| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
3. барамбарабхож̇анасигкаабад̣̇аван̣н̣анаа
3. Paramparabhojanasikkhāpadavaṇṇanā
221. д̇ад̇ияз гулабадибаадияаа аб̣б̣ожчиннам̣ гад̇ваа ниранд̇арам̣ д̣̇ияяамаанад̇д̇аа ‘‘бхад̇д̇абадибаади адтид̇аа ход̇ий’’д̇и баал̣ияам̣ вуд̇д̇ам̣, анд̇араа адтад̇ваа ниранд̇арам̣ бавад̇д̇аад̇и вуд̇д̇ам̣ ход̇и. убажааравасзнаад̇и вохааравасзна. на хи со б̣ад̣̇арамад̇д̇амзва д̣̇зд̇и, убажааравасзна бана звам̣ вад̣̇ад̇и. б̣ад̣̇аражун̣н̣асагкараад̣̇ийхи баяож̇ид̇ам̣ ‘‘б̣ад̣̇арасаал̣ава’’нд̇и вужжад̇и.
221. Tatiye kulapaṭipāṭiyā abbocchinnaṃ katvā nirantaraṃ diyyamānattā ‘‘bhattapaṭipāṭi aṭṭhitā hotī’’ti pāḷiyaṃ vuttaṃ, antarā aṭṭhatvā nirantaraṃ pavattāti vuttaṃ hoti. Upacāravasenāti vohāravasena. Na hi so badaramattameva deti, upacāravasena pana evaṃ vadati. Badaracuṇṇasakkharādīhi payojitaṃ ‘‘badarasāḷava’’nti vuccati.
226. вигаббанаавасзнзва д̇ам̣ бхад̇д̇ам̣ асанд̇ам̣ наама ход̇ийд̇и анубан̃н̃ад̇д̇ивасзна вигаббанам̣ адтабзд̇ваа яат̇аабан̃н̃ад̇д̇ам̣ сигкаабад̣̇амзва табид̇ам̣. бариваарз бана вигаббанааяа ануж̇аананамби анубан̃н̃ад̇д̇исамаананд̇и гад̇ваа ‘‘жад̇ассо анубан̃н̃ад̇д̇ияо’’д̇и вуд̇д̇ам̣. махаабажжариаад̣̇ийсу вуд̇д̇анаяам̣ бажчаа вад̣̇анд̇о баал̣ияаа сам̣санд̣̇анад̇о бараммукаавигаббанамзва бад̇идтаабзси. гзжи бана ‘‘д̇ад̣̇аа ад̇д̇ано санд̇игз табзд̇ваа бхаг̇аванд̇ам̣ ан̃н̃асса абхаавад̇о т̇зро саммукаавигаббанам̣ наагааси, бхаг̇авад̇аа жа висум̣ саммукаавигаббанаа на вуд̇д̇аа, д̇ат̇ааби саммукаавигаббанааби ваддад̇ий’’д̇и вад̣̇анд̇и. д̇знзва маад̇игааадтагат̇ааяамби (ган̇каа. адта. барамбарабхож̇анасигкаабад̣̇аван̣н̣анаа) ‘‘яо бхигку бан̃жасу сахад̇хаммигзсу ан̃н̃ад̇арасса ‘маяхам̣ бхад̇д̇абажжаасам̣ д̇уяхам̣ д̣̇аммий’д̇и ваа ‘вигаббзмий’д̇и ваа звам̣ саммукаа ваа ‘ид̇т̇аннаамасса д̣̇аммий’д̇и ваа ‘вигаббзмий’д̇и ваа звам̣ бараммукаа ваа батаманиманд̇анам̣ авигаббзд̇ваа бажчаа ниманд̇ид̇агулз лад̣̇д̇хабхигкад̇о згасид̇т̇амби аж̇жхохарад̇и, баажид̇д̇ияа’’нд̇и вуд̇д̇ам̣.
226. Vikappanāvaseneva taṃ bhattaṃ asantaṃ nāma hotīti anupaññattivasena vikappanaṃ aṭṭhapetvā yathāpaññattaṃ sikkhāpadameva ṭhapitaṃ. Parivāre pana vikappanāya anujānanampi anupaññattisamānanti katvā ‘‘catasso anupaññattiyo’’ti vuttaṃ. Mahāpaccariādīsu vuttanayaṃ pacchā vadanto pāḷiyā saṃsandanato parammukhāvikappanameva patiṭṭhāpesi. Keci pana ‘‘tadā attano santike ṭhapetvā bhagavantaṃ aññassa abhāvato thero sammukhāvikappanaṃ nākāsi, bhagavatā ca visuṃ sammukhāvikappanā na vuttā, tathāpi sammukhāvikappanāpi vaṭṭatī’’ti vadanti. Teneva mātikāaṭṭhakathāyampi (kaṅkhā. aṭṭha. paramparabhojanasikkhāpadavaṇṇanā) ‘‘yo bhikkhu pañcasu sahadhammikesu aññatarassa ‘mayhaṃ bhattapaccāsaṃ tuyhaṃ dammī’ti vā ‘vikappemī’ti vā evaṃ sammukhā vā ‘itthannāmassa dammī’ti vā ‘vikappemī’ti vā evaṃ parammukhā vā paṭhamanimantanaṃ avikappetvā pacchā nimantitakule laddhabhikkhato ekasitthampi ajjhoharati, pācittiya’’nti vuttaṃ.
229. бан̃жахи бхож̇анзхи ниманд̇ид̇асса язна язна батамам̣ ниманд̇ид̇о, д̇асса д̇асса бхож̇анад̇о уббадибаадияаа авигаббзд̇ваа ваа барасса барасса бхож̇анам̣ барамбарабхож̇ананд̇и ааха ‘‘сажз бана мууланиманд̇анам̣ хздтаа ход̇и, бажчимам̣ бажчимам̣ убари, д̇ам̣ убарид̇о бадтааяа бхун̃ж̇анд̇асса аабад̇д̇ий’’д̇и. хад̇т̇ам̣ анд̇о бавзсзд̇ваа саб̣б̣ахздтимам̣ г̇ан̣ханд̇асса маж̇жхз тид̇амби анд̇охад̇т̇аг̇ад̇ам̣ ход̇ийд̇и ааха ‘‘хад̇т̇ам̣ бана…бз… яат̇аа д̇ат̇аа ваа бхун̃ж̇анд̇асса анаабад̇д̇ий’’д̇и. кийрасса расасса жа бхад̇д̇зна амиссам̣ худ̇ваа убари тид̇ад̇д̇аа ‘‘кийрам̣ ваа расам̣ ваа бивад̇о анаабад̇д̇ий’’д̇и вуд̇д̇ам̣.
229. Pañcahi bhojanehi nimantitassa yena yena paṭhamaṃ nimantito, tassa tassa bhojanato uppaṭipāṭiyā avikappetvā vā parassa parassa bhojanaṃ paramparabhojananti āha ‘‘sace pana mūlanimantanaṃ heṭṭhā hoti, pacchimaṃ pacchimaṃ upari, taṃ uparito paṭṭhāya bhuñjantassa āpattī’’ti. Hatthaṃ anto pavesetvā sabbaheṭṭhimaṃ gaṇhantassa majjhe ṭhitampi antohatthagataṃ hotīti āha ‘‘hatthaṃ pana…pe… yathā tathā vā bhuñjantassa anāpattī’’ti. Khīrassa rasassa ca bhattena amissaṃ hutvā upari ṭhitattā ‘‘khīraṃ vā rasaṃ vā pivato anāpattī’’ti vuttaṃ.
махааубаасагод̇и г̇зхасаамиго. ‘‘махааадтагат̇ааяам̣ ‘аабад̇д̇ий’д̇и важанзна гурунд̣̇ияам̣ ‘ваддад̇ий’д̇и важанам̣ вируд̣̇д̇хам̣ вияа д̣̇иссад̇и, д̣̇виннамби ад̇хиббааяо махаабажжарияам̣ вибхаавид̇о’’д̇и махааг̇ан̣тибад̣̇зсу вуд̇д̇ам̣. саб̣б̣з ниманд̇знд̇ийд̇и агаббияаниманд̇анзна ниманд̇знд̇и. ‘‘барамбарабхож̇анам̣ наама бан̃жаннам̣ бхож̇анаанам̣ ан̃н̃ад̇арзна бхож̇анзна ниманд̇ид̇о, д̇ам̣ табзд̇ваа ан̃н̃ам̣ бан̃жаннам̣ бхож̇анаанам̣ ан̃н̃ад̇арам̣ бхож̇анам̣ бхун̃ж̇ад̇и, зд̇ам̣ барамбарабхож̇анам̣ наамаа’’д̇и вуд̇д̇ад̇д̇аа сад̇иби бхигкаажарияааяа батамам̣ лад̣̇д̇хабхаавз ‘‘бин̣д̣ааяа жарид̇ваа лад̣̇д̇хабхад̇д̇ам̣ бхун̃ж̇ад̇и, аабад̇д̇ий’’д̇и вуд̇д̇ам̣. авигаббавасзна ‘‘важийгамма’’нд̇и вуд̇д̇ам̣. сзсамзд̇т̇а уд̇д̇аанамзва. барамбарабхож̇анад̇аа, самаяаабхааво, аж̇жхохаран̣анд̇и имаани банзд̇т̇а д̇ийн̣и ан̇г̇аани.
Mahāupāsakoti gehasāmiko. ‘‘Mahāaṭṭhakathāyaṃ ‘āpattī’ti vacanena kurundiyaṃ ‘vaṭṭatī’ti vacanaṃ viruddhaṃ viya dissati, dvinnampi adhippāyo mahāpaccariyaṃ vibhāvito’’ti mahāgaṇṭhipadesu vuttaṃ. Sabbe nimantentīti akappiyanimantanena nimantenti. ‘‘Paramparabhojanaṃ nāma pañcannaṃ bhojanānaṃ aññatarena bhojanena nimantito, taṃ ṭhapetvā aññaṃ pañcannaṃ bhojanānaṃ aññataraṃ bhojanaṃ bhuñjati, etaṃ paramparabhojanaṃ nāmā’’ti vuttattā satipi bhikkhācariyāya paṭhamaṃ laddhabhāve ‘‘piṇḍāya caritvā laddhabhattaṃ bhuñjati, āpattī’’ti vuttaṃ. Avikappavasena ‘‘vacīkamma’’nti vuttaṃ. Sesamettha uttānameva. Paramparabhojanatā, samayābhāvo, ajjhoharaṇanti imāni panettha tīṇi aṅgāni.
барамбарабхож̇анасигкаабад̣̇аван̣н̣анаа нидтид̇аа.
Paramparabhojanasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 4. бхож̇анаваг̇г̇о • 4. Bhojanavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 3. барамбарабхож̇анасигкаабад̣̇аван̣н̣анаа • 3. Paramparabhojanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 3. барамбарабхож̇анасигкаабад̣̇аван̣н̣анаа • 3. Paramparabhojanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 3. барамбарабхож̇анасигкаабад̣̇аван̣н̣анаа • 3. Paramparabhojanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 3. барамбарабхож̇анасигкаабад̣̇ам̣ • 3. Paramparabhojanasikkhāpadaṃ
