| Library / Tipiṭaka / திபிடக • Tipiṭaka / கங்கா²விதரணீ-புராண-டீகா • Kaṅkhāvitaraṇī-purāṇa-ṭīkā |
3. பரம்பரபோ⁴ஜனஸிக்கா²பத³வண்ணனா
3. Paramparabhojanasikkhāpadavaṇṇanā
அஞ்ஞத்ர ஸமயாதி பன நிமந்தனதோ பஸவனதோ போ⁴ஜனாபெக்க²ங் பாசித்தியந்தி ஏகே. ஏகோ பி⁴க்கு² பிண்டா³ய சரந்தோ ப⁴த்தங் லப⁴தி, தமஞ்ஞோ சூபாஸகோ நிமந்தெத்வா க⁴ரே நிஸீதா³பேஸி, ந ச தாவ ப⁴த்தங் ஸம்பஜ்ஜதி . ஸசே ஸோ பி⁴க்கு² பிண்டா³ய சரித்வா லத்³த⁴ப⁴த்தங் பு⁴ஞ்ஜதி, ஆபத்தி. கஸ்மாதி சே? ‘‘பரம்பரபோ⁴ஜனங் நாம பஞ்சன்னங் போ⁴ஜனானங் அஞ்ஞதரேன போ⁴ஜனேன நிமந்திதோ தங் ட²பெத்வா அஞ்ஞங் பஞ்சன்னங் போ⁴ஜனானங் அஞ்ஞதரங் போ⁴ஜனங் பு⁴ஞ்ஜதி, ஏதங் பரம்பரபோ⁴ஜனங் நாமா’’தி (பாசி॰ 227) வுத்தத்தா. பட²மகதி²னஸதி³ஸானி, இத³ங் பன கிரியாகிரிய’’ந்தி பாடோ².
Aññatrasamayāti pana nimantanato pasavanato bhojanāpekkhaṃ pācittiyanti eke. Eko bhikkhu piṇḍāya caranto bhattaṃ labhati, tamañño cūpāsako nimantetvā ghare nisīdāpesi, na ca tāva bhattaṃ sampajjati . Sace so bhikkhu piṇḍāya caritvā laddhabhattaṃ bhuñjati, āpatti. Kasmāti ce? ‘‘Paramparabhojanaṃ nāma pañcannaṃ bhojanānaṃ aññatarena bhojanena nimantito taṃ ṭhapetvā aññaṃ pañcannaṃ bhojanānaṃ aññataraṃ bhojanaṃ bhuñjati, etaṃ paramparabhojanaṃ nāmā’’ti (pāci. 227) vuttattā. Paṭhamakathinasadisāni, idaṃ pana kiriyākiriya’’nti pāṭho.
பரம்பரபோ⁴ஜனஸிக்கா²பத³வண்ணனா நிட்டி²தா.
Paramparabhojanasikkhāpadavaṇṇanā niṭṭhitā.
