| Library / Tipiṭaka / திபிடக • Tipiṭaka / விமதிவினோத³னீ-டீகா • Vimativinodanī-ṭīkā |
3. பரம்பரபோ⁴ஜனஸிக்கா²பத³வண்ணனா
3. Paramparabhojanasikkhāpadavaṇṇanā
221. ததியே பாளியங் ப⁴த்தபடிபாடி அட்டி²தாதி குலபடிபாடியா தா³தப்³பா³ ப⁴த்தபடிபாடி அட்டி²தா ந டி²தா, அப்³பொ³ச்சி²ன்னா நிரந்தரப்பவத்தாதி அத்தோ². ப³த³ரப²லானி பக்கி²பித்வா பக்கயாகு³ஆதி³கங் ‘‘ப³த³ரஸாளவ’’ந்தி வுச்சதி.
221. Tatiye pāḷiyaṃ bhattapaṭipāṭi aṭṭhitāti kulapaṭipāṭiyā dātabbā bhattapaṭipāṭi aṭṭhitā na ṭhitā, abbocchinnā nirantarappavattāti attho. Badaraphalāni pakkhipitvā pakkayāguādikaṃ ‘‘badarasāḷava’’nti vuccati.
பாளியங் பரம்பரபோ⁴ஜனேதி யேன பட²மங் நிமந்திதோ, தஸ்ஸ போ⁴ஜனதோ பரஸ்ஸ போ⁴ஜனஸ்ஸ பு⁴ஞ்ஜனே. விகப்பனாவ இத⁴ அனுபஞ்ஞத்திவஸேன மாதிகாயங் அனாரோபிதாபி பரிவாரே ‘‘சதஸ்ஸோ அனுபஞ்ஞத்தியோ’’தி (பரி॰ 86) அனுபஞ்ஞத்தியங் க³ணிதா. தத்த² கிஞ்சாபி அட்ட²கதா²யங் மஹாபச்சரிவாத³ஸ்ஸ பச்சா² கத²னேன பரம்முகா²விகப்பனா பதிட்ட²பிதா, ததா²பி ஸம்முகா²விகப்பனாபி க³ஹேதப்³பா³வ. தேனேவ மாதிகாட்ட²கதா²யம்பி ‘‘யோ பி⁴க்கு² பஞ்சஸு ஸஹத⁴ம்மிகேஸு அஞ்ஞதரஸ்ஸ ‘மய்ஹங் ப⁴த்தபச்சாஸங் துய்ஹங் த³ம்மீ’தி வா ‘விகப்பேமீ’தி வா ஏவங் ஸம்முகா²’’திஆதி³ (கங்கா²॰ அட்ட²॰ பரம்பரபோ⁴ஜனஸிக்கா²பத³வண்ணனா) வுத்தங்.
Pāḷiyaṃ paramparabhojaneti yena paṭhamaṃ nimantito, tassa bhojanato parassa bhojanassa bhuñjane. Vikappanāva idha anupaññattivasena mātikāyaṃ anāropitāpi parivāre ‘‘catasso anupaññattiyo’’ti (pari. 86) anupaññattiyaṃ gaṇitā. Tattha kiñcāpi aṭṭhakathāyaṃ mahāpaccarivādassa pacchā kathanena parammukhāvikappanā patiṭṭhapitā, tathāpi sammukhāvikappanāpi gahetabbāva. Teneva mātikāṭṭhakathāyampi ‘‘yo bhikkhu pañcasu sahadhammikesu aññatarassa ‘mayhaṃ bhattapaccāsaṃ tuyhaṃ dammī’ti vā ‘vikappemī’ti vā evaṃ sammukhā’’tiādi (kaṅkhā. aṭṭha. paramparabhojanasikkhāpadavaṇṇanā) vuttaṃ.
229. கீ²ரங் வா ரஸங் வாதி பஞ்சபோ⁴ஜனாமிஸங் ப⁴த்ததோ உபரி டி²தங் ஸந்தா⁴ய வுத்தங். தஞ்ஹி அபோ⁴ஜனத்தா உப்படிபாடியா பிவதோபி அனாபத்தி. தேனாஹ ‘‘பு⁴ஞ்ஜந்தேனா’’திஆதி³.
229.Khīraṃ vā rasaṃ vāti pañcabhojanāmisaṃ bhattato upari ṭhitaṃ sandhāya vuttaṃ. Tañhi abhojanattā uppaṭipāṭiyā pivatopi anāpatti. Tenāha ‘‘bhuñjantenā’’tiādi.
விகப்பனாய அகரணதோ அகிரியாவஸேன இத³ங் வாசாயபி ஸமுட்டி²தந்தி ஆஹ ‘‘வசீகம்ம’’ந்தி. பரம்பரபோ⁴ஜனதா, ஸமயாபா⁴வோ, அஜ்ஜோ²ஹரணந்தி இமானெத்த² தீணி அங்கா³னி.
Vikappanāya akaraṇato akiriyāvasena idaṃ vācāyapi samuṭṭhitanti āha ‘‘vacīkamma’’nti. Paramparabhojanatā, samayābhāvo, ajjhoharaṇanti imānettha tīṇi aṅgāni.
பரம்பரபோ⁴ஜனஸிக்கா²பத³வண்ணனா நிட்டி²தா.
Paramparabhojanasikkhāpadavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 4. போ⁴ஜனவக்³கோ³ • 4. Bhojanavaggo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 3. பரம்பரபோ⁴ஜனஸிக்கா²பத³வண்ணனா • 3. Paramparabhojanasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 3. பரம்பரபோ⁴ஜனஸிக்கா²பத³வண்ணனா • 3. Paramparabhojanasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 3. பரம்பரபோ⁴ஜனஸிக்கா²பத³வண்ணனா • 3. Paramparabhojanasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 3. பரம்பரபோ⁴ஜனஸிக்கா²பத³ங் • 3. Paramparabhojanasikkhāpadaṃ
