| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
3. барамбарабхож̇анасигкаабад̣̇аван̣н̣анаа
3. Paramparabhojanasikkhāpadavaṇṇanā
221. ад̇хидтид̇аад̇и нижжаббавад̇д̇аа. б̣ад̣̇аражун̣н̣асаггараад̣̇ийхи яож̇ид̇ам̣ б̣ад̣̇арасаал̣авам̣. гирагаммагаарзнаад̇и гирасса гаммагаарзна.
221.Adhiṭṭhitāti niccappavattā. Badaracuṇṇasakkarādīhi yojitaṃ badarasāḷavaṃ. Kirakammakārenāti kirassa kammakārena.
226. ‘‘вигаббзд̇ваа г̇ан̣хаахий’’д̇и зд̇т̇ааху бораан̣ад̇т̇зраа ‘‘бхаг̇авад̇о саммукаа авигаббзд̇ваа г̇зхад̇о нигкамид̇ваа рат̇игааяа ан̃н̃ад̇арасса бхигкуно санд̇игз вигаббзси, вигаббзнд̇зна бана ‘маяхам̣ бхад̇д̇абажжаасам̣ ид̇т̇аннаамасса д̣̇аммий’д̇и вад̇д̇аб̣б̣ам̣, ид̇арзна вад̇д̇аб̣б̣ам̣ ‘д̇асса санд̇агам̣ барибхун̃ж̇а ваа яат̇аабажжаяам̣ ваа гарохий’’’д̇и. бан̃жасусахад̇хаммигзсууд̇и саммукаа тид̇асса сахад̇хаммигасса яасса вигаббзд̇угаамо, д̇ам̣ сахад̇хаммигам̣ ад̣̇исваа г̇ахадтасса ваа санд̇игз, саяамзва ваа ‘‘бан̃жасу сахад̇хаммигзсу ид̇т̇аннаамасса вигаббзмий’’д̇и вад̇ваа бхун̃ж̇ид̇аб̣б̣анд̇и згз, звам̣ сад̇и т̇зро д̇асмим̣язва нисиннова д̇ат̇аа ваажам̣ нижчаарзд̇ваа бадиг̇г̇ан̣хаад̇ийд̇и д̇агго д̣̇иссад̇и. махаабажжарияаад̣̇ийсу бана бараммукаа вигаббанаава вуд̇д̇аа, саа ‘‘д̇зна хаананд̣̇а, вигаббзд̇ваа г̇ан̣хаахий’’д̇и иминаа самзд̇и, д̇ат̇ааби маад̇игаадтагат̇ааяам̣ (ган̇каа. адта. барамбарабхож̇анасигкаабад̣̇аван̣н̣анаа) ‘‘д̇асмаа яо бхигку бан̃жасу сахад̇хаммигзсу ан̃н̃ад̇арасса ‘маяхам̣ бхад̇д̇абажжаасам̣ д̇уяхам̣ д̣̇аммий’д̇и ваа ‘вигаббзмий’д̇и ваа звам̣ саммукаа ваа ‘ид̇т̇аннаамасса д̣̇аммий’д̇и ваа ‘вигаббзмий’д̇и ваа звам̣ бараммукаа ваа’’д̇и важанад̇о сахад̇хаммигасса санд̇игз зва вад̇д̇аб̣б̣ам̣, на саяамзваад̇и д̣̇иссад̇и. яасмаа аяам̣ бажчиманаяо бораан̣аг̇ан̣тибад̣̇знаби самзд̇и, д̇асмаа ид̇ха маад̇игаадтагат̇аанусаарзна ад̇т̇о взд̣̇ид̇аб̣б̣о. зд̇т̇а гин̃жааби ‘‘д̇з мануссаа…бз… бхож̇анамад̣̇ам̣суу’’д̇и важанад̇о агаббияаниманд̇анам̣ бан̃н̃ааяад̇и, д̇ат̇ааби т̇зрасса гуггужжуббад̇д̇игааран̣зна бхад̇д̇зна со ниманд̇ид̇од̇и взд̣̇ид̇аб̣б̣о. ан̃н̃ат̇аа барад̇о ‘‘д̣̇вз д̇аяо ниманд̇анз згад̇о бхун̃ж̇ад̇ий’’д̇и важанзна, анаабад̇д̇иваарзна жа вируж̇жхад̇и.
226.‘‘Vikappetvā gaṇhāhī’’ti etthāhu porāṇattherā ‘‘bhagavato sammukhā avikappetvā gehato nikkhamitvā rathikāya aññatarassa bhikkhuno santike vikappesi, vikappentena pana ‘mayhaṃ bhattapaccāsaṃ itthannāmassa dammī’ti vattabbaṃ, itarena vattabbaṃ ‘tassa santakaṃ paribhuñja vā yathāpaccayaṃ vā karohī’’’ti. Pañcasusahadhammikesūti sammukhā ṭhitassa sahadhammikassa yassa vikappetukāmo, taṃ sahadhammikaṃ adisvā gahaṭṭhassa vā santike, sayameva vā ‘‘pañcasu sahadhammikesu itthannāmassa vikappemī’’ti vatvā bhuñjitabbanti eke, evaṃ sati thero tasmiṃyeva nisinnova tathā vācaṃ nicchāretvā paṭiggaṇhātīti takko dissati. Mahāpaccariyādīsu pana parammukhā vikappanāva vuttā, sā ‘‘tena hānanda, vikappetvā gaṇhāhī’’ti iminā sameti, tathāpi mātikāṭṭhakathāyaṃ (kaṅkhā. aṭṭha. paramparabhojanasikkhāpadavaṇṇanā) ‘‘tasmā yo bhikkhu pañcasu sahadhammikesu aññatarassa ‘mayhaṃ bhattapaccāsaṃ tuyhaṃ dammī’ti vā ‘vikappemī’ti vā evaṃ sammukhā vā ‘itthannāmassa dammī’ti vā ‘vikappemī’ti vā evaṃ parammukhā vā’’ti vacanato sahadhammikassa santike eva vattabbaṃ, na sayamevāti dissati. Yasmā ayaṃ pacchimanayo porāṇagaṇṭhipadenapi sameti, tasmā idha mātikāṭṭhakathānusārena attho veditabbo. Ettha kiñcāpi ‘‘te manussā…pe… bhojanamadaṃsū’’ti vacanato akappiyanimantanaṃ paññāyati, tathāpi therassa kukkuccuppattikāraṇena bhattena so nimantitoti veditabbo. Aññathā parato ‘‘dve tayo nimantane ekato bhuñjatī’’ti vacanena, anāpattivārena ca virujjhati.
229. зд̇т̇ааяам̣ вижааран̣аа – ‘‘ан̃н̃о мануссо бад̇д̇ам̣ г̇ан̣хаад̇и, на д̣̇аад̇аб̣б̣а’’нд̇и важанад̇о абарабхааг̇з агаббияаниманд̇анзна над̇т̇и баяож̇анам̣, буб̣б̣абхааг̇зязва агаббияаниманд̇анзна баяож̇ананд̇и свзби бханд̇з ааг̇ажчзяяаат̇аад̇и зд̇т̇а гад̇арам̣ агаббияаниманд̇анам̣, д̇асмаа ад̇хиббааяо жзд̇т̇а бамаан̣анд̇и. на, ‘‘бин̣д̣ааяа жарид̇ваа лад̣̇д̇хабхад̇д̇ам̣ бхун̃ж̇ад̇и, аабад̇д̇ий’’д̇и важанад̇од̇и. д̇ад̇т̇а ‘‘свзби бханд̇з’’д̇и зд̇т̇а яат̇аа важанамад̇д̇ам̣ аг̇г̇ахзд̇ваа агаббияаниманд̇анаггамзна ад̇т̇о г̇ахид̇о, д̇ат̇аа ‘‘бин̣д̣ааяа жарид̇ваа’’д̇и зд̇т̇ааби анд̇араа агаббияаниманд̇анзна лад̣̇д̇хабхад̇д̇ам̣ санд̇хааяа вуд̇д̇анд̇и ад̇т̇о г̇ахзд̇аб̣б̣о. бин̣д̣ааяа хи жаранд̇ам̣ д̣̇исваа ‘‘зд̇т̇а, бханд̇з, бхад̇д̇ам̣ г̇ан̣хат̇аа’’д̇и д̣̇иннамби агаббияаниманд̇анзна лад̣̇д̇хам̣ наама ход̇и. вохаарзна бана ‘‘бин̣д̣ааяа жарид̇ваа лад̣̇д̇хабхад̇д̇а’’нд̇и вужжад̇и, звам̣самбад̣̇амид̣̇ам̣ д̣̇адтаб̣б̣ам̣. ан̃н̃ат̇аа маад̇игаадтагат̇ааяам̣ ‘‘г̇ан̣абхож̇анз вуд̇д̇анаязнзва бан̃жахи бхож̇анзхи ниманд̇ид̇асса…бз… барасса барасса бхож̇анз’’д̇и вуд̇д̇аважанавирод̇хо. ид̣̇ан̃хи важанам̣ язна батамам̣ ниманд̇ид̇о, д̇ад̇о батаманиманд̇ид̇ам̣ аад̣̇ааяа г̇ад̇о барасса барасса ниманд̇анагад̣̇ааяагасса бхож̇анзд̇и ад̇т̇абарид̣̇ийбанад̇о ниманд̇анад̇о лад̣̇д̇хабхад̇д̇асса бхож̇анзязва аабад̇д̇ийд̇и д̣̇ийбзд̇и. ‘‘д̣̇вз д̇аяо ниманд̇анз згад̇о’’д̇и важанзнаби самзд̇и, ан̃н̃ат̇аа ‘‘язна ниманд̇ид̇о, д̇асса бхож̇анад̇о барасса бхож̇анз’’д̇и зд̇д̇агам̣ вад̇д̇аб̣б̣ам̣ сияаа, баал̣ияам̣ ваа ‘‘ниманд̇анзна згад̇обхун̃ж̇ад̇ий’’д̇и зд̇д̇агам̣ вад̇д̇аб̣б̣ам̣ сияаа. д̣̇уд̇ияаниманд̇анасса батамабхож̇анз аабад̇д̇иббасан̇г̇анивааран̣ад̇т̇ам̣ ‘‘язна язнаа’’д̇иаад̣̇и вуд̇д̇ам̣. ниманд̇анабадибаадияаа бхун̃ж̇ад̇ийд̇и баал̣ийд̇и жз? на, ‘‘анаабад̇д̇и нижжабхад̇д̇з’’д̇иаад̣̇ибаал̣ивирод̇хад̇о.
229. Etthāyaṃ vicāraṇā – ‘‘añño manusso pattaṃ gaṇhāti, na dātabba’’nti vacanato aparabhāge akappiyanimantanena natthi payojanaṃ, pubbabhāgeyeva akappiyanimantanena payojananti svepi bhante āgaccheyyāthāti ettha kataraṃ akappiyanimantanaṃ, tasmā adhippāyo cettha pamāṇanti. Na, ‘‘piṇḍāya caritvā laddhabhattaṃ bhuñjati, āpattī’’ti vacanatoti. Tattha ‘‘svepi bhante’’ti ettha yathā vacanamattaṃ aggahetvā akappiyanimantanakkamena attho gahito, tathā ‘‘piṇḍāya caritvā’’ti etthāpi antarā akappiyanimantanena laddhabhattaṃ sandhāya vuttanti attho gahetabbo. Piṇḍāya hi carantaṃ disvā ‘‘ettha, bhante, bhattaṃ gaṇhathā’’ti dinnampi akappiyanimantanena laddhaṃ nāma hoti. Vohārena pana ‘‘piṇḍāya caritvā laddhabhatta’’nti vuccati, evaṃsampadamidaṃ daṭṭhabbaṃ. Aññathā mātikāṭṭhakathāyaṃ ‘‘gaṇabhojane vuttanayeneva pañcahi bhojanehi nimantitassa…pe… parassa parassa bhojane’’ti vuttavacanavirodho. Idañhi vacanaṃ yena paṭhamaṃ nimantito, tato paṭhamanimantitaṃ ādāya gato parassa parassa nimantanakadāyakassa bhojaneti atthaparidīpanato nimantanato laddhabhattassa bhojaneyeva āpattīti dīpeti. ‘‘Dve tayo nimantane ekato’’ti vacanenapi sameti, aññathā ‘‘yena nimantito, tassa bhojanato parassa bhojane’’ti ettakaṃ vattabbaṃ siyā, pāḷiyaṃ vā ‘‘nimantanena ekatobhuñjatī’’ti ettakaṃ vattabbaṃ siyā. Dutiyanimantanassa paṭhamabhojane āpattippasaṅganivāraṇatthaṃ ‘‘yena yenā’’tiādi vuttaṃ. Nimantanapaṭipāṭiyā bhuñjatīti pāḷīti ce? Na, ‘‘anāpatti niccabhatte’’tiādipāḷivirodhato.
г̇ан̣тибад̣̇з бана ‘‘бин̣д̣ааяа жарид̇ваа лад̣̇д̇хабхад̇д̇ам̣ гасмаа бхун̃ж̇ид̇ум̣ на лабхад̇ийд̇и жз? ‘барамбарабхож̇анам̣ наама бан̃жаннам̣ бхож̇анаанам̣ ан̃н̃ад̇арзна бхож̇анзна ниманд̇ид̇о, д̇ам̣ табзд̇ваа бан̃жаннам̣ бхож̇анаанам̣ ан̃н̃ад̇арам̣ бхож̇анам̣ бхун̃ж̇ад̇и, зд̇ам̣ барамбарабхож̇анам̣ наамаа’д̇и вуд̇д̇ад̇д̇аа’’д̇и ликид̇ам̣. яад̣̇и звам̣ нижжабхад̇д̇аад̣̇игамби на ваддад̇ийд̇и аабаж̇ж̇ад̇ийд̇и нижжабхад̇д̇аад̣̇и од̣̇иссаганд̇и жз? д̇ам̣ на, д̇ад̣̇ан̃н̃асса ад̇д̇ано д̇ханзна нибпаннасса, сан̇гхад̇о лад̣̇д̇хасса ваа баад̇о бажанагаяааг̇у жз гханаа ход̇и, д̇ассааби, згагудигам̣ г̇аамам̣ убаниссааяа вихарад̇о бхигкаажарияавасзна лабхид̇аб̣б̣анижжабхад̇д̇асса жа агаббияабхааваббасан̇г̇ад̇о. д̇ад̇т̇а бхигкаажарияавасзна лад̣̇д̇хам̣ на габбад̇и ниманд̇анагаанам̣ аббасаад̣̇ааваханад̇од̇и жз? на, ‘‘бан̃жа бхож̇анаани табзд̇ваа саб̣б̣ад̇т̇а анаабад̇д̇ий’’д̇и важанавирод̇хад̇о. каад̣̇анийяамби хи барасса каад̣̇ид̇ваа бхуд̇д̇ад̇д̇аа ниманд̇анабхож̇анам̣ абхун̃ж̇анд̇о аббасаад̣̇ам̣ гарод̇и зва, д̇асмаа аббасаад̣̇аавахам̣ аббамаан̣ам̣, д̇асмаа нижжабхад̇д̇аад̣̇и од̣̇иссагам̣ на самбхавад̇и. абижа хздтаа вуд̇д̇анаязна сад̣̇д̇хим̣ ид̇ха вуд̇д̇анаязна сам̣санд̣̇ид̇ваа яам̣ яам̣ камад̇и, д̇ам̣ д̇ам̣ г̇ахзд̇аб̣б̣анд̇и саб̣б̣оби гзсан̃жи аажарияаанам̣ винижчаяо. аажарияасса бана винижчаяо анд̇з аави бхависсад̇и. ‘‘кийрам̣ ваа расам̣ ваа бивад̇о амиссамбийд̇и ад̇хиббааяо’’д̇и вуд̇д̇ам̣. г̇ан̣тибад̣̇з ‘‘хздтаа од̣̇анзнаамиссзд̇ваа убари д̇идтад̇ий’’д̇и ликид̇ам̣.
Gaṇṭhipade pana ‘‘piṇḍāya caritvā laddhabhattaṃ kasmā bhuñjituṃ na labhatīti ce? ‘Paramparabhojanaṃ nāma pañcannaṃ bhojanānaṃ aññatarena bhojanena nimantito, taṃ ṭhapetvā pañcannaṃ bhojanānaṃ aññataraṃ bhojanaṃ bhuñjati, etaṃ paramparabhojanaṃ nāmā’ti vuttattā’’ti likhitaṃ. Yadi evaṃ niccabhattādikampi na vaṭṭatīti āpajjatīti niccabhattādi odissakanti ce? Taṃ na, tadaññassa attano dhanena nipphannassa, saṅghato laddhassa vā pāto pacanakayāgu ce ghanā hoti, tassāpi, ekakuṭikaṃ gāmaṃ upanissāya viharato bhikkhācariyavasena labhitabbaniccabhattassa ca akappiyabhāvappasaṅgato. Tattha bhikkhācariyavasena laddhaṃ na kappati nimantanakānaṃ appasādāvahanatoti ce? Na, ‘‘pañca bhojanāni ṭhapetvā sabbattha anāpattī’’ti vacanavirodhato. Khādanīyampi hi parassa khāditvā bhuttattā nimantanabhojanaṃ abhuñjanto appasādaṃ karoti eva, tasmā appasādāvahaṃ appamāṇaṃ, tasmā niccabhattādi odissakaṃ na sambhavati. Apica heṭṭhā vuttanayena saddhiṃ idha vuttanayena saṃsanditvā yaṃ yaṃ khamati, taṃ taṃ gahetabbanti sabbopi kesañci ācariyānaṃ vinicchayo. Ācariyassa pana vinicchayo ante āvi bhavissati. ‘‘Khīraṃ vā rasaṃ vā pivato amissampīti adhippāyo’’ti vuttaṃ. Gaṇṭhipade ‘‘heṭṭhā odanenāmissetvā upari tiṭṭhatī’’ti likhitaṃ.
махааубаасагод̇и г̇зхасаамиго. махааадтагат̇ааяам̣ ‘‘аабад̇д̇ий’’д̇и важанзна гурунд̣̇ияам̣ ‘‘ваддад̇ий’’д̇и важанам̣ вируд̣̇д̇хам̣ вияа д̣̇иссад̇и. ‘‘д̣̇виннамби ад̇хиббааяо махаабажжарияам̣ вижаарид̇о’’д̇и ликид̇ам̣. ‘‘жаарид̇д̇ад̇од̇и ‘санд̇ам̣ бхигкум̣ анаабужчаа’д̇и барад̇о вад̇д̇аб̣б̣ад̇о’’д̇и вуд̇д̇ам̣. важийгаммам̣ авигаббанам̣. зд̇т̇а ‘‘махааубаасаго бхигкуу ниманд̇зд̇и…бз… бажчаа лад̣̇д̇хам̣ бхад̇д̇ам̣ бхун̃ж̇анд̇асса аабад̇д̇и. бин̣д̣ааяа жарид̇ваа лад̣̇д̇хабхад̇д̇ам̣ бхун̃ж̇ад̇и, аабад̇д̇ий’’д̇и адтагат̇ааяам̣ важанад̇о, ‘‘гаалассзва бин̣д̣ааяа жарид̇ваа бхун̃ж̇имхаа’’д̇и баал̣ид̇о, канд̇хагз ‘‘на жа, бхигкавз, ан̃н̃ад̇ра ниманд̇анз ан̃н̃асса бхож̇ж̇аяааг̇у барибхун̃ж̇ид̇аб̣б̣аа, яо барибхун̃ж̇зяяа, яат̇аад̇хаммо гаарзд̇аб̣б̣о’’д̇и (махаава. 283) важанад̇о жа ниманд̇зд̇ваа ваа бавзд̣̇зд̇у аниманд̇зд̇ваа ваа, батамаг̇ахид̇аниманд̇анасса бхигкуно батаманиманд̇анабхож̇анад̇о ан̃н̃ам̣ яам̣ гин̃жи барасанд̇агам̣ бхож̇анам̣ барамбарабхож̇анаабад̇д̇им̣ гарод̇и. ад̇д̇ано санд̇агам̣, сан̇гхаг̇ан̣ад̇о лад̣̇д̇хам̣ ваа аг̇ахадтасанд̇агам̣ ваддад̇и, ниманд̇анад̇о батамам̣ ниб̣ад̣̇д̇хад̇д̇аа бана нижжабхад̇д̇аад̣̇и барасанд̇агамби ваддад̇и. канд̇хагз ‘‘на жа , бхигкавз…бз… яат̇аад̇хаммо гаарзд̇аб̣б̣о’’д̇и (махаава. 283) важанам̣ барасанд̇агабхож̇анавуд̇д̇анияаманам̣. д̇ад̇о хад̇т̇агова но д̇аггод̇и аажарияо.
Mahāupāsakoti gehasāmiko. Mahāaṭṭhakathāyaṃ ‘‘āpattī’’ti vacanena kurundiyaṃ ‘‘vaṭṭatī’’ti vacanaṃ viruddhaṃ viya dissati. ‘‘Dvinnampi adhippāyo mahāpaccariyaṃ vicārito’’ti likhitaṃ. ‘‘Cārittatoti ‘santaṃ bhikkhuṃ anāpucchā’ti parato vattabbato’’ti vuttaṃ. Vacīkammaṃ avikappanaṃ. Ettha ‘‘mahāupāsako bhikkhū nimanteti…pe… pacchā laddhaṃ bhattaṃ bhuñjantassa āpatti. Piṇḍāya caritvā laddhabhattaṃ bhuñjati, āpattī’’ti aṭṭhakathāyaṃ vacanato, ‘‘kālasseva piṇḍāya caritvā bhuñjimhā’’ti pāḷito, khandhake ‘‘na ca, bhikkhave, aññatra nimantane aññassa bhojjayāgu paribhuñjitabbā, yo paribhuñjeyya, yathādhammo kāretabbo’’ti (mahāva. 283) vacanato ca nimantetvā vā pavedetu animantetvā vā, paṭhamagahitanimantanassa bhikkhuno paṭhamanimantanabhojanato aññaṃ yaṃ kiñci parasantakaṃ bhojanaṃ paramparabhojanāpattiṃ karoti. Attano santakaṃ, saṅghagaṇato laddhaṃ vā agahaṭṭhasantakaṃ vaṭṭati, nimantanato paṭhamaṃ nibaddhattā pana niccabhattādi parasantakampi vaṭṭati. Khandhake ‘‘na ca , bhikkhave…pe… yathādhammo kāretabbo’’ti (mahāva. 283) vacanaṃ parasantakabhojanavuttaniyamanaṃ. Tato hatthakova no takkoti ācariyo.
барамбарабхож̇анасигкаабад̣̇аван̣н̣анаа нидтид̇аа.
Paramparabhojanasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 4. бхож̇анаваг̇г̇о • 4. Bhojanavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 3. барамбарабхож̇анасигкаабад̣̇аван̣н̣анаа • 3. Paramparabhojanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 3. барамбарабхож̇анасигкаабад̣̇аван̣н̣анаа • 3. Paramparabhojanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 3. барамбарабхож̇анасигкаабад̣̇аван̣н̣анаа • 3. Paramparabhojanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 3. барамбарабхож̇анасигкаабад̣̇ам̣ • 3. Paramparabhojanasikkhāpadaṃ
