| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၁၂. ပရံမရဏသုတ္တဝဏ္ဏနာ
12. Paraṃmaraṇasuttavaṇṇanā
၁၅၅. ယထာ အတီတကပ္ပေ အတီတာသု ဇာတီသု ကမ္မကိလေသဝသေန အာဂတော, တထာ ဧတရဟိပိ အာဂတောတိ တထာဂတော, ယထာ ယထာ ဝာ ပန ကမ္မံ ကတူပစိတံ, တထာ တံ တံ အတ္တဘာဝံ အာဂတော ဥပဂတော ဥပပန္နောတိ တထာဂတော, သတ္တောတိ အာဟ ‘‘တထာဂတောတိ သတ္တော’’တိ။ ဧတန္တိ ‘‘ဧဝံ ဟောတိ ဘဝတိ တိဋ္ဌတိ သသ္သတိသမ’’န္တိ ဧဝံ ပဝတ္တံ ဒိဋ္ဌိဂတံ။ အတ္ထသန္နိသ္သိတံ န ဟောတီတိ ဒိဋ္ဌဓမ္မိကသမ္ပရာယိကပရမတ္ထတော သုခန္တိ ပသတ္ထသန္နိသ္သိတံ န ဟောတိ။ အာဒိဗ္ရဟ္မစရိယကန္တိ ဧတ္ထ မဂ္ဂဗ္ရဟ္မစရိယံ အဓိပ္ပေတံ တသ္သ ပဓာနဘာဝတော။ တသ္သ ပန ဧတံ ဒိဋ္ဌိဂတံ အာဒိပဋိပဒာမတ္တံ န ဟောတိ အနုပကာရကတ္တာ ဝိလောမနတော စ။ တတော ဧဝ ဣတရဗ္ရဟ္မစရိယသ္သပိ အနိသ္သယောဝ။ သေသံ ဝုတ္တနယေန ဝေဒိတဗ္ဗံ။
155. Yathā atītakappe atītāsu jātīsu kammakilesavasena āgato, tathā etarahipi āgatoti tathāgato, yathā yathā vā pana kammaṃ katūpacitaṃ, tathā taṃ taṃ attabhāvaṃ āgato upagato upapannoti tathāgato, sattoti āha ‘‘tathāgatoti satto’’ti. Etanti ‘‘evaṃ hoti bhavati tiṭṭhati sassatisama’’nti evaṃ pavattaṃ diṭṭhigataṃ. Atthasannissitaṃ na hotīti diṭṭhadhammikasamparāyikaparamatthato sukhanti pasatthasannissitaṃ na hoti. Ādibrahmacariyakanti ettha maggabrahmacariyaṃ adhippetaṃ tassa padhānabhāvato. Tassa pana etaṃ diṭṭhigataṃ ādipaṭipadāmattaṃ na hoti anupakārakattā vilomanato ca. Tato eva itarabrahmacariyassapi anissayova. Sesaṃ vuttanayena veditabbaṃ.
ပရံမရဏသုတ္တဝဏ္ဏနာ နိဋ္ဌိတာ။
Paraṃmaraṇasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၁၂. ပရံမရဏသုတ္တံ • 12. Paraṃmaraṇasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၁၂. ပရံမရဏသုတ္တဝဏ္ဏနာ • 12. Paraṃmaraṇasuttavaṇṇanā
