| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
3. барамбарабхож̇анасигкаабад̣̇аван̣н̣анаа
3. Paramparabhojanasikkhāpadavaṇṇanā
221. д̇ад̇ияасигкаабад̣̇з – на ко ид̣̇ам̣ орагам̣ бхависсад̇и, яат̇аяимз мануссаа саггажжам̣ бхад̇д̇ам̣ гаронд̇ийд̇и, язна нияаамзна имз мануссаа саггажжам̣ бхад̇д̇ам̣ гаронд̇и, д̇зна н̃ааяад̇и – ‘‘ид̣̇ам̣ саасанам̣ ид̣̇ам̣ ваа б̣уд̣̇д̇хаббамукз сан̇гхз д̣̇аанам̣ на ко орагам̣ бхависсад̇и, барид̇д̇ам̣ лаамагам̣ нзва бхависсад̇ий’’д̇и. гирабад̇игод̇и зд̇т̇а ‘‘гиро’’д̇и д̇асса гулабуд̇д̇асса наамам̣; ад̇хибажжадтзна бана ‘‘гирабад̇иго’’д̇и вужжад̇и. со гира иссаро ад̇хибад̇и маасауд̇усам̣важчаранияаамзна взд̇анам̣ д̣̇ад̇ваа гаммагаарагз гаммам̣ гаарзд̇и. б̣ад̣̇араа бадияад̇д̇аад̇и убажааравасзна вад̣̇ад̇и. б̣ад̣̇арамиссзнаад̇и б̣ад̣̇арасаал̣авзна.
221. Tatiyasikkhāpade – na kho idaṃ orakaṃ bhavissati, yathayime manussā sakkaccaṃ bhattaṃ karontīti, yena niyāmena ime manussā sakkaccaṃ bhattaṃ karonti, tena ñāyati – ‘‘idaṃ sāsanaṃ idaṃ vā buddhappamukhe saṅghe dānaṃ na kho orakaṃ bhavissati, parittaṃ lāmakaṃ neva bhavissatī’’ti. Kirapatikoti ettha ‘‘kiro’’ti tassa kulaputtassa nāmaṃ; adhipaccaṭṭhena pana ‘‘kirapatiko’’ti vuccati. So kira issaro adhipati māsautusaṃvaccharaniyāmena vetanaṃ datvā kammakārake kammaṃ kāreti. Badarā paṭiyattāti upacāravasena vadati. Badaramissenāti badarasāḷavena.
222. уссуурз аахарияид̇т̇аад̇и ад̇ид̣̇иваа аахарияид̇т̇а.
222.Ussūre āhariyitthāti atidivā āhariyittha.
226. маяхам̣ бхад̇д̇абажжаасам̣ ид̇т̇аннаамасса д̣̇аммийд̇и аяам̣ бхад̇д̇авигаббанаа наама саммукааби бараммукааби ваддад̇и. саммукаа д̣̇исваа ‘‘д̇уяхам̣ вигаббзмий’’д̇и вад̇ваа бхун̃ж̇ид̇аб̣б̣ам̣, ад̣̇исваа бан̃жасу сахад̇хаммигзсу ‘‘ид̇т̇аннаамасса вигаббзмий’’д̇и вад̇ваа бхун̃ж̇ид̇аб̣б̣ам̣. махаабажжарияаад̣̇ийсу бана бараммукаавигаббанаава вуд̇д̇аа. саа жааяам̣ яасмаа винаяагаммзна сан̇г̇ахид̇аа, д̇асмаа бхаг̇авад̇о вигаббзд̇ум̣ на ваддад̇и. бхаг̇авад̇и хи г̇анд̇хагудияам̣ нисиннзби сан̇гхамаж̇жхз нисиннзби сан̇гхзна г̇ан̣аббахонагз бхигкуу г̇ахзд̇ваа д̇ам̣ д̇ам̣ гаммам̣ гад̇ам̣ сугад̇амзва ход̇и, бхаг̇аваа нзва гаммам̣ гобзд̇и; на самбаад̣̇зд̇и. на гобзд̇и д̇хаммиссарад̇д̇аа, на самбаад̣̇зд̇и аг̇ан̣абуурагад̇д̇аа.
226.Mayhaṃ bhattapaccāsaṃ itthannāmassa dammīti ayaṃ bhattavikappanā nāma sammukhāpi parammukhāpi vaṭṭati. Sammukhā disvā ‘‘tuyhaṃ vikappemī’’ti vatvā bhuñjitabbaṃ, adisvā pañcasu sahadhammikesu ‘‘itthannāmassa vikappemī’’ti vatvā bhuñjitabbaṃ. Mahāpaccariyādīsu pana parammukhāvikappanāva vuttā. Sā cāyaṃ yasmā vinayakammena saṅgahitā, tasmā bhagavato vikappetuṃ na vaṭṭati. Bhagavati hi gandhakuṭiyaṃ nisinnepi saṅghamajjhe nisinnepi saṅghena gaṇappahonake bhikkhū gahetvā taṃ taṃ kammaṃ kataṃ sukatameva hoti, bhagavā neva kammaṃ kopeti; na sampādeti. Na kopeti dhammissarattā, na sampādeti agaṇapūrakattā.
229. д̣̇вз д̇аяо ниманд̇анз згад̇о бхун̃ж̇ад̇ийд̇и д̣̇вз д̇ийн̣и ниманд̇анаани згабад̇д̇з багкибид̇ваа миссзд̇ваа згам̣ гад̇ваа бхун̃ж̇ад̇ийд̇и ад̇т̇о. д̣̇вз д̇ийн̣и гулаани ниманд̇зд̇ваа згасмим̣ таанз нисийд̣̇аабзд̇ваа ид̇о жид̇о жа аахарид̇ваа бхад̇д̇ам̣ аагиранд̇и, суубаб̣яан̃ж̇анам̣ аагиранд̇и, згамиссагам̣ ход̇и, зд̇т̇а анаабад̇д̇ийд̇и махаабажжарияам̣ вуд̇д̇ам̣. сажз бана мууланиманд̇анам̣ хздтаа ход̇и, бажчимам̣ бажчимам̣ убари, д̇ам̣ убарид̇о бадтааяа бхун̃ж̇анд̇асса аабад̇д̇и. хад̇т̇ам̣ бана анд̇о бавзсзд̇ваа батаманиманд̇анад̇о згамби габ̣ал̣ам̣ уд̣̇д̇харид̇ваа бхуд̇д̇агаалад̇о бадтааяа яат̇аа д̇ат̇аа ваа бхун̃ж̇анд̇асса анаабад̇д̇и. сажзби д̇ад̇т̇а кийрам̣ ваа расам̣ ваа аагиранд̇и, язна аж̇жход̇т̇ад̇ам̣ бхад̇д̇ам̣ згарасам̣ ход̇и, годид̇о бадтааяа бхун̃ж̇анд̇асса анаабад̇д̇ийд̇и махаабажжарияам̣ вуд̇д̇ам̣. махааадтагат̇ааяам̣ бана вуд̇д̇ам̣ – ‘‘кийрабхад̇д̇ам̣ ваа расабхад̇д̇ам̣ ваа лабхид̇ваа нисиннасса д̇ад̇т̇зва ан̃н̃зби кийрабхад̇д̇ам̣ ваа расабхад̇д̇ам̣ ваа аагиранд̇и, кийрам̣ ваа расам̣ ваа бивад̇о анаабад̇д̇и. бхун̃ж̇анд̇зна бана батамам̣ лад̣̇д̇хамам̣сакан̣д̣ам̣ ваа бхад̇д̇абин̣д̣ам̣ ваа мукз багкибид̇ваа годид̇о бадтааяа бхун̃ж̇ид̇ум̣ ваддад̇и. саббибааяаасзби зсзва наяо’’д̇и.
229.Dve tayo nimantane ekato bhuñjatīti dve tīṇi nimantanāni ekapatte pakkhipitvā missetvā ekaṃ katvā bhuñjatīti attho. Dve tīṇi kulāni nimantetvā ekasmiṃ ṭhāne nisīdāpetvā ito cito ca āharitvā bhattaṃ ākiranti, sūpabyañjanaṃ ākiranti, ekamissakaṃ hoti, ettha anāpattīti mahāpaccariyaṃ vuttaṃ. Sace pana mūlanimantanaṃ heṭṭhā hoti, pacchimaṃ pacchimaṃ upari, taṃ uparito paṭṭhāya bhuñjantassa āpatti. Hatthaṃ pana anto pavesetvā paṭhamanimantanato ekampi kabaḷaṃ uddharitvā bhuttakālato paṭṭhāya yathā tathā vā bhuñjantassa anāpatti. Sacepi tattha khīraṃ vā rasaṃ vā ākiranti, yena ajjhotthataṃ bhattaṃ ekarasaṃ hoti, koṭito paṭṭhāya bhuñjantassa anāpattīti mahāpaccariyaṃ vuttaṃ. Mahāaṭṭhakathāyaṃ pana vuttaṃ – ‘‘khīrabhattaṃ vā rasabhattaṃ vā labhitvā nisinnassa tattheva aññepi khīrabhattaṃ vā rasabhattaṃ vā ākiranti, khīraṃ vā rasaṃ vā pivato anāpatti. Bhuñjantena pana paṭhamaṃ laddhamaṃsakhaṇḍaṃ vā bhattapiṇḍaṃ vā mukhe pakkhipitvā koṭito paṭṭhāya bhuñjituṃ vaṭṭati. Sappipāyāsepi eseva nayo’’ti.
махааубаасаго бхигкум̣ ниманд̇зд̇и, д̇асса гулам̣ убаг̇ад̇асса убаасагоби д̇асса буд̇д̇ад̣̇аарабхаад̇игабхаг̇иниаад̣̇аяоби ад̇д̇ано ад̇д̇ано годтаасам̣ аахарид̇ваа бад̇д̇з багкибанд̇и, убаасагзна батамам̣ д̣̇иннам̣ абхун̃ж̇ид̇ваа бажчаа лад̣̇д̇хам̣ бхун̃ж̇анд̇асса ‘‘анаабад̇д̇ий’’д̇и махааадтагат̇ааяам̣ вуд̇д̇ам̣. гурунд̣̇адтагат̇ааяам̣ бана ваддад̇ийд̇и вуд̇д̇ам̣. махаабажжарияам̣ ‘‘сажз баадзггам̣ бажанд̇и, ад̇д̇ано ад̇д̇ано баггабхад̇д̇ад̇о аахарид̇ваа д̣̇знд̇и, д̇ад̇т̇а бажчаа аахадам̣ батамам̣ бхун̃ж̇анд̇асса баажид̇д̇ияам̣. яад̣̇и бана саб̣б̣зсам̣ згова бааго ход̇и, барамбарабхож̇анам̣ на ход̇ий’’д̇и вуд̇д̇ам̣. махааубаасаго ниманд̇зд̇ваа нисийд̣̇аабзд̇и, ан̃н̃о мануссо бад̇д̇ам̣ г̇ан̣хаад̇и, на д̣̇аад̇аб̣б̣ам̣. гим̣ бханд̇з на д̣̇зт̇аад̇и? нану убаасага д̇аяаа ниманд̇ид̇амхаад̇и! ход̇у бханд̇з, лад̣̇д̇хам̣ лад̣̇д̇хам̣ бхун̃ж̇ат̇аад̇и вад̣̇ад̇и, бхун̃ж̇ид̇ум̣ ваддад̇и. ан̃н̃зна аахарид̇ваа бхад̇д̇з д̣̇иннз аабужчид̇вааби бхун̃ж̇ид̇ум̣ ваддад̇ийд̇и гурунд̣̇ияам̣ вуд̇д̇ам̣.
Mahāupāsako bhikkhuṃ nimanteti, tassa kulaṃ upagatassa upāsakopi tassa puttadārabhātikabhaginiādayopi attano attano koṭṭhāsaṃ āharitvā patte pakkhipanti, upāsakena paṭhamaṃ dinnaṃ abhuñjitvā pacchā laddhaṃ bhuñjantassa ‘‘anāpattī’’ti mahāaṭṭhakathāyaṃ vuttaṃ. Kurundaṭṭhakathāyaṃ pana vaṭṭatīti vuttaṃ. Mahāpaccariyaṃ ‘‘sace pāṭekkaṃ pacanti, attano attano pakkabhattato āharitvā denti, tattha pacchā āhaṭaṃ paṭhamaṃ bhuñjantassa pācittiyaṃ. Yadi pana sabbesaṃ ekova pāko hoti, paramparabhojanaṃ na hotī’’ti vuttaṃ. Mahāupāsako nimantetvā nisīdāpeti, añño manusso pattaṃ gaṇhāti, na dātabbaṃ. Kiṃ bhante na dethāti? Nanu upāsaka tayā nimantitamhāti! Hotu bhante, laddhaṃ laddhaṃ bhuñjathāti vadati, bhuñjituṃ vaṭṭati. Aññena āharitvā bhatte dinne āpucchitvāpi bhuñjituṃ vaṭṭatīti kurundiyaṃ vuttaṃ.
анумод̣̇анам̣ гад̇ваа г̇ажчанд̇ам̣ д̇хаммам̣ сод̇угаамаа ‘‘свзби бханд̇з ааг̇ажчзяяаат̇аа’’д̇и саб̣б̣з ниманд̇знд̇и, бунад̣̇ивасз ааг̇анд̇ваа лад̣̇д̇хам̣ лад̣̇д̇хам̣ бхун̃ж̇ид̇ум̣ ваддад̇и. гасмаа? саб̣б̣зхи ниманд̇ид̇ад̇д̇аа. зго бхигку бин̣д̣ааяа жаранд̇о бхад̇д̇ам̣ лабхад̇и, д̇аман̃н̃о убаасаго ниманд̇зд̇ваа гхарз нисийд̣̇аабзд̇и, на жа д̇аава бхад̇д̇ам̣ самбаж̇ж̇ад̇и. сажз со бхигку бин̣д̣ааяа жарид̇ваа лад̣̇д̇хабхад̇д̇ам̣ бхун̃ж̇ад̇и, аабад̇д̇и. абхуд̇ваа нисиннз ‘‘гим̣ бханд̇з на бхун̃ж̇асий’’д̇и вуд̇д̇з ‘‘д̇аяаа ниманд̇ид̇ад̇д̇аа’’д̇и вад̇ваа лад̣̇д̇хам̣ лад̣̇д̇хам̣ бхун̃ж̇ат̇а бханд̇з’’д̇и вуд̇д̇о бхун̃ж̇ад̇и, ваддад̇и.
Anumodanaṃ katvā gacchantaṃ dhammaṃ sotukāmā ‘‘svepi bhante āgaccheyyāthā’’ti sabbe nimantenti, punadivase āgantvā laddhaṃ laddhaṃ bhuñjituṃ vaṭṭati. Kasmā? Sabbehi nimantitattā. Eko bhikkhu piṇḍāya caranto bhattaṃ labhati, tamañño upāsako nimantetvā ghare nisīdāpeti, na ca tāva bhattaṃ sampajjati. Sace so bhikkhu piṇḍāya caritvā laddhabhattaṃ bhuñjati, āpatti. Abhutvā nisinne ‘‘kiṃ bhante na bhuñjasī’’ti vutte ‘‘tayā nimantitattā’’ti vatvā laddhaṃ laddhaṃ bhuñjatha bhante’’ti vutto bhuñjati, vaṭṭati.
сагалзна г̇аамзнаад̇и сагалзна г̇аамзна згад̇о худ̇ваа ниманд̇ид̇ассзва яад̇т̇а гад̇т̇ажи бхун̃ж̇ад̇о анаабад̇д̇и. бууг̇зби зсзва наяо. ниманд̇ияамаано бхигкам̣ г̇ахзссаамийд̇и бхан̣ад̇ийд̇и ‘‘бхад̇д̇ам̣ г̇ан̣хаа’’д̇и ниманд̇ияамаано ‘‘на маяхам̣ д̇ава бхад̇д̇знад̇т̇о, бхигкам̣ г̇ан̣хиссаамий’’д̇и вад̣̇ад̇и. зд̇т̇а бана махаабад̣̇умад̇т̇зро ааха – ‘‘звам̣ вад̣̇анд̇о имасмим̣ сигкаабад̣̇з аниманд̇анам̣ гаад̇ум̣ саггод̇и, бхун̃ж̇анад̇т̇ааяа бана огаасо гад̇о ход̇ийд̇и нзва г̇ан̣абхож̇анад̇о на жаарид̇д̇ад̇о мужжад̇ий’’д̇и. махаасумад̇т̇зро ааха – ‘‘яад̣̇аг̇г̇зна аниманд̇анам̣ гаад̇ум̣ саггод̇и, д̇ад̣̇аг̇г̇зна нзва г̇ан̣абхож̇анам̣ на жаарид̇д̇ам̣ ход̇ий’’д̇и. сзсам̣ уд̇д̇аанамзва.
Sakalena gāmenāti sakalena gāmena ekato hutvā nimantitasseva yattha katthaci bhuñjato anāpatti. Pūgepi eseva nayo. Nimantiyamāno bhikkhaṃ gahessāmīti bhaṇatīti ‘‘bhattaṃ gaṇhā’’ti nimantiyamāno ‘‘na mayhaṃ tava bhattenattho, bhikkhaṃ gaṇhissāmī’’ti vadati. Ettha pana mahāpadumatthero āha – ‘‘evaṃ vadanto imasmiṃ sikkhāpade animantanaṃ kātuṃ sakkoti, bhuñjanatthāya pana okāso kato hotīti neva gaṇabhojanato na cārittato muccatī’’ti. Mahāsumatthero āha – ‘‘yadaggena animantanaṃ kātuṃ sakkoti, tadaggena neva gaṇabhojanaṃ na cārittaṃ hotī’’ti. Sesaṃ uttānameva.
гат̇инасамудтаанам̣ – гааяаваажад̇о гааяаваажаажид̇д̇ад̇о жа самудтаад̇и, гирияаагирияам̣ зд̇т̇а хи бхож̇анам̣ гирияаа, авигаббанам̣ агирияаа, носан̃н̃аавимогкам̣, ажид̇д̇агам̣, бан̣н̣ад̇д̇иваж̇ж̇ам̣, гааяагаммам̣, важийгаммам̣, д̇ижид̇д̇ам̣, д̇ивзд̣̇ананд̇и.
Kathinasamuṭṭhānaṃ – kāyavācato kāyavācācittato ca samuṭṭhāti, kiriyākiriyaṃ ettha hi bhojanaṃ kiriyā, avikappanaṃ akiriyā, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
барамбарабхож̇анасигкаабад̣̇ам̣ д̇ад̇ияам̣.
Paramparabhojanasikkhāpadaṃ tatiyaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 4. бхож̇анаваг̇г̇о • 4. Bhojanavaggo
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 3. барамбарабхож̇анасигкаабад̣̇аван̣н̣анаа • 3. Paramparabhojanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 3. барамбарабхож̇анасигкаабад̣̇аван̣н̣анаа • 3. Paramparabhojanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 3. барамбарабхож̇анасигкаабад̣̇аван̣н̣анаа • 3. Paramparabhojanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 3. барамбарабхож̇анасигкаабад̣̇ам̣ • 3. Paramparabhojanasikkhāpadaṃ
