| Library / Tipiṭaka / д̇ибидага • Tipiṭaka / махаанид̣̇д̣̇зса-адтагат̇аа • Mahāniddesa-aṭṭhakathā |
5. барамадтагасуд̇д̇анид̣̇д̣̇зсаван̣н̣анаа
5. Paramaṭṭhakasuttaniddesavaṇṇanā
31. бан̃жамз барамадтагасуд̇д̇з бараманд̇и д̣̇идтийсу бариб̣б̣асаанод̇и ид̣̇ам̣ бараманд̇и г̇ахзд̇ваа сагааяа сагааяа д̣̇идтияаа васамаано. яад̣̇уд̇д̇арим̣ гуруд̇зд̇и яам̣ ад̇д̇ано сад̇т̇аараад̣̇им̣ сздтам̣ гарод̇и. хийнаад̇и ан̃н̃з д̇ад̇о саб̣б̣амаахаад̇и д̇ам̣ ад̇д̇ано сад̇т̇аараад̣̇им̣ табзд̇ваа д̇ад̇о ан̃н̃з саб̣б̣з ‘‘хийнаа имз’’д̇и ааха. д̇асмаа виваад̣̇аани авийд̇ивад̇д̇од̇и д̇зна гааран̣зна со д̣̇идтигалахз авийд̇ивад̇д̇ова ход̇и.
31. Pañcame paramaṭṭhakasutte paramanti diṭṭhīsu paribbasānoti idaṃ paramanti gahetvā sakāya sakāya diṭṭhiyā vasamāno. Yaduttariṃ kuruteti yaṃ attano satthārādiṃ seṭṭhaṃ karoti. Hīnāti aññe tato sabbamāhāti taṃ attano satthārādiṃ ṭhapetvā tato aññe sabbe ‘‘hīnā ime’’ti āha. Tasmā vivādāni avītivattoti tena kāraṇena so diṭṭhikalahe avītivattova hoti.
васанд̇ийд̇и батамуббаннад̣̇идтивасзна васанд̇и. бавасанд̇ийд̇и бависид̇ваа васанд̇и. аавасанд̇ийд̇и висзсзна васанд̇и. баривасанд̇ийд̇и саб̣б̣абхааг̇зна васанд̇и. д̇ам̣ убамааяа саад̇хзнд̇о ‘‘яат̇аа ааг̇ааригаа ваа’’д̇иаад̣̇имааха. ааг̇ааригаа ваад̇и гхарасаамигаа. гхарзсу васанд̇ийд̇и ад̇д̇ано гхарзсу аасан̇гавирахид̇аа худ̇ваа нивасанд̇и. саабад̇д̇игаа ваад̇и аабад̇д̇иб̣ахулаа. сагилзсаа ваад̇и рааг̇аад̣̇игилзсаб̣ахулаа. уд̇д̇арим̣ гарод̇ийд̇и ад̇ирзгам̣ гарод̇и. аяам̣ сад̇т̇аа саб̣б̣ан̃н̃ууд̇и ‘аяам̣ амхаагам̣ сад̇т̇аа саб̣б̣ам̣ ж̇аанаад̇и’.
Vasantīti paṭhamuppannadiṭṭhivasena vasanti. Pavasantīti pavisitvā vasanti. Āvasantīti visesena vasanti. Parivasantīti sabbabhāgena vasanti. Taṃ upamāya sādhento ‘‘yathā āgārikā vā’’tiādimāha. Āgārikā vāti gharasāmikā. Gharesu vasantīti attano gharesu āsaṅkavirahitā hutvā nivasanti. Sāpattikā vāti āpattibahulā. Sakilesā vāti rāgādikilesabahulā. Uttariṃ karotīti atirekaṃ karoti. Ayaṃ satthā sabbaññūti ‘ayaṃ amhākaṃ satthā sabbaṃ jānāti’.
саб̣б̣з бараббаваад̣̇з кибад̇ийд̇и саб̣б̣аа баралад̣̇д̇хияо чад̣д̣зд̇и. угкибад̇ийд̇и нийхарад̇и. баригкибад̇ийд̇и бараммукз гарод̇и. д̣̇идтимзд̇хаг̇аанийд̇и д̣̇идтивихзсагаани.
Sabbe parappavāde khipatīti sabbā paraladdhiyo chaḍḍeti. Ukkhipatīti nīharati. Parikkhipatīti parammukhe karoti. Diṭṭhimedhagānīti diṭṭhivihesakāni.
32. д̣̇уд̇ияаг̇аат̇ааяад̇т̇о – звам̣ авийд̇ивад̇д̇о жа яам̣ д̣̇идтз суд̇з сийлавад̇з муд̇зд̇и зд̇зсу жад̇уусу вад̇т̇уусу уббаннад̣̇идтисан̇каад̇з ад̇д̇ани буб̣б̣з вуд̇д̇аббагаарам̣ аанисам̣сам̣ бассад̇и, д̇ад̣̇зва со д̇ад̇т̇а сагааяа д̣̇идтияаа аанисам̣сам̣ ‘‘ид̣̇ам̣ сздта’’нд̇и абхинивисид̇ваа ан̃н̃ам̣ саб̣б̣ам̣ барасад̇т̇аараад̣̇игам̣ нихийнад̇о бассад̇и.
32. Dutiyagāthāyattho – evaṃ avītivatto ca yaṃ diṭṭhe sute sīlavate muteti etesu catūsu vatthūsu uppannadiṭṭhisaṅkhāte attani pubbe vuttappakāraṃ ānisaṃsaṃ passati, tadeva so tattha sakāya diṭṭhiyā ānisaṃsaṃ ‘‘idaṃ seṭṭha’’nti abhinivisitvā aññaṃ sabbaṃ parasatthārādikaṃ nihīnato passati.
д̣̇вз аанисам̣сз бассад̇ийд̇и д̣̇вз г̇ун̣з ологзд̇и. д̣̇идтад̇хаммиган̃жаад̇и д̣̇идтз бажжагкз ад̇д̇абхаавз вибажжанагаран̣ам̣. самбарааяиган̃жаад̇и баралогз бадилабхид̇аб̣б̣аг̇ун̣ан̃жа. яам̣д̣̇идтиго сад̇т̇аад̇и яам̣лад̣̇д̇хиго д̇ид̇т̇ааяад̇анасаамиго. алам̣ нааг̇ад̇д̇ааяа ваад̇и нааг̇арааж̇абхаавааяа ваа барияад̇д̇ам̣. субан̣н̣ад̇д̇аад̣̇ийсуби зсзва наяо. д̣̇звад̇д̇ааяа ваад̇и саммуд̇ид̣̇зваад̣̇ибхаавааяа. ааяад̇им̣ палабаадиган̇кий ход̇ийд̇и анааг̇ад̇з вибаагапалам̣ бад̇т̇аяаано ход̇и. д̣̇идтасуд̣̇д̇хияааби д̣̇вз аанисам̣сз бассад̇ийд̇и жагкувин̃н̃аан̣зна д̣̇идтаруубааяад̇анасса васзна суд̣̇д̇хияаа хзд̇уд̇д̇ааби ад̇д̇ано г̇ахид̇аг̇ахан̣зна д̣̇вз г̇ун̣з ологзд̇и. суд̇асуд̣̇д̇хияаад̣̇ийсуби зсзва наяо.
Dve ānisaṃse passatīti dve guṇe oloketi. Diṭṭhadhammikañcāti diṭṭhe paccakkhe attabhāve vipaccanakaraṇaṃ. Samparāyikañcāti paraloke paṭilabhitabbaguṇañca. Yaṃdiṭṭhiko satthāti yaṃladdhiko titthāyatanasāmiko. Alaṃ nāgattāya vāti nāgarājabhāvāya vā pariyattaṃ. Supaṇṇattādīsupi eseva nayo. Devattāya vāti sammutidevādibhāvāya. Āyatiṃ phalapāṭikaṅkhī hotīti anāgate vipākaphalaṃ patthayāno hoti. Diṭṭhasuddhiyāpi dve ānisaṃse passatīti cakkhuviññāṇena diṭṭharūpāyatanassa vasena suddhiyā hetuttāpi attano gahitagahaṇena dve guṇe oloketi. Sutasuddhiyādīsupi eseva nayo.
33. д̇ад̇ияаг̇аат̇ааяад̇т̇о – звам̣ бассад̇о жа яам̣ ад̇д̇ано сад̇т̇аараад̣̇им̣ ниссид̇о ан̃н̃ам̣ барасад̇т̇аараад̣̇им̣ хийнам̣ бассад̇и, д̇ам̣ бана д̣̇ассанам̣ г̇ант̇амзва гусалаа вад̣̇анд̇и, б̣анд̇хананд̇и вуд̇д̇ам̣ ход̇и. яасмаа зд̇ад̣̇зва, д̇асмаа хи д̣̇идтам̣ ва суд̇ам̣ муд̇ам̣ ваа, сийлаб̣б̣ад̇ам̣ бхигку на ниссаязяяа, наабхинивзсзяяаад̇и вуд̇д̇ам̣ ход̇и.
33. Tatiyagāthāyattho – evaṃ passato ca yaṃ attano satthārādiṃ nissito aññaṃ parasatthārādiṃ hīnaṃ passati, taṃ pana dassanaṃ ganthameva kusalā vadanti, bandhananti vuttaṃ hoti. Yasmā etadeva, tasmā hi diṭṭhaṃ va sutaṃ mutaṃ vā, sīlabbataṃ bhikkhu na nissayeyya, nābhiniveseyyāti vuttaṃ hoti.
гусалаад̇и канд̇хаад̣̇иж̇аананз чзгаа. канд̇хагусалаад̇и руубаад̣̇ийсу бан̃жасу канд̇хзсу гусалаа. д̇хаад̇уааяад̇анабадижжасамуббаад̣̇асад̇ибадтаанасаммаббад̇хаанаид̣̇д̇хибаад̣̇аинд̣̇рияаб̣алаб̣ож̇жхан̇г̇амаг̇г̇апаланиб̣б̣аанзсуби зсзва наяо. д̇ад̇т̇а маг̇г̇агусалаад̇и жад̇уусу маг̇г̇зсу. палагусалаад̇и жад̇уусу палзсу. ниб̣б̣аанагусалаад̇и д̣̇увид̇хз ниб̣б̣аанз чзгаа. д̇з гусалаад̇и д̇з зд̇зсу вуд̇д̇аббагаарзсу чзгаа. звам̣ вад̣̇анд̇ийд̇и звам̣ гат̇знд̇и. г̇ант̇о зсод̇и бассад̇о жа ад̇д̇ано сад̇т̇аараад̣̇иниссид̇ан̃жа ан̃н̃ам̣ барасад̇т̇аараад̣̇им̣ хийнад̇о д̣̇ассанан̃жа г̇ант̇о б̣анд̇хано зсод̇и вад̣̇анд̇и. лаг̇г̇анам̣ зд̇анд̇и зд̇ам̣ вуд̇д̇аббагаарам̣ нааг̇ад̣̇анд̇з лаг̇г̇ид̇ам̣ вияа ад̇холамб̣анам̣. б̣анд̇ханам̣ зд̇анд̇и нижчинд̣̇ид̇ум̣ д̣̇угкадтзна сан̇калигаад̣̇иб̣анд̇ханам̣ вияа зд̇ам̣ б̣анд̇ханам̣. балиб̣од̇хо зсод̇и сам̣саарад̇о нигкамид̇ум̣ аббад̣̇аанадтзна зсо балиб̣од̇хо.
Kusalāti khandhādijānane chekā. Khandhakusalāti rūpādīsu pañcasu khandhesu kusalā. Dhātuāyatanapaṭiccasamuppādasatipaṭṭhānasammappadhānaiddhipādaindriyabalabojjhaṅgamaggaphalanibbānesupi eseva nayo. Tattha maggakusalāti catūsu maggesu. Phalakusalāti catūsu phalesu. Nibbānakusalāti duvidhe nibbāne chekā. Te kusalāti te etesu vuttappakāresu chekā. Evaṃ vadantīti evaṃ kathenti. Gantho esoti passato ca attano satthārādinissitañca aññaṃ parasatthārādiṃ hīnato dassanañca gantho bandhano esoti vadanti. Lagganaṃ etanti etaṃ vuttappakāraṃ nāgadante laggitaṃ viya adholambanaṃ. Bandhanaṃ etanti nicchindituṃ dukkhaṭṭhena saṅkhalikādibandhanaṃ viya etaṃ bandhanaṃ. Palibodho esoti saṃsārato nikkhamituṃ appadānaṭṭhena eso palibodho.
34. жад̇уд̇т̇аг̇аат̇ааяад̇т̇о – на гзвалам̣ д̣̇идтасуд̇аад̣̇ийсу на ниссаязяяа, абижа ко бана асан̃ж̇аад̇ам̣ убаруубари д̣̇идтимби логасмим̣ на габбаязяяа, на ж̇анзяяаад̇и вуд̇д̇ам̣ ход̇и. гийд̣̇исам̣? н̃аан̣зна ваа сийлавад̇зна вааби, самаабад̇д̇ин̃аан̣аад̣̇ин̃аан̣зна ваа сийлавад̇зна ваа яаа габбияад̇и, зд̇ам̣ д̣̇идтим̣ на габбзяяа. на гзвалан̃жа д̣̇идтим̣ на габбаязяяа, абижа ко бана маанзнаби ж̇аад̇иаад̣̇ийхи вад̇т̇уухи самод̇и ад̇д̇аанамануубанзяяа, хийно на ман̃н̃зт̇а висзси ваабийд̇и.
34. Catutthagāthāyattho – na kevalaṃ diṭṭhasutādīsu na nissayeyya, apica kho pana asañjātaṃ uparūpari diṭṭhimpi lokasmiṃ na kappayeyya, na janeyyāti vuttaṃ hoti. Kīdisaṃ? Ñāṇena vā sīlavatena vāpi, samāpattiñāṇādiñāṇena vā sīlavatena vā yā kappiyati, etaṃ diṭṭhiṃ na kappeyya. Na kevalañca diṭṭhiṃ na kappayeyya, apica kho pana mānenapi jātiādīhi vatthūhi samoti attānamanūpaneyya, hīno na maññetha visesi vāpīti.
адтасамаабад̇д̇ин̃аан̣зна ваад̇и батамаж̇жхаанаад̣̇ийнам̣ адтаннам̣ самаабад̇д̇ийнам̣ самбаяуд̇д̇абан̃н̃ааяа ваа. бан̃жаабхин̃н̃аан̃аан̣зна ваад̇и логияаанам̣ бан̃жаннам̣ абхин̃н̃аанам̣ самбаяуд̇д̇абан̃н̃ааяа ваа. мижчаан̃аан̣зна ваад̇и вибарийд̇асабхаавзна бавад̇д̇ааяа бан̃н̃ааяа амуд̇д̇з муд̇д̇ам̣ бассаад̇и звам̣ уббаннзна мижчаан̃аан̣зна ваа.
Aṭṭhasamāpattiñāṇena vāti paṭhamajjhānādīnaṃ aṭṭhannaṃ samāpattīnaṃ sampayuttapaññāya vā. Pañcābhiññāñāṇena vāti lokiyānaṃ pañcannaṃ abhiññānaṃ sampayuttapaññāya vā. Micchāñāṇena vāti viparītasabhāvena pavattāya paññāya amutte muttaṃ passāti evaṃ uppannena micchāñāṇena vā.
35. бан̃жамаг̇аат̇ааяад̇т̇о – зван̃хи д̣̇идтим̣ агаббзнд̇о аман̃н̃амаано жа ад̇д̇ам̣ бахааяа анубаад̣̇ияаано яам̣ буб̣б̣з г̇ахид̇ам̣, д̇ам̣ бахааяа барам̣ аг̇г̇ан̣ханд̇о д̇асмимби вуд̇д̇аббагаарз н̃аан̣з д̣̇увид̇хам̣ ниссаяам̣ но гарод̇и, агаронд̇о жа са вз вияад̇д̇зсу наанаад̣̇идтивасзна бхиннзсу сад̇д̇зсу на ваг̇г̇асаарий чанд̣̇аад̣̇ивасзна аг̇ажчанад̇хаммо худ̇ваа д̣̇ваасадтияаа д̣̇идтийсу гин̃жи д̣̇идтим̣ на бажжзд̇и, на бажжааг̇ажчад̇ийд̇и вуд̇д̇ам̣ ход̇и.
35. Pañcamagāthāyattho – evañhi diṭṭhiṃ akappento amaññamāno ca attaṃ pahāya anupādiyāno yaṃ pubbe gahitaṃ, taṃ pahāya paraṃ aggaṇhanto tasmimpi vuttappakāre ñāṇe duvidhaṃ nissayaṃ no karoti, akaronto ca sa ve viyattesu nānādiṭṭhivasena bhinnesu sattesu na vaggasārī chandādivasena agacchanadhammo hutvā dvāsaṭṭhiyā diṭṭhīsu kiñci diṭṭhiṃ na pacceti, na paccāgacchatīti vuttaṃ hoti.
жад̇уухи убаад̣̇аанзхийд̇и гаамубаад̣̇аанаад̣̇ийхи жад̇уухи бхусам̣ г̇ахан̣зхи са вз вияад̇д̇зсууд̇и со буг̇г̇ало нижчид̇зсу. бхиннзсууд̇и д̣̇вид̇хаа бхиннзсу.
Catūhi upādānehīti kāmupādānādīhi catūhi bhusaṃ gahaṇehi sa ve viyattesūti so puggalo nicchitesu. Bhinnesūti dvidhā bhinnesu.
36. ид̣̇аани яо со имааяа г̇аат̇ааяа вуд̇д̇о кийн̣аасаво, д̇асса ван̣н̣абхан̣анад̇т̇ам̣ ‘‘яассуубхаяанд̇з’’д̇иаад̣̇игаа д̇иссо г̇аат̇ааяо ааха. д̇ад̇т̇а батамаг̇аат̇ааяа яассуубхаяанд̇зд̇и буб̣б̣з вуд̇д̇з пассаад̣̇ибхзд̣̇з. бан̣ид̇хийд̇и д̇ан̣хаа. бхаваабхавааяаад̇и бунаббунабхавааяа . ид̇ха ваа хурам̣ ваад̇и сагад̇д̇абхааваад̣̇ибхзд̣̇з ид̇ха ваа барад̇д̇абхааваад̣̇ибхзд̣̇з барад̇т̇а ваа.
36. Idāni yo so imāya gāthāya vutto khīṇāsavo, tassa vaṇṇabhaṇanatthaṃ ‘‘yassūbhayante’’tiādikā tisso gāthāyo āha. Tattha paṭhamagāthāya yassūbhayanteti pubbe vutte phassādibhede. Paṇidhīti taṇhā. Bhavābhavāyāti punappunabhavāya . Idha vā huraṃ vāti sakattabhāvādibhede idha vā parattabhāvādibhede parattha vā.
пассо зго анд̇од̇и жагкусампассаад̣̇иго зго годтаасо. пассасамуд̣̇аяод̇и вад̇т̇аарамман̣о. яад̇о самуд̣̇зд̇и уббаж̇ж̇ад̇и, со самуд̣̇аяо. д̣̇уд̇ияо анд̇од̇и д̣̇уд̇ияо годтаасо. ад̇ийд̇анд̇и ад̇и ид̇ам̣ ад̇ийд̇ам̣, ад̇игганд̇анд̇и вуд̇д̇ам̣ ход̇и. анааг̇ад̇анд̇и на ааг̇ад̇ам̣, ануббаннанд̇и вуд̇д̇ам̣ ход̇и. сукаа взд̣̇анаад̣̇аяо висабхааг̇авасзна. наамаруубад̣̇угам̣ наманаруббанавасзна. аж̇жхад̇д̇игаад̣̇аяо аж̇жхад̇д̇аб̣аахиравасзна. саггааяаад̣̇аяо канд̇хабан̃жагаанам̣ бавад̇д̇исамуд̣̇аяавасзна вуд̇д̇аад̇и взд̣̇ид̇аб̣б̣аа.
Phasso eko antoti cakkhusamphassādiko eko koṭṭhāso. Phassasamudayoti vatthārammaṇo. Yato samudeti uppajjati, so samudayo. Dutiyo antoti dutiyo koṭṭhāso. Atītanti ati itaṃ atītaṃ, atikkantanti vuttaṃ hoti. Anāgatanti na āgataṃ, anuppannanti vuttaṃ hoti. Sukhā vedanādayo visabhāgavasena. Nāmarūpadukaṃ namanaruppanavasena. Ajjhattikādayo ajjhattabāhiravasena. Sakkāyādayo khandhapañcakānaṃ pavattisamudayavasena vuttāti veditabbā.
сагад̇д̇абхаавод̇и ад̇д̇ано ад̇д̇абхааво. барад̇д̇абхаавод̇и барасса ад̇д̇абхааво.
Sakattabhāvoti attano attabhāvo. Parattabhāvoti parassa attabhāvo.
37. д̣̇уд̇ияаг̇аат̇ааяа д̣̇идтз ваад̇и д̣̇идтасуд̣̇д̇хияаа ваа. зса наяо суд̇аад̣̇ийсу. сан̃н̃аад̇и сан̃н̃аасамудтаабигаа д̣̇идти.
37. Dutiyagāthāya diṭṭhe vāti diṭṭhasuddhiyā vā. Esa nayo sutādīsu. Saññāti saññāsamuṭṭhāpikā diṭṭhi.
абараамасанд̇анд̇и д̇ан̣хаамаанад̣̇идтийхи на бараамасанд̇ам̣. анабхинивзсанд̇анд̇и д̇зхзва анабхинивисанд̇ам̣.
Aparāmasantanti taṇhāmānadiṭṭhīhi na parāmasantaṃ. Anabhinivesantanti teheva anabhinivisantaṃ.
‘‘виниб̣ад̣̇д̇хо’’д̇и ваад̇и маанзна виниб̣ад̣̇д̇ход̇и ваа. ‘‘бараамадто’’д̇и ваад̇и барад̇о нижжасукасубхаад̣̇ийхи бараамадтод̇и ваа. вигкзбаг̇ад̇од̇и уд̣̇д̇хажжавасзна. анидтан̇г̇ад̇од̇и вижигижчаавасзна. т̇аамаг̇ад̇од̇и анусаяавасзна. г̇ад̇ияаад̇и г̇анд̇аб̣б̣авасзна.
‘‘Vinibaddho’’ti vāti mānena vinibaddhoti vā. ‘‘Parāmaṭṭho’’ti vāti parato niccasukhasubhādīhi parāmaṭṭhoti vā. Vikkhepagatoti uddhaccavasena. Aniṭṭhaṅgatoti vicikicchāvasena. Thāmagatoti anusayavasena. Gatiyāti gantabbavasena.
38. д̇ад̇ияаг̇аат̇ааяа д̇хаммааби д̇зсам̣ на бадижчид̇аасзд̇и д̣̇ваасадтид̣̇идтиг̇ад̇ад̇хаммааби д̇зсам̣ ‘‘ид̣̇амзва сажжам̣, могхаман̃н̃а’’нд̇и (уд̣̇аа. 54) звам̣ на бадижчид̇аа. бааран̇г̇ад̇о на бажжзд̇и д̇аад̣̇ийд̇и ниб̣б̣аанабаарам̣ г̇ад̇о д̇зна д̇зна маг̇г̇зна бахийнз гилзсз буна нааг̇ажчад̇и бан̃жахи жа аагаарзхи д̇аад̣̇ий ход̇ийд̇и. сзсам̣ баагадамзва.
38. Tatiyagāthāya dhammāpi tesaṃ na paṭicchitāseti dvāsaṭṭhidiṭṭhigatadhammāpi tesaṃ ‘‘idameva saccaṃ, moghamañña’’nti (udā. 54) evaṃ na paṭicchitā. Pāraṅgato na pacceti tādīti nibbānapāraṃ gato tena tena maggena pahīne kilese puna nāgacchati pañcahi ca ākārehi tādī hotīti. Sesaṃ pākaṭameva.
вийсад̇ивад̇т̇угаа саггааяад̣̇идтийд̇и ‘‘руубам̣ ад̇д̇ад̇о саманубассад̇ий’’д̇иаад̣̇инаа (бади. ма. 1.132) наязна згзгасмим̣ канд̇хз жад̇уухи жад̇уухи аагаарзхи бан̃жагканд̇хз бад̇идтам̣ гад̇ваа бавад̇д̇аа виж̇ж̇амаанз гааяз д̣̇идти. д̣̇асавад̇т̇угаа мижчаад̣̇идтийд̇и ‘‘над̇т̇и д̣̇инна’’нд̇иаад̣̇инаяаббавад̇д̇аа (д̇ха. са. 1221) д̣̇идти. анд̇аг̇г̇аахигаад̣̇идтийд̇и ‘‘сассад̇о лого ид̣̇амзва сажжам̣, могхаман̃н̃а’’нд̇иаад̣̇инаяаббавад̇д̇аа (ма. ни. 3.27) згзгам̣ анд̇ам̣ ад̇т̇ийд̇и г̇ахзд̇ваа бавад̇д̇аа д̣̇идти. яаа зваруубаа д̣̇идтийд̇и ид̣̇аани вужжамаанаанам̣ згуунавийсабад̣̇аанам̣ саад̇хааран̣ам̣ муулабад̣̇ам̣. яаа д̣̇идти, д̇ад̣̇зва д̣̇идтиг̇ад̇ам̣; яаа д̣̇идти, д̇ад̣̇зва д̣̇идтиг̇ахананд̇и саб̣б̣зсам̣ самб̣анд̇хо гаад̇аб̣б̣о. яаа аяаат̇аавад̣̇ассанадтзна д̣̇идти, д̇ад̣̇зва д̣̇идтийсу г̇ад̇ам̣ д̣̇ассанам̣ д̣̇ваасадтид̣̇идтияаа анд̇ог̇ад̇ад̇д̇аад̇и д̣̇идтиг̇ад̇ам̣. хздтаабисса ад̇т̇о вуд̇д̇оязва.
Vīsativatthukā sakkāyadiṭṭhīti ‘‘rūpaṃ attato samanupassatī’’tiādinā (paṭi. ma. 1.132) nayena ekekasmiṃ khandhe catūhi catūhi ākārehi pañcakkhandhe patiṭṭhaṃ katvā pavattā vijjamāne kāye diṭṭhi. Dasavatthukāmicchādiṭṭhīti ‘‘natthi dinna’’ntiādinayappavattā (dha. sa. 1221) diṭṭhi. Antaggāhikādiṭṭhīti ‘‘sassato loko idameva saccaṃ, moghamañña’’ntiādinayappavattā (ma. ni. 3.27) ekekaṃ antaṃ atthīti gahetvā pavattā diṭṭhi. Yā evarūpā diṭṭhīti idāni vuccamānānaṃ ekūnavīsapadānaṃ sādhāraṇaṃ mūlapadaṃ. Yā diṭṭhi, tadeva diṭṭhigataṃ; yā diṭṭhi, tadeva diṭṭhigahananti sabbesaṃ sambandho kātabbo. Yā ayāthāvadassanaṭṭhena diṭṭhi, tadeva diṭṭhīsu gataṃ dassanaṃ dvāsaṭṭhidiṭṭhiyā antogatattāti diṭṭhigataṃ. Heṭṭhāpissa attho vuttoyeva.
д̣̇виннам̣ анд̇аанам̣ зганд̇аг̇ад̇ад̇д̇аад̇иби д̣̇идтиг̇ад̇ам̣. д̇ад̇т̇а сассад̇од̇и нижжо. логод̇и ад̇д̇аа. ‘‘ид̇ха сарийрам̣язва нассад̇и, ад̇д̇аа бана ид̇ха барад̇т̇а жа соязваа’’д̇и ман̃н̃анд̇и. со хи сааман̃н̃зва аалогзд̇ийд̇и гад̇ваа логод̇и ман̃н̃ад̇и. асассад̇од̇и анижжо. ад̇д̇аа сарийрзнзва саха нассад̇ийд̇и ман̃н̃анд̇и. анд̇аваад̇и барид̇д̇з гасин̣з жхаанам̣ уббаад̣̇зд̇ваа д̇ам̣ барид̇д̇агасин̣аарамман̣ам̣ жзд̇анам̣ ‘‘сабарияанд̇о ад̇д̇аа’’д̇и ман̃н̃анд̇и. ананд̇а ваад̇и на анд̇аваа аббамаан̣з гасин̣з жхаанам̣ уббаад̣̇зд̇ваа д̇ам̣ аббамаан̣агасин̣аарамман̣ам̣ жзд̇анам̣ ‘‘абарияанд̇о ад̇д̇аа’’д̇и ман̃н̃анд̇и. д̇ам̣ ж̇ийвам̣ д̇ам̣ сарийранд̇и ж̇ийво жа сарийран̃жа д̇ам̣язва. ж̇ийвод̇и ад̇д̇аа, лин̇г̇авибаллаасзна набум̣сагаважанам̣ гад̇ам̣. сарийранд̇и раасадтзна канд̇хабан̃жагам̣. ан̃н̃ам̣ ж̇ийвам̣ ан̃н̃ам̣ сарийранд̇и ан̃н̃о ж̇ийво ан̃н̃ам̣ канд̇хабан̃жагам̣ . ход̇и д̇ат̇ааг̇ад̇о барам̣ маран̣аад̇и канд̇хаа ид̇хзва винассанд̇и, сад̇д̇о маран̣ад̇о барам̣ ход̇и виж̇ж̇ад̇и на нассад̇и, д̇ат̇ааг̇ад̇од̇и жзд̇ам̣ сад̇д̇аад̇хиважананд̇и. гзжи бана ‘‘д̇ат̇ааг̇ад̇од̇и арахаа’’д̇и вад̣̇анд̇и. имз на ход̇ийд̇и багкз д̣̇осам̣ д̣̇исваа звам̣ г̇ан̣ханд̇и. на ход̇и д̇ат̇ааг̇ад̇о барам̣ маран̣аад̇и канд̇хааби ид̇хзва нассанд̇и , д̇ат̇ааг̇ад̇о жа маран̣ад̇о барам̣ на ход̇и ужчиж̇ж̇ад̇и. имз ход̇ийд̇и багкз д̣̇осам̣ д̣̇исваа звам̣ г̇ан̣ханд̇и. ход̇и жа на жа ход̇ийд̇и имз згзгабагкабариг̇г̇ахз д̣̇осам̣ д̣̇исваа убхаяабагкам̣ г̇ан̣ханд̇и. нзва ход̇и на на ход̇ийд̇и имз убхаяабагкабариг̇г̇ахз убхаяад̣̇осаабад̇д̇им̣ д̣̇исваа ‘‘ход̇и жа на ход̇ий’’д̇и жа ‘‘нзва ход̇и на на ход̇ий’’д̇и жа амараавигкзбабагкам̣ г̇ан̣ханд̇и.
Dvinnaṃ antānaṃ ekantagatattātipi diṭṭhigataṃ. Tattha sassatoti nicco. Lokoti attā. ‘‘Idha sarīraṃyeva nassati, attā pana idha parattha ca soyevā’’ti maññanti. So hi sāmaññeva āloketīti katvā lokoti maññati. Asassatoti anicco. Attā sarīreneva saha nassatīti maññanti. Antavāti paritte kasiṇe jhānaṃ uppādetvā taṃ parittakasiṇārammaṇaṃ cetanaṃ ‘‘sapariyanto attā’’ti maññanti. Ananta vāti na antavā appamāṇe kasiṇe jhānaṃ uppādetvā taṃ appamāṇakasiṇārammaṇaṃ cetanaṃ ‘‘apariyanto attā’’ti maññanti. Taṃ jīvaṃ taṃ sarīranti jīvo ca sarīrañca taṃyeva. Jīvoti attā, liṅgavipallāsena napuṃsakavacanaṃ kataṃ. Sarīranti rāsaṭṭhena khandhapañcakaṃ. Aññaṃ jīvaṃ aññaṃ sarīranti añño jīvo aññaṃ khandhapañcakaṃ . Hoti tathāgato paraṃ maraṇāti khandhā idheva vinassanti, satto maraṇato paraṃ hoti vijjati na nassati, tathāgatoti cetaṃ sattādhivacananti. Keci pana ‘‘tathāgatoti arahā’’ti vadanti. Ime na hotīti pakkhe dosaṃ disvā evaṃ gaṇhanti. Na hoti tathāgato paraṃ maraṇāti khandhāpi idheva nassanti , tathāgato ca maraṇato paraṃ na hoti ucchijjati. Ime hotīti pakkhe dosaṃ disvā evaṃ gaṇhanti. Hoti ca na ca hotīti ime ekekapakkhapariggahe dosaṃ disvā ubhayapakkhaṃ gaṇhanti. Neva hoti na na hotīti ime ubhayapakkhapariggahe ubhayadosāpattiṃ disvā ‘‘hoti ca na hotī’’ti ca ‘‘neva hoti na na hotī’’ti ca amarāvikkhepapakkhaṃ gaṇhanti.
аяам̣ банзд̇т̇а адтагат̇аанаяо (бади. ма. адта. 2.1.113) – ‘‘сассад̇о лого’’д̇и ваад̇иаад̣̇ийхи д̣̇асахаагаарзхи д̣̇идтибабхзд̣̇ова вуд̇д̇о. д̇ад̇т̇а сассад̇о логод̇и жа канд̇хабан̃жагам̣ логод̇и г̇ахзд̇ваа ‘‘аяам̣ лого нижжо д̇хуво саб̣б̣агаалиго’’д̇и г̇ан̣ханд̇асса сассад̇анд̇и г̇ахан̣аагаараббавад̇д̇аа д̣̇идти. асассад̇од̇и д̇амзва логам̣ ‘‘ужчиж̇ж̇ад̇и винассад̇ий’’д̇и г̇ан̣ханд̇асса ужчзд̣̇аг̇г̇ахан̣аагаараббавад̇д̇аа д̣̇идти. анд̇аваад̇и барид̇д̇агасин̣алаабхино суббамад̇д̇з ваа сараавамад̇д̇з ваа гасин̣з самаабаннасса анд̇осамаабад̇д̇ияам̣ бавад̇д̇ид̇аруубааруубад̇хаммз ‘‘лого’’д̇и жа гасин̣абарижчзд̣̇анд̇зна ‘‘анд̇аваа’’д̇и жа г̇ан̣ханд̇асса ‘‘анд̇аваа лого’’д̇и г̇ахан̣аагаараббавад̇д̇аа д̣̇идти. саа сассад̇ад̣̇идтиби ход̇и ужчзд̣̇ад̣̇идтиби. вибулагасин̣алаабхино бана д̇асмим̣ гасин̣з самаабаннасса анд̇осамаабад̇д̇ияам̣ бавад̇д̇ид̇аруубааруубад̇хаммз ‘‘лого’’д̇и жа гасин̣абарижчзд̣̇анд̇зна жа ‘‘ананд̇о’’д̇и г̇ан̣ханд̇асса ‘‘ананд̇аваа лого’’д̇и г̇ахан̣аагаараббавад̇д̇аа д̣̇идти. саа сассад̇ад̣̇идти ход̇и, ужчзд̣̇ад̣̇идтиби. д̇ам̣ ж̇ийвам̣ д̇ам̣ сарийранд̇и бхзд̣̇анад̇хаммасса сарийрассзва ‘‘ж̇ийва’’нд̇и г̇ахид̇ад̇д̇аа ‘‘сарийрз ужчиж̇ж̇амаанз ж̇ийвамби ужчиж̇ж̇ад̇ий’’д̇и ужчзд̣̇аг̇г̇ахан̣аагаараббавад̇д̇аа д̣̇идти. д̣̇уд̇ияабад̣̇зна сарийрад̇о ан̃н̃асса ж̇ийвасса г̇ахид̇ад̇д̇аа ‘‘сарийрз жа ужчиж̇ж̇амаанзби ж̇ийвам̣ на ужчиж̇ж̇ад̇ий’’д̇и сассад̇аг̇ахан̣аагаараббавад̇д̇аа д̣̇идти. ход̇и д̇ат̇ааг̇ад̇од̇иаад̣̇ийсу ‘‘сад̇д̇о д̇ат̇ааг̇ад̇о наама, со барам̣ маран̣аа ход̇ий’’д̇и г̇ан̣хад̇о батамаа сассад̇ад̣̇идти. ‘‘на ход̇ий’’д̇и г̇ан̣хад̇о д̣̇уд̇ияаа ужчзд̣̇ад̣̇идти. ‘‘ход̇и жа на жа ход̇ий’’д̇и г̇ан̣хад̇о д̇ад̇ияаа згажжасассад̇ад̣̇идти. ‘‘нзва ход̇и на на ход̇ий’’д̇и г̇ан̣хад̇о жад̇уд̇т̇аа амараавигкзбад̣̇идтийд̇и вуд̇д̇аббагаараа д̣̇асавид̇хаа д̣̇идти. яат̇ааяог̇ам̣ бхавад̣̇идти жа вибхавад̣̇идти жаад̇и д̣̇вид̇хаа ход̇и. д̇аасу згааби д̇зсам̣ кийн̣аасаваанам̣ на бадижчид̇аад̇и ад̇т̇о.
Ayaṃ panettha aṭṭhakathānayo (paṭi. ma. aṭṭha. 2.1.113) – ‘‘sassato loko’’ti vātiādīhi dasahākārehi diṭṭhipabhedova vutto. Tattha sassatolokoti ca khandhapañcakaṃ lokoti gahetvā ‘‘ayaṃ loko nicco dhuvo sabbakāliko’’ti gaṇhantassa sassatanti gahaṇākārappavattā diṭṭhi. Asassatoti tameva lokaṃ ‘‘ucchijjati vinassatī’’ti gaṇhantassa ucchedaggahaṇākārappavattā diṭṭhi. Antavāti parittakasiṇalābhino suppamatte vā sarāvamatte vā kasiṇe samāpannassa antosamāpattiyaṃ pavattitarūpārūpadhamme ‘‘loko’’ti ca kasiṇaparicchedantena ‘‘antavā’’ti ca gaṇhantassa ‘‘antavā loko’’ti gahaṇākārappavattā diṭṭhi. Sā sassatadiṭṭhipi hoti ucchedadiṭṭhipi. Vipulakasiṇalābhino pana tasmiṃ kasiṇe samāpannassa antosamāpattiyaṃ pavattitarūpārūpadhamme ‘‘loko’’ti ca kasiṇaparicchedantena ca ‘‘ananto’’ti gaṇhantassa ‘‘anantavā loko’’ti gahaṇākārappavattā diṭṭhi. Sā sassatadiṭṭhi hoti, ucchedadiṭṭhipi. Taṃ jīvaṃ taṃ sarīranti bhedanadhammassa sarīrasseva ‘‘jīva’’nti gahitattā ‘‘sarīre ucchijjamāne jīvampi ucchijjatī’’ti ucchedaggahaṇākārappavattā diṭṭhi. Dutiyapadena sarīrato aññassa jīvassa gahitattā ‘‘sarīre ca ucchijjamānepi jīvaṃ na ucchijjatī’’ti sassatagahaṇākārappavattā diṭṭhi. Hoti tathāgatotiādīsu ‘‘satto tathāgato nāma, so paraṃ maraṇā hotī’’ti gaṇhato paṭhamā sassatadiṭṭhi. ‘‘Na hotī’’ti gaṇhato dutiyā ucchedadiṭṭhi. ‘‘Hoti ca na ca hotī’’ti gaṇhato tatiyā ekaccasassatadiṭṭhi. ‘‘Neva hoti na na hotī’’ti gaṇhato catutthā amarāvikkhepadiṭṭhīti vuttappakārā dasavidhā diṭṭhi. Yathāyogaṃ bhavadiṭṭhi ca vibhavadiṭṭhi cāti dvidhā hoti. Tāsu ekāpi tesaṃ khīṇāsavānaṃ na paṭicchitāti attho.
яз гилзсаад̇и яз гилзсаа сод̇аабад̇д̇имаг̇г̇зна бахийнаа, д̇з гилзсз . на бунзд̇ийд̇и на буна зд̇и . на бажжзд̇ийд̇и буна ниб̣б̣ад̇д̇зд̇ваа на бадизд̇и, на бажжааг̇ажчад̇ийд̇и бажжабхавз нааг̇ажчад̇и. бан̃жахаагаарзхи д̇аад̣̇ийд̇и бан̃жахи гааран̣зхи годтаасзхи ваа сад̣̇исо. идтаанидтз д̇аад̣̇ийд̇и идтаарамман̣з жа анидтаарамман̣з жа анунаяабадигхам̣ мун̃жид̇ваа тид̇ад̇д̇аа д̣̇вийсу сад̣̇исо. жад̇д̇аавийд̇и гилзсз жаж̇ид̇аваа. д̇ин̣н̣аавийд̇и сам̣саарам̣ ад̇иггамид̇аваа. муд̇д̇аавийд̇и рааг̇аад̣̇ид̇о муд̇д̇аваа. д̇ам̣нид̣̇д̣̇зсаа д̇аад̣̇ийд̇и д̇зна д̇зна сийласад̣̇д̇хаад̣̇инаа нид̣̇д̣̇исид̇ваа нид̣̇д̣̇исид̇ваа гат̇зд̇аб̣б̣ад̇о сад̣̇исо.
Ye kilesāti ye kilesā sotāpattimaggena pahīnā, te kilese . Na punetīti na puna eti . Na paccetīti puna nibbattetvā na paṭieti, na paccāgacchatīti paccabhave nāgacchati. Pañcahākārehi tādīti pañcahi kāraṇehi koṭṭhāsehi vā sadiso. Iṭṭhāniṭṭhe tādīti iṭṭhārammaṇe ca aniṭṭhārammaṇe ca anunayapaṭighaṃ muñcitvā ṭhitattā dvīsu sadiso. Cattāvīti kilese cajitavā. Tiṇṇāvīti saṃsāraṃ atikkamitavā. Muttāvīti rāgādito muttavā. Taṃniddesā tādīti tena tena sīlasaddhādinā niddisitvā niddisitvā kathetabbato sadiso.
д̇ам̣ бан̃жавид̇хам̣ вид̇т̇аарзд̇ваа гат̇зд̇угаамо ‘‘гат̇ам̣ арахаа идтаанидтз д̇аад̣̇ий’’д̇иаад̣̇имааха. д̇ад̇т̇а лаабхзбийд̇и жад̇уннам̣ бажжаяаанам̣ лаабхзби. алаабхзбийд̇и д̇зсам̣ алаабхзби. яасзбийд̇и бариваарзби. аяасзбийд̇и баривааравибад̇д̇ияааби. басам̣сааяабийд̇и ван̣н̣абхан̣анааяаби. нинд̣̇ааяабийд̇и г̇арахааяаби. сукзбийд̇и гааяигасукзби. д̣̇угкзбийд̇и гааяигад̣̇угкзби. зган̃жз б̣аахам̣ г̇анд̇хзна лимбзяяунд̇и сажз згам̣ б̣аахам̣ жад̇уж̇аад̇ияаг̇анд̇хзна лзбам̣ убаруубари д̣̇ад̣̇зяяум̣. ваасияаа д̇ажчзяяунд̇и яад̣̇и згам̣ б̣аахам̣ вад̣дхагий ваасияаа д̇ажчзд̇ваа д̇ажчзд̇ваа д̇анум̣ гарзяяум̣. амусмим̣ над̇т̇и рааг̇од̇и амусмим̣ г̇анд̇халзбанз синзхо над̇т̇и на сам̣виж̇ж̇ад̇и. амусмим̣ над̇т̇и бадигханд̇и амусмим̣ ваасияаа д̇ажчанз бадихананасан̇каад̇ам̣ бадигхам̣ гобам̣ над̇т̇и на сам̣виж̇ж̇ад̇и. анунаяабадигхавиббахийнод̇и синзхан̃жа гобан̃жа баж̇ахид̇ваа тид̇о. уг̇гхаад̇инигхаад̇ивийд̇ивад̇д̇од̇и анунаяавасзна ануг̇г̇ахан̃жа бадигхавасзна ниг̇г̇ахан̃жа ад̇иггамид̇ваа тид̇о. анурод̇хавирод̇хасамад̇игганд̇од̇и анунаяан̃жа бадигхан̃жа саммаа ад̇игганд̇о.
Taṃ pañcavidhaṃ vitthāretvā kathetukāmo ‘‘kathaṃ arahā iṭṭhāniṭṭhe tādī’’tiādimāha. Tattha lābhepīti catunnaṃ paccayānaṃ lābhepi. Alābhepīti tesaṃ alābhepi. Yasepīti parivārepi. Ayasepīti parivāravipattiyāpi. Pasaṃsāyapīti vaṇṇabhaṇanāyapi. Nindāyapīti garahāyapi. Sukhepīti kāyikasukhepi. Dukkhepīti kāyikadukkhepi. Ekañce bāhaṃ gandhena limpeyyunti sace ekaṃ bāhaṃ catujātiyagandhena lepaṃ uparūpari dadeyyuṃ. Vāsiyā taccheyyunti yadi ekaṃ bāhaṃ vaḍḍhakī vāsiyā tacchetvā tacchetvā tanuṃ kareyyuṃ. Amusmiṃ natthi rāgoti amusmiṃ gandhalepane sineho natthi na saṃvijjati. Amusmiṃ natthi paṭighanti amusmiṃ vāsiyā tacchane paṭihananasaṅkhātaṃ paṭighaṃ kopaṃ natthi na saṃvijjati. Anunayapaṭighavippahīnoti sinehañca kopañca pajahitvā ṭhito. Ugghātinighātivītivattoti anunayavasena anuggahañca paṭighavasena niggahañca atikkamitvā ṭhito. Anurodhavirodhasamatikkantoti anunayañca paṭighañca sammā atikkanto.
сийлз сад̇ийд̇и сийлз сам̣виж̇ж̇амаанз. сийлаваад̇и сийласамбанно. д̇зна нид̣̇д̣̇зсам̣ гат̇анам̣ лабхад̇ийд̇и д̇аад̣̇ий. сад̣̇д̇хааяа сад̇и сад̣̇д̇ход̇и звамаад̣̇ийсуби зсзва наяо.
Sīle satīti sīle saṃvijjamāne. Sīlavāti sīlasampanno. Tena niddesaṃ kathanaṃ labhatīti tādī. Saddhāya sati saddhoti evamādīsupi eseva nayo.
сад̣̇д̇хаммаббаж̇ж̇од̇игааяа махаанид̣̇д̣̇зсадтагат̇ааяа
Saddhammappajjotikāya mahāniddesaṭṭhakathāya
барамадтагасуд̇д̇анид̣̇д̣̇зсаван̣н̣анаа нидтид̇аа.
Paramaṭṭhakasuttaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / махаанид̣̇д̣̇зсабаал̣и • Mahāniddesapāḷi / 5. барамадтагасуд̇д̇анид̣̇д̣̇зсо • 5. Paramaṭṭhakasuttaniddeso
