| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
3. барамбарабхож̇анасигкаабад̣̇аван̣н̣анаа
3. Paramparabhojanasikkhāpadavaṇṇanā
г̇ан̣абхож̇анз вуд̇д̇анаязнзваад̇и бхигкум̣ убасан̇гамид̇ваа ‘‘д̇умхз, бханд̇з, од̣̇анзна ниманд̇зми, од̣̇анам̣ мз г̇ан̣хат̇аа’’д̇иаад̣̇инаа (баажи. адта. 217-218) наязна язна гзнажи взважанзна ваа бхаасанд̇арзна ваа бан̃жаннам̣ бхож̇анаанам̣ ан̃н̃ад̇арасса наамам̣ г̇ахзд̇ваа ниманд̇зд̇ийд̇и вуд̇д̇знзва наязна . ниманд̇ид̇ассаад̇и агаббияаниманд̇анзна ниманд̇ид̇асса. авигаббзд̇ваад̇и саммукаасаммукавасзна авигаббзд̇ваа, абарижжаж̇ид̇ваад̇и ад̇т̇о. аяан̃хи бхад̇д̇авигаббанаа наама саммукаабараммукааби ваддад̇и. д̇знааха ‘‘яо бхигку бан̃жасу сахад̇хаммигзсуу’’д̇иаад̣̇и.
Gaṇabhojane vuttanayenevāti bhikkhuṃ upasaṅkamitvā ‘‘tumhe, bhante, odanena nimantemi, odanaṃ me gaṇhathā’’tiādinā (pāci. aṭṭha. 217-218) nayena yena kenaci vevacanena vā bhāsantarena vā pañcannaṃ bhojanānaṃ aññatarassa nāmaṃ gahetvā nimantetīti vutteneva nayena . Nimantitassāti akappiyanimantanena nimantitassa. Avikappetvāti sammukhāsammukhavasena avikappetvā, apariccajitvāti attho. Ayañhi bhattavikappanā nāma sammukhāparammukhāpi vaṭṭati. Tenāha ‘‘yo bhikkhu pañcasu sahadhammikesū’’tiādi.
ан̃н̃ад̇ра ниманд̇анабхож̇анавад̇т̇усминд̇и ан̃н̃ад̇ра батамам̣ ниманд̇ид̇аа худ̇ваа ан̃н̃асмим̣ ниманд̇анз бхун̃ж̇анавад̇т̇усмим̣. яад̣̇и д̇ивид̇хаа анубан̃н̃ад̇д̇и, ат̇а гасмаа бариваарз ‘‘жад̇ассо анубан̃н̃ад̇д̇ияо’’д̇и вуд̇д̇анд̇и ааха ‘‘бариваарз банаа’’д̇иаад̣̇и. вигаббанамби г̇ахзд̇ваад̇и вигаббанаануж̇аананамби анубан̃н̃ад̇д̇исамаананд̇и анубан̃н̃ад̇д̇ибхаавзна г̇ахзд̇ваа. згасам̣садтаанийд̇и згасмим̣ миссид̇аани. ид̣̇ам̣ вуд̇д̇ам̣ ход̇и (баажи. адта. 229) – д̣̇вз д̇ийн̣и гулаани ниманд̇зд̇ваа згасмим̣ таанз нисийд̣̇аабзд̇ваа ид̇о жид̇о жа аахарид̇ваа бхад̇д̇ам̣ аагиранд̇и, суубаб̣яан̃ж̇анам̣ аагиранд̇и, згамиссагам̣ ход̇и, зд̇т̇а анаабад̇д̇ийд̇и. сажз бана мууланиманд̇анам̣ хздтаа ход̇и, бажчимам̣ бажчимам̣ убари, д̇ам̣ убарид̇о бадтааяа бхун̃ж̇анд̇асса аабад̇д̇и. хад̇т̇ам̣ бана анд̇о бавзсзд̇ваа батаманиманд̇анад̇о згамби габ̣ал̣ам̣ уд̣̇д̇харид̇ваа бхуд̇д̇агаалад̇о бадтааяа яат̇аа д̇ат̇аа ваа бхун̃ж̇анд̇асса анаабад̇д̇и. д̣̇вз д̇ийн̣и ниманд̇анаани згад̇о ваа гад̇ваа бхун̃ж̇ад̇ийд̇и д̣̇вз д̇ийн̣и ниманд̇анаани згад̇о багкибид̇ваа миссзд̇ваа згам̣ гад̇ваа бхун̃ж̇ад̇ийд̇и ад̇т̇о. ‘‘сагалзна г̇аамзна ваа’’д̇иаад̣̇ийсу сагалзна г̇аамзна згад̇о худ̇ваа ниманд̇ид̇ассзва яад̇т̇а гад̇т̇ажи бхун̃ж̇ад̇о анаабад̇д̇и. бууг̇зби зсзва наяо. ниманд̇ияамаано ваа ‘‘бхигкам̣ г̇ахзссаамий’’д̇и вад̣̇ад̇ийд̇и ‘‘бхад̇д̇ам̣ г̇ан̣хаа’’д̇и ниманд̇ияамаано ‘‘на маяхам̣ д̇ава бхад̇д̇зна ад̇т̇о, бхигкам̣ г̇ахзссаамий’’д̇и бхан̣ад̇и. гирияаагирияанд̇и зд̇т̇а бхож̇анам̣ гирияам̣, авигаббанам̣ агирияам̣.
Aññatra nimantanabhojanavatthusminti aññatra paṭhamaṃ nimantitā hutvā aññasmiṃ nimantane bhuñjanavatthusmiṃ. Yadi tividhā anupaññatti, atha kasmā parivāre ‘‘catasso anupaññattiyo’’ti vuttanti āha ‘‘parivāre panā’’tiādi. Vikappanampi gahetvāti vikappanānujānanampi anupaññattisamānanti anupaññattibhāvena gahetvā. Ekasaṃsaṭṭhānīti ekasmiṃ missitāni. Idaṃ vuttaṃ hoti (pāci. aṭṭha. 229) – dve tīṇi kulāni nimantetvā ekasmiṃ ṭhāne nisīdāpetvā ito cito ca āharitvā bhattaṃ ākiranti, sūpabyañjanaṃ ākiranti, ekamissakaṃ hoti, ettha anāpattīti. Sace pana mūlanimantanaṃ heṭṭhā hoti, pacchimaṃ pacchimaṃ upari, taṃ uparito paṭṭhāya bhuñjantassa āpatti. Hatthaṃ pana anto pavesetvā paṭhamanimantanato ekampi kabaḷaṃ uddharitvā bhuttakālato paṭṭhāya yathā tathā vā bhuñjantassa anāpatti. Dve tīṇi nimantanāni ekato vā katvā bhuñjatīti dve tīṇi nimantanāni ekato pakkhipitvā missetvā ekaṃ katvā bhuñjatīti attho. ‘‘Sakalena gāmena vā’’tiādīsu sakalena gāmena ekato hutvā nimantitasseva yattha katthaci bhuñjato anāpatti. Pūgepi eseva nayo. Nimantiyamāno vā ‘‘bhikkhaṃ gahessāmī’’ti vadatīti ‘‘bhattaṃ gaṇhā’’ti nimantiyamāno ‘‘na mayhaṃ tava bhattena attho, bhikkhaṃ gahessāmī’’ti bhaṇati. Kiriyākiriyanti ettha bhojanaṃ kiriyaṃ, avikappanaṃ akiriyaṃ.
барамбарабхож̇анасигкаабад̣̇аван̣н̣анаа нидтид̇аа.
Paramparabhojanasikkhāpadavaṇṇanā niṭṭhitā.
