸಮ್ಪಯುತ್ತಾ ಖನ್ಧಾ ಚ ರೂಪಜೀವಿತಿನ್ದ್ರಿಯಞ್ಚ ಕಟತ್ತಾರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ। (೨)

    Parāmāsasampayutto ca parāmāsavippayutto ca dhammā parāmāsavippayuttassa dhammassa atthipaccayena paccayo – sahajātaṃ, pacchājātaṃ, āhāraṃ, indriyaṃ. Sahajātā – parāmāsasampayuttā khandhā ca mahābhūtā ca cittasamuṭṭhānānaṃ rūpānaṃ atthipaccayena paccayo. Pacchājātā – parāmāsasampayuttā khandhā ca kabaḷīkāro āhāro ca imassa kāyassa atthipaccayena paccayo. Pacchājātā – parāmāsasampayuttā khandhā ca rūpajīvitindriyañca kaṭattārūpānaṃ atthipaccayena paccayo. (2)

    ೧. ಪಚ್ಚಯಾನುಲೋಮಂ

    1. Paccayānulomaṃ

    ೨. ಸಙ್ಖ್ಯಾವಾರೋ

    2. Saṅkhyāvāro

    ಸುದ್ಧಂ

    Suddhaṃ

    ೮೦. ಹೇತುಯಾ ಚತ್ತಾರಿ, ಆರಮ್ಮಣೇ ಚತ್ತಾರಿ, ಅಧಿಪತಿಯಾ ಪಞ್ಚ, ಅನನ್ತರೇ ಚತ್ತಾರಿ, ಸಮನನ್ತರೇ ಚತ್ತಾರಿ, ಸಹಜಾತೇ ಪಞ್ಚ, ಅಞ್ಞಮಞ್ಞೇ ದ್ವೇ, ನಿಸ್ಸಯೇ ಸತ್ತ, ಉಪನಿಸ್ಸಯೇ ಚತ್ತಾರಿ, ಪುರೇಜಾತೇ ದ್ವೇ, ಪಚ್ಛಾಜಾತೇ ದ್ವೇ, ಆಸೇವನೇ ದ್ವೇ, ಕಮ್ಮೇ ಚತ್ತಾರಿ, ವಿಪಾಕೇ ಏಕಂ, ಆಹಾರೇ ಚತ್ತಾರಿ, ಇನ್ದ್ರಿಯೇ ಚತ್ತಾರಿ, ಝಾನೇ ಚತ್ತಾರಿ, ಮಗ್ಗೇ ಚತ್ತಾರಿ, ಸಮ್ಪಯುತ್ತೇ ದ್ವೇ, ವಿಪ್ಪಯುತ್ತೇ ತೀಣಿ, ಅತ್ಥಿಯಾ ಸತ್ತ, ನತ್ಥಿಯಾ ಚತ್ತಾರಿ, ವಿಗತೇ ಚತ್ತಾರಿ, ಅವಿಗತೇ ಸತ್ತ।

    80. Hetuyā cattāri, ārammaṇe cattāri, adhipatiyā pañca, anantare cattāri, samanantare cattāri, sahajāte pañca, aññamaññe dve, nissaye satta, upanissaye cattāri, purejāte dve, pacchājāte dve, āsevane dve, kamme cattāri, vipāke ekaṃ, āhāre cattāri, indriye cattāri, jhāne cattāri, magge cattāri, sampayutte dve, vippayutte tīṇi, atthiyā satta, natthiyā cattāri, vigate cattāri, avigate satta.

    ಅನುಲೋಮಂ।

    Anulomaṃ.

    ಪಚ್ಚನೀಯುದ್ಧಾರೋ

    Paccanīyuddhāro

    ೮೧. ಪರಾಮಾಸಸಮ್ಪಯುತ್ತೋ ಧಮ್ಮೋ ಪರಾಮಾಸಸಮ್ಪಯುತ್ತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೧)

    81. Parāmāsasampayutto dhammo parāmāsasampayuttassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (1)

    ಪರಾಮಾಸಸಮ್ಪಯುತ್ತೋ ಧಮ್ಮೋ ಪರಾಮಾಸವಿಪ್ಪಯುತ್ತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ। (೨)

    Parāmāsasampayutto dhammo parāmāsavippayuttassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo… kammapaccayena paccayo. (2)

    ಪರಾಮಾಸಸಮ್ಪಯುತ್ತೋ ಧಮ್ಮೋ ಪರಾಮಾಸಸಮ್ಪಯುತ್ತಸ್ಸ ಚ ಪರಾಮಾಸವಿಪ್ಪಯುತ್ತಸ್ಸ ಚ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ। (೩)

    Parāmāsasampayutto dhammo parāmāsasampayuttassa ca parāmāsavippayuttassa ca dhammassa sahajātapaccayena paccayo. (3)

    ೮೨. ಪರಾಮಾಸವಿಪ್ಪಯುತ್ತೋ ಧಮ್ಮೋ ಪರಾಮಾಸವಿಪ್ಪಯುತ್ತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ… ಆಹಾರಪಚ್ಚಯೇನ ಪಚ್ಚಯೋ… ಇನ್ದ್ರಿಯಪಚ್ಚಯೇನ ಪಚ್ಚಯೋ। (೧)

    82. Parāmāsavippayutto dhammo parāmāsavippayuttassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo… pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. (1)

    ಪರಾಮಾಸವಿಪ್ಪಯುತ್ತೋ ಧಮ್ಮೋ ಪರಾಮಾಸಸಮ್ಪಯುತ್ತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ। (೨)

    Parāmāsavippayutto dhammo parāmāsasampayuttassa dhammassa ārammaṇapaccayena paccayo… upanissayapaccayena paccayo… purejātapaccayena paccayo. (2)

    ಪರಾಮಾಸಸಮ್ಪಯುತ್ತೋ ಚ ಪರಾಮಾಸವಿಪ್ಪಯುತ್ತೋ ಚ ಧಮ್ಮಾ ಪರಾಮಾಸಸಮ್ಪಯುತ್ತಸ್ಸ ಧಮ್ಮಸ್ಸ ಸಹಜಾತಂ, ಪುರೇಜಾತಂ। (೧)

    Parāmāsasampayutto ca parāmāsavippayutto ca dhammā parāmāsasampayuttassa dhammassa sahajātaṃ, purejātaṃ. (1)

    ಪರಾಮಾಸಸಮ್ಪಯುತ್ತೋ ಚ ಪರಾಮಾಸವಿಪ್ಪಯುತ್ತೋ ಚ ಧಮ್ಮಾ ಪರಾಮಾಸವಿಪ್ಪಯುತ್ತಸ್ಸ ಧಮ್ಮಸ್ಸ ಸಹಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ। (೨)

    Parāmāsasampayutto ca parāmāsavippayutto ca dhammā parāmāsavippayuttassa dhammassa sahajātaṃ, pacchājātaṃ, āhāraṃ, indriyaṃ. (2)

    ೨. ಪಚ್ಚಯಪಚ್ಚನೀಯಂ

    2. Paccayapaccanīyaṃ

    ೨. ಸಙ್ಖ್ಯಾವಾರೋ

    2. Saṅkhyāvāro

    ಸುದ್ಧಂ

    Suddhaṃ

    ೮೩. ನಹೇತುಯಾ ಸತ್ತ, ನಆರಮ್ಮಣೇ ಸತ್ತ, ನಅಧಿಪತಿಯಾ ಸತ್ತ, ನಅನನ್ತರೇ ಸತ್ತ, ನಸಮನನ್ತರೇ ಸತ್ತ, ನಸಹಜಾತೇ ಪಞ್ಚ, ನಅಞ್ಞಮಞ್ಞೇ ಪಞ್ಚ, ನನಿಸ್ಸಯೇ ಪಞ್ಚ, ನಉಪನಿಸ್ಸಯೇ ಸತ್ತ, ನಪುರೇಜಾತೇ ಛ, ನಪಚ್ಛಾಜಾತೇ ಸತ್ತ (ಸಬ್ಬತ್ಥ ಸತ್ತ), ನಮಗ್ಗೇ ಸತ್ತ, ನಸಮ್ಪಯುತ್ತೇ ಪಞ್ಚ, ನವಿಪ್ಪಯುತ್ತೇ ಚತ್ತಾರಿ, ನೋಅತ್ಥಿಯಾ ಚತ್ತಾರಿ, ನೋನತ್ಥಿಯಾ ಸತ್ತ, ನೋವಿಗತೇ ಸತ್ತ, ನೋಅವಿಗತೇ ಚತ್ತಾರಿ।

    83. Nahetuyā satta, naārammaṇe satta, naadhipatiyā satta, naanantare satta, nasamanantare satta, nasahajāte pañca, naaññamaññe pañca, nanissaye pañca, naupanissaye satta, napurejāte cha, napacchājāte satta (sabbattha satta), namagge satta, nasampayutte pañca, navippayutte cattāri, noatthiyā cattāri, nonatthiyā satta, novigate satta, noavigate cattāri.

    ೩. ಪಚ್ಚಯಾನುಲೋಮಪಚ್ಚನೀಯಂ

    3. Paccayānulomapaccanīyaṃ

    ಹೇತುದುಕಂ

    Hetudukaṃ

    ೮೪. ಹೇತುಪಚ್ಚಯಾ ನಆರಮ್ಮಣೇ ಚತ್ತಾರಿ, ನಅಧಿಪತಿಯಾ ಚತ್ತಾರಿ, ನಅನನ್ತರೇ ಚತ್ತಾರಿ, ನಸಮನನ್ತರೇ ಚತ್ತಾರಿ, ನಅಞ್ಞಮಞ್ಞೇ ದ್ವೇ, ನಉಪನಿಸ್ಸಯೇ ಚತ್ತಾರಿ (ಸಬ್ಬತ್ಥ ಚತ್ತಾರಿ), ನಮಗ್ಗೇ ಚತ್ತಾರಿ, ನಸಮ್ಪಯುತ್ತೇ ದ್ವೇ, ನವಿಪ್ಪಯುತ್ತೇ ದ್ವೇ, ನೋನತ್ಥಿಯಾ ಚತ್ತಾರಿ, ನೋವಿಗತೇ ಚತ್ತಾರಿ।

    84. Hetupaccayā naārammaṇe cattāri, naadhipatiyā cattāri, naanantare cattāri, nasamanantare cattāri, naaññamaññe dve, naupanissaye cattāri (sabbattha cattāri), namagge cattāri, nasampayutte dve, navippayutte dve, nonatthiyā cattāri, novigate cattāri.

    ೪. ಪಚ್ಚಯಪಚ್ಚನೀಯಾನುಲೋಮಂ

    4. Paccayapaccanīyānulomaṃ

    ೮೫. ನಹೇತುಪಚ್ಚಯಾ ಆರಮ್ಮಣೇ ಚತ್ತಾರಿ, ಅಧಿಪತಿಯಾ ಪಞ್ಚ (ಅನುಲೋಮಮಾತಿಕಾ ಕಾತಬ್ಬಾ)…ಪೇ॰… ಅವಿಗತೇ ಸತ್ತ।

    85. Nahetupaccayā ārammaṇe cattāri, adhipatiyā pañca (anulomamātikā kātabbā)…pe… avigate satta.

    ಪರಾಮಾಸಸಮ್ಪಯುತ್ತದುಕಂ ನಿಟ್ಠಿತಂ।

    Parāmāsasampayuttadukaṃ niṭṭhitaṃ.

    ೫೩. ಪರಾಮಾಸಪರಾಮಟ್ಠದುಕಂ

    53. Parāmāsaparāmaṭṭhadukaṃ

    ೧. ಪಟಿಚ್ಚವಾರೋ

    1. Paṭiccavāro

    ೧. ಪಚ್ಚಯಾನುಲೋಮಂ

    1. Paccayānulomaṃ

    ೧. ವಿಭಙ್ಗವಾರೋ

    1. Vibhaṅgavāro

    ಹೇತುಪಚ್ಚಯೋ

    Hetupaccayo

    ೮೬. ಪರಾಮಾಸಞ್ಚೇವ ಪರಾಮಟ್ಠಞ್ಚ ಧಮ್ಮಂ ಪಟಿಚ್ಚ ಪರಾಮಟ್ಠೋ ಚೇವ ನೋ ಚ ಪರಾಮಾಸೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಪರಾಮಾಸಂ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ। (೧)

    86. Parāmāsañceva parāmaṭṭhañca dhammaṃ paṭicca parāmaṭṭho ceva no ca parāmāso dhammo uppajjati hetupaccayā – parāmāsaṃ paṭicca sampayuttakā khandhā cittasamuṭṭhānañca rūpaṃ. (1)

    ಪರಾಮಟ್ಠಞ್ಚೇವ ನೋ ಚ ಪರಾಮಾಸಂ ಧಮ್ಮಂ ಪಟಿಚ್ಚ ಪರಾಮಟ್ಠೋ ಚೇವ ನೋ ಚ ಪರಾಮಾಸೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಪರಾಮಟ್ಠಞ್ಚೇವ ನೋ ಚ ಪರಾಮಾಸಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰… ಪಟಿಸನ್ಧಿಕ್ಖಣೇ…ಪೇ॰… (ಯಾವ ಅಜ್ಝತ್ತಿಕಾ ಮಹಾಭೂತಾ)। (೧)

    Parāmaṭṭhañceva no ca parāmāsaṃ dhammaṃ paṭicca parāmaṭṭho ceva no ca parāmāso dhammo uppajjati hetupaccayā – parāmaṭṭhañceva no ca parāmāsaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe… (yāva ajjhattikā mahābhūtā). (1)

    ಪರಾಮಟ್ಠಞ್ಚೇವ ನೋ ಚ ಪರಾಮಾಸಂ ಧಮ್ಮಂ ಪಟಿಚ್ಚ ಪರಾಮಾಸೋ ಚೇವ ಪರಾಮಟ್ಠೋ ಚ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಪರಾಮಟ್ಠೇ ಚೇವ ನೋ ಚ ಪರಾಮಾಸೇ ಖನ್ಧೇ ಪಟಿಚ್ಚ ಪರಾಮಾಸೋ। (೨)

    Parāmaṭṭhañceva no ca parāmāsaṃ dhammaṃ paṭicca parāmāso ceva parāmaṭṭho ca dhammo uppajjati hetupaccayā – parāmaṭṭhe ceva no ca parāmāse khandhe paṭicca parāmāso. (2)

    ಪರಾಮಟ್ಠಞ್ಚೇವ ನೋ ಚ ಪರಾಮಾಸಂ ಧಮ್ಮಂ ಪಟಿಚ್ಚ ಪರಾಮಾಸೋ ಚೇವ ಪರಾಮಟ್ಠೋ ಚ ಪರಾಮಟ್ಠೋ ಚೇವ ನೋ ಚ ಪರಾಮಾಸೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಪರಾಮಟ್ಠಞ್ಚೇವ ನೋ ಚ ಪರಾಮಾಸಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಪರಾಮಾಸೋ ಚ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰…। (೩)

    Parāmaṭṭhañceva no ca parāmāsaṃ dhammaṃ paṭicca parāmāso ceva parāmaṭṭho ca parāmaṭṭho ceva no ca parāmāso ca dhammā uppajjanti hetupaccayā – parāmaṭṭhañceva no ca parāmāsaṃ ekaṃ khandhaṃ paṭicca tayo khandhā parāmāso ca cittasamuṭṭhānañca rūpaṃ…pe… dve khandhe…pe…. (3)

    ಪರಾಮಾಸಞ್ಚೇವ ಪರಾಮಟ್ಠಞ್ಚ ಪರಾಮಟ್ಠಞ್ಚೇವ ನೋ ಚ ಪರಾಮಾಸಞ್ಚ ಧಮ್ಮಂ ಪಟಿಚ್ಚ ಪರಾಮಟ್ಠೋ ಚೇವ ನೋ ಚ ಪರಾಮಾಸೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಪರಾಮಟ್ಠಞ್ಚೇವ ನೋ ಚ ಪರಾಮಾಸಂ ಏಕಂ ಖನ್ಧಞ್ಚ ಪರಾಮಾಸಞ್ಚ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ ಚ…ಪೇ॰… (ಸಂಖಿತ್ತಂ)।

    Parāmāsañceva parāmaṭṭhañca parāmaṭṭhañceva no ca parāmāsañca dhammaṃ paṭicca parāmaṭṭho ceva no ca parāmāso dhammo uppajjati hetupaccayā – parāmaṭṭhañceva no ca parāmāsaṃ ekaṃ khandhañca parāmāsañca paṭicca tayo khandhā cittasamuṭṭhānañca rūpaṃ…pe… dve khandhe ca…pe… (saṃkhittaṃ).

    ೨-೬. ಸಹಜಾತ-ಪಚ್ಚಯ-ನಿಸ್ಸಯ-ಸಂಸಟ್ಠ-ಸಮ್ಪಯುತ್ತವಾರೋ

    2-6. Sahajāta-paccaya-nissaya-saṃsaṭṭha-sampayuttavāro

    (ಸಬ್ಬೇ ವಾರಾ ಯಥಾ ಪರಾಮಾಸದುಕಂ ಏವಂ ಕಾತಬ್ಬಂ ನಿನ್ನಾನಾಕರಣಂ।)

    (Sabbe vārā yathā parāmāsadukaṃ evaṃ kātabbaṃ ninnānākaraṇaṃ.)

    ೭. ಪಞ್ಹಾವಾರೋ

    7. Pañhāvāro

    ೧. ಪಚ್ಚಯಾನುಲೋಮಂ

    1. Paccayānulomaṃ

    ೧. ವಿಭಙ್ಗವಾರೋ

    1. Vibhaṅgavāro

    ಹೇತುಪಚ್ಚಯೋ

    Hetupaccayo

    ೮೭. ಪರಾಮಟ್ಠೋ ಚೇವ ನೋ ಚ ಪರಾಮಾಸೋ ಧಮ್ಮೋ ಪರಾಮಟ್ಠಸ್ಸ ಚೇವ ನೋ ಚ ಪರಾಮಾಸಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಪರಾಮಟ್ಠಾ ಚೇವ ನೋ ಚ ಪರಾಮಾಸಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ॰…। (೧)

    87. Parāmaṭṭho ceva no ca parāmāso dhammo parāmaṭṭhassa ceva no ca parāmāsassa dhammassa hetupaccayena paccayo – parāmaṭṭhā ceva no ca parāmāsā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo; paṭisandhikkhaṇe…pe…. (1)

    ಪರಾಮಟ್ಠೋ ಚೇವ ನೋ ಚ ಪರಾಮಾಸೋ ಧಮ್ಮೋ ಪರಾಮಾಸಸ್ಸ ಚೇವ ಪರಾಮಟ್ಠಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಪರಾಮಟ್ಠಾ ಚೇವ ನೋ ಚ ಪರಾಮಾಸಾ ಹೇತೂ ಪರಾಮಾಸಸ್ಸ ಹೇತುಪಚ್ಚಯೇನ ಪಚ್ಚಯೋ। (೨)

    Parāmaṭṭho ceva no ca parāmāso dhammo parāmāsassa ceva parāmaṭṭhassa ca dhammassa hetupaccayena paccayo – parāmaṭṭhā ceva no ca parāmāsā hetū parāmāsassa hetupaccayena paccayo. (2)

    ಪರಾಮಟ್ಠೋ ಚೇವ ನೋ ಚ ಪರಾಮಾಸೋ ಧಮ್ಮೋ ಪರಾಮಾಸಸ್ಸ ಚೇವ ಪರಾಮಟ್ಠಸ್ಸ ಚ ಪರಾಮಟ್ಠಸ್ಸ ಚೇವ ನೋ ಚ ಪರಾಮಾಸಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಪರಾಮಟ್ಠಾ ಚೇವ ನೋ ಚ ಪರಾಮಾಸಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಪರಾಮಾಸಸ್ಸ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ। (೩)

    Parāmaṭṭho ceva no ca parāmāso dhammo parāmāsassa ceva parāmaṭṭhassa ca parāmaṭṭhassa ceva no ca parāmāsassa ca dhammassa hetupaccayena paccayo – parāmaṭṭhā ceva no ca parāmāsā hetū sampayuttakānaṃ khandhānaṃ parāmāsassa ca cittasamuṭṭhānānañca rūpānaṃ hetupaccayena paccayo. (3)

    ಆರಮ್ಮಣಪಚ್ಚಯೋ

    Ārammaṇapaccayo

    ೮೮. ಪರಾಮಾಸೋ ಚೇವ ಪರಾಮಟ್ಠೋ ಚ ಧಮ್ಮೋ ಪರಾಮಾಸಸ್ಸ ಚೇವ ಪರಾಮಟ್ಠಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ತೀಣಿ (ಆರಬ್ಭ ಕಾತಬ್ಬಾನಿ ಪರಾಮಾಸದುಕಸದಿಸಂ)।

    88. Parāmāso ceva parāmaṭṭho ca dhammo parāmāsassa ceva parāmaṭṭhassa ca dhammassa ārammaṇapaccayena paccayo… tīṇi (ārabbha kātabbāni parāmāsadukasadisaṃ).

    ೮೯. ಪರಾಮಟ್ಠೋ ಚೇವ ನೋ ಚ ಪರಾಮಾಸೋ ಧಮ್ಮೋ ಪರಾಮಟ್ಠಸ್ಸ ಚೇವ ನೋ ಚ ಪರಾಮಾಸಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ…ಪೇ॰… ಸೀಲಂ…ಪೇ॰… ಉಪೋಸಥಕಮ್ಮಂ ಕತ್ವಾ ತಂ ಪಚ್ಚವೇಕ್ಖತಿ, ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ರಾಗೋ…ಪೇ॰… ವಿಚಿಕಿಚ್ಛಾ, ಉದ್ಧಚ್ಚಂ, ದೋಮನಸ್ಸಂ ಉಪ್ಪಜ್ಜತಿ, ಪುಬ್ಬೇ…ಪೇ॰… ಝಾನಾ…ಪೇ॰… ಅರಿಯಾ ಗೋತ್ರಭುಂ ಪಚ್ಚವೇಕ್ಖನ್ತಿ, ವೋದಾನಂ ಪಚ್ಚವೇಕ್ಖನ್ತಿ, ಪಹೀನೇ ಕಿಲೇಸೇ…ಪೇ॰… ವಿಕ್ಖಮ್ಭಿತೇ ಕಿಲೇಸೇ…ಪೇ॰… ಪುಬ್ಬೇ…ಪೇ॰… ಚಕ್ಖುಂ…ಪೇ॰… ವತ್ಥುಂ ಪರಾಮಟ್ಠೇ ಚೇವ ನೋ ಚ ಪರಾಮಾಸೇ ಖನ್ಧೇ ಅನಿಚ್ಚತೋ…ಪೇ॰… ದೋಮನಸ್ಸಂ ಉಪ್ಪಜ್ಜತಿ। ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ (ಯಾವ ಆವಜ್ಜನಾ ಸಬ್ಬಂ ಕಾತಬ್ಬಂ)। (೧)

    89. Parāmaṭṭho ceva no ca parāmāso dhammo parāmaṭṭhassa ceva no ca parāmāsassa dhammassa ārammaṇapaccayena paccayo – dānaṃ…pe… sīlaṃ…pe… uposathakammaṃ katvā taṃ paccavekkhati, assādeti abhinandati, taṃ ārabbha rāgo…pe… vicikicchā, uddhaccaṃ, domanassaṃ uppajjati, pubbe…pe… jhānā…pe… ariyā gotrabhuṃ paccavekkhanti, vodānaṃ paccavekkhanti, pahīne kilese…pe… vikkhambhite kilese…pe… pubbe…pe… cakkhuṃ…pe… vatthuṃ parāmaṭṭhe ceva no ca parāmāse khandhe aniccato…pe… domanassaṃ uppajjati. Dibbena cakkhunā rūpaṃ passati (yāva āvajjanā sabbaṃ kātabbaṃ). (1)

    ಪರಾಮಟ್ಠೋ ಚೇವ ನೋ ಚ ಪರಾಮಾಸೋ ಧಮ್ಮೋ ಪರಾಮಾಸಸ್ಸ ಚೇವ ಪರಾಮಟ್ಠಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ…ಪೇ॰… ಸೀಲಂ…ಪೇ॰… ಉಪೋಸಥಕಮ್ಮಂ…ಪೇ॰… ಪುಬ್ಬೇ…ಪೇ॰… ಝಾನಾ…ಪೇ॰… ಚಕ್ಖುಂ…ಪೇ॰… ವತ್ಥುಂ ಪರಾಮಟ್ಠೇ ಚೇವ ನೋ ಚ ಪರಾಮಾಸೇ ಖನ್ಧೇ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ದಿಟ್ಠಿ ಉಪ್ಪಜ್ಜತಿ। (೨)

    Parāmaṭṭho ceva no ca parāmāso dhammo parāmāsassa ceva parāmaṭṭhassa ca dhammassa ārammaṇapaccayena paccayo – dānaṃ…pe… sīlaṃ…pe… uposathakammaṃ…pe… pubbe…pe… jhānā…pe… cakkhuṃ…pe… vatthuṃ parāmaṭṭhe ceva no ca parāmāse khandhe assādeti abhinandati, taṃ ārabbha diṭṭhi uppajjati. (2)

    ಪರಾಮಟ್ಠೋ ಚೇವ ನೋ ಚ ಪರಾಮಾಸೋ ಧಮ್ಮೋ ಪರಾಮಾಸಸ್ಸ ಚೇವ ಪರಾಮಟ್ಠಸ್ಸ ಚ ಪರಾಮಟ್ಠಸ್ಸ ಚೇವ ನೋ ಚ ಪರಾಮಾಸಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ…ಪೇ॰… ಸೀಲಂ…ಪೇ॰… ಉಪೋಸಥಕಮ್ಮಂ…ಪೇ॰… ಪುಬ್ಬೇ…ಪೇ॰… ಝಾನಾ…ಪೇ॰… ಚಕ್ಖುಂ…ಪೇ॰… ವತ್ಥುಂ ಪರಾಮಟ್ಠೇ ಚೇವ ನೋ ಚ ಪರಾಮಾಸೇ ಖನ್ಧೇ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಪರಾಮಾಸೋ ಚ ಸಮ್ಪಯುತ್ತಕಾ ಚ ಖನ್ಧಾ ಉಪ್ಪಜ್ಜನ್ತಿ। (೩)

    Parāmaṭṭho ceva no ca parāmāso dhammo parāmāsassa ceva parāmaṭṭhassa ca parāmaṭṭhassa ceva no ca parāmāsassa ca dhammassa ārammaṇapaccayena paccayo – dānaṃ…pe… sīlaṃ…pe… uposathakammaṃ…pe… pubbe…pe… jhānā…pe… cakkhuṃ…pe… vatthuṃ parāmaṭṭhe ceva no ca parāmāse khandhe assādeti abhinandati, taṃ ārabbha parāmāso ca sampayuttakā ca khandhā uppajjanti. (3)

    (ಏವಂ ಇತರೇಪಿ ತೀಣಿ ಆರಬ್ಭ ಕಾತಬ್ಬಾನಿ। ಇಮಂ ದುಕಂ ಪರಾಮಾಸದುಕಸದಿಸಂ। ಲೋಕುತ್ತರಂ ಯಹಿಂ ನ ಲಬ್ಭತಿ ತಹಿಂ ನ ಕಾತಬ್ಬಂ।)

    (Evaṃ itarepi tīṇi ārabbha kātabbāni. Imaṃ dukaṃ parāmāsadukasadisaṃ. Lokuttaraṃ yahiṃ na labbhati tahiṃ na kātabbaṃ.)

    ಪರಾಮಾಸಪರಾಮಟ್ಠದುಕಂ ನಿಟ್ಠಿತಂ।

    Parāmāsaparāmaṭṭhadukaṃ niṭṭhitaṃ.

    ೫೪. ಪರಾಮಾಸವಿಪ್ಪಯುತ್ತಪರಾಮಟ್ಠದುಕಂ

    54. Parāmāsavippayuttaparāmaṭṭhadukaṃ

    ೧. ಪಟಿಚ್ಚವಾರೋ

    1. Paṭiccavāro

    ೧. ಪಚ್ಚಯಾನುಲೋಮಂ

    1. Paccayānulomaṃ

    ೧. ವಿಭಙ್ಗವಾರೋ

    1. Vibhaṅgavāro

    ಹೇತುಪಚ್ಚಯೋ

    Hetupaccayo

    ೯೦. ಪರಾಮಾಸವಿಪ್ಪಯುತ್ತಂ ಪರಾಮಟ್ಠಂ ಧಮ್ಮಂ ಪಟಿಚ್ಚ ಪರಾಮಾಸವಿಪ್ಪಯುತ್ತೋ ಪರಾಮಟ್ಠೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಪರಾಮಾಸವಿಪ್ಪಯುತ್ತಂ ಪರಾಮಟ್ಠಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ॰… ದ್ವೇ ಖನ್ಧೇ…ಪೇ॰…।

    90. Parāmāsavippayuttaṃ parāmaṭṭhaṃ dhammaṃ paṭicca parāmāsavippayutto parāmaṭṭho dhammo uppajjati hetupaccayā – parāmāsavippayuttaṃ parāmaṭṭhaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe….

    ಪರಾಮಾಸವಿಪ್ಪಯುತ್ತಂ ಅಪರಾಮಟ್ಠಂ ಧಮ್ಮಂ ಪಟಿಚ್ಚ ಪರಾಮಾಸವಿಪ್ಪಯುತ್ತೋ ಅಪರಾಮಟ್ಠೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ (ಸಂಖಿತ್ತಂ)।

    Parāmāsavippayuttaṃ aparāmaṭṭhaṃ dhammaṃ paṭicca parāmāsavippayutto aparāmaṭṭho dhammo uppajjati hetupaccayā (saṃkhittaṃ).

    (ಯಥಾ ಚೂಳನ್ತರದುಕೇ ಲೋಕಿಯದುಕಂ ಏವಂ ಕಾತಬ್ಬಂ ನಿನ್ನಾನಾಕರಣಂ।)

    (Yathā cūḷantaraduke lokiyadukaṃ evaṃ kātabbaṃ ninnānākaraṇaṃ.)

    ಪರಾಮಾಸವಿಪ್ಪಯುತ್ತಪರಾಮಟ್ಠದುಕಂ ನಿಟ್ಠಿತಂ।

    Parāmāsavippayuttaparāmaṭṭhadukaṃ niṭṭhitaṃ.

    ಪರಾಮಾಸಗೋಚ್ಛಕಂ ನಿಟ್ಠಿತಂ।

    Parāmāsagocchakaṃ niṭṭhitaṃ.




    Next: ೧೦. ಮಹನ್ತರದುಕಂ • 10. Mahantaradukaṃ


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact