| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
3. барамбарабхож̇анасигкаабад̣̇ам̣
3. Paramparabhojanasikkhāpadaṃ
221. д̇ад̇ияз ‘‘на ко…бз… гаронд̇ий’’д̇ибаатасса ад̇т̇асамб̣анд̇хам̣ д̣̇ассзнд̇о ааха ‘‘язна нияаамзнаа’’д̇иаад̣̇и. д̇ад̇т̇а ‘‘язна нияаамзнаа’’д̇ииминаа ‘‘яат̇аяимз мануссаа’’д̇и зд̇т̇а яат̇аасад̣̇д̣̇асса яам̣сад̣̇д̣̇ад̇т̇абхаавам̣ д̣̇ассзд̇и. д̇знаад̇и д̇зна нияаамзна. иминаа яат̇аасад̣̇д̣̇асса нияаманид̣̇д̣̇идтабхаавам̣ д̣̇ассзд̇и. ‘‘н̃ааяад̇ий’’д̇ииминаа гирияаабаатасзсам̣ д̣̇ассзд̇и. ‘‘саасанам̣ ваа д̣̇аанам̣ ваа’’д̇ибад̣̇зхи ид̣̇ам̣сад̣̇д̣̇асса ад̇т̇ам̣ д̣̇ассзд̇и. б̣уд̣̇д̇хаббамукз сан̇гхзд̇и самбад̣̇аанад̇т̇з жзд̇аани бхуммаважанаани, б̣уд̣̇д̇хаббамукасса сан̇гхасса д̣̇аанам̣ ваад̇и ад̇т̇о. ‘‘барид̇д̇а’’нд̇ииминаа орагасад̣̇д̣̇асса ад̇т̇ам̣ д̣̇ассзд̇и. ‘‘лаамага’’нд̇ииминаа барид̇д̇асад̣̇д̣̇асса бариваарад̇т̇ам̣ нивад̇д̇зд̇и. гиро зва бад̇ибхаавз нияуд̇д̇о гирабад̇игод̇и ад̇т̇ам̣ д̣̇ассзнд̇о ааха ‘‘гирабад̇игод̇и зд̇т̇аа’’д̇и аад̣̇и. сод̇и гирабад̇иго. гаммам̣ гаарзд̇ийд̇и самб̣анд̇хо. убажааравасзнаад̇и вохааравасзна, убалагкан̣авасзна, бад̇хаанавасзна ваад̇и ад̇т̇о. на гзвалам̣ б̣ад̣̇арааязва, ан̃н̃зби бана б̣ахуу каад̣̇анийяабхож̇анийяаа бадияад̇д̇аад̇и ад̇хиббааяо. б̣ад̣̇арзна миссо б̣ад̣̇арамиссо, б̣ад̣̇арасаал̣авод̇и ааха ‘‘б̣ад̣̇арасаал̣авзнаа’’д̇и. б̣ад̣̇аражун̣н̣зна миссо мад̇хусагкараад̣̇и ‘‘б̣ад̣̇арасаал̣аво’’д̇и вужжад̇и.
221. Tatiye ‘‘na kho…pe… karontī’’tipāṭhassa atthasambandhaṃ dassento āha ‘‘yena niyāmenā’’tiādi. Tattha ‘‘yena niyāmenā’’tiiminā ‘‘yathayime manussā’’ti ettha yathāsaddassa yaṃsaddatthabhāvaṃ dasseti. Tenāti tena niyāmena. Iminā yathāsaddassa niyamaniddiṭṭhabhāvaṃ dasseti. ‘‘Ñāyatī’’tiiminā kiriyāpāṭhasesaṃ dasseti. ‘‘Sāsanaṃ vā dānaṃ vā’’tipadehi idaṃsaddassa atthaṃ dasseti. Buddhappamukhe saṅgheti sampadānatthe cetāni bhummavacanāni, buddhappamukhassa saṅghassa dānaṃ vāti attho. ‘‘Paritta’’ntiiminā orakasaddassa atthaṃ dasseti. ‘‘Lāmaka’’ntiiminā parittasaddassa parivāratthaṃ nivatteti. Kiro eva patibhāve niyutto kirapatikoti atthaṃ dassento āha ‘‘kirapatikoti etthā’’ti ādi. Soti kirapatiko. Kammaṃ kāretīti sambandho. Upacāravasenāti vohāravasena, upalakkhaṇavasena, padhānavasena vāti attho. Na kevalaṃ badarāyeva, aññepi pana bahū khādanīyabhojanīyā paṭiyattāti adhippāyo. Badarena misso badaramisso, badarasāḷavoti āha ‘‘badarasāḷavenā’’ti. Badaracuṇṇena misso madhusakkharādi ‘‘badarasāḷavo’’ti vuccati.
222. уд̣̇д̇хам̣ сууро уг̇г̇ад̇о асмим̣ гаалзд̇и уссуурод̇и вуд̇д̇з ад̇ид̣̇иваагаалод̇и ааха ‘‘ад̇ид̣̇иваа’’д̇и.
222. Uddhaṃ sūro uggato asmiṃ kāleti ussūroti vutte atidivākāloti āha ‘‘atidivā’’ti.
226. аяам̣ бхад̇д̇авигаббанаа наама ваддад̇ийд̇и яож̇анаа. бан̃жасу сахад̇хаммигзсууд̇и нид̣̇д̇хааран̣асамуд̣̇ааяо, ид̇т̇аннаамассаад̇и самб̣анд̇хо. яад̣̇и бана саммукааби вигаббид̇ум̣ ваддад̇и, д̇ад̣̇аа ад̇д̇анаа саха тид̇асса бхаг̇авад̇о гасмаа на вигаббзд̇ийд̇и ааха ‘‘саа жааяа’’нд̇иаад̣̇и. саа аяам̣ вигаббанаа сан̇г̇ахид̇аад̇и самб̣анд̇хо. гасмаа бхаг̇авад̇о вигаббзд̇ум̣ на ваддад̇ийд̇и ааха ‘‘бхаг̇авад̇и хий’’д̇иаад̣̇и. хийд̇и сажжам̣, яасмаа ваа. сан̇гхзна гад̇анд̇и самб̣анд̇хо.
226. Ayaṃ bhattavikappanā nāma vaṭṭatīti yojanā. Pañcasu sahadhammikesūti niddhāraṇasamudāyo, itthannāmassāti sambandho. Yadi pana sammukhāpi vikappituṃ vaṭṭati, tadā attanā saha ṭhitassa bhagavato kasmā na vikappetīti āha ‘‘sā cāya’’ntiādi. Sā ayaṃ vikappanā saṅgahitāti sambandho. Kasmā bhagavato vikappetuṃ na vaṭṭatīti āha ‘‘bhagavati hī’’tiādi. Hīti saccaṃ, yasmā vā. Saṅghena katanti sambandho.
229. ‘‘д̣̇вз д̇аяо ниманд̇анз’’д̇ибад̣̇аани лин̇г̇авибаллаасаанийд̇и ааха ‘‘д̣̇вз д̇ийн̣и ниманд̇анааний’’д̇и. ниманд̇ид̇аб̣б̣о зд̇зхийд̇и ниманд̇анаани бхож̇анаани бхун̃ж̇ад̇ийд̇и самб̣анд̇хо. д̣̇вз д̇ийн̣и гулаани аагиранд̇ийд̇и яож̇анаа. суубаб̣яан̃ж̇ананд̇и суубо жа б̣яан̃ж̇анан̃жа суубаб̣яан̃ж̇анам̣. анаабад̇д̇и згад̇о миссид̇ад̇д̇аад̇и ад̇хиббааяо. мууланиманд̇ананд̇и батаманиманд̇анам̣ бхож̇анам̣. анд̇од̇и хздтаа. згамби габ̣ал̣анд̇и згамби аалобам̣. яат̇аа д̇ат̇аа ваад̇и язна ваа д̇зна ваа аагаарзна. д̇ад̇т̇аад̇и д̇асмим̣ бхож̇анз. расам̣ ваад̇и кийрад̇о ан̃н̃ам̣ расам̣ ваа. язна кийрарасзна аж̇жход̇т̇ад̇ам̣ бхад̇д̇ам̣ згарасам̣ ход̇и, д̇ам̣ кийрам̣ ваа д̇ам̣ расам̣ ваа аагиранд̇ийд̇и яож̇анаа. яам̣сад̣̇д̣̇о хи уд̇д̇араваагяз тид̇о буб̣б̣аваагяз д̇ам̣сад̣̇д̣̇ам̣ аваг̇амаяад̇и. кийрзна сам̣садтам̣ бхад̇д̇ам̣ кийрабхад̇д̇ам̣. звам̣ расабхад̇д̇ам̣. ан̃н̃збийд̇и кийрабхад̇д̇арасабхад̇д̇ад̣̇ааяагад̇о ан̃н̃зби. анаабад̇д̇и бхад̇д̇зна амиссид̇ад̇д̇аад̇и ад̇хиббааяо. ‘‘бхун̃ж̇анд̇знаа’’д̇ибад̣̇ам̣ ‘‘бхун̃ж̇ид̇у’’нд̇ибад̣̇з бхаавагад̇д̇аа. саббибааяаасзбийд̇и саббинаа жа бааяаасзна жа гад̇з бхад̇д̇зби.
229. ‘‘Dve tayo nimantane’’tipadāni liṅgavipallāsānīti āha ‘‘dve tīṇi nimantanānī’’ti. Nimantitabbo etehīti nimantanāni bhojanāni bhuñjatīti sambandho. Dve tīṇi kulāni ākirantīti yojanā. Sūpabyañjananti sūpo ca byañjanañca sūpabyañjanaṃ. Anāpatti ekato missitattāti adhippāyo. Mūlanimantananti paṭhamanimantanaṃ bhojanaṃ. Antoti heṭṭhā. Ekampi kabaḷanti ekampi ālopaṃ. Yathā tathā vāti yena vā tena vā ākārena. Tatthāti tasmiṃ bhojane. Rasaṃ vāti khīrato aññaṃ rasaṃ vā. Yena khīrarasena ajjhotthataṃ bhattaṃ ekarasaṃ hoti, taṃ khīraṃ vā taṃ rasaṃ vā ākirantīti yojanā. Yaṃsaddo hi uttaravākye ṭhito pubbavākye taṃsaddaṃ avagamayati. Khīrena saṃsaṭṭhaṃ bhattaṃ khīrabhattaṃ. Evaṃ rasabhattaṃ. Aññepīti khīrabhattarasabhattadāyakato aññepi. Anāpatti bhattena amissitattāti adhippāyo. ‘‘Bhuñjantenā’’tipadaṃ ‘‘bhuñjitu’’ntipade bhāvakattā. Sappipāyāsepīti sappinā ca pāyāsena ca kate bhattepi.
д̇ассаад̇и махааубаасагасса. аабад̇д̇ийд̇и жа ваддад̇ийд̇и жа д̣̇виннам̣ адтагат̇ааваад̣̇аанам̣ яуд̇д̇абхаавам̣ махаабажжариваад̣̇зна д̣̇ассзд̇ум̣ вуд̇д̇ам̣ ‘‘махаабажжарияа’’нд̇иаад̣̇и. д̣̇вз адтагат̇ааваад̣̇аа хи санд̇хааяабхаасид̇амад̇д̇амзва висзсаа, ад̇т̇ад̇о бана згаа. махаабажжарияам̣ вуд̇д̇анд̇и самб̣анд̇хо. зговаад̇и гумбхияаа згова. барамбарабхож̇ананд̇и барасса барасса бхож̇анам̣ . ниманд̇ид̇амхаад̇и ахам̣ ниманд̇ид̇о амхи нанууд̇и ад̇т̇о. аабужчид̇ваабийд̇и махааубаасагам̣ аабужчид̇вааби.
Tassāti mahāupāsakassa. Āpattīti ca vaṭṭatīti ca dvinnaṃ aṭṭhakathāvādānaṃ yuttabhāvaṃ mahāpaccarivādena dassetuṃ vuttaṃ ‘‘mahāpaccariya’’ntiādi. Dve aṭṭhakathāvādā hi sandhāyabhāsitamattameva visesā, atthato pana ekā. Mahāpaccariyaṃ vuttanti sambandho. Ekovāti kumbhiyā ekova. Paramparabhojananti parassa parassa bhojanaṃ . Nimantitamhāti ahaṃ nimantito amhi nanūti attho. Āpucchitvāpīti mahāupāsakaṃ āpucchitvāpi.
сод̇и анумод̣̇аго бхигку. д̇анд̇и бхигкум̣. ан̃н̃од̇и ан̃н̃ад̇аро. гинд̇и гасмаа. ниманд̇ид̇ад̇д̇аад̇и ниманд̇ид̇абхаавад̇о.
Soti anumodako bhikkhu. Tanti bhikkhuṃ. Aññoti aññataro. Kinti kasmā. Nimantitattāti nimantitabhāvato.
сагалзна г̇аамзна ниманд̇ид̇оби згад̇о худ̇ваава ниманд̇ид̇асса габбад̇и, на висум̣ висунд̇и ааха ‘‘згад̇о худ̇ваа’’д̇и. бууг̇збийд̇и самаад̣̇абзд̇ваа бун̃н̃ам̣ гаронд̇аанам̣ самуухзби. ‘‘ниманд̇ияамаано’’д̇ибад̣̇асса ниманд̇анаагаарам̣ д̣̇ассзнд̇о ааха ‘‘бхад̇д̇ам̣ г̇ан̣хаа’’д̇и. яад̣̇аг̇г̇знаад̇и яам̣ аг̇г̇зна язна годтаасзнаад̇и ад̇т̇о. д̣̇вийсу т̇зраваад̣̇зсу махаасумад̇т̇зраваад̣̇ова яуд̇д̇од̇и со бажчаа вуд̇д̇од̇и. д̇ад̇ияам̣.
Sakalena gāmena nimantitopi ekato hutvāva nimantitassa kappati, na visuṃ visunti āha ‘‘ekato hutvā’’ti. Pūgepīti samādapetvā puññaṃ karontānaṃ samūhepi. ‘‘Nimantiyamāno’’tipadassa nimantanākāraṃ dassento āha ‘‘bhattaṃ gaṇhā’’ti. Yadaggenāti yaṃ aggena yena koṭṭhāsenāti attho. Dvīsu theravādesu mahāsumattheravādova yuttoti so pacchā vuttoti. Tatiyaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 4. бхож̇анаваг̇г̇о • 4. Bhojanavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 3. барамбарабхож̇анасигкаабад̣̇аван̣н̣анаа • 3. Paramparabhojanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 3. барамбарабхож̇анасигкаабад̣̇аван̣н̣анаа • 3. Paramparabhojanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 3. барамбарабхож̇анасигкаабад̣̇аван̣н̣анаа • 3. Paramparabhojanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 3. барамбарабхож̇анасигкаабад̣̇аван̣н̣анаа • 3. Paramparabhojanasikkhāpadavaṇṇanā
