| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
১২. পরংমরণসুত্তৰণ্ণনা
12. Paraṃmaraṇasuttavaṇṇanā
১৫৫. যথা অতীতকপ্পে অতীতাসু জাতীসু কম্মকিলেসৰসেন আগতো, তথা এতরহিপি আগতোতি তথাগতো, যথা যথা ৰা পন কম্মং কতূপচিতং, তথা তং তং অত্তভাৰং আগতো উপগতো উপপন্নোতি তথাগতো, সত্তোতি আহ ‘‘তথাগতোতি সত্তো’’তি। এতন্তি ‘‘এৰং হোতি ভৰতি তিট্ঠতি সস্সতিসম’’ন্তি এৰং পৰত্তং দিট্ঠিগতং। অত্থসন্নিস্সিতং ন হোতীতি দিট্ঠধম্মিকসম্পরাযিকপরমত্থতো সুখন্তি পসত্থসন্নিস্সিতং ন হোতি। আদিব্রহ্মচরিযকন্তি এত্থ মগ্গব্রহ্মচরিযং অধিপ্পেতং তস্স পধানভাৰতো। তস্স পন এতং দিট্ঠিগতং আদিপটিপদামত্তং ন হোতি অনুপকারকত্তা ৰিলোমনতো চ। ততো এৰ ইতরব্রহ্মচরিযস্সপি অনিস্সযোৰ। সেসং ৰুত্তনযেন ৰেদিতব্বং।
155. Yathā atītakappe atītāsu jātīsu kammakilesavasena āgato, tathā etarahipi āgatoti tathāgato, yathā yathā vā pana kammaṃ katūpacitaṃ, tathā taṃ taṃ attabhāvaṃ āgato upagato upapannoti tathāgato, sattoti āha ‘‘tathāgatoti satto’’ti. Etanti ‘‘evaṃ hoti bhavati tiṭṭhati sassatisama’’nti evaṃ pavattaṃ diṭṭhigataṃ. Atthasannissitaṃ na hotīti diṭṭhadhammikasamparāyikaparamatthato sukhanti pasatthasannissitaṃ na hoti. Ādibrahmacariyakanti ettha maggabrahmacariyaṃ adhippetaṃ tassa padhānabhāvato. Tassa pana etaṃ diṭṭhigataṃ ādipaṭipadāmattaṃ na hoti anupakārakattā vilomanato ca. Tato eva itarabrahmacariyassapi anissayova. Sesaṃ vuttanayena veditabbaṃ.
পরংমরণসুত্তৰণ্ণনা নিট্ঠিতা।
Paraṃmaraṇasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ১২. পরংমরণসুত্তং • 12. Paraṃmaraṇasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ১২. পরংমরণসুত্তৰণ্ণনা • 12. Paraṃmaraṇasuttavaṇṇanā
